نقدم لكم الجزء الرابع من سلسلة قصة من أنا؟ للكاتبة و المدونة ياسمين إكرام، نتمنى أن تعجبكم السلسلة. سلسلة قصص مغربية بالدارجة، نترككم مع التتمة القصة.
♨️حب يتخطى حدود المنطق♨️
🍀البارت:101🍀
سمعات صوت تيلي كيصوني هزاتو ووسعات ابتسامتها ملي لقاتها عائشة :الو ماما
عائشة:لباس عليك الحنينة
عبير:الحمد الله ونتي بعد منك هداك القوم
عائشة:الحمد الله خاصاني غير نتي
عبير:حتى انا بزاااف ...في خبارك غدا عرس حذيفة
عائشة:ايوا مبروك عليه العقبة ليك ان شاء الله بعدما تفكي من جلاخة دحاتم واخا كنت باغاه ليك
ردت بنرفزة:متعصبينيش اماما عارفاني مع هاد الموضوع وكتبقاي تجبديه
عائشة:صافي هانا مقلت والو بغيت ليك غير مصلحتك ابنتي
تكات وبدات كتحك في شعرها :مصلحتي اماما هي نتجمعو في دار وحدا وناكل من طياب يديك لتوحشتو
عائشة:هههه ان شاء الله في القريب
عبير:وعلاش ماتجيش عندي انا كاريا كاريا مديبانا راسي
عائشة:مكرهتش واخلي من بعد
تنهدات عبير:علاش مزال خايفة منو... تقي بيا الا خرجتي مغادي يعرفك فين مشيتي بحالي داباا
عائشة :ان شاء الله
عبير:وفكري اميمتي راه غادي نجي عندك ويكاند جاي ان شاء الله نشوفك واخا الخدمة ولكن توحشتك بلاقياس مبقيتش قدرت نكمل لأيام
عائشة:الله يحفظك ليا الغزالة ديالي غير ديري معايا فين نتلاقاو
تاوبات:واخا يالاه تصبحي على خير اماما كنموت بنعاس
عائشة:ونتي على خير ابنتي تهلاي في راسك ونشطي ليك دابا نعيط على خديجة نبارك ليها
قطعات وتقلبات على جنبها مغمضة عينيها بتعب طامعة ترتاح من قساوة اليوم............
🌄حلات عينيها على تقرقيب مولات الدار في الكوزينة كيف ولفات كل يوم ساطت .....
وناضت في اتجاه الطواليط .........
دخلات لبيت كتمسح في وجهها لبسات حوايجها غادا لكافي لتخدم فيه في الصباح في عوض العشية على قبل الحضور
.....دخلات كتشوف مولات لميناج محنيا كدير خدمتها ولكراسا مزال مهزوزين جو مختالف على لتعاودات عليه..... صداع دراري الصغار ولكلام العائلات في لأرجاء...
..شافت رشيدة كتفطر في الكوزينة سلمات عليها وجلسات حداها ...هزات كرواصة كتاكل منها
هزات راسها فيها لقاتها ساهية :ياك لباس ارشيدة بنتي لي ماشي هي هاديك
تنهدات:دري مرض ليا لبارح طيرها مني
حطات كرواصة:واش خرجتي لبارح بكري؟
حركات راسها:كنت كنغسل في لماعن حتى عيط عليا يوسف قالك راه هاز لولد لسبيطار ما عقلت على راسي حتى لقيت راسي بحال شي جاهلة كنقلب عليه وسط سبيطار
ردت عليها:كيف بقا داباا
رشيدة:ولا شويااا ملي دكو ليه لبراا
تنهدات :مكانش خاصك تجي وتخليه بلا مرض صعيب تغفل على دراري صغار ودابا كثر دنيا خايبة وكتلقاي دياب كتسناو غير لفرصة فين يغرسو نيابهم في بنادم كبير بقا غي في صغار
رشيدة:مكرهتش فيه والله ولكن دارتها قلت شي راجل مرا يخدم مرا لا انا لهازة لكرا ولما وضو لاعاوني في شويا الصاير مانقولها لحاد
رجعات تنهدات كتشوف بعيد:قبل ماتندمي اختي ويزيد يكبر دري ويولي خارج لزنقة داخل ديري شي بيعا و شريا ولا شي حاجة يبقا معاك فيها ولد
رشيدة:فكرت فيها وكنت بديت كنجمع شي بركة حتى خداهم راجل قالك بغا يدير شي مشروع حتى بقينا على ضص دابا
شافت فيها بحزن:مباغاش نحرشك على راجلك ولكن فلوسك فلوسك معاونا معاه وهازة عليه لحمل راك مكثرة وموفيا اما في هاد زمان لمرا تكون خداما فلوسها تخسرهم على راسها ووالديها اما راجل الا مكانش قاد بيها علاش مزوج في لأصل
رشيدة:كلامك كلو صحيح ولكن تفاهمنا على نتعاونو في اللول ونقسمو علينا الحمل ...مع لولاد تغلبت صعيبة
شافت فيها :نقدر نعطيك شي حاجة باش تبداي شري غير شي حاجة خفيفة ولا نتي بيعي لماكلة حسن
ردت عليها:(بابتسامة)الله يحفظك بصح كنشوف لماكلة مشيااا ورخيص داكش نشري غير شي كراسا وطابلة وانا واجدا....
بابتسامة:شفتي غير لفكرة فرحاتك طبقيها و تنجح ان شاء الله وتشوفي... لماكلا مطلوباافي لحي الصناعي مع وقت لغداا
جيبي معاك بوطة وطيبيه وولدك حداك هو مرتاح ونتي مرتاحة لبال عليه ونوعي كل نهار ديري بلا في شكل ومع ماكلتك بنينة يتجمعو عليك ماتلقاي فين تجلسيهم
رشيدة:فاجيتيها عليا هاد الصباح الله يفاجيها عليك
عبير:(تنهدات )اميين
رشيدة :شفتك جيتي تخدمي في صباح ماقارياش
ردت عليها:نو قاريا غير كاين واحد لعراضة في لعشيا وتفاهمت مع سي محمد نخدم دابا حسن
حركات راسها :نشطي ليك شوياا
ردت :ان شاء الله
شافت في الساعة :مشا لحال نشوف واش لكليان بدا كيجي
ردت:ديما بحال هكا كيتعطلو في صباح
♨️حب يتخطى حدود المنطق♨️
🍀البارت:102🍀
ناضت وهي كتحل صاكها جبدات لبزطاام كتقلب فيه ..........
رجعات سداتو كمدات لفلوس في يدين رشيدة:نتمنى هاد لبركة تكفيك ديري داكشي لغادي ترتاحي فيه
رشيدة:الله يحفظك اختي ويخلي ليك ميمتك
ردت بابتسامة:هاد دعيوة هي
لمحتاجة
رشيدة:ان شاء الله رجعهم ليك في لقريب غير دعي معايا تمشى لحركة
بابتسامة : غير الله يربحك ماتساليني مانتسالك
ردت :حشومة عليا نطمع فيك ونتي كثر مني
عبير:الحمد الله ختي القناعة هي كلشي غير دير داكشي لقلت ليك ومتخليش ولدك يغيب على عينيك هادو هوما لفلوس لترجعي ليا الله يسهل عليك
خرجات خلاتها قلبات لقاتها 500 درهم ابتاسمات وخشاتها في صدره كتدعي معاها في خاطرها
🍃🍃🍃🍃🍃🍃🍃
إحساس لإنسان ملي كيصدق ويفرح إنسان آخر بحال إحساس أم ملي كتنجب لمولود ديالها لبكر
شعور بالفرح لا مثيل
كونك غادي في طريق الصواب ..كونك ساعدتي إنسان ....كونك رسمتي لبسمة على فمو
الصدقة حاجة كتفرح لكيعطيها كيفما كتفرح لكتعطى ليه
فالرسول عليه افضل الصلوات قال داوو مرضاكم بالصدقاات
كلما صدقتي وفرحتي مسكين كلما تجازيتي في الدنيا قبل لأخرة
🍃🍃🍃🍃🍃🍃🍃🍃
دوزات نهارها والبسمة على فمها....كتحلق بحال شي فراشة في لأرجاء
15:00 وصلات هزات صاكها وخرجات مودعة رشيدة خلات فيصل متبعها ..
قطعات عليه لهضرة خلاتو كالحنش لمقطوع ليه راسو
دخلات هازة معاها لخبز ولبيض ....
دارت لبيض يتصلق ودخلات دوشات بلما بارد باش تحيد لعرق بلا ماتقيص شعرها ....
طفات على البيض ...لبسات ديباردو وشورط بالبيض وجلسات كتدهن لفرماج على لخبز زادت عليه لبيض وجلسات كتغدااا
....سمعات تيلي كيصوني حطات الطرف لبقا في يديها
وهزات تيلي :الو سارة
ردت وصوت الهضرة و مُسمعات :فينك اصحبتي تعطلتي
ردت كتمضغ:انا شويا ونجي
سارة:سربي خلاص
قطعات ورجعات كملات طرف لبقا وناضت لبسات عابايا والبلغةجمعات شعرها كعكة وهزات لفراشة في صاشي ديالها سدات لباب ونزلات شدات طاكسي ....
حطها حدا لباب دلعمارة
صوت المسمعات كتسمع من راس الزنقة
حدا باب لعمارة جالسين بعض رجال بلباس تقليدي كيجمعو في مختلف لمواضيع دازت من حداهم حادرة عينيها
ريحة الدجاج محمر فايحة بمجرد تحط رجليك في أول درجة استنشقاتها
و كملات طريقها .......حتى كتهز عينيها فيه نازل بلباس تقليدي بلأزرق... جابادور رجالي بلأ بيض وفوقو جلابة شفافة بلأزرق لبلغة بيضاء تقاشر منصفين بلأبيض طربوش على شعرو البني الكثيف
نزلات عينيها وكمشات على يديها كتصبر راسها باش مترجعش منين جات ..كملات طريقها دايزا من حداه بحالا مكاينش حتى فاتو
ووقفها :معندكمش السلام في بلادكم
تلفتات كتشوف فيه متكي على الحيط وعينيه كتسارا على وجهها بالكامل :مغاديش نهضر معاك
صغر عينيه بابتسامة:تقلقتي
ردت عليه :سي بقا فيا لحال على شوفا لدرتي فيا واخا معارفاش اش درت ليك مي ساباص كلشي يهون على قبل خالتي ولبنات مبروك مراا خراا
تنهد:ديزولي مكانش خاصني ندخل في شي حاجة مكتخصنيش منحتاجش نقولك مرحبا دار دارك
حذرات راسها داخلا :معندي دار جيت ندير لواجب ونرجع لمحلي
دخلات خلااتو متبع طيفها وكلامها كتردد في وذنيه
تنهد وزفر بضيق ...نزل مكمل طريقو..جلس حدا فؤاد لمجمع مع رجالا
تكا راسو على الحيط وغمض عينين كيقاد تنفسو
حس بيد تحطات على كتفو هز راسو كيشوف في فؤاد لكيرمقو باستفهام:سي العريس شفتك مهموم
تنهد : اش درتي في كومونض ديال لعباسي
صغر عينيه: جيتيني بحال كتبدل في لموضوع
ساط:فؤاد قلب عليا الله يحفظك
رتب ليه على كتفو: خاطرك اخويا واخا راك معاجبنيش
♨️حب يتخطى حدود المنطق♨️
🍀البارت :103🍀
دخلات متوجهة لكوزينة لقات خديجة مشمرة على ذراعها كتقلب في الدجاج
كانت معاها مراة اخرى كتقلب في السفة حداها تمشات بشويا جيهتها :تبارك الله على شاف خديجة تلفتات والبسمة مزينة وجهها حطات لمغرف وتلاحت عليها معنقااها
طلقات منها و البسمة مزال على وجهها: لهرابة على سلامتك
ببسمة:توحشتكم بزااف
خديجة :(كدور فراسها)باينا يالكذيذيبة
ضحكات:ياك اخالتي
دورات وجهها :ايه هادي ام العروس وحتى هي سميتها عائشة
شافت فيها عبير ببسمة :مشرفين مبروك الله يكمل عليهم بالخير
ردت المرأة لفي عمر لخمسينات لابسا قفطان وفولار على راسها بيضاء البشرة :الله يبارك فيك لعقبة ليك الا كنتي ممزوجا
تبسمات ليها ودورات وجهها على الكوزينة:مزال هي هي متبدلات حتى حاجة
خديجة:وا تبدال كيبغي الصحة وانا مابقات عندي صحة الا بغات مرت حذيفة تبدل تدير لبغات راه دار ولات ديالها
عبير:مزاال دكي ودردكي ...عيطات عليك ماما
خديجة:ايه عيطات عليا لبارح فرحات لي مسكينة صراحة مكرهنا نتشاوفو
تنهدات:غادي ندير هاد لويكاند نمشي نشوفها مبقيتش شفتها من نهار لكان داني حذيفة
هزات لمرا عينيها فيها وعاودات نزلتهم طالقة وذنيها معاهم.........
خديجة: ان شاء الله تجمعو في لقريب مزال مطلق سراحك هاذاك بنادم
حركات راسها بلاا:مامسوقاش ليه ياك غير مكنشوفش وجهو خليه عقد ماداا ماجاب
خديجة :مزال مقصحة قلبك ابنتي مابغاش يلين طلقي من هذاك ولد حرام وديري وليداتك
توجهات خارجة من الكوزينة :غادي نمشي عند لبنات نشوفهم
تنهدات خديجة:هربي هربي بحال ديما.........
خلاتها رجعات تكمل شغلها ودور في راسها بلا حول و أم لعروس تبعاتها حتى خرجات كدور هضرتها في راسهاا .......
دازت من حدا الصالون وكملات طريقها غير مكترتة لناس لشافو فيها
دخلات على لبنات لقاتهم كيديرو اللمسات لأخيرة كيف شافوها حطو لفيديهم وتوجهو عندها
بعناق شوق ومحبة استقبلوها ..بعدو على بعضياتهم بعد مدة
فاتن:الهاربة توحشناك بزااف
جلسات على الناموسية :انا بعدا توحشت غير هاد الناموسية سارة
نوضي وجدي راسك حنا من صباح وانا في لكوزينة بغيت نجلس ندبر على راسي ربما تكون عكوزتي تما
تبسمات عبير وناضت لاحت لعابايا بقات بديباردو والشورط هزات الفراشة كتوريها ليهم
سارة:توب غزال ومبردة حسن من قفطان جاتني
فاتن:وحتى لون غادي يجيك غزال
لبساتها وتقابلات مع لمراياا : كيف جاتني
سارة: تبارك الله واخا ضعافيتي مي مزال غزالة
جلسات قدام لمرايا وشافت في لمايك اب لمستف امامها :جبت معايا لماكياج ديالي ساعا هادشي عندكم فين يبان جالوق ديالي
فاتن:هادشي الالة كامل ديال سارة الماندا كاملا كتخسرها على دوك التخربيق
سارة:كنرتاح في شوبينغ سيغتو ديال مايك اب وعاد كيحمقني مكهرتش ندير شي فوغماسيون فيه
كتقاد في مايكاب قررات ديرو ثقيل وتختالف وتزعم على كاع ايامها لدازو :فكرة زوينة
جلسو كينتاظروها متبادلين الحديت على العرس
تلفتات جيهتهم: فين تعارفو
♨️حب يتخطى حدود المنطق♨️
🍀البارت:104🍀
سارة:ماما لتلاقات معاها في جامع وتعرفات على مها راك كتعرفي ماما شحال فيها ديال لهضرا وصافي بقات معاهم حتى مشينا خطبنا
ردت:مشافش لعروسة
فاتن:حتى نهار لخطبة بحالنا بحالو
رمشات فيهم:وكون معجباتوش
سارة(تقادات في الجلسة)اودي حذيفة كان باغي غير مرا تكون مزيانة و صافي
دارت كتكمل زينتها:الله يسعدهم
سارة:(بحصرة)دوماج متزوجتوش كنتو غادي تكونو ولدتو لينا شي بجغوط كنلعبو بيه دابا
التازمات الصمت
وقفات كتقاد في الفراشة حلات الفيليل وتطلق شعرها سرحاتو بيديها ودوراتو امامها
فاتن:تبارك الله جيتي غزالة واخا جاني ثقيل لمايك اب مي فنيونة بحال ديما
بتاسمات ليها بود
سارة :درتي لشعرك شي وصفة تبارك الله طوال
عبير:نو والو من عند الله ممسالياش لوصفات راه نهار عندي تغو شاغجي
حركات راسها :باز ليك أختي
فاتن :زيدي غادي يكونو نقشو وسالاو وحنا سكنا هناا
سارة:بغيت نقوليها راه حذيفة مكيبغيش النقش وحشمت
تلفتات عبير ليها:بصح
فاتن:بزااف كاع محرمها علينا معمرنا درناها بسبابو
ردت:كنت درتها انا وماما عقلتي نهار مشينا لكازا ومحسيتش بيه مكيبغيهاش
سارة:٠غادي يكون مبغاش يحرجكم
هزات كتافها :معرفت
دخلت لصالون كتشوف نساء في مختلف لأعمار والمسمعات باللباس الموحد كيصليو على النبي
وزعات نظرها على الحاضرين لكانو يبحلقو بيها بإعجاب وإستفهام حتى دارت كتهضر مع لبنات لتبعوها عاد قالو راه صاحبت البنات ..
