نقدم لكم الجزء السادس من سلسلة قصة من أنا؟ للكاتبة و المدونة ياسمين إكرام، نتمنى أن تعجبكم السلسلة. سلسلة قصص مغربية بالدارجة، نترككم مع التتمة القصة.
💞حب يتخطى حدود المنطق💞
❤البارت:161❤
تلفتات حفصة شافت في حذيفة لكيشوف في الأرض تبسمات وزادت وسعات ابتسامتها ملي فكرات في الأمر و زاد الأمل لقليل كبر وعطا مساحة أكبر ملي كانت كتملك في الأول .......
هزات عبير عينيها فيه وتنهدات ملي شافتو هز عينيه على الأرض موجه ليها نظرات حنان أكثر ملي سبقو........
نظرات ماشافتهمش إلا من عند راجل واحد في هاد الدنيا ..راجل لحل ليها باب دارو ودخلها جلست وسط عائلتو ..راجل لكلما هي وقفات على نار كيجبدها و ينغمس هو وسطها بلا مايفكر في العواقب ولا يغمض ليه الجفن
نظراتو الحنينة فيها خلات عينيها ميقدروش يزولو من عليه غير مكثرتة بكلام المرأة لسكتات وقلبات الموضوع ملي عرفات مكاينش الولاد ..
غير مكثرتة بالكلام لكيدور في الأرجاء ..كلام ياسين مع الأسمر ولا كلام سارة وفاتن ولا كلام خديجة لتفاهمت مع ام لعريس
انغامسات في نظراتو مفاقت إلا على قرصة تلفتات كتشوف في عائشة لجات جنبها بعدما ناضت المرأة من حداها ملي عرفت السوق خاوي
همسات ليها بين وذنيها بعدما شافت في حفصة وحذيفة لمقابلين معاهم:اش هاد لكلام كيفاش مكتولديش
ببرائة :هي لقالتها نكذبها
صغرات عينيها قلباتهم جيهت حذيفة لكان كحرك راسو لحفصة وهي كتبسم ليه وعاودات شافت في بنتها على قبلو مبغيتيش تزوجي ياكما طايحا معاه
باندهاش شافت في عائشة :شكون هذا
تنهدات:لحاط عليك لعين ولد خديجة
سرطات الغصة و هزات عينيها فيه وإذا بقلبها انقبض عليها ملي شافتو كتبسم ويشوف في حفصة..
قلبات وجهها بانزعاج من الأمر بلا ماتحس.. وشافت في عائشة:سيد مزوج وتانا واحلا مع هذاك جلاخة وزايدون ياك قايلا ليك مكنفكرش في زواج
تنهدات عائشة كتحرك في راسها وتكاحزت من عليها نايضة عند خديجة تجمع معاها خلاتها هي جالسة راسها ومرا بعد مرا عينيها كتمشي جيهتو واخا كتبغي تحبسها ماتقدر..............
تسالات ليلة الخطوبة
ليلة تعارف العائلات..ليلة الوعد بالزواج...ليلة خلفت وراءها جوج أرواح متعاهدين على إكتمال حبهم..حياتهم في الحلال ....
تسالمو العائلات بعدما حددو موعد لعقد القران بعدما توالمو وتصادقو على إكتمال الدين....
كفضات فاتن وسارة ذراعهم مرفوقين بعبير كأنهم كيعيدو الليلة عرس حذيفة ...لكن هل تتكلل وتحمل في طياتها نفس المشاعر ... نفس الأحاسيس أم أن هناك شعور دخيل ..........
ساهية في الكاس لكتدوز عليه الرغوة وتعاود ساهي في نظراتو لكجروها لشبكة ..نظراتو لمابغاوش يغيبو على عينيها حست بالما على وجهها عاد فاقت من غيبوبتها تلفتات شافت في المصدر وهي تلقا سارة ببسمتها وحيويتها المعتادة
هزات عبير بدورها الما رشاتو عليها ا مرددة :رجعتي لعادتك القديمة نسيتي فضيحتك
تبسمات كتغسل في طبسيل:ماتفكرينيش هليني طالع ليا لمورال ...فين سهيتي اعبير كون ماكنعرفك كون نقول سيدة عشقانة
تبسمات وسهات لمدة قصيرة مافاقت إلا على صوت ضجيج جاي من خارج الكوزينة و صوت عائشة كتغوت سمحات في داكشي وتوجهات عينيها خارجين لمصدر الصوت....
💞حب يتخطى حدود المنطق💞
❤البارت:162❤
كانت جالسة عائشة متبعة مع التلفازة حتى حسات بشي حاجة طاحت تلفتات لجهة الصوت كتشوف حفصة مرمية على الأرض معقلات على راسها حتى غوتات ...
صايحة دبت الرعب في قلوب كل من في الدار
دخلات عبير مع لباب حالة فمها وجهها صفر ورغوة لغسيل معمرا يديها ....
زادت حلات فمها ملي شافت وضع حفصة تلفتات لقات لبنات وحذيفة جاي دخلات خلات ليهم منين يدوزو ....
تحنا هزها حطها فوق السداري ومشات سارة بزربا هزات بارفان ديالها ...
دارو ليها على نيفها مدة قصيرة واستيقضت كترمش فيهم
قادات جلستها بمساعدتو شادة على راسها تالفة معارفا اش واقع ليها ...
نطق بعد سكون تام:لباس
حركات راسها باه
رددت خديجة:اش وقع ليك خليتك صحا سلام ابنتي
شادة من راسها:معرفتش اش وقع لي كنت مزيانة حتى دخت وأنا نطيح
سارة:غادي يكون من طونسيو
تبسمات وهزات راسها في عبير لكانت بدورها كتشوف فيها في صمت...
رجعات نظراتها لحذيفة و
رددت بابتسامة:ماشي طونسيو شاكة تكون لحمالة
نطقاتها وبقات مركزة الشوفة فيه باغا تقرا ملامحو ولكن ماتلقات منو إلا الجمود كأنو ماسمع والو ..حركاتو بيديها حتى هز عينيه من الأرض ..صوبهم في الجهة لمقابة فين كانت جاسة عبير لقاعينيها مركزين في حفصة تنهد ورجع شاف في حفصة بتساأل
تبسمات خديجة :إن شاء الله أوليداتي هاديك هي الفرحة....
شافت عائشة في عبير ورجعات شافت فيهم مرددة:الله يسمعكم خبار الخير
ردو عليها حفصة وخديجة أما سارة وفاتن مامسوقينش ...
مخلين جوج قلوب كتشوا على نار مهيلة... وحدا نعمة كانت بين يديها ورفضتها ..وواحد ملي لقا لفرج... تصاب معلق بسلسلة متينة...
متكلم مانطق ولا حرف ..كحرك راسو لخديجة لكتبسم ليه ومشتاقة لبشارة وهو عالم بيه غير الله كيحس براسو زاد تكتيفة على تكتيفة...
شافت عائشة في بنتها وليها غمزات ..حتى ناضت عبير وقلبها كتعصر عليها من الأمر
عائشة :خلينا ليكم الراحة
تلفتات ليها خديجة الإبتسامة مابغاتش تزول من وجهها والله منهنا لامشيتي جلسي مشا لحال فين باغا تمشي
تكلمت عبير بنرفزة :غير خلينا اخالتي معندنا فين نبقاو
قرصاتها عائشة حتى عضت على شفاهااا وهزات ذراعها كتحك في القرصة .....
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
❤البارت:163❤
هزات عينيها في عائشة معصبة لقاتها رجعات جلسات... نفخات محاملاش تزيد هنا دقيقة كتحس بالنفس تخنقات ليها دارت رجل على رجل قادات لكسوة على رجليها ملي تهزات وطلعات عينيها فيه لقاتو كيشوف فيها مربع يديه ومن عينيه باين طالع ليه الدم
طولات فيه الشوفة لمدة وتنهدات قالبة عينيها تشوف في حفصة للفرحة على وجهها بانت وتكللت ....
طالت الجلسة الليلية و عاد حلا الكلام لمالين زمان عائشة وخديجة حطو راس على راس ولكلام الموزون لقا مبتغاه...
ناضو سارة وفاتن يكملو روينة ديال الماعن ...
تاركين عبير ساكتة وساهية معارفاش اش هادشي كيوقع ليها بلمح البصر تغير من لفرح لقرح ...
مرا مرا طلع ليه العين لهو الأخير مكانش قل منها .....
لحظات يتلاقو عينيهم و لحظات يختالفو ...مخلين حفصة كتبتاسم وتبردالفقصة الأيام
السابقة...
ناضت حفصة ملي حسات بالملل موجهة لبيتها ترتاح ..خلاتو متبعها حتى غابت على عينيه وقلبهم ليها ..
لقاها حاطة يديها على خدها وكتشوف في الأرض تنهد وعاود تنهد ..شاف في عائشة وخديجة لقاهم مزال منغامسين في حديثهم ....
حرك يديه باش تشوفيه ...
حتى هزات عينيها ولمعة فيهم
تنهد و حس بشي حاجة بيها حرك ليها راسو بمعنى مالك
هزات كتافها وعليه قلبات عينيها
جناتو بغا ينوض عندها وباشمن صفة يتكلم تنهد وناض لبيتو قاصد....
كرز على يديه وحل لباب كيدور عينيه عليها لقاها ناعسة في سرير ..عض على شفايفو مغدد ومشا جيهتها وقف على راسها لمدة حتا حلات عينيها وطبعاتهم فيه
ردد:اش هادشي
تنهدات قادات جلستها:اش درت اسيدي
تنهد:كيفاش لحمل بلا ماتشاوري معايا
غمضات عينيه وحلاتهم مطلعاهم فيه:مزال مامتأكدة غير قلت
حرك راسو:كتشربي لفانيد كيفاش غادي تحملي
ردت عليه:عادي ماشي ديما كيشد لبيلول ...
قلب عينيه من عليها كيشوف في الشرجم لمدة ...
بقات كتشوف فيه وعلامات الإبتسامة على وجهها
حتى بغا يتلفت عاد سدات فمها حابساها ...
دار بلا مايشوف فيها بغا يخرج حتى وقفاتو مرددة:شفتك مفرحانش
تنهد وتلفت كيشوفيها :تفاهمنا على الموضوع قبل
هزات كتافها :هادشي ديال الله
تنهد ورجع جيهتها باسها على راسها وتلفت بغا يهرج حتى حس بيه جراتو من يديه حتى تلفت ليها وهي تحط شفايفها على شفايفو ...لمدة قصيرة وبعد كيحك في شعرو موجه لباب خلاها متبعاه وكتبسم في صمت .....
