💎💎 السلام عليكم حباباتي الغاليات 💎💎
❣من بعد غيااب طويل و عريض قررت نشارك معاكم روايات عربية خفيفة الظل مبنية على قصص و روايات واقعية. و قصتنا اليوم حاولت نقسمها ل 6 أجزاء و كل جزء قسمتو لأجزاء صغيرة باش مايجيكومش الملل و باش إلى مشيتو و رجعتو تكونو قادرين تكملو مين حبستو بكل سهولة. نتمنى تكون خفيفة على قلوبكم.
شكون فينا تمنى يكون هاني في هاد الدنيا، دار و معيشة يومية واسرة محتاضناه و خايفا عليه من الظلم و من الخبثاء....
أسرة حنينة عليه ماشي تعطيه غير الفلوس و تقوليه سير حياتك كنهضر بالمختصر على" الاب"، رب الاسرة لي كيكون السند و نعم السند للظهر... الحامي رفيق الدرب لزوجة، لكجيبها من فم سبع باش يعيش ولادو.. فؤادو يضحي بالغالي و النفيس من اجلهم و من اجل رسم البسمة على شفاهم... و لما لا يكون نعم الزوج لزوجة ضحات معاه عطاتو حياتها وسنين من عمرها، الا جاب الضرة يحكم بالعدل بيناتهم يكون قاسي مع لبغى يعذب ليه ولادو ماشي مع ولادو
شحال صعيب تعيش مع اب متسلط كلمتو فوق كلشي متقدرش دافع على راسك وتقول لا ديما اه
شحال صعيب تشوف امك محكورة مابين لاب و زوجة الاب و لما لا ابنة لاب، شحال صعيب تكرس حياتك لقرايا وتبغي تحقق لمحققاتوش ميمتك باش تخرجها من البؤس و من بطش الاب و ملي تبغي تحقو تلقى عائق واقف في طريقك.. عائق يوقف مسيرتك لخدمتي عليها لأعوام ، يتفرض عليك مصير مجهووول من بدايتو فكيفاش غادي تكون نهايتو؟ هادي حقيقة كيعيشها مجتمعنا ماشي خيال واقع يقدر يعيشو، او يكون كيعيشو اي انسان في الوجود، انسان يتحط في نفس الوضع ويشرب من نفس الكاس ...
القصة من تأليف الكاتبة: ياسمين اكرام ✍️
بطلة القصة: 💥💥عبير💥💥
عنوان القصة: 🍁لِمَاذَا أَنَاَ؟🍁
🍀البارت:1🍀
🌿🌿🌿
ِفِي زَمَنْ غَابَتْ فِيهْ كُل مَعَالِمَ الصِدْقْ ......فِي زََمَنْ غَابَتْ فِيه المحَبَّة .....فِي زَمَنْ غَابَ فِيهِ لاِخْلاَصْ.. أَصْبَحَتْ تُوجَدْ أَشْيَاء اُخْرَى تَبْتَدِأْ بِالغَدْرِ وَ تَنْتَهِي بِمَا لاَ نِهَايَة ..................................
ٍَعِنْدَمَا تَتَرَّبَصُ الوُحُوشُ البَشَرِيَّة فِي لأَنْحَاءْ ..تَتَغَلْغَلْ بِصُورَة رَحِيمَة مُنْتَظِرَة اللَحْظَة المُنَاسِبَة لِتَتَلَذَّدْ فِي اِغْتِصَاب طُفُولَة ْْْالبَرِيئَة ...عِنْدَهَا سَتُصْبِحُ لِإنْسَانِيَّة فِي خَبَرْ كَان
🌿🌿🌿
في احدى الاحياء الشعبية من مدينة الدار البيضاء الناس فرحانين خالقين السعادة فيما بينهم كتعاونو و يتاحدو سواء في الفرح اولا القرح
;رائحة الدجاج محمر فايحة و عاطيا في الحي واصوات
نساء واطفال و رجال مبهجاه ...تعالت الزغاريد نساء وتعالت معها اصوات نساء الحي
وهم كيطبلو على صواني. هادشي واقع في احدى المنازل
منزل ليس ككل المنازل واخا جا في حي شعبي ولكن غير كدخل لهاد الحي كيبان ليك هو احسن لا من حيت الطبقاات او الزينة كانو . 3طبقاات والسطح و السفلي مصبوغ باللون الرمادي صباغة جديدة و كتلمع منقوشة بالابيض
و نوافذ داكشي العصري
في الطابق السفلي كتواجد الصالون مفرش عصري و حداه كوزينة كبيرة بزاف ديال المناسابات ....كتواجد نساء مكلفين بالطياب كيبانو ليك
خدامين كل وحد ا و باش مكلفا ها المكلفة بالسفة
ها لمكلفا حاضيا الدجاج وغير لمكلفة ب اتاي و الحلاوي
نطلعو الطابق لاول هنا
كتعالى الاصوات نساء واطفال كيلعبو كاين صالون شاد نص في الدار باين ديال المناسابات صالون تقليدي بامتياز مزيناه المرايا في الحيط ......نساء مجموعين فيما بينهم كيضربو بالصواني ... الطعارج ...البنادر وكيهتفو بالاغاني المعروفة
في الوسط الصالون كاينا فتاة من مضهرها كتبان هي المعنية بالامر العروسة بلبستها الخضراء لمعروفة ديال الحناء و بزينتها بخيط ريح على جبينها و زينتها لمواتياها على وجها كتبان غزاالة بعينيها السود و وجها الجميل بيضاء كبياض الثلج ..صفاء كيظهر من تقاسيم وجهها
و شعر أسود طويل ...مادا يديها النقاشة كتزخرف وتبدع ليها أحلى زخرفة ...قدامها كتواجد طبلة فيها سكر .. البيض ..الحنة وكاع مستلزمات لكتكون دليل على انها ليلة الحنة
من تعابير ديال وجهها باينة حزينة الى ابعد حد تقول ماشي هادي ليلة وحدا عندها الفرح
☆☆☆☆
لاَ يَعْلَمْ مَا فِي القُلُوبْ اِلَّا خَالِقَهَا
☆☆☆☆
الدمعة نزلت ليها من عينيها دمعة سوداء مخلطة بالكحل دمعة دليل على ان لقب العروسة غير مرحب به من جهتها شنو هاد الظروف لغادي تخلي فتاة بعمر الزهور تغصب على زواج و هي من عائلة الظاهر انهم عائلة ميسورة
ناس كيضحكو و يغنيو غير مبالين بصاحبة الشأن
بعض دقائق دخلات مرأة في عمر الخمسينات بقامتها... لابسا قفطان جوهرة بالشيبي ومحزمة عليه بمضمةو الفولار فوق راسها عاطيها وقار باللون لابيض جلسات حدا العروسة وتمتمات ببعض كلمات و مسحات ليها دموعها و باست ليها راسها و ناضت من حداها مخليا دمعة اخرا نزلات من عينيها وتبعوها دموع اخرين ونساء غير مبالية خالقا النشاط
وجهها من كثرة الدموع والزينة تخلط مركزة ب نظراتها
لبعيد كتشوف في بلاصة وحدة ودموع معمرة وجهها بحالا
خويتي عليها الما
🍁لِمَاذَا أَنَا؟ 🍁
روايات عربية و روايات عالمية مع مدونة عبير
🍀البارت:2🍀
في احدى الليالي نوفمبر من سنة 2004....مع أذان المغرب......البرد والشتا خيط من السماء مع الرعد والبرق ...الزناقي و لأحياء فارغين من البشر كتواجد بعض القطط مخبيةومتجمعة فيما بينهم كيسخنو بعضياتهم .....في واحد الدار من بين ديور الحي
واقفة طفلة في سن السابعة من عمرها ..شعرها لأسود طويل كسواد الليل و عتمته منسدل على جسدها نحيف وقامتها الصغيرة .... كطل من النافذة المغلقة كتشوف قطرات المياه لكتساقط والبرق لكضرب في وجهاا كيبين ملامحو الطفولية الجميلة ذو وجه دائري أبيض كبياض الثلج
بنظرات ثاقبة كتشوف في وجهة وحيدة و ملتازمة الصمت .....بعض دقائق فتحات النافذة وخرجاات يديها وغمضات عينيها كتحسس قطرات المياه على يديها صغيورين
دخلات مرا في..... الثلاتينات لابسة بيجامة بيتية وعاقدة زيف حياتي ملامحها جميلة تشبه لفتاة بالبيوضة من غير اثار الضرب لكتخلل وجها ....طيبة مرسومة على وجهاا .....هازا صينية في يديها ركزات نظراتها على الفتاة تنهدات تنهيدة كتذوب الحجر و توجهات عندها بعدما حطات لهازا على الطابلة صغيرة و شعلات الضو ..حطات يديها على ضهرها شيء لخلا الفتاة تقفز حتى شهقات ...تهدأت ملامحها ملي شافت لأم ديالهاا
لأم :بسم الله عليك ابنتي اميمتك هادي
الفتاة:(بعدما دخلات يديها من الشرجم هزات كتافها)تخلعت
لأم:غير رحمت ربي لكاينا اعبير غسلي يديك واجي تفطري معايا مبغيتيش تاكلي اليوم صمتيه معايا ههه ومتبقايش تحلي الشرجم راه البرد يضربك
سدات لام شرجم والفتاة مشات تغسل يديها...... جالسين على مائدة مجموعين على مقلة مطيشة و البيض وبراد اتاي و غراف لما باش تفتح صيامها .. كياكلو في صمت حتى هزات عبير يديها وحطاتها على خد لام ديالها وخسرات ملامح وجها
عبير:كتضرك بزااف اماما
لام:(هربات وجها دليل على لالم )لا ابنتي غير كولي انا بخير
دابا تبراا
عبير:(حذرات عينيها)واخا غادي تبرا غادي يعاود يضربك
🍁لماذا أنا؟🍁
🍀البارت:3🍀
عبير:(حذرات عينيها)واخا غادي تبرا غادي يعاود يضربك تاني
لام:غير كولي ابنتي مدخليش في لامور ناس الكبار
عبير:(هضرات بحقد)ملي غادي نكبر غادي نضربو حتى أنا
لأم:لا ابنتي عيب عيب بغيتي دخلي الجهنم
حركات راسها ببرائة لا
لام :(كتدوز يديها على شعرها)هي الا بعدتي راسك من مشاكل الكبار وكولي وكبري ليا و قراي وخدمي وهزي راسك هادي هي دنيا ومافيهاا االحبيبة ديالي
عبير: صافي اماما غادي نقرا مزياان باش نكبر ونخدم ونمشيو من هنا حسن مانضربو نمشي لجهنم ..بابا غادي يدخل جهنم حيت كضربنا معرفت علاش مخايفش قلتي لياا هاداك النهار لدخل الجهنم كتحرقو النار
ابتاسمات على ذكاء بنتها للحاجة لسمعاتها كتعقل عليهاا
لام :نتي غير بعدي متبقايش تجي من جيهتي وتبغي تحامي عليا باش ميضربكش خليني انا وياه ربي كبير ابنتي
عبير:مكنقدرش نشوفك كتألم ونتي ماما (تلاحت عليها عانقاتها بيديها عامرين )
لام ابشويا غادي طيحيني هههه عمرتيني قفزات عبير ناضت كتشوف في يديها
عبير:تمسحو فيك هههه نسيت
لام :كملي ماكلتك
كملو فطور ..توجهات عبير خدمات تلفاز كتسنى رسوم ديالها مفضلين
وعائشة غسلات الماعن القلال وتوضات تصلي تراويح في الدار
🌻🌻🌻🌻🌻🌻🌻🌻
في جهة لاخرى مانبعدوش دار لفوق كانت امرأة في اواخر....
العشرينات لابسة بيجامة سروال وتشورط ديالو شعرها مجموع زعر زينة مسرارة ولكن معندهاش القبول من شوفة اللولة تعرفهامشرارة طريقة باش مطراسيا الحجبان وصباغا ظفران وطولتهم الغريبة العجيبة... واقفة في الكوزينة كتطيب في السحور و العشا
في صالون جالسة البنيتة ذات السنتين كتلعب في نونوس ديالها حتى جا ليها الطفل دو الخامسة خداه ليها وخلاها طلق زواكتها بدا يرميه الخوه توؤم ويعاود يرجعو ليه حتى جات المرأة من الكوزينة عطات لكل واحد تصرفيقة ورجعات ليها نونوس ورجعات لشغلها كتنكر
المرأة: تفووو خزيت على عيشة ناس والدين الولاد و أنا والدا مرض هلكتوني الله يهلكم
شويا بدات تسمع تاني في تنقاز
المرأة:طه عمر جلسو لأرض ولا غادي نجبد الصمطة
لبدوها معاودوهاش جلسو ساكتين كيشوفو في بعضيتهم شهيبن وبريئين كل همهم اللعب
داز الوقت ..دار ساروت في الباب ناضو ينقزو كيناديو بابا بابا
دخل راجل في اواخر الثلاثينات هاز معاه قفة حط المظل و القفة....تحنى ضحك معاهم وعطاهم السقاطة ومشا الكوزينة عند الزوجة سلم عليها بالوجه
....:فاطمة
فاطمة(بابتسامة) الشتا مجهدة اليوم
......:بزاف الله يرحمنا اش كتوجدي
🍀البارت :4🍀
فاطمة:شي حاجة لسحور راك عارف الدراري مكخليونيش ندير شي حاجة نغفل عليهم نلقاهم كحلوها كتبان مسخسخ اسيدي مصطفى كون غير مامشيتيش اليوم كتجي طل وتمشي قاصحة عليك
مصطفى:(بتعب) بشويا عليك غير لدرتي.....اودي كيفاش منمشيش راه الليل عاد كبدا شويا الراواج واخاا مايشريو لحاجة حتى يسخسوك
فاطمة: الصبر سير رتاح ليك بينما وجدت ليك شي جبانية الحريرة من داكشي ...حرك راسو ومشا الحمام يغسل عوجات فمها وكملات شغلهاا....................