رمات عينيها لبرزة شافتها جالسة كأي عروس في ليلة حنتها بالقفطان الاخضر.. فولار باج..مكياج .. خفيف حتى لمنعدم
قدامها طبلة المزينة و منوعة بلمسة ليلة الحناء
نقاشة امامها كتخط ليها خطوط من الحناء وهي بابتسامة كتشوف في يديها
جلسات في مكان فارغ خلات لبنات جلسو في مكان اخر ..هزات عينيها في لعيالات لقات شي متبع مع العروسة شي متفاعل مع الامداح
شي مجمعين بيناتهم وكيرميو لعين ليها كأنهم في حديت عليها
قلبات عينيها عليهم كتافف هزات تيلي تلف بيه لوقت ..دخلات لمسانجر لقات ميساج من عند محمد تبسمات وهي كتقراه :صباح لخير كيف صبحات صديقتي لوردة لحمراء
ردت عليه : لباس عليها والوردة السوداء اش خبارها
سيفطاتو ورجعات حطات تيلي كتفكر لمدة سنتين بالكامل وهو كيصبح عليها هاد لمجهول.. لفي لأشهر لأولى كانت كتطلع ليه في وتخليه ولكن مرة بعد مرة كتسأل راسها" اش فيها وفين كيعرفني خليني حتى انا نهضر عادي معندو منين يجبدني " وطلقات معاه في حدود الصداقة كتعاود ليه على نهارها على لأب ديالها معاناتها لعاشتها معاه وكذالك هو يعاود ليها على خطبتو ليها ورفضها باسم افتراضي حتى لزواجو لآن لخبرها بيه ايام الخطوبة ...مقدراتش تنصحو وهي حب غير لام مكتكسابوش خلاتو في حال سبيلو
خرجات من تفكيرها على صوت لميساج:الحمد الله على كل حال 😓
ردت : ياك لباس اش واقع ليك
رد:نتي بعدا لباس عليك
كتبت بابتسامة:الحظد الله ليوم معروضا
رد: بالصحة شي عرس
ردت:اه ولكن جاني لملل بزااف نتا اش وقع ليك
رد في نفس لوقت: بحال ديما راك عارفاا
ردت :صبر اخويا صبر غير هي واحد لحاجة نقولها ليك متظلمش بنت ناس
تعطل شحال من بعدما قرا لمساج عاد رد عليها:ان شاء الله
حسات بتيلي تسل من بين يديها.......
♨️حب يتخطى حدود المنطق♨️
🍀البارت:105🍀
هزات راسها لقات لبلاصة خواات وجلسات فيها سارة وهي ماجايباا خبار...
كدور التيلي في يديها :معامن كتهضري شي ان تما اهه وليتي تخبي شكون هاد لموسيوو ولا ندخل نشوف راسي (نزلات عينيها لتيلي باغا تقلبو وخطفاتو ليها : مكاينش داكشي لفي بالك غير تهناي
صغرات عينيها:زعمااا
تنهدات:كتقولي هاد لهضراا بحال مكتعرفينيش
حطات يديها على كتافها: غير قلت تقدري تكوني تلاقيتي بشي حد حيد ليك الضبابة لعلى عينيك
بغات تجاوبها وهي تقاطعها زغاريد النساء مع توالي سكون المسمعات.. تلفتات لباب لقاتو داخل مخنزر مخلي عيون العازبات عليه توجه ديريكت عند لعروس لكانت كملات النقش ..
هز عليها لفوال وتحنا باس على جبهتها ودار خارج بلا مايتفوه بحتى كلمة ................................
استقرات عينو نيشان عليها لكانت في ابهى حلة مزينة كتبان بحال لامبا لمضويا عليهم الصالة مكياج ثقيل زاد برز ملامحها وعطاهم رونق غير ولأزرق لون الجمال و لأناقة ...بقا صامد مكانو وعينيه عليها لثواني وهو كيطلع وينزل فيها
...ثواني كانت كفيلة سارة تشوف في فاتن ولقاتها كذلك متبعة لبلان ....كوثر أخت لعروس لجالسا قريبا لعبير شافت عينيه فين استقرات وقلبات عينيها رمقات عبير طلعاتها ونزلاتها وعينيها عليها مبغاتش تحيد كتفليها من صبعها...
كمل طريقو كارز على يديه وكيتنهد بعنف وجهو تزير فيه الدم .. داز من حدا خديجة لأصراات عليه يدخل حسب لعادة ولولا قطرات الدموع لبدات التساقط منها لما لبااا طلبها ..رمات عينيها على عبير لكتحدت مع سارة وهي كتلعب في أطراف شعرها
دارت راجعة لكوزينة مخليا ام لعروس لكانت
مساعداها جالسة حدا بنتها
تقادو طبالي وتجمعو نساء مجموعااات بدا يتفرق الدجاج لمدغمر مع الخبز والقراعي لموناضا منوعين ..
باشرو نساء في لاكل ...لعروس مجموعة مع عائلتها صغيرة المكونة من لأم ولأخوات الثلات هزات عينيها قدامها في كوثر لقاتها ..مصوباا نظرااتها لعبير لجالسة في الطابلة المجاورة بكل أنوثة وكتحط الدغمة في فمها بالعبار والحساب... لإبتسامة مالية وجهها مجمعا كتستمتع في وقتها لكتقضيه برفقة خديجة وروح المرحةد سارة اما فاتن مخشية كتبنن ماشي في هاد العالم
..قلبات نظراتها في ختها لقاتها متبعاها غمزاتها وعاودات
دورات عينيها جيهت عبير
حركات راسها حفصة باه فهمات ندراتها المتساألة ...مع تنهيدة طلعات من القلب وعاودت قلبات وجها في الطبسيل وبدات كتاكل في صمت
تجمعو طوابل بعدما كالو وشربو من دجاج واللحم بلإضافة لديسر
رجعو لمسمعات كيصليو على نبي بصوتهم العذب لكترتاح ليه لأذن و الروح.....
داز الوقت سدات خديجة لباب مودعة المسمعات والنكافة وتنهدات براحة بعدما سالا ليوم نسبياا بسلام
ناضت لعروسة دخلات لبيت دحذيفة مرفوقة بأخواتها وأمها
خلات عبير في الكوزينة مع لبنات معاونات على لماعن لمعروف في الفرح و القرح كيكون كثاااااار
محزمة بطابلية لتحتها كاندورة بيتية مخططة بالشيبي ولأبيض قصيرة واصلا لتحت ركابيها مبينة بيوضية سيقانها ولماعنهم
كذالك لبنات مبدلين حوايجهم بملابس بيتية
وغاطسات في لماعن معاها
دخلات عليهم خديجة كتسوط جلسات على لكرسي: الله ياربي الحمد الله سالات اللمة على خير غير وكان تسخسخت
تلفتات ليها سارة:قالك حذيفة نجيب طيابة ونتي
كتقولي(بدات كتعوج فمها) "ولدي نطيب ليه في عرسو"
خرجات فيها عينيها :ياك ابنت كرشي تعيبي فياا وليتكنلعب معاك
سارة:كنضحك معاك الوالدة واطيابك حسن صراحة ولكن غير على قبل صحتك
ردت عليها:مغاديش نهضر معاك دابا حيت عيانة ولكن لحساب من بعد
شافت في عبير طلعاتها ونزلاتها وابتاسمات:لهرابة غبرتي حتى ضعافيتي
تلفتات ليها بابتسامة يديها عامرين رغوة:ضعافيت بزاااف اخاالتي
خديجة:واهيا بزااف ولكن جا معاك (تنهدات) غادي تكون دازت عليك ابنتي
تنهدات كتحيد في شعرة على عينيها :الله يصاوب الحمد الله ملي تقادات شويا لأوضاع
ردت:الله يفرحك ابنتي غير وكان متبقايش تغبري عليناا بززاف مديريش بحال هاد لعاماين حذيفة لكان برزطك راه تزوج..
حركات ليها راسها بغات تهضر قاطعها صوت حذيفة لقريب لباب لكوزينة:الوالدة
دخل شافت فيه كيفما هو ...فلاها تلفاتو علاش كان باغي يقول
نزلات عينيها ودايرة تكمل لماعن بحال مكاينش ..
خلاتو كيحك في شعرو ورامي عينيه لسيقانها ورجليها
صغرات خديجة عينيها فيه وتبعاتو فين كيشوف تنهدات بعمق مقاطعاه من سباتو :ولدي محتاج شي حاجة
قلب عينيه بزز عليها :كنت بغيت غير ....(صغر عينيه كأنو كيتفكر)رجالا تحت نطلعهم ميدوز حتى حد من حدا الصالون
حركات راسها :صافي واخاا ها واحد شويا و جي دي لعشا وبينما يكملو نعمر اتاي
حرك راسو ورجع خارج تاوصل عاد لباب وتلفت شافيها لقاها منغمسة في تشلال ورجع شاف في مو لكانت كتشوف فيه شوفة عمرو شافتو بيها :حفصة في البيت
حركات ليه راسها خلاتو موجه لبيت كيستغفر الله في خاطرو ويتنهد بضعف
♨️حب يتخطى حدود المنطق♨️
🍀البارت:106🍀
جالسة بقفطانها محيدة لفولار جامعا شعرها لأسود كعكة و أمها حاطة يديها على فخدها كتعطيها من نصائحها لكتاسبت من هاد الدنيا
مقابلا معاها كوثر وولادها كيضاربو كتسكت فيهم
اما خواتاتها لاخريات في لعشرينات من عمرهم كيدورو عينيهم على الغرفة حتى فجأة تسمعت دقة وتحل من بعدها لباب
..شافهم واقفين وحفصة معنقة لام ديالها كتودعها والدمعة محبوسة في عينيها
حرك ليهم راسهم ودخل لحمام مخليهم كودعوها على خاطرهم
وقف مقابل معا المرايا كيشوف فيها بعمق ووذنيه كتلتقط ليه مزيج بين صوت بكاء حفصة مع صوت امها والدراري الصغار
خوا على وجهو لمااا وهز لفوطة كيمسح بيها ......تنفس بعمق
و خرج لقاهم متوجهين لباب لغرفة خرج معاهم مودعهم برفقة حفصة ... بعدما سلمو على خديجة ولبنات
سد لباب ودار عندها لقاها كتمسح في عينينها....
تنهد وقرب عندها شدها من كتفها كطبطب عليها وتم موجه بيها لبيت
في طريقهم تحل لباب الحمام وخرجات عبير
بشعرها لمجموع وقطرات لما كتساقط على عنقها الطويل
هزات فيهم عينيها لحمرين ومجبدين بفعل لماا
حذرات راسهاا ودازت من حداهم ..استنشق ريحة عبيرها ودار متبعها بعينيه حتى حس بيد كرزات عليه.....
غزز سنانو ودار عندها لقاها كترمقو بحزن زاد خاشاها فيه وغادين موجهين لبيت
🌻🌻🌻🌻🌻🌻
دخلات عليهم لاكويزين لقات خديجة محنية على الطنجرة كتقلب فيها :خالتي خاصني نمشي قبل نيت مايجيو رجال
دارت عندها :غير جلسي باتي معانا هاد الليلة نحيو ايام لفاتو
حركات راسها بلا:خليها مراا خرااا
ردت عليها:بغيتك تبقاي غدا ماين العروس غادي تجييب لفطور
ردت:غير خليني نمشي هادا هو الوقت مراا خرا ان شاء الله
نقزات سارة لكتدهن في يديها:والله لخرجتي من هنا الا خرجتي نتخاصم معاك وعمر كلامي يجي على كلامك
تنهدات وجلسات على لكرسي حداها :ومالنا اختي
فاتن كتكب كاس لما :ياك مخداماش صباح مافيها باس نباتو نجمعو شوياا ونتجسسو
نقزات سارة:خطفتيها لي من فمي اختي ولاهيلا
دارت خديجة:مبقيتوش تحشمو داكشي لبقا ليكم غير تجسسو عليا باليمين وتفكرو ديروها يالصندالة لمخيرة تاخدو بها دلكة لعصاا
هزات سارة كتفها:مغادي نديرو والو غير كوني هانيا
🌻🌻🌻🌻🌻
جالسة في جنب الناموسية كتفكر في لموقف لأخير لداز ...و كتفكر في كلام أمها لصدمها وزعزع فؤادهااا ....
بعدما دخل لدوش حيدات لقفطان وبقات بديباردور وشورطو بالوردي لبارد
لبرز لونها الحنطي وفورمتها لعامرة ...مسحات على وجهها وتنهدات
خرج من الدوش بسروال سورفيط ولفوق عريان
كيمسح في وجهو شاف جيهتها وقلب عينيه
توجه هز تيشورط من البلاكار لبسو وداز فرش الصلاية يصلي لفاتو
رمقاتو بنظرات ممفهومينش وناضت هازة معاها صاك صغير فيه مستلزماتها مع شوميز دونوي وردي
سدات عليها ودورات راسها على لحمام كيبري بحال مكانش فيه علقات شوميز وحلات صاك كتستف لوازمها حداا مستلزماتو الرجولية
لبسات شوميز لواصل ركابيها مع بينوار ديالو
..طلقات شعرها القصير حد كتافها وخرجات بخوف لقاتو كيسلم
تنهدات ومشات جلسات امام المايكاب ديالها
كتنفس بعمق.....وكلام امهااا واخد حيز كبير في دماغهاااا
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
♨️حب يتخطى حدود المنطق ♨️
🍀البارت:107🍀
♨️فلاش باك
كطبطب ليها على كتفها :راجلك هو ضو عينيك ابنتي بري بيه ويبر بيك ابنتي وحيدي دوك لأفكار لكدورو في راسك لا نتي لاهاد اللفعة ديال ختك
شافت فيها باستفهام ورجعات نظرها لختهاااا لكانت هي لأخرى كتشوف فيها
عاودت لأم قالت:لبنت لعينيكم مبغاتش تحيد عليها وقت الماكلة وتغامزو عليها هي نفسها لكان خاطب حذيفة ياك؟
تنهدات حفصة وحركات راسها باه
ردت: كنت عارفا
رجعات كطبطب عليها:غير حيديها ابنتي من بالك ورتاحي سيدة أصلاا مزوجة
حلات كوثر فمها وشافت في ختها لكانت علامات الصدمة واخدا حيز كبير من وجها...........
السكون يملئ الجو من طرفهم ... من غير لأصوات الطفولية...
لمدة من الزمن عاد فغرات كوثر فمها بابتسامة :زعماا مزوجة شكون قالها ليك
ربعات يديها متبعاها:سمعتها من فم خديجة كانت كتقوليها طلقي وهي معاينها في طلاق بانت لي
حفصة :على لسمعت من لبنات كاريا وساكنا بوحدها وخداما على راسها الا كانت مزوجا فينو راجلها في هادشي
كوثر:زعما مخاصمة معاه تكون
هزات حفصة كتافها:باك كانت جالسة معاهم هنا
كوثر:أنا بعدا نقولها وعاودها حضي راجلك منهااا شفتو كيفاش قبيلا شاف فيهاا ..شوفة مكيشوفكش فيها حتى نتي لمراتوو..سيد صلاة ودين ومكسلمش و عينيه عليها لصقات بحالا ساحرا ليه
خرجات فيها مها عينيها :لسمعك تهضري على سحور يقول غير مولفينو ونوضي بلا ماتبقاي تعمري لختك في راسها غير تهلا فيه وتسمع كلامو و تهلا في مو وخواتاتو يديرها في عينيه سيد راه شارب عقلو ونهار الخطبة باك عبرو و قيسوو من عينيه لكيشوفو غير في لأرض
تنهدات كوثر كتحك شعرهاا:أنا قلت غير الحق و راجلك تخافي عليه منهااا
حفصة كتشوف بعيد:كيف قالت ماما نتهلا فيه ونجرو جيهتي (شافت في مها )خواتاتو ومو ماعندي سوق فيهم كيهمني غير هوا لاغير وإلا كانت هي مزوجة بخير معندها منين دوز ليه (شافت في ختها )...زعما يكون معارفهاش مزوجااااا؟
كوثر:(سكتات شحال كتشوف في لأرض ..هزات فيها عينيها فيها)منظنش عارفهاا ماشي تا لهاد الدرجة خبيث ومعرفت ثاني
تنهدات لأم كتشوف في الفراغ........
