طريقة عمل الفاصوليا البيضاء بالطريقة المغربية / اللوبيا البيضاء

نقدم لكم الجزء الثالث من سلسلة قصة من أنا؟ للكاتبة و المدونة ياسمين إكرام، نتمنى أن تعجبكم السلسلة. سلسلة قصص مغربية بالدارجة.

 

🌹بِدَايَة جَدِيدَة🌹

🍀البارت:71🍀

ساطت فاتن:خليني اختي نغسل ماعني تفرقي عليا

سارة:غادي يكون كتعجبو و لا شي حاجة بحال هكا باينة في عينيه كيشوف فيها في شكل

فاتن:(مكملا لغسيل)ياكما ختي نتي طبيبة نفسية وحنا مافي خبارناش وليتي تحلي عينين لواحد ههه ياك كتشوفي داكشي لكنشوف وكنجلسو في وقت واحد 

انا كنشوفو ماكهزش فيها راس كاع مكيشوفش جيهتها

سارة:حولو قشعها ملي كانت لاطاش فيها صباح

فاتن: جاني عادي اي واحد بغا ينوض من وسط لمجمع بلا شعور كتهزي عينيك

سارة:فيلسوفة خطيرة فين كانت هاد لفلسفة ملي كنتي تجيبي فيها ربعاوات

فاتن:بفف فرقيني عليك اختي 

سارة:غير تسناي ونبصم ليك عليها حتى كتعجبو مكتفهميش نتي داك شي

فاتن:(حطات يديها على خصرها)اييه ياشيخة كتفهميه غير نتي لكظلي مع زوافريا 

سارة:هادوك غير ديزامي ماشي بحالك المعقدة 

فاتن:بصحتي اختي

 🌻🌻🌻🌻🌻🌻🌻🌻🌻

دخلات عندها لبيت لقات الظلام من غير ضوء لخفيف لداخل من النافذة ....واقفة حدا نافذة كتشوف في الشتاء لكتساقط و الشارع كيصفر 

كيفما كان مند 16سنة نفس الفتاة نفس الجو كيختلف المكان والسنين لردت طفلة في عمر الزهور فتاة في ريعان شباب.. زادت حلاوة و جمال وزاد طولها وعرضها ولكن هل القلب ولإحساس نفسه ..كانت تفتقد لحنان لأب ولآن كذا لأم لتيلفون كيف كنقولو مايبرد جوف كانت همها تلبس جديد وتفرح في العيد واخا كانو غير أحلام ..أحلام بسيطة دابا خاصها أم وبيت وقرايتها وخدمة تقوت منها هادا هو حلمها ....حلم كيستصعب عليها في هاد اللحضة ..بقات شاردة الذهن الا أن حسات بشي يد كتململها ..للحظة رجعات سنين لور لحظة لحطات عليها لأم ديالها يديها وهي كانت منغامسة مع المطر ...داارت عندها كتمسح الدمعة لنزلت بدون شعور :نعام اخالتي 

خديجة:الله ابنتي عيطت عليك حتى عيت ونتي مكتسمعيش فين كان عقلك

ردت وهي متوجها تجلس في السرير:لا والو غير تفكرت ماما

جليات بجانبها ..كطبطب ات ليها على شعرها بحنان:غير صبري وديري فراسك غادي تلاقاو

ردت :ان شاء الله 

هزات صينية لكانت محطوطة فوق طابلة صغيرة :الله يتبتنا على الشهادة نسيت ماجبت ليك واخا غير بتي بان باش مايلعبش عليك الدوا نوض نجيبو 

شداتها عبير قبل تنوض: بلاش شبعانة (مدات يديها تهز الدوا كتقرا فيه)ديال لوجع لغيكل (شافت فيها بعتاب)خالتي علاش عدبتي راسك في هاد الجو راني لباس مافيا والو وجيعة جاتني ومشات دغيا مكانش لاش

ابتاسمات خديجة:راه جابو حذيفة ملي قلت ليه عيانة بلا مايعرف اش بيك ناض على طابلة مكملش حتى ماكلتو جابو هو وهاد شي (شارت ليها لطابلة)عاد جلس كال

ردت بحرج كتحك في وذنيها :مكانش عليه يعذب راسو ميحتاجش دوا ...الله يكثر خيرو دايرني بحال لبنات ربي يجازيه بالخير 

خديجة :امين يارب حنين ومايأدي حد يجيب ليه ربي شي بنت ناس ونشوف وليداتو بعيني هادي هي دنيا ومافيها هديك الساعة نمشي مرتاحة من جيهتو 

طبطبات ليها على يديها بابتسامة :متقوليش هكاك ان شاء الله تشوفي ولادو و ولاد ولادو وتكبريهم نتي علي يديك

بابتسامة:ان شاء الله يارب.. هداك لولد كولشي يقوليك اه حتى تجبدي ليه زواج يتسيف بحال جبدتي ليه شيطان

ردت بضحك خفيفة:مكاتيب اخالتي القدر

خديجة ناضت :هداكشي لكاين يالاه

 كولي بعدا غير داكشي وخلي دوا حتى تحسي بشي وجيعة وشربيه

خلاتها كتاكل في دانون وشكلاط  وخرجات طلات على الكوزينة لقاتها نقية ولماعن في بلاصتهم .....دخلات لبيت فين كانو محنين لبنات على الكتوبة كيبرياريو عندهم لكزام..جلسات حداهم:الله يرضي عليكم بقاو بحال هكا 

هزو راسهم فيها بابتسامة:علاش اش كنديرو 

تنهدات: قابلو كتوباتكم وبراكا من ترطياا 

سارة:(دايرا ستيلو في فمها )كيبقات عبير

ردت كتقلب في التلفازة:مافيهاش الوجع غير وكان وجهها صفر

بقات جالسة حداهم كتفرج في تلفازة حتى أذن العشا وناضت صلاتو وتوجهات لكوزينة توجد شي حاجة خفيفة لعشاا...ردات روز بمطيشة وكفتة يطيب وطلات على عبير تهز لبلاطو لقاتها ناعسة وشعرها مغطيها هزات لبلاطو من حداها وتوجهات لكوزينة ......

تجمعو على العشاء بعدما خرج حذيفة الظاهر عليه مدوش ومريح جلس حداهم كيسول على أحوال الدراسة حتى نفض يديه بغا ينوض

 قالت سارة:غدا من ورا لكور غادي نخرجو مع عبير

خديجة:ايه وهاد البرد والشتا 

حط يديه على رجليه :ماشي وقت لخروج كتشوفي لجو كيف داير

فاتن:هي مغادينش ندورو

شاف فيها :واش غادي ديرو بسلامة

ذ

سارة:عبير مسكينة محتاجة خدمة ولقينا واحد البوتيك جديد قلنا نشوفو واش محتاجين شي فوندوز

خديجة: فوندوز شنو هادي تاني ؟

فاتن :تبيع ليهم الحوايج اماما 

طلع في سارة عينيه بعدما كان حانيهم كيتصنت :لجو خايب ولبنت عيانة خلي حتى تفوت هاد لأيام

فاتن: ولكن راه تقدر تمشي ليها لخدمة 

سارة: اه نمشيو نسولو ورجعو

تنهد ناض :الا صبحات مزيانة تلبس مزيان وقضيو غراضكم 

شافو في بعضياتهم وتبسمات سارة كتقوليها سمعي اش قلت ليك اما خديجة جالسة تمضغ ...

حتى وصل لباب ودار جهت سارة :شربات الدوا

خديجة: ديتو ليها وكان فاتها لحال

🌹بِدَايَة جَدِيدَة🌹

🍀البارت:72🍀

خديجة :  ديتو ليها وكان فاتها الحال شكراتك بزاف..

تبسم ودار غادي يختلي بنفسو بحال عادتو 

جلس على كانابي ونزل راسو كيحك عينيه ويتبسم وفي نفس الوقت كيتنهد...شخصية غامضة بكل ما كتحمل  الكلمة من معنى حدودي و إنطوائي لأبعد حد ..سكوتي لهضرة تقول كيشريها 

كيحسب الكلام لغادي يخرج عاد كيقولو

كيدير الخير ويبقا فيه الضعيف والمحتاج.. شخصية تختلف عن باقي رجال لما لا وكلا و كيتميز بشخصيتو.............................................

🌿🌿🌿🌿🌿🌿

لإنسان في لأصل كيتولد بالفطرة ولكن كيفاش ترعرع من المهد مرورا بالطفولة و حتى الشباب كتبلور شخصيتوو.....

كيفاش نظرة ديالو الحياة ...كيفاش تفكيرو داير ....كيفاش كيشوف الأمور

رغم أن الخوت كيشتاركو في الدم... الأهل

.. المسكن وغيرها.... ولكن كتلقا كل فرد وشخصيتو... الأمر كيتوقف كيف تم معامالتو من المهد...

 كل أمر كيكون عند الأباء بهين عند لأطفال كيكون نقطة لتقدر تغير شخصيتو من سيئ الحسن والعكس صحيح.....

لهذا لأباء واجب يتعاملو مع لأبناء ديالهم بحذر شديد خصوصا في مرحلة لكتكون مرحلة إكتساب لكتمكن فيها الطفل بلإتقاط كل ماشاف وسمع و رأى يامن لأباء ولا المجتمع لداير بيهم.

🌿🌿🌿🌿🌿

ناض هز تيلي لكان ملاوح فوق السرير ودخل كيتصفح مواقع التواصل لإجتماعي.. دخل لغوشيغش وكتب اسمها🌹عبير

لإسم لكيجيه صعيب ينطق بيه و كتعقد ليه لسانو الا بغا ينطقو ...

طلعو ليه بزااف ديال لبروفي لدايرا تصاورها... لمدايراش تلف وهو يدخل لبروفي ديال سارة ويقلب على لليزامي انكومانظ بانت ليه سميت عبير دايرا في لبروفي زهرة سوداء اللون

 تنهد ... .....دار فايس جديد ودخل بسمية مختالفة 

سيفط ليها انفيت ...كتب ليها مساج وسد الويفي ومشا وقف حدا النافذة لكطل على قدام الدار فين كتوجد جردة مشتركة مع عمارة لمقابلة معاهم حل النافذة و الهواء البارد بدا كحرك في شعرو  غمض عينيه كينعش صدرو

بعد مدة سد الشرجم وتوجه لفراشو بعدما طفا الضوء كيتمتم بأذكار المساء...................

🏜كانت في الكوزينة كتوجد في الغدا وابتسامة كتفلت ليها وهي كتدندن مع أغنية اليسا حالة حب 

كدور  في أطراف الكوزينة .. ..شعرها مجموع كعكة ومحزمة بطابلية.....

سمعات لأنترفون....وهي تحط البطاطة لكانت هازة مسحات يديها وتوجهات ليه ..كانت خديجةطالبة منها تنزل تعاونها في حمل التقدية ...

هزات سوارت .....سدات الباب ونزلات عندها لقاتها جالسة في الدروج و القفة لبروايضها مملوؤة حداها.... ساعدتها بالحمل ديالها واخا عندها الروايض ولكن مع الدروج صعيبة ....

تمكنو من توصيلها لطابق ديالهم بعناء ...خدات النفس عبير وجراتها دخلتها لكوزينة خلات خديجة مزال واقفاا ترد النفس

..رجعات تكمل الغداا في حين خديجة دخلت خدات كاس لما شرباتو وجلسات ترتاح في صالا مونجي حداها .......

ردات لغدا وجرات القفة كتجبد منها لكتحتوي عليه قفة لأسبوع من خضر و فواكه حبوب ولحوم وغيرهاا ..وحتى مواد التنظيف ....

خديجة:ياربي سلامة شحفت وعرقت هادشي غير الجو بارد 

ردت:كون غير خليتيني مشيت معاك نعاونك شويا

خديجة: حتى نتي عيانا و منها نيت طيبتي دوك لخبزات تهنينا منهم نوض نقاد هادشي في ثلاجة 

عبير:غير سيري ارتاحي راك جيتي عيانة انا نقاد نيت ساليت الشغل 

خديجة:نتوضا نصلي الظهر بعدا

ناضت خديجة كتمشى غير بزز ..

تبعاتها عبير بعينيها وناضت قادات تقدية كلا في موضعو 

تسمع الصونيط في الباب توجهات تحل وهي عارفا لبنات لصوتهم واصل قبل منهم 

دخلو كيضحكو تجمعو في البيت 

سارة:كيف بقيتي 

شافت فيها عبير :صافا 

فاتن:وجهك مزال صفر ياك مجاكش بعدا لوجع

ردت بابتسامة:لا الحمد الله انا بخير كيف دوزتو صباحكم

سارة:مزيان بداو يعلمونا بلكزاام

تنهدات عبير وسهات كتفكر في قرايتها وصحابهافي هاد الفترة قرب لزيكزام كون مجموعين كيبريباريو 

..فيقتها غير يد سارة كتحرك فيها رجعات الواقع

 ديالها:نعام

فاتن:من قبيلة وحنا نهضرو معاك 

ردت : سهيت سمحولي 

غادي تكونو جعتو نمشي نطفي على الكوكوط 

مشات الكوزينة ....طفات على الكوكوط ودارت المقلة كتقلي الفريت ...رجعات سهات فكروها في قرايتها في الجرح لباقي جديد ...

هربات يديها ملي حساتها تحرقات نزلات عينيها كان الزيت طار عليها توجهات روبيني تبرد هداك الصبع لتقاس...خوات عليه لما  كيشوي فيها تنهدات ورجعات كملات القلي ...

هزات حقها في طبيسيل صغير مع الخبز وديسير دارتهم في صينية ودخلاتو البيت خلات لبنات ماتو عليها بضحك كانو كيقادو كتوبتهم 

سارة:وليتي بحال لفار مالك على حالتك غادي يقطع ليك راسك

ردت عليها :كنحشم

فاتن :كون تشوفك ماما

سارة:ههه فين هي مبانتش لي 

عبير:كانت باغا توضا تصلي 

فاتن :راه في لبيت صغير هو لكتصلي فيه 

عبير:الا سولات خالتي قولو ليها عيانة مافيا لياكل معنديش شهية اي حاجة

سارة:ههعع بغيت نعرف تالين غادي تبقاي هكا طوال الزمان ولا قصار غادي تلالقاو لاهما هني بالك

تسرحات فوق سرير بعدما كانت جالسة: خليني اختي سدو معاكم لباب وملي يمشي نمشيو لهداك لبوتيك 

🌹بِدَايَة جَدِيدَة🌹

🍀البارت:73🍀

تحل لباب دخل الكوزينة حط الميكة ديال السقاطة وتوجه لبيتو يبدل حويج ويصلي الظهر ...

خرج لقاهم مجموعين في لبيت الا هي... باس مو في راسها عنكش لبنات خلاهم كيفرنسو وجلس حاط يديه على ركبتو كيقلب في التلفازة ...حتى استقر على لأخبار وخلاها كيتصنت دور عينه في لبنات:مكاينش لغدا ؟

ناضو بجوج خرجو كيتجاراو 

خلاوه كيحرك راسو بلاحول ولا قوة الا بالله

تلفت عند لام ديالو : لباس عليك كتباني مصخصخة؟

ردت عليه:كنت في السوق ليوم راك عارف

تنهد: رخفي على راسك الوالدة لا خصاتك شي حاجة كتبيها لي نجيبها علاش تعي راسك ولا بغيتي تمشي معايا تقداي راسك نديك بطوموبيل تقداي براحتك 

ابتاسمت: لهلا يخطيك علينا كنرتاح ملي كنتلاقا بالحباب ونجمعو ونتا اوليدي معندكش لوقت 

ابتاسم :الا معندي وقت نديروه كلشي يهون على قبلك 

ردت:الله يرضي عليك

تحنا باس ليها يديها :اش درنا داباا 

ابتاسمت :غادي غير نعطلك وانا مانرتاحش في الحديت 

تبسم ابتسامة خافتة 

ورجع كيشوف في التلفازة..حتى تمات جايا سارة هازا الطبسيل الدجاج بالفريت حطاتو جلسات دخلات من وراها فاتن وهي هازة الخبز...

خديجة: فين هي عبير مبانتش لي 

سارة: عيانة شوياا راه متكياا

خديجة: خليتها مزيانة وجدات لغدا لله يحجبها اش وقع ليها ؟

فاتن:غادي تكون عيات

خديجة:ايه بصح ترتاح غير وكان تغدا...

هز طرف الخبز بعدما كان منغمس كيسمع ليهم  بسم الله وبدا ماكلتو وهو كل مرا يسها ودغمة واقفة في فمو ...

تغداو و ناض غسل يديه ودخل لبيتو و الدغمة لأخيرة مزال ليه في فمو مساخيش بيها

 توجه لحمامو غسل وجهو ...بروصا سنانو ومسح على شعرو لقا نظرة على المراة وتوجه لفوطوي  هز كتاب باللون البرتقالي عليه كتابة باللون الاسود و كذا لابيض ..كان محطوط فوق الطابلة الزجاجية لمقابلة معاه ..

حلو وحيد طرف صغير بزاف من الثوب باللون لأزرق لكان معلم بيه فين واصل وجدد قراءتو ....كان كتاب

بعنوان فن اللا مبالات:لعيش حياة تخالف المؤلوف

كيتكلم مارك مانسون فيه على ان لإنسان خاصو يعرف لي ليميت ديال لإمكانيات ديالو ويتقبلها كيفما كانت ويرضا بيها ونعرفو السلبيات ديالنا ومانهربوش منهم بل نواجهوها حتى نوليو نقلبو حنا على المعرفة 

ويقول أيضا ان لإنسان مايمكنش يكون متميز وناجح.. المجتمع كيضم الفاشلين كيفما كيضم الناجحين ..وكيأكد على ان الثروة الحقيقية هي تجربة برغم من أن المال شيء جميل ويختم بقول:إنها لحظة حديث حقيقي صادق لشخص يمسكك من كتفك وينظر في عينيك. هذا الكتاب صفعة  منعشة لهذا الجيل حتى تساعده في عيش حياة راضية مستقرة..............................................................

كمل قرايتو حتى حس بعياء ورد طرف ثوب فين توقف توجه لسرير تكا وهز تيلي دخل شافها واش شافت لمساج ورجع حطو بخيبة غمض عينيه يرتاح شويا باش يرجع لعملو

🌻🌻🌻🌻🌻🌻🌻🌻🌻🌻

حلاات عينيها كتحس بقلبها كيضرب بجهد ..جلسات حاطة يديها عليه كطبطب عليه وكتحس بعضامها كيضروها وذاتها كترعد هادشي كيوقع ليها الا نعسات بنهار..لذالك كتحارب النعاس ولكن محساتش براسها بعدما تغذات إلا وهي سارحة ...مسحات وجها ورجعات تكات تهدا شوياا ...

..توجهات عند لبنات لقاتهم متكيات كيتفرجو علماتهم باش يمشيوي ودات لبلاطو غسلاتو وردات طبسيل لبلاصتو ...دخلات لبيت لقاتهم كيبدلو.. جبدات جلابتها ديال لبرد بالبوردو قصيرة وخياطة سامبل لبساتها وشدات شعرها كعكة وهزات فولار سخون دارتو على كتافها هزات صاكها وخرجات لبسات ليبوط طويل بلون الفولار لأسود 

وقفات كتشوف في ساعة لمزينة يديها حتى خرجو لبنات مكبطين طلو على خديجة لقاوها دايرا لاسيست .......................................................