بعد ديك الليلة مرو أيام قبل عيد الفطر ..أيام دازو عند فاطمة بتوجاد الحوايج الوليدات و ليها و ميخفاش توجاد الحلوى أما الدار التحت قبل دخول رمضان كان دخل ليهم تقدية شهر كامل فيها ضروريات وقليل داكشي مكملتش ليهم رمضان .. كيجيب ليهم مرا مرا تقدية من سوق مي ضروري حتى يندم عائشة على هاديك دغمة لغادي تاكل..... أيام دازو عاديين عند عائشة الصلاة والعبادة وقراءة القرأن وكتعدي بما قسم الله
دازت أيام توجاد وفرحة الوليدات بشراء ملابس جديدة....حتى الليلة العيد.. في الطابق التاني فاطمة كتوجد الحلوة أشكال و أنواع ..لوليدات مجموعين على مصطفى فرحانين بحوايج لشرا ليهم
طه:بابا بغيت نفس شورط لعند عمر
مصطفى:راه بحال بحال مختالفين غير في اللون وحتى هدا زوين
حدر طه راسو وتقبل الأمر واخا مقلق مشا عندو خوه هاز شورط عطاه ليه ببسمة بريئة خادو طه بفرحة مرسومة على شفاهو
في الطابق لتحت كانت عبير ببسمة كتفرج في رسوم هما المتنفس الوحيد ليها في ظل قهر لأب
إلتافتات عند لأم ديالها لكتنقي في الروز
عبير:ماما غدا العيد سمعت طه قالها
تنهدات لام بقهر:ايه ابنتي
عبير :مكنحملش انا العيد خايب بزااف
لام :لا ابنتي لعيد زوين ديال الله واي حاجة ديال الله كتكون زوينة
عبير:(نزلات دمعة )كيبقى طه وعمر يضحكو علياا وحتى لبنات في الزنقة كيضحكو حيت مكنلبسش حوايج العيد
حطات الطبسيل وتوجهات عند بنتها كتمسح ليها دموعها وكتواسيها و تحصر مابيديها حيلة وهي كتحمد الله لفوقها سقف وتقدية لقليلة ولكن مسلكا بيها الوقت..
رجعات لام عائشة لشغلها بعدما تهدأت عبير خلاتها رجعات كتفرج
🍁لماذا انا؟🍁
قصص و روايات مدونة عبير
🍀البارت:5🍀
أصبح صباح يوم العيد..الوليدات كينقزو في الحي فرحانين بحوايج العيد ويتباهاو على صحابهم
طرب لأندلسي كيتسمع من الباب ..فاطمة جالسة بالبيجاما الجديدة منوعة الطابلة بالمسمن والبغرير و الحرشة صغيرة مع مشتقات الفطور اليومي من فرماج زبدة كونفيتيغ كاشير زيتون والعسل طابلة على حقها وطريقها جالس مصطفى شاد البراد بالجلابة بيضاء والوليدات كيضورو عليهم بعد ما لبسوهم حويجات العيد
فطرو ..وخرجو نزلو لتحت مخلينهم مجمعين
من النافذة..
عبير كتشوف بحسرة بنيتات قدها فرحانين بالعيد وحوجاتو ...... نادات عليها لام لفطور المتواضع بحال ديما مرداتش عليها حتى تسمع دقان دقة ورا دقة ناضت لام تفتح
عبير:لا اماما عفاك متحليش غير عمر وطه هادو
عائشة:حشومة خوتك هادو لعبي نت وياهم متبقايش راسك
عبير:لا اماما لا لا مبقيتش قادرة ديما كيضحكو علياا
عائشة:(كطبطب ليها على راسها)ابنتي راه خوتك وصغر منك غادي دي عليهم باقين صغار ملي كبرو مغديش يبقاو هكاا
شحال قدك ابنتي تبقاي مخشية ومخبية خرجي فوجي
شويا ولعبي ممزيانش ليك هكا
عبير:غادي يضربني بابا قالي متبقايش تشوفي وجه زنقة الا في القرايا
عائشة:انا معاك ابنتي غادي يكون مشغول ليوم خرجي شويا غير متعطليش بزااف وصافي
توجهات تحل الباب بعدما قنعاتها......دخلو كيجريو الصالون لقاوها واقفة حادرة راسها
طه:(بابتسامة)ختي عبير شوفي شكون جا حسن انا ولا عمر
عمر:شكون حسن انا و لا طه
هزات عبير عينيها ودمعة واقفة ليها
طه:علاش كتبكي اعبير مالك ضربك شي حد
عمر :تلاح عليها عنقها وكطبطب عليها (واخا الفرق ديال
عاماين باش كبيرة عليهم ولكن قدهم في الطول)
متبكيش مالك كتبكي على حوايج لعيد لمعندكش نقولها لبابا ديما وكيقولي نتي مكتبغيش
بعدات منهم وجلسات جاو تجمعو عليها نوضوها بزز منها
عمر:نوضي خرجي معانا نلعبو
عبير:لا بابا لاشافني غادي يضربني بحال هاداك النهار عقلتي ملي ضربني بالسمطة
طه:متخافيش غادي نخبيوك ومتبانيش ليه اصلا هو لفوق كيدير حتى يشوفك
عمر:اه بصح يالاه غادي يجيو عندنا ناس مغاديش يخرج
عبير :واخا ولكن مغاديش يشوفني
عمر:لا لا يالاه توجهو نازلين في دروج بحذر وبحساب لخطاوي حتو وصلو لزنقة و تسد الباب بشوي
طه:لهضر معاك قوليها ليا نضربو نوريه انا هو راجل ديال الدار
نقز عمر:لا انا هو راجل ديال دار
طه :انا راجل
عمر:لا انا راجل
🍁لماذا أنا؟🍁
روايات عربية و روايات عالمية مع مدونة عبير
🍀البارت :6🍀
عبير:سكتو صافي ولا نرجع
سكتو وكملو طريقهم
عائشة كطل من النافدة على بنتها والدمعة نزلت من عينيها .....لكانت مخبياها نزلاتها وهي كتشوف وريدتها الصغيرة ذابلة
معندهاش نظرات ديال لبنات لفي سنها ....عندها نظرات البرائة مليئة بقهر الزمن..نظرات ذابلة بحال امرأة عجوز مر عليها من التعب ما يكفي
لأطفال كدورو حواليها وكيلعبو وهي كتشوف فيهم بنظرات فارغة خالية من اي احساس زوين من غير احساس باليتم واستبذاد
طه وعمر كلعبو و يجريو مع بعض ابناء الحي
وقفات بجانب شي بنات
البنت1:غادي نمشيو عند طاتي في العشية عرفتو عندها دار واعراا ملاصقا مع البحر كتعجبني بزااف واخا عندها بنتها خايبا كتقولياا "أنا بابي غادي يشري لي طوموبيل ملي غادي نجح في الباك"
البنت2:كبيرا ؟
البنت1:(كتحسب بيديها )عندها 12عام
البنت:3لاباس عليهم باينا
البنت1:بزاااف كنمشيو عندهم وكنمشيو المطعم عندو ماكلا زوينا وكيديونا نلعبو في البارك
البنت2:سعداتهم ..
نتابهو لعبير لواقفا حداهم
البنت1:عبير تاني مشريتيش حوايج العيد
البنت3:خوتك كيتكساو و نتي لا علاش ياك باباكم واحد
لبنت:2مسكينة عبير واحد النهار سمعت ماما كانت كتهظر هي و خالتي الياقوت وقالت ليها كتبقى فيا عبير يتيمة الحيين وباباها كيضربها هي ومها
سمعات عبير الكلام مبقاتش رمشات حدها بعدات عليهم بمسافةوجلسات كتشوف في لارض و دموع شقو طريقهم المعهودة خلاتهم كيشوفو فيها ومن بعد كملو لعبهم وهضرتهم في سياق الطفولة
🍃🍃🍃🍃🍃🍃
كَمْ أَنْتَ قَاسِيًّاا يَازَمَنْ ..كَمْ أَنتَ لَعُوبًاا ..
َكُنتُ طِفلَةٌ ..بَرِيئَة أَناَا.. وَلَمْ تَتْرَكْ لِي البَرَائَةَ مُطْلَقًا.. اِسْتَوْطَن قَهرَكَ طُفولَتِي فَأَصْبَحتُ مُنْهَمكَتُ التَفْكِيرْ ..جَسَدُ فَتَاةٍ فِي رُوحِ عَجُوزْ أَخَدْتَ مِنْهَا مَايَكفي لتُصبح في انْتظَار المَوت ...
لتَرتَاح مِن قَهرِك
ياسمين اكرام
🍃🍃🍃🍃🍃🍃
دمعة العيد ......أعياد ديما مستقبلاها بدمعة في العين.. دمعة ..الطفولة.. البرائة ..القهر.. استبذاد..ظلم..معانات......
بقات كتبكي في صمت الوليدات يلعبو فيما بينهم ولجمع شي صريف كيتوجه لعند مول طون والحرور عندو طابلة صغيرة حاط عليها علبات بلاستيكية كتحتوي على طون..زيتون ولحرور مساند الرسمي لولاد الشعب ..قراعي كوكا و هاواي
قصص و روايات، روايات،
روايات pdf، روايات عالمية، روايات عربية، تحميل روايات
رويات، قصص حزينه، روايات طويله، روايات عربية pdf
كتب pdf روايات، روايات مصرية للجيب، روايات قصيره، قصص حب قصيرة، قصص حب واقعية، روايات بوليسية، روايه غرام
🍁لِمَاذَا أَنَا؟🍁
🍀البارت7:🍀
مرت مرأة في الثلاثينات من عمرها لابسة جلابة العيد مع الفولار الصاك والبلغة هازة طبسيل مغطي
...نادات على البنت1 لكانت مجمعة حداهم عبير
كانت مزال عبير على نفس الوضع جالسة جامعة رجليها بصندالة ديال الدار و سورفيط سوداء نقية وجها صافي و شعرها رطب مسبسب وراها فجأة شافت رجلين مرأة واقفة عليها
هزات راسها كتمسح في الدموع لقات مرأة نفسها لكتنادي على بنتها ابتاسمات المرأة ببشاشة مع نظرات شفقة
ونزلات عندها طبطبات على راسها
المرأة:مبروك العيد عبير
عبير حدرات راسها والتازمات الصمت
المرأة:تبارك الله شعرك طوال على أخر مرة شفتك علاش تبكي ونتي زوينة
عبير:مكنبكيش
المرأة :متبقايش تبكي نتي زوينة والا بكيتي كتولي خايبة
حلات صاكها وجبدات منو شي دراهم ومداتهم لعبير
المرأة:هاكي ابنتي فلوس لعيد ومتبقايش تبكي
طبطبات عليها وشدات من بنتها ومشات.......بقات متبعاها بعينيها حتى مبقاتش بانت ليها عاد حدرات راسها لفلوس لفي يديها تبسمات ابتسامة صغيرة بريئة وناضت توجهات عند مول الطون والحرور
خدات 2 طروفا وجلسات كتبنن فيه عاجبها كملاتو شافت لفلوس مزال عندها ....تلفتات شافت خوتها كلعبو وهي دور مع الدورة مشات عند مول الحانوت
وقفات عندو لقات نظرة على أنواع لبسكوي لكاينين عجبها واحد كبير وفيه شوكولاا
عبير:عمي عطيني هادا(شارت ليه )
مول الحانوت تبسم :عبير هادي شحال ماشفتك دزتي منهنا
عبير:بابا مكخلنيش نخرج غير خرجت بلا خبارو ليوم (كتهضر بهمس بحال حداها ) الا حصلني غادي يضربني
مول الحانوت :الا ضربك قوليها ليا نجي نجبد ليه وذنيه
عبير (شهقات)تقد عليه بابا كبير
تبسم مول الحانوت :اش بغيتي انا بيمو بغيتي
شارت ليه لشكل لعجبها حطات ليه الفلوس لشاطو ليها من طون والحرور..جبدو بغاه يعطيه ليها لقا فلوس قل من الثمن بنصف
مول الحانوت:هاهو لبيمو و لكن الفلوس ناقصين خاصك وحدين خرين بحال هادو عاد تشريه <د
عبير:(بأسف)معنديش الفلوس هادو هما لعندي
بقا شحال ساكت ومصغر فيها عينيه ...هز راسو شاف يمين وشمال كتبان زنقة خاوية دراري معمرين زنقة للور
تبسم بمكر وحل ليها الباب صغير لكدخل الحانوت :اجي دخلي نلعبو انا وياك واحد اللعبة ونعطيه ليك وخلي فلوسك عندك
عبير(باستفهام)اشمن لعبة ؟
مول الحانوت:دخلي باش تعرفي اشمن لعبة زوينا بزاااف وملي تسالي لعبة نعطيك لبيمو لبغيتي
ونزيدك معاه كوجاك
💥💥عبير💥💥
💎✍ياسمين إكرام
🍁لِمَاذَا أَنَا؟🍁
🍀البارت:8🍀
دخلات عندو ببرائة كتشوف في المحل من لداخل كان كرسي ..تلفت يمين وشمال وشد يد عبير ..شد يد البرائة و طفولة المرهفة .....