دخل الصالون فين كانو مزال الحديث ما بغا يكمل....رما عينيه لقا مكان عبير خاوي شاف في خديجة وعائشة لمزال مكملين على نفس المنوال تم موجه لكوزينة وهو يشوفها خارجة من لحمام وجهها حمر وظاهر عليها البكاء ..
قرب جيهتها وجرها من يديه خشاها في الحمام وسد لباب عاد تلفت جيهتها لقاها حالة فمها بصدمة...
💞حب يتخطى حدود المنطق💞
❤البارت:164❤
💢💢💢💢
شحال صعيب تنفجر من بعد صمودك ..شحال
...صعيب تخر قواك متبقاش قادر تصبر و تزيد على صبرك...في الوقت الغير المناسب وقت...مشا فيه الحال ..تغير الطقس والمناخ .وقت تبدل فيه بزاف الأشياء ...الأشياء مبقاتش مقتصرة غير عليك فقط بل أصبحت عندها يد على البيئة لمحاطة بيك ...
💢💢💢💢
تنثرات من بين يديه وعينيها لملئلئين بالدموع خارجين فيه ..دورات عينيها فيما حولها :اش درتي حيد خليني نخرج
مسح على وجهو ورجع عينيه عليها:علاش لبكا ودموع
نزلات راسها مسحات عينيها :والو علاش غادي نبكي ..دخلات ليا شي حاجة لعيني
تنهد وزاد قرب جيهتها ...
هزات فيه راسها
ورجعات باللور حتى بعدات عليه :اش بغيتي عندي
نتف شعرو وهو كيحس بدمو كيغلي : علاش كتبكي دابا
هزات كتافها وعينيها مزال خارجين:قتليك مكنبكيش حيد خليني نخرج الا شافنا شي حد غادي يفهموها عوجا
خطا خطوة حتى قرب ليها طلعها وينزلها :عجباتك الكسوة للابسة
تنهدات كتحس براسها محتاجة تغوت ليه في وجهو لعلا وعاسا تبرد غير شويا ..
كتمات غضبها كارزة على شفايفها :حيد خليني نمشي بحال منبقاش نعتبها عندكم اش داني نجي اصلاا
تبسم:تسخاي
بابتسامتو كأنو خوا عليه ليصانص مبقاتش كتشعر اش دير كرشات بيديها على صدرو بغا دفعو يحيد باش تدوز ..كان صامد لا يحرك ساكن كيشوف في وجهها لتعصر منو الدم وشعرها لكتحرك معاها في كل حركة شهق على قبشة ناحية عنقو فاق عليها جمع ليها يديها وخنزر فيها حتى كيشوف دموعها دايزين وهي كتنتر مرددة"طلق مني بعد مني طلق "تنهد وزاد قرب ليها خشاه فيه في صدرو ...وهي تبعد من عليه :متقربش ليا بعد مني
تنهد :اش درت انا
كتمسح في دموعها:والو غير عطيني تيقار متبقاش تهضر معاايا
تكا على الحيط مخليه كتاخد النفس لتقجات ليها: كن نقدر منديرش هادشي لكتشوفي
حسات بقلبها رجف عليها ويديها بردو:علاش
تبسم:مزال معرفتيش
تنهدات :مزوج وأنا مزوجة هادشي خايب راك عارف
حك على شعرو :علاش حتى لدابا
حركات راسها بإستفهام
ردد:حسيتي بشي حاجة
رمات عينيها الأرض وهزات كتفها :معرفت والو وماعارفا والو ..خاصني نمشي تهلا في مرتك وولدك ونسا شي حاجة مستحيلة
تنهد كيعض على شفايفو وحل لباب خرج خلاها تلفتات المرايا والدمعة نزلت من عينيها خلاتها وكلمة حفصة كتردد في وذنيها .......
💦💦💦💦
جرحك يملئ قلبي وركوضك خلفيي يزيد من جرحي فكفى جرحااا إني أمية في الحب ..جاهلة تقاسيمه ومعناه ..
أنا الأنثى التي لم تتذوق الحب مند نعومة أظافرها فكيف لها أن تتقبل جرحك هذا وهي مبتدأة في الغرام .....
💦💦💦💦
💞حب يتخطى حدود المنطق💞
❤البارت:165❤
تاجهات لبيت لسمعات فيه اللغا و الكلام لقات بالفعل خديجة كتفرش لعائشة حداها
تبسمات وجلسات كتشوف فيهم كيف منساجمين مع بعض كيف لخواتات ولا معرفة من زماان ...
تلفتات خديجة كتشوف فيها :ياكما نفرش ليك هنا ولاتمشي عند لبنات
ردت عليها:نمشي عند لبنات غير بغيت نزوركم شويا الا قبلتو عليا
تبسمات عائشة وردت عائشة للبسمة مخطاتش فمها:عاد كتقوليها تلفتات عند عائشة :ديما كنقول ليها بحالك بحال لبنات ..
غمضات عائشة عينيها:الله يجازيك بالخير
تنهدات خديجة :كن ياختي مكانتش مزوجة كون هي وحذيفة مزيودا عندهم تربيا ولكن لمكتاب
هزات عينيها في امها لملامح الصدمة اكتاسات وجهها عضات على شفاها بحرج ونزلات عينيها الأرض
خلات عائشة صدمة ظاهرة عليها وعينيها مالئاهم علامات الإستفهام
ردت خديجة وهي كتشوف في عبير:كيبان لي مفيخباركش
حركات عائشة راسها بلا وهزات عينيها في عبير
ردات خديجة بعد سكون :شي عماين دابا باش طلبها لزواج ومكناش عارفين بلي مزوجاا
تنهدات خديجة والتازمات الصمت كتشوف في عبير ......
بعدما حسات بالجو تكهرب ...تبسمات بزز ومسات عليهم خلاتهم يتكاو موجهة لعند لبنات لعرفاتهم غادي يكونو في البيت دخلات كتحك في رقبتها وتلاحت في السرير على فاتن لمكونسونطريا مع كتاب فزعاتها حتى لاحت الكتاب ووسعات ابتسامتها ...
فاتن:(مخنزرة)لخلاتو سارة كمليه ليا نتي متعرفوش تخليو واحد مرتاح شي شوياا
هزات عبير راسها في سارة لمركزة كتدهن شي بغودوي لرجليهاا تبسمات وتكات كتشوف في السقف ساهيا فيه وفي تقاسيم وجهو كيف ولات وهو معصب .. حكات على صدرها لنغزها وتقلبات على جنبها مغمضة عيونها ....مدة وكان السكون من غير طياب العنب لداير مابغا ..........
حلات عبيرعينيها في الظلام الحالك ... تجاوزات صندالتها وحلات لباب بشوياااا باش مايعطي حتى صوت توجهاات لبيت ديالهم كتمشى على صباع رجليها وكتلفت يمين وشمال حطات أذانها على الباب حتى حلات فمها ملي سمعات اههاات
بلا ماتحس حلات لباب ووتحلو معاها عينيها .........كيمارس مع مرتو...ماحاجب الرؤيا الا ليزار ساترهم .جبدات عينيها وبقات واقفة مكانها لمدة محسات براسها الا وهي رامية خطواتها تجاههم
شافتها حفصة و ابتاسمات وزاد علقا يديها على ضهرو فغرات فمهها باستمتاع والشهوة ..طلعاتهم ونزلاتهم عادفة المنظر تنهدات خارجة سادة موراها لباب...
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
❤البارت:166❤
حلات عينيها كتنهج والعرق كيتقطر منها حطات يديها على صدرهااا مخرجة عينيها وكترجف...
دورات عينيها على لبنات لناعسين حالين فمهم نفخات براحة ورجعات تكات حاطة يديها على راسها كتفكر في المشهد وهي تخصر ملامحهاا بإنزعااج .. نعاس حلف مايضور بجفونهاا
بقات كتسنا صباح بأحر من الجمر وهي كتحاول تجنب المنضر لكيثمثل أمامها ...داتها عينيها حتى شرقت الشمش ....
ناضت على صداع سارة وفاتن لمجارين حكات عينيها ووقفات كتلبس في حوايجها مخلياهم مكملين تخاصيمهم ..
ركزو فيها ملي شافوها كتقاد حدا لمرايا ...
رجعو شافو في بعضياتهم ورددت سارة:عبير اش واقع شفتك راحلة على صبيح
شافت فيها من لمرايا :لبراني عقوبتو لمحالو
ردت فاتن:حتى تخليك خديجة تمشي ..
سارة :قوليها ليها
التافتات جيهتهم :عندي لقرايا ولخدمة في لعشيااا
دازت من حداهم حالة لباب موجهة لكوزينة لسمعات فيها التقرقيب ...
دخلات كتبسم كتشوف في خديجة لكتقاد في الكيسان وعائشة لجالسا حداها
رمات الصباح وباست ليهم راسهم
وتوجهات تغسل وجهها ....
غسلات وردات لفوطة لمحلها كتشوف في الهالات لظهرو عليها من قلة النوم ...غمضات عينيها خايفة تغرق في الحلم ..
حلات الباب وكتسمع كلام كثير في الكوزينة دخلات كتدور عينيه على حفصة لإبتسامة ماليا وجهها ونظراتها لحذيفة لواقف حاداها صامد و نظراتو ....دالة على مدى حزنو .......
يالاه بغات ترجع وهي تسمع خديجة منادية عليها بالتبسيمة على وجهها ..الأعين كاع أشارت ليها ..سرطات الغصة وحذرات عينيها عادفة تشوف فيهم بزوج جلسات كتسمع الملاام ...حتى كرزات على يديها وطلعات عينيها فيه ..هو لكان واقف وملي جلست وجلست حدلها حفصة وعينو عليهاا ..نظراتو صبت نحو يديها ..تنهد وحك حاجبو مردد"نخليكم عندي شي خدمة "تم خارج
بلا مايتسنا الرد حتى وقفو صوتها لكالبلسم
"مبرووك عليكم يتربى في عزكم "
تلفت فيها كانت هي الأخيرة كتشوف فيه ...كرز على يديه ودار مكمل طريقووو...