توجهو لبوتيك لجا في شارع...كبير فيه 2 إيطاج شكلو كيجذب ..لاعبين عليه من حيت ديزاين ....وكيبيعو غير ملابس رفيعة مخلطة مابين نسا و رجال وأطفال في مختلف لأعمار 

دخلو وعينين عبير كيبرقو وكطلب في خاطرها يكون رزقها هنا...

 لقاو  فتاة في اواخر العشرينات من عمرها جالسة على لاكيس غير شافتهم ناضت بابتسامة وقادات شعرها جنب توجهات عندهم 

بعد السلام 

عبير ب ارتباك: 

كنقلب على خدمة وعلموني لبنات بلي لبوتيك يالاه تحل قلت نسول الا كان عندكم خصاص

طلعاتنها ونزلاتها :امم وي محتاجة بنت في لاكيس ومكرهتش لي ينضم الحوايج ويوقف يدور مع لكليان اوميم تومب اش كتعرفي نتي

بابتسامة: لاكيس سي بوسيبل

ردت عليها بابتسامة :اشمن نيفو عندك

ردت :عندي تغوازيم اني في لافاك دو مدسين

بابتسامة :بغافو عليك بون كوغاج

عبير:مرسي 

ردت:بون جيبي لي فوطوكوبي لاكارط ناسيونال وبامكانك تبداي من غداا

تبسمات بفرح :اوكي مرسي بوكو 

...خرجات بنفس جديد مقرر وعازمة على لبداية الجديدة حست بيديها تجرات ..لقات سارة:ياك اختي لأخت شبعانة قرايا وحنا مافي خبارناش 

فاتن :صدمتيني فيك اش مزاال مخبيا عليناا

🌹بِدَايَة جَدِيدَة🌹

🍀البارت:74🍀

عبير :غير بشويا عليكم كالمي فو راه غير ماجابتهاش ظروف وصافي 

سارة :من نيتك كتهضري راه سولناك زعما

عبير:(حكات على شعرها) بالنسبة لي موضوع محرج غير جابتها ظروف وصافي

سارة:ياكما باباك حبسك

تنهدات وحركات راسها باه كتشوف في الطريق

سكتو بقاو راجعين أدراجهم الغرض لجاو على ودو 

تقدا والبرد والشتا غير دايرا فجوة كن تسرسطو

           🌼🌼بعد مرور شهر🌼🌼

داز شهر كيكتسيه غياب الشمس وتهاطل الشتاء وكذا لبرق والرعد.....شهر البداية الجديدة.. شهر  لنفس جديد ...............

جالسة في كرسي أمام لاكيس بتريكو صوفي أسود عندو لكول طويل حتا لركبة وليبة موس سوداء مع ليبوط طالع جامعة شعرها كعكة ..مزينة وجهها بماسكارا و ملمع شفايف فقط وكتبان جميلة الى جذابة 

وقفات عليها امرأة مع ابنتها محملين الملابس حطاتهم ليها حداها .... حياتهم بابتسامة وبدات خدمتها ...

خرجو مشادين من بعدما خلصو لي عليهم ...تبعاتهم بعينيها وسهات كتفكر أمها

 جبدات التيلي من الجيب كتصوني عليها

ردات عليها بعد مدة 

عائشة:بنتي لباس عليك

ردت :انا لاباس نتي لباس عليك علاش تعطلتي ماجاوبتيش دغيا

عائشة: غير كنت في الكوزينة والكوكوط كتصفر مسمعتش حتى تميت جايا لصالون

عبير:نتي لباس عليك

ردت :الحمد الله و كدايرا نتي وكجاتك الخدمة الجديدة مرتاحة فيها خديجة لباس وليداتها

عبير:الحمد الله كلشي لباس عليه كوني

 هانيا اش دار هو؟

تنهدات:مدار والو كيجي مرا مرا يلوح لي شوية لخضرا ويمشي كون مانتي ابنتي كون مت بجوع 

تكات براسها عل الطابلة :كولشي كنديرو على قبلك اشمن فائدة لخدمة الا مكنتش بيك 

ردت: الله يرضي عليك

هزات راسها بعدما حسات بظل :مابقا.....

حبسات ليها لهضرة في حلقها ملي شافتو قاصدها خاشي يديه في الجاكيط لمقطنة والقب على شعرو مع تمرد بعض الشعيرات على جبهتو فازكين بشتا عينيه كيتفحصو فيها........

🌹بِدَايَة جَدِيدَة🌹

🍀البارت:75🍀

حبسات ليها لهضرة في حلقها ملي شافتو قاصدها خاشي يديه في الجاكيط لمقطنة والقب على شعرو مع تمرد بعض الشعيرات على جبهتو فازكين بشتا عينيه كيتفحصو فيها ...وقف حداها كيشوف فيها كيفاش تيلي على وذنها وفمها محلول ..نزل عينيه كحك في أنفو ...ثواني وهزو كيدورو في أرجاء لمحال حتى سظع صوتها رنان 

عبير :حذيفة

بعدما سمع سميتو كتردد من فمها ابتاسم شبه ابتسامة ونزل عينيه ليها كانت كتشوف فيه نظرات خجولة مع استفهام

ردد:وقت لغدا هذا 

نزلات عينيها كتشوف في معصمها الساعة

 حنا راسو  معاها كيشوف في يديها الصغيرة وممتلأة بيضاء.....صافية بحال بشرة لبيبي ..شاف أظافرها لمقاداهم على طول متوسط ومصبغين صباغة باردة كتفتح النفس

تنهد وحاول يقلب عينيه عليهم وهو كيستغفر في خاطرو حك جبينو وشاف فيها 

ردت وهي كتشوف فيه كيتمتم معارفاه اش تايقول :واخا نهبط الكرياج ونمشي غير سبقني

رمقها ببرود:ماجيتش باش نسبقك ..خلاها وخرج داير يديه في جيابو

ناضت هزات لمونطو لي بالبوردو وصاكها 

ساعدها تنزل ريدوو نفض ايديه وشاف فيها :ماجاكش لبرد 

حنات راسها شافت في راسها كانت غير بالتريكو لاصق عليها كيبين طايتها منحوتة :اه نسيت 

بدات تعافر بغات تلبسو وصاك محاكها مد يدو خداه من عندها و بعد عينيه عليها ساهي حتى حس بيد صغيرة كتحرك فيه حنا عينيه وتبسم كيحرك في راسو بلا حول ولا قوة الا بالله رجع ليها صاك بعدما شافها لابسة لمونطو

وكملو طريقهم لدار في صمت سكون من نوع خاص 

هي لمزال الحشمة مسيطرة على محياها متقدرش تشوف فيه.... مزال متهضم ليها لكلام لقالت ليها سارة ....مزال مأثر عليها  لما لا وهي عارفة بأن العادة الشهرية حشومة وعيب يسمعو بيها الرجال وهي تخطات هادشي بدرجات شافها بيها 

🍃🍃🍃🍃🍃

هي ماحرامش.. لا إحراج في الدين ولكن نظرة المجتمع ككل كتنطابق على أن العادة الشهرية عيب لدرجة في شهر رمضان الكريم إلا فطرات لبنت وصامت كتاكل بتخبية عن خوتها الذكور ولأب ديالها ..و كتجمع معاهم على الطابلة الفطور كأنها صايمة 

موضوع حساس ..بفعل الدم كونه كخرج من المنطقة الحساسة

موضوع محرج ليس بوليد اليوم بل مر الزمن

🍃🍃🍃🍃

هو لشهر ويوماين وهي غابرا عليه مكتجيش تغدا كدي معاها شي حاجة وفي العشية كتلقاه مزال مجا كدخل لبيتها وحتى الا كانت روبو الجمعة مكيلقاهاش كتمشي الحمام وتجي مصهوطا ظل متكيا 

محسش براسو حتى لقا راسو داخل لعندها لبوتيك ..لاوعي عندو تحكم فيه وجابو تالعندها ..حس براسو محتاج يشوفها..حس بيها كتخبى عليه وعرفها حشمانة منو ندم راسو حيت هضر مع ختو لعارفها بروالة مكتسترش كانت نيتو غير تقولها ليها على أساس هي لشافتها ولكن هي سارةالبروالة

دخلو لدار حيدات لمونطو وليبوط لبسات بانطوفة ومشات لكوزينة فين كانت الصفارة كتصفر ورائحة الرفيسة عاطية

استنشقاتها بحب ومشات

جلسات جنب خديجة لكانت كتفرك في لمسمن 

لشافتها تفاجأة:اش طرا وجرا جيتي ليوم من نهار بديتي ونتي غاطسة تما تقول كتخيط ليهم

هزات طرف لمسمن دارتو في فمها:جا عندي حذيفة وجيت معاه

هزات فيها راسها بعدما كانت كتفرك:علاش

هزات كتافها:قالي وقت لغدا نوضي زيدي تغداي مقدرتش نقوليه لا واخا مديا معايا غدايا 

حركات راسها :رفيسة كتبغي جمع وتكال في وقتها حولو جا هنا توضا وصلا وخرج معرفتو فين صد

🌹بِدَايَة جَدِيدَة🌹

🍀البارت:76🍀

تسكات القصرية وتزينات ببيض سمان... تجمعو عليها مع مونضا فانتا وهاواي 

دارت الدغمة لأولى في فمها شافت في خديجة بابتسامة خافتة :الله يعطيك الصحة اخالتي بحال ديال ماما

سارة: رفيسة ماما ماكاينش بحالها (شافت في فاتن)ماداخلاش ليا راسي علاش مكتاكليهاش

فاتن جالسة حداهم حاطا طبسيل فيه لمسمن وكاشير والفرماج :كتجيني قاصحة و مجهدة  مكتعجبنيش 

سكتو مبقاوش هضرو من غير نظرات حذيفة لكل مرة كتهرب ليه عينيه جيهتها حتى كيسترجع راسو وتعاود تفلت ليه ..سارة كتنغز في فاتن  باش تشوف في حذيفة غير من تحت وفاتن  غاطسة وجهها وسط لمسمن  مامسوقاش ليها

......ناض بعدما تغدا كيردد الله يخلف وباس راس مو 

خلا من موراه حرب أهلية غادي تنوض  دارت فاتن حاقدة على سارة

فاتن:اختي طيبتي لي جنابي بالقريص واش صافابا باش تقابلي القصرية تصرطي حرمتي عليا دغمة المسمن...

ردت :بغيت غير نوريك شي حاجة ساعا نتي اختي بحال طراكس مكتهدايش

شافت فيهم عبير شي مخرج عينيه في شي:امالكم بديتو تاني مزال حتى مبردتوش من المخاصمة لدرتو في الحمام

فاتن:مجابداها مامقربا ليها كنتغدا وهي كتشبع فيا قريص ماشي ظلم

سارة:وابغينا نهضرو معاك اش ندير يخ تفو 

ناضت كتجمع في القصرية وتنفخ 

جات خديجة بعدما مشات غسلات يديها:امالهم تاني مخاصمات

ردت عبير بابتسامة:هانتي كتشوفي

تكات على الوسادة: هادو دايرين بحال ضريرات يتصالحو نهار ويتخاصمو  شهور

ناضت كتحك في جنابها وتنكنك خلات عبير متبعاها حتى ناضت بدورها كتجمع لكيسان في البلاطو .....

لبسات مونطوها وليبوط وخرجات متوجها لبوتيك 

حلات الكرياج واستأنفات عملها لكيقتصر على لاكيس وكذالك تقاد حوايج اما حتى توقف مع لكليان فكاين كاميرات امامها كتراقب منهم.... 

دازت العشية مع تواجد لكليان حيت لجو شويا اكتاساه الهدوء 

جات لبنت مولات لبوتيك كيف ولفات تجي مع اقتراب تسد كتهز لفلوس وتسد لمحال 

هزات 50 درهم من لاكيس عطاتها ليها بابتسامة شكر حيت قايمة بالمحل على احسن وجه مخلاتهاش تحتاج شخص اخر  وتكتفي بيها هي بشكل خاص 

خداتها ببسمة وخرجات خلاتها تسد راسها

تمشات أدراجها كتنعش نفسها في الجو البارد دايرا يديها في لمونطو ...

دخلات هازة ميكة ديال ديسير حطاتها في الكوزينة لكانت خديجة كتنقي في روز وبدات تحيد في مونطو ديالها 

هزات راسها فيها: تعطلتي ليوم 

ردات عليها من بعدما جلسات حداها شادةراسها:لكليان ليوم بداو يجيو تابدا يظلام لحال وراك عارفا كيتاسراو لفوق ولتحت وعاد لاشراو 

قلبت الصاشي:اش جبتي هنا ديسير

حركت راسها

ردت عليها:مكاينش لاش كلشي كاين علاش تصدعي راسك

ابتاسمات:مدرت والو الله يكثر خيركم مكفين وموفيين 

ردت:تبقاي عندي حتى تربي ريش وعلاش لا  نزوجك ونحضر في عرسك

جمعات ابتسامتها:نمشي نبدل عليا ونصلي 

ناضت هربانة من كلام ديال خديجة تفكرات حاتم لكانت ناسياه واش على ذمتو و زيد كلمة تعاود تزوج زيراتها كثر بحال كانت في شي حلم ودابا طاحت على لأرض الواقع... كانت ناسية الموضوع في لأصل بدات تأقلم مع الجو لعندهم نسات او تناسات بطش لأب وحتى لورقة لكتربطها بحاتم حادرة راسها وعينيها بداو يبرقو بالدموع ...................................................

موجه لكوزينة يشرب حتى كتبان ليه جايا جيهتو منزلة راسها ...وقف صامد كيتسناها تهز راسها... حتى خرجات فيه محس حتى دور يديه على خصرها ............................................

حاذرة راسها حتى تساطحات مع كتلة صلبة....

هزات راسها بعينين مدمعين لقاتو كيرمقها بنظرات مقدراتش تفسرهم حنات عينيها وبدات كتحاول تبعد عليه ولكن بدون جدوى كان حاكمها خاشيها فيه..... حتى حس على راسو وطلقها بغات تمشي كتمسح في عينيها حتى حسات بيه شدها دورها

حقق فيها و تكلم بصوت حنين:ياك لباس علاش كتبكي

ردت بصوت منغنغ:لا والو 

كرز على يديه :تبسل عليك شي حد

حركات راسها بلا 

ربع يديه وتكا على الحيط بكتفو كرر سؤالو :مالك كنسمعك

هزات فيه عينيها وعاودات حدراتهم :قلتليك والو مانبكيش حتى في خاطري 

ضربت فيه وزادت ...بقا واقف متبعها حتى سدات لباب  أمام ناظريه ..وتنهد وكمل  طريقو لكوزينة 

وقف كيسوط  ويدوو على وجهو 

دارت شافتو في هاديك الحالة يالاه بغات تهضر و هو يقاطعها :لبنت مالها

شافت فيه باستفهام عاد سرات معاها راه كيهضر على عبير:والو مالها يالاه جات حطات هاديك لميكة ومشات واقيلا ضارها راسها بانت لي شادا منو 

جلس على لكرسي كيحرك في رجليه:ماقالت ليك والو ماقلتي ليها والو

خديجة:الله اولدي اش غادي نقوليها اههه كنت هضرت ليها على الزواج 

مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

🌹بِدَايَة جَدِيدَة🌹

🍀البارت:77🍀

توقف عن الحركة وردد: زواج؟

خديجة:قلت ليها تبقا معانا حتى نزوجها 

ناض وقف موجه خدا كاس لماا وكيشوف في الفراغ 

حتى سالا وحط لكاس بجهد ورجع خرج موجه لبيتو وردخو 

خديجة:اهيا السلامة ياربي مالو هذاا

🌻🌻🌻🌻🌻🌻🌻🌻🌻

سارة:دابا عاد تأكدتي من امتى وانا ندوي ونتي كتكذبي فيا لواه بحال ختو لواه نمي نتي ملي كتبداي تاكلي كيشوف فيك 

وملي غابت عليه شفتيه شفتي كولا كيتشواا مبقاش كياكل حتى مزيان ويدور ويدور ويتنهد قول سيد هاز جبال 

قاطعتها بقرصة :انا لغادي نشبعك قريص الا محشمتيش

سارة: احح (كتقلب في القرصة) زركتيها يديك مسمومين شفتي ليوم بعينيك كيفاش مقنتها

فاتن:عادي كانت غاديا مشافتوش وخرجات فيه اش بغيتيه يخليها طيح

سارة:كتعجبو وباينا ولا كيبغيها واقيلا نتي بااغا تيقي حتى تشوفيه كينكحها 

فاتن:استغفر الله بغا تفسدي لي اخلاقي 

إلا بقيت تابعاك راني بحالك ناضت خلاتها حاطة يديها على فمها كتهضر غير مع راسها:زعما ميكون والو ودوك شوفات بفف ضرني راسي تلفت 

🌻🌻🌻🌻🌻🌻🌻🌻🌻

واقفة قدام المرآت كتقاد في كلوص على شفايفها وكتذكر لبارح اش دارت ليه هو مادار ليها والو باش تنفخ عليه وتزدح عليه لباب دارو... عضات على شفايفها بخجل ...ورجعات تنهدات كتقاد شعرها بظفيرة نازلة على طول ظهرها... دارت بوندو بلأسود ومنقط في لأبيض وخرجات بسروال ثوب ببلو مارين وتجاكيط بالباج وسبرديلة... طرقات cash plus تسيفط لمها لفلوس لتحتاج وتوجهات لعملها

دخلات بحال ديما كتسيقو نهار  تسيق الطابق  للتحت و نهار دير لفوق

جلسات كتنتاظر لكليان ..............................

.............................................................

.جا وقت لغدا ودعات أخر كليان وتكات على الكرسي وراسها كحرقها من لبارح غمضات عينيها كتصنت لألم حتى حسات بشي حد دخل هزات راسها لقاتو هاز ساشي ديال ماكدو وقاصدها ..حلات عينيها كتقول اش جابو تاني 

حط الساشي فوق الكونطوار  :جبت ليك غداك ومنها نيت نهضرو

شافت في ساشي وطلعات راسها فيه كتصرط لغصة في حلقها حشمانة مازال متهضمات ليها لقضية دليغيل زادتها لقضية ديال خبيط لباب 

حذيفة:عطيني شي حاجة نجلس عليها ولا نخرجو برا كوم تي فو

توجهات لتحت وخلاتو واقف جابد تيلي ..طلعات هازة كرسي حطاتو حداه ورجعات جلسات

بلاصتها ......جر لكرسي جلس عليه ...حط صبعو حدا فمو: يالاه فازي اش عندك مع زواج؟

طلعات فيه عينيها بصدمة ورجعات نزلاتهم 

كتشوف لتحت 

بقا على نفس لجلسة :فازي 

شافت فيه:مكاين والو اش بغيتيني نقول ليك 

تنهد وبدا كيحرك في كونطاكط في يدو :ولبكا علاش ملي سمعتي حس زواج 

بقات شحال كتفكر رجعات شافت فيه  بابتسامة خجولة :زواج معندو علاقة غير وكان اي واحد كتوحش حبابو وصحابو وخوتو وانا منهم ومالقيت ليهم جهد (شافت بعيد)

قرن حجبانو:صحاب؟

ردت :وي ماما وشي اصدقاء ديالي بليس خوتي سي تو هادشي لي كاين 

بسخط:ولاد

بتعجب: ايه ومنهم بنت نعتابر هادا استنطاق؟

تنهد :بحال داكشي (شاف في ساشي )كولي راه غادي يبرد 

بغا ينوض وهي توقفو :ونتا ؟

رد وهوا قاصد لباب : غير بصحة نمشي لدار

 متبقايش تبكي

خلاتو مشا وجبدات ساشي لقات غدا متكامل كلات حتى شبعات وغسلات يدييها وبروصات سنانها 

رجعات لمكانها كتستقبل فلي كليان ............