توجه حيد الستار لكان ساتر وبان بيت ببونجات في لارض وطبلة صغيرة جنبو حمام جلسها على البونجة و رجع رد الستار كيف كان
عبير كدور عينيها ببرائة باغا تكتاشف هاد اللعبة لقالها ليها
توجه عندها بمكر :لعبة اعبير كتبدا بنحيدو الحوايج للابسين نتسابقو انا و ياك نشوفو شكون غادي يسالي اللول
لساليتي للولة نعطيك فانيدة وندوزو لعبة اخرى صافي
عبير:لحوايج نحيدوهم علاش غادي نعومو ؟
مول الحانوت:لا لعبة هادي نتي معرفتهاش مع صغيرة
عبير:لا انا كبيرة ماشي صغيرة وغادي نسبقك
حيدات سورفيط بقات بتشورط
هو نصل التشورط للابس بشوية وهي كتزرب حيدت تشورط معافرة معاه بقات عريانة من الفوق جسم فتاة في طفولة
عبير:انا حيدتهم
مول الحانوت :سروال حتى هو
عبير سروال عيب لا قاتلي ماما سروال عيب تحيديه في الزنقة
مول الحانوت:هادي زنقة هادي بحال داركم
هزات كتافها وبغات ترجع تلبس تشورط ديالها:لا ماما قالت لي متحيديش سروال قدام ناس لا لا مبقيتش بغيت بيمو
ساط بعصب.. دار خدم الراديو وجهدو شويا وتلفت عندها لقاها مزال معافرة مع تشورط بغات تلبسو ومبغاش ليها نترو ليها حتى شهقات وشاف فيها بنظرة خلاها طلقها في سروالها نفس نظرة لاب ديالها لكتخلعها
مول الحانوت:مبغيتيش بالخاطر ياك بغينا نديرو كولشي بالخاطر ساعا نتي مبغيتيش نزل ليها سروال وهي كتشهق وتغوت وتركل حيد سروالو وتلاح عليهااا ...................................................................................
تسمعات غوت قاصحة في الدرب لفيه صقيل ذبانة مكتزنزن من غير راديو لمطلوق ولحد من جهد الغوتا............................................
داز الوقت حيد مول الحانوت الستار وخرج المحل بابتسامة وهو كيسد في السنسلة السروال ديالو
مخلي وراه طفلة في عمر الزهور ليالاه بدات تنوض جثة هامدة مكتحركش عارية الجسد بأكمله مرميين حداها حوايجها عشوائيا
دخل توجه عندها بابتسامة بعدما لقا نظرة على لأجواء
عبير يالاه نوضي نلبسك حوايجك
بقات جامدة مكانها مصدرات حتى صوت الشيء لخلاه يتنهد و يلبسها بنفسو
كمل ليها حوايجها وهو مفلت حتى شي بلاصة ملمسهاش فيها
مول الحانوت:الله على حلاوة فيك هادشي اصغيرة ودايرا بحال العسل معرفت كغتكوني ملي غادي تكبري
وقفها وهز بيسكوي لبغات في اللول مدو ليها مع كوجاك
كيفما وقفها كيفما بقات كتشوف في نقطة وحداا ودموع كتسابقو نازلين على خدها....دازت قدامو وهو ماد ليها لبيسكوي خلاتو كيشوف فيها .. هي لغادا بحال شي الة
🍁لِمَاذَا أَنَا؟🍁
روايات عربية و قصص و روايات عالمية مع مدونة عبير
🍀البارت :9🍀
لقات لباب ديال دار محلول طلعات الدار ديالهم ودقات.....
حلات عليها لام ديالها ...دخلات كتجر في رجليها ..بغات تجلس مقدراتش كتحس بألم بحال شي موص كتخشى فيها جلسات جنب وبقات كتشوف فاص ليها ..حتى دخلات عندها لام
لام :(بتساأل)عبير تعطلتي ابنتي خوتك دخلو قبايلة جاو عندي قالو لي مكيناش في زنقة فين كنتي ؟
الصمت و السكون هو الرد على تساأل لأم
لام:بنتي كنهضر معاك
مالك وجهك مخطوف واش شفتي باك ؟
دائما الصمت هو الوارد الشيء لخلا عائشة تبدا تحرك فيها وهي كالجماد لا تتحرك
شهقات عبير والدموع نزلووو بعدما كانو ناشفين بدات كتنتر وتزعل بصوت وتنين مطالبة بالنجدة وباغا مزال تغوت ولكن السانها جمد عليها لايحرك ساكناا ملي حسات بشي حد كيحرك فيها حسات بالخطر ..شيء لخلا لام تخلع وتعرف شي حاجة واقعة لكبدتها هاد شي فاق شوفة لاب وحتى ضربو ليها
عائشة :بنتي كبيدتي مالك اش وقع عليك صافي صافي انا نطلق منك غير تهدني تهدني ...
طلقات منها وبعدات بمسافة صغيرة ..بدات كتهدأ شويا بشويا حتى بقات كتنين فقط شافت لام ديالها قدامها عاد فاقت من الكابوس و بغات تخرج الكلام وتشكي عليهاا مقدراتش لسانها جامد عليها مكتحركش بدات كتزعل وتمد بيديها وتحرك راسها وتدير اشارة لماماها لفمها
الصدمة خلات عائشة المرأة لضعيفة وهشيشة القلب واقفة بلاصتها متحركاتش حتى حست بيدين بنتها كتجرها باش تشوف فيها .....ودموع مالية عينيها السود
تحنات عندها شدات ليها من وجها:كبيدتي هضري هضري نسمع صوتك
عبير كتنين وباغا تهضر وماقادراش ودموع مزال دايزين ليها عائشة:لا لا ميمكنش علاش مبغيتيش تهضري ياك انا ماماك
..مكتلقى من غير بكاء الصغيرة ..عائشة كتحرك في راسهابلا وممتقبلاش أن بنتها مكتهدرش :ابنتي اش وقع ليك حتى وليتي هكا خرجتي بغيتك غير تفوجي وترتاحي من الحيوط اش جرا ليك واش ضربك شي حد في الزنقة (بدات كتقلب فيها بهستيرية )ممضروباش مالك ابنتي عاودي ليا اش واقع كيفاش مكتهضريش ؟
عبير كتبكي في صمت
بكاء عبير زاد أكد ليها وقوع شي حاجة خايبة لبنتهاا :ياك انا ماماك العزيزة قولي لي اشنو جرالك متخلينيش هكا وتمرضيني
عبير شارت ليها وهي كتنين وأجهدت في البكاء للجهة مؤخرتها
💥💥عبير💥💥
💎✍ياسمين إكرام
🍁لِمَاذَا أَنَا؟🍁
🍀البارت:10🍀
حلات عائشة فمها بصدمة و ضربات فخادها عبير ملي شافت مها هكاك وهي تجهد في البكاء والصراخ ..ناضت لام بعد مدة قليلة كتستوعب اش وقع لبنتها شداتها عنقاتها كطبطب على ضهرها حتى بدات كتهداا....
بعداتها عليها بشوية لقاتها نعسات قاداتها في نعاسها ونزلات ليها السروال تقلب تشوف اش جرا ليها شافت القدام مفيه حتى شي اتر وهي تقلبها بشويا شافت اللور ودموعها بداو يتسرسبو وتشهق من حر داكشي لشافت........
كانت مجروحة و محرودة ....دم دايز من اللور مساتها وهي تنين في نعاسها ردات ليها سروالها وهي كترعد وكتردد :"بنتي مشات بنتي مشات"
🍃🍃🍃🍃
هَرمْتُ فِي طُفُولَتِي
أَصْبحْتُ عَجُوز الأفكار
عَجُوز المَبادئ
عَجُوز مَرتْ عَليها مِن المَتاعب
دَبرَ هَا الزَمن
تَخلى عَنها لاقرَبون
ْعَجِزت عَلى الضَّحِك
علَى الحَرَكة كَقِرَانِهَا
علَى الِابْتِسَامَة أَصْبَحْتُ كَالجُثَّةُ المَيتَّةُ لَولَا تنَفسي لدَفَنُونِي
أنَا الطِفْلةُ المُغْتَصَبَة
أنَا الطِفْلَةُ العَجُوز
ياسمين اكرام
🍃🍃🍃🍃
مر يوم العيد بألم ومعانات جديدة تختلف على معانات مع الرجل أو لاب الصارم المعذب لفلذة كبده كونه النقطة السوداء لاولى في حياتها ..بعدها ظهرت معانات جديدة ..معانات مع الرجل أو الوحش البشري لتظهر النقطة السوداء الثانية ...فكيف لطفلة بحجم الزهرة لازالت تتخبط بالمعانات لاولى أن تتجاوز معانات أخرى أسوء من لاولى ؟
عائشة بقات الليل كلو و هي حدا راس بنتها حاطة حداها طاسة فيها الما و فوطة باش تهبط ليها السخانة لليل كلو وهي تحرق فيها مسكتاتش من لأنين وكتفيق مخلوعة وقافزة
..ليلة ليست ككل الليالي ليلة شهدت إختلاف مذموم ..
دازت الليلة وجا صباح وعائشة جالسة حطا يديها على خدها كتفكر في شكون لدار لبنتها هاد الحالة وكمل على ما بيها هي أصلاا كانت غير لأطفال لفي سنها أما دابا كيف غادي تولي..كتفكر في اللسان لمات عليها كيف غادي دير وهي معندها لحنين لا رحيم ومكتعرف لفين تجي و لامنين تمشي
صابرة لذل والضرب على قبل بنتها وعلى قبلها لماكاينش لغادي يعتقها بخبزة و لانصفهاا.. وهي معندها لا صنعة و لا حرفة
حلات عبير عينيهاا كتشوف في سقف دورات عينيها لقات عائشة جنبها فوراا غرغرو عينيهاا كتشوف نظرة طلب النجدة و المساعدة معندهاش في هاد الدنيا من غير لأم ديالها لكتخاف عليها و تحن فيها كتشوف لأب كيف كيعاملها كتشوف العائلة لمقطوعة منها عارفة لأم السند الوحيد و الكتف الحنين لعندها
💥💥عبير💥💥
💎✍ياسمين إكرام
🍁لِمَاذَا أَنَا🍁
🍀البارت:11🍀
بادلتها لأم بابتسامة باهتة:بنتي فقتي صباح الخير (كتمسح ليها دموعها)علاش دموع اكبيدتي هضري نسمع صوتك العزيز
حاولت عبير تهضر ولكن بدون جدوى كتحس لسان ديالها ثقيل عليها ...تلفات عائشة مبقات عرفت اش دير دارت بيها لأرض
ناضت تالفة كتمشي وتجي ..تلفتات عندها :بنتي دري الحركات
أجهدت في البكاء وكتنين بصوت كيقطع في القلب وتحرك راسها بلا
عنقاتها عائشة كتهدأ فيها وهي ربي لعالم بيها ..تهدأت و سكتات ناضت لأم توجهات الكوزينة كتوجد ليها الفطور و هي ساهية كتفكر .......
حطات ليها فطور حتى سمعات ساروت دار في الباب شهقات عبير وتكمشات موضعها وهي كتبادل النظرات مع لأم ديالها ماحسو حتى سمعو صوت لأب صوت لكركب الرعب فيهم ...