سهات كتسرط لغصة لفطرات بيها على الصباح كانت زربانة باغا تمشي دابا فين هما ركابي لخليوها تزيد ...فيقها من سباته المظلم صوت خديجة:اش قالت ليكم الطبيبة
تبسمات حفصة كتشوف في عبير:مزياان غير خاصني رتاح وناكل مزيان
تنهدات:هادشي لخاصو يكون غير تهلاي في راسك وحفيدي شغل كلو عليا
بتصنع:حشومة اخالتي ويلي ونتي كبرتي
حركات راسها عبير وتبسمات من الكلمة
شافتها حفصة وهي تفغر فمها ناطقة:مالك اختي ضحكينا معاك
هزو كلهم عينيهم في عبير لجمعات فمها وناضت من طابلة مرددة:فرحانة بحملك (شافت في عائشة)نوضي اماما نمشيو عندي حصة دابا
حركات راسها عائشة وناضت كتسلم مخلين حفصة طلع وتنزل فيهم ..وخديجة كتردد"غير فطرو بعدااا"
توادعووو خلا و خديجة نايضةكتشهي في حفصة اش بغات تاكل
💞حب يتخطى حدود المنطق💞
❤البارت:167❤
خرجو في سكون ووصلو لدار في سكوت تام عبير ساهيا في جيهة صباح والليل .. تخلط عليها الأمر ومبقات عارفة اش هاد الشعور الدخيل كتحس بيه...وعائشة ساهيا في الزواج لطاح على راسها وماعندها علم بالأمر
دخلو لدار وعبير تلفتات لعائشة لقاتها ساهيا ..تنهدات عرفات الأمر غادي يكون متهضمش ليها تنهداات وباست ليها على راسها وبدات تقاد في حوايجها في إستعداد لقرايتها...تاركة عائشة كطلع فيها و تنزل حتى وقفات عبير الحركة وتلفتات كتشوف بإستغراب في عائشة من لكلام لقالت........
💎💎💎💎💎💎💎💎💎
جالس في المحل كيدور عينيه يمين شمال والدكة اتاي مرافقاه الحركة عيانة والبيع وشرا ناقص غير كينش الدبان غلى الحوايج وقف عليه صديقو في الحرفة مردد:مصطفى كب واحد دكة أتاي
عمر ليه لكاس ومدو ليه الأخير قاد الكرسي وعليه جلس..كيدور عينيه على الحوايج :تانتا بحالي اصاحبي عندنا لحوايج غير لفن والحركة ميتة ولكن راه صديق لفي راس هو لدارها لينا من نهار حل لمحل ولحركة ميتة
حرك راسو مأيدو:عندك الحق اعلي لقيتيني دنفكر فيها من من نهار بان هذاك بوبريص و الحركة عيانة قول كيبيع الحرير
رد علي بعدما جغم الدكة:صبر وصافي غير هوا(كدور في عينيه على المحل)ااحوايج اصديقي غادي تاكلهم لينا التونيا ....
ساط مغزف امامو..
ردد علي :تا فين وصلتي مع لمرا
تنهد:مصدقاتش لصقها ليا لواليد بزز واخا محملتهاش وبززتها عليا ومعيشها هيا والبنت لمسخوطة ومكندورش بساحتهم وملي لبعلوكة دارت كتاف غادي تكون فتات عليها ري طلاق ...
رد عليه:وطلقها وتهنا منها اش بغيني عندها
حرك راسو:داكشي لغادي ندير من زمان ومانا هازها غير على قبل لوالدين ملي بغات طلاق مرحبتين رتب علي على كتفو:نتا حمد الله غير ملي مابقيتيش في الحبس كنتي غادي تغرق
خنزر فيه :ومالي قتلت روح
يالاه غادي يرد عليه علي وقف عليهم ولد صغير كيجري
هز فيه راسو بتعجب
ردد الطفل بضع كلمات مامفرزينش
خلا مصطفى يوقف حال فمو وتالف معارف اش يدير ..
حتى شدو علي مردد"تبث راسك اصحبي غير سير انا نحضي ليك "......
💞حب يتخطى حدود المنطق💞
❤البارت:168❤
خرج تالف كيتلفت يمين و شمال ..جالس مابيه ماعليه حتى طاح عليه لخبر كصاعقة ..كيفاش وقع ياك خلا لهدوء متمكن من لمكان ....
دور عينيه في الدرب ودخل لدار كيجري.. كان بابها محلول ....لبكا ديال فاطمة مالي المكان ..لقا طه في وجهو مخطوف
ردد وهو كيبحث على مصدر صوت فاطمة:اش واقع مال فاطمة
حدر راسو وعلامات البأس مكتاسيا
وجهو:الكوكوط طارت ليها على وجهها راه كنتسناو في الإسعاف (شاف في ساعتو)تعطلات
بعد من عليه وجهو مصدوم داز فيه مردد:كيفاش وقع ليها
تبعو مردد:معرفتش خرجت كنجري من الخدمة ملي عيطات عليا أميمة ..
شاف فيها بأسف مقرب ناحيتها حاط يديه على يديها ومقادرش يشوف في وجها لمافيه مايتشاف: كيفاش وقع ليك حيدات ليه يديه كتبكي:عتقني عتقني كنتشوط ديوني لسبيطار يعتقوني اش كتسناو
وقف مصطفى وخرج كيردد:ميعولش عليكم لواحد يخ على ولاد كدايرين
دق على الدار لمقابلاا ..خرج راجل كرشو سابقاه حمد الله وشكرو حيت لقاه طلبو وشكا عليه وسيد بلا ما يتردد هز سوارتو وديمارا الطوموبيل مو...ركبوها بالبكا وحالتها تشفي لعدااا كلشي يطل ويقلب على مصدر لخبار ....
سدات أميمة لباب وطلعات كتقلب على تيليفونها لي ملي وقع لوقع لاحتو و مبقات عقلات عليه هزاتو بعدما دورات عينيها على باقي الدنيا كانت كتشطح ..هزات كتفها وتكمشات في السدراري ..حلات لواتس تبسمات من أعداد لمساج للقات ...دخلات ليهم كتقرا وعيونها باللمعة ترسمو
ردا بابتسامة:سمحلي مجوبتكش داغي وقع لماما حريق يالاه مشات لسبيطار....
سيفطاتو شافتو ساد ..ساطت مغزفة ودخلات تشوف صورتو بعيون هايمة وقلب مشتاق .... تالفة على الساعة والنهار لهي فيه...
حتى خرجها من وعيها صوت جوابو دخلات بسرعة لقات كاتب:ماشي مشكيل احبيبة
ابتاسمات على كلمة حبيبة وكتبت بلمعة :ياك لباس عليك خاصك شي حاجة
رد عليها بسرعة:خاصني نتي العمر وواحد 100درهم نقدي بيها شي شغل
تبسمات وسهات كتفكر لمدة قليلة وردت عليه :جاتك لبغيتي ديالك فين نتلاقاو
رد عليها:في بلاصة ديما.......
💞حب يتخطى حدود المنطق💞
❤البارت:168❤
💢💢💢💢
المراهقة الفترة لكتحول فيها الفرد من مرحلة الطفولة إلى مرحلة الشباب ...كتغير فيها الجسد وكتغيرو فيها الأفكار من اللعب و مشاهدة الرسوم إلى الحب... كتغيرو فيها الأحلام ..... من أحلام بريئة إلى أحلام تقدر تبلور على شخص معين...
صحيح كل شخص وكيف كتدوز عندو هاد
الفترة ..الفترة الحرجة.....كاين لكدوز عندو كالنسيم كنسمة برد بل بالعكس يتشبت بالمنطق ويتغلب عن وساويس الشيطان وعن رفقاء السوء كيفنا كاين لكتدوز عندو كالنار الحارقة تهدم المنطق وتتشبت بالمعاصي ويجر معه حتى دويه ....
فترة يجب فيها على الأباء ان يفتحو فيها باب الحوار ويتشبتو أكثر بأولادهم ويدرسوهم من النصائح مايكفي خشية الوقوع في مصيدة المراهقة مصيدة التي تكبل الأيدي والأرجل وكتخلي الشخص ضايع ومايفيق الا بعد مرور أعوام وأعوم .....
ملي كتجر ولدك عندك وترضو رفيق ليك يولي يعاود ليك نتا لضراتو و لفرحاتو تعرف صحابو كيفما تعرف أعداءو كتلعب معاه و كترافقو في جميع أنشطتو كتكسبو وميقدرش يدير الخطوة الا معلمكش بيها بلا مايستحي ولا يخاف
القمع والصداع في الدار وكثرة المشاكيل وصعوبة الحولر كتولد لدى المراهق طاقة سلبية كحتاج يخرجها ...ونل كيلتقي بلأصدقاء السوء لكيشجعو على الرذيلة كيلقى المخرج في نظرو لخفف عليه وهنا فين كنلقاو أكثر الناس تبلاو في سن المراهقة
فأنتبهوو في المرحلة الحساسة للمراهق
💢💢💢💢💢
توجهات لبيت فاطمة ..جبدات الساروت من صدرها وبيه حلات الباب لبلاكار ...طولات يديها وخشاتهم لوسط ...ابتاسمات فور ماجبدات كموسة ...حلاتها ومنها جبدات 100درهم وحتى سداتها وعاودات جبدات 100درهم أخرى ..رجعاتها لمكانها
وهزات حوايجها من جيهتها وخرجات كتقاد ولإبتسامة على ثغرها....
تقادات وتريحات جمعات شعرها كعكة تاركة بعض الشعيرات نازلين على عينيها
سدات لباب وخرجات كتزرب وتيلي في يديها
وقفات في الجردة وعلبه كتقلب ...
حتى شافتو جاي كاسكيط عوجا وسروال مقطع مع تشورط صندالةوتقاشر منصفين ....
تبسمات ووسعات ابتسامتها ملي شاف جيهتها ..تحنى جرها من خصرها وهي لبسمة زادت ولات فبن باسها من شفايفها وبعد خلاها كدور عينيها في لحواليها.....
جلس على الكرسي خلاها تجلس حداه جابدة ل100درهم مسبقاها ليه خداها من عندها :مكاينش منك جوج
ناض باغي يكمل طريقو مخليها حتى وقفات جراتو حتى تلفت:جلس نهضرو زعما شحال ماتلاقينا
تنهد ورجع جلس مسايرها
تبسمات:زعما قلت ناكلو شي حاجة بزوج ولا ندورو اش بان ليك
هز كتافو:معنديش لفلوس...
قاطعاتو:لا لا لا غير كون معايا متخممش لفلوس
حك موسطاجو :واخا يالاه
ناضت كتقاد في حوايجها وشادا ليه من ذراعو فرحانة بيه وكتعنى ييه ....