خرجات أدراجها بعدما وصل وقت خروجها غادا في اتجاه الدار حتى وقف عليها واحد وجهو مشرط وسنانو لقدام طيحين غير يهضر يدوش ليك بلا صابون 

حط عليها موس على ذراعها :غادي ٠تحطي لي عندك ولا نخسر ليك كمارتك لكتصوري منها لفلوس 

ولات كترعد وخافت لا يجرها لشي قنت وهوما راسهم في هاد الزنقة حركات راسها بواخا وبدات تقفقف تحل في ساك

كيشوف فيها:واخا تلبسي لي لبستي غادي تبقاي عاهرة 

هزات فيه راسها و البولة باغا تخرج ليها 

وهو يغوت :قتليك جبدي العاهرة جبدي ولانحسك ليك*****ومنخلي ليك منين تصوري ريال *****

حسات بسائل نازل منها  من التحت غمضات عينيها بأسى حتى قفزها ملي بدا كخشي الموص في ذراعها عطاتو صاك :هاك خ و د و كلو غير لورااق لي لاا

نترو من عندها خشا يديه في لبزطام جبد 50درهم وشي صرف هز تيلي ولاح ليها شي لاخر :تفووووو كتحلي *****ل6في ليلة ومعندك حتى*****

🌹بِدَايَة جَدِيدَة🌹

🍀البارت:78🍀

مشا كيميل ... و يتفعفع ويخسر في الكلام 

خلاها هزات وراقيها وجمعات صاكها قلبات ذراعها لقاتها جرحة صغيرة وحمدات الله ملي متكرفصش عليه و يردها ا زيرو  كملات طريقها لدار .......

كيف دخلات تكات على لباب حتى جات عندها خديجة كتولول :مالك اش واقع ليك حذيفة حذيفة اجي 

خرجو لبنات كتجاراو حتى وقفو حداها مصدومين  من حالتهاا كترجف وحوايجها  مخربقين ناهيك علة شهرها لتشعكك  بحال كانت في حرب

حبساتها بيديها مخلاتهاش تزيد تعيط عليه...

.

خرج من لكوزينةكجر بصندالتو غير شافها صفرا واقفة بزز مشا عندها بغا يشدها حتى تخبطات طاحت قبل ما يوصل عندها 

تحنا يهزها وهو يلقى سروالها فازك خسر وجهو عرفو بول(شاف في مو):جيبي شي ريحة ولا شيحاجة

سارة:انا نمشي نجيبها 

ردت :هزها بعدا غادي تبقا هنا

حذيفة: خاصها تبدل غير سيري انا نجلس حداها 

خديجة:الله على بنتي واش وقع ليها 

رما عينيه لذراعها جاكيط مقطعة قاصها لقا جرحة صغيرة دايزة بالدم

ساط مغزف حتى وقفات عليه سارة مادا ليه ريحة خطفها ليها مخنزر:عام باش تجيبيها

خلاها كتشوف فيه مبهوضة على ملامح وجهو لي تبدلت وعاد نبرت صوتو لمابقاتش سمعتها من زمان ..

رش ريحة في يديه وحطها ليها على نيفها...بدات كتحرك في راسها حتى حلت عينيها تالفة معارفاش راسها فين استقرو عيونها على ثريا لي في مرح عاد وعات بأنها جات لدار زفرات بهدوء .....

نزلات عينيها لقات عيون مترقبينها بخوف خديجة شادة ليه من يديه ...حذيفة لمزال مخنزر غير مع واقف على ركابيه وكيرمقها ويرجع يقلب عينيه كيسوط ..لبنات وراهم حتا هما زارتهم الخلعة عليها جلسات عاد عاقت راه فزكا سروالها لبكية بغات تخرج ليها من الحشمة كل مرة تخرج ليه شي حاجة من جنب 

مقدراتش تشوف فيه وقف ماد ليها يديه بقات كتشوف فيها شحال عاد حطات يديها وسط يديه جرها وقفها وحط يديه على خصرها غادي بيها لحمام جلسها على لاشاص وخرج خلى معاها خديجة ولبنات 

....خرجات من دوش لابسة بيجامة مقطنة بيبينوار ديالها وفوطة على راسها جلسات فين كانو مجموعين كيتسناو تحكي ليهم اش واقع 

مدات ليها سارة كاس اتاي:خودي دفي راسك في هاد لكاس 

تنهدات شداتو من عندها بابتسامة بزز:شكرا

خديجة:ايوا ابنتي عاودي لينا اش وقع مشيتي صباح صحا سلام

دمعة وقفة في عينيها ملي تذكرت اش جرا ليها لخلعة مزال راكباها :تعرض لي واحد لواحد شوفة فيه كتخلع وسكران بدا كيعيرني بكلام خايب وبغا صاك عطيتوو ليه من بعد ماضربني هنا(نعتات ل لذراعها)جاب الله خرجت هكا كنحمد الله

زفر حذيفةوهو كيحرك في رجليه شاف في ساعتو ليدوية :مشا لحال دابا غذا ونمشيو لنديكلاريو

خرجات عينيها فيه بخلعة مابقاتش حشمانة ههه :لا بلاش مادار ليا والو 

رمقها بغضب: باغاه حتى يعطبك عاد ديكلاري 

ردت عليه بخوف: لا ماكين لاش صافي يخلصو الله غادي نمشي نعس شويا 

خديجة:الله ياربي حتى قلت غادي تفكي من هاديك لقهوة ومن هداك الوقت حتى جات هادي 

عبير:معندي ماندير صبر

نفخ وناض كيستغفر الله دخل لبيت سدو عليه وجلس حاط راسو على ضهر لفوتوي

عقلو خدام وقلبو كذالك 

باغي يهضر ويقوليها حبسي من هاد لخدمة ولكن باش من صفة 

تنهد كيسوط ويحرك برجليه ..عيا بتفكير وناض توجه لحمام يتوضا يصلي ليه شي ركعات من لأحسن 

🌹بِدَايَة جَدِيدَة🌹

🍀البارت:79🍀

دازت الليلة مملوؤة بجفاء ...مشحونة بلإضطرابات ...غائمة ...صامتة...من بعد  الكلام لتكلمو تفرق المجمع

ريحت كسكسو بسبع خضاري ملات الدار .. 

على تقرقيب لفي الكوزينة حلات عيونها السود لمنفوخين وحمرين من شدة الارهاق..الليلة دوزاتها كوابيس مبغاتش تنسا ليها لقطة لحط عليها لموص فينما تغمض عينيها تجيها اللقطة ..

حتى جلسات كتحاول تبقى فاتحة عيونها حتى صبح الحال عاد قدرات تغمض شويا .. حيدات عليها الغطا بتعب لبسات بانطوفتها ..

قادات بيجامتها توجهات الحمام وهي كتستنشق ريحت كسكسو..غسلات وجهها وهي كتحس براسها فاشلة ...

تقدمات لكوزينة لقات خديجة جالسة كتكسكس ببيجامة بيتية طويلة ومقطنة عاكفة زيف حياتي وكتدندن بمدح النبوي ..جلسات حداها وحطات يديها شادة راسها كتحس بيه كيضرب

هزات فيها عينيها وتوقفات على تدندين 

خديجة:صباح الخير كيبقيتي من الخلعة لبارح 

طلعات فيها راسها كتنهد:الحمد الله على كل حال

خديجة(حنات عينيها لكسكسو)نوضي ديري ليك كاس لويزة بنتي لي منعستيش 

تنهدات:مخاصني لويزة غادي تزيد ترخيني

ناضت هزات لبراد كتسخنو ....تنهدات والدغمة في فمها كدور ملقاتش مخرج حطات الخبزو توجهات البيت تبدل باش تخرج تشري تيلي لمتقدرش تبقى بلا كلام مع عائشة

....الجو هادئ والبرد كيحرك في شعرها السود بكل حرية نسمات البرد أنعشت فؤادها المظلم ..نسمة برد  خلاتها تكمش في التجاكيط السوداء  وتعنق راسها ..

جلسات على كرسي بعدما شرات تيلي بلكارط ديالو في جردة لكانت خاويا من غير صوت شجر كيتحرك كيدوزو من امامها أطفالا ..شبابا وحتى شيوخاا كيحملو في يديهم الصلاية ومتوجهين لنداء الرحمان في عيد المؤمنين

 متبعاهم بعينيها حتى سمعات لأذان ...هدات الحركة بعدما لموجه لجامع دخل يأدي صلاتو

هدوء من نوع اخر ..من غير لأشجار لكضارب فيما بينها كان صمت و سكون لايحرك ساكن...

حنات راسها وشداتو بيديها ...لمدة وهي كتفكر في المنحى لواخدا حياتها..شحال غادي تبقى جالسة عند الناس مكتربطهم حتى رابطة من غير رابط لإانسانية اما رابط الدموي خلاتها وبلأصح لاحتها لمستنقع معروف نهايتو كبدايتو ..

حسات بظل حداها ... حيدات يديها و هزات عينيها ببطئ لقات جالس حداها راجل مسن شاد عكازو وداير نظاظر سود مدرقين عينيه

رجعات نزلاتهم وكتدور عينيها في نواحي ورجع لخوف يتسلل في قلبها ملي لقات سكون تام

 ذكرها في الليلة الماضية كمشات صاكها والبوشيط لفيه التيلي وناضت يالاه رمات الخطوة لأولى... وقفها كلامو لدخل مع جلدها وسرح في ذاتها ركباتها القشعريرة خلاتها دور تشوف فيه بصدمة على محياها

🌹بِدَايَة جَدِيدَة🌹

🍀البارت:80🍀

كيشوف فاص ليه وكيطقطق بالعكاز من حين إلى أخر

بصوت ياذوب كيتسمع:كيفاش ؟

رد عليها : كيف سمعتي هربتي من دار لعرس وتعلقتي... محسوبة من مزوجين ونتي ما مزوجة 

عشتي يتيمة و واليديك حيين تكرفصتي في صغرك ولعبو فيك يدين مول لحانوت 

جلسات فاشلة حداه ودمعة شقات طريقها كتبكي في صمت

حسات بيديه على ظهرها كيطبطب عليها :متبكيش كيفما ذقتي لحزن نصيبك من لفرح غادي ذوقيه ولكن مزال (تنهد) مزال لوقت عليه ..مزاااال..بعيد

(شاف جيهتها) مزيان ملي هربتي من هذيك لمدينة وبدلتي لعتبة..................................................................

هاد لمدينة لكتشوفي فيها فاتحة خير عليك ودار لنتي في عتبتها ردات ليك الروح و رديتي فيها روح.. (شاف بعيد)قلب الدار وربها حييتي قلبو وشغلتي بالو وأرقتي راحتو.....غادي يتربط ولفكاك مايقدر حتى يحن مولانا ..غادي تفيق مولات قلبو .. حتى يدوز ويدوز....

فغرات فمها باستفهام 

حتى عود نطق بعد سكون تام :رجوعك لمدينتك لابدا منو  وتما فين غادي يتأدى شخص دمك من دمو يقدر يكون قريب وعزيز كيفما يكون بعيد وغريب.....

ومزال شلا غادي يدوز على راسك ابنتي شلاا مطارق  غير نقولك متعضيش ليد لتمدات ليك 

هزات عينيها فيه باستغراب

كمل كلامو : راك فهمتيني مزياان متعضيش ليد لتمدات ليك وكوني بنت ناس معاهم حيت هوما لغادي تلقاي ويحميوك من باك لكتوعد ليك 

اما راجلك كلام اخر معاه وحكايتو ثقيلة ثقيلة ومايفكك منو غير لداخلا قلبو لغادي ...(رجع شاف جيهتها )تجيه ضربة من جيهتك وعليها يتآذى كثر مأذيتيه نتي

طالقة وذنيها كتحلل كل حرف كينطقو غير وكان الغالب الله كلام المعاني جاها صعيب لفهمت فعماتو قليل 

شافت فيه باستفهام :أنا مكنأدي حد 

تبسم:غادي تآذيه 

صغرات عينيها كتعجب من كلاموو :منديش عليك نتا غير راجل كبير 

ناضت مخلياه مزال باغي يزيد يتكلم.........

رجع تنهد وكمل كلامو:راجل كبير وبصير ابنتي ولكن عارف اش كنقول نصحتك قبل يفوت لفوت وتزيد تكحال دنيا في عينيك حيدي الغطا على لمخبيا وكشفي كلشي ونساي لداز عليك وعيشي حياة جديدة 

ردت وكتشوف بعيد:داكشي لكنحاول ندير أصلا نسا ونعيش حياة جديدة و نبدا من لول

دور راسو بلا : لا لا هضرت على قلبك ابنتي قلبك خليه يرتاح ويقلب على لكيقلبو عليه لبنات لقدك 

مفهماتش اش بغا يقصد :كنحاول نبدا ونوقف على  من جديد سمحلي غادي نمشي دابا 

خلاتو كيدور في راسو بلا وكيتنهد كيردد:غادي تفهم حتى يضربوها لحيوط مرة خرا 

 🌻🌻🌻🌻🌻🌻🌻🌻🌻

دخلات وهضرة الراجل رماتها وراها مفهماتوش و بلأصح مبغاتش دخل هضرتو لراسها دازت على لكوزينة لقات خديجة كتسكي في القصرية ...حيدات التجاكيط وطلعات التريكو ا

 على يديها ...خرجات اللبن كتكب فيه وهي شاردة الذهن حتى قفزات ملي سمعات خديجة كتردد عنداك عنداك...

مسحات داكشي لطاح منو ورجعات كتكب..هزات لبلاطو غادا بيه البيت في صمت خلات خديجة متبعاها

دخلات وعينيها على لكيسان خايفة ليتخواو ليها مع كانت معمراهم

.........حاط الصلاية جنبو و شاد تيلي حتى كيشوفها جايا ببطئ و عينيها على لكيسان وكتعض على شفافها ملي تحس بالخطر 

لون لأزرق مع بياض بشرتها

 عطاو رونق غير تنهد وعينيه عليها مبغاتش تزول ...قلب عينيه ملي شافت فيه و رجعات نزلاتهم حاضية معاهم لايطيحو وتزيد تحشيمة خرا مع لسبقوها 

🌹بِدَايَة جَدِيدَة🌹

🍀البارت:81🍀

رجع شاف فيها وفي يديها الصغار كيف معافرة معا البلاطو ..دار زوج خطوات وخاد ليها لبلاطو من يديها حطو و ودار جيهتها لقاها غادا راجعة تنهد مطولا وعيونو كتهرب ليها رغم كيمنع راسو الا انو باغي يستكشف... سروال توب سود واتاها معا تريكو لمغطي ليها لمؤخرة رغم ضعفها الا انا كلشي مفرز وباين

بقا متبعها حتى غابت على ناظريه ورجع جلس كيحك في عينيه ويضحك على راسو ... هزات ملاعق ومشات عيطات على لبنات لكانو كيحفظو في بيتهم 

وجات جلسات مقابلة معاه 

تنهد وهو كيقول: نعستي مزيان

شافت فيه بعدما كانو عينيها على تلفازة  معلقين و عقلها طاير:اه شويا 

رجع شاف فيها وبعد عينيه:شربي ليك شي حاجة كتريح ورتاحي ومن غدا انا لنولي نديك ونجيبك

ردت بسرعة:لا لا مكاين علاش بلا مانمحنك

ابتاسم وعينيه كيبريو :مكاين حتى عذاب نوصلك مع صباح ونمشي لخدمتي ونجيبك با دو بغوبليم

حققات فيه شوفة:نتا صباح كتخرج قبل مني

وسع ابتسامتو حاط يديه على فخدو:مافيها باس لاتعطلت شويا مغاديش يجريو علياا

تبسمات وردت بشكر خلاتو يسها فيها حتى دخلو لبنات بصداعهم بحال ديما شافو حذيفة وهوما يلبدوها

فاتن:شفتك لابسا حوايج لخروج خرجتي

حركات عبير راسها:مشيت شرت تيلي راك عارفا مشا لي لبارح بلاكارط ديالو

سارة:مافيها باس يتعوض ...

حذيفة:فين وصلتو في لحفاظة ؟

فاتن:مزيان هاحنا غادين كل ملي كيعلمونا كنبريباريو

خنزر فيها:ايه كتبقاو تا لاخر لحظة هادشي مخدامش

سارة:كنجيبو مزيان

تنهد :ليوم عندك زهر ماشي ديما غادي يكون .. درس لتكتب يتحفظ ويتراجع باش تجيبو مونسيو ويهزو ليكم لباصاج لكيكون قاصح 

حركو راسهم وتجمعو على لغدا بعدما جابت خديجة لقصرية .......

جمعات يديها وناضت تغسل ورجعات حداهم هازة معاها تيلي كتقاد ليه في لكارط شعلاتو وحطاتو كتسنى لبنات يساليو و يديرو ليها لكود دخل تقاد تطبيقات ..

جمع يديه وناض غسل ورجع تحنا على تيلي ديالها كيخربق فيه ورجع حطو وخرج لبيتو

🌹بِدَايَة جَدِيدَة🌹

🍀البارت:82🍀

هزاتو مستغربة اش قربو لتيلي ديالها..تنهدات ملي شافتو دار ليها لكود لويفي

غافلة على غمزات سارة لفاتن لحاضين لبلان..

...حملات تطبيق.. فيس  .. ديالها حيت نماري دصحابها كانو مشاو ليها ولكروب كانت دارت ليه كيتي ملي تزوجت 

..واخر تطبيق كان لانسطا

..جمعو لبنات طابلة وجاو تلاحو حداها هازين تيلي حتى هوما كول وحدا واش كدير 

...دخلات لفايس كتشوف لأخبار حتى تبين ليها بلي واصلها مساج ..دخلات تليشاغجات لمسنجر تشوف شكون 

لقات مسج كيتضم السلام وعليكم ممكن نتعرف عليك

تنهدات ودخلات لبروفيل ديالو لقات سمية محمد التهامي داير في صورة وردة حمراء قرنات حجبانها وردات عليه بنرفزة .....