🔙رجعات الوعيها ملي حسات بقبلة على راسها من طرفو مردد :"رتاحي ليك نعطي رجال حقهم في الجلسة ونجي"
حركات راسها مزيرة على يديها....بعنف
طبطب ليها على شعرها وخرج كدور في عينيه في أرجاء الدار سمع لهضرة جايا من الكوزينة تنهد وزاد نازل براا يطلع رجال لقلال لكانو من عائلة العروس ناس ملتازمين و محافظين طلع لأب ولأخ لأكبر ديالها تبعو زوج كوثر ولأخ لأصغر مع فؤاد
دخلو الصالون كيسميو الله...
♨️حب يتخطى حدود المنطق♨️
🍀البارت:108🍀
طلقو حناجرهم يقروا أيات بيناات من الذكر الحكيم
خلاو الدار كلها تسمع ليهم وتوقف على الحذيت
كيستمتعو في التلاوة المباركة
داز الوقت ناض توجه الكوزينة يشوف فين واصلات لأم ديالو
رمقها بعينيه وهي واقفةمركزة كتمسح الكيسان بعد عينيه مصوبهم لخديجة:فين وصلتي الواليدة
ردت عليه:صافي كلشي واجد
دور عينيه على سارة و فاتن لكقادو في الديسير ورجع بغاي يتكلم قاطعو صوت فؤاد لداخل:خالتي خديجة
رددت ببسمة:ولدي فؤاد عاش من شافك اش هاد لغبراا
تحنا باس على راسها كيبتاسم
طلع عينيه في عبير لكانت مركزة في شغلها... ركز فيها شوفاا حتى طلعات عينيها بصدفة فيه لقاتو كيشوف فيها.....صغرات فيه عينيها كتفكر انو سبق ليها شافتوو مي معقلاتش..... بقات مركزة بغا ذكر فين شافتو وهو كذالك سارة وفاتن تبعوهوم بعينيهم ويتغامزو بيناتهم اما حذيفة خلاص كرز على يديه وتنفسواختل
نفضات دماغها من لأفكار ملي مد ليها يديه
مدات ليه كذالك يديها بقا شادهم حتى حنحن حذيفة جارو من كتافو مخنزر :زيد ا صاحبي عاوني هز لغسالة
ضحك :واخا واخا (رجع شاف في عبير)فرصة سعيدة ا. ....
بابتسامة:عبير
وسع ابتسامتو :مشرفين اعبير
زاد جرو ماد ليه لغسالة وكيرمقو بتخنزيرة
دار خنز فيها هي حتى نزلات عينيها وهز الطبسيل ديال الدجاج
خلا لبنات كيشوفو في بعضياتهم
جلسو حداها بعدما قادو لبلاطو ديال الديسير
سارة:اش هادشي كنشوف
هزات عينيها فيها ببرائة:اش كاين
سارة:فؤاد شويا وعينيه يخليهم هنا
هزات كتافها :علاش اش واقع
ضربات على جبهتها:كنت كنصحاب فاتن لمكتفهمش ساعا نتي خلاص وسيد حط عليك لعين
ردت:شكون
فاتن بصوت خافت :لهلا يوريك راه بزوج
سمعاتها سارة حيت حداها وضحكات مؤيداها
شافت فيهم باستغراب
خديجة :فؤاد
تلفتو ليها لبنات:هانتي حتى ماما فهمات ونتي والو
خديجة:بعدو من لبنت مكتفهمش في تشيطين ديالكم
وسعات سارة ابتسامتها: اذن حتى نتي منا
خنزرات فيها حتى جمعات فمهاا :الله يلعن لمايحشم وخلاص
فاتن حاطة يديها على راسها :عيت بغيت نتسرح واش انبقا هنا حتى يمشيو
خديجة:الصبر تانا باغا نمشي نصلي وهانتي تشوفي
بقاو جالسين حتى سمعو صوت رجال كيتوادعو ناضت خرجات خديجة ووراها لبنات و عبير ..ملي سمعو لباب تسد
خديجة مشات تواضا تصلي
دخلو لبنات لصالون فين كانو جالسين ...هز راسو فيها داخلا حاذرا راسها موجها مع لبنات لطابلة
يجمعوها
قلب عينيه جيهت فؤاد لقاه متبعها معقلش على راسو جرو من عنقو بصوت خافت :فؤاد بلا منخسر معاك قلب عينيك خلينا تغانكيل
بعد يديه عليه كيقاد في الشوميز:مالك اصاحبي على هاد الشدة منشوفوش بعينينا
خرج فيه عينيه:ملي تدخل لداري حذر عينيك
تكا على سداري:واعيني كيمشيو ليها اش بيندير قولي من قبايلة وانا باغي نسولك شكون هاد لبنت
قلب عينيه جيهتها لكانت تمسح في الطابلة وتنهد:مدخلك الله
شاف فيه:اش غادي نقولك اصحبي لبنت كنت شفتها شحال هادي ونزلت من طوموبيل وتبعتها بغيت نمراا ومعطاتهاش للي وبقات في بالي وملي شفتها ليوم حالف مانفلتها
شنق عليه قاجو حتى هزات عينيها فيهم بصدمة
دور فؤاد عينيه فيها ورجع شاف فيه هاز يديه باستسلام:مالك اصحبي قلت شي كلام ماشي هو هذاك بغيت لحلال....حس بيه زاد زير عليه
ناطق:فؤاد الله يحفظك خلينا خوت ونسى عليك لموضوع
شاف فيه وعلامات التعجب كتكتسيه ..وجهو تبدل ..تزير ....كأنو ماشي هذا حذيفة لواخد
من الهدوء مايكفيه بعد ليه يديه من على عنقو....قاد مرة اخرى شوميزتو وشاف فيها هي لكانت ساكتة وكترمقهم باستغراب
دور حذيفة عينيه عليها وخنزر :اش مزال كديري هنا
خرجات فيه عينيها : بغيت نجاوبك ولكن على وجه خالتي
ردات ليه تخنزيرة وقلبات وجهها غادة كتخبط برجليها
عض على سنانو متبعها بغل ورجع شاف في فؤاد لمصغر عينيه فيه:نوض اصاحبي سير بحالك قبل مانخسر معاك
وقف كيقاد في حوايجو : واخا كتجري عليا مي عندك عذر (غمزو ) خرج من دار خلاه متكي على لمخدة ساخط
داز الوقت غادي متوجه لبيتو ....حتى سمع لغوات وهضرة كثيرة ....دخل كيشوف عبير كتجر في لعابايا وسارة كتجر فيها من جهة لخرة
نطق:اش واقع هنا.......
♨️حب يتخطى حدود المنطق♨️
🍀البارت:109🍀
طلقات يديها من لعابايا بزربة خايفة منو ....
خلات عبير ترمات على لأرض ...تحنا باغي ينوضها وهي تخنزر فيه وناضت راسها كتقاد في حوايجها
هزات لعابايا لبساتها وقادات شعرها و هزات صاشي ديال الفراشة كانت فوق سداري شافت في خديجة :انا غادا اخالتي
خديجة :ياك هضرنا وعاودنا مخداماش صباح باتي معانا نيت ظلام لحال حتى لغدا وتيسري
رمات عينيها لحذيفة لكيشوف فيها :غير خليني اخالتي مرا خرا ان شاء الله
سارة:راه هضرت معاك غادي نتخاصم معاك اعبير كيفاش تقلبتي يالاه كنتي باغا
جلسات كتشوفهم باغينها تبقا وعيات نيت فين غادي تبدا تجرجر في هاد الليل ...حطات الجلابة وخنزرات في حذيفة لقلب دورة مخليهم كتحدتو ودخل لبيتوو .......
لقاها متكية على ناموسية ببنوار ساتر كاع اطرافها
تبسم موجه عندها :رتاحيتي ليك
جلسات كتشوف فيه :الحمد الله
تبسم ليها و تسرح على الناموسية حاط يديه على راسو وكيشوف في سطح ديالو......................
دورات عينيها فيه بإعجاب ظاهر على تقاسيم وجهها ...هزات يديها مشجعة حيدات ليه بيها يديه من على جبهتو وحطات يديها عليه كتماصيها ليه خلاتو يتلفت يشوف فيها ويرجع يبعد عينيه عليها ......غمض عينيه وترخااا من لمساتها لخفاف... حتى كحس بقبلة على خدو حل عينيه ببطئ كيشوف فيها كتبسم ليه حس بيها باغاه.... وباغا حقها فيه ...اعتادل في جلستو جرها من خصرها كيقربها ليه .......................................
😋
💞حب يتخطى حدود المنطق💞
💖البارت:110💖
جالسة متكية على كادر ديال سرير شادة تيلي ديال سارة كتشوف في تصاور ديالها وكتبسم على حركاتها.... تلفتات شافت فيها هي لحاطا راسها على كتفها:مفهمتش هاد الحركات علاش
سارة :سي لامود
فاتن:ههه كتعوج بحال لاستيك معرفتش انا اش باغا تصنع وزادتها كتصور ليك في اي بلاصة واخا تكون طواليط الله يستر
سارة:منديهاش فيك نتي غير مغيارة
حركات فاتن راسها وردت بالله يستر وسكتات شادة كتاب كتقرا فيه
سارة:زعما يكونو قضاو لغراض
ماتلقات حتى شي رد هزات راسها في
عبير لقاتها مكملا شوفان التصاور وساكتة قلبات عينيها لختها كذالك مكنسوطريا مع كتابها
ربعات رجليها:دابا واش سمعتوني وقلبتو ولا ماسمعتونيش
تلفتات ليها فاتن:موضوع بعيد علينا منهم راسهم
عبير:عندها لحق حشومة
ساارة :بففف فتو تعقاد لهيه حنا غير كنهضرو عادي هادشي جاري بيه لعمل
رجعات تكات كتنفخ كتشوفيهم كي مخشعين ممسوقينش ليها ........
🌄حلات عينيهاعلى صوت الزغاريد والصلاة على نبي ....دورات عينيها في البيت لقات راسها غير بوحدها لكاينة ...هزات تيلي لقاتو مدشارجي ...
رمات لغطا كتحك في شعرهاا ....لبسات صندالة وناضت كتحك في عينيها لطواليط وهي كتسمع تعالي أصوات الضحك والكلام
سدات عليها كتفوه غسلات وقضات روتينها وخرجات جامعة شعرها مع قطرات ديال لما نازلة على عنقها .....
دخلات لكوزينة لقات لبنات محزمات كوجدو في الفطور
جلسات حاطة يديها على وجهها:صباح الخير
دارت عندها فاتن :صباح الخير ياختي جبدتي عليها مزيان
ردت كتحك في عينيها:لعيا ديال سيمانا كلها كنخلفو في هاد الصباح
حركات راسها سارة:الله يحسن لعوان
عبير:شكون جا سمعت لهضرة وزغاريت
سارة:ام لعروس جايبا لفطور
ردت:مزال لحال لا ؟ شحال الساعا
فاتن :12 دابا
حلات عينيها بصدمة :ماتقوليهاش
سارة:مزيان رتاحيتي ليك نوضي لفطور وجد
شافت فيها :غير خليني ناكل شي حاجة هنا ونمشي عندي شي حوايج خاصني نصبنهم يالاه نجي مع لوقت قد قد
💞حب يتخطى حدود المنطق💞
💖البارت:111💖
فاتن:متغبريش عليناا
حركات راسها بلا وهزات لبراد كبات ليها اتاي مع الخبز والكونفيتيغ وزيت العود .....خرجو هازين لفطور خلاوها كتفطر
سالات وناضت طرفات بلاصتها
توجهات لبيت حاذرة راسها خلات عيون كوثر متعلقة فيها حتى غابت على ناظرها
لبسات عبايتها وهزات الصاشي دلفراشة خرجات متوجهة لصالون دارت سلمات بالوجه على لأم ولأخوات كاملين متغاظيا على نضرات كوثر لكالقرطاس نظراتها .... توجهات جهة العروس لجالسا بقفطان بلانكاسي خفيف وفولار مليوحين جنابو على كتافها وجهها وردي سر طايح عليه توجهات ليها بابتسامة
ودودة:مبروك مرة خرااا الله يكمل بالخير
بابتسامة صفرا:الله يبارك فيك العقبة ليك
حركات ليها راسها ومشات جيهة خديجة تحنات باست ليها راسها وودعاتها رغم انها مبغاتش طلقها الا وكان قنعاتها تعاود ترجع
نزلات شدات طاكس وصلها فين كتسكن ..دخلات جبدات لبانو دارت فيه حوايج من السلة لكتجمع فيها لوسخ وبدات تفرك .....تنهدات وهي مخرجاهم لزنقة كتنشر فيهم
دخلات حطات شبيكة
...تسرحات فوق لمانطا شي 5 دقايق وناضت كتلبس في سروال اسود وتشورط ابيض صبادري ظفرات شعرها ودوراتو لقدام مكياج خفيف بزاف
وخرجات شادا طريق
دخلات كتدور عينيها على الناس لقلال حيت وقت الغداا
تحزمات بالطابلي وهزات باش كتنوطي وقفات في الكونطوار كتسنى لكليون
دوزات نهارها في سلم بحال جميع ايامها في الكافي وصل لوقت هزات صاكها وخرجات بلا متلفت عارفا رشيدة غادي تكون خرجات من هاد لخدمة حيت لقات مرا جديدة في الكويزين
🌻🌻🌻🌻🌻🌻🌻🌻🌻
بعدما فطرات معاهم و الحشمة مسيطرة عليها ناضت متوجه لبيت مع ختها كوتر خلات خديجة ولام ديالها كيديو و يجيبو في لهضرة بينما
....جلسات عاضة على شفتها فوق السرير خلات كوتر تدور عينيها في الغرفة:غزالة وواسعة
ردت عليها:وي حتى انا رتاحيت فيها
جلسات حداها: كيف داز داكشي (غمزاتها)
ابتاسمات: تعامل معايا مزيان الحمد الله حيت لاقاني بيه الله الحاجة وحدة لمعجبتنيش فيه هي كنحسو بارد بزااف
خرجات عينيها:اويلي كيفاش بارد واش ماجابوش؟
ردت مقاطعاها:لا ماشي داكشي كنهضر على معامالتو هضرتو تصرفاتو كلشي فيه مثلا غير لبارح كون مجبدتوش كون نعس ومحطش يديه عليا
ردت: لعجب بارد نيت ..معندك دابا ماديري الا جاك ناضي في لفراش متعك وموفر ليك اي حاجة بغيتيهاحمدي الله مجبدكش هو جبديه نتي وعرفي تحراميات ديال لعيالات وشدي فيه بانو لي عينيه غير كيدورو على هاديك خيتي
تنهدات: اش بندير ليه نربطو اختي
شدات ليها في يديها:تجمعي متبقاي غير محلولة ولشفتيها ضحكي ليها وحضيه وحضي من هاديك خيتي
حركات راسها كطبطب على يديها :كوني هانيا اختي عارفة اش غادي ندير (سهات كتفكر)
جراتها عنقاتها كطبطب عليها حتى تحل لباب بعدات على ختها بزربة
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
💖البارت:112💖
طلعات عينيها فيه هو لرمقهم بنظرة وقلب عينيه قائل"السلام وعليكم" توجه الحمام بلا مايزيد شي كلمة
خرجات عينيها فيها :نوضي تبعيه شوفي الا كان محتاج شي حاجة
حركات راسها بلا :علاش غادي نتبعو حتا لحمام
حطات يديها على راسها:الله ياختي الله وعمرني شفت بحالك
بقات عليها حتى نوضاتها بلهلا يطريه ليها خلاتها موجها لحمام وهي حلات لباب خارجة كتوصيها بعينيها
دقات 2 دقات وبغات تحل لحمام لقاتو مسدود من لداخل وكتسمع في لما مطلوق...دارت راجعة أدراجها حتى تفتح لباب وخرج كيمسح في يديه هز عينيه فيها بتعجب:ياك لباس
ردت مركزة في عينيه:بغيت نغسل
حرك راسو وخرج مخليها دخلات سدات عليها لباب وطلقات لما
خلاتو هو حط لفوطا وخرج كيسمع في صداع ولهضرة لكثيراا زفر بجهد وخرج من دار كينفخ
لخدمتو يرتاح من الضجيج
🌅🌅🌅🌅🌅🌅🌅🌅🌅🌅🌅🌅
دازت السيمانة ثقيلا على شي وكنسمة برد على شي...... حلات عينيها كتبتاسم لما لا وهي غاتشوف لأم ونبع لحنان اليوم ...