تنهد وهو وسط ممر السبيطار ..هز عينيه بان ليه الطبيب جاي في اتجاهو قاد الوقفة وتوجه عندو :كيف بقات ادكتور ياك وجهها غادي يرجع كيف كان
تنهد طبيب وشاف في طه لوقف عليهم:عندها حرقة صعيبة وتعطلت بزاااف(قلب عينيهفي مصطفى)خاصها عملية تجميل حنا ماعندنا مانديرو ليهاسمحلي
زاد وخلاهم واقفين حالين فمهم معارفين اش يديرو
رجع طه راسو لخيط وقطع على خوه لصدهو بتعياط باغي يعرف اخير الأخبار كونومقدرش يجي بسبب صعوبة العمل ...
سها كيفكر منين يجيب لفلوس وهو يالاه بادي حياتو عملية تجميل تمنها كثير وخطر حتى عليها غادي تكون تنهد ومسح على وجهو ساهي في الأرض ....كيشوف أفعاال أمو ولمقادرش يتقبلهم ..
💞حب يتخطى حدود المنطق💞
❤البارت:169❤
داز الوقت وفات الفصل الصيف وجا فصل الشتاء مرت 4شهور
اربعة شهور كانت كافية فين يخرج طلاق خديجة وتصبح حرة بحرية العصفور .......
اربعة أشهر كانت كافية تخليها تحول من إمرأة كتسنا العصا والضريب الى مرأة ذاقت السعادة مع فلذة كبدها لممخلياها تحس الى بالفرح ....
عبير و معناه الرائحة الطيبة ربعة أشهر كانت كفيلة تخليها تعرف إحساسها تجاهو ..شوقهاا ليه يوم بعد يوم كتزاد كتففكرو ..وتردد لحظات لعاشتهم معاه طوال فترة مكوثها عندهم ..لحظات تبتاتها ولات كل ماتحط راسها على لمخدة كتشوف اللحظات المليئة بالعاطفة من جيهتو ..كيرتعش قلبها ومايتهدأ حتى تطبطب عليه...
أربعة أشهر كانت غير كافية باش تاخد طلاقها لطالت مدتو بسبب غياب حاتم لكن متشبتة بكلام توفيق لكبشرها بالقريب أفضل .....
واقفة بجانب المرآة لفي الحمام ...قادات شعرها السود رماة يديها لملمع الشفاه ...
دارتو لشفايفها وعليه مطمطات ...حتى تقاد وولا فمها شديد اللمعان ..
خرجات موجهة لبيت ....لقات عائشة حاطة صينية أتاي وجالسة في إنتظارهاا
شافت في ساعتها وجلسات كتبسم في وجهها مرددة:لهلا يخطيك عليا اعائشة
نسمات وزيدات ليها الطبسيل :كولي ابنتي مابان فيك الضو كنتي فيك لموت دايا بعداربيتي شي لحيمات
ضحكات بصوتها الرنان وجلست كتاكل وكتفكر في سارة لعرسها مابقا ليه والو يكون ..هزات راسها في عائشة :ماما عارفا مزال كنهضر مع لبنات
حطات كاسها :بنات خديجة
حركات راسها باه:سارة مابقا ليها والو لعرس
تنهدات عائشة:عينك تمشي
صغرات عينيها:معاينكش تمشي
ركزات عائشة فيها شوفة :عقلتي على اخر كلام دار بيناتنا على موضوعهم
تنهدات عبير وسهات في لكاس لأمامها.....
💞حب يتخطى حدود المنطق💞
❤البارت:170❤
💢💢فلاش باك:
بدات تقاد في حوايجها في إستعداد لقرايتها......
تاركة عائشة كطلع فيها و تنزل حتى وقفات عبير الحركة وتلفتات كتشوف بإستغراب في عائشة من لكلام :شفتو ملي دخلك لطواليط
حسات بقلبها كيضرب.. رجعات لشغلها مخليا عائشة تنهد وتزيد تردد:اش درتو
تلفتات عبير مخرجة عينيها في عائشة :شاكا فياا
تنهداات :جوج تناس بوحدهم اش غادي يكونو يديرو
شافت في الأرض لمدة وتلفتات جايا في إتجاها:كون بغيتو اماما كون تزوجت بيه نهار لول
تبسمات عائشة :من عينيك باين كلشي ابنتي ماشي غشيمة
ساطت مغددة من شوفات عائشة ليها محملاتش راسها..جلسات بجانبها حطات يديها على ركبتها :ما وقع والو اماما بحال مكتعرفينيش وزايدوني كتحاسبيني بحال انا لجريتو
قاطعتها معصبة:كون ماشي نتي لي ضسرتيه مغاديش يقرب ليك وهو مرتو واحلا في روحها ...
ساطت وشافت في الأرض مدة وهزات عينيها في
عائشة لرددت:من ليوم مانبقاو نمشيو عندهم صافي ليوم دخلك لطواليط مرا خرا فين نوليو وكون شافتكم مرتو حسن نجلسو في محلنا كالنا عليها ..بغاتنا خديجة ولبنات يجيو عندنا مغاديش نجريو عليهم
تنهدات وحسات بقلبها تقلص عليها ولفاتو وولفات تشوفو.....
تاركة عائشة داير متبعاها بشوفات غرااب
ناضت توجهات لشغلها بلا ماتنطق ولا تردد بشي كلمة من الجوف ..رجليها غادي وعقلها غايب..كتحس بالتلفة وغارفة في بير عميق ماجا ماخرجها منو.......
🔙حسات بيدين عائشة حطو عليها فاقت على إثرهم و الشوفة زكاتها فيها ..ضرب السكون لمكان وحطم الجدار تاركهم كيشوفو في بعض وكلام كل واحدا مخبي في جوفها ...بان الحنين في عينيها وليه بغات تشوف وتروي شوقها الممنوع ..تنهدات عائشة مرددة :مخاصناش نمشيو ياالاه رتاحيت وقلبي برد عليا
ردت عبير بعدما سمعات لكلامها بكل أذان صاغية:ولكن سارة وخالتي غادي يتقلقو وهوما اصلا مقلقين علينا دابا
حركات راسها:مفياش مانحس في داكشي لحسيت وماباغاش بنتي تخرب لبيوت
ساطت عبير مغززة سنانها:مكاين والو اماما ومغادي يوقع والو غير ليلة نفرحو معاهم ونرجعو بحالا تاحاجة ماكينة(شافت نظراتها المليئة بالغضب)مغاديش نقرب جيهتو
تنهدات :نفس لكلام قلتيه هاذيك لمراا مافيك ثقة
تبسمات عبير جارا شعرها:مناسبة عيب منمشيوش واخا تقولي لقلت لخالتي غادي تقلق بزااف ومحالش تبرد ليها هي معتابرانا من عائلتها فكري اماما انا غادا
باست ليها راسها وخرجات موجها لشغلها
مخلياها كتخمم وتعاود دور السينتا .......
💞حب يتخطى حدود المنطق💞
❤البارت:171❤
جالسة في البيت كتنفخ حاطا يديها على كرشها لظهرت أمامها
أربعة أشهر كانت كفيلة تخلي حفصة كالأميرة تنهي وتأمر ولحبات خاطرها تحضر لا من طرف خديجة لمسؤولية الدار كاع أحاطت بيها من كل الجهات ولاطرف حذيفة لزادت حاوطاتو من طل الجوانب بسبب حملها ولكان نقطة المضيئة ليها باش تجرو عندها في نظرها .....
سمعات دقات خفاف وبعدها تحل لباب هزات عينيها متبعة خديجة لعلامات التعب مكتاسيا وجهها...تبسمات ليها حفصة وقدات جلستها رمات يديها لبلاطو شداتو من عندها وحنات عينيها كتفطر تاركاها كتشوف في كرشها و الإبتسامة ماليا وجهها المتعوب مرددة:تبارك الله بدات تبان الله يتمم حملك على خير
تبسمات كتمضغ :أمين يارب كل نهار كنزيد نثقل على لقبل
حركات راسها: الله يسمح لينا من لوالدين اش مشهية لغدا ابنتي
سرطات الدغمة وصغرات عينيها ناطقة:مكرهتش شي طاجين من يديك
حركات راسها موجهة لبابا حتى سمعاتها رددات :سمحيلي اخالتي مكنعونكش ولكن راك كتشوفي كلشي على عينيك
تتهدات رادة بابتسامة:كلشي غادي يفوت وهاديك ساعا تقومي في بلاصتي
حركات راسهها تاركاها خارجة وعوجات فمها كتكمل في لفطور ودور في راسها مرددة بخفوت"الا ماولدتش وخليتو خرج من هنا مانتسماش حفصة "
💢💢💢💢
كتواجد بزاف من العيالات في مجتمعنا كتوحد عقليتهم على أنا الولاد كيشدو الراجل وكيتقلو جناحو ...على أن لولاد هما بمثابة مفتاح الحماية بالنسبة ليهم...أن لولاد هما لكيربطو الراجل والحقيقة المرة غير ...مكيفكروش في الطفل لكيكون الضحية المرة ضحية الأم للهدف ديالها فقط تجر الراجل ...ضحية الأب ليقدر يكون مجرد تفرض عليه كأنه واجب خاصو يأذيه ....
مكيفكروش في الطفل كونو إنسان خاصو عناية وحنان متبادل..مكيفكروش في أن المشاكل تقدر تكاثر وتزاد ...ولغادي يأذي الثمن هو الطفل وليس غيره ........
من المؤكد ان الورقة كتصاحبيها رابحة بالنسب ليك كتكون ورقة لتقدر تخرج طفل بريئ إلى الحضيض معنف نفسيا أكثر من معنويا فاتقوا الله في أطفالكم
💢💢💢💢
دخلات لكوزينة وباشرات في الغداا كتنهد وتفكر في عرس بنتها لمابقا ليه والو والصحة باش توقف فين هياا تنهدات مكملة شغلهاا ........
حتى سمعات دقان في لباب الدار ...توجهات تحل حتى كتلقا سارة في وجهها...
تفاجأت.. عهدها بيها في لخدمة حتى لقاتها في وجهها دازت سارة مخلياها سدات لباب وليها توجهات :اش جابك في هاد لوقت
حطات صاكها مرددة:راك عارفا مابقا والو لعرس ومزالني عالله داكشي علاش طلبت لمدير وخلل ليا مسكين لعشيا ...