🌻🌻🌻🌻🌻🌻🌻🌻🌻

من بعدما دخل تلاح على لفوتوي كيكمل لقراية ديال روايتو حتى سمع صوت مسج ...هز تيلي وكيتأمل تكون هي 

لقاها بالفعل رادة عليه :"وعليكم و تساع مكنتعرفش قلب على لبحالك مسالين وقتهم ومقابلين هادشي نهار كامل ممكن تعطيني تيساع من فضلكك"

ردها ضحكوو و جاتو على لكانة :سيفط ليها مسج و هو كيضحك: علاش بضبط تيساع؟

خلات ليه  بلي شافت المساج  وهو يرد قائل:مافيها والو إلا تعرفنا بحال لخوت نهضرو و نضحكو غير في هاد العالم لإفتراضي

ضحك بصوت ملي شافها ردات عليه وهو كيتخيل وجهها في هاد اللحظة كيغادي يكون :"بزز اخويا مبغيتش غادي نبلوكيك ونهني راسي بنادم ولايلصق بحال اللصقة يخ تفو"بسرعة رد عليها :"نيتي حسنة نهضرو عادي والا قلقتك نستاهل بلوك سيلتوبلي"

بقاات شحال عاد ردات عليه:اوكي واخا تقطع قي قلب ولكن تعصبني نبلوكيك

طيلة المحادثة و البسمة مرسومة على وجهو بحال شي مراهق يالاه في أوائل مراهقتو 

رد عليها:سي محمد من رباط ونتي بلا شك عبير 

تسناها ترد عليه مي كانت خرجات ..تنهد وتكا على لفوتوي كيضحك على تصرفاتو الصبيانية لولات فيه 

🍃🍃🍃🍃🍃

حِينمَا تُشْرِقُ لِابْتِسَامَة عَلى مَحْياَك

بِدُونِ مَعْرِفَة انَّك ابْتَسَمْت 

فاَعْلَمْ اَنَّكَ تَذَّوقْت

مِن كَأْس الحُب

مَايَكْفيِ لاسْتَسْلاَمْ وَرَّكْض وَرَائِه

ْمُخَالِفًا قِيَّمِك 

ْكَرَامَتِك 

وَحَتَى خُطُوطَكْ الحَمْرَاء 

الغَيْرَ مَسْمُوحْ بتَِّخَطِيهَا مِنْ قَبْل 

ياسمين اكرام

🍃🍃🍃🍃🍃

🌻🌻🌻🌻🌻🌻🌻🌻🌻🌻🌻

حطات تيلي بعدما حسات بنعاس وراسها ثقال عليها.........فاقت بعد مدة قافزة وكترجف هي مولفا هكا لكن لأن حلمات بلأم ديالها كتنادي عليها الشيئ لخلاها يزيد معاها زايد ..هزات تيلي برجفة ركبات رقم أمها... رن وعاود ولا مجيب كل رنة كتركب فيها رعب وتخلي قلبها باغي يسكت 

..حاطة يديها على فمها والدمعة نزلت من عينيها بلا حركة فقط كتصنت لرنين لهاتف لمن بعد مدة نصف سااعة وهي كتاصل ولارد ..

 نصف ساعة مرت بحال أعوم كل دقيقة منها كتشهق شهقة وما باليد حيلة جالسات لبنات وخديجة كيواسيو فيها ويخففو عليها بكلام متفائل ولكن شكون سمع ليهم عقلها تبروغراما على ان امها واقعة ليها شي حاجة..

....

خارج من بيتو كيقاد في ساعتو مبدل ومريح ونقي بحال ديمااا سمع تنخصيص ..توجه لبيت وهو يلقاها جامعا راسها بيديها وكتشهق حس بقلبو تزير عليه توجه عندها غافل على وجود خديجة ولبنات 

...

انهكت وخارت قواها في دقائق معدودة

🍃🍃

الخوف والقلق حاجة طبيعة فطرية على لأم بالذات لإسم الغالي و الكتف الحامي 

رمز السعادة و معناها 

تدفي القلب قبل النفس ... تعطي بدون إنتظار الرد ...سوى النظر لفلذة كبدها في أحسن الظروف

رغم الزمن و مرورته تتشبت بخيط رقيق وتقف صامدة أمام معانات ....لتعطي لأمل في اطفالها

🍃🍃

حسات بيد تحطات على كتفها ..هزات عينيها فيه ونزلاتهم مكملا علا تنخصيصها ..دور وجهو جيهت مو وخواتاتو وحس على راسو وكمش يديه وجمعها عندوو كتسنا يردو عليه 

 

مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

🍀البارت:83🍀

هزات راسها فيه بعد مدة مد ليها يديه ..شافت فيهم للحظات وعطاتو يديها شد في ملمسهم رطب وجرها بشويا حتى وقفات كتعكز ..شدها من كتافها وكمل طريقو خارج بيها جيهت طومبيلتو

وقفات شافت فيه :فين غادين

رمقها بتخنزيرة:نشوفو الرجل لباغا تهرسيها

ردت :لا ماوقع والو دابا تهدا علياا خاصني نمشي 

تسلات من بين يديه وعضات على شفايفها من لألم لزارها فور ما طلق منها 

عكزات على رجل الصحيحة وصابرا لألم.. غادا قاصدة الطريق حتى وقفها بصوتو :غادي تمشي لكازا زعما بعاد الحالة

تلفتات شافت فيه :معندي حتى خيار

بغات تكمل طريقها وسمعاتو قال:يالاه يالاه نوصلك في هاد الحالة صعيب عليك الطريق

شافت فيه لقاتو دار نظارات وحل جيهتو

دوراتها في راسها ولقاتها ماشي وقت الحشمة ورجعات أدراجها لطوموبيل ..

فتحات جيهتو وطلعات كتفتف سنانها كيتقرقبو.. إينفوا طلعات ديمارا بلاما يشوف فيها..حلات صاكها كتقلب وتعاود على التيليفون مالقاتوش ..

ساست الصاك على رجليها تدفقو لبرودوي ديالها وكاع مستلزماتها حتى أولويز ..شاف جيهتها وقلب عينيه مركز مع طريق كحرك في راسو بلا حول

حتى سمعها نطقات وهي كتجمع الروينة :عافاك واش ممكن نستعمل تيلي ديالك ملقيتش ديالي 

حرك راسو وخشا يديه في جيبو ..مد ليها ايفون لقاتو بلا كود 

دخلات طابات نمرة لأم في انتظار لأمل الصغير لعندها وتجاوبهااا 

لكن خاب ظنهااا 

حدرات راسها مستمرة في البكااء...شاف فيها ماد ليها كلينيكس:كالم توا معندك مغادي ديري إلا صبر و إن شاء الله ما يكون غير الخير

شكون سمع ليه خدات كلينيكس تمسح وتعاود تبكي والسكون من غير صوت القران لكتلو بأيات بينات من الذكر الحكيم ....

توقف امام الصيدلية دورات راسها شافت فيه لقاتو حيد لاسانتيغ وخرج ....

رجعات تكات على زاج ومرا من بعد مرا كتاصل بعائشة بدون رد حتى ولات تجاوبها العلبة 

..حاذرة عينيها كتمسح فيهم حتى حست بظل من جيهتها هزات راسها و اذا بها كتلقا طفلة في عمر السابعة بكسوة موردة وشعرها مشعكك كتحمل في يديها علب من كلينيكس مع بيسكوي.. نزلات النافذة كتشوف ملامحها بإعجاب البرائة والجمال والرقة مجموعين فيها رغم ملابسها وشعرها الا وأنهم مخلاوش جمالها يختفي ..

مدات ليها علبة كلينيكس :هاكي مسحي هاداك صغيور ميقدكش 

نزلات عينيها لفين شافت لبنت لقاتها كتهضر على كلينيكس

شافت فيها بابتسامة صغيرة ماادا يديها لعندها :اري ليا الغزالة

خداتو وتحنات تجبد ليها لفلوس بزايد ..عطاتهم ليها وردت الطفلة ببسمة مزينة ثغرها:نتي زوينة علاش كتبكي 

ردت عليها:حتى نتي كتحمقي كتقراي

حركات راسها بلاا :مبغاتش مرت باا 

ردت باسى:معندكش ماماك

حركات راسها بلا:قالي بابا ولداتني وسمحات فيا حيت انا خايبة

شافت فيها بأسى وعاودات جبدات 100درهم ومداتها ليهاا :غير كذب عليك نتي غزااالة بزاااف انا بعدا حمقتيني

خداتها بابتسامة:بصح شكراا

يالاه بغات ترد عليها

حتى تحل لباب وهزات معاه راسها شافتو جلس وعاودات شافت في لبنت :خزنيها على مرت باك 

ردت :عارفة ديما كنخزن عليها ( شافت في حذيفة لكقاد لاسانتيغ ):ملي نكبر بغيت نكون زوينة بحالك ونتزوج براجل زوين بحال راجلك 

بغات تجاوبها حتى شافتها طارت من حداها بسرعة البرق خلاتها حالة فمها والضحكة بدات ترسم على وجهها 

...قاد لا سانتيغ وشاف فيها بنظاظر :ياك لاباس 

تلفتاة ببسمتها :نو والو غير عجبتني لبنيتة

حرك راسو ومد ليها صاشي دلافاغماسي:ماصي رجليك

تبسمات وحطاتها جنب 

حتى دار جيهتها وهو مخدم الطوموبيل:اش كتسناي

حركات راسها وقالت:حتى لمن بعد

رد عليها:ديريها ولا نديرها ليك انا 

حلات عينيها بصدمة مع حرج وهزاتها بسرعة قراتها وحلاتها وحيدات الصبادري والتقاشر هزات رجلها عندها كتماسي بيها بشويا وتعض على شفاهها صابرة وكتحاول تحبس احححح. لكتخرج بلا شعور 

حتى سالات وهزات راسها لقاتو كينفخ ويسوط غير راسو تعجبات فيه وهي كتشوفو كيمسح جبهتو بكلينيكس ومركز مع طريق 

دورات راسها النافذة بعدما حطات ليه تيلي في الجنب نطق بعد ما يقارب دقيقتين:مجاوباتكش 

شافت فيه ورجعت حطت راسها :نو طفا تيلي 

سكت وزاد في صوت القران الكريم

داز الوقت ..وقف طوموبيل قريب لحي ديالهم : هنا 

حركات راسها وشافت فيه كتحك في شعرها باحراج :سمحلي عذبتك معايا

رد عليها كيحيد في لاسانتيغ:سي با كغاف

🍀تتمةالبارت:83🍀

حذيفة :سي با كغاف يالاه

حل لباب وخرج كتسناها تخرج حتى كتلفت لقاها مزال في 

بلاصتها تالفة كتلفت يمين وشمال

 تحنا عندها:يالاه مبغاش تشوفي الواليدة 

شافت فيه بخوف:لا منقدرش نمشي شوف عافاك سول اي واحد بان ليك على دار معروفي لكيبيع لحوايج غادي يوريها ليك راه غير فدورة 

شاف فيها بتعجب:خايفة؟

حركات راسها باه 

رد عليها: ملي نكون معاك ماكين علاش تخافي

حدرات راسها :سيلتوبلي سير سول وقول نتا من عائلتها الا هضر معاك شي حد ومذكرنيش الله يحفظك ويخليليك ميمتك

تنهد وقال:اوكي مي نرجع تعاودي لي اش واقع 

حركات راسها.. كتسنا تعرف اخبار مها لخلاتها بلا ماتفكر تشد طريق وماتسوعبات وعرفات اش كاين حتى قربات توصل

تبعاتو بعينيها كتسنى على احر من الجمر تلتاقط خبار عائشة لمامولفاش ليها هاد الغيبة 

🍀البارت:84🍀

كيشوف في الحي و لأجواء و لداز من حداه كيبقى متبعو ......شخص غريب على الحي أنيق ومن شكلو باين ميسور عندمن جا ولمن كيجي أسئلة تبادرت لسكان الحي... 

توجه عند جماعة من الرجال جالسين كيديو في الهضرة وكيجيبو وقف عليهم وحيد النظاظر سولهم وعطاوه النعت لكقلب عليه 

خلاهم متبعينو بعينيهم .....وقف حدا باب الدار الرمادية طلع عينو فيها ونزلها توجه لصونيط

من بعد مدة قليلة تفتح لباب لقا شاب كيشوف فيه بإستفهام :السلام وعليكم

رد عليه الشاب لكان طه :و عليكم و السلام

حذيفة:دار المعروفي 

حرك راسو طه باستفهام

حرك راسو:جيت نشوف واحد المراة من لافامي كتسكن هنا خالتي عائشة

حرك راسو :اه دخل كتسكن لفوق 

دخل تابعو وكيحك في حاجبو على لكذوب لولاو فيه  ولمعمرو ماتفوه فيه

دق طه 2 دقات وتسنى حتى حلت عليه عائشة عاقدة زيفها وعينيها منفوخين بالنعاس:طه ولدي 

تحنا باس ليها راسها لباس عليك 

ردت بابتسامة:الحمد الله اولدي نعديو (شافت في حذيفة لتبسم ليها وهو كيحقق في ملامحها لنفس ملامح عبير ...)

طه :هاد الولد قاليا بلي كيجيك من العائلة

 لمهم نخليكم حتى ندوز نشوفك 

شافت فيه باستفهام وهي كتفكر فين شافتوو

تلفت متبع طه حتى نزل في الدروج و شاف فيها : عبير..

قاطعاتو حالا ليه لباب دخل وسدات لباب ...دارت عندو وهو كيرمقها بغموض

عائشة :نتا ولد خديجة ياك نتا ه لتلاقينا بيك واحد الليلة 

حرك راسو باه

عائشة:الله يجازيكم بالخير اولدي على لدرتوه مع بنتي

حرك راسو كيشوف في لأرض :ماشي مشكل 

قالت مخلوعة:ياكما وقعات لبنتي شي حاجة

رد عليها بعدما هز راسو فيها :لا لا .. تخلعات عليك كتاصل بيك ومكتجاوبيش عليه داكشي جبتها راها براا

عائشة بصدمة :بنتي هنااا بصح

دخل اولدي دخل سمحلي مع دعقة خليتك حدا لباب 

وصلاتو لصالون  ..خلاتو ومشات تلبس جلابيتها 

حط يديه على ركابيه كيشوف في الصالون حتى وقفات عليه بجلابتها 

ناض وقف كيقاد في سروالو وخرجو من الدار وعينيها كيدورو يمين وشمال خايفة تصادف مع مصطفى

🍀البارت:85🍀

كتحرك في رجليها بخوف و إرتباك ..عينيها محيدتش على البلاصة لمشا منها منتاظرة لأم  ديالها بلهفة مع هلع و شغف مزدوج.....

شافتها جايا كتهضر مع حذيفة بجلابتها البنية وفولار باج مع صباط سامبل... وسعات ابتسامتها وحلات لباب بلا ماتشعر ..غادا كتجري عندها نسات رجليها لضاراها ونسات كلشي... 

تلاحت عليها مكمشة فيها متناسية الزمن والمكان مقتصرة فقط على الحضن الدافي لشتاقت ليه ونفسها كتحس بيها رجعات ليها بشوفتها

مقدراتش طلق منها وعائشة كذالك زادت كرزات عليها كون لقات تخشيها في ضلوعها 

خلات حذيفة متبعهم بعينيه كتنهد

بعد مدة بعدات عبير كتقاد في شعرها دورات عينيها في الحي مابان ليها حتى شي

 حد ..تنهدات  براحة وعنقات عائشة من كتفها توجهات الطوموبيل بخطوات صغيرة على قبل رجليها لعطاتها الحريق

جلسات اللور وجلسات حداهاا مخليا حذيفة كتبسم ويدور في راسو 

لباس عليك ابنتي مالك في رجليك شفتك كتعرجي بيها 

ردت بابتسامة :لا والو غير طحت .. الحمد الله (حطات يديها على قلبها )دابا عاد رتاحيت متصوريش كيف وليت ملي ماجاوبتينيش (كمشات حجبانها)فين كنتي

طلع حذيفة وتلفت عندهم :فين نمشيو 

ردت عبير بابتسامة منورة وجهها :شي كافي تكون بعيدة على هنا 

حرك راسو ودار نظاظرو وانطالق 

خلاهم مكملين حديتهم

عائشة :كطيري ابنتي كطيري مع الطيور 

تبسمات عبير :ياك اماما حشومة عليك قولي لي فين كنتي ونسيتي التيلي تاني

عائشة:دوشت ونعست واحد النعسة و شحال حلوة رتاحيت الحمد الله 

عبير:ياك نتي رتاحيتي وانا شويتيني 

عائشة:سمحيلي ابنتي يتشوى عدوك ولمايبغيك 

تخشات فيه كتشم فيها:ااه توحشت ريحتك

هز عينيه فيها من المرايا وتبسم متبع ليهم العين.... إلا  أن وقف في سطوب... كيشوف فيها الجانب لأخر لمعمرو  حضى بفرصة يشوفو ...جانب الابتسامة و السعادة المطلقة جانب المرح....

........وقف امام كافي عائلي قدام لبحر نزل وتبعوه من اللور شافت فيه عائشة ورجعات شافت في بنتها :مالو مسكين في رجليه مديتهاش فيه هداك النهار

عبير:قالت لي خالتي خديجة دار كسيدة في الصغر 

تنهدات عائشة: درويش ومأذب ومعقول ولكن حدودي كيفاش حتى مقال ولو هاد الوقت كامل ونتي معاهم

شدات ليها في ذراعها:حدودي بزاف مي معقول وداخل سوق راسو ونكذب عليك اماما حاسبني مني من لبنات ورتاحت بزااف معاهم غي و كان خاصني ضروري نجمع راسي 

عائشة:الله يحفظو لميمتو ماحدك مرتاحة معاهم وهما ماحاذرينش عينيهم بقاي مونسا معاهم راك غريبة تما

عبير:مخاصنيش نتسنا حتى يحذرو عينيهم علياا 

جلس وحيد النظاظر. حطهم حدا السوارت والتيلي موجه بنظرو للبحر 

جلسو حداه ببسمة مخطاتش وجههم جا سيرفور وخدات كافي كغيم وعائشة جي دوغونش

جاب سيرفور الطلبات..

خلاهم كيتحدتو في جميع المواضيع كيستغلو في الوقت القليل لمحسوب عندهم تاركين حذيفة متبعهم بعينيه و وذنيه حتى حشم وهو ينوض مخليهم يدوزو الوقت ب2

عبير:ماما عنداك تجبد لي موضوع الزفت دحاتم قدام حذيفة راه معارفش 

حركات راسها بلا:ولكن علاش عادي اش فيها

خرجات عينيها :مبغيتش حشمت بلاش مايعرف حسن  لا هو لا دارهموم 

اصلا كنتسنا نجمع راسي شويا ونطلب طلاق 

ردت عليها:حشومة علة لأقل مقلنيهاش ليه هو قولي لمو ماشي فعايل بنت ناس هذا ابنتي تالين غادي تبقاي خازنة 

تنهدااتبعدا شعر على عينيها:مقدرتش هفت نقوليهم ذي حاجة ويجريو علياا في لأول حتى مبقيتش قدرت نقول 

عائشة:  ديري شي وقت وقولي ليهم ..جاب الله نفضحك راك عارفاني مكنسكتش ملي كنتلاقا أنا وخديجة في تيليفون (تنهدات) بغيت نقوليك شي حاجة عليه مقدرتش نقولها ليك في التيلي

حركات راسها :نحاول واخا راني مقداراش الله يصاوب ..(صغرات عينيها) ياك لاباس اش واقع 

عائشة:راك عارفةحاتم  في شهور لولا قلب عليك ومكانش مخليني رتاح لاهو ولا باك تزوج دابا والحمد االله رتاحيت 

عبير:كتهضري على حاتم نيت

حركات راسها:ومرتو حاملة بالرابع ولا لخامس

جاو هاديك السيمانة عند فاطمة وجا دق عليا قالك معمرك تحلمي بالطلاق هو يدير لولاد والوتاد ونتي غادي يخليك تبقاي معلقة مانتي من المزوجين ولا لمطلقين وقال كلمة خايبة حشمت نقولها ليك 

عبير: اش قال ولد الحرام ياكما عيرك

حركات راسها بلا:واكلمة ديال الزنقةابنتي 

حذرات راسها عرفاتو علاش لمح :اودي غير يبعد مني مباغيش يطلق خليه انا ماعيني في زواج ولا ولاد غير يتهنا

ردت :علاش ابنتي مالك تهدمي شبابك راسك .. زواج راه سنة الحياة غير يكون ولد الناس يديرك في عينيه

رشفات من قهوتها :انا ماباغاهش ياك شفتيني بارزة ولابسة صافي الله يجعل البركة ما باغا راجل يتحكم فيا ماباغا لينغص عليا حياتي لبغيت من هاد الدنيا هي نتجمع معاك في دار وحدة ونكمل قرايتي

تنهدات عائشة:نتمناو الخير ابنتي

بدا يظلام الحال وضوء المساء أضاء المكاان.. 