بعدة مدة ليست بالهينة...مدة طويلة كانت كافية تولد الشوق كبير
لبسات بودي غوز مع سروال أبيض سبرديلا بيضاء خلات شعرها مطلوق اكتافات دير ليه بوندو باللون الوردي الفاتح مع تمرد بعض خطوط بيضاء
هزات صاكها من بعد ماقلباتو ولقات كلشي فيه
سدات لباب وخرجات كتنفس هواء الصباااح الدنيا خاويا يالاه بدا يشرق الصباح السكون والصمت المطلق من غير صوت زقزقة العصافير تمشات جامعا يديها نظرا للبرد لكيكون مع الصباح سواءا في الشتاء أو حتى الصيف
شدات طاكسي لمحطة أكدال .....نزلات كتشوف توافد المسافرين بمختلف لأعمار
قطعات وجلسات كتسنا في التران.....
💞حب تخطى حدود المنطق💞
💖البارت:113💖
من بعد علاقة حميمية ليلية ناض متوجه لحمام خلااها مغمضة عيونها وغطاء نازل على كتفها العاري ................
...خرج كيمسح في شعرو من قطرات لماء لبس تشورط و سروال سيرفيط أسود..........
تكا على كادر السرير مغمض عيونو وعقلو سارح ....النوم جافا عيونو والصباح على وشك إشرااقتو.....
ناض توضا صلا الفجر بعدما أذن ورجع لمكانو لعلا و عسا يغمض غمضات ولكن النوم مكانش حليفو من نعار رجعات ظهرات أمامو وهو كيفكر فيهاا..صحيح كيهضر معاها في التيلي واها حاول مرارا وتكرارا يقطع هذاك الرابط ولكن قلبو و جميع حواسو كيجروه نحو الرابط الصغير لهاتف..... ولكن نهار تلاقا معاها بعد غياااب سنتاان زاد تأكد أن إحساسو من جيهتهاا معمرو خدعو إحساس بلإعجاب تحول الحب وإستقر داخلووو من هذيك الليلة وكاع أحلامو متعلقة بيها عي وحدهااا ...دار شاف فب حفصة لغفات بنظرة أسف وإعتذار تنهد بعنف كيسوط من الغمة لأكتاسات قلبو و خلاتو سجين في يد عبير حك على وجهو ......
دخل كيستطلع في لأخبار في الفيس المزيف لنساه في إسمو الحقيقي و أصبحو هو الفيس الرسمي ديالو ...حتى لمحها اونلاين في وقت مبكر من الصباخ ....سيفط ليها مساج وجلس كتنهد ويغزز في سنانو......
🌻🌻🌻🌻🌻🌻🌻🌻🌻🌻🌻🌻
قطعات وجلسات كتسنا في التران....كتشوف فلي دايز من قدامها وتبعهم في صمت....منتظرة لحظة اللقاء بشوق كبير داخلها......
هزات تيلي باغا تلف بيه لوقت ...دخلات لفايس كتشوف اخر لأخبار... تلف الوقت بينما جا التران
حتى وصلها مسج حلاتو في نفس الوقت لقاتو من عند محمد او بالمعنى لأصح حذيفة
يحتوي على :"اش مفيقك مع هاد الوقت "
هزات راسها شافت أمامها وعاودات تحنات كترد عليه: "اش مفيقك نتا نيت"
قراه هاديك ساعا وبدا كيكتب ...
سمعات صوت التران ناضت كتقاد في راسها على استعداد تركب
.....جلسات متكية راسها على النافذة هزات تيلي لقاتو راد عليها :مجانيش نعاس
ردت بابتسامة:أنا غادا نشوف ماما ليوم
هزات عينيها كتأمل في الطريق السيار لكتواجد فيه غير بعض السيارات هزات راسها كتأمل في صفاء السماء حتى فيبرا تيلي في يديها
"مزيان حظي راسك الطريق صعيبة و حاولي ترجعي بكري"
ردت:داكشي علاش غادا بكري شنو لمخلاكش تنعس ؟
مردش عليها تاكانت غادي تسد لكونيكسيون
عاد وصلها مساج "راك عارفة"
ردت:زعما لموضوع كيوصل تال قلت نعاس
خرجات من الفايس ....دوزات لخط لعائشة تعلمها راها في طريق ردت عليها لأخيرة مقلوبة بنعاس.....
عضات على شفايفها مبغاتش تنوضها
علماتها خلاتها نايضة كتفتف باغا تلقى ليها
رجعات دخلات لمسج لقات :"و كثر"
تنهدات كتفكر ونزلات عينيها كتكتب
سيفطاتو ولقاتو خرج سدات لكونيكسيون ..دارت لكيت تكمل رحلتها بشوق اللحظات لغاتلاقا بأمها
🍃🍃🍃🍃🍃🍃
ْحَنَينِي لَكِ غَيْرَ الحَنِينْ يَاأُمَّاه
ْفُؤَادِي اِهْتَّزْ وَرُوحِي تَمَزَّقَتْ عِنْدَمَا كَانَ الفُراَق
ْفَارْحِمِينِي وَارْجِعِي لِي الحَنَان
ْعَطْفُكِ يَاسَيِدَتِي هُوَ الرَجَاء
ْطاَلَ غِيَابُكِ وَطَالَتْ اِبْتِسَامَتِي الَِى مَتَى اللِّقَاءْ يَانَبْعُ الأُقْحُوَان
اِنِّي فَقَدْتُ الصَّبْر سَأُتِيكِ حَافِيَّةَ القَدَمَيْنْ طاَمِعَةٌ مُتَعَطِّشَة لِلِقَاءْ ..لِرُؤْيَةِ وَجْهَكِ الذِي يَبْعَثُ السَّكِينَة وَيَمْحُو الشَّقَاء
ياسمين اكرام
🍃🍃🍃🍃🍃🍃🍃
نازلة من تران في كازا فواياجوغ كتستنشقو هوا مدينتها لمعطاتها غير الهم و الأدى تنهدات كدور في عينيها وسط الناس كتقلب عليهاا .....
بقات واقفة كدور في عينيها وكتشوف أحوال الناس .....كاين لمسافر باغي يفوج ويدوز يوم روبو كيفما لكاين مسافر على خدمة او قرايا تختلف لأسباب و عقول ولكن طريق واحدة .......
حسات بيد تحطات على كتافها دارت بسرعة لبرق ..تلاقاو عينيهم لمدة وهما يبحلقو في بعضياتهم
عاد فاقت عبير وتلاحت عليها معنقااهاا بقوة ومن شدة الشوق انهمرو دموعها....
دموع اشتياق ..فرح...غياب طال....
بعدات عليها كتمسح في عينيها لقاتها هي كذالك عيونها حومر شداتها من كتفها وهي كتشوف الجلابة زرقاء لشرات ليها توبها كيف جاتها وكيف واتاتهاا
دخلو لكافي مع 8صباحااااا يالاه حلات
جلسوو كضحكو و يتسناو السيرفور لخدا دوموند
💞حب يتخطى حدود المنطق💞
💖البارت :114💖
جرات يدين عائشة كتبتاسم:توحشتك بزاااف مبقيتش صابرا على بعادك كون غير مشيتي معايا ليوم مفهمتش علاش مبغيتيش
ردت كتبتاسم:حتى انا يا لحنينة توحشتك و ربي لعالم كندعي معاك صباح وعشية وبالي ديما معاك
خلي حتى لمرة خراا ان شاء الله ونهز معايا وراقي وداكشي ديالي ونركب راسي لعندك
بغات تهضر قاطعهم سيرفور لحط لطلبو فطور متكامل ...
كيفطرو و لإبتسامة مزينة وجههم ولإشراقة بانت في ملامحهم وهما كسولو على لحال و لأحوال بعضهم
رشفات عبير من الكافي وحطاتها :اش دايرا معاهم في ديك الدار
مسحات فمها:ها حنا نسلكو ابنتي من نهار خرجتي راك عارفا بشوي بشوي بدا يقطع عليا ساير حتى مبقاش كيعطيه بالمرة
هزات يديها باستها ليها :الله يحفظك ليا ممحتاجاش ليه داكشي لكان يعطي غير يخليه عندو
ردت كتبتاسم:الله يرضي عليك ويبعد الشوك من طريقك ابنتي (حذرات راسها وسكتات حتى فجأة هزات راسها فيها)حاتم ابنتي راه تزاد عندو ولد اخر
تبسمات :ايوا الله يزيدوو تبارك الله على هادي لتزوجات بيه وا صبر عندهاا
حركات راسها :مسكينة مكرفص عليها شفتها بعد لمرات كنتلاقا معاها في لأعياد في دروج وجهها ديما مضروب ومنفوخ
تنهدات كتفكر في الشهر لعذاب لدوز عليها:عارفاه كيعطيها في لعصا وجالسة كتولد ليه
عائشة:ايوا لمكتاب ابنتي
حركات راسها: دل كيتسمى ...اودي الله يصاوب نتي مبقيتيش تلاقيتي بيه
ردت :لااا ماتلاقيت بيه ماجا عندي نيسوك وحيدوك من بالهم واقيلا
حطات ظهرها على كرسي :هناوني ورتاحيت
هزات عينيها فيها:كيف غادا مع قرايتك أبنتي
تبسمات ليها :صافا الحمد الله مزيان غير كنتعصب شي خطرات ونقول كون درت غير شي حاجة نقراها عامين كون كملت في دار وخدمت وهزيتك من تم كون هادشي كامل مايوقعش ومانتربط بشماتة تاع حاتم
طبطبات على يديها بحنان:مكتاب ابنتي ممنو هروب مكتاابك ولمقد ليك في رزقك غادي يوصلك
هزات راسها :بصح عندك الحق غير كنبقاو نهضروو و صافي
كملو فطورهم على نفس المنوال لعلا وعسى ينقصو من حدة لإشتياق لجتاحهم لفترات من الزمن
💞حب يتخطى حدود المنطق💞
💖البارت:115💖
جالس في البيرو حاط يديه على راسو كيماصي فيه وقهوة كحلا مراا بعد مراا كيرشف منهااا ......خدم البيسي يبدا يخدم فجأة ذكر أنو مكملوش الهضرة ...هز تيلي ودخل حتى كيطلع ليه المساج لأخير ديالهاا "معرفتش اش نقوليك مي هادشي خايب وحرام لكدير كتسمى الخيانة مرتك خايبا ..غادي تكون كتحس حشومة...كيقوليك واحد المثال شد فلي شاد فيك هادشي ماشي ديالك كتجيني إنسان واعي"
تتهد بعمق وخبط التيلي وتكا على الكرس مغمض عينيه كيتعاود كل حرف كتباتو في دماغووووو
🌻🌻🌻🌻🌻🌻🌻🌻🌻🌻
داز الوقت وناضت كتجول هي و أمها الدار البيضاء المكتظة
ركبو في الطرام في إتجاه ساحة الحمام ...ضحكو وتصورو وكلو حميمات وكملو رحلتهم القصيرة المدى نحو عين الدياب من بعد ماخداو باش يتغداو
عين الدياب لفي فصل الصيف و الحال سخون كيكون مكتظ بالناس بمختلف لأعمار و لأجناس............
كراو باراصول وطبيلة وجلسو يكملو حديتهم لمكيتقاضاش تغداو.....لقمة ليها ولقمة لعائشة لضحكة محيدتش من اللحضة لشافت بنتها
ناضو كيتمشاو في جانب البحر هازين صنادلهم وكيتحسسو سخونية الرملة وملمسها الخشن
بدات لحضة الغروب والبحر بدا كيخوا من الناس تنهدات وبدا يطلع معاها مود الكآبة
اللحظة الخايبة لحظة تضارب المشاعر كتفكر كون كانت عايشة بحال جميع لبنات واش غادي تفكر تخلي امها ولو لنهار .......ركبو متوجهين لمكان قريب لمسكن عائشة
طريق بالكامل وعائشة كتوصي في فلذة كبدها ..وهي كذالك توصي فيها ...نزلات وصغرت خطواتها باش تزيد تطوال الطريق و لكن القاعدة لمعروفة عندنا ملي كتبغي شي حاجة تطوال عاد كتقصار والعكس صحيح .....
وقفات في الحي لقريب لحيههم ببضع أزقة تعانقات هي وياها ودمعة سايحة في عيونها السود كمدات ليها بضع ورقات نقدية ... ...بقات متبعاها بعينيها هي لغادا وكتلفت فيها كذالك
مسحااات دمعتها ودارت راجعة أدراجها ماشي كيف جات تغير ليها لمزاج بشكل كلي وتحول من البسمة ولإشراقة إلى قطرات من الدموع كأنها تتساقط من نهر غريق
.....تكات على النافدة وكتكتم صوت بكاءها على الظلم لعانات منو طيلة سنين كأن الجرح ملتأمش بالعكس عاد بداو يبانو الثغراات...
النهار بدايتو كانت حلوة كالعسل ولكن لم يستمر طويلاا وأصبح مراا كزقووم
....كتمشى بخطوات صغيرة مربعة يديها وكطبطب على ذراعها العاري كتلملم حالها ترجع تقوى وتناسا معالم الماضي وأسوء لحظاتو تنفسات شهيق وزفير.. بعدات شعرها على عينيها لكحركو لبردبكل اريحية
دورات عينيها حواليهاا...الليل أصدر ستارو وزين بالقمر المضيئ للعتمة
💦💦💦💦💦💦
حاطة راسها على لمخدة ومغمضة عينيها... مليوح غطاء خفيف على رجليها... بدات كتحرك يمين وشمال مع تواجد قطرات من العرق فجأة فتحات عينيها ..جلست حاطة يديها على صدرها كتنهج كأنها كانت وسط سباق ماراطوني
كحزات جهة الطبلة لكانت حدا رجليها هزات كاس لماا شرباتو وتنهدات كتفكر في الحلم لراودهاا... حلم رعبها وأربك حساباتها
حلم أقلق تفكيرها خلاها مستلقية فوق المانطة فاتحة العينين وغائبة التفكير
كانت عائشة مغمى عليها فوق سرير أبيض وغرفة بالكامل بيضاء وجهها شاحب وعينيها مغمضة ..واقفة حداها وضحكة مرسومة على شفتها فجأة هزات يديها كتحرك فيها مدارت حتى حركة طلقات منها طاحت كأن الروح ماشي فيها دارت خارجة من الغرفة مخلياها في نفس وضعيتها
كتواجه مصيرهااااا إلا ان ملي خرجت من الغرفة لقاتها أمامها منهكة الجسد ذو بشرة جافة وشاحبة مرهقة .....