حركات راسها ومشات لكوكوط كترد في لغدا
..هزات راسها سارة وساطت بنرفزة :مزال هاديك خيتي مبغات تحيد موتا حمار وتقاد مكفاهاش هاد ربع شهور كاملا ونتي كلخدامة بالضو...
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
❤البارت:172❤
وقفات في باب لكوزينة حتى طاحو وذنيها على كلام سارة ساطت مغزفة ودخلات موجهة ليها شادة على كرشها:الا ماعجكش لحال تحزمي نتي وخدمي بالضو في بلاصتها
ساطت سارة وليها بغات تنوض حمراات فيها خديجة مرددة:غير رتاحي ابنتي هادشي ممزيانش ليك
رجعات سارة لمكانها وعينيها فيها غرسات
قربات في اتجاها حفصة شادة من جنبها :مالك على هاد شوفت بحال شفرتك ولا قتلتك بشويا عليك ورخفي فيك نفس مزال تابعاك ليلة لعمر(ختمات كلامها بغمزة )
تنهدات سارة وحدرات عينيها من عليها
مرددة:كتبقاي فيا بزااف مغديش ندير فيك راسي عندي مشاغل كثار....
قربات فيها :علاش كنبقا فيك مالي ناقصة يد ولا رجل
تبسمات سارة باستهزاء :لا لا ناقصة عقل
قرنات حجبانها وليها توجهات ناسية خديجة لكتنبه فيهم بزوج ...
رمات يديها جراتها من شعرها نزلاتها وسارة مكانتش من العاكزين رمات يديها لشعرها كذالك ولات وحدا تجر في الشرق و الأخرى في الغرب تاركين خديجة لمرأة
لمكتسمعش صوتها كتغوت وتعاود خايفة على حفصة .....
السكينة لكانت كتروج في الدار راحت في خبر كان والهدوء لكعم لمكان طار ولا في بلاثتو ضجيج مابعده ضجيج..
زيرات سارة على شعر حفصة مرددة:طلقي طلقي ازبلة
ردت حفصة:طلقي نطلق طلقي
طلقات سارة في انتظارها طلق حتى كتحس بشعرها زاد تزير صاحت كتعير فيها :الحمارة طلقي
ماطات يديها وتجارات حتى شدات شعرها وشداتو عاضة على شفاها مغددة عليها ..حتى سمعو صوت لباب تحل وصوت سباط حذيفة ارتطم الأرض ...
طلقو من بعضياتهم وتوجهات حفصة خارج لكوزبينة كتزرب لبيت ..
لحظات قليلة وتسمع صوت لخبيط خلا كل من في دار مفزوع.....
❤❤توقعاتكم و أراءكم حبيباتي شفتو لشفت
تتمة: 172
تحبسات النفوس و تصاعدات القلوب ..دقات تزادو و شعور بالخوف كان حليفهم ....
شافعا طايحةصوت غواتها كتصاعد في كل فترو حين تلفت لكوزينة شاف مو وختو جامدين مكانهم ..زاح عينيه عليهم ورجع ركز نظراتو عليه قرب بخطوتو وهو معارفش شنو واقع ....
حاول يجلسها بزز وهي حامياها لغوات افكارو حبسو و دمو تحبس عليه ...
كسمع صوتها بحال شي غريق مرددة ولدي ولدي
جات خديجة وقفات وراه حتى نتابهات لدم لمار من بين رجليها شهقات ..شهقة خلاتو يشوف فين كتشوف خديجة معقل على راسو الا لاح كونطاكط الطومبيل لسارة لحداهم حاطا يديها على فمها وهزها بين يديه..........
مر الوقت ومرو الدقائق .....كانت كفيلة باش يوصلو لسبيطار ......
نزل وجهو متشنج وإحساس الأبوة دخل مع عضامو ونهش قلبو شعور غريب عليه شعور الخوف على فلذة الكبد....
واقف غادي جاي قلبو كيتعصر عليه غاب عن العالم الخارجي ....
فترة دازت ومزالا لاخبار خرجات..سارة وخديجة واقفين حالتهم ماتختلف عليه ..خايفين على روح بريئة لمزال ماعشت طعم لحياة يالاه كتكون وباغا تنضج
خرج طبيب المسؤول وجهو خالي من اي تعبير تنهد حذيف وليه قرب .....
💞حب يتخطى حدود المنطق💞
❤البارت:173❤
💢💢💢💢
في هاد الدنيا تاحد ماعارف اش يجرا ليه مابين ليلة ونهار..الإنسان عايش في يد الله .... بين يدي الرحمان ...
كتوقع أحداث...طرائف و جرائم الكل له وقت وسيختفي ولا يصح إلا الصحيح ......
💢💢💢💢
ملامح الطبيب كانت كتوحي بالبرود ..مقدروش يترقبة باش غادي يخبرهم ...خط خطواتو ووجهو راكبو الرعب مقدرش يتكلم غمض عيونو وحلهم فو ماحط الطبيب يديه على ذراعو مردد:الحمد الله على سلامتها
صغر عيني وسرط الغصة فور ما شاف عينين الطبيب حاطة في الأرض ..
هز فيه عينيه الطبيب مردد:يعوضكم ربي خير مزال صغار والحياة قدامكم
خلاه جامد مكانو مدة متحركش ..عض شفاهو و إحساس بالفقدان دخل مع عروقو كالسم الاذغ
💢💢💢
إحساس صعيب ..إحساس كتشخص ليه الأبصار و ترجف ليه الأيدي و لكن ما باليد الحيلة من غير الصبر و الرجوع إلى الله ......
💢💢💢
رجع هز عينيه في الطبيب شافت فيه
باستفهام :كيفاش وقع ليها
ركز فيه الشوفة وردد:الأسف توقف نمو الجنين شهر دابا يعني في الشهر الثالت
شد في الحيط :يعني كان ميت
حرك ليه الطبيب راسوه باه مردد:لأسف يعوضكم الله
ردد :ايمتا تفيق
طبيب: عطيناها شي دوا يساعدها على تخلص من الجنين ماحتاجيناش نديرو لكورطاج
هز عينيه في خديجة لجنبو وكمل طريقو مخليه متكي على الحيط كتافو طايحين عليه
تنهدات خديجة وجلسات في الكرسي لتصاب حداها فاشلة ..فرحة كتسناها بفارغ الصبر من يوم علمها وهي حريصة وخايفة عليها كتعاملها معاملة البيضة
جلسات حداها سارة حطات راسها على كتفها وعلامة الخوف كتكتسي وجهها ..الخوف من تكون سباب في الفقدان جنين ..تحمل الذنب على رقبتهاا أكثر من فقدانها لطرف من كبدتهم .....
داز الوقت
استيقضات كتدور عينيها في الغرفة غرفة بيضاء اللون ... حطات يديها على كرشها وهي تحل فمها شاهقة ....نزلات دمعة من عينيها كتحس براسها تحطات في الهاوية الأمل لتشبتات بيه طيلة الأربع لأشهر والمعاملة الكيبة لتلقات من حذيفة كأنها أصبحت في خبر كان ..
رجعات لنقطة صفر .... من لأول والجديد شنو لفكرة و الخطوة القادمة باش تجرو نحوها ....
تلفتات ملي سمعات لباب تحل ركزات بعينيها كتسنا تشوف وجه القادم حتى كتشوفو داخل بملامح ممحية وعينيه دامعين ووجه شاحب معمرها شافتو في هاد الشكل ..سرطات الغصة و حيدات عينيها من عليه مغمضاهم ......
وقف بجنبها حذيفة واليأس ظاهر على وجهو ..تأملها لمدة ونزل عينيه لبطنها لرجع كيف كان قبل أربع أشهر ...تنهد وشاف في خديجة لوقفات بجنبو ووراها سارة كطل عليها ...
حلات عينيها وهزاتهم فيه شافتو والبكية بدات كتخرج ليها ..غمض ليها عينيها وحلهم مردد:مكانش في لمكتااب مكانش في لمكتاب
سهات لمدة وشافت جيهة سارة لكطل عليها براسها مرة بعض مرة ... سرطات الغصة ونعتات جيهة سارة الأخيرة لخرجات عينيها فيهاا
شكرا جيلان دينيز على الفكرة
💞حب يتخطى حدود المنطق💞
❤البارت:174❤
حلات سارة عينيها وهو باستغراب شاف وجه سارة لتبدل ورجع شاف في حفصة بإستفهام ...
ردت حفصة بعدما ركزات عينيها في سارة:هي سباب حتى وقع لي هادشي احذيفة ..عارفاني مثقلة وبغاني نشقا مع خالتي على انا كرهت سول خالتي تقول ليك واش انا كنت هكا قبل لوحم
ركز فيها الشوفة وتنهد :ممكتابش احفصة لجنين مات ليك شهر هذا ..لاسارة ولاغيرها مسؤول قدر الله و ماشاء فعل....
حلات فمها من هول الصدمة كانت حاطة سارة كطعم باش تلبي رغبتها بالسكن لوحدها....
رغبتها في مسكن موحد يجمعهم بزوج يتجمعو فيه اجسادهم ويتوحدو أرواحهم تنسيه في عبير ومايجي منها لكتسلط عليها الأضواء في كل مجمع من طرف خديجة لكتهضر عليها كثر ماتهضر على بناتها و عاد ترتاح ودير لبغات وتلبس لبغات...
حذرات راسها وكتهز عينيها مرة مرة في خديجة
لكتردد من فمها غير الله يعوضكم خير يارب
داز الوقت وخرجو مخلين معاها حذيفة الا حتاجت شي حاجة .....
شدات سارة في خديجة :شوفي كيف كنترعد عليها مكرهتش نشدها نعجنها عجين نوريها باغا بنت لحرام طيح عليا باطل
تنهدات خديجة : معرفتش مالها من لول وهي تسوط و تنفخ قلت لبنت مولفة دارهم داكشي علاش
ردت كتسوط:معينهاش في دارهم سيدة فرعنة وباغا دير راسها هي لأمر وناهي وكتستغل فيك ونتي ساكتا ليها
ردت خديجة:مكتسمعيش طبيب اش قال ميت ليه تيلاد في كرشها كيف بغيتيها تكون
نفخات:ظرافة ديالك هي لخارجا على قوم ..