وقف عليهم حذيفة....غير شافتو عبير وقفات كتقاد في جلابتهاا وتبعاتها عائشة

رد كيشوف في عائشة رتاحيتو شوياا 

حركات راسها:الله يرضي عليك اولدي

حرك راسو بابتسامة خرج بعدما خلص سيرفور توجهو لطوموبيل حل لباب بغا يطلع حتى  سمع صوتها رنان :سمحلي ا حذيفة برزطتك بزاف

🍀البارت85:🍀

عبير :سمحلي احذيفة برزطتك معايا

رمقها بنظرات وقلب عينيه :سي با كغاف 

دار بغا يطلع عاودات وقفاتو:بغيت نمشي لشي قيسارية ولاشي بوتيك سي بوسيبل 

حرك راسو 

وقف حدا قيسارية عزيزة ...نزلت ونزلات عائشة معاها ببسمة وتلفتات عندو لقاتو شاد تيلي كيخربق فيه :غادي تبقا تسنانا ياك 

حرك راسو :ضروري غير منتعطلوش(شاف في ساعتو) يالاه نشدو طريق 

تبسمات وضارت شدات في عائشة حتى وقفها:هاكي الا خصاتك شي حاجة 

تلفتاة لقاتو ماد ليها 2 ورقات من فئة 200 درهم 

ردت عليه بابتسامة:نو بلاش خيركم كافي 

مزادش هضر.. حل لباب و نزل عطاها

 لعائشة لدعات معاه... 

هز عينيه فيها لقاها تزيرت وحناكها في ساع حمارو..... 

دخل الطوموبيل كتبسم وقالب وجهو باش مايتفرش.....

ضارو مكملين طريقهم نحو لمحلات 

خلاوه متكي على الكوسان ومتبعها بعينيه وكيتنهد  في صمت 

🌻🌻🌻🌻🌻

هازة توب ديال لمليفة أزرق  ولإبتسامة مزينة  ثغرها لاحتو ليها على كتفها :هادا يجيك غزاال مع وجهك

خديجة بابتسامة:من شحال هادا و انا مشاهياه الله يرضي عليك شدي خلصي 

شافت في الفلوس لمادا ليها :نو عندي غير خليهم حتى نرجعهم ليه

خديجة: وسيد دار الصواب ابنتي عايب ترجعيهم ليه 

عبير:منقدرش نقبلهم راه ملي سكنت وهو كيخلي لي لي معا خواتاتو فلوس ومكناخدهومش واخا كنت محتاجة 

خديجة:نفسك خايبة ابنتي مافيها باس سيد ميسر ليه الله وباغي يدير الخير

تنهدات :يكفي الخير لدايرينو فياا الله يجعل البركة 

خلصات وتوجهات عند محل البيجامات كذالك شرات ليها بيجامات مقطنة وسخونة ديال وقت البرد 

شرات ليها فولارات وزيوفا حياتي بلوان مخلات مخدات ليها كساتها من راسها رجليها 

لقاو بنت كتنقش  في طريق رجوعهم ومن كثرة مامشهياها جرات عائشة وجلسو كيشوفو الكاطالوك يعزلو شكل لي بغاو.......

هازين ليبوشيط وغادين كيهضرو.........

شافت عبير في الحنة:غزالة كون مكناش هازين ثقل كون نقشنا حتى جهة لتحت 

عائشة :لمهم درنا الباروك 

عبير:وشحال كنت مشهياها كون لقيت نبقى غير نشم فيها 

عائشة:هههه بصحتك الحبيية ديالي من عرسك غادي تكوني مادرتيها

عبير:(خنزرات) مالقيتي ماتجبدي ليا 

هز عينيه على غفلة من على تيلي حتى كيشوفهم هازين الثقل صغر عينيه كيشوف في يديها وهو يزفر بعنف وحل لباب كيسوط موجه عندهم 

خاد لبوشيط لكانو عند عائشة وكيهرب عينيه من يديها دارهم في الكوفر و خلاه محلول لعبير لخشاتهم... سدات ورجعات جلسات كتشوف في الحنة وتفرنس ....حل النافذة وهز عينيه لمرايا لقاها خاشيا نيفها كتشم فيها 

نزلهم وهو عادف 

رجع حل لباب بعد دفل ورجع لبلاصتو  الدار مصطفى يوصلو عائشة 

.......

عنقاتها وباست ليهاا راسها خشات ليها 200درهم في يديها وبعدات عليها كتمسح في عينيها ....

بقات واقفة حتى غبرو على عينيها متبعا لعائشة الشوفة وهي كذالك غادا وكتلفت لجيهتها

ركبات في طوموبيل وخرجات لفلوس لخدات من عند مها حطاتهم ليه فين كيجلس ورجعات تكات على النافذة وكتمسح في عينيها من الدموع

🌻🌻🌻🌻🌻

حلات الباب دار وطلعات سابقاه باش تحل ليه يدخل ليها لحوايج حتى كتصادف بمصطفى واجد كتسنى فيها 

ووراه فاطمة وأميمة 

فور ما شافها خرج عينيه و جا جرها من ذراعها بعنف :فين كنتي ياهاد المصيبة  وليتي تخرجي بلا شوار ودخلي بعد من راجل الدار ...سبتي ولكن انا لمني ديفو طلقت ليك اللعب

هز راسو بصدفة جهة الباب  باستغراب في حذيفةطلعو ونزلو وعبرو وحول عينيه ليصاشي لهاز :شكون هادااا

شاف الجو مشحون وعرف هادا يكون بات عبير جر عائشة بعدها عليه وحرك راسو:السلام وعليكم خالتي وجيت شفتها وخرجتها معايا فيها شي عيب اسيدي

مصطفى:(حشمان اش دار)مافيها عيب غير وكان تعلمني حرام هادشي

حرك راسو :ان شاء الله المرة جايا 

مصطفى :(عاد فاق)شكون نتا وكيفاش خالتك انا لكنعرف عائشة معندها حد

شاف فيها ورجعشاف فيه:من اليوم انا عندها 

مصطفى:ايوا مرحبا لمن جيهت عايشة مرحبا بيه دخل شرب ليك اتاي ولا طلع عندي لفوق فينما رتاحيتي 

حط يديه على صدرو :بارك الله وفيك مرا خرا ان شاء الله كتسناوني شي ناس 

حلات عائشة لباب كتفتف كتشوف تصرف راجلها لتبدل 180درجة ..شكون كان يقول مصطفى لغير صوتو يخلع درب ..لزارع فيها الرعب هي وبنتها يولي بحال شي خديم يرحب ويعاود بضيف من جيهتها .....لأمر لكأكد و يأيد أمر الحكرة لكيمارسها عليهم

دخل حذيفة لحوايج باس راسها:تهلاي في راسك وإلاخصاتك شي حاجة هاكي ها نمرتي اتاصلي بيا جبد 300درهم مدها ليها مع نمرة مقيدة في كارط فيزيت

شكراتو ورضات عليه وصاتو على عبير ..وصلاتو لباب وسدات عليها عاد دخلات 

تم نازل في الدروج حتى كتصادف مع أميمة طالعة تبسمات ليه ودازت من حذاه خدودها حومر وريحتها كتدوخ...

نزل عينيه وحك نيفو وخرج ساد الباب موراه بلا مايتلفت وراه

 

🍀البارت:86🍀

تبعاتو بعينيها بإعجاب حتى سد الباب .ساطت وطلعات في الدروج كتخبط في رجليها....

دخلات عليهم لدار لقاتهم مجمعين على موضوع الساعة "شكون هاد الشاب لجا عند عايشة"

تردخات على سداري كتماصي في شعرها ماعاجبها حال 

ملي شافتو صباح من الشرجم عجبها راجل وتعنا بيه واخا مكيمشيش مقاد مي عندو هيبة وماشي من زوايزو ديال دابا ستيل لكعجبها 

دخلات فاطمة كتنكنك غي راسها:من ايمتا عايشة كتعرف بحال هاد الوجوه 

جلسات حدا بنتها وقرصاتها :معرفتيش ديك ساعا تلاقاي ليه ملي كان نازل بقيتي حالا فيه فمك بقاي هكا حتى تبوري باش ضبري على راسك تهزينا وتهزي راسك بقاي هنا لا قراية بحال لالياتك لا راجل مسكد

ردت كتقلب في عينيها:بحال انا كرهت واش باغاني ندور على رجالا نطلبهم لزواج 

ناضت خلاتها متبعاها بنكير كيف موالفاها

دخل مصطفى غاسل رجليه وبدا كيمسح بفوطة 

فاطمة:شفت سيدة حبستي عليها الصاير عاد مازادت تنفخت وكنقول منين قول هي عندها دقة صحيحة قالك ولد ختها من ايمتا كانو عندها لخواتات باش يكونو عندها ولاد الخوت

مصطفى:دبر راسها ياك ماهازهاش وتهنينا من صايرها صافي

فاطمة:كون تسمع هضرتي كون تغنيناا وعلاش ماتسيفطها بحالها ولاتسكن معانا الا لا كنتي مزال خايف من واليديك لماتو و شبعو موت ومنها نيت نكريو الدار 

تسرح على السداري: كون بغيت نكري دار كون كريت سفلي ولكن مخاصنا صداعات خليها ساكنا ياك ماواصلاكش خليهاا حرز عليها لواليد لمحلفني منطلقهاش كون طلقتها شحال هادي مانافعاني مانافغاني بوالو 

🌻🌻🌻🌻🌻

حل لباب بغا يركب حتى كيشوف فلوس مستفين تحنا حيدهم حطهم حداه وتلفت جيهتها :هادو علاش هنا ؟

هزات راسها فيه بعدما كانت متكية على النافدة:فلوسك 

رد كيتنهد:سي عارفهم فلوسي مي ولاو ديالك

شافت على برا :معنديش الحق فيهم

 شكرا والله يكثر خيرك كفيتي ووفيتي ملي مخليني في دارك 

ساط بنرفزة:معيتيش من نفس الهضرة 

صغرات فيه عينيها :اشمن هضرة على الحقيقة عادي كنشكرك وقتما جابتها الظروف

حرك راسو بلا حول ودار دور اساروت لطوموبيل ناطق بخفوت :لحوار معاك عقيم 

ردت بنرفزة:نعام اش قلتي 

تلفت عندها: ماقلت والو كالمي فوو يالاه فاسي علاش درنا هاد المسرحية كاملة 

تنهدااات كتشوف في الطريق كازا هي كازا الحركة الكثيفة والضجيج على طول اليوم كلا فاش مشغوول.. كاين لخارج مزروب من الخدمة كينتظروه ولادوو متوجه عندهم بشوق ..كاين لداير مع صحابو يتفرجو في ماتش ...كاين لخارج يتفجج ويشم هوا الليل ..وكاين لضربوه الحيوط ومفرش كارطونة وغطاه السما ..جالس كينتظر تشرق الشميشة تضوي عليه عتمتو ....

رجعات شافت فيه : ياك ماما وصلات مزيانة 

حذيفة:(شاف فيها من المرايا)في التمام 

عاودت تنهدات :عندي مشاكل مع لأب ديالي هي لمخلياني خرجت من الدار 

حرك راسو بتفهم :مزوج من غير ماماك ؟

حركات راسها باه ورجعات شافت في الناس 

تبعها بعينيها كيشوفها مثقلاا وهازة كثر من وزنها حك حاجبو وشعل الراديو على اذاعة مفم كانت اغنية من جيل ام كلثوم .....

داز الوقت ومزال السكون من غير كلام مستقبل المكالمات في برنامج للبوح والصفح لما في القلوب

كيهز عينو مرا مرا في المرايااويحذرهم كلما التقاو عينيهم 

وقف في سطوب حتى سمع متصل كشكي من الحب ولألم لخلف من وراه حب من طرف واحد كان عايش حياتو بالطول والعرض حتى أصبح عالة على ذويه.. من شاب مفعم بالحياة الى عجوز انهكه زمن بمرورته

      "حب من طرف واحد كانتحار بالتعذيب"

طلع فيها عينيه لقاها غمضات عيونها وعنقها عوج ليها ...حيد لا سانتيغ وتلفت جيهتها تحنى وهي تعطيه ريحتها ريحة الورد والصفاء لمن نهار عرفها وهي فيها ...سد عينيه كيستنشق عبيرها لبضع دقائق وقاد ليها راسها بلطف خايف يفيقها ورجع لبلاصتو كيتنهد حتى سمع لكلاكسون عاد ديمارا مكمل رحلتو

🍀البارت:87🍀

توقف قدام لموبل ديالهم دار جيهتها لقاها مزال ناعسة دار حل عليها الباب وبدا كحرك فيها من كتفها وهو كيحقق في ملامحها حتى وهي ناعسة كتجذب العين ..حلات فيه عينيها الحمرين بفعل النعاس بعد عليها مخليها تستوعب فين هي ..خرجات تالفة بالنعاس خلاتو متبعها حتى دخلات وهز صاكها سد طوموبيل وكمل حتى هو ..

لقاها واقفة حاطة راسها على الباب حلات فاتن وهي تمشي عبير كانت غادي طيح كون محكمهاش من كتفها 

حلات عينيها بتعب وتسلات من بين يديه داخلا لبيت كتعرج مخليا فاتن كتشوف فيها بتعجب دورات وجهها عند حذيفة لجلس في الكرسي كيحيد في صبادري ديالو 

فاتن:ياك ماماها لباس عليها

حرك راسو :بخير بخير 

فاتن:مالها في رجليها

ناض متوجه لبيتو كيماصي عنقوو :سوليها هيا فين لواليدة 

فاتن:كتصلي 

🌻🌻🌻🌻🌻

نصل تريكو دصوف..حيد السروال وتوجه رشاشة مخلي لما كينزل عليه وهو كيدوز على شعرو كيحيد منو الرغوة...

مسح ولبس حوايج بيتية وتوجه لقبلة يصلي وقاتو لدازوه 

سالا وتخبط على ناموسية كيماصي عينيه كيحس براسو عيااا وتعب هاد النهار...هز تيلي بعدما صوناا لقاه  شريكوو 

جاوب كتاوب :ويي 

... :مالك غابر هاد النهار لا برية لا تيلفون 

رد عليه:كانو عندي شي اونكاجمو ياك كلشي هو هداك 

...:لا لا بادي تو كلشي غادي مزيان غير غبرتي وما موالفاش ليك ياك بخير بعدا

تنهد :الحمد الله بخير

...:من هاد تنهيداا باينا غارق ياكما في الغرام

حك عينيه :فيا نعاس سير قلب علياا 

....:(ضحك)واخا واخا بونوي غير تكايس على لقليب 

لاح تيلي وسرح في نهارو و كيفاش داز حلو معااها.......

🍃🍃🍃

يومي معك غير لأيام رغم طوله الا هو لي مجرد دقائق

لم يكفني لكي اتنفس وأجدد طاقتي 

لم يكفني لتجرد من ظلمتي و البحور في صفائك

بل كان بلسم أنعش فؤادي

ياسمين إكرام

🍃🍃🍃🍃

🌅واقفة في الكوزينة كتشرب في الما لابسة ومقادة بحال ديما بمونطو سخون وردي وكاب مع سروال جلد وبوط .. شعرها مدفور وراها ومزينة ثغرها بعكر وردي خفيف وعينيها بكحل زاد برز سواد عيونها .. كتذكر الفرحة لشافت في البنات وخديجة وهي كتعاود ليهم على نهارها وكيفاش داز وفرحتهم لفرحها ..صدقاا لقاتهم ونعم الصحبة و العائلة لكانت مفتاقداها عمرها بالكامل حمدات الله وشكراتو عليهم 

...

حطات لكاس وتلفتات لقاتو داخل الكوزينة بكويرا وسروال أسود 

طلع فيها عينيه واستقرو على شفايفها عاود قلب عينيه من بعدما حرك ليها راسو وردت عليه ببسمة مشات هزات صاكها وجلسات فوق الكرسي كتنتاضرو..خرج عندها هاز حفنة ديال اللوز والكركاع كيمضغ 

هزت عينيها فيه وناضت حلات لباب وخرجت ...

سدالباب وتلفت ماد ليها لوز والكركاع خدات من عندو ببسمة وكملو طريقهم في صمت مسيطر 

نزلات امام لبوتيك وحلات المحل ساست يديها وتلفتات لقاتو مزال واقف حركات ليه راسها بابتسامة ورد عليها وزاد مكمل طريقو لخدمتو 

داز عندها نهار بنفس جديد نفس الفرحة والسرور 

كتستقبل الكليان بابتسامة وماتطلق منهم حتى ياخدو لجاو على قبلو رغم بردة الجو الا وانها دافية بالفرحة وشعور بالراحة 

وصل وقت الغدا وخرجات شرات شي حاجة خفيفة 

الى ان حل المساء وجات مولات المحل ......

جلسات في لاكيس كتحسب لدخل ليوم حتى سمعت صوت طوموبيل وقفات حدا الباب هزات راسها هي ومولات المحل 

هزات صاكها وودعاتها ببسمة ..خلاتها متبعاها بعينيها كتسأل على شكون هذ راجل لشافت غير جزء من وجهو بحكم الظلام 

حركات راسها وهي كضحك على راسها من فضولها

🌻🌻🌻🌻🌻

جلسات حداه وتكات راسها على كوسان مغمضة عينيها بتعب ..شاف فيها وبعد عينيه :مرتاحة في هاد الخدمة 

حلات عينيها ملي سمعات سؤالو :مزيان هاد الساعة 

سكتو حتى وقف الطوموبيل ونزلات خلاتو جالس متبعها وكيزفر بعنف محاملش هاد الشعور لكيكتاسحو

 شعور جديد عليه مخليه تبدل وانجرف نحوهاا سامح في كل مبادؤو وكل خططو 

🍃🍃🍃

ياما سمعنا مخلفات الحب لبعض المرات كيكونو حميدة او بلأحرى سعادة لاتوصف ولكن في احيان اخرى وماأكثرهم كيكونو خبيثة وماأكثر خبثهم 

ملي كيولي لإنسان بحال شي روبو كيتحكم فيه الحب كيفما بغا ويخرج منو انسان جديد غريب على عالمو وعلى كل من يحيط بيه

هنا كنوليو نهضرو على نقمة الحب... 