وقفات عائشةحتى لقاتو دخل عندهم الصالون هاز في يديه قفة ديال الخضرة
عائشة:سلام سيدي مصطفى
مصطفى:(لاح القفة فوق لأرض )ها تقدية ديالكم بشوية عليها ماتسوطيش في كلشي نتي وبنتك
عائشة(تحنات كتجمع فيها )الله يكثر خيرك كون هاني ..دخل فطر معاناا
مصطفى:على فطورك الزين تفو زايديني غير بالخسارة معرفتش شنو لمخليني مجاريش عليكم ولكن دارها الواليد الله يحرمو
تم خارج بلا مايشوف ولا نظرة في فلذة كبدو لمخبية تحت الطابلة وحاطة يديها على أذانها
عليها يوصل الباب وقفو صوت عائشة كتنادي عليها دار جيهتها وخنزر فيها :اش بغيتي ؟
عائشة (حاذرة راسها وكترعد ):محتاجاك اسيدي مصطفى وبزااف
مصطفى :صبحنا على الله ياك تقدية جبتها ليكم اش باغا تاني
هزات راسها فيه ودمعة نازلة :بنتك بنتك امصطفى مريضة وخاصنا نديوها الطبيب
مصطفى(ببرود مكتسي وجهو):هادشي لبقى غير طبيب اش عندو مايدير هاد الطبيب من غير يدي فلوس عباد الله
عائشة:(شدات لييه يديه وجرها عندو بزعفة )عافاك هادي هي اللخرا غير دوز ليها نعرف اش عندها ونقلب على شي خدمة كيفما كانت ومنبقى نقوليك والو حتى لقفة متبقا....
🍁لِمَاذَا أَنَا؟🍁
🍀البارت:12🍀
قاطعها صايح في وجها:لخدمة هي لمغاديش تخدميهاا واخا تنطابق السما مع لأرض ونتي عارفااا ديما كنتبراا فيك عليها
معنديش لعيالات لخدمو (جبد من جيبو300 درهم لاحهم ليها على وجهاا)تفوو على مرة كيدايرا مكتعياش من الطلبة
خرج من بعدما زدح الباب من وراه خلا قلبها تهز و يتحط
تحنات هزات الفلوس من لأرض تلفتات بغات دخل الصالون لقات عبير واقفة شادا في الحيط كتبكي وكتشوف فيهاا
مشات تحنات عندها كتبوس فيها وتعنق تحاول تخفف عليها واخا غير شويا...
لبسات بنتها تشورط وسروال لبسات جلابتها لقديمة ودارت الفلوس في الصاك وشدات من يدين بنتها وخرجات ومعارفة راسها فين تصد تلاقات حدا باب الخروج بفاطمة حدرات راسها وبغات تكمل طريقهاحتى كتسمع
فاطمة:وايلي على ضرتي مكيناش سلام في بلادك
عائشة:(تلفتات عندها)مشفتكش كدايرا لباس عليك
فاطمة:حسن منك بخير ونتي مالك كتباني صفرا ياك لباس ؟
عائشة:تنهدات مكاين باس غير عيانة شويا
فاطمة:(كطلع فيها وتنزل)اممم هكاك يالله نطلع نوجد لغدا لسي مصطفى هدا هو الوقت
عائشة:الله يعاونك
خلاتها وكملات طريقها فكرات تمشي لافاغماسي يرشدوها فين تدي بنتها
قصدات واحد قريب الحي ..توجهات عند لبنت لمتفرغة
عائشة:ختي نسولك عافاك
الصيدلانية:وي تفضلي مرحباا
عائشة:بنتي اختي مبقاتش قدرات تهضر معرفتش لسانها مكتقدرش تحركو
الصيدلانية شافت في عبير :حبيبة حاولي تكلمي قولي كلمة نشوف
شافت عبير ماماها حركات ليها راسها بمعنى حاولي
حاولت وحاولت وحاولت ولاشيء جديد
توجهات عندها الصيدلانية حلات ليها فمها كتشوف ورجعات لبلاصتها وقالت: امتى مبقاتش قدرات تهضر ؟
عائشة:من البارح
الصيدلانية:كنظن تعرضات لصدمة نفسية هي لخلاتها تفقد القدرة على الكلام مشكيل لعند بنتك نفسي ماشي جسدي كيظهر لي خاصك تعرضيها على طبيب نفسي هو لغادي يفيدك ..واش عندكم شي مشكيل في الدار ؟
عائشة تنهدات وتكلمات وهي كتحس بغصة في قلبها:بزاف اختي بزااف نخليك شكرا
الصيدلانية:ماكاين مشكيل حاولي تبعدي بنتك على المشاكيل لاطفال في هاد السن كيكونو حساسين سيغتو المشاكل لبين لأباء..هزات كارط فيزيت..هاكي هادي طبيبة نفسية لأطفال الله يشافي
عائشة:شكرا الا كتعرفي شي طبيب عام الله يخليك
الصيدلانية شافت فيها باستفهام وهزات كارط فيزيت هادي طبيبة عامة غير قريب من هنا
خداتها ودعات الصيدلانية وخرجات كتشوف في الكارط فيزيت ..نزلات عند بنتها بابتسامة:غادي تولي بخير ابنتي غادي تولي بخير نشوفو طبيب
عبيركتحرك راسها بلا
عائشة:باش تصحي ابنتي باش تصحي ...يالاه نشري لبنتي بيمو...
بقات واقفة بلاصتها مبغاتش تزيد ليها تلفتات ليها لقات الدمعة نازلة وكتحرك راسها بلا صدمتها معرفتش اش دير:مالك ابنتي مبغيتيش بيمو
حركات عبير راسها بلا وهي كتبكي مسحات ليها دموعها وتوجهو عند طبيبة العامة لكانت قريبة..لقات دنيا شويا مرخوفة خدات نوبتهاوجلسات كتسنى. ....
داز الوقت وهي جالسة وعبير مقدراتش تجلس هزاتها جلساتها عندها جنب وهي كتحصر على وردتهاا ..نادات عليهم لفي استقبال ناضت دخلات عندها
🍁لِمَاذَا أَنَا؟🍁
🍀البارت:13:🍀
استقبلاتها ببشاشة جلسات وبقات عبير واقفة
الطبية:لبنيتة لمريضة
حركات عائشة راسها :اه..معرفتش منين نبدا ادكتورة(تنهدات)بنتي (شافت فيها لقاتها حتى هي كتدور راسها في غرفة والمعدات الطبية)
الطبيبة:كنسمعك بداي بلي بغيتي
عائشة :بنتي عايشة........
دكتورة :(حسات بلي الوضع مكناسبش الطفلة) الا سمحتي لبنيتة تخرج تبقى في استقبال باش تاخدي راحتك
عائشة:خايفة منقدرش نخليها راسها
بتاسمات الطبيبة :ماتخافي والو كاين كاميرا في استقبال كلشي كيبان عندي في البيسي
عائشة:(بقات ساكة لمدة )بنتي خرجي تسنايني برا بينما هضرت انا وطبيبة وتجي عندي
رفضات عبير ودموعها بداو ينزلو بعدما كانو نشفوو
بدات عائشة كتمسح ليها عينيها وتبسم ليها في محاولة باش طمأنها
بعد محاولات عاد قبلات عبير وطبيبة نادات على لبنت خرجاتها معاها لبراا
بقات متبعاها عائشة حتى خرجات وترد الباب دارت عند الطبيبة لقاتها كتشوف فيها
الطبيبة:تفضلي
عائشة:بنتي كبرات في وسط خايب بزاف لمهم أب ديالها كيعنفني وهي كتشوف عندو عائلة خرى و ولاد خرين كتشوفو كيفاش مهتم بهم ويكسيهم في العيد وهي كتبقى بلاش و اخا هادشي كانت صابرة واخا كنشوفها ماشي كيف لبنات لفي سنها متجمع متلعب هو باها حابسها اه ولكن حتى في المدرسة مكتجمعش وكتخاصم لي مع لبنات وضارب ولكن كنقول نحمد الله ونشكرو (بدات كتبكي)لبارح جاتني لبنت في شكل ساكتة مكتهضرش وكتبكي وتنين منين سولتها و عاودت وحكرت عليها زادت في البكا و بدات كتنعت لي لوراها تما عرفت بنتي واقعا ليها شي حاجة و عاد الهضرة مقدراتش تهضر وخليتها تانعسات وقلبتها لقيتها (أجهدت في البكاء) تعدا عليها شي حد بنتي ترزيت فيها ادكتورة هي الشمعة لمضويا ليا حياتي وكنترجا تقرا وتهلا فيا
الطبيبة:خاصني نشوف لبنت غادي تكون تعرضات لصدمة نتيجة تراكمات لأب والبيئة فين عايشة من جهة و هاد الحيوان لمكتسماش لطمع في بنيتة صغيرة
عائشة :الله يخد فيه الحق يارب
الطبيبة:ضروري ماخاصك تبعي لإجراءت باش يتعاقب
عائشة:مكنعرف حتى حاجة انا معرفت فين نمشي ولا نجي وعاد باها ماخاصوش يسيق لخبار
الطبيبة:على أين نشوف لبنيتة ومن بعد نهضرو
دخلات عبيرحادرة راسها هازة معاها دبدوب صغير
توجهات عندها الطبيبة بابتسامة تحنات باستها وطبطبات ليها على شعرها:عجبك نونوس
مدارت حتى ردت فعل تخطاتها ومشات حدا لأم ديالها وقفات حداها
🍁لِمَاذَا أَنَا؟🍁
🍀البارت:14🍀
ناضت جلسات الطبيبة في الكرسي لمقابل مع الام :
اجي ابنتي نشوف اش كضرك باش تصحي وتكبيري
شافت فيها عبير وفي يديها لممدودة ليها رجعات شافت في لام ديالها حركات ليها راسها عاد تاقت وسلماتها يدها ليها
توجهات بيها الغرفة الكشف ولأم تابعاها
قلبات ليها لسانها وحركاتو ليها في لاول عاد دازت بغات تكشف عليها .
.بغات تنزل ليها سروالها وهي تبدا عبير كتأن وتبكي وصوتها غادي وكيجهاد كذكر اش وقع ليها
مشات عندها لأم ديالها في محاولة تهدأها بقات معاه لمدة ربع ساعة عاد بدات كتهدأ استغلات الطبيبة ظرفية ان لام كتعنق فيها وتبوس .....نزلت ليها سروال وبدات كتقلب فيها حتى سالات حيدات ليكات
باست عبير لكتبكي من لألم النفسي والجسدي...توجهو جلسو في البيرو مقابل مع الطبيبة لعطات ابتسامة صغيرة لعبير ورجعات شافت في لأم لكتفرك اليدين ديالها بتوتر بغا تأكد واخا شافت بعينيها الا ان لطب نظر أخر لتأكد بشكل قطعي
طبيبة:معندك مناش تخافي فعلا وقع (شافت في عبير)اغتصاب مي الحمد الله متقاستش من البكرة ديالها حيت تمارس عليها من الدبر والجرح لشفت غير من براا نعطيك شي مرهم و بالنسبة لتكلم فعلا صدمة هي لخلاتها هكا وكنصحك تعرضيها على طبيب نفسي لأطفال هو لغادي يفيدك حيث بصراحة بنيتة مضرورة نفسيا اما جسديا تبعي ليها هادا غادي مايبقا فيها حتى خدش وبالنسبة لهادشي نعطيك هادي(مدات ليها شهادة طبية ) باش تابعيه قضائياا
خداتها عائشة:أنا غير درويشة مقادا على محاكم وتجرجير وحتى باها لوقف معاها لساق لخبار مشينا فيها
طبيبة:اش غادي ديري غادي تسكتي على حق بنتك
عائشة:نحول أمري الله سبحانه هو ياخد لي حق بنتي منو
ناضت تمات خارجة حتى وقفاتها قائلة:هنا عنوان جمعية عاودي ليهم لطاري لبنتك يقدرو يتكفلو بيها من ناحية النفسية
خداتها وحدرات راسها خرجات خلصات و نزلات مع الدروج على لأقل بنتها مفقداتش البكرة ..نزلات مرجعة شويا فيها روح وهي عندها امل بنتها تصح وترجع حسن ملي كانت.....
🌿🌿🌿🌿
ياَأُمَّاهْ أَلَمِي يَفُوقُ الجَسَدْ
بَلْ تَجَاوَزَ الرُّوحْ
مَاداَمَتْ الرُّوحُ تنْزفُ دمااا
فَكَيْفَ للِجَسَد أن يُأْلِمَنِي
🌿🌿🌿🌿
دخلو الدار مع أذان العصر بعدما شرات دواء لعطاتها الطبيبة طلعو الطابق ديالهم وهي كتسمع صوت فاطمة كتغوت
حدرات راسها بغات دخل الدار حتى طاحت في وذنيها علاش تعطيها لفلوس تمرض ولا تموت بعد عليهم والا نهز ولادي متعرفني فين مشيت
كلام خلاها واقفة مكوانسيا في بلاصتها تالفة.. حسات بالباب تاعهم تحل وهي دخل وسدات عليها
مرت الليلة ومجاش سول على بنتو اش عندها ولا اش بيها
خلات حتى نعسات عاد دارت ليها المرهم وبقات جالسة حداها مغمضش ليها الجفن
🍃🍃🍃
وَكَيْفَ لأُمٍ أَنْ تَنَامَ فِي سُبَاتِ وجُزْءٌ مِنْ فُؤَادِهَا يُعَانِي فِي
صَمْت
كَيْفَ أَنْ تَغْمَضُ جُفُونُهَا وَ رُوحَهَا مَحْرُوقَة
🍁لِمَاذَا أَنَا؟🍁
🍀البارت:15🍀
🌄أشرق الصباح.. فاقت عائشة مبكرة باش تمشي الجمعية قضات روتينها ونوضات عبير فطراتها وقادات ليها حوايجها رغم أنها ولات تلقى صعوبة ملي كتبغي تبدل ليها خاصها نصف ساعة و أكثر وهي تسايس عاد تلبس..