تنهدات بعنف كتسمع في صوت أذان الفجر تقلبات على جنبها ماسكا تيلي في يديها داخلا تصفح الفيس في محاولة طرد أفكار السوداء لأحاطت بيها
💞حب يتخطى حدود المنطق💞
💖البارت:116💖
لقاتو قاري لمساج ومخلي ليها في شافتو اونلاين وهي تسيفط ليه معجبكش كلامي ديزولي مي سي صا لا فيغيتي
خرجات كتصفح صفحات الطبخ وكتشوف لوصفات حتى
وصلها مسج منو :" شنو لوقت لرجعت فيه"
شافتو وعلامات استفهام مسيطرة على تفكيرها
ردت عليه: مع العشاا
رد عليها في نفس الوقت تعطلتي
ياك الواليدة مزيانة
ردت عليه: الحمد الله
لقاتو خارج رجعات كتصفح وتقرا لكومونطير ديال سيدات كشكرو في الوصفة
حتى دازت مدة نصف ساعة حطات تيلي كتحك في فروة راسها مغمضة عيونها لحرقوها من التعب
سمعات رنين مساج حلات عينيها مادة يديها لتيلي
لقاتو كاتب :"شنو مسهرك"
ردت:حلمت واحد لكابوس طيرو عليا بالمرة فين تعطلتي
رد :مشيت صليت
قراي غير القرأن واستاعدي بالله من الشيطان الرجيم ونعسي
تاوبت :الله يتقبل ..مبقاش لوقت شويا نوض قاريا مع 8
انتهى حديثهم من بعد مرور وقت ليس بهين....تقلبات على ظهرها كتستغفر الله وناضت توضات تصلي
....قدات روتينها المعتاد لبسات كسوة ب الكم ديالها سوداء متزينة بخيط رقيق أبيض في جوانب ديالها نازلة لتحت ركبة مع صبادري بيضا ظفرات شعرها ورداتو أمامها هزات صاكها وانطالقات وجهتها الصباحية في طلب العلم
داز نهارها بحال جميع لأيام الماضية ..قضات نصف يومها في الكلية كتستمتع في الدراسة ونصف لاخر في لعمل او بلاحرى طرف الخبز
جات منهكة بيوم شاق تسرحات ترتاح بلا ماتحيد حتى سبرديلتها فجأة رن تيلي ديالها لكان في الصاك
جبداتو وعلامات لاستفهام كتكسو وجهها
في الحيرة تجاوب الرقم المجهول او لا قطع حطاتو على استعداد تنوض تبدل حوايجها حتى عاود رن هزاتو مستقبلة صوت نسائي :معايا عبير
جاوبت باستفهام بلايجاب
حتى كتلقى رد خلا جسمها النحيف يرجف وفمها الوردي
كالتوت ينفرج بشكل دائري
..شدات تيلي لكان غادي يطيح من يديها وقطعات كترجف هزات صاكها لكان مرمي حداهااا
خرجات كتجري ناسية لباب البيت محلول وناسيا العيااا لكتعاني منو
..كتجري وسط طرقان الربااط... المحطة تلفات عليها ومبقاتش عارف راسها فين تحط رجل ولا تهزها ...بصعوبة ركبات في تران راجعة في الطريق لكانت جايا منها لبارح يا لسخرية القدر
طريق كلها كترجف والدموع على طرف عينيها المكالمة الهاتفية كانت كالصاعقة حولت لمود لكانت فيه نساتها في التعب لكان مكتاسي معالم وجهاا وعوضوه معالم لإستياء..الهلع ..الخوف.....
كتفكر وودور في راسها كلام الممرضة لربطات لاتصال بيها فور ماشافو كونطاك ديالها في تيلي عائشة لكانت مصابة بطعنة على مستوى الكلي
جبدات تيلي كتاصل في رقم الممرضة مجاوباتهاش عودت تاني ومثنى وثلات عاد تكرمت جاوبتها بصوت شبيه بهمس:ياك لباس اختي راني مشغولة
بارتباك وارتجاف:بغيت نسول على لماما كيف بقات
تنهدات بأسى:ايوا اش غادي نقوليك اختي جات في حالة خايبة و .....
قاطعهاا ضجيج وبعدها صوت حداها كيردد انا الله وانا اليه راجعون
خفق قلبهاا بعنف حلات فمها بصدمة وطاح ليها تيلي من يديهاااا
حتى هزاتو لبنت لكانت جنبها شعلاتو بعدما كان طفااا ومداتو ليه هي لبصدمة بقات مستقرة و تابثة غي مكانها لا تحرك ساكنا
💞حب يتخطى حدود المنطق💞
❤البارت :117❤
كيف وصلات شدات طاكسي بسرعة البرق لسبيطار
دموع شقو طريقهم والكلام الممرضة لأخير كيتردد في وذنيهااا
دخلات لسبيطار لعمومي مكتشوفش قدامها من غير الظلام والعتمة... سولات في لإستقباال رشدوها من بعد مدة من زمن وهي في تلخبطااات ...
تبسمو تقاسيم وجهها ملي زفات ليها مسوؤلة لإستقبال ان أمها لا زالت على قيد الحياة محكرتش ولا سولت أسئلة اخرين بل بالعكس ...
توجهاات لغرفة كتسمع فيها كثرة الهضرة والحذيت.. دخلات كتشوف في لأجوااء المرضى مجمعين مع عائلاتهم في وقت الزيارة ناس بمختلف لأعمار من الطفولة حتى العجز
دورات عينيها على أمها بإشتياق بانت ليها متكياا على جنبها معلقين ليها السيروم و الظاهر أنها كتعاني من لألم ...
محدها كترمي خطوات جيهتها وهي كتضح ليها معالم وجهها الشاحب وعينيها لمغمضين
وقفات عليها والصدمة مكتاسيا وجها كيفاش يالاه كانو كيضحكو ويتعانقو ويهضرو و يجمعو حتى أصبحت في أقل من يوم طريحة الفراش
تنهدات بعنف وحطات يديها على يد عائشة
لأخيرة إلتافتات جيهتها بصعوبة... حلاات عينيها فيها وبغات تهضر ومقدراتش ...
جلسات جنبها نزلات باست يديها من لداخل وبرا دوزات يديها على وجهها :كيف بقيتي
حركات راسها وغمضات عينيها
دوزات على يديها بحنان:ان شاء الله غادي تعافاي وتولي حسن بغيت نعرف كيفاش وصلتي لهاد لمواصل كنتي بخير وعلى خير لبارح ......
قاطعهم وقوف امرأة من الحي حاملة قفة صغيرة حداهم هزات فيها عبير عينيها
سلمات عليها المرأة وحطات القفة كتشوف بشفقة في عائشة:كيف بقيتي اعايشة شويا داباا
حركات ليها راسها ...
شافت عبير في المرأة :خالتي حليمة اش واقع لماما
تنهدات لمرااا كتشوف لبعيد :اش نقولك ابنتي كتاب لعايشة عمر جديد جا ربي من جيهتها و خلاص
شافت في أمها لمتبعاهم في صمت ورجعت نظراتها لمرأة باستفهام
حليمة: سمعنا غوات ديال مصطفى ورديخ و خرج مصطفى هاز جنوي وحوايجو مطلين بالدم كلشي كان كيطل ملي شفت هذاك المنظر معقلت حتى لقيت راسي وسط داركم لقيت غوات فاطمة وأميمة وعايشة طيحة مغيبة تما فين عيطت على عبد القادرقطعت ليه صلاتو وجبناها لسبيطار
بغينا نعلموك ومعندنا حتى خبار عليك
نزلاات الدمعة يتيمة من عينيها وشدات في يدين عائشة كطبطب عليهاا ..كتشوف فيها بحسرة نظراات مكسورة وقلب مضرور عالم بيه غير الله ...كون تصحاب هادشي غادي يوقع ليها كون بزز تجرها معاها هاذاك النهار
رجعات عينيها على عائشة :كيفاش وقع ليك ؟
بصوت خافت :شافنا شي حد من الدرب وصل ليه لخبار وبغاني نخبرو فين كايناا نتي وملي مبغيتش شد معايا زكير حتى رديت عليه الهضرة و ......
كرزات على يديها والدمعة محبوسة في عينيها كتخايل منظر مها وهي مكبلة بالدماء تنفسات وهبطات باست ليها يديهاا في محاولة تسمح ليها كتحس بلي هي سباب باش وقع ليها هكا
جلساات معاهم المرأة شويا خلاتهم استبدلو الكلام ....
وقت نهاية الزيارة وبداية الدمعة في التساقط ودعاتها وخرجات مخلياها كتصنت لعظامها
خرجات كتبكي على الدنيا وكيفاش مدوزاها عليها حتى تقول رتاحيت وتبدا تضربها من جديد
داقت بيها الدنيا ومعرفات فين تعطي راس معندها حتى حد من غير لميمة لتكساب وكانت غادي تمشي ...حبسات في هاد اللقطة ومبقاتش قدرات ترمش.....
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
❤البارت:118❤
مجرد فكرة مقدراتش تقبلهاا ....
جلسات في جردة كانت قريبا السبيطار معنقة صاكها كتشوف الظلاام أسدل ستارو و الناس قلالو ....ساطت بعنف كتحس بالتلفة معارفاش اش واقع وكيفاش وقع هادشي حطات سبرديلتها جنب وتوسدات صاكها كتشوف في صفاء السماااء وبروز نجومهاا وقمر لمضوي عتمتها بقات كتفكر وعقلهاا سرح بعيد ...حتى داتها عينيها من شدة تعب نهارها
🌄حلات عينيها بعدما زعجها ضو النهار
حلاتهم كتحك فيهم عند بالها راه في بيتها حتى كتلقى راسها في الشارع بقات متكية حتى استعقلات وناضت قافزة كتقلب في راسها وجنابها....
لقات مش مكمد حدا رجليها....
وقفات كتدور في راسها في المكان لكان خاوي تنهدات ورجعات جلسات كتشوف في المش لكيلحس في ذيلووو
تنهدات كتحك على الفرو ديالو حتى عيات وناضت تقلب على فين تدوز نهارها في إنتظار وقت الزيارة
داز نهارها باشما عطا الله.... مكلومة وهازة دقة عائشة وازدادت حقد على مصطفى ولكن ما ب ياليد حيلة تصاب باها
خلاتووو منو لبوليس كيف قالت ليها حليمة.. لداوه مكبل بسلاسل بعدما علمو بيه الجيران لدخلو لدارو شافو منظر كيبورش
حان وقت الزيارة دخلات دانون طبيعي والحليب واخا معرفتش اش تقدر تاكل......لقات بجانبها حليمة .... جالسة حدا سرير ومخشعة كتدي وتجيب معاها في الكلام
سلمات عليهاا وتحنات باست يدين عائشةوووقفات كتسول على الحال ولأحوال متجنبة هضرة الناس لدايرين بيهم كيشوفو حبابهم لمراض
هزات عينيها بالصدفة جيهت لباب وهي تصدم بفاطمة وراها أميمة ...لازالت على حالها جلابة مقزبة وشعر صفر
وقفات كتخنزر فيها بعدما دورات عينيها على جميع لمرضى
وقفات مخرجة فيها عينيها هي لأخرى يالاه خطات خطوة باتجاها حتى كتسمع أنين عائشة
تلفتات لقاتها كطلبها بعينيها....تنهدات بعمق ورجعات شافت عيون فاطمة بحقد :لباس عليك امرت باا
ردت بغل وهي كطلع وتنزل فيها :كتباني فيك الموت امرت ولد ختي
ردت بابتسامة :علاش جايا بالسلامة تكملي داكشي لدار راجلك
شافت في عائشة ورجعات شافت فيها :لا لا لا مقربني الله لهداك الموضوع منك لباك ومنو ليكم جيت غير نشوف ضرتي في سبيل السنين لدوزنا مجموعين
باستهزاء: هانتي شفتي كلشي على عينيك غير وجدي لقفة لراجلك ودعي متوقعش لمي شي حاجة
بصوت مرتفع خلا ناس تلفت جيهتهم:ويلي محشوماش دخلي باك لحبس ..لسهر وتعذب عليك كان يجيبها من ناب الذيب باش ديري كتاف وتردي ليه خيرو هكا اتبارك الله عليك اعبير تبارك الله
رجعات عبير شافت في عائشة لكانت كطلبها بعينيها صغرات عينيها فيهاا :عرفتي مغاديش نجاوبك ومن أحسن ديري ميكروو وخرجي براا عاد قولي هاد الكلام غادي يتسمع حسن ..غمزاتها والتفتات عند أمها كتغمض في عينيها باش تكالماا خلات حليمة توجه جيهت خديجة لكتسوط ووجهها حمر ....في محاولة باش تبردها
تبعاتها بعينيها حتى خرجات مع حليمة برفقة أميمة لكتلفت لجيهتها كتصكانيها.....قلبات وجهها مغددة عليهم كون لقات تغززهاا بسنانها و مايبرد ليها جوف .....
رجعات حليمة كتنفخ:يارب السلامة على مرة كدايرااا صراحة باز ليكم عايشين مع هاد القوم
ساطت عبير:بحال هاد النوع ماشي بنادم ...
اش درتو مع لبوليس
حليمة(طبطبات على كتفها):بلا متهزي الهم راجلي مكلف بكلشي كاين الشهود وأصلا لقاوه متلبس وحتى لمحامي راه ولدي توفيق يتكلف
تنهدات :لهلا يخطيك اخالتي الله يحفظكم
ابتاسمات:متقوليش هكا ابنتي راه عائشة بحال ختي غير قبح الله و الفقر السنين ليفاتو كنا نصورو طرف الخبز غير بزز اما منفرطش فيكم
ابتاسمات ليها حتى سالات الزيارة توادعات مع عائشة وخرجات برفقة حليمة
💞حب يتخطى حدود المنطق💞
❤البارت:119❤
خرجات برفقة حليمة كيهضرو على القضية حتى بغات تودعها:فين بتي لبارح ابنتي
تنهدات :غير هنا قريب
خرجات عينيها :في الزنقة
حركات راسها ب اه
بصدمة: مالك يابنتي على هاد الحال ...زيدي يالاه معايا مايمكنش نخليك ونيت قول لي اشنو قصة زواجك مع ولد خت فاطمة لجا على غفلة و كيفاش من زواج هربتي اش وقع
تنهدات:راسي كحرقني مقدراش نهضر على هاد لموضوع
حركات راسها ماشي دابا حتا ترتاحي يالاه
ردت واقفة:مانقدرش نمشي لهذاك الدرب اخالتي غير خليني
حليمة:علاش اش فيها باك مكاينش اههه حاتم نسيتو
وقفاات كتفكر شحال في لأخير جبدات تيلي وبعدات عليها كتهضر.... خلاتهاا كتشوف في غروب الشمس لعاطي رونق غير......
وقفات كتبسم :يالاه نمشيو عند ختي مرحبا بيك
تبسمات بزز وكملات معاها طريق
❇️❇️❇️❇️❇️
واقفة في الكوزينة حاضيا الحليب لايفيض ببيجامة بيتية وشعرها مطلوق...كتنفخ وتسوط حتى قفزها صوت إنسكاب الحليب وفيضانو... تنهدات وطفات لبوطة هزات البريق حطاتو في البلاطو برفقة الكيسان وطفات على البوطة
هزات البلاطو بعنف غادا كتجر في الصندالة
جالسة كتفرج في المسلسل وفي يديها تسبيح طلعات عينيها فيها وابتاسمات برضى على زوجة ولدهاا...حطات البلاطو رجعات الكوزينة وعقلها غايب ماشي معاها هزات بلاطو المرافق للقهوة باش يديرو كاسكروط ...متوجهة لبيت حتى سمعات الضجيج لبنات و الساروت كيدور ..تنهدات بعنف ودخلات كتقاد في طبيسلات فوق الطبلة وكتخبط في طباسل حتى انتابهات ليها خديجة ..حطات تسبيح وصغرات فيها عينيها:حفصة بنتي ياك لباس
تلفتات ليها ببسمة صفرا:والو أخالتي غير عيت
تنهداات :ضراتني ركبة أبنتي بعد العرس هاد الأيام والله منحدجك على كاس
خرجات كتسوط حتى تلاقات بالبنات قلبات عينيها ومشات كتنكر:هادو هما لبقاو لي من لحساب تفوو يخخ عل كنس وليت خدامة على قوم هبش..