قدما هو شعور زوين وكيخليك طاير في سما 

قدما هو خطير ويخليك تمشي حافي القدمين في الشارع هادشي كتوقف على نوعية لإنسان لكتكن ليه هاد المشاعر 

يستاهل ولا كيخذل

لدى إنتقو أحبة يخافون ان تسيئ أنفسهم إليكم وتبعثركم 

إنتقواا أحبة يعاملون أمهاتهم كلأميرات فمن يعامل أمه وأخته بجميل لا يقدر على لإسائة امرأة اخرى

انتقواا رجالاا قلبهم مليئ بلإمان فمن يخاف ربه يستحي ان يترك قلب امرأة مكلوم 

🍃🍃🍃

🍀البارت:88🍀

دازت الليلة بحال خوتها يهضرو  و يحكيو  بحال اي عائلة رابطهم مثين............

🌄حلات الثلاجة جبدات الحليب كبات ليها ورجعاتو 

جلسات في الكرسي كتشرب بشويا نظرا لبروديتو

 سمعات ارتطام الحذاء عرفاتو حذيفة... مسحات فمها وحطات الكاس وناضت سابقاه ناويا تخرج تسناه حدا الباب

الخطوة لرمات خارج الباب.. دخلات فيه.. وجهها تخشا في صدروو  ....بعدات عليه كترجف هزات وجهها فيه لقاتو مزال على وضعيتو واقف صامد حال شويا  فمو :سمحلي 

متسناتوش يرد عليها خرجات موجها تلبس صبادري ....

محنية كتقاد في السبادري مخلياا شعرها الحريري منسادل بطولتو حتى وصل لأرض غافلة على عيونو لكانو كترقبوها بلا ملل وهو كيحمل كاس الماء ......

هزات راسها كتنهد قادات شعرهاا وهي تشوفو واقف كيشوف فيها فغر فمو ناطق:تسناي انا جاي

بقات جالسة على الكرسي لأمام الباب كتقاد في لافيسط وشعرها لبرزطها رداتو جنب

دقائق قليلة لقاتهم في الطوموبيل موجه بيها لبوتيك 

الصمت و السكون يكسو المكان لاحذيت يروج من غير رائحة البارفان البارد لي أنعشت فؤادو وخلاتو  على صباح....

حلات الباب وهي ناطقة شكراا ومن بعد سداتو وتوجهات المحل 

كملريقو بعدما شافها استقرات في المحل

..............

داز  صباحها كسابق لأياام 

لاجديد يذكر 

في وقت الغداا يالاه كتفكر باش تغداا حتى كتسمع رنين الهاتف 

 هزاتو  كتشوف في نمرة سارة تفاجأة من إتصالها المفاجئ.........

فتحات الخط بتعجب حطاتو على وذنيهااا مستقبلاا صوت سارة الرنان لاحت ليها لكلام لخلاها فغرا فمهااا بصدمة وكانت علاين الطيح... كون كانت واقفا نزلااات التيلي وفمها مزااال مفتوح ..........

ناضت كتزرب هزات صاكها كترجف سدات المحل وتوجهات الدار بجراا مخليا شعرهاا كيطاير وراها 

🍀البارت:89🍀

وصلات كتنهج سخفانة ...وقفات كترد النفس وكتمسح القطرات ديال العرق لتلئلئ على جبينها

طلعات في الدروج كتزرب ....وقفات حدا لباب متكية براسها على الباب كترد النفس  وكتسرسر  في نفس الوقت

تحل الباب كان حذيفة وجهو مفيهش الدم وعاقد حجبانو ..شافها كترجف وصفراا... خلاليها الباب محلول ودخل ....

 دخلاات سادة وراها لباب كتشوف في لأنحاء ...تبعاتو لبيت خديجة...لقاتو هاز صاك كيجمع ليها في الحوايج و وراق 

شافت فيه كترجف:اش وقع وكيفاش وقع ياك كانت صحة سلام 

هز فيها راسو عاود نزلهم كجمع :كريز ديال القلب

حلات فمها بصدمة :علاش كيفاش زعما كانت مزيانة

ناض وقف كيسد الصاك طلع عينو فيهاا :كالم تواا غادي تولي لباس كريز وغادي تفوت 

داز من عليها خلاها واقفة حالة فمها بصدمة 

توجهات الكوزينة بعدما سمعاتو قال بلي كيتسناها حدا لباب

شربات كاس الما تعتق روحها وتوجهات خارجة من دار......................................................................

كان جالس حاط ذراعو على باب الطوموبيل وكيشوف قدامو فجأة دور عينيه جهة لباب دار كيشوفها كتجري ومعافرة مع شعرها لكحجب عليها الرؤية تبعهااا بعينيه الا أن طلعات حدااه ..

تنهد ورجع باغي يخدم الطوموبيل وهو كيسمع تنهداتها دليل على تعبها في الجري ...فتح النافذة لي بجانبها 

دار شاف فيها :بشويا عليك راه لباس عليهاا

ردت بصعوبة:مانرتاح حتى نشوفها ياك معاها لبنات

حرك راسو ونزل نظاظر على عينيه مكمل طريق الى ان وصل السطوب 

تصادفت وقفتو بجانب طوموبيل أخرى ....تلفت بصدفة لجهة لأخرى من النافذة كيشوف نظرات الشاب  لفي الطموبيل المجاورة .......

عيونو كيدورو على عبير نظراات عرف... معناهااا و المغزى منها  ......تنهد بعنف  وطلع النافذة لمن جيهتها بسرعة البرق خلاها تلفات شافت فيه بتعجب ظاهر على معالم وجهها

وجهوو أصبح  شبيه بطماطم وعيونو لولا نظاراتو لحاجبة الرؤيا لظهر تهجم ولإحمرار عليها ....أما الضغط لضاغط على يديه حدث و لاحرج

هزات كتافها معارفة مالو وحطات راسها على النافذة مكملين الطريق نحو السبيطار 

 وقفات  الطوموبيل أما الكلينيك ....نزلات دورات عينيها في نواحي وتسناتو حتى تمشى أمامها عاد تبعاتوو 

وصل أمام غرفة عادية  ...صوت البنات مالي المكان....حل الباب ودخل ويتسمع الصقيل ....

دخل ودخلات من وراه عينيها خارجين ومزال الرجفة كتسرا في داتهاا ....توجهات حدا خديجة لحالا عينيها وكتشوف 

عنقاتها وكاع الخلعة لكانت فيها رجعات باالبكاء ...

بكاء من نوع خاص ...شداتها مابقاتش مزال بغات طلقهاا ...الحنان والعطف لقاتهوم فيهاا ريحة لأم والصدر الرحب لقاتو فيها فكيفاش غادي تكون الا وقعات ليها شي حاجة 

بعدات عليه بعد مدة كتمسح في عينيها لتورمو من كثرة البكااء طلعات عينيها في البنات لقاتهم متبعينها  في صمت أما حذيفة حاني راسو على التيلي فوق الفوتوي ..هز عينو فيها ملي سمعها سكتات ورجع نزلهم كتنهد في صمت

كسر السكون غير صوت خديجة وهي ماسكة يدين عبير:علاش لبكا وأنا لباس  درتي جنازة عليا

قاطعتها مردة:الله يحفظك اخالتي مقامك من مقام ماما وربي شاهد 

تبسمات:الله يرضي علياا حتى نتي ابنتي عزيزة وغالية هاد اللفعات دمعة مطيحوهاش عليا تقول عدوتهم

خرجات سارة عينيها:راه مكنتيش واعيا بكيناا اويلي 

ساطت مبعدا عينيها منها موجه ناضرها لعبير  :سيري جلسي ابنتي وجهك صفار ....

حركات راسها وتمات قاصدة الفوتوي فين جالس  في صمت ..كتمسح القطرات لزالو كيقطرو بدون إرادة 

🍀البارت:90🍀

جلسات بعيدة عليه في جنب مامرتاحاش  في الفوتوي وقطرات دموع متلئلئة في وجهاا...شاف الجلسة لجالسة ومد ليها كلينيكس في صمت وناض وقف حدا لأم ديالو ...شاد ليها يديهاا 

هزات فيه عينيها: سير اولدي لخدمتك منشغلكش كيف كتشوف وليت لاباس

حرك ليها راسو:واخا راه كل لتحتاجيه جبتو ليك وشي شويا ونجي

حركات ليه راسها  مرددة :الله يرضي عليك 

هز تجاكيط على الفوتوي  وهز عينيه فيها لغير شافتو كيشوف فيها حذرات راسها كتلعب في تجاكيط ديالها تنهد وخرج عاقد حجبانو ...

دازت العشية مجموعين معاها حتى ناضو رجعو الدار مجموعين بغدما جا حذيفة  تاركينها بعدما 

أصرات عليهم يمشيو و مايبقى معاها حد

جا الصباح من بعد الفحوصات و التحاليل سمح الطبيب بلإفراج على خديجة......

واقفة عبير في خدمتهااا  كتحاول التدارك الساعات لفلتتهم في اليوم الماضي ولخلف ليها مشكل مع مولات البوتيك تحل تفهماتها غير بزز 

داز صباحها مشحون بدخول السلعة جديدة هلاها ترتبها متحطش راسها وعاد لكليون لواخا في الصباح كيكونو قلال إلا وأن ضروري منهم

جالسة كترد النفس لصباح المتعب لمر عليها هازا تيلي ناويا تاصل تسول على خديجة  لماشافتهاش من لبارح 

تاصالات وطمأنات على الحال و لأحوال زادت رتاحت ملي عرفاتها في الدار........ تاصلات بلأم ديالها طمأنة على حالها وشرات شي حاجة تغدات بيها.....

داز نهار لا جديد يذكر في وقت خروجها سمعات طوموبيل وقفات حدا لبوتيك 

توادعات مع مولات البوتيك لتبعاتها بتعجب محاولة تشوف وجه هادا لولا يجيبها ........

كيفما طلعات قلع بلا مايشوف لجيهتها خلاها هي لأخرى تبلع الأسئلة لكانت غادي تسول على خديجة...كيف وقفات نزلااات خلاتو كيبلاصي الطوموبيل ..........

دخلات بعدما حلات عليها سارة لاحت الصاك وتوجهات عند خديجة لجالسة كتفرج في مسلسل تركي تلاحت حداهه معنقاها حاطة راسها على صدرها ولأخرى الإبتسامة مرسومة على فمها 

دازت الليلة غير الليلة لقبل ..ليلة بالفرحة مليئة .......خديجة هي فرحة الدار ونوارتها وملي ماباتتش في الدار عاد عرفو قيمتهاا....

مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

🍀البارت:91🍀

صبحات عبير متعوبة وكرشها كتعطيها الحريق مقداتش تنوض من فراشها شافت الساعة ورجعات تغطات كتنسي الحريق حتى سمعات الدقان في باب البيت معرفت شكون وقالت غادي يكون غير حذيفة  على قبل الخدمة كيدق ....ناضت عاضة على شفاها بألم قادات بيجامتها وحلت عليه باب مزيرة

هز عينيه فيها بعدما كان حانيهم على التيلي:معندكش الخدمة اليوم 

طلعها ونزلها كتبان من وجهها ماشي هي هاديك شاف يديها على كرشها حرك راسو :اه فهمت مزال عندك دوا لكنت جبت ليك

حشماات وسدات ليه لباب على وجهوو خلاتو مصدوم وفي نفس الوقت ضحكة بغات تخرج ليه من شكلها المصدوم 

حك على شعرو وتوجه داق على الأم ديالو حتى فتحات ليه عينيها نايمين كتعقد في زيفها:حذيفة ولدي خاصاك شي حاجة 

رد عليها ببسمة :واحد 5 دقايق 

تعجبت ليه معمرو نوضها من نعاس كيمشي بلا فطور ومينوضهاش هزات زيفها دارتو على شعرها وخرجات عندو لكوزينة لسمعاتو كيقرقب فيها

دخلات لقاتو حاط كاس القهوة جلسات كتاوب

دار عندها حط طبيسيل دالفاكية وجلس:ياك لباس مشا عليط الحريق 

خديجة:لا لا الحمد الله وليت مزيانة

حدر راسو كيشوف في كاس أمامو:غير الله يسمح لي منك الوالدة مقدرتش نصبر تاالغداا والهضرة ماشي ديال التيليفون

خديجة:ماشي مشكيل اولدي نعاس كيفوت ياك ماكين باس ؟

تبسم وحك وذنيه بحرج:كل خير الواليدة كل خير غير دعواتك

خديجة:الله يرضي عليك ويخليك ديما لفوق لفوق 

رد عليها بعدما رشف من قهوتو:بغيت ندير بكلامك الواليدة

شافت فيه باستفهام

حط الفنجان و تقاد في الجلسة كتنهد:العمر غادي وخاصني ندير وليداتي

شافت فيه بصدمة ممتيقاش بأن الموضوع لصدعاتو بيه هو لجبدو :ايه  هادشي لبغيت  فرحتي هي هادي اوليدي كتعرف شي بنت ناس ولا نقلب ليك عليها

هز راسو فيها بحرج  كهرب عينيه مقادرش يشوف فيها :بصراحة احمم مكرهتك تهضري لي معا لبنت احمم 

باستفهام:شكون

تنهد:عبير 

خرجااات عينيها بصدمة يالاه غادي تهضر تسمع لكاس طاح تلفتو بزوج جهت صوت لقاو عبير مخرجا عينيها فيهم بصدمة وترعيدة شداتها من رجليها.........

رمقااتوو بنظرات  بان المغزى منهم نظرات مليئة بالحقد وليس بنظراتها الرحيمة السابقة 

نضرتها تبدلاات ..... قلبات الدورة لبيت..وخلاتهم فيكسين عينيهم على فين كانت واقفة

تنهد حس بيراسو خاد الجواب من خلال نظراتها ليه لكانو كالقرطاس باس على راس خديجة لطبطبات ليه على كتافو بدون كلام وخرج كتافو طايحين كيسرط في القمعة الغير مباشرة

في بعض لأحيان توضح النظرات مايكون في القلوب 

وقراءة العيون فن لايعرفه اي كان 

🍀البارت:92🍀

دخلات لبيت كتقفقف متصوراتش يكون دايرها في بالو كتشوف معامالتو ليها كتقول بحال خواتاتو ولكن كيظهر انها كانت كضحك على راسها 

شكون هاد الوقت كيدير الخير وكيعتابر بنات لماشي من دمو بحال خواتاتو

 جرات صاك كتجمع فيه حوايجها بزعفاا خلات لبنات يفيقو من نعاسهم بهلع 

كملات وهزات جلابة لبساتها جمعات شعرها وخرجات بلا ماتعير البنات برد 

لقات خديجة جايا قاصداها لبيت حتى كتصدم من الصاك لهازة :الله ابنتي وفين غاداا

ردت عليها:تقادا لكلام اخالتي الله يجازيك ويكثر خيرك حسبنتيني من بناتك ودرتيني وسط منكم ولكن هدا هو الحد من اليوم منقدرش نعيش في هاد الدار 

خرجات سارة كتجمع في شعرها :مالك اعبير ياك لباس

شافت فيها ورجعات شافت في خديجة لمزال صدمة لاعبة عليها :غير جلسي ونهضرو ابنتي

خرجات عينيها:مبقاش فاش نهضرو (حكات شعرهاا)تقادات الهضرة 

كنت حاسباه بحال خوتي وكنحتارمو سيد الصلا والدين قايم بالدار وداخل سوق راسو و لكن حتى يكون حاط عليا العين سمحي لي ولكن متقبلتهاش (حطات يديها على حنجرتها)وقفت ليا هنا عند بالي سيد حاسبني بحال البنات 

ومن هادشي كلو كنتمنى ليه كل خير الله يرزقو الزوجة الصالحة تكون حسن مني وخير مني

شهقات سارة:حذيفة طلبك لزواج كنت عارفاها 

شافت فيها خديجة بتخنزيرة حتى سكتات 

عبير:ياك اختي انا لمقلوبة عليا القفة خالتي خلينا مزيانين درتي معيا مزيان وحاطاك فوق راسي ولكن انا مابغا بوزواج واخر همي في هاد الدنيا هو زواج 

خديجة:(بعتاب )زواج ولا حراام دابا 

ردت بغصة:بالنسبة ليا انا حرام 

تحنات باست ليها راسها وتلفتات شافت في سارة وفاتن كذلك لخرجات من بعد وهزات صاكها مخلياهم يعيطو عليها....

حتى  وصلات حدا لباب ورجعات دارت شافت فيهم هوما لكانو متبعينهاا.... تنهدات بعنف وحكات شعرها بحرج:خالتي سارة فاتن بغيت نقوليكم بلي 

أنا مزوجة

تسمعات شهقة سارة 

دورات عينيها عليهم كاملين في محاولة تقرا تقاسيم وجههم اش كتوحي شافت البرود من جيهت خديجة و البنات فغرين فمهم بصدمة 

عاودات تنهداات:ماتظنوش فيا السوء عتابرتكم عائلتي وحسيت معاكم بلي عمرني حسيتو ولكن مقدرتش نقولها خفتكم تلوحوني وتخافو على راسكم ...ومبغيتش نبرزطكم بمشاكلي وأصلا بغيت نساا لداز عليا

شافت خديجة فيها :مزوجة ؟

حركات راسها باه: مع لأسف محسوبة على واحد الحيوان زوجوني ليه بزز 

فاتن:هو لكان دار فيك هاديك الحالة ماشي باباك 

تنهدات وحركات راسها باه

حطات صاكها وجلسات على الكرسي لحدا لباب ساهيا في الماضي مخلياهم مقابلين معاها تابثين في أماكنهم 

نزلات دمعة شقت وجهها لامع مخلياهم قدما شافقين عليها وبقات فيهم قدما بقا فيهم الحال حيت خبات عليهم 

تنهدات خديجة موجهة عندهاا ...حطات يديها على ظهرها في محاولة تواسيهاا

هزات عينيها شافتها  ونزلاتهم معنقاها من كرشها:سمحيلي اخالتي ربي لعارف بمعزتك لا نتي لا لبنات مقصدتش نخبي ولكن خفت في اللول و من بعد مقدرتش طبطبات عليها مرددة :الله يسامح 

بعدات عليها خلاتها تنوض كتمسح في دموعهاا......

عاودات باست ليها راسها وخرجات سادة من وراها الباب.....