مع 9 توجهات العنوان للقات في كارط فيزيت
حطها الطاكسي قدام الباب خلصاتو و هي باغيا تبكي معندهاش باش ترجع
تقدمات وهي تالفة و خايفة أول مغامرة ليها في حياتها ملي تزوجات وهي مكتخرجش من غير سبيطار والمدرسة لاغير.....
سولات سكيرتي لحدا لباب وجهاا لمكتب لخاص تمشي ليه
دخلات شادة في يد عبير ..وقفات على مرأة في سن
الأربعون شعرها كاري ودايرا نظاظر ديال شوف محنية على الوراق كتخطط فيهم سمعات صوت خطوات هزات راسهاا..كتشوف فيهم حتى وقفو حداها استقبلاتهم بابتسامة :تفضلي جلسي مرحبا
جلسات عائشة وجلسات عبير على جنبها شافت فيها وحدرات راسها
نطقات المرأة بعدما ركزات نظراتها على
عبير:مرحبا تفضلي
ردت عائشة:عنوان ديالكم عطاتو ليا الطبيبة كنت مشيت عندها لبارح بنتي( خشاتها فيها)مريضة ومعندي ليها جهد الا كان ممكن تساعدوني
حطات المرأة الستيلو لكانت هازة :تفضلي حكي لي اش عند لبنت ويكون خير ان شاء الله
شافت في بنتها. لحتى هي مخشية فيها ونعسات من شدة منوضاها بكري دفاها الحضن ومشات.........
رتاحت حيت غادي تهضر بلا متسمعها...............تكلمات وشرحات التفاصيل بالصغيرة والكبيرة وكل جملة كتقولها كيطيحو دموعها وتشهق وتعطيها المرأة باش تمسح وتعاود من جديد....
.لمدة نصف ساعة وهي كتحكي كل ماجرا لفلذة كبدها من يوم طاحت فكرشها وكيفاش عيشها 9شهور كلها في الجحيم ونهار تزادت ولقالت غادي يتهد ويفرح بكبدتو سيد زاد لدرجة مشافش فيها ولاهزها حتى ليوم لشوفة مكيشوفهاش فيها الا لبغا يضربها وعاد كتشوف مها كيفاش كيعاملها ومعاملتو مع زوجتو وولادو لخرين غير ..وهادشي لوقع ليهااا مؤخراا لزاد الحمل حملين
مكملات لقات المرأة كتشوف فيها بآسى وحزن خلاتها حتى تهدآت ونطقات:هادا امبوسيبل يكون اب جومونفو من بحال هادوو سي بزااغ والله ..سي فغي كيجيو عندنا دي كا ديال لاغتصاب ومن طرف لأباء ومن داخل العائلات
مي اوسي كاينين دي كا ديال لأباء كيبكيو على ولادهم ويطلبو عل قبلهم ..قلتي كيتعامل مع ولادو لخرين مزيان؟
🍁لِمَاذَا أَنَا؟🍁
قصص و روايات مدونة عبير
🍀البارت:16🍀
صعيب الطفل يعيش حياة بائسة مكتوفرش فيها الشروط الصحيحة للعيش السليم
الا وهي بالدرجة لأولى كتجسد في حنان...عطف.....إشتياق...محبة لأبناء
عاد من بعد كيجيو الشروط المتبقية المتمثلة في الحقوق لأخرى ...المعروفة والمكتوبة في صحف وفي جمعيات حقوق الطفل كذالك........
🍁🍁🍁🍁🍁🍁🍁
عائشة :(حركات راسها وكتمسح في عينيها)اه مزيان كيكسيهم في لأعياد كخرجهم عادي بحال لأباء معرفتش بنتي اش دارت ليه و علاش مرضها لياا قبل لإغتصاب كنت كنحس بيها ماشي عادية وكضارب مع لبنات وكتبغي تبقى بوحدها وتهضر شويا معايا صافي دابا تحرمت حتى من صوتها ولات تخاف بزااف كنلبسها حوايجها بصعوبة
المرأة:تراكم عليها ضغوطات وهي في سن حساس هو لخلاها تزيد تمرض والصدمة لعاشتها في لاخير هي كيف كنقولو القطرة لفيضات الكاس خاصها تنعرض على طبيب نفسي...وان شاء الله يكون خير ونشوفو الهضرة هاديك الساعا مي غالبا غادي يكون لمشكل نفسي هو لخلاها تفقد قدرة على الكلام.غدا ان شاء الله مع 14:00 جي غادي يكون طبيب ونتمناو خير
عائشة :الله يجازيك بالخير (حدرات عينيها)والفلوس...
المرأة:(قاطعتها) مجاناا
عائشة:شكراا بزااف
فيقات عبير كترمش بعوينات اللوز وشفرانها السود الكثيفين تكسلات وقفات شافت في المرأة لتبسمات ليها بود :صباح الخير
بقات كتشوف فيها حتى شدات ليها عائشة بيديها وودعات المرأة
لردت:تهلاي فيها ماشاء الله غزالة الله يحفظها ليك
بتاسمات ليها وخرجات راجعة ادراجها في طريق على
رجليهاااا مسافة طويلة وزادت طوالت موصلات قدام لباب حتى دارت ساعتين في الطريق والعيا سيطر عليها وصلات سخفانة أما عبير خلاص واخا وقفو كيستراحو ولكن مكفاش
طلعات كتعكز غير دخلو تلاحو على سداري .....رتاحت عائشة خلات عبير متكية كتفرج في التلفازة وتوجهات الكوزينة تصايب الغداا كتفكر في بنتها و في المدرسة لغادي ضيع ليها وهي كانت من المتفوقين.......
.داز يوم وجات العشية كطل من الشرجم كتسنا قدوم مصطفى لفلوس لعطاها سالاو ليها وهي محتاجا خصوصا في هاد الفترة الحساسة ...بقات كطل حتى بان ليها جاي داخل مشات تحل لباب بزربة مخليا عبير مقابلة تلفازة ..
حلات لباب شافتو..هز راسو وبدا ينكنك نادات عليه خنزر فيها:اش بغيتي تاني مسينا على الله
عائشة منزلة راسها:خاصني فلوس على قبل لبنت..
مصطفى خرج عينيه فيها:ياك يالاه خديتي ورقة لبارح
عائشة:دوزت ليها بيها
مصطفى:(قاطعها)عومي بحرك مع بنتك فوتيني عليك هاد الساعة
طلع خلاها كمشات يديها في بيجامتها البالية وسدات لباب... وقفات وراه ودمعة محبوسة في عينيها ....
جا صباح بعد ليلة طعمها مر
كيف كل صباح داز على عائشة تصايب الفطور وتقاد الدار رغم اتاتها البالي الا نقية وريحة جافيل وصانيكروا كتعطعط من باب الدار .......وصلات 12قادات بنتها وظفرات ليها شعرها لأسود لامع لبساتها تشورط وسروال باهتين من كثرة التصبين لبسات جلابتها وخرجات شادة الطريق الطويلة ........
🍁لِمَاذَا أَنَا؟🍁
روايات عربية و روايات عالمية مع مدونة عبير
🍀البارت:17🍀
وصلت بعد حوالي 2 ساعات
عبير كتاكل في طرف الخبز وسطو بيض كانت هازاه معاها تحسباا تعطل
...دخلو في اتجاه نفس المكتب لقاو نفس السيدة استقبلاتها ببسمة وتوجهات بيهم غرفة الخاصة لطبيب النفسي ....
استقبلهم الطبيب لفي عمر الثلاتينات ببسمة على محياه
عائشة جلسات وخلات الطبيب يقرب بخطاه وهو عارف مشكل ككل ..وقف حدا عبير لواقفة حادرة راسها في صمت نزل لمستواها بغا يحط عليها يديه وهي تهرب منو وبدات كتنين ناضت عندها عائشة كطمئن فيها ..............................
داز لوقت كانت عبير كتسمع هضرت الطبيب لكمدح فيها وفي جمالها رفع ليها معنويات وكيبين ليها لمستقبل بصورة وردية.. حتى سهات وبدات كتبسم و معالم وجهها بدات تطلق ....... فرحت عائشة لكتشوف بنتها كتبسم لأول مرة من بعد لليلة لمشؤومة ماتعطيها لحد ...استمرت السيونص على هاداك النحو حتى خرجو وعبير هازا معاها
شوكولا كتبنن فيها ...................................
🌺 مرت سنوات وبضبط🌺
16سنة
جايا من لافاك ببلوزتها المفتوحة البيضاء لعاطياها وقار شعرها منسادل على ضهرها لكيلمع بالسواده كترتدي تحت البلوز سروال أسود وتشورط أبيض هازا صاكها بزز.....تعب كيكسو معالم وجها لمزال كتميز ويجذب بنظرة البرائة خدات من لجمال مايكفيها .....طول وعرض وعيون وكل .......
حلات الباب ودخلات السفلي لقات خوتها عمر وطه لفي سن الحادي والعشرون
مشادين مع بعضياتهم بحال ديما سلمات عليهم وضحكات معاهم نظرا لعلاقتهم الجميلة لرغم محاولة فاطمة لكتعمرهم عليها لا هما لا أميمة ولكن هما خيبو ضنها كعزو عبير بزااف .. و يحنو فيها
طلعات الطابق الاول محل سكناهم هي و لام ديالها الاب كيجي عندهم يطل عليهم ويتقضا تقدية لأسبوع برغم كونه تبدل شيء ماا..... خصوصا كان دازت عليه واحد المرضة فتح على المرارة مبقاش كيضرب عائشة كيعطي لمصروف ولي حتاجو وكخرج من باب واسع .....
حلات الباب لقات الام ديالها كتصلي مشات غسلت و بدلات حوايجها ب بيجامة بيتية وردية اللون جمعات شعرها كعكة وتاجهات الكوزينة لمحلولة و قدامها بيت مفتوح صغير ديال الاكل فتحات الطاجين لقات فيه جلبانة و القوق ماموكولش منو عقدات حجبانها و تاجهات الصالون لقات عائشة لمرا لعانات وكلات الدق خلف وراءه مرض الضغط مي وجها سبحان الله منور كتسلم .....مشات باست ليها راسها
عائشة:الله يرضي عليك ابنتي الله ينور طريقك
عبير :ماما علاش تاني ماكليتيش 18:00 دابا علاش كتبقاي تسنايني ديما كنقوليك كولي ونتي والو مكتسمعيش
عائشة:الله ابنتي منقدرش ناكول راسي راك عارفاني و زايدون مادوزش ليا و نتي ماكيناش
عبير :راك عارفاني هادا هو وقتي ديما الا السبت و الاحد حشوما عليك غادي نتخاصم معاك هاد المرة الا ملقيتكش كلتي
عائشة :غادي نحاول وصافي
عبير :مامااا هضرت معاك صحتك هي كلشي و نتي باغا ضيعيها بحال هكا كولي و الا جيت تاني كولي معايا
عائشة واخا ابنتي الله يرضي عليك يالاه سيري سخنيه واجي انا كنتسناك
عبير :(بابتسامة)واخا
مشات شعلات على طاجين و وجدات الخبز قرعة الماء و كاس
🍁لِمَاذَ أَنَا؟🍁
روايات عربية pdf مع مدونة عبير
🍀البارت:18🍀
جابت كلشي فوق الطابلة وكلسو ياكلو و يتجمعو مع بعضياتهم
لام عندها غير بنتها لتحط عليها الراس لاراجل مسخن كتافها لا ولاد معمرين عليها من غير حنينتها كيفما كتقول و البنت; كذالك و مثال عندها غير الام ديالها .....لاب عندها من غير المعيشة لممخصهمش منها وفلوس قرايتها مكدورش بساحتو و مكتهدرش معاه ومكهضرهاش.....
جمعات عبير الطابلة وجلسات حدا الأم ديالها كتعاود ليها على يومها الممتع واخا متعب ابتداءا من طاكسي و الطوبيس الى الاستاد لمخرجها منهم ممخليهمش يحكو راسهم.............