كملو حديثهم على العرس لما بقاليه الا أسبوع و الإستعدادات مزال مابداو فيها ليوم لخدانو بغات تقدي فين الشغل صدق شوي و تلوحها في الحبس
حلات سارة لباب دار دخلات كترمي في الفولار وكتتفخ ..سدات خديجة لباب حتى خرجات ليهم فاتن من الكوزينة تنهدات براحة مرددة:دم لشفت ديالمن جيت لقيتو والصقيل خلعتوني وحتى تيلي مخلياه هنا اما حذيفة حلف لابغا يجاوبني
فاتتها سارة رادة:موكا ديال مرت خوك طيحات لولد وزوينة هي بغات تسبيها فيا
خرجات فاتن عينيها وشافت في خديجة لملامح الحزن كتكسو وجهها :بصح هادشي اماما
اكتافات خديجة تحرك راسها باه ودازت داخلة لكوزينة ....
خلاو فاتن زي الأطرش في زفة ...دخلات لكوزينة تابعاهم لقاتهم كيشربو:كيفاش وقع ليها
حطات سارة لكاس: ديجا كان ميت ليها
حركات راسه بأسف وهي تزكي فيها الشوفة:ونتي اش دخلك حتا سباتها فيك
تنهدات سارة حاطةيديها على حنكها :مع جبداتني وبغات ضارب سيدة شعلات
نفخات فاتن مرددة:مكنتش كنصحابها هكاا
خديجة:نساو هادشي وفكري في عرسك اما هذاك تيلاد كيتو بوحدها غير خليها على الله.....
💞حب يتخطى حدود المنطق💞
❤البارت :175❤
خارجة التعب كيكسو وجها ..شعرها كتطاير مع تطاير الرياح ..كتحيد فيه على عينيها ..الظاهر أنو زعجها ....الألم شق جسدها ومن شدته مبقاتش قادرة تمشى..الوقوف نهار بكامله أنهك قواها كأنها شحن معبئ وإنتهت بطاريته..كملات طريقها متجاهلة أصوات المارة لشوشت تفكيرها من نساء ورجال وأطفال الكل عائد إلى دياره ..تنهدات وتوجهات نحو السوق ..تحملات وشرات من الخضر والفواكه لتحتاج ليها هي والأم ديالها..خرجات كتقاد في لصاشي والصاك ...كملات طريقها مارة من الشانطي لكان اللقاء لأول في هاد المدينة ..في أول يوم من رحلة هروبها من واقعها كان هاد الشانطي حليف لقاء ...استقرات عينيها على نفس المكان وشقت البسمة شفايفها سهات في الذكرى لمر عليها أزيد من سنتين..ذكرى الخوف والهلع...ذكرى لعبها في عقادي جلابة وشعرهاا متجنبة تركز في عينيه ..ذكرى الحشمة المفرطة ...فاقت من سباتها
على كلاكصون الطوموبيل لخرجها من الذكرى إلى الواقع ...كملات طريقها ساهية ....دخلات في الأحياء لقريب لدارهم وتنهدات كتستمتع في السمون لمان حليفها رغم تواجد الزساء إلى أن هما حسن من الضجيج المصحوب في الشارع لأخر..هزات عينيها بصدفو ورجعات نزلاتهم الا ان وقفات صامدة وعينيها كيبحلقو فيه في صمت ...
كان واقف ملامحو جامدين وجهو شاحب ..
كرزات علة يديها وقوات راسها متذكرة كلام عائشة ..مرت متجاوزاه بحال مكاينش ...الا ان وقفها صوتو لمن الرنة المختلفة ديالو تزعزع قلبها ناطق كلمة وحيدة ولكن كتعدد فيها بزاف لمعاني "محتاجك"...وقفات مكانها والتافتات كتشوف في عينيه لكيقولو بزااف الكلام ..
حطات عينيها في الأرض وتمشات جايا عندو ...هزات فيه عينيها وصغراتهم فيه كتحقق في الدمعة ب اقفة في عينيه ..
سرطات لغصة وفتحات فمها متفوهة :مالك اش واقع ليك
تنهد كيشوف فيها في صمت
رجعت كررت سؤالها ولاشيئ جديد من غير الدمعة بكانت محبوسة شقت طريقها .....
استغربات وقلبها ضرب وارتاعشت من الخوف
دورات عينيها على الحي لبعض النسا من المارة كيشوفو ناحيتهم ..التافتات جيهتو بغات تكلم حتى حسات بيه خشاها في حضنو حلاات فمها من الصدمة لزادت على مابيها وهي كتحس بي وجهو مخشي في عنقها ونفسو كتضربها بحال شي برد سخون والدموع لنازلة فزكات عنقها خلاتها تكرز عليه بلا ماتحس مخلياه كيرتاجف من البكاء مكتوم الصوت ......
💢💢💢
بكاء الرجل ليس بالضعف بل إحساس وشعور بالألم ولأنين يترتب عن تبلور الدموع ..دموع ليست ككل الدموع دموع الأنين المبالغ .الضربة الحرجة..مجروح كالطائر الذي تركته أمه بين المطرقة و السندان
💢💢💢
💞حب يتخطى حدود المنطق💞
❤البارت:175❤
بعد من عليها منزل وجهو الأسفل ..نزلات يديها عندهاا و بزاف التساؤلات في دماغها تبعاتو حتى هز كفوفو مسح عينيه لعلى الأرض ماهز ...
وعاد طلع فيها عينيه وجهو مزنك والإحمرار مستوطن وجهو.....
بعد عينيه من عليها كيمسح في نيفو كيشوف في لعيالات الأفواهم تحلات وعينيهم عليهم مابغات تحيد...
التافتات وفغرت فمها من الصدمة من النساء لمجتمعين والظاهر هما موضوع المجمع...
التافتات شافت فيه مغددة لقاتو كيشوف فيها ..عضات على سنانها وقلبات الدورة غادا كتجري مالتافتاتش وراها .. والخوف زاد تسلل لقلبها من كون عائشة تعرف هادشي لوقع ليها هاد العشية و تحرم من حظور عرس سارة ...
وقفات حدا لباب الدار كترجف ..حطات لصاشي والصاك وتكات على الحيط كتعيد النفس ...
تهدأت وجمعات الوقفة قادات حالتها وهزاد كلشي من على الأرض ودخلات وججها حمر وهي كتشم في ريحتو لتخلطات مع ريحتها وعطاو ريحة خاصة
تبسمات لعائشة لحاطة براد ديال أتاي وفيها كتسنا
باست ليها راسها وخرجات كتغسل وجهها وتعضض في شفاها مبغاتش تخرج ليها اللقطة الأخيرة من بالها تنهدات كتقيس في عنقها سارحة والرجفةطلعات معاها ..تنهدات وغسلات
جبدات صابلي لمع التقدية وحطاتو في طبسيل
ورافقاتو مع لمرافقات لحاطة عائشة ...
سهات في كاس أتاي خايفة تكون وقعات شي حاجة لخديجة ولا لبنات تنهدات وهزات عينيها في عائشة لقاتها حاضياها ..
نطقت ردادا شعرها ورا وذنيها:مالك معجبتينيش
هزات كتافها :والو غير لعيا
حركات راسها عائشة وحكات نيفها :فيك شي ريحة في شكل
سرطات الغصة :لا عادي غير ريحتي
حركات راسها وكبات ليها لكاس الثاني :فكرت شحال في موضوع العرس
هزات فيها عينيها بلمعة
تنهدات:على حساب خديجة نمشيو كلشي على وجهها ولمن حدايا تبتي مدوريش جيهتو
سرطات لغصة وحركات راسها باه
فجأة تسمع صوت الدقان في لباب شافو في لباب لكان محلول ..حيدات مولات الدار الخامية وقالت:مسا الخير اناس الخير
تبسمات عائشة رادة: مسا الخير دخلي جابك الله مع براد أتاي
تبسمات عبير :مشا مول الدار
جلسات هزات كاس اتاي رشفات منو: اتاي ديالك دايزو لكلام (شافت في عبير)مشا ابنتي مشا يالاه جيتي
كتمضغ حركات راسها باه
ردت مولات الدار:مشفتيش واحد جوج قلال لحيا معانقين على قلة الركاني الله يخليها سلعة
وسعات عائشة عينيها :كلا مزوجين
تبسمات:لا لا موحالش انا ماشفتهمش ولكن قالو لي لعيالات لبنت كتسكن في هاد الدرب وغير مع الظلمة كون قلعوها غير هي (شافت في عبير مصغرا عينيها )غير هي عطاوني لمواصافات بحال ديالك ياكما نتي اعبير
خرجات عائشة عينيها في عبير للكلام تحبس في حلقها وكدور في عينيها على الطابلة متفاديا نظرات مها .....
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
❤البارت:176❤
💢💢💢💢
لم تكن الحياة سهلة بمعناها الأصح بل توجد ثغرات تكفي ان تظهر و لا تندثر كي يتبين هل الحياة سهلة أم تملك من الصعوبة مايكفي
ثغرات تبين الوجه الحقيقي للكثير من الأشياء...
ثغرات تأخد مايكفي للتعايش وسط الصعوبات وإزاحتها جانباا لبلوغ أقصى حدود من السعادة الممكنة..........
💢💢💢💢
لتفادي نظرات عائشة عينيها محيدوش على الطابلة ..كتدور فيهم وسط الطباسل ..أما خدودها لحمرة تمركزات عليهم مبقاتش بغات تزول ....
هزات عينيها في عائشة لقات عينيها عليها تنهدات وحذراتهم ...كملو حديثهم في سياق اخر من غير عيون عائشة وعبير لكيتكلمو في صمت... وداعاتهم لمرا بعد مدة مدة..لكشفت فيها المستور ودخلات الشك في القلوب ..
تبعاتها عبير حتى خرجات....وهي تلفت على إثر كلام عائشة:هو ياك
سرطات الغصة :شكون هو
ربعات يديها:عارفاني علا من كنهضر وصلتو لتعناق وفي الدرب
دارت شعرها ورا وذنيها:لا ماشي أنا
ناضت كتجمع في الصينية مخلية عائشة كتحرك في راسها وعلى نكير مهداتش ...
تنهدات عبير ملي ملت وعيات ومالقات الحل الا وهي ناطقة:راه غير شفتو وسلمت عليه عادي مكاين والو من داكشي غير كبرو الموضوع وصافي غير رتاحي بحال مكتعرفيش لعيالات
تنهدات عائشة كتستغفر الله :ابنتي مابقيت لقيت ماندير معاك شيبتيني هضرنا ونصحنا والو سيد مزوج ومرتو حاملة شي شهورا وهاتربيا زايدا ونتي مزوجا اش قربكم لبعضكم واشا مبقيتيش كتفرزي بين لحلال و لحرام
بغات تهضر عبير وهي تقاطعها مكملة كلامها :بلا ماتهضري ريحة قبيلة بينات كلشي تجمعي ابنتي الله يرضي عليك ماحنا ديال مشاكل ولا تفرقي راجل على ولادو ومرتو
سهات والدمعة استوطنت عينيها دورات كلام عائشة في دماغها ونزل على قلبها كالسم المذغذغ...