🍀البارت:93🍀

🍂🍂🍂🍂🍂

حتى قالت لقات علامن تحط راس ويكون عوينها في الغربة

 حتى قالت بدات تضحك ليها دنيا وتمد ليها يد السعادة و الفرح

حتى تفكات من لأب لكان منغص عليها حياتها 

حتى بدات نفيستها كتزهر ....ولكن هادي هي دنيا ضحك ليك نهار وتبكيك أيام ولما لا شهور 

🍂🍂🍂🍂🍂

خرجات من الباب بحال شي طاير مقصوص ليه جنحيه لا هو قادر يطير ولا قادر يبعد يتخبى من الشتا لكتطيح عليه 

الدمعة شقت عينيها متناسياا ألم كرشهاا

 كتحس بالضياع كأنها عاد هرباات بدات شتا كتنقط وهي غير مبالية..... كتمشى ومعارفاش فين حتى خرجات على جردة حطات صاكها وجلسات فوق الكرسي كتكسوه مياه الشتاء

 بكات وعاودت ومن بعد مسحاتهم بوحدها كيف موالفة وناضت لخدمتها كتقطر هي لي بقات عندها باش تاكل طرف الخبز مخصهاش ضيعهاا

حلات  ودخلات ديريكت بدلات حوايجها بحوايج سخان وكذالك وجهها دارت داكشي خفيف باش ما تستقبلش لكليان وجهها صفر 

وجلسات في موضعها في إنتظار الكليان وكتفكر فين  غادي تجلس وفين تحط راس 

🌻🌻🌻🌻🌻🌻

جالس في البيرو كينقش لخشب البني اللون.... لابس البلوز بيضاء ونظارت لحماية من غبرة الخشب مركز و كيزفر بعنف الظاهر انو في الحضيض 

تسمع رنين الهاتف خرجو من السكون وعتمته رما عينيه لمتصل..حط لفي يديه وحيد النظاظر كيحك فيهم:الواليدة 

خديجة كتشهق:ولدي جي جي داباااا

وقف بتخنزيرة :اش واقع  ياك لباس

خديجة:عبير اولدي عبير مشات 

رد بهلع:كيفاش مشات

خديجة:جي الهضرة ماديال تيليفون

زفر بعنف:غير تهدني تهدني 

قطع ولاح البلوز وخرج في عوض خطوة كيدير خطوتين

...نزل من طوموبيل وطلع كيزرب 

حلات فاتن لباب دخل موجه لبيت لسمع فيه هضرت خديجة لغير شافتو وقفات:خاصك تلقا فين هي مبغيتهاش تكرفص وزنقة عامرة دياب 

مسح على وجهو بغيض :كيفاش وقع هادشي ملي شفت ردت فعلها هكاك قلت مباغاش زواج اش قربها لخروج من دار

خديجة:حتى انا تصدمت كنت غادا نهضر معاها حتى خرجات هازة صاكها 

مبغاتش تبقى ونتاا .....

تنهد مقاطعها:مالي انا اش درت طلبتها تجاوبني بالرفض كافي ونبقاو كيف كنااا

سارة:انا بصراحة كانت كتجيني معقدة من رجال وكنكذب على راسي 

خنزر فيها حتى نزلات عينيها بخوف 

وقف هاز سوارتو خارج حتى وقفاتو خديجة:فين غادي 

تنهد :غير هنا الوالدة ارتاحي مافيها خير مافيها خير

ردت خديجة :الخير في الله انا عزات عليا وحسبتها من بناتي مبغيتش ليها تكرفص والبرد والشتا 

حرك راسو وخرج شد طريق لبوتيك وقف طوموبيل وهو كيشوف فيها واقفة كتبسم مع كليان وكتوريه انواع دجين لكاينين ..ساط مغزف وجمع يديه 

ودخل قاصدها 

حدرات تجبد دجين اخر:بلاتي نجبد ليك هادا حسن 

مع هزات راسها شافتو جاي عندها بتخنزيرة ماسبقش ليها شافتها حذرات عينيها لراجل مادا ليه السروال

شدو دخل يقيصو

 خلاها ربعات يديها وكتشوف فيه جاي في إتجاها

🍀البارت:94🍀

شدو ودخل يقيصو خلاها ربعات يديها وكتشوف فيه حتا وقف حداها  كيتفحصها بعينيه:كيفاش قضية هزيتي الصاك وخرجتي بلا ماتراعي لمرا لخليتيها موراك كتبكي

ردت عليه بعد مدة كتفكر اش تقول :كنت غادي نخرج غادي نخرج جابتها الظروف وخالتي معمري نسا خيرها حسباتني من بناتها ماشي بنت لحرام لنعض ليد لتمدات ليا ولكن كيف قلت الظروف

حرك راسو كيسمع ليها و عينيه في لأرض ملي كملات هز فيها راسو:ظروف هي زواج؟

تنهدات كتشوف لبعيد:كنت حاسباك خويا وكنقول بحال هاد سيد مكاينش واخا معندي ثقة في رجال مي عزيتي عليا وكنشوفك كيفاش شاد حبال اسرةومعقول (شافت فيه لقاتو كيشوف فيها نظرات معرفاتش تفسرهم)داخل سوق راسو الصلاة ودين حتى صدمتيني ليوم ورجعتي نظرتي لرجال على أني على صواب

تبسم:هادشي كامل حيت طلبت لحلال

ردت كتشوف في بسمتو :وي

تنهد:معرفتش اش ضارك من جهة رجال مي نقولك كلام ابنت الناس (حط يديه على صدرو)نيتي كانت صافية كيفما قلتي عزيت عليك عزيتي عليا وقصدت لباب رفضتي وعرفت جوابك ملي شفتي فيا هديك الشوفة ...الخير فيما اختاره الله تبقاي في موضعك و ماعليا غير نحسبك منك من لبنات وربي يشهد علياا غير وكان تخرجي من دار حيت طلبتك لزواج ماجاتش

حكات شعرها باحراج:منقدرش نبقا في دار ممرتاحاش فيها خالتي نقولها ونعاودها في عيني نتبت راسي ونعرف فين نصد ونجي عندها نزورها ولكن باش نسكن منقدرش

حرك راسو قاطعم راجل هاز السروال :ختي عطيني بحال هادا غير ناقص بطاي وحدا الله يحفظك

خداتو من عندو رداتو لبلاصتو وجبدات واحد بحالو ...شافت طاي ومداتو ليه بابتسامة هزات عينيها في حذيفة....والبسمة مزال على فمها لقاتو حاضيها ومربع يديه :مضركش فمك من الضحك

شافت فيه باستفهام 

تنهد :صافي دابا خديتي لقرار 

حركات راسها ب اه

رمقها بحزن:فين غادي تسكني

هزات كتافها :معرفتش فينما داني الله نمشي

سكت مطول كيشوف  في لأرض...هز فيها عينيه بعد مدة :بقاي في الدار انا غادي نخرج

شافت فيه بدهشة:كتهضر بصح

حرك راسو:وي جاتك في شكل غير بقاي وخودي راحتك

حركات راسها بلا: نو منقدرش غير بقا مع خالتي شعور خايب لواحد يبعد على ميمتو

رد عليها:مخليتي حتى حل راسك قاصح

عبير:هادشي لعطا الله 

خرج راجل ومشات تابعاه لاكيس ....خلاتو مقجوج وتفاحة ادم كطلع وتزل فيه

تخلصات وردات ليه الصرف ورجعات التافتت مبانش ليها شافت على برا طوموبيلتو مزالا

ناضت كتقلب عليه بين قطع لألبسة مالقاتوش ورجعت كتنهد لاكيس شافت طوموبيلتو ديمارات وجلسات حتى كتشوف جوا أبيض اللون محطوط فوق الطابلة دلاكيس هزاتو كان ثقيل.. فتحاتو لقات فلوس تكون صحيحة ومعاهم ورقة خداتها حلاتها 

🍀البارت95🍀

"صغري راسك غير هاد المرة وخودي هاد الفلوس راك في حاجة ليهم كنتمنى ليك كل خير والتيسير وغادي نبقا ندعي معاك في كل صلاتي" 

كانو هاذو الكلمات لكضمنهم الرسالة لخلا ليها...كلمات لها معنى تقشعر لها لأبدان ....كلمات تحمل كل من مشاعر المحبة والحنية ........

جمعات الورقة خشاتها في صاكها حسبات لفلوس لقاتهم يكفيوها ويوفيوهاا جمعاتهم في صاكها وجلسات كتفكر منين تبدااا

🌻🌻🌻🌻🌻

دخل الدار ولاح سوارت كيتنهد طل على خديجة لقاها كتصلي ولبنات مشاو لصونطر جلس تسناها حتى سالات....

حذيفة :الله يتقبل

كتجمع في الصلاية : اللهم امين اولدي

 حطات الصلاية وجات جلسات حداه حطات يدها على فخدو :لقيتيهاا

حرك راسو باه:في خدمتها 

خديجة:غادي ترجع

تنهد كيشوف لبعيد:لاا(رجع شاف فيها)مابغاتش 

(شد ليها من يديها)رتاحي ليك ربي مدبرهاا 

خديجة:ونعم بالله 

ناض وقف باس ليها راسها وتم خارج

خديجة:مغاديش لخدمة ليوم 

تلفت عندها :لا حتى لغدا ان شاء الله

كمل طريقو حتى وصل لباب وتلفت جيهتها :ماقالتش ليك شي حاجة كضرها

خديجة:عبير ؟ بحالاش

تنهد وحك نيفو:عندها شي مشكل مع رجال

خديجة : واهي كانت عندها مشاكل مع باها 

حرك راسو كتنهد وخرج موجه لبيتو خلاها هي لأخيرة كتخمم في الخيبة لتلقا ولدها الوحيد والسعد لعندو...

سنين وهو كتهرب من زواج والنهار بغا يتزوج وبكامل إرادتو العروسة مزوجة ....

فكرات مزيان وخلاتها في يد الله متبقاش تجبدها ليه من لأحسن.. 

عرفاتو غادي يكون مجروح من جيهتها..حيت مايمكنش يجي و يبغي يتزوج بيها بعدما كان يتهرب من ما يسمى بالزواج ويخلق أعذار  إلا وغادي تكون واصلا فيه لعظم من جيهتها 

ولدها و عارفاه...

🌻🌻🌻🌻🌻🌻🌻🌻

كلما قربات الساعة الخروج  كتزيد تخلع فين غادي تصد و لمن تعطي الراس

جات مولات المحل وطلباتها على أنها تبات في المحل فيه واحد الفوتوي الصغير تكمش فيه قبلات بمشقة وحذراتها تكون اخر مرة

تكات على الفوتوي بعدما طرقات عليهاا كتحك في راسها نعاس طار من جفونها وكرشها كتغوت بالجوع ... ليل كامل وهي كتفكر و تخطط في الخطوة الموالية............الخطوة لخاصها تدير وتنسى خديجة وماجاورها...

🌄حلات عينيها حمرين على صوت ضجيج طوموبيلات.. تقادات فوق لفوتوي لكانت زالقة منو ورجليها كانو في لأرض

جمعات شعرها و ناضت الطواليط....

خرجات كتماصي عنقها حيت بقات بلا مخدة 

حلاات البوتيك بعدما بدلات حوايجها وقادت بلاصتها 

خرجات قدام الباب سخرات بنيتة تاخد رايبي وبيسكوي وخبزة باش تفطر 

تسناتها كتستنشق هوا الصباح البارد 

حتى جات ودورات معاها خلات تضحك ودخلات حطات داكشي وجلسات كتفطر بينما جاو لكليان 

داز نهارها كيف ديمااا و جا المغرب توادعات مع مولات البوتيك وخرجات كتقلب على سمسار 

غادا وحاضيا جنابها بانت ليها مرا هازة تربية جيا من حداها قصداتها سولاتها ونعتات ليهاا 

تبعات النعت حتى وقفت عند محل صغير مولاه داير كرسي حدا لباب. وكيشرب في اتاي وقفات عليه وكتسول فيه...........غادا وراه وحاضيا جنابها حتى دخلو في حي شعبي ولاد كينقزو ولبنات مجمعات حدا لبيبان 

دخل كيدق في واحد الدار حلت مرة عاكفة زيف الظاهر هي مولات الدار 

بعد السلام دخلاتهم لبيت جا داخل عندو شرجم على الكوزينة صغير على قدها.. 

مع ضيق الوقت وليل ضوات كمرتوو مابقا بديل تفاهمات هي ومرا على فلوس الشهر خلصاتها وعطاتها ساروت البيت والدار 

خلصات السمسار واخا كان باغي لمزيد سكتاتوو بقول "بهادشي لعندي"

طلبات من لمرا تديبانيها بشي سطل وجفاف ومانطة تجلس عليها بينما تلحق تشري 

وداكشي لكان دخلات ليها سطل دايرة فيه تيد وجافيل وجفاف وكفضات ذراعها تحنات كتجفف وتمسح في الحيوط والشرجم 

خلات ريحة النقاوة عاطية دقات عليها المرا عطاتها بونجة ومخدة مع مانطة شكراتها فرشاتهم وتكات مغمضة عينيها وكتحك في شعرها تفكرات عائشة هزات تيلي لتخرشش مع الطيحة لطاح دارتو في وذنها وفي ساع عائشة جاوبات 

تنهدات براحة وتكلمات معاها لمدة حتى طاب نعاسها وقطعات مطمأنة عليها وخلاتها مطمأنة عليها كذالك هي لأخرى مخبرتهاش راه خرجات من دار خديجة مقدراتش تبرزطهاا

نعسات وجوعها في كرشها من فطورها مابقات داقتو لمهم هو المسكن حمدات ربي عليه

    🌼 بعد مرور سنتان🌼

🍀البارت 96:🍀

🌼🌼🌼🌼 بعد سنتان🌼🌼🌼🌼

جالسة في بيفيط قدامها كاس القهوة مخشعة  مع كتاب  في سكون من غير أصوات القليل من الطلبة .................

 شافت ساعتها وحيدات النظاظر دارتهم في بلاصتهم ..جمعات كتابها في صاكها قادات شعرها السود لواصل تحت ظهرها.....

....هزات راسها غادا بصبادري وسروال كحل وتشورط كري

دخلات لمحاضرة جلسات القدام بحال عادتها من بداية السنة وتبعات مع دكتور الى حين سالا الوقت وجمعات كتوبتها في صمت 

ناضت خارجة ..توجهات لبلاكة الطوبيس كتسنا فيه ....ركبات وسط تزاحم الطلبة

 تعلقات  في الحديدة  بحال قرانها حتى وصلات ............

نزلاات كتقاد في حوايجها وشعرها لرجعو حالتهم..وقفات عند مول الحانوت خدات من عندو 2 بيضات ودرهم كاشير وخبزة خلصاتو 

دخلات الحي لدازت من حداه يسلم عليها وهي كتبادلو بالمثل... حلات الباب ودخلات لبيتها حطات الميكة وحيدات صبادري 

مشات لطواليط لمشروكة فيها مع مولات الدار طواليط صغيرة قدامها لافابو

غسلات يديها ودخلات شعلات على لبوطة الصغير ودارت زيت في المقلة يسخن وخوات عليه البيض وكاشير 

وبدات كتوجد عمارة اتاي

حتى سالات وحطات داكشي فوق طابلة كتاكلو وكتشم ريحت الرفيسة من الكوزينة.....

 فكراتها في عائشة لعاماين ماشافتها رغم أنها مشات لكازا على قبل وراق لافاك ولكن كانت مضغوطة بالوقت و الخوف من لأب لنساها في هاد المدة  .....تفكرات خديجة لمبقاتش دارت جيهتها ولاقربات عارفة راسها منها ديفو وغالطة من راسها لرجليها ولكن فضلات تبقا تهضر معاها لا هي لا لبنات غير في التيلي

حطات الدغمة في فمها ونساتها وهي كتفكر كيفاش العام اللول داز وهي وحيدة لا علامن تحط راس ولا علا من تعول مكمدة دقتها في قلبها وراضية بحكم الله من الخدمة البيت ومن البيت الخدمة كتجوع وكتصبر حتى يوجد وكتقتاصد وعاضة في صبر باغا تجمع ريالات وتلقى في شدة علاش تكا دنيا هادي وزمان مكرحمش...تمرض غير مرضة وشكون يكون بيها ........

سااست يديها وناضت رتبات  البيت وعمرات بانو غسلات فيه لميعنات لقلال وتكات نصف ساعة وبعدها ناضت كتحك في شعرها ...

جمعاتو كعكة حيت ولا يصهدها لبسات صبادري وهزات صاكها متوجه منين تجيب قوة يومها.....

مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

🍀البارت97:🍀

وقفات امام كافي دخلات لبسات طابلي وباشرات في خدمتها 

لمن نهار خرجات من البوتيك لخلاتو بسباب القرايا لخاص الوقت يكون متوازي معا الخدمة وبحكم البوتيك عندو دوام على طول النهار مجاهاش مع الوقت ...ضطرت تقلب في القهاوي واخا كان عندها تخوف من هاد القضية إلا ولضرورة أحكام 

ضلات واقفة على رجل كيف كاع نهارات ...كافي مشيا  فيها الحركة ..جات كطل على البحر و فيها بلاصة فين كيلعبو لوليدات مكتخواش من مختلف الفئات

حطات الطابلي وهزات صاكها حتى سمعاات سميتها من اللور كانت بنت من عمر عبير سمراء ودايرا الفولار:ختي عبير يالاه تعطلت على مُنذر 

ردت عليها:يالاه لقيتني غادي نجي عندك ارشيدة 

رشيدة :عيت ياختي شوفي يدي كيف ولاو بجافيل كاع طابو

شافت فيهم بأسف :كنقولك ديما متبقايش تخوي جافيل صيك وغسلي بليكات كرفصتي يديك 

رشيدة:وا ليكات كيخنقوني وحتا جافيل راه كنلقا لمريض ديال عثمان واقف ليا على راسي ويكومونضي ما يخلينيش على خاطري

ردت عليها :الله يعفو زيدي ولدك مسكين غادي يبقى راسو

شافت في ساعتها:غادي يكون سد عليه لباب ومشا 

لخدمتو

خرجو كيهضرو على مختلف المواضيع توجهو لطوبيس وكلا خدات نمرة لتوصلها

دخلت الدار لاحت صبادري وتكات متعوبة دوران أنهكها معندهاش وقت لفراغ جل وقتها مشغولة من لافاك الكافي

سمعات تيلي كيصوني جرات الصاك جبداتو شافت المتصل ردات في الحين:الو فاتن

ردت عليها:لهرابة صافاا

تبسمات:الحمد الله نتوما لباس عليكم 

فاتن:الحمد الله ها هوما حدايا كيسلمو عليك يا لهرابة الا ماسولناش متسوليش

تبسمات:ياك عيطت عليك غير هاديك سيمانة

سارة:قولي ليها تجي تجي 

فاتن:واغير سكتي

ردت:سارة هادي  أريها ليا أريها نتي راك  وليتي مشاغبة 

فاتن كضحك:ياك اختي هاكي هاكي لما فيهاش الشغب

سارة:طوفيطا الخامجة صافا

كضحك:كتفنو ليا في المعيور تبارك الله عليكم

سارة:جي اصحبتي عندنا راه توحشناك

ردت :معنديش الوقت والله دابا عاد جلست من لافاك لكافي العيا ديال دنيا والدين كيتجمع عليا وحتا لأحد راه عندي غير صباح  لخاوي

سارة:و الله يحسن العوان حتى حنا غير جالسين في كرسي ونجيو بحال دايزا علينا طراكس 

عبير:نتوما لعبرتو قريتو بزوج وخدمتو في نفس البلاصة 

سارة:هههه حسدتينا

عبير:لا لا الله يكمل بالخير

سارة:واش درتي غادي تجي راه عندنا لفرح 

قاطعتها خديجة:قولي ليها تجي راه تيليفون مايشبع جوف

سارة:هانتي سمعتي على وذنيك

عبير:ياكما غاتزوجي اللفعة 

سارة :مصاب اختي ولكن فينهوا راجل فرح حذيفة اختي جي جي نشطو بيناتنا

عبير:الله يكمل عليه بالخير خالتي غادي تكون فرحانة 

سارة:غادي تكون فرحانة ولكن راه مكتبينش 

خطفات ليها تيلي :الله يمسخك مسماوك لفعة حتى لفعة نيت

رجعات تيلي لوذنيها: لهرابة 

بابتسامة :خالتي توحشتك

عوجات فمها:منين جاك الوحش وحنا في مدينة وحداا ومكتجيش

ردت عليها:راه والله مكنسالي كنظل في لافاك ونكمل واقفة على رجل 

خديجة:يالاه هضرت مع عائشة ومقلت ليها والو مزال مسكينة مكفيا عليها القفة وكتصحابك مزال عندي 

عبير:الله يحفظك مبغيتش نشوشها علياا

خديجة:واحاولي تجي نهار السبت جلسي معانا سويعات كملي لي فرحتي بشوفتك

ردت :غادي نحاول مع مول لكافي الله يكمل عليه بالخير فرحت ليه بزااف

تنهداات بأسى  حاملة في طياتها بزاف دلمعاني :أمين يارب

قطعات معاهم الخط كتحك في شعرها صحيح متمنيا ليه السعادة ماشافت منو غير الخير غلطات ملي دارت تصرف خايب اتجاهم..ندمات أشد الندم على نهار لفكرت تقول كلام جارح خصوصا ماكانت تلقات لامنهم ولامنو شي تصرف.....