🌻🌻🌻🌻🌻🌻🌻🌻🌻
داز الوقت
في الطابق التاني
فاطمة رفقة بنتها اميمة البالغة من العمر 18 سنة جالسين على براد اتاي
فاطمة :خوتك مشفتهمش
اميمة :(كتفرج في التلفاز) نو ماشفتهمش
فاطمة :غادي يكونو تاني مجمعين مع هاديك بنت باك
اميمة(قلبات عينيها):نو حيت بانتلي يالاه جات غير دابا شويا وهما من لغدا مابقاو بانو
فاطمة :(كدور في راسها) اممم يالاه جات ..ظلام الحال
و يالاه جات قالك يالالة كشكرها الحي كولو بنت عائشة زين و ترابي لمربي غادي يدخل معا هاد الوقت و لكن موباها لمضصرها كون سمع مني كون كلسها من القرايا شحاااال هادي
اميمة :شفتي هي غادي تجلس ليه كتموت بنت الحرام على شي حاجة سميتها الكواغط تقولي سيدة مفطومة عليهم
فاطمة :كون سمع مني كون حيد عليها المصروف و تشوفي هاديك الساعا واش غادي تجلس و لا لا
اميمة(ربعات رجليها):انا كون عليا يصيفطها لشي قرينا كاحلا تقرا فيها و لا تشوف اش دير فيها لموهيم تخرج من هاد الدار
فاطمة :نتي بغيتيها غير تخرج من دار حالها ساهل نضبرو ليها على شي كوفرا يهزها علينا من هنا و تبقا غير هاديك مسيكينة ديال عائشة حالها ساهل
اميمة :(بصدمة)شنو ؟مفهمتش زعما تزوج
فاطمة :(بابتسامة مستفزة)امممممممم
اميمة:وتبغي زعما ياك هاداك نهار قالك بابا جا خطب فيها استاد دليسي لي حدانا و مابغاتش انا كون جا ليا كن من الدقة اللولة نقبل عرفتي شنو هوا استاد
🍁لِمَاذَا أَنَا؟🍁
🍀البارت:20🍀
حط القفة في الكوزينة لجات مقابلا مع بيت الجلوس حيد صباطو بنترة و دخل البيت لقا اميمة مربعة يديها كتفرج
شافتو ناضت باست ليه يديه
محمد:الله يرضي عليك ابنتي سيري عند مك قادي معاها التقدية
اميمة :واخا ابابا جبتي لي شوكولا لقلت ليك ؟
محمد :جبتو جبتو غير وكان مطيحيش فيه كولو كل مرة شويا
اميمة حركات راسها و مشات
تجبد فوق سداري يرتاح من تمارة ديال النهاار......
دخلت فاطمة هازة براد اتاي من بعد ماعاودات عمرات واحد اخر و حطات معاه كاع لكيخص الكوتي خلاتو ناض يغسل يديه باش ياكل و مشات لكوزينة كتوجد في العشا
حتى دخلو عمر و طه لصوتهم مسموع قبلهم
طه :ديال شكلاط لبغيت
عمر:ولا اصاحبي ماشي هاداك لبغيت
طه :الا بغيتي ديال شوكلاط شريه راسك ماشي نتفاوبر عليك و تبدا تشرط
عمر:صافي خرجتي العيب يخخخ منك و باقي ندير معاك شي بليزير
خادها وخلاه واقف حدا الباب
طه :الا تنفختي اراه ماشي تاخدو. .... بف على بشار لسمعو دار هاد الفضيحة يقول سيد غير غادي يلوحها
سد الباب وتبع خوه لقا مو في الكوزينة هي وخوه
فاطمة:على السلامة فين كنتو اش هاد سويقة دايرين لي حدا الباب زعما راكم بعقلكم
حسام:سمعتيني الوالدة اش قلت راه هو لجبد الصداع شوفي قتليه عطيني بولو ديال شوكولا عاطيني الغوز و لات سميتي فاتي
فاطمة:ومالها فاتي كيجاتك براهش ياك قلت ليكم ديرو عقلكم ناس معرفت فين و صلات و هادو مضاربين على كلاص راه عندكم 21ماشي 11عام الله يغصبكم سيرو دركو عليا وجهكم
مشاو كينكرو بحال مهضرتش معاهم عايشين عاالمهم
راسهم مامسوقينش يتقال ليتقال عليهم يدخل من الودن و يخرج من الودن لخرا
🌻🌻🌻🌻🌻🌻🌻🌻🌻
..داز الليل و جا الصباح لمشا الخدمتو مشا و لخرج يقدي شغل مشا و لمشا لقرايتو مشا هادي هي الدنيا ماكين غير جري عليا نجري عليك
عبير جالسة في لومفي وكتهضر مع الكليكة ديالها سارة عبد الصمد و فؤاد و يحي لمستغلين
لبروف مزال مادخل
عبد الصمد :(شاب دو بنية متوسطة سمر و شعرو كحل )اش بان ليكم نتجمعو في الويكاند بحال لكنا نمشيو عند واحد فينا
منها نراجعو منها نفوجو بيناتنا
فؤاد:(شاب طويل و ابيض دو عيون بنية ) فكرة زوينة جاتني
يحي:(لقراي ديال اونصومبل اي حاجة تحط فيها يفينيها شاب طويل رقيق دو بشرة بيضاء)اوكي دير غير الوقت يكون معقول و انا معاكم
سارة:نتشاور مع الدار و انا معاكم ولكن عندمن غادي نمشيو ؟
عبد الصمد :اجيو عندي انا نعلم الوليدة نيت مديرش كسكسو الجمعة باش نديروه الاحد عبير معانا ياك
عبير :(بابتسامة حيدات شعر على عينيها )امم اوكي نقولها لماما
👀👀👀
🍁لِمَاذَا أَنَا؟🍁
🍀البارت:21🍀
عبد الصمد :وعليه الخوت ها البروف دخل
دازت سيونص لولة ودازت ختها وداز نهار عند عبير لاشيء جديد غير الدراسة و وقت الغداء يتجمعو مع الكليكة تاخد شي حاجة من بيفيت و لا تجيب معاها وصلات 18:00 كيف ديما و خرجات وتوجهات المواصلات بحال ديما من طاكسي الطوبيس
وصلات و اخيرا عيانة بحال ديما راسها تشعكك ليها سباطها تغبر حوايجها تكمشو بحال كانت في الحرب
دخلات الدار و توجعهات الطابق ديالهم قبل توصل تصادفات
مع لاب ديالها نازل من طابق التاني بحال شي جار ديالهم
داز من حداها بحالا ماشافهاش مهضرهاش و مكلماتوش عطاتو نظرة عابرة و حلت الباب و سداتو و تكات عليه نزلات دمعة من عينيها حتى سمعت صوت عائشة
عائشة :بنتي على السلامة
مسحات عبير عينيها و دخلات عندها
عبير:(بابتسامة)الفنون صافا ؟
عائشة :لباس ابنتي و نتي لباس واخا يابنيتي كتباني حالتك تشقلبتي مشيتي في شكل وجيتي في شكل
عبير:(باست ليها يديها)انا بخير غير عيت مع طرونسبور راك عارفة.. تغديتي ياك ؟
عائشة:كليت لقديت عليه
عبير: اممم باينة بغيتي تقولبيني انشوف اش درتي
مشات لكوزينة توجهات الكوكوط حلاتها لقات ريحة المرقة بالبطاطا و زيتون
عبير : الله يعطيك الصحة ريحة ياسلااام يالاه انا غنبدل و نجي نحط لينا نتونسو
عائشة :انا غادي نديرها تسخن غير قادي حالتك
مشات بدلات ب بيجامة جمعات شعرها و دخلات الطواليط غسلات وجهااا و عنقها شافت في المرايا مزيان نظراات تاقبة عميقة و كئيبة مكتبغيش تبين لام ديالها ولا تشوشها عليها
نظرا لأزمة لمرت بيها في سن الطفولةوخلات لام ديالها غادي تسطا...... لكن ملي كتبقى راسها كيبان هاداك النقص
نقص في الحنان واخا الام ديالها موفرا ليه كلشي حنان مضاعف
ولكن ضروري البنت كتبغي احساس ديال الاب يكون بجنبها راجل تحط عليه راس و تفتاخر بيه و تقول هادا ابي هادا قدوتي في الحياة
هادا لموفر لي كلشي
لشافها يقول هادي ماخاصها ولو عندها ام حنينة عندها اب موفر ليها كولشي لبغات كتقرا الطب اصعب تخصص ماشي من ساهل دخل ليه خاص يكون لواحد سيدي و مولاي زوينة و حبابة وبريئة وكدخل الخاطر بسرعة فتاة كاملة مكمولة الكمال ل الله سبحانه ولكن نقص الاب هو لمضيم عليها حياتها
لسمعها قالت هادشي يقول غير دايخة ياك موفر ليها كولشي اش بغاتو ولكن احساس بجنبك راجل وهاد الراجل هو لكيكون في حياة اي بنت قدوتها الا حلمات حلمة خايبة تمشي تجري عندو
طيح ينوضها
محيد عليهم الظلم
لا هي لا امها يوقف في جنبها و يحارب الدنيا على قبلها هادا هو الاب الحقيقي
🍁لِمَاذَا أَنَا؟🍁
🍀البارت:22🍀
عاودات غسلات وجها وشافت في مرأة شافت نظرات راجل لغتاصبها وهي تبدا تخوي في لما على وجها بشكل هستيري ولات كتنهج طلعات راسها في المرايا مسحات وجها و طلقات شعرها و عاودت جمعاتو و خرجات ..
رغم مرور سنين رغم مساعدة طبية للقاتها رغم دعم لأم ليها حتى قدرات تكلم بعد مرور سنتين بالضبط ورجعات كتهضر مع لأم ديالها وتشقا معاها ورجعات لقرايتها لا وأن واحد الجهة كتشوفها غير هي ملي تكون راسها جهة سوداء خاصة ب لأب وجهة أخرى لإغتصاب لرغم مهدأت مقدراتش تمحي داكشي لعاشتو ب في مرة ضروري كيبقا ولو شتات صغير ...