💞حب يتخطى حدود المنطق💞
❤البارت:119❤
داز أسبوع على مكوث عائشة في السبيطار تحسنات شوياا ولات تهضر حسن وتحرك وتمشى غير خاص الحيطة و الحذر كيف كيقول الطبيب
واقفة حدا النافذة لكطل على البحر كتشوف رمال الذهبية المنعكسة على عذوبة المياه وصفاء السماء مخلي منظر غير .......عقلها سارح وكيفكر لبعيد .... ......تدق لباب وبعدها تحل دخلات امرأة في لأربعينات من عمرها بشوشة الوجه ...تلفتات ليها بابتسامة عذبة خلات لمرأة تبتسم وهي في اتجاها حتى وقفات حداها :صباح لخير
ردت بالمثل
دورات عينيها على الغرفة:نورات لغرفة بيك من نهار مشات بنتي لفرانسا ولات ظلام في الظلام
هي لأخرى دورات عينيها عليها :بارك الله وفيك والله يجازيك
تبسمات وهي غادا خارجا :يالاه اجي تفطري باش نمشيو تجيبو عائشة
ردت وهي متوجها جهة حوايجها ديال نهار الاول لجات فيه كتلبس فيهم وكتفكر كيفاش دوزات هاد لأسبوع من نهار جابتها حليمة عند ختها مليكة لوالدا بنت وولد و بزوجهم كيقراو في الخارج كتواجد غير هي وراجلها في الدار
تهلات فيها واستقبلتها بالفرحة لكونها تخرجها من روتينها المعتاد دوزات أسبوع مابين الدار و السبيطار
حتى ليوم الموعود يوم خروج عائشة
....................لبسات وجمهات شعرها كعكة وخرجات هازة صاكها لحمام...... لقات مليكة جالسة في صالا مونجي وحداها زوجها كتوكل فيه نظراا لكونو مشلل جراء التونسيون
تبسمات ليهم وجلسات حداهم كتفطر وتشوف في كمية الحب والحنان لبين هاد الزوجين
....سهات متبعا نظراتهم وانسجاهم الظاهر كتخيل كون كبرات في بحال هاد الجو كيف غادي تكون
نظرتها الحياة ....كيف غادي تكون حياتها دابا ...تغيير جذري ولكن تهب الرياح فيما لا تشتهي السفن
حذرات عينيها كتكمل لفطور ...بدات كتجمع في الطابلة بمساعدة مليكة لي حبساتها مخلاتهاش تكمل وكملات شغلها راسها .... تنهدات وخرجات متوجه لسبيطار والفرحة بميمتها لرجعات ليها من الموت مسيطرة عليها خلاتها تناسا جميع الغم
لمر بيها
نزلها الطاكسي امام السبيطار تنهدات ودخلات لمكانها لمعتاد برفقة مرضى اخرين
لقاتها حاطة حداها صاكها وكتهضر مع شي مرأة غير حسات بيها جمعت الوقفة بتأني وتوادعات مع المراا
شادة فيها ولابتسامة مزينا وجهها كتسولها على حال و لأحوال
هزات عينيها أمامها ملي وصلات لباب لخروج حتى كتوقف وتحل عينيها بصدمة مكانتش على البال ...هزات عائشة عينيها فيها لقاتها مكوانسيا تبعات ليها العين فين كتشوف وهي لأخيرة تصدماات ..........................
💞حب يتخطى حدود المنطق💞
❤البارت:120❤
كان متكي على سكوتر وجهو زاد تخطط من جيهة لأنف وفمو زرك حيد الغوفالة وعوضها بتحسينة الزيرو ...شاد كارو كيكمي وكيطلع وينزل فيها دار ابتسامة وعفط على الكارو وتم جاي ناحيتها ....هي لفعل الصدمة كان مأثر عليها بقات تابتة في بلاصتها برفقة أمها حتى وقف عليها
ساط في وجهاا الكارو خلاها تكح وتبعد عليه مبدلة الطريق برفقة عائشة لشادا ليها في ذاراعها ... محسات حتى جرها من يديها بعنف.. تنترات منو ولكن كان أقوى لوا ليها يديها ورا ضهرها ونزل همس في وذنيها :مراتي لغزالة متوحشتينيش
عضات على شفاها:طلق مني ابنادم طلق
وسع ضحكتو خلا ترددها يتسمع منين:نطلق منك بعد مالقيتك مايمكنش (استنشق ريحتها)شحال توحشت هاد ريحة الله تقهرت بريحة العشوب من عند ضرتك
لازالت كتجار معاه باش يطلقها لكن خارت قواها جرهااا ركبها بزز على سكوتر وخلا عائشة مكوانسيا حالا فمها بصدمة ودمعة على طرف عينيها
رمقات مها بنظرات مكلومة مقدراتش تهضر او بلأحرى فشل عليها اللسان وطاحو عليها ليدين
انطالقو نحو المجهول غادا وكتقمش فيه وضرب بأعلى مافي جهدها ولكن بدون فائدة ...........
خلات عائشة الدمعة واقفة في عينيها تعافرات مشات جلسات على الدرجة السبيطار كدمع في الصمت على مكتوب بنتها ومكتوبها العوج...
تكمشات ودخلات في بعضياتهاا وأصوات لمن حولها كتسمعو كغريق وسط سفن البحر
مدة كانت كفيلة تخليها ساهية كتشوف أمامها ودمعة كتنزل بلا شعور....خارت قواها وتهدت ..طاحو كتافهاا كتفكر في مصير بنتها ملي طاحت في يدين حاتم ...وأملها بأنو تفك منو هاد المرة ضئيل جداا.......تحطات يد على كتفهااا هزات عينيها الدابلين في حليمة لكانت كتشوف فيها بهلع مسبق .....
حاولات توقف ولكن معندهاش القوة رجعات جلست مكانها كتشوف فيها والدموع غير مازادو فيه ...نزلات عندها حليمة حاطة يديها على رجل عائشة:ياك لباس اختي اش واقع ليك (دورات عينيها حواليها)فين عبير
ملتزمة الصمت من غير كلام العيون لكيقول كلشي
تنهدات بعنف ووقفات كدور في عينيها على لأرجاء لمدة قليلة ورجعات وقفات عائشة :قولي لي أختي اش واقع راك شطنتيني
عليا مليكة قاتلي تعطلتو بزااف عليها جيت
هزات راسها فيها:حاتم ولد الحرام معرفت فين داليا كبدتي
شهقات حليمة :يارب السلامة واش تلقا ليكم حدا الباب
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
❤البارت:121❤
حركات راسها باه كتمسح في عينيها
خرجات عينيها :فين غادي يكون داها واش جرها بزز
حركات راسهااا:مزوج اش بغا عند بنتي يالاه بدات حياتها اش بغا عندها
حليمة:كون طلقات ميوقعش هكا دابا تهضري يقولك مرتو
عائشة :مشات فيها بنتي دابا غادي يخرجها منها على هاد الهربة
حليمة:(بأسف)يالاه دابا منبقاوش هنا الشمش ونتي مريضا نمشيو عند مليكة ونفكرو اش نديرو
كملو خطواتهم في إتجاه دار الكبيرة دار مليكة..لفاتحة أبوابها
💦💦💦💦💦💦💦
وقف السكوتر حداا فيلا ديالهم نزل كيقاد في تشورط لمن كثرة لقبيش وجران تقطع
خنزر فيها وجرها بعنف من ذراعهاا :***** اش هادشي درتي مزال زايدا فيه مباغاش ترباي ولكن
بزز منك غادي ترباي
كتنتر منو وجهها صفر وعينيها خارجين فيه:طلق مني ومتبقاش تحط يديك الخانزين عليا
جرها من خصرها وقرب وجهو ليها حاولات تبعد وهو عاد جاه جهل كتنثر وكتأن بعنف :بعد مني بعد بعد بعد......
فجأة تسمع صوت لأم ديالو طلق منها و دار عندها عيونو شديدة لإحمرار
شهقات ملي شافت عبير :عبير بنتي هادي نتي (طلعاتها و نزلاتها بملامح مصدومة)..قربات حداها والصدمة مكتاسيا وجهها .....
مخلاهاش تهضر جرها من يديهااا ..دخلها لفيلا لباقا كيف هي من غير صوت البرائة لتزاد فيها ..
جارها وراه وهي مزال مابغات تستسلم كتحاول بكل الطرق تفك من يديه حتى قدرات تفلت من بين يديه جرات متوجها لباب لبعيد بأمثار قليلة ولكن خابها حظها هزها دارها على كتفو هي كضرب فيه على كتفو..حتى غرساات سنانها في عنقو والو مطلقهااش ..
تهدأت والتازمات سكون ملي شافت قدامها إمرة حامل جميلة ولكن وجهها لايخلو من بعض الكدمات برفقتها وليد صغير في سن شادا ليه فيدوو وكتشوف فيهم مخرجة عينيهااا بدهشة و الوليد دموعو في عينيه خايف من المنظر
دار على غفلة شافها واقفة مصدومة متبعاه نهض فيها حتى رجفت:سيري***** من قدامي قبل مانزيد نزرك ليك العين لخرى
قلبات دوراا راجعا أدراجها والوليد طلق زواكتو
حل الباب وردخها على جهدو فوق السرير دار يديه على خصرو خلاها تكمش مخبيا بوسادة
كمشات بظفارها على المخدة ملي شافت جليه تحطو على طرف السرير بغات تهرب بعزامها ملي شافت نظرات الشر في عينيه ..جرها من رجليها سرحها على الفراش وطلع فوقها بنظرات نارية تخلو من الرحمة....
خشا يديه في شعرها كتمعن في وجهها:زيانيتي وطولتي شعر جات معاك الهربة العمر... تحنا على عنقها حط فيه نيفو كيستنشقو وهز راسو بحال سكران مغمض عينيه:كدوخيني
كدفع فيه بيديها صغيورين في محاربتو كتحس بالقرف من جيهتو :بعد مني خليني عليك في تقار اش درت ليك
جر ليها شعرها حتى تسمع أنينها : راك مراتي كتسمعي مراتي اش كتسحابي راسك خروج من الباب غادي نحاسبك عليه ومزيااان ولكن دابا بغيت داكشي لمدرناش في ليلة العرس
تحنا بغا يبوسها دورات وجهاا جات لبوسة في خدها عاود نفس الحركة ونفس شي تنهد: كتباني لي مباغاش بالخاطر يدوز داكشي حلو بغيتي نفرعك هانيا موجودا أصلا حلاوتو كتزيد مع زكير......
💞حب يتخطى حدود المنطق💞
❤البارت:122❤
خرجات عينيهاااا كتحرك راسها بلااا شرك ليها الجلابة من الصدر ابتاسم ورما يديه لديباردو للابسة لتحت بغا ينترو كتسمع الخبيط في الباب مع صوت مو فزعو خرجو من عالمو .....وقف كيقاد في حوايجو حل لباب وسورتو موراه ..خلاها وراه كتقاد حوايجها ..توجهات لباب كتخبط فيه وتغوت بصوتها لباح ...مخليا امو وزوجتو لورااهاا حالين فمهم بصدمة...لأم:اش هادشي اولدي وليتي تخطف بنات الناس
زفر بعنف :مرتي الواليدة مرتي هذيك شنو بغيتي
شاف زوجتو وهو يكحل بالعما:نتي ياك قتليك****بحالد علاش تابعاني نتي ولدك سير الله يلعن النهار لعرفتك فيه تفو على عفن
خرجات فيه مو عينها:حاتم كتخصر الهضرة قدام مك وولدك اش هادشي كدير فيه هادي راه مرتك صابرة ليك على هبالك كنقول دابا تحشم دابا تحشم ساعا نتا غير زايد فيه كل نهار كدير فضيحة كثر من لخرااا فين غادي في هاد طغيان فين هربات
لمرا هاربا عماين يعني مباغاكش تقبلها وطلقها وديها في هاد المراة لباغاك وربي ولادك
زاد خرج فيها عينيه ضراتو بكلامهاا ومارضاش تنزل ليه من كرامتو قدام مرتو دفعها حتى طاحت لأرض ودار سورت الباب وخرج هو من الدار مخلي من وراه وحدا قرجوطتها بغات تخرج من البكا ويديها تحردت من قوة الضريب على الباب ..ووحدا أم مكلومة علة فعايل ولدعا لغادي تخرجو فيما لايحمد عقباه ...ديما ساكتة وخايفا تهضر كتشوف كل ماكيدور ومكتبغيش دخل عارفا ولدها شيطان يدور فيها ولا يضربها وعندو هانيا
مدات ليها الزوجة اليد ..شدات فيها وقفات كتنهد:الله يرضي علي اراضية الله يهديه على نفسو الله يهديه
تنهدات :عيت اخالتي عيت نصبر ومابغا يتبدل كل نهار نفس الصداع والمشاكل عيت بزااف (نزلات دمعة مسحاتها بيديها وتمات غادا لبيتها ) دقاات بعد دقات على عبير وتكلمات:بنتي عبير صبري وماتزايديش معاه في الهضرة دابا ربي يفرجهاا عليك
حاطة راسها على الباب جامعة التقطيعة الجلابة ومكمشة.الدمعة سكنت عينيها....
تنهدات ومشات مكملا طريقها مخلياها كتواجه مصيرهاا
💦💦💦💦💦💦💦
مسرحة على السداري بجنب والدموع مخطاوش وجهها الصافي كل ما كيدور في بالها هي كبدتها لتشواات على نور عينيها ...دخلات مليكة بصينية أتاي موراها حليمة كتحكل طباسل ....
جلسو كيشوفو فيهاا بقات فيهم وعزات عليهم ومعندهوم كيديرو يسرحوهااا
ناضت جلسات بشويا بغات تدير صواب وتعتق راسها بلقمة العيش هزات كاس أتاي ساهية كتشوف بعيد خارجة التغطية على العالم لدابر بيها ...بعد مدة هزات عينيها في حليمة مقاطعة حديت لأخوات :ختي حليمة
لأخيرة التافتات ليها في انتظار اش تقول
تنهدات:بغيتك اختي تسلغديني إلا كان ممكن منساش خيرك
حركات راسها :مرحبا اختي الا قدرت علاش لا
عائشة:بغيتك تمشي لدار تجيبي لي بزطامي محطوط في البلاكار دكوزينة فيه شي حاجة تنفعني
حركات راسها حليمة:نجيبو ليك ولكن واش محتاجة لفلوس
تنهداات:محتاجة راجل اختي محتاجة راجل ..
شافت فيها باستفهام وناضت جمعات الوقفة بعدما فقدات لأمل بأنها تهضر
...رجعات كتحذت هي ومليكة ولا نقولو مليكة لكتهضر وهي كتجاوب غير باه ..حتى ناضت تشوف راجلها مخلياها كتفكر في الخطوة لبغات تدير.......
💞حب يتخطى حدود المنطق💞
❤البارت:123❤
مسرحة فوق السرير كترتاح من يومها الشاق كتفكر في يومها كيف كيدوز من نهار تزوجات وهي في شقاا ملي تفيق متقول تصبر على قبل حذيفة...
مكتحسش بأنها تزوجت بل زفت الجحيم
دارت جيهتو لقاتو بحال ديما ممسوقش ليها غاطس راسو وسط كتاب... تنهدات وحطات يديها تحت راسها كتأمل فيه في صمت ... من نهار الخطبة حطاتو في راسها وعجبها لا من جمالو الخارجي ولا داخلي ولكن نهار دازو على عينيها نظراتو لخطيبتو السابقة حسات بسيف تغرس في روحها هي مرأة وفهمات نظراتو لمكيشوفهاش هي لزوجتو بيهم ...
ساطت بغضب في محاولة تطرد لأفكار السوداء لركزات عليهم..
تقادات في جلستها وناضت توجهات لفوتاي جلسات حداه ..طلع فيها عينيه ورجع منزلهم في لكتاب:خاصاك شي حاجة أحفصة؟
تنهدات كتردد في خاطرها "خاصني نتا وبس "
زادت قربات حداه لاغيا لمسافة لبيناتهم :بغيت يتزاد عندنا شي وليد
سد لكتاب حطو فوق الطبلة الزجاجية وهز فيه عينيه طول فيها الشوفو لمدة حتا شككهافي راسها:مزال لحال على هاد الكلام أ حفصة يالاه قلنا بسم الله
حذرات راسها لمدة كدور هضرتو في راسها بعدها هزات فيه عينيها:ماباغيش تولد معايا
تنهد شد يديها كطبطب عليها :شنو لخلاك تقولي هاد الكلام لولاد نعمة من عند الله سبحانه ولكن بغينا حتى نزيدو نتعارفو يالاه بداية زواجنا
حركات راسها وناضت متوجهة الحمام
مخلياه من وراها ساهي أمامو وعقلو ماشي معاه غايب
💞💞💞
سدات عليها الحمام وتقابلات مع لمرايا كتشوف ..وجها الجميل حنطية اللون ولكن جميل عيون بنية ..حطات أمامها وجه عبير ...دارت مقارانات ..هي بالفعل بيضاء شعرها طويل وعيونها فيهم بريق كجدب...كلا وجمالو كلا ونظرتو للجمال ...دخلات راسها في مقارنات كتقول "اش فيها هي ومافياش ...شنو لخلا عيونو مكيشوفوش فيا بحالها...شنو لخلا لمجريتوش لفراش مينعسش معايا" ...
تنهدات ماسحة الدمعة لخرجات من عيونها وخباتها وسط الشرر لفي عيونها غسلات وجهها ومسحاتو مرددة "يابيا يابيك"
خرجات راميا عينيها ليه ..مزال في مكانو وهاز الكتاب نفسو......