خلات عائشة مكملة كلامها :نمشيو لعرس لبنت ومن بعد الله يرضي عليك ابنتي الله يرضي عليك ماتبقايش دوري في جيهتو مابغينا ذنوب ...
حركات راسها باه منزلة عينيها خايفة تفرش ...
وناضت موجهة لطواليط مخلية عائشة كتنهد مرددة:لمصلاحتك ابنتي لمصلاحتك
مسحات على وجها واستنشقات ريحتو لمزال عليها تنهدات طاردة عينيه الألم واخد حيز كبير ولامع من جماليتهم لجات بين عينيه........
جلسات حدا عائشة لكل مرا تشوف فيها لدرجة وتراتها كتحس براسها مغطوسة في الغيس وجالسة في مجمع....
هزات تيلي باغا تسوق الاخبار رادة على عائشة لسولاتها بعينيها علامن باغا تعيط:سارة
حسات بيه طار من وذنيها ..فغرات فمها و الصدمة كلاتها ......
💞حب يتخطى حدود المنطق💞
❤البارت:177❤
حطات عائشة تيلي على طابلة مرددة:هضرنا نقصي حتى من هاد تيليفون معاهم مرا مرا الله يجعل البراكة ...سرطات لغصة وتكمشات عاطية لعائشة بظهر وساهيا في اللقطة لكتبان ليها بحال شي حلم عناق يتاحدو فيه الأجساد و يظهر فيه قوى كثيرة......
غمضات عينيها على ذكرى اليوم في إنتظار غد أفضل .......
أسبوع مر بأيامو السبعة كل يوم و أحداثو وكل دار لها طقوسها في العيش ....
أسبوع خرجات فيه حفصة من سبيطار وتحسنات صحتها ولات بيخير
أسبوع ديال جري عليا نجري علي من طرف سارة وفاتن وخديجة
أسبوع كامل وعبير في الحضيض كتحس بروحها ضاراها وباغا تعرف ولو خيط على كيفاش الدمعة طاحت من عينيه ولا خبر.. ماتاصلاتش وماتاصلوش بيها وكانت القطبعة لمدة أسبوع كافية تولد في قلبها حرارة قصوى كتبرد على راسها كون كانت شي حاجة خايبة كون تالت سارة وعلماتها ...أسبوع داز عليها كتفدي الشغل وهي عقلها غايب معاه
كتجمع في شعرها وهي كتقاد في العبايا ..حنين الأسبوع وشوقو مخليها طايرا في السما في إنتظار شوفتو بخير تنهدات وتذكرات توصيات عائشة غمضات عينيها وحلاتهم كتنفس بعمق ...
خرجات عند عائشة لقاتها لابسة جلابتها ومقادة ..شدو في بعضيتهم و طريق كلها وعائشة طابخة ليها راسها بحل كتوصي شي طفل صغير ميديرش لبسالة عند الناس..ملات و ولات كلمة تسمعها وكلمة غير كتحرك ليها راسها مرددة "واخا...بصح"
حطهم طاكسي وخرجات والأصوات لموسيقى عالية ..تنهدات مخلطة عليها بين الإستفهام و شعور بالحشمة من موضوع الأسبوع الكامل مدارت جيهتهم حتى العرس بحال بيناتهم علاقة سطحية ....
طلعات في دروج شادة في عبايتها وببسمة مخبية إحساسها...تحل لباب وبرحب والسعة استقبلاتهم فاتن ومن تما دخلو لكوزينة لقاو خديجة واقفة و2 عيالات قايمات بالواجب ومن الريحة الطياب عاطي البرهان...سلمات على خديجة وهي كتسول على الحال والأحوال تراجعات اللور كتسول على سارة ومشات في إتجاه لبيت دايزا من حدا الصالون رامقة بنظرها حفصة مجمعة مع لبنت لشافت معاها في عرسها ركزات نظراتها على بطنها ضرب قلبها من الفكرة... زاحت عينيها مكملا طريقها لبيت ...
دخلات بلا مادق لقاتها بشورط وديباردو ديالو والكوافور واقفة ليها على راسها ...
شافتها وقلبات وجهها ..تبسمات عبير وليها توجهات ..تحنات سلمات عليها بوجهها وبعدات مكملة الشوفة فيها مرددة:مال لعروسة مكبرا علينا مالها
هزات سارة كتفها ولعينين الكوافور شافت مردد:كملي اختي شغلك شي ناس كيعجبهوم يجيو بحال ظياف
جلسات على السرير لمقابل مرددة :كنت نتسناك نتي تاصلي بيا من هذاك النهار لعلمتيني ونتي غابراا..
تنهدات سارة ودارت تلفتات ليها :من هذاك نهار وحنا في مشاكيل
صغرات عينيها :واش حفصة طيحات لبيبي
حركات راسها باه وتلفتات لكوافور تقاد ليها لمايك اب
سهات في الارض ونغزها قلبها..هزات عينيها في سارة لمكملة الهضرة متبعة معاها
سارة:شويا ونتزوج بالحبس ماشي ياسين غير حفظ الله وصافي ...
💞حب يتخطى حدود المنطق💞
❤البارت:178❤
شافت فيها عبير باستفهام خلاتها زاد كملات:نهار لطاح ليها لجنين نوضناها انا وياها واحد مولاتي لكومباا
شهقات عبير حاطة يديها على فمها
كملات كتشوف في وجهها:متعجبيش هي لجبداتني ماحشوماش مخليا لمرا خدامة عليها بحال حمار الطاحونة متحركش ومتخرجش من لبيت قول هي بوحدها في العالم لحاملة ملي هضرت تلاحت كتلاج وبعدها تلاحت عليا اش بغيتيني نسكت ليها
سهات في الارض حتى طلعات عينيها عليها :وخوك اش كيقول في هادشي
هزات كتافها:معارف والو هو على هادشي و تاهو ولات تشرط عليه من هنا ومن لهيه مكتخليش يبرك وهو داير ليها لخاطر وخا كايبان لي غير مباغيش يخسر معاها مكمدها في قلبو وساكت
كرزات عبير على يديها بلا ماتحس ولأرض صوبات عينيها ....
تنهدات :وكيفاش تفكيتي
رددت سارة :تصاب ميت ليه بشهر قبل (تبسمات)بغيتك تشوفي وجهها كيف تبدل تقول ماهامهاش ولدها معرفت اش كانت باغا تصنع لتأكدت منو أنها راه بزاف هديك السيدة
مسحات عبير وجهها تلفتات كتشوف في لفاليز لجنب سرير وكلشي مقاد ومتول على حقو و طريقو تاحجة ماناقصة رددت
عبير:قدك لوقت تشري كلشي كنتي قلتي لي مزال مبديتي
حركات راسها :الحمد الله تيسرالله ..كلشي شريتو ولماشريتو شرا ياسين ..
سهات في الأرض و رجعات لهذاك النهار لشافت اللألم في عينيه و التجأ ليها هي ضرها قلبها على الحالة وعرفاتو غادي يكون تألم لموت ولدوو وهدوك الدموع لشافت شويا من بزااف تنهدات وبقا فيها لحال على أنها كان خاصها توقف جنبو كيف كيدير ديما ولكن تهب الرياح فيما لاتشتهي السفن كتحس طريق لكتأدي ليه مغلوقة وبالسلاسل المتينة مكبلة ...محسات براسها الا والدمعة نزلات من عينيه ....دمعة معانت مكبلة في صمت ...دمعة رافقتها من الطفولة وها هي الآن في الشباب و مازالت الرفقة بينهم حلوة ....
حسات بيد تحطات على كتفها مسحات عينيها وهزاتها في سارة لواقفة بحال شي أميرة زفت بالفولار والتاج على الرأس وجهها مزين بزينة العروس خفيفة إلى ثقيلة... مرتدية قفطان زاد في جماليتها بلونو المعتاد في ليلة الحنا ..ليلة الفرح ويتوج فيها لحب ويتكلل بزواج ..ليلة كتقاسم فيها معارف العروس من حنتها لكتزين تقاسيم يديها و لما لا رجليها
💢💢💢💢
تقاليد وعادات كتوارث من جيل لجيل غير تغير لأصبح القلوب تغيرت وأصبحت ليلة الحناء بقدر من جماليتها بقدر من شعور بالخوف ينتاب أم العروس وجميع أحبابها من فعل يمسح ويندثر جمالية الليلة سمعنا قصص وشفنا حكايات من هاد القبيل ....مخافة تيتحول لفرح لقرح ويوقع شي سبب يقلب لموازين الأم كتكون حريصة على كل مايتقدم ويرافق لبنتها لعروس حريصة على عيون الناس لماشي كلها كتكون باغا ليك
الخير ...حريصة وكتجدد الحرص وماترتاح ويهنا لبال حتى كدوز الليلة على خير ...........
💢💢💢💢
تبسمات مرددة :ماشاء الله عليك جيتي غزالة
ردت عليها سارة الإبتسامة:نوضي نتي لبسي شي حاجة من عندي تبقاي بعابايتك
حركات راسها بلا :لا غيرخليني مرتاخة هاكا
جراتها من يديها:نوضي خودي واخا غير شي كسوة تبقاي هكا بحال ميت ليك الراجل.....
توجهات البلاكارو هزات لشافت عينيها مقادا على مقادة و لا زواق ...
هلات سارة خارجة تجلس في مكانها باش تنقش ..
حيدات لعابايا وتخشات في الكسوة لطويلة بالأسود مزينة من جهة صدر بورد وردي وحزام أبيض بارز الخصر حلات شعرها دارتو قدامها وهزات عكر دارتو مع ماسكارا وتلفتات كتشوف في البيت تنهدات وحلات لباب موجهة لصالون لجمعة جلسة تاركين لبرزة لمزينة لسارة لأمامها النقاشة كتفاهم هي وياها على الزواقة ...جالسة معاهم خديجة متبعة صغير ولكبيرة ..برفقتها عائشة لتشوف وتبسم بقلب سليم ..شافت بنتها وهي تبدا تقرا يآيات من الذكر الحكيم خايفا عليها من العينين لعليها مبغاوش يحيدو ....