توجهات الكوزينة لقات لأم حطات في البيت لأكل.. جلسات كالت وتعاودات هي و عائشة....... علماتها انها في الويكاند عندها خرجة بحال ديما مع الكليكة لتايقة فيهم و حاسباهم ولادها ونعم لأصدقاء
🍃🍃🍃🍃🍃🍃
وَ يَحْدُت أَنْ تَلِدَ لَكَ الدنْياَ إِخْوَة لَيْسَ مِنْ دَمّك وَلا َمِنْ أُمك وَلاَ مِن أَبُوك تَجْمَعُكُمْ صَدَاقَة ،هَم واَحِد ،طُمُوح وَاحِد وَ سَاعَة تُسمَى سَاعَة مُبَاركة
ياسمين اكرام
🍃🍃🍃🍃🍃
مشات الصالون بريبارات داكشي لعندها الغد ليه و تسرحات
حدا لام ديالها .. بقات ساهية شحااال عاد نعسات
🌻🌻🌻🌻🌻🌻🌻🌻🌻
;في الطابق التاني
مع 21:00
فاطمة في الكوزينة كتوجد العشا و معاها بنتها اميمة واقفة حداها
اميمة :اش درتي اماما في موضوع عوباير
فاطمة :(حطات المغرف و دارت عند بنتها )غير سوكتي مزال مجبدت معاه الموضوع راك عارفة جا باك البارح عيان كيف تعشا نعس و صباح راه ناض مشى الخدمة ايمتا غادي نهضر معاه في الحلم مثلا
اميمة :هضري معاه اليوم مقلتيش لي حاطا عينيك على شي واحد
فاطمة:(بابتسامة )ضروري كاين ولد ختي
اميمة :(بصدمة )متقوليش لي حاتم لا لا ماممتيقاااش ههههههععع عوباير و حاتم متقوليهاش حتى بضحك
فاطمة :(بنرفزة)ومالوو حاتم كيجاك
اميمة:هههه كالويل هاداك لمعندو لا خدمة لاردمة جالس نهار كولو و هو في راس الدرب حاضي غير البنات اما هاديك ههههه شعكاكة خلااص القمل داير فرقة فيهااا
فاطمة:هاي هاي على عظيم طيو تحل ليك الفم وليتي تعايري في حاتم
سيري قبل مانركلك شي ركلة
نتي تصحابي راسك مسكدة يابنيتي سيري سيري
مشات اميمة كتنكر و خلات فاطمة كتقاد العشا و كتفكر الدخلة الصحيحة لخاص دخل مصطفى باش يقبل ليها
حاتم
🍁لِمَاذَا أَنَا؟🍁
🍀البارت:23🍀
داز الوقت دخل مصطفى بعدما كان في القهوة
دخل ديريكت البيت نعاس تبعاتو فاطمة كتجري بعدما رشات عليها ريحة خازناها في بلاكار ديال الكوزينا لاوقات صعبة بحال هادي ملي ميكون عندها كدير دخل البيت نعاس تحيد منها ريحت الطياب
لقاتو مستلقي على الناموسية مغمض عينيه حاط يديه على راسو
فاطمة :(بتحلوين) سي مصطفى
حل عينيه و كيشوف فيها باستفهام :شنو بغيتي
مشات جلسات حداه هزات ليه يديه بدات كتلعب باصابيع ديالو
فاطمة:سي مصطفى عندي ليك شي كلام خاصني نقولو ليك باش ينقص عليك الحمل زوج عائلات بزاااف عليك زوج قفااات قاصحة ونتا غير راسك مزال حتى الولاد لتحط عليهم راس و يعاونوك مزال كيقراو
مصطفى:تنهد و بقا ساكت
فاطمة:هادشي علاش عندي ليك اقتراح من عينيك
ومت ولادك لكتخمم فيك
وفي حملك لثقيل
شد فيديها وتنهد :شنو هاد الاقتراح امولات الدار
فاطمة :(بابتسامة)كتعرف حاتم ولد ختي فريدة
مصطفى :اه مالو ياكما دار شي كارثة؟
فاطمة:(بتقليقة)
اش عندو مايدير مسكين هادوك لمضاربات لكان ضارب غير كيجبدوه و مع نفسو حارة من دمنا راه عطاهم سواهم اما هو درويش مسكين غير نية وراه لقا خدمة سكيرتي ديال تكوين لحداهم
مصطفى:امم مزيان ينفع راسو و ينفع والديه الله يكمل عليه بالخير
فاطمة :امين يارب وانا اش قلت سيد ملي خدم و سكنة راه فيلا قدها قد الخلا يجريو فيها العوداان قلت نجمعوه ويكمل دينو مسكين
مصطفى:اهه على هو بداه بعدا
فاطمة:(نترات يديها منو و ناضت )
حتى جرها جات جالسة وعاود شد في يديها
مصطفى :غير ضحكت بلا متقلقي مزيان ملي بغا يتزوج الله يهنيه وهادشي اش قربو لاقتراح لبغا تقوليه ليا
فاطمة:(بابتسامة)ايوا راه نتا المعني بلأمر
مصطفى :حرك راسو باستفهام
فاطمة:ماشي نتا عندك عروسة على مزيناتها نخليو لي لينا و نمشيو البراني مايمكنش ناخدو لمنا و فينا
مصطفى:كتهضري على اميمة مزال صغيرة غير خليها
فاطمة:(حركت راسها بلا)كنهضر على عبير حبيبتي الغزالة و الاصل و الزين والقرايا هي لتليق لولد ختي تقاد هي و ياه ومع دار عقلو ولا شهوة منو يجيو كيف قطيب الخزران هكا كيقولو ليها هههه
🍁لِمَاذَا أَنَا؟🍁
روايات عربية pdf مع مدونة عبير
🍀البارت:24🍀
مصطفى:(ناض جلس ونتر يديها بصدمة )
كتضحكي لا.. مايمكنش مايمكنش
فاطمة:علاش غادي نضحك مال حاتم ماشي راجل وزعما انا قلت عبير بحال بنتي لبغيتو ل اميمة غادي نبغيه لعبير كون كانت اميمة هي لكبيرة كون زوجتو ليها و بالفرحات عليا بحاتم الدار الكبيرة والرفقة الطيبة
مصطفى:(تنهد )وايه مقلناش لا عائلة طيبة ولكن راك عارفة البنت مزال كتقرا و غتخرج طبيبة اش قربها لولد ختك
فاطمة :(خرجات عينيها) يااك اسيدي هادشي ولا معيور معيور إلا كنتي كتعاير ولد ختي بحال عايرتيني أنا... ايااااه قالك اش قربو ليها بالفرحااات عليها تلقا راجل في كتافها و تلقى لمن تقول راجلي راه ولاو البنات كيتلاوحو على شماكرية ماحسبك بحال حاتم مافيه تابلية من غير الكارو وشوية الكاله الله يهديه و يحفظو لينا اما راه هو مزيان وكيدير الخير ومنها نيت تبقا غير لالة عائشة تجي تجلس معانا في دار يولي صاير واحد و مونة وحدة يخفاف عليك الحمل ونتونس انا وياها(ربعات يديها ) وزايدون اش عطاتها هاد القرايا لمصدعا لينا بها راسنا تمشي تزوج وتحمد الله انها لقات راجل لقرايا فيها غير ضياع لا لفلوس لا ليها هي لواقفة كعود سبسي تنفخ عليها الطير
مصطفى( تنهد و عطاها بظهرو وخلاها) وقال :حتى نفكر و نرد عليك راه واخا درت ليها لي مايدار لا هي لا مها ولكن كتبقى بنتي، طفي معاك الضو نعس
فاطمة:(عوجات فمها)واخا مايكون غي خاطرك امولا داري ماغاديش تعشا لعشا وجد و كيتسناك ودرت ليك الحريرة الحامضة لكتعجبك
محمد:لهلا يخطيك عليا وخلاص غير طفي الضو و خلي ليا
حقي نفطر به الصباح ان شاء الله
فاطمة:واخا تصبح على خير
محمد رد عليها وسرح كيفكر اش يدير بصح حاتم خايب وصعيب ولكن والديه ولاد الناس ميسورين بأملاكهم وخيرهم عندهم فيلا زوينة في حي كلاس و فيرمة ديال النفس من داكشي اما الشركة ديال باه خلاص ديال التصدير يعني شبعانين لعاقة بهاد المفهوم
بنتو مغادي تلقا حتى مشكيل معاهم ويعوضها على الحرمان لكان حارمها... لي مافاق من داك جوع لدار ليهم حتى مرض عاد ملي صح فرش ليهم ورجع يصير عليهم ......تنهد والقرايا براكا عليها قرات حقها وكتر لهما دير دارها وولادها حسن ماتجيب ليه شي شوها لبنات بلاصتهم هي دار راجلهم
🍁لِمَاذَ أَنَا؟🍁
قصص و روايات مدونة عبير
🍀البارت:25🍀
🌸🌸🌸🍂🍂🍂
ملي كيكون واحد متخلف وعندو العقلية القديمة و لا نقولو العقلية الذكورية.... تبدل الزمان و هو متبدل متشبع بها لأبعد حد ومترسخة ليه في
دمو ماشي غير عقلو كيكون فاق الجهل بدرجااات
شخصية دكتاتورية متسلطة مفعمة بلأ نانية ولاشيء غير لأنا ومن بعدي الطوفان
لاهتمام كاين مي داكشي بالفرزيات اميمة معمرو غوت عليها ولا ضربها عكس عبير ...اميمة كبرات متشبة بيه و هو متشبت بيها لشافو يقول ماشي هو هدا الرجل لاب ديال عبير.... كأنهما شخصيتان مختلفتان تماما شخصية موجبة و الأخرى سالبة
هاد العقلية القديمة كتطبق غير على عبير فقط كيدير ليها مود اأكتيفي غير معا عبير علاش هادشي.. مكاين حتى سباب يخلي لاب يتعامل مع فتاة من عمر صغير الى مرحلة الشباب هاد المعاملة
ويفرق بين اختين كأنها ماشي بنتو
🌸🌸🌸🍂🍂🍂
فاطمة: (كتبنن بالحريرة )امم قربنا قربنا الله يكمل هادشي ونجيب لعجلة ديال عائشة نجلس عليها نوريها القفة لكتمشي مشكلة ومنوعة لها و تاكلها باردا ونخرج فيها لفلوس لكتخصر لبرهوشة في مركوب ولكتوباا هزي كفوفك لسما ابنتي هزي
اميمة:هههههههه مالنا حنا كناكلوها سخوونة
فاطمة :بغيت غير نعرف نتي بنتي ولا عدوتي لقلتها تشقميني محرشك عليا شي حد
اميمة :وانتي لكتجبديني اماما انا راني درويشة
فاطمة: الله يمسخك ابنت كرشي
كملو وناض كلا واحد الموضعو .........
دخلات البيت لقات محمد ناعس طفات الضو و جلست في بلاصتها و هي كتخمم في الخطوة الجاية
🌻🌻🌻🌻🌻🌻🌻
مر الليل بغيمته واصبحت الشمس مشرقة تعلن عن الصباح
فاقت عبير في وقتها المعتاد 6:00 قامت بواجباتها الدنية و الدنيوية و مشات وجدات ليها الفطور لبسات
قبية في رمادي و سروال دجين خلات شعرها مطلوق و كونفيغس غوز قادات وجها داكشي خفيف ظريف مشات باست راس ماماها و توكلات على الله بعد ماهزات صاكها
شدات طريق المعتادة لولفات عليها طيلة 3سنوات
🍁لِمَاذَا أَنَا؟🍁
قصص و روايات مدونة عبير
🍀البارت:26🍀
في الدار الفوق ناض محمد يمشي الخدمتو مع 7:00لقا فاطمة واقفة حسكة موجدة البراد و الحلاوي مسخنة الخبز. وجباني الحريرة و كتسناه تعجب فيها ماموالفاش ليها مولف يمشي الخدمة ويخليها ناعسة كتوجد ليه الفطور فليل و تخليه ليه فوق الطبلة يسخنو ولا ياكلو بارد
فاطمة:صباح النور مولا داري
محمد:صباح الخير المدام وصباااح هو
فاطمة:غسل وبدل حوايجك و اجي تفطر غادي يبرد ليك اتاي و الحريرة
محمد :هي اللولة
غسل بدل حوايجو وجلس كياكل ويهضرو بيناتهم على لاولاد لمابانوش ليه البارح
في حديتهم مبغاتش تجبد ليه موضوع الساعة على بوصبيح
ودعاتو بعدما وصلاتو حتى الباب ......نزل على طابقة عائشة بحال جيران ماشي زوج مكملش حتى نظرة عليه ومشا الخدمتو
🌻🌻🌻🌻🌻🌻🌻🌻🌻
داز النهار و جا ليل
كيفما العادة عبير جات الدار مصخصخة مهلوكة و منتوفة بحال مريشا .....دخلات بدلات حوايجها وغسلات ودارت روتينها المعتاد مع عائشة من بعد الغدا ....غسلات الطباسل هزات الكيت و التيلي و طلعات السطح تبرد شويا و ترتاح في الجو لكاين
واخا الظلام كاين النجوم و القمر و والورود لزارعين فايحة منهم ريحة الورد ....جلسات فوق الكرسي غمضات عينيها بعدما دارت راديو وهي طيح في أنشودة ماهر زين
🍁بارك الله لكما🍁
جمعات يديها و كتمعن في الكلمات و كتقول واش حتى انا
غادي نتزوج وندير عش و يتزوج عليا الراجل ونرجع النقطة الصفر و نولي بحال ماما وندمر وناكل لعصى من عند الراجل و ولادي يسمعوني كنبكي و نغوت باش شي حد يعتقني لا لا لا لاااااا مايمكنش لااا. .. يغتاصبني تاني لااااااااا تكمشات بعدما كنت جالسة بهدوء حيدات لكيت و طفات انشودة و دارت يديها على ودنيها و تكمشات كتشهق و ترعد تغيرات كاغيمون
....... بقات هكاك حتى عرقات كلها ولاو قطرات ديال العرق كتنزل من جبينها وهي كتفكر لحظاات امها كتعنف قدامها و تعاير بأبشع كلام تقشعر له الأبدان
كتفكر كيفاش كانت ساذجة ودخلات لحانوت برجليها باش تغتاصب..... كتأنب راسها وتقول كون غير مخرجتش من دار وبقيت نطل غير من الشرجم كون موقعش هادشي.........................
🍁لِمَاذَا أَنَا🍁
🍀البارت:27🍀
كتفكر كيفاش كانت ساذجة ودخلات لحانوت برجليها باش تغتاصب كتأنب راسها وتقول كون غير مخرجتش من دار وبقيت نطل غير من الشرجم كون موقعش هادشي.........
كتفكر نهار لجاو عندهم خواتات فاطمة مع ولادهم وهي طفلة 5 سنوات بغات تخرج تلعب معاهم قدام الباب و منعها ملي حصلها وبقات متبعاهم بيأس ....حتى جا جرها دخلها الكوزينة وحركها في رجليها لاطراس مزال لدابا واخا دازو عليها سنين ....باش متعتبش باب دار بلا خبارو شي نهار
كتفكر نهار شرا لعبة لعمر و طه في عيشورا و خلاها هي بلاش بقات تشووف فيهم ودمع كانت بغات مونيكة كتشطح طلباتو عليها عواشر كولها و مشراهاش ليها واخا شرا ولادو لخرين حتى من اميمة شرا ليها
كتفكر و تفكر أيامها السوداء مع أب متسلط صارم لأبعد حدود ومعامن مع فلذة كبدو بنتو
واخا حسات بيه تبدل بعض الشيء في لأواخر ملي دازت عليه في لمرض .. الفلوس ولات تاخدهم... لبغاتها ياخدها ليها مابقاش كقرب لماماها...ولكن هل هدا شيء يكفي لمكافئة أم صبورة مكلومة وبنت تعاني من الجفاف العاطفي لأبوي المحض مع معاناتها من جائحة وطيف لإغتصاب؟
عياات بالبكا وسكتات كتشهق شهقات صغار دليل انها معندهاش الجهد
مسحات عينيها و جبهتها من القطرات تنفسات شهيق زفير حتى تهدنت شيء ما و ناضت كطل من السطح كتشوف باقي الحي على أضواء القمر و اضوية ديال الزنقة تنفسات بعمق و هزات تيلي و نزلات..