بانو ليها شي حوايج في لأرض ..مشات كتهز فيهم وعينيها معلقين معاه:كتبقا فيا عبير مسكينة
دارت شافت فيه لقاتو مزال على حالو
تنهدات:باينا فيها من وجهها تعذبات في حياتها معرفتش اش داز عليها
رجعات تلفتات فيه لقاتو ساهي قداموو
عرفااتو ركز معاها في الموضوع:ولكن واخا دازت عليها راجلها يعوض ليها غير معرفتش احذيفة علاش ماسكناش معاه
قرن حجبانو بصدمة ودار شاف فيها فغر فمو
ناض توجه جيهتها :اش قلتي كيفاش راجلها
ببرائة :اه راجلها مالك معارفهاش مزوجة
دور راسو كتبسم ورجع شافيها :كتهضري على عبير
حركات راسها باه :الا متقتيش فيا سول خالتي
دار كعض على شفاهووو والهضرة تحبسات في حلقو كتبان غير تفاحة أدم كطلع وتنزل ...
ساط بعنف وتوجه الحمام ...خلاها موراه كتوسع إبتسامتها وتسرحات فوق الناموسية :ها شوكة حيدناها من الطريق مع سيد دياني حشومة وعيب يشوف في مرا مزوجة نشوفو العكوزة وبناتها
تنهداات وعاد رجع ليها لمود
طرش على وجهو لما وشاف في لمرايا كيحس بداتو تنملات عليه وكتسمع طنين في وذنو
مسح وجهو خرج بلا مايشوف جيهتها توجه بيت لمجموعين فيه لبنات مع خديجة...وقف ليها على راسها هي لمتكية من بعد الغدا بحال ديما :الواليدة عبير مزوجة
جلسات كتشوف في وجهو لمزير وقطرات الما كتساقط من شعرو على وجهو رجعات نظرها لبنات لحالين فمهم: وليدي تهدن مالك
تنفس بعمق كيشوف فيها باستفهام:واش بصح
تنهدات بعنف و حركات راسها باه
غمض عينيه مباغيش يتيق ضرب بيديه الطابلة
بعنف :قبل تجي عندنا ولا بعدما مشات
ردت وهي كتحول نظرها ليه ولحفصة لواقفة على الباب ملي سمعات الخبيط وصوتو لعلا على سابقو :قبل اولدي راه هو سباب هروبها تاهو
وقف بعدما كان كيمشي ويجي وشاف فيها مزير على يديه :ياكما هو لكان ضاربها
بقات شحال ساكتة عاد شافت فيه وحركات راسهااباه
يالاه غادي يهضر تسمع رنين الهاتف .....قاطعو على هضرتو تنهد كيسوط بعنف جبد تيلي من جيبو ناوي يستقبل المتصل
💞حب يتخطى حدود المنطق💞
❤البارت:124❤
بمجرد حطو على وذنيه تسمع صوت مرأة قائلة:ألو سلام وعليكم
......
رد السلام في إنتظار يعرف شكون المتصلة
رافق الخط سكون وهو دمو كغلي تنهد :شكون معايا
بصوت شبه مسموع:حذيفة
رد بعدما سد عينيه ورجع حلهم:اه الالة شكون معايا
ردت بصوت غالب عليه البكا:ولدي حذيفة أنا أم عبير عايشة عرفتيني
تحلت العقدة لعلى جبينو وفغر فمو بصدمة:خالتي عايشة لباس عليك اش واقع ليك
ردت بنفس الصوت:محتاجاك اولدي محتاجاك بنتي عبير(أجهدت في البكاء حتى تحبس ليها لكلام في حلقها )
كمش عينيه حس بقلبو مشا وجا :اش واقع
سرطات الغصة: الله يخلي ليك العزيزة خديجة لما عتقها عوينة لعندي غادي تمشي ليا راه خطفها داك ولد لحرام لمزوج بيها
حل فمو بصدمة تلف ليه الكلام كثر ماهو تالف وحس براسو ترفع كون ما يد خديجة لحركاتو باغا تعرف اش واقع كون بقا غايب على صوت عايشة لزادت في البكااء
جر على شعرو مغدد :خالتي فين كاينة نتي بضبط
حرك راسو بعدما خاد العنوان ...
داز من حدا حفصة لواقفة في الباب بحال الريح مشافش فيها ولا تلفت جيهتهاا ..
تبعاتو بعينيهاا حتى دخل لبيت وهي ترمي عينيها في خديجة هي ولبنات لحالين فمهم بصدمة حسو بشي حاجة واقعا كتعلق ب عبير ..
ساطت ومشات تابعاه لبيت تتشوفو اش باغي يصنع ...
دخلات عليه لقاتو تالف كيهز حاجة ويرجع يحطها وجهو مزير محقون فيه الدم...بقات واقفة كتشوف فيه مربعة يديها حتى بان ليها جاي قاصد الباب بلا مايعيرها ولايشوف فيها كأنها مكيناش غززات سنانها بغيض و جراتو من ذراعو
حتى تلفت جيهتها لاحظات لون عيونو لتبدل وتحول ابيضو لمزيج مابين لأبيض مع تلئلئ لأحمر القاتم
تبتات راسها:حذيفة فين غادي ؟
جر ذراعو وكمل طريقو:من بعد احفصة من بعد حفصة
خلاها واقفة بغا تريب الحيط......
داز من حدا مو لواقفة في الباب في إنتظار تفسير بلا ما يتلفت حدو قال:عبير الواليدة واقعة ليها شي حاجة وكمل طريقو المجهول ..........................
💦💦💦💦💦💦
اللحظة غاب العقل وخدم القلب المجروح بلا شعور ولا أذنى معروف..
اللحظة لكترك فيها العقل لمهمة لقلب وكتنحى جانبااا بلا سؤال ولا حتى أذنى عتاب
لحظة الخطر للحبيب ..سواءا كان ..زوج ..أخ....أب...صاحب...وغيرها......
سواءا يكون جارحك...عاطبك ولا ضارك قلبك من جيهتو ........
المنطق كيغيب كتولي باغي تحارب وتجاهد من أجل الشخص لمحبب لديك .. و في سبيل مساعدتو لبلوغ لأمن و لأمان
هو الحب وليس له مفهوم غير أنه الحب......
💦💦💦💦💦💦
💞حب يتخطى حدود المنطق💞
❤البارت:125❤
جالسة على شوك فينما تسمع صوت شي طوموبيل توجه الشرجم طل وتشوف واش توقف ولاتكمل باش تشوف واش هو
عينيها مضببين بالدموع ورؤيا مواضحاش حتى كتمسحهم ......
جلسات غايبة على لوجود لا حليمة لفي جنبها كتسمع ليها ولا لمليكة لفي الجانب لأخر لشافقة عليها.........
حنات عينيها لورقة لمدون عليه رقم حذيفة و لبزطام لفيه بضع الورقات منين كتغذي ذاتها وتقوتها..
سهات كتفكر كيفاش طاحو في يديها
💦فلاش باك
كتسنا على لبيض في حليمة لتعطلات عليها وخافت تكون تكشف أمرها قدام فاطمة
فجأة رن الحرس الباب....تقدمات نحو الباب سابقة مولات الدار وجهها لشاحب مزال الظاهر عليها هيئة المرض...
حلات مليكة لباب خلات ختها تقدم نحو عائشة لواقفة في إنتظار خبر ..مهضراتش من غير جبدات البزطام بعدما هزات جلابة وفتحات الطابلية لمحزمة بيها
بان بريق ولمعان الدموع في عينيها ملي مداتهوم ليها كتنهج موجهة لسداري تلاحت عليه:شويا وتحصلني فاطمة غير حفظ الله وسلكت راسي
جلسات حداها مليكة وحتى عائشة تمشات ناحيتهم ببطئ
شكراتها بعينيها :ربي لغادي يجازيك واش شافتك فاطمة
حركات راسها :وايه كانت نازلة في الدروج وأنا يالاه خارجة من الدار جاب الله كدير صداع كون كانت دير مشيتك منعيقش تالقاها حدايا
مليكة حاطا يديها على خدها:ايوا اش درتي
ردت عليها:درت راسي جايا نشوفها ونسول عليها طلعتني جلست معاها شويا وبغيت نجبد ليها لسانها نعرفواخا غير لعنوان ديال ختها لا روبما داك ويل داها تم
حركات راسها عائشة متبعة معاها:الله يجازيك خديتيه من عندها
حركات راسها باه:خديتو بقيت ندور ليها من هنا ومن هنا حتى قالتو لي
شافت فيها بإمتنان :الله يعطيك ماناويتي في خاطرك ويبارك ليك ربي في توفيق
ردت بإبتسامة:هاد دعيوة لخير لبغيت الله يفك وحايل عبير وحايلك على خير
تنهدات وشافت في مليكة:ختي الا عندك تعبئة نهضر فيها الله يحفظك
حركات راسه وناضت هزات التيلي من حدا طابلة التلفازة مداتو ليها:لمن باغا تاصلي
هزات راسها فيها:لواحد لولد ناس كيبغي لخير لربما يعاونا
🔚رجعات لواقع على صوت مليكة لواقفة في الشرجم ..علات فيها عينيها :نعام اختي قلتي شي حاجة
ردت كطل على الزنقة:أجي شوفي واش هذا هو الولد راه كيعرج برجليه
حركات راسها نايضة كتعكز:غادي يكون هو
طلات ونادات عليه ....
دارت غادا خارجة:نمشي نشوفو لعلا وعاسا
يعاوني نفك بنتي
مليكة:راك عيانة متعبيش راسك
حركات ليها راسها وتلفتات في حليمة:ختي عنوان ديال دار حاتم معرفتش فين بالضبط
حركات راسها وكتباتو ليها في ورقةومداتو ليها
توادعو معاها بعدما خدات نمرة التيليفون ديالهم
نزلات بحذر خايفا تنكس وهي يالاه ولات شوياا ......هزات راسها ملي خرجات من الباب لقاتو واقف متكي على طوموبيلتو كتسنا غير شافها جا يخطوي...في خطوة خطوتين
تحنا باسها على راسها :خالتي اش واقع كيفاش عبير تخطفات
💞حب يتخطى حدود المنطق💞
❤البارت :126❤
هزات راسها فيه:الله يرضي عليك اولدي ملي جيتي(دمعة بدات تنزل بلا شعور)خطف لي بنتي من أمام عيني ومالقيت كندير
شافها كيفاش كتهضر وجهها صفر وكترعد شد من كتفها ..وتم غادي بيها كطبطب عليها وقلبو كياكل فيه.......
فتح ليها باب طوموبيل طلعات بحذر ودار لجيهتو
ركب ومزال وجهو مزير حالتو ملي دار لإنطلاقة وحتى لدااباا دار جيهتها مصغر عينيه :خالتي مريضة
حركات راسها بااه:يالاه درت عملية اوليدي
فغر فمو بصدمة:عملية؟كيفاش وقع ليك
تنهدات :ضربني راجل لكلوة بموص (مسحات الدمعة لعلى طرف عينيها)
خدا يديها عندوو كطبطب عليه ..هزها باسها وشاف فيها:الله يجيب ليك الشيفا غير رخفي على راسك أنا معاك مانرتاح حتى نلقاوهاا ..تشد هو
حركات راسها باه وشحال كلامو ريحها من نهار اللول عرفاتو راجل وسيد الرجال.......
شاف على برا ورجع شاف فيها قلبو كيخبط كيفاش وقع لعبير فين تلقا ليكم
ردت عليه:كنا خارجين من سبيطار وتلقا لينا (سكتات شحال كتشوف في طوموبلات )ضرتي لغادي تكون عطاتو لعنوان
دورات راسها لقاتو متبع معاها ووجهو زاد تزير :لبارح كانت جات عندنا غادي تكون عطاتو لعنوان
قاطعها :واش كتعرفو؟
حركات راسها باه :ولد ختهاا وهي سبااب لواقع لبنتي الله ياخد فيها الحق ربطاتها ربطة العدوو
ساط حتى خلاها سكتات كتشوف فيه كيف زاد تشنج وعرق في جبهتو بان دار شافيها :عندك العنوان
حركات راسها مادة ليه العنوان :ولكن كي غانديرو ليها هادشي إلا كان داها تما
حرك راسو و خدا لعنوان قراه وديمارا الطوموبيل غادي ويسول على طريق منين حتى قرب يوصل وتوضحات ليه الطريق ولكن راسو كيحس ببه مرون الا تبع القانون راجلها وعندو حتى شغل ولكن الا جا الحق هي محتاجة مساعدة ومظلومة تنهد مملي وقف قدام لفيلا طلع عينيه كيدورهم في النواحيورجع شاف في عائشة بقاي هنا اخالتي
حركات راسها باه :الله يرضي عليك
تبسم إبتسامة بزز باش يطمأنها وخرج كيدور ويجول على الفيلا من لأمام ومن اللور ...محروسة ومدروسة بإتقان داير عليها صور ممخليش لي يدخل ليها..تنهد كيسوطكيشوف في لأرض ساهي محتاج شي فكرة لتخليه يدخل لدار ويعتقها خايف عليهاا وملي كيذكر وجهها نهار تلاقا بيها في رباط أول مرة كيف كان كيفكر كرز على يديه مقدرش يزيد يتفكر هذاك المنظر
شاف الباب تحل ركز شوفتو فيه حتى قشع ام حاتم خارجة هازة صاكها ركز فيها شوفة حتا شافها دايزة على عينيه تاركة موراها الباب محلول
فغر فمو وتبسم نصف إبتسامة...قصد باب كيتربص وبعينيه حاضي لا يبان شي حد ... كان الزهر من حليفو ...........
داز من الجردة الصغيرة كيشوف لعلا يلقى السبيل لدخول ...بعد مدة لقاا النافذة في الطابق السفلي مفتوحة ...تلفت يمين وشمال ورما رجليه داخل الفيلا و كيضحك على راسو و على لأفعال لولا كيدير في أخر يامو....
ساس يديه وطلع في الدروج بكل إنسيابية ووذنيه كتلتاقط صوت جاي من سفلي لصغير و أمو كتضحك معاه...
باب بباب كيفتح وكي حاول يتصن عاد يفتح الباب فجأة سمع صوت البكاء قرن حجبانو وقرب وكلما قرب كيزيد الصوت كيوضاح ويتسمع حل لباب وعض على شفاهو ملي لقاه مغلق دق دقات خفاف مندي :"عبير ...عبير"
صوتو خلاها تحبس من البكا وتحك وذنيها بحال بغا تأكد :بسم الله رحمان الرحيم وليت نتخيل
سمعات عاود دقة خفيفة وصوت هامس:عبير نتي هنا
حلات فمهااا على وسعووو :حذيفة
رد:اه
تنهدات :الحمد الله ملي جيتي عافاك عاوني راه بغا يتعدا عليا
تنهد كيحك في راسو لكيغلي
ردت من داخل حاطا راسها على لباب : حذيفة عتقني
تنهد :بعدي على لباب اعبير ..بعدي
بضرب الباب بأعلى جهدو مرة وجوج وثلاتة وكاع العصاب لفيه خرجو فيه حتى سمع صوت شي حد طالع في الدروج تلفت وهو يلقى زوجة حاتم عاكفة زيف حياتي وطابلية ديال شقا معاها ولدها :شكون نتا كيفاش دخلتي هنا؟
تنهد كيطمأن فيها بيديه:تكالماي أختي بغيت غير لبنت نعتقها عندك شي ساروت ولا شي حاجة
حركات راسها بخوف بلاا :معندي والو اسيدي معندي والو
خلاتو ومشات رجعات لعملها مخرجا راسها من هاد السوق
خلاتو زاد تغدد وخبط خبطة أخرى حتى مابقا ليه والو ويتحل ...
عاود ضرب حتى تحل تنهد ووقف كياخد النفس
حتى حلات الباب شافت فيه حالتها دموع ووجها مشنتف وجلابتها مشركة كترجف وتشوف فيه بإمتنان ....
تنهد كيشوف في حالتها عض فمو من داخل وهو كيشوف الجلابة منين مشركة وكيتفحص وجهها ..
حتى حس بيدين دارو عليه فغر فمو وتنهد براحة وزاد خشاهااا فيه.....
💞حب يتخطى حدود المنطق💞
❤البارت:127❤
حط نيفو بلا شعور على شعرها ..ستنشق عبيرها مغمض عينيه ... غايب على الوجود فبمجرد دخلات معاه ريحتها حس بالحجرة لكانت مثقلة على صدرو انزاحت جانبا........
أما هي الخلعة كاملة لكانت فيها ولبكى رجعاتها راحة ..بحال كانت في عتمة و فجأة ظهرت نقطة بيضاء أنارت عتمتها...تخشات فيه وحكات نيفها على صدروو ..غابت ونسات اش كدير ولا معامن هي....