🌾🌾🌾

ملي لإنسان كيغلط في شي شخص والشخص لخطأتي فيه كيكون متسامح تما فين كتلقا مكامن القوة ديالو وكتشوف راسك صغير أمامو ....كتندم حيت لاينفع الندم...قدما اعتاذرتي وقدما رد عليك بالسماح قدما كتزيد في تصغير نفسك وكتحس أنك إنسان مكتسواش 

🌾🌾🌾🌾

كون كانت عادية متفلتوش رجل مثالي صحيح كتواجد في كل فينا اغلاط ولكن عندما تتغلب حسناته على سيئاته يصبح حينها شخص مثالي 

ولكن هي غير كل البنات للحلم  ديالهم فارس أحلاام 

♨️حب يتخطى حدود المنطق♨️

🍀البارت98:🍀

جا صباح الجمعة تحنات لبسات صبادري ديالها وهزات صاكها هزات بلوز ديالها في يديها ومشات كملات طريقها نحو الكلية......

متحررة من جميع القيود رجعات لبسمة لكانت عندها ملي كانت عند خديجة 

ردات شعرها القدام ودخلات حاذرة راسها متجاهلة نظرات لمتوجهة ليها من عند الطلاب 

ملي واحد كيكون داخل سوق راسو و حدودي كيكونوو النظراات لكتوجه ليه نظرات غير طبيعية

نظرات الحقد ...

دازو حصصها بحال ديما كتكمل المراجعة الدروسها  في بيبليوطيك هداك هو الوقت لكتلقى فين تنغمس في بحور كتوبتها

جالسة كتغداا حاطا أمامها فريت وطبسيل شلاضة بزيتون كتشم ريحت كسكسو وهي معندها جهد ولا لوقت ليه ناضت بزعفة سدات شرجم لمفتوح على الكوزينة المراا وجلسات كتمضغ بلا نفس كملات وتكات كتفكر في غدا اش غادي تلبس في الحضور 

ناضت من بعد القيلولة لبسات سروال بيض وشوميزا بلا يدين بالوردي.... محلولة من جيهة الصدر لمزين بسنسلة سامبل وعندها صمطة من جيهت الخصر سوداء لبسات سبرديلتها وجمعات شعرها كعكة 

خرجات كتنتاظر الطوبيس لدايرا لكارط ومهنيا راسها 

.....دخلات تحزمات بطابلي وخرجات هازة بلاطو تبدا تقيد الطلبات 

بقات مكملا مهمتها من طابلة لطابلة بضحكتها البريئة مخليا لا عيالات لارجال يترددو على الكافي بحسن معمالتها وطيبتها

وقفات كترد نفس وكتنتاظر طلبية الزبائن 

متكية على كونطوار 

هزات البلاطو غادا جيهت الطابلة لدومونضات 

مع الهزة دراسها لباب لكافي تصادفت مع عينين كيشوفو فيها ....كان حذيفة  لضعاف على كيف كان  حركات ليه راسها ....ورجع حرك ليها راسو كيتفخصها ... وكملات طريقهاا حطات لكافي والعواصر على الطابلة وابتاسمات وانساحبات غادا في اتجاه الطبلة لجلس فيها مع امرأة لكانت وراه وماشفتهاش قبل 

لابسة الخمار زهري حنطية البشرة ذات عيون سوداء 

وقفات عليه هو لكان متبعها مصغر عينيه ....كيفليها ..وقفات ببسمة مزينة ثغرها :سلام وعليكم

حرك ليها راسو ونزل عينيه من عليها

خرجات ستيلو باش تنوطي وشافت فيه وقلبات عينيها بفضول لمرأة

هز راسو فيها وزفر بعنف 

حاط يديه على فمو :لباس عليك 

تبسمات:الحمد الله ونتاا

غمض عينيه ورجع حلهم :الحمد الله 

ردت عليه :هضرت مع لبنات لبارح (شافت في البنت لكانت متبعاهم باستفهام ورجعات شافت فيه)مبروك عليك الله يكمل عليكم بالخير

اكتفى انو حرك راسو و ردت البنت ب امين 

عبير:شنو تبغيو تشربو ؟

حذيفة :كافي نوار بلا سكر 

قيداتها وشافت في البنت 

البنت:جي دو غونج

حركات راسها كتكتب ومشات بحال شي فراشة حطات الطلبية ورجعات كدور على لدخل جديد تاخد الطلب ديالهم 

🌻🌻🌻🌻

تبعها بعينيها كيصكانيها زادت ضعافت وزادت زيانت تنهد و حك حاجبو ورجع شاف في البنت ...لقاها كترمقو بشك 

جر يديها عندو طبطب عليها كأنو كيقوليها مكاين والو من داكشي لكتفكري فيه :صاحبت لبنات وكانت جالسة معانا شي فترة

ردت عليه:عبير

حرك راسو باه وقلب عينيه لجيهت لبحر

تنهدات و رجعات تقلب عليها بعينيها حتى استقرو عليها كتضحك مع شي وليد صغير وكطبطب ليه على شعرو طلعاتها ونزلاتها ورجعات قلبات عينيها لجهة اخرى .....

 هازة لبلاطو جايا في إتجاههم وقفات كتبسم تحنات حطات العصير بشويا جيهتها 

وهزات الكافي بشويا خايفا دفق ليها نزلات معاها حتا حطاتها حداه ..زفر بعنف وعض على شفايفو باكراه مغدد كيفكر شحال من واحد غادي يكون شاف صدرها لعاري وملي كتحنى اكثر قلب عينيه عليها خايف لايتهور ويدير شي تصرف يندم عليه 

حتى مشات ورجع هز الكافي رشف منها وكيكرز على يديه حتى ولاو حمرين 

شدات ليه يديه سرحاتهم ليه :مالك 

تنهد:لا والو لبقا ليك حتى تمشي وتشريه راسك عندي كوموند في العشية برزطاني

حركات راسها:واخاا نمشي مع ختي 

جبد كارط ديالو:هاكي غادي تحتاجيها 

شداتها عندو ببسمة و حذرات راسها كترشف من لاباي 

تنهد ورجع قلب عينيه كيقلب عليها بعينيه حتى شافها واقفة

 كضحك مع شاب لواقف كيعصر القهوة وقفات كتسنا الطلبية وتهضر مع فيصل شاب من جيلها مجاز وملقا غير هاد الخدمة يعيل بيها راسو وعائلتو مفروح وباغي يضحك كيعجبها ملي توقف معاه كيفاجيها عليها شويا 

بدوك نويطات لكيقول

 حسات بجسد وراها ضارت حتى كتلقاه واقف عليها بطولتو بتشورط وسروال توب اسود

شافت فيه بتعجب وهزات عينيها لطابلة كتلقى لبنت متبعاهم بعينيها:ياك لباس ا حذيفة

صغر عينيه :زواج حرام وضحك مع (طلع فيه عينيه كان حبس الضحكة كتصنت)هادا حلال 

حركات راسها باستفهام:شنو مافهمتش

تنهد قالب عينيه و رجع شاف فيها :والو (طلعها ونزلها) دوماج 

 

♨️حب يتخطى حدود المنطق♨️

🍀البارت:99🍀

 تم راجع أدراجو....خلاها ورااه مزنكة بكثرة تحشيمة ومعارفاه اش قصد تلفتات بشويا تشوف في فيصل ..لقاتو حابس الضحكة ...

خنزرات فيه :لا لا غير ضحك علاش حابسها

صغر عينيه حابس الضحكة : شكون هدا 

رجعات نظراتها لطبلتو  لقاتو  حط الخلاص و شد من يد البنت ....خرج بلا مايتلفت جيهتها 

تلفتات خنزرات فيه :خليني عليك افيصل مافيا مانهضر ماشي وقت الطنز ديالك ... هزات بلاطو بزعاف ومشات تكمل خدمتهاا و ممسروطاش ليها شوفة لدار ليها  

🌻🌻🌻🌻🌻

حل لباب طوموبيل ركب وردخ الباب ..حل الزاج مخلي لبرد يضرب فيه ..

تبعاتو ركبات حداه وقادات لاسانتيغ شافت فيه بغات تهضر ورجعات بلعات فمها ملي شافتو كيترعد بلأعصاب 

قلبات عينيها عليه وقلبها كياكلها... 

بصح سامعا بسيرتها من عند لبنات و خديجة وعارفة معزتها عندهم وفي خبارها فايت خاطبها حذيفة ولكن مكتصحابش كتأثر عليه حتى لهاد الدرجة ....

كانت كتقول طلبها لزواج  و دازت ولكن لي شافت ليوم بين ليها العكس

حطات راسها على زاج ساهية كتفكر في هاد الزواج لمن البدية كتحس بيه ناقص واخا تمت الخطبة على خير وعقد القران وكانت مرتاحة وكتقول حدودي وطبعو هكا داير و معقول وهاز عائلتو على كفوف راحة 

كلام خديجة عليه ولإحترام  القيمة لعاطياه خلاوها تعجب بيه وتفكر تربط إسمها به رغم قلة الكلام لجمع بيناتهم 

ولكن لقاء اليوم ضرب كلشي عرض الحائط 

تخربق تفكيرها وحسات براسها محطوط في الهاوية.. 

تنهدات كتشوف بعيد

دار شافيها وحط يديه على يديها ...رمقاتو بضعف..فوهات فمها بصدمة ملي شافتو هز يديها حطها على فمو قبلها ببسمة كعربون باش تسامح ليه.. عرفها غادي تكون حسات بيه وإلا البسمة مكانتش تخطى وجهها .

ابتاسمات ليه حتى تسمع صوت تيلي كيصوني 

بعدات عينيها عليه كتحل في الصاك وهزات تيلي:الو كوتر 

كوتر:حفصة لباس عليك

حفصة:الحمد الله ونتي ودراري

كلشي لباس عليه يالاه لقيتيني غادي نوصل لدار و نعيط عليك

كوثر:خير فين نتي

شافت في حذيفة لكيصوق ووجهو مزال متشنج:انا مع راجلي كنت بغاك تخرجي معيا نتقدا شي حاجة 

ردت: اه واخا انا في البارك 

 حفصة:اينا واحد نطرقك دابا

كوثر:واحد جديد يالاه تفتح جبدي ورقة قيدي عندك لعنوان راني مشارجيا غير دقايق 

شافت في حذيفة وسدات لمكرو بيديها:عفاك عندك شي ورقة وستيلو 

حرك راسو ونعت ليها بيديه تحل جهة حداها 

حلاتها شافت بارفان نسائي مع بونضو تعجبات ،،،هزات كتافها في نظرها  ديال لبنات  خواتاتو  ...هزات المذكرة صغيرو مع ستيلو وسدات بدهشة..حلاتها على الصفحة اللولة على استعداد باش تكتب لادريس حتى كيبان ليها بخط مزين مكتوبين شي عبارات جاها الفضول و داركات لأمر وقلبات الصفحات وخدات العنوان وقطعات على ختها

 قطعات الورقة حطاتها على رجليها وشافت فيه لقاتو دار نظاظر و مركز مع طريق

فضولها قادها ترجع تفتح المذكرة لصفحة لأولى لكتواجد فيها بعض الخواطر 

"بِالخَطِّ العَرِيضْ خَطَّطْتُ بِاسْمِكِ; علَى صَمَامِيمِ قَلْبِي فَقَرَّرْت ِأَنْ تَكوُنيِ لِي وَلَكِنْ للَِْقدَرْ رَأْيْ اَخَرْ ذِمْتِي سالِمَة وَ ذِمْتُ لَك مُحِبٍّااا"

خرجات عينيها بدهشة ويديها بداو كترعدو

 مكانتش تصحاب غادي طيح في موقف بحال هدا صانت لراسها طول عمرها لحلاال ولاشئ غير الحلال باش تجازا بقلب والقالب بروح و الجسد يكون يبغيها كثر ماتبغيه ..

حسات ب المذكرة تجرات من يديها في لمح البصر تبعاتو بعينيها هو لوجهو زاد تشنج  لعروق برزو على جبينو ..لاحها من النافذة بكل إنسيابية كأن شيئ لم يكن ولكن واش غادي تطمأن بمجرد لاح مذكرة ؟...

تقابلت معاه وحققات فيه  الشوف لمدة :غير وقف نهضرو شويا وها لعنوان لتوصلني ليه من بعد

وقف طوموبيل وخدا لورقة ورجع تقابل معاها وكيزفر بعنف :فاسي برزطاتك شي حاجة 

♨️حب يتخطى حدود المنطق♨️ 

مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

🍀البارت:100🍀

حركات راسها باه ومسحات على وجهها :بغيت نعرف (باحراج) واش لبنت لشفنا في لكافي كانت معاك في غولاصيون حيت سامعا بلي كنتي باغي تخطبها

ساط بنرفزة:كيف قلت صاحبت لبنات جابتها ظروف لعندنا وكنت بغيت نخطبها مكتابش سي تو 

ردت عليه:ولكلام لفي لمذكرة 

تنهد وجر يديها كيلعب في الخاتم :لماضي احفصة مات بالنسبة لي من نهار سينيت على ورقة زواج كنتمنى حتى نتي تنساي و تبعدي عليك الوساويس باش نعيشو حياتنا مزيان... 

هز ليها راسها بيديه وقرب وجهو ليها :تفاهمنا 

حركات راسها باه باحراج 

هز الورقة شاف لادريس وديمارا لطوموبيل خلاها رجعات تكات كتدور هضرتو في راسها.... 

وقف طوموبيل جنب الطريق دارت شافت فيه بابتسامة 

بسلامة حتى لغدا ان شاء الله

رد عليها لبسمة: في حفظ الله 

نزلات من طوموبيل كتنهد داخلا لبارك ....لصوت لأطفال ماليه والموسيقى مبهجة لمكان... هزات تيلي تصوني على ختها .حتى تحطات يد على كتفها تلفتات حتى كتلقاها وراها .......

امرءة في عقدها الثالت طويلة وعامرة سمراء البشرة  كتشبه لأختها...مرتدية نفس اللبس ختها الخمار 

حفصة:خلعتيني اختي ديري غير لحس ونتي فعايلك مزال مابغاوش يتحيدو

كوتر: ههههه لهلا يبدل فينا طبيعة

دورت عينيها :فين عبد الله و هجار 

ردت عليها :كيلعبو يالاه نمشيو جهتهم ومن تما نشدو طريق اش باقي ليك ماخديتيش

حفصة:ماشي بزاف غير لشوميز دونوي وشي فوطات ونشوف لا لقيت شي حاجة خرا

حركات كوتر راسها وكملو طريقهم 

شدات لولاد من يديهم من بعدما باستهم و شدوها على رجليهم بحكم قرب لقسارية

كوتر:ايوا كتباني ليا ماشي تالهيه اش واقع  وجهك صفر

شافت فيها ورجعات نظرها لقدامها كتنهد :والو غير تلاقينا بالبنت لكان خاطبها حذيفة

وقفات:ايوا اش وقع؟

ردت عليها:اش غادي يوقع لبنت بانت لي مامسوقاش ليه مي هو مزال حاط عليها لعين

كوتر حطات يديها على وجهها :باش عرفتيها مامسوقاش ليه بهلة ياختي و غادي تبقاي حياتك كلها هكا توريني في لعيالاات تصحابي كلشي بحالك خبز ربي في طبكو

حفصة: وانا حللت غير لشفت جلسنا في كافي خدامة فيها وتصرفاتها عادي وباركت لينا عادي

كوتر :خليك بحال هكا مغاديش نبقا نصدع معاك راسي

تنهدات :واشكيت عليك بهمي زدتي مرضتيني

كوتر:شوفي اختي مكاينش لمرضك نتي لمرتو بشرع و القانون سيري لدارك وتقادي وتصايبي .. وراك عارفا رجال كيهمهوم غير لبين رجليهم تهلاي فيه ومتعيه ولا شاف في جهة اخرا ها وجهي 

حفصة :نحاول  واخا كنحس بخاطري مضيق علياا 

كوتر: اويلي واش باقا يالاه قلتي بسم الله تضياق عليك لخاطر ماقلتها تانا لغرقت بلولاد

🌻🌻🌻🌻🌻🌻🌻🌻 

حيدات طابليا حطاتها وتوجهات الحمام غسلات وجهها قادات حالتها وخرجات كتقلب على

رشيدة لقاتها مكايناش ..

شدات طريق على رجليها تشوف الا لقات شي  بوتيكات ولا شي حاجة تشري منها باش تحضر  الحضور....

واخا دار ليها هاداك التصرف ولكن هي متقدرش بعدما قبلات وعطات الكلمة لخديجة و البنات

20:00الليل والحركة عاد بدات في العاصمة لأزقة مكتظة والبيع وشرا عاد حلاا وتمشاا ..

دازت امام سوق وأصوات باعة الخضر والفواكه مكتاسحة المكان ... شافت مجموعة من نساء متجمعين كعزلو في التفاح دارت يديها وسط منهم ...خدات نصف كيلو خلصاتو وكملات طريقها....

دازت أمام محل بيع تقليدي من جلابب وقفاطن سامبل دخلات كتستكشف وتقلب 

طاحت عينيها على فراشة بلأزرق توبها ناعم و رطب ...مزوقة من جناب ومن جهة صدر بعقيق زاد في جاذبتها

هزاتها كتسول على ثمن ........

خارجة و كتشوف في البوشيط والفرحة مرسومة على وجهها .... ساويا ثمن ولكن دارت ليها التخفيض قدرات تاخدها بيه 

كملات طريقها نحو الدار ..حطات البوشيط وجلسات طلقات رجليها يرتاحو

أكمل القصة في:  قصة من أنا؟ - الجزء الرابع

قصص و روايات من صميم الواقع المغربي، لنا فيه بعض العبر. و يسرنا أيضا أن نقدم لكم باقة من روايات قصيره، قصص حب قصيرة، قصص حب واقعية، روايات بوليسية، روايه غرام.