مرت على الطابق التاني بقات كتشوف شوفاات ممفهومينش فيه لبضع دقائق و نزلات كتجري حلات الباب و دخلات تنفسات بعمق مشات غسلات وجها ....
دخلات عند لام ديالها باست ليها راسها و يديها و نعسات
صبح الصبح الجمعة صبحات كيف العادة عبير مقادة بتيشورط ابيض خشاتو في السروال اسود و شوميز محلول ببوردو طلقات شعرها كيف العادة و مشات الجامعة بعدما قدات روتينها
دوزات نهار بحال ديما نهار طويل و حامل في طياتو التعب واخا كتنسي مع الكليكة لمفروحة ديالها... حتى رجعت بحال ديما مهلوكة طلعات لدار وإذا بها كتفاجئ ..............................
🍁لِمَاذَا أَنَا؟🍁
روايات عربية pdf مع مدونة عبير
🍀البارت:28🍀
دخلات الدار و إذا بها كتفاجئء بسماع صوت والدها كيتحاور بقمة الهدوء مع عائشة.. حطات الساروت وحيدات سبرديلة ودخلات عليهم... تلفتو كيشوفو فيها...بسرعة وقف لأب و توجه عندها شدها من كتفها وكيمشيها في اتجاه السداري.. تلفتت تشوف في يديه لتحطات عليها.. تشوف واش بصح و لا كتحلم ....حلات شوية فمها و بقات ساكتة حتى جلسها و جلس جنبها وبقا شاد من كتفها مطلقهااش.. تصدماات كيفاش يالاه تلاقات بيه في دروج كيفاش حتى تبدل اسبحان الله
التازمات الصمت و كذالك لأب و لأم منطقوش بحتى كلمة من غير نظرة لأم لكتبان عليها لاستياء لدرجة وجهها الوردي اصبح أصفر باهت
استغرق الصمت لمدة
سرح لاب حلقو و نطق بصوت خالي من لإحساس: لباس عليك اعبير
تلفتات بقات تشوفيه لثواني :امم لباس نتا لباس عليك
مصطفى:بخير ابنتي ايوا كيف غادا مع الدراسة
عبير :امم مزيان
مصطفى:لمهيم جيت اليوم كيفما قلت لعائشة باش نطرق واحد المسمار باش انا نهنا و نتي تهناي
تلفتات ليه مخرجة عينيها :كيفاش مسمار
مصطفى:احمم احم كحح كحح لموهيم عارفة الوالدين مكيهناو على ولادهم الا و هما دايرين ديورهم ووليدااتهم بيناتهم اما القرايا جبل مكتقدااش شحال ابنتي ونتي تقراي حسبي شحال من عام ضحيت معاك وعطيتك من دم جوفي باش تقراي والحمد الله هانتي قريتي حتا لهنا والسلام وعليكم قريتي توعيتي الله يجعل البركة
عبير:(كترعد وعينيها بدات كدمع )ك ي ف اش نع ام قرايتي علاش واش مبقيتيش بغيتي تعطيني فلوس طرونسبور و ليبوليكوب بلااش انا نخدم ونكمل باشما عطا الله
مصطفى:(بصرامة)معنديش لبنات لخدمو كتسمعي درت ليك الخاطر ورضيتك بزاااف دابا جا الوقت فين تجمعي راسك وديري ولادك
وصلات النقطة لفيضات الكاس النقطة السوداء الا وهي الزواج نطقات باعلى صوت عندها بلا ماتشعر و لا تحس :الاااااااااا زواج سمعتي اي حاجة نتقبلهاااااااااا منك اي حاجة الا الزوااااج لا لا لا لا لا كتسمع كتسمع كتسمع
ولات كولها كترجف مبقاتش قدرة توقف في بلاصة وحدة كتحرك بشكل ملفت .....عائشة وقفت كترعد خايفة عليها
عائشة :(بالدموع) بنتي كبيدتي تهدني صافي غير تهدني مايكون غير خاطرك
فينما كتقرب ليها عبير كتبعد مبقاتش عارفة فين هيا و فين وشكون معاها تتغوت باعلى صوت حتى نزلات فاطمة و اميمة لقاو الباب مفتوح دخلو كيشوفو المنظر لجامي شافوه سيغتو من عبير للهدوء مكتاسي شخصيتها
مصطفى:كلامي قلتو الجامعة ضربي عليها صافي قريتي حقك و بزايد من دابا الفوق غادي تبتي و تحصني في الدار حتى تزوجي في أقرب و قت
عبير:(كترجف)و ل كن علاش علاششش يوقع لي هكا اش درت انا اش درت اش درت قولو لي اش درت
مسحات دموعها و تنفسات بعمق و تقابلات مع محمد كتنهج وصاحت باعلى الصوت تسمع في الحي
مصطفى علااااااااش دير لي هاكا علاااااش اش درت ليك اش درت في ملك الله حتى نتجازا هاكااا مبغينيش تقلت عليكك جري عليا و لا بلاش نمشي انا و ميمتي و نخليوك و لكن و لكن و لكن (هزات صبعها ) زواااااااج و القراااايا مايمكنش ميمكنش
🌺🌺🌺🌺🌺🌺🌺
إن الضغط يولد لإنفجار
مقولا سمعناها مرااراا و تكرااارااا
فكيف لوردة ان تنفجر وهي مفعمة بالحياة.. روح والرائحة الزكية ذات مظهر ينعش المكتئب و ينسي الهموم
فكيف لوردة ان تنفجر و هي رمز النقاء و الصفاء إلا إذا... لم نعتني بها كفاية ..لم نعطها وقتا كي تزهر ..كي تتأقلم... نقطفها دون نضجها أو بعد نضجها
🌺🌺🌺🌺🌺🌺🌺🌺
🍁لِمَاذَا أَنَا؟🍁
قصص و روايا مدونة عبير
🍀البارت29:🍀
مصطفى:(شد ليها من صبعها حتى تسمع أنين دليل على ألمها )صبعك مزال يتهز عليا نكرضو كتسمعي و صوتك يعلى علياا قرجوطك نجبدها ونقطعها كتفهمي القاريا الواعيا كلمتي قلتها ونعاودها القرايا خديت حقك و حق ختك كاع زواج هو مصيرك كوني اكيدة لكلام ديال تمشي نتي ومك نسايه حتى منكونش سميتي "مصطفى معروف" عاد ديريه دار باك مغاديش تخرجي منها
إلا و نتي عرووس دخلي هضرتي الودنيك وحاولي تجاوزي هضرتي وشوفي اش غيوقع ليك لانت لا مك
عبير بصوت منغنغ :علاش كدير هادشي واخا تكون جايبني من الخيرية مديرش لي هادشي واخا نكون معرفت اش درت و انا عارفا راسي مدايرا والو والو معمرني درت شي تصرف يجرحك باش دير لي هكا حرام عليك حرام
بقات تغوت حتى تجرحت ليها الحنجرة ديالها مابقاتش قدرت تزيد حتى حرف طاحت جلست على ركابيها حدا رجليه ..هزات راسها كتشوف فيه نظرات عتااب ....و ألم
تخطاها وعطاها بظهر وتمشاا
وقال :نتي مادرتي والو ولكن مك داااارت ابنتي دارت و لسوء حظك نتي بنتها درت معاك لازم و الواجب و كبرتك وصلتك الله يجعل البركة
عبير:كيفااااش ماما..ماما حسن منها مكاينش ....كاع الحي عارفها ويشهد عليها كيف عاملة
مصطفى:انا غير قلت ليك الله يهنيك و و جدي لعرسك راه قريب
مشا و خلاها فاشلة ودمعة عاودت نزلت ليها ناضت وقفات كترعد ومصدومة
عائشة :(كتبكي)بنتي تهدني رخفي على راسك
عبير:شفتي اش مزاال كيدير لي تقول انا ماشي بنتو مكفاهش عذبني ملي كنت صغيرة ونغص عليا عيشتي ولا دابا باغي يحرمني من الحاجة لواحدة لفرحاني و مخليا ليا امل في الحياة قرايتي الحنينة قرايتي (كدور في راسها و تمسح الدموع)لا مايمكنش منقدرش لا مايمكنش
(كتضحك و كتبكي في نفس الوقت )ههه تصوري باغي يزوجني امي يزوجني واخا نعرف نموت و منتزوجش و هو باغي يزوجني زواجج اسوء حاجة ممكن توقع لي في هاد الدنيا هههههههه لا لااا
كتنتف في راسها وضرب في صدرها وكملاتها ملي بدات كتقمش في وجهاااا مع عندها الظفار كيبان ليك الدم خرج يجري ناضت مها كترعد عندها كتبوس ليها راسها و تحيد ليها يديها من وجها
عائشة :(بدموع) عفا بنتي لاماهداي عفا كبدتي متمحنينش عفا بنتي راك نتي لعندي نتي لواقفا جنبي ومسخنا ليا كتافي
ملي سمعات صوت لأم ديالها وهي كتقول كلام دخل ليها معا لعروق عاد فاقت وبدات تمسح في الدموع و تجمع شعرها
عائشة كتدوز يديها على واحد جهة مقموشة بيديها :تهدني ورتاحي احنينتي راك نوارة حياتي ونتي مانكساب
عبير (كتمسح الدموع):عارفة
عائشة: جيبي ابنتي فرماج نديرو ليك باش تبرا دغيا غير متخرجيش بيه ملي تكون الشمس
داكشي لدارت والحرقة مزااال ليها في قلبها معرفتش علاش غير هي لواقع ليها هكا ..علاش ديما كتعيش هكا.... مكينش في دنيا لفرحها قد ميمتها و قرايتها بغا يحرمها من قرايتها و زايدها يزوجها.. زواج لكتشوفو هو موتها لداز عليها ماشي ساهل كون لها رهبة كبيييرة لزواج الكوابيس لكانت تفيق عليهم وهي صغيرة وتلقا راسها معمرا الفراش مبغاوش يفارقوها واخا دازو سنين مانساتش و مقدراتش تناسا هاداك لألم
🍁لِمَاذَا أَنَا؟🍁
🍀البارت:30🍀
🍁🍁🍁🍁
لماذا أنا؟
سؤال يتبادر لذهن بعد التعب من مشقة الشيء مشقة الحياة
لماذا أنا؟
السنين مرت كسحااب مغيم بغيمة سوداااء اللون و النظرة
لماذا أنا؟
هناك نار مشتعلة في قلبي الذي تعب من ظلم الحياة فهل ستنطفئ يوما او ستبقى لابد؟
🍁🍁🍁🍁
مرت ليلة الجمعة وجاء السبت.. السبت لكتصبح فيه متكيا ولكن اليوم ليس ككل .. السبت مغاير مختلف
حالا عينيها ودموع في جانبهم جامدين منفوخين و لونهم أحمر دليل على عدم نومها الليلة كاملة
حيدات عليها الغطا ومشات الحمام غسلات وتوضات وتوجهات لخالق تصلي وتعاود تصلي وتبكي في سجوود و تدعي الله يخفف عليها وتمر هاد الأزمة على خير
صلات حتى حسات براسها رتاحت لما لا وهي بين يدي الرحمان
قرات ماتيسر من القران وهي علامات التعب والدوخة بدات دير خدمتها
ناضت كتعكز حطات المصحف في مكانو ومشات ترمات على السداري بملابس الصلاة مبقاتش قدرت تنوض الا غير حاولت كتجيها الدوخة و ترجع تكا
فاقت لأم ديالها مع 9:00
اول حاجة شافت هي بنتها لحاطة راسها على الوسادة وعينيها مفتوحين
مشات باستها
عائشة : بنتي باينا عليك ماناعساش ياك هضرنا البارح وقتليك رخفي على راسك
عبير:(بابتسامة)أنا لباس اماما غير رتاحي نتي
عائشة: ابنتي وجهك حالتو و تقولي لي لباس نعسي ليك نعسي
عبير:مقادراش نعس
عائشة:غير حاولي انا غادي ندير ليك كاس اللويزة تريحك شويا
خلاتها طايحا مقدراش تنوض من الفراش مهدودة كاع تركال لتركلات البارح صبح عليها ..غمضات عينيها وحلاتهم وهي كتفكر فهادشي
شربات بعض جغمات من اللويزة ورجعات تكات في محاولة تغمض عينيها وتنسى لهم لتزاد على حالها .......
توجهات لكوزينة كتنهد على زهر والعكس لعند بنتها ردات طاجين يطيب ونقصات عليه ورجعات طلات عليها لقاتها نعسات قادات ليها لغطا وخرجات تقاد الدار وتسيقها ........
قصص و روايات من صميم الواقع المغربي، لنا فيه بعض العبر. و يسرنا أيضا أن نقدم لكم باقة من روايات قصيره، قصص حب قصيرة، قصص حب واقعية، روايات بوليسية، روايه غرام
إرسال تعليق