💦💦💦
لفي لحظة الخوف والهلع كيتنحى العقل والمنطق جانبا...... ماتبقاش تقدر تفكر ولاتخمم كتولي تقلب وتبحت على لأمن و لأمان ليطمأن ليك قلبك وترتاح من سم الهوف لهتك جسمك
.
للحظة لتتشب فيها وتمسك بيد العون لتمدات ليك وتصبح السبيل إلى النجاة بالنسبة لك....
💦💦💦
سمع صوت شي حد طالع في الدروج تفك من العناق لحس فيه بالراحة وغيبو عن الوجود... إحساس خلاه متشبت بيها ومساخيش يبعد عليها ولو للحظة ...شد من ذراعها ودور عينيه بعدما سمع صوت الصباط قريب ليهم
لقا حاتم مصغر عينيه كيطلع فيهم وينزل
جرها دارها وراها وبقا متشبت بيديها ..هي لأخيرة لغير شهقات بهلع كرزات عليه حتى غرسات ظفارها في يديه غمض عينيه بألم وزاد كرز عليها مطمأنها ..صابر لألم ومتشبت بيها باش تعرف أنها ماشي راسهاا......
هز راسو كيشوف فيه طلع ونزل فيه ومن الشوفة عرف طينتو عض على شفاهو و بقا الصمت حليفو
حاتم:تبارك الله عليك الالة دايرا صاحب وكتمعشقي لي نتي وياه كنحيك صراحة على*****(صغر عينيه في حذيفة) ولكن عندك الذوق
تجاهل حذيفة كلامو الساقط ماباغيش يفقد أعصابو مع واحد عرف مستواه كيف داير
زاد حاتم خطوات حتى وقف حداهم شاف في حذيفة لملامحو لا توحي بشيئ ملامح جامدين :نتا إينا رقم في هاد العامين غادي تكون 20ولا 30ولا تقدر تكون أكثر .......
إلتازم الصمت باغي يفكر في الطريقة ليقدر يخرجو بيها من هنا بلا صداع ولا مشاكل...تلفاتو بصوت بكاءها وإرتجافها وبروديت يديها زيادة زاد توتر وتفكيرو حبس قبل يبداا ...حس بيه رما عينيه يجرها جيهتو ...حبس يديه قبل توصلهاا كرز عليها بكل قوتو ................................
ضحك حاتم.بغل :صحيح زعما هز فيه حاجبو وجر يديه بنثرة سااعا مابغاتش زاد وسع ضحكتو وعض على سنيه حتى نتر يديه ودفع حذيفة من كتفو حتى حس بيديها دارو على خصرو باغا تساعدو ..قاد وقفتو ودار تلفت ليها لقا دمعتها نازلة وكتشوف فيه بحال شي طفلة صغيرة ضربعا شي حد وجات تشكي على باباها تبسم بمر وطمأنها بعينيه ودار كيشوف لقاه مكاينش قداموو
شد من يديها بعدما كان طلقها ملي دفعو....
جرها تم نازل في الدروج حتى لأسفل تم موجه نفس الشرجم لدخل منو
هزها بخفة رماها لخارج ويالاه غادي يرمي رجليه سمعها شهقات مخرجا عينييها......
الدورة لغادي يدور حس بشي حاجة ختارقات ذاتو حتى خرج عينيه وشاف فيها ناطق بألم :سيري راه خالتي لور في طوموبيل غادي تكون كتسناك .....
💞حب يتخطى حدود المنطق💞
❤البارت:128❤
حركات راسها بلا مصدومة على لآخر....كتشوف في حاتم لبلا رحمة و لا شفقة جبد الموص عامر الدم لاحو خلا حذيفة طايح من وراه .......
شافو طايح ..خرج عينيه مردد :"هاصاحب لجايا تعانقي لي نتي وياه وسط دار " ..وخرج فار من الدار مخليها مصدومة........
نقزات بزز حاسة بركابيها فاشلين وقلبها عالم بيه الله
توجهات لعندو والدموع في عينيها كتحرك راسها بلا... كتشوف الدم في الأرض طلعاات عينيها في وجهو كتشوف فيه كيشوف فيها في صمت
جلسات حداه والدموع مبغاوش يحبسو:سمحلي
سمحليي سمحلي أنا سباب يارب اش ندير ياارب
مدة هي تأنب في راسها وشعرها بغات تنتفو تلفات وحارت ....
حسات بيدين دافين تحطو على يديها لحاطاهم على رجليها شافت في يديه لحاطو يديها وهزات عينيها مغرغرين فيه لقاتو كيغمض عينيه ويحلهم ويرجع يغمضهم ..تفاحة ادم كطلع وتنزل ببطئ:أنا لاباس مكاينش علاش تبكي مسحي دموعك ..مكيجيش معاك البكا...
كرزات ليه على يديه والدمعة سقطت ليه على يديهم :اش ندير دابا اش ندير تلفت يارب
طلقات من يديه خلاتها طاحت في لأرض تتنهد متبعها بعينيه هي لزادت قربات ليه في محاولة تنوضو على الجرح لطاح عليه ..
تعصرات وكطلب فيه بعينيها يعاونها ..عطى كل مافي جهدو وساعدها حتى تقلب شويا
فغرات فمها كتشوف الجرح والدم لدايز بغزارة:صبر عفااك صبر نشوف
هزات التريكو وصغرات عينيها كتشوف في جرح لمدة وناضت بسرعة جيهت يديه اليسرى .قلبات النبض
تنهداات ..ورمات يديها جيهت السروال تقلب في الجيوب على التيلي ......
جبداتو وركبات الرقم لومبيلونص كتغزز في فمها وكتشوفو كيفاش كيغمض ويسد في عينيه
قطعات بعدماا نعتات ليهم فين وعطاتهم جميع المؤشرات على حالتو
مشات جيهتو كتشوف فيه وكترعد وهو ساهي فيها في صمت...
حتى سمعات صوت لومبيلونص لحمدات الله وشكرات أنها جات بعد مدة قصيرة
ناضت باغا تحل حتى كتشوف زوجة حاتم واقفة في جانب الظاهر أنها متبعا الفيلم من الأول مصدومة حالا فمها
دازت من حداها مشات حلات لباب تجنبات خلاتهم يدخلو برفقة البوليس وهي كتزيد تزودهم بمعطيات على حالتو واش وقع
طلعوه في لومبيلونص وهي بقات برفقة لبوليس مخلاوهاش ترافقو عطاوها إسم السبيطار فقط ...بكات وعاودات وجلسات حاملة تيلي ديالو والبوليسي واقف ليها على راسها كيسأل فيهاا...فجأة تسمع صوت رنين الهاتف نزلات راسها لقاتو تيلي ديالو .....
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتحطى حدود المنطق💞
❤البارت:129❤
نزلات راسها تشوف شكون لمتصل لقات اسم "حفصة" تنهدات كتشوف بعيد معارفا اش تقول وذنب على كتافها محطوط ...
تمتمات ببعض كلمات لبوليسي وبعدات قليلا على الأصوات لجتاحت الفيلا بعدما كانت كتخبط في السكون تام
حلات الخط حتى كتسمع:الو حذيفة فين مشيتي خوفتيني عليك
تنهدات :ألو السلام وعليكم
تسمع السكون لمدة حتى حيدات التيليفون من وذنها شافت واش باقي الخط عاودات رضاتو:ختي حفصة أنا عبير
ساطت بعنف:عرفتك عبير علاش
كاينا شي وحدا خرا من غيرك تكون معاه فين حذيفة
حكات شعرها بحرج متغاظية على صوتها لمرفوع: حذيفة (تنهدات)في سبيطار دابا
ساطت بجهد:كيفاش سبيطار
يالاه غادي تجاوب تسمع صوت خديجة:عبير كيفاش السبيطار اش واقع فين حذيفة؟
تنهدات:خالتي معندي منخبي عليك هذاك لمجرم غفلنا وضرب حذيفة بموص
تسمعات بعدها شهقتهاااا :اش كتقولي
غمضات عينيها وحلاتهم :هادشي لوقع اخالتي الله يسمح لي منو يارب جاي بغا يعتقني مسكين
غادي تكون ماما لعيطات عليه وشوف أنا اش درت ليه
خديجة بألم:مالقيت مانقول من غير مكتاب الله كيتصرف فينا ابنتي مكتاب الله سبيطار داوه فين راني تشطنت عليه واش حالتو صعيبة
ساطت:ماشي بزااف غير تقصح وضاع ليه الدم غادي نكمل مع لبوليس لشدوني ونمشي نيشان عندو غادي نتسناكم بينما جيتو واخا معنديش الوجه لنشوف فيه بيكم
ردت عليها كتنهد:مكتاب الله أبنتي مكتاب الله
قطعات عليها بعدما عطاتهم لعنوان سبيطار
رجعات شافت في البوليس لي كانو علاين يساليو شافت هذاك لكان داير معاها إستجواب واقف كيستجوب في زوجة حاتم والأخيرة كترعد وكترد غير مشافتش مريتش...
تنهدات بعدما خرجات من الفيلا والظلام استوطن بقمرووو.. جمعات جلابتها لمقطعة وخرجات موجهة لطوموبيل حذيفة كتنهد بتعب وكتفكر في أمها لساعات وهي بوحدها كي غادي تكون
صغرات عينيها وقلبها كيضرب كتمنى تكون مزال كاينة
تنهدات براحة ملي بانت ليها متكية براسها على نافذة ..دقات عليها ..هزات فيها راسها والإبتسامة بدات تشق طريقهاا
حلات الباب وتحنات عليها عبير مخلاتهاش تنزل معنقااهاا وكتنهد لمدة قصيرة وبعدات عليها عائشة كترجف كتدوز يديها على وجهها و ذراعها :ياك ابنتي لباس ماطرا ليك والو سمعت صوت لومبيلونص بغيت نجي وخفت اش وقع ...(دورات عينيها)فين حذيفة
تنهدات :الجيفة ديال حاتم ضربو الله ياخد فيه الحق
شهقات:اويلي يارب شوفي باش تسببنا ليه مسكين
يارب أنا ملي تلفت بيا وشفتك كضيعي من بين يديا مالقيت نخبرو غير هو و مسكين جا غير من كلامو حسيت براحة يارب تكون معاه
تنهدات كشوف لبعيد:مكاينش شي حد عندو بحال قلبو مكاينش.....
ردت عليها: بصح حنين وليدي خاصنا نمشيو نشوفوه كيف دارا حالتو
حركات راسهاا : نتمناو يكون لاباس زعما يخليونا ندخلوو (هزات كتافها)نحاولو معاهم يالاه
طلات لقات الساروت كاين لداخل..دارت خداتو ...خرجات عائشة بشويا كتعكزو سدات طوموبيل وشدات طريق لبلاصة الطاكسيات كتنهد وعقلها مشغوول معاه......
💞حب يتخطى حدود المنطق💞
❤البارت:130❤
هبطو من طاكسي أمام نفس سبيطار لخرجو منو
دخلو كيسولو ويطلبو فيهم ياخدو ولو خبر عليه
تصادفو مع ولاد الناس ملي شافو عائشة لظاهر عليها المرض وبكاءها وعبير كذالك خلاوهم يدخلوو واخا ممنوع .........
كانت الغرفة مشاركة مع مريض اخر برفقتو عطاو التحية لطبيب لجابهوم ودخلو وقفو ليه على راسو كيشوفو فيه ...غايب على الوعي بسباب المخدر ناعس على ظهرو ووجهو في جيهتهوم تنفسات بعمق ملي طمأنات على حالتو لخبرهم الطبيب بلي ليست بحرجة نفس لأمر لتوقعات الضربة مغارقاش حتى العمق ولكن النزيف الدم لتسبب ليه في زيادة الخطورة ....
جلسات عائشة على كرسي بجانبو و بقات هي واقفة كتشوف فيه شوفات غير مفهومين ..تنهدات وحذرات راسها بعد مدة ..حتى رن تيلي مابين يديها
لقات نفس لإسم ديال قبيلا تنهدات وردت :الو
ردت عليها:بنتي حنا وصلنا لسبيطار واش نتي كاينا هنا....
ردت متوجهة خارجة بعدما أشارت لعائشة لحركات ليها راسها :اه أنا خارجا نتلقا ليكم راه بزز خلاونا ندخلو زيارة ممنوعة في الليل
خديجة:كيف بقا وليدي (بصوت باكي)قوليلي كيف بقا
تنهدات عبير كتمسح في وجهها:متخافيش اخالتي ولا مزيان خاصوغير يفيق من البنج ...خرجات لخارج دورات عينيها شافتهم مجموعين كاملين وحتى حفصة بجانبهم :شفتكم اخالتي
تلاقاو عينيهم وتمشات عندهم كترجف الحشمة و المركة سيطرت عليها خلاتها ماتبقا عارفا اش دير
تا من المشية مبقاتش عرفات تمشي
وقفات حداهم كتحك في شعرها لمشنتف
حطات حفصة يديها على وجهها:ويلي مالك هكا اش واقع ليك حتى مريشة كي دجاجة المنتوفة
شافت في جلابتها وشعرها لحالتو :كارثة وقعات .يالاه اخالتي طمأني عليه
حركات ليها راسها وزادو دخلو
خديجة: كيفاش وقع عرفتك غادي تكوني واقعة في مشكل ولكن مكنتش عارفة تالهاد الدرجة
تنهدات عبير وأخبرتها بكمل ماجراليها من يوم علمها بإصابة عائشة من طرف الزوج حتى لدابا
سارة:يارب السلامة هذا ماشي بشار حيوان وحشمت نسميه بيه
خديجة:ايوا ياك تشد تفكو منو ومن صداعو
حركات راسها مشدود وولد واحد لمرا محامي واقف على القضية وبوليس جاو عند ماما وخبراتهم بكل ماوقع ولكن مابغاتش ديكلاري
بيه وقفات لي في صدري اخالتي ولكن مكنتش معاها
خديجة:يعني غادي يطلقوه
حركات راسها:ولد لمرا مسكين لكعرف شي حد عطل الضوسي كون خرج ولكن مايطولش
سارة:غادي يخرج يدير كثر منها سمحيلي مي خالتي عايشة راه بزاف معرفتش فين نصنفها واش نية ولا معرفت
زادو كملو طريقهم داخلين كيتسلتو بسكات خايفين يمنعوهم ..وحفصة غير تعوج في فمها يمين و شمال معاجبها الوضع
....
غير دخلو شافوه مشات خديجة عينيها خارجين وقفات حداه تحنات باستو في جبهتو عاد دارت عند عائشة تحنات تسلم عليها و طمأن على صحتها
سارة وفاتن وقفو في جهة لأخرى بقات حفصة الوسط حداها عبير التافتت شافت في عبير لمركزة عينيها في حذيفة:عبير
زاحت عيونها كتحك في شعرها وشافت فيها
بابتسامة:بإمكانكم تمشيو و بلا ماتعي ماماك راه مريضة غير سيرو عائلتو جات عندو بلا مانعذبو الغريب معانا
تنهدات عبير وحركات راسها ماقلتي: عيب ولكن أنا سباب حشومة نمشي ونخليكم خصوصا مكتعرفو حتى حد هنا
ردت بابتسامة صفراا:راه حيت نتي سباب خاصك تغيبي و متبقايش تباني من وراك ديما كتجبد صداع و زيدون عطا الله لوطيلات نعولو عليك نتي لمعندك حد هنا
سهات قدامها شحال عاد تلفتات ليها : شكراا اختي كلامك جا في وقتو
تلفتات خديجة:اش كتوشوشو تما
تحركات عبير وقفات حدا لبنات بعدات عليها خلاتها تغدد في فمها
في سكون تام ساهين كلا وفين كيفكر ويخمم ولكن لنفس الشخص ونفس الخوف تجسد في عينيهم حتى تسمع صوت خافت باح من حنجورتو نابع :"عبير "
هزات عينيها فيه ونزلاتهم يصحاب ليها غير متخيل ليها ..عاود نفس الصوت "عبير فينك "
خلا خديجة توقف بذهول ولبنات بابتسامة........
❤❤توقعاتكم و أراءكم حبيباتي بونوي ومتنساونيش شنو مصير حذيفة وعبير في نظركم.
قصص و روايات من صميم الواقع المغربي، لنا فيه بعض العبر. و يسرنا أيضا أن نقدم لكم باقة من روايات قصيره، قصص حب قصيرة، قصص حب واقعية، روايات بوليسية، روايه غرام.
إرسال تعليق