حطات رجل على رجل كتشوف أمامها حتى تقابلات عينيها مع كوثر لكانت حدا ختها وفي الكلام شارعين عينين كوثر كيحكيو كلشي شوفة لمعمرها شافتها شافتها ليوم وتزادو على لفايت شافت ..سرطات لغصة وخنزرات فيها مبادلاها تخنزيرة وقلبات عينيها لجهة الأخرر لقات المرأة لتلاقاو في الحمام تبسمات من لأمر دارت باش تفك منها وحمدات الله ملي تفرقات عليها فعلا كيقولك الحيلة حسن من العار .....
💞حب يتخطى حدود المنطق💞
❤البارت:179❤
زادو في لمزيكا ...وبأغنية ليلة الحناا بدات نقاشة تزخرف أيدي سارة لحياتها كلها وهي محرومة منها على قبل حذيفة اليوم كأنها عطشانة ولقات بحيرة .......
الإبتسامة مزينة وجهها وبعينيها كتغمز عبير تجي حداها ..لبات الطلب وعلى الحنة عينيها حطو مبقاوش بغاو يحيدو...
تحنات على ودنين سارة:معرفتش هاديك خيتي لحدا حفصة مالها معيا بحال شافرا ليها الورث
تبسمات سارة هازة عينيها في كوثر:تلقايهم مكحملوكش حيت كان خطبك حذيفة
حلات فمها:في خبارهم
حركات سارة راسها:في لول هضرنا كان خاطب وبقات تسمع سميتك معانا ..
سهات في الارض ورجعات عينيه لكوثر ولقات نفس ستون طلع ليها دم وعرفات الفيلم داير عليها ليوم .....
سالات نقش لسارة وعلى يد عبير حطات لإبرة النقش وبزخرفة سامبل حطات صبعها باغا مثلها ...نقشات صبعانها ووقفات راجعة لبلاصتها وعينيها محطوطين غير على يديهاا متناسيا النظرات الشفقة لكيدارو فيهاا ..هزات عينيها وعلا وشوشات نساء بجانبها لمكتعرفش كتسمع نعت عليها مرددين"مسكينة شحال زوينة وعاكرة "
تلفتات كتشوف عيونهم مصوبين ليها ..تعجبات وبعدات عينيها مخلياهم مغيرين لموضوع وكتشوف في لمرا لعرفتها غادي تكون غير هي للديعات لكلام...
💢💢💢💢
لمرا لعاكر ولات في مجتمعنا كطلق عليها لقب مسكينة ... تعاني من صلابة المجتمع وضعف العقليات ..تسلط العقليات الذكورية ...كتلاح في التوش ومتولي بمجرد حمل ثقيل وعبئ معبئ ليس إلا.. كتفقد قدرتها على الحياة كأنها مكتبقاش إمرأة..كأنها عاهة ...
في مجتمع الذكوري المحض كتصبح الزواج عليها من المستحبات وطلاقها من المستحبات رغم كونها من أطيب خلق الله ....
يعني وبالمعنى الأصح كتصبح عالة على ذويها ...
هاد شي خطأ في خطأ ...
قيمتها لا تتغير ولا تنقصها كونها مكتنجبش ...كتبقى أنثى ..وكيميزها عقلها..قرايتها ..خدمتها ..طيبة أخلاقها وماشي الولاد حيت أمر الله وملي غادي يكتب الله لولاد لشي حد ولو يكون عاقر غادي يولد ...... أمر بمشيئة الله سبحانه...
💢💢💢💢
عينين عائشة كانت حريصة على عبير..ومكنزة من كلام لدار وراج في المكان...
دخل العريس والبسمة باينة من عينيه حيد لفول لعروس وقبل جبينه مردد كلام خلاها تحني عينيها بالحشمة وخرج منين جا
تحطت الماكلة وتجمعو كيتبادلو الحديث ..
ناضت موجهة لحمام تغسل الحنة..عينيها على يديها ومرة بعد مرة تهزهم تخشيهم في نيفها حتى ضربات في صدر هزات راسه وبعدات يديها لحطات على شوميزتوالبيضاء ..غير تلاقات عينيها بعينو ونسات راسها ...تنهدات ماشيا في الليلة لكانو معانقين بعض ..وتشنج قلبها من إحساس لكان فيه والجرح لكان في قلبو تنهدات وعلى طريفات الحنة للصقات ليه فوق الشوميز ركزات مرددة:سمحلي عارفتك معندكش معاها
شاف في شوميز مخصر وجهو وتنهد هاز فيها راسو مطول فيها الشوفة
بتوتر ردات شعرها الجانب الاخر مرددة :البراكة في راسك يالاه عرفت ..
تنهد بعمق ونطق بغصة :كنت محتاجك بزااف
تلفتات خايفة يشوفهم شي حد ورجعات ليه عينيها :عرفتك ولكن مرتك واسيها وتواسيك عندكم نفس الجرح
قرب خطوة جيهتها:ولكن محتاجك نتي قلت ليك
بعدات عينيها عليه وتنهدات في صمت مخليا نظرات الحب مغرقين عينيه ...حط يديه على شعرها ونزلها معاه حتى وصل الأطرافو لعلى خصرها وخشا يديه في خصرها مخلي شهقة تخرج من فمها وعينيها كيدورو لا يشوفهم شي حد ولكن الكل كان مشغول مع وقت الأكل
تلفتات ليه مخرجة عينيها ورعب دب في داتها كتشوف فيه ساهي وعينيه العشق مبنجهم رددت بخفوت :اش كدير طلق طلق
رد وهو منيم عينيه:علاش مصارحتينيش بزواجك من لول
التافتات رجعات شافت فيه:طلق مني غادي يشوفنا شي حد
ردد ويديه على خصرها مابغات تنزاح:اه اعبير اه منك ....
قرب وجهو جيهتها...حلات عينيها بصدمة ملي شافتو حنا عينيه لشفايفها وعليهم تمركز ..بدا يقرب بخطوات صامتة خلا قلبها يضرب ويزيد يضرب حتى مابقا يفص بيناتهم والو.....
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
❤البارت:180❤
حلات عينيها موسعاهم فيه..هو لزاد قرب ليها وعينيه تمركزت على شفايفها ..غمضات عيونها .قلبها زاد في دقاتو متناسية راسها لافين و لامعامن غارقة في لون عينيه لحلف لا بغا يبان ليها ..سرطات ريقها وكلام مها راج في ذماغها و بيديها حطات على شوميزتو . كدفع فيه..حركات راسها بلا ومبعدا وجها لأقصى حد ..حسات بيديه زادو كرزو على خصرها ..حتى نطقات بآح..دليل على الألم شافت فيه حتى حسات بشفايفو للامسو شفايفها فغرات فمها بصدمة متلئلئة ولعينيها زادت وسعات يالاه بغا يغرق بحال شي عطشان كرتجف من سم العطش اللعين.... حتى بعدات وجهها وحطات ليه يديها على فمو خلاتو حل عينيه لمغمض وريحة لحنة روعات خاطرو ..بعد عليها كيتحلف بعينيه ولفمو مقادر يفتح ساد عليه توجه لطواليط لفي جانبهم ..خلاها حطات يديها على الحيط والسخفة راكباها ...شاداها من صبع رجليها وقلبها من دقاتو الظاهر انو باغي يطير
قفزات على يد حطات على كتفها تلفتات والرجفة عاد مازدت سرات في داتها
لقات عائشة وعيون الشك كتحوم بيها مرددة:اش كديري هنا
تلفتات الطواليط لمزال مسدودة ورجعات ليها عينيها و رجفة مكمداها:شوفي طواليط فيها سي حد ووقفت كنتسنا ..
تنهدات عائشة ووقفات عينيها عليه كتحوم حتى فتح لباب وهز عينيه فيهم حدرات عينيها ملي تلاقاو عينيهم مخلياه واقف مكانو ..بمدة قصيرة وتم راجع أدراجو مبسم لعائشة ..توجهات عبير لطواليط وعائشة مابغات تفرق عليها وقفات بجنبها كدور في عينيها مخلياها كتغسل في يديها
وتحرك في راسهها مرددة:هادشي مكنتي دايراه لي حتى ملي كنت صغيرة ..
تنهدات :كلشي لصالحك سيد عينيه ماشي خوت ونتي كثر منو فين غادي نوليو .....
عوجات فمها مستمرة في الغسل وكتفكر شويا وتمشي بين يديه وتسيح تحرك قلبها وطلق طنينو مخليها معجبة من نفسها اش كانت غادي دير ..تلفتات كتمسح في الفوطة وهي طيح عينيها على ورقة مخبيا بالفوطة ...شافت في عائشة لموجهة لباب وهي تهزها كمشاتها في يديها بتعجب متنبأة تكون من عندو وخرجات كتنهد تابعة عائشة من اللور لدايرا بحال لكارد كور ..
جلسات ورمات اللقمة في فمهها وهي متبعة مع الناس لداخلين طول وعرض في الأكل ..كلات ماشي في خاطرها لقمة تخشيها وتسها في اللقطة وخايفة لاشي حد يكون قشع لبلان ...سرطات اللقمة وخوات عليها الموناضا وكتشوف في الوجوه لدايرن حولها...
تنهدات وتنهدات ورجعات كملات ماكلتها والغمة كتحس بيها مستوطنة قلبها ...
كملات ورجعات لور كتشوف في اليد لمزال مكمشا عليها والورقة عرقات في يديها ..هزات عينيها دوراتهم فيما بينهم لقات لمزال كياكل كياكل ولكمل وكيجمع را كيجمع ...حلات لورقة وعينيها كيدورو بحال شي شفار خايف لايحصل ...
💞حب يتخطى حدود المنطق💞
❤البارت:181❤
"كُنْتِ أَنْتِ الرَّجَاءِ وَ لاَزَلْتِ... أَيَا إِمْرَأَة هَزَّتْ فُؤَادِي نَظْرَةٌ مِنْكِ تَشْفِينِي مِنْ دَائِي .....فَكَيْفَ لِي اَنْ أَكْتُبُ لَكِ الكَلِمَات شَامِلَة الِإسْتِحْقَاقْ..وَكُلُّ كَلِمَاتِ الكّوْنِ إِنْزَاحُو مِنْ حَوْلِي عِنْدَ ذِكْرِ إِسْمُكِ"
رجعات كمشات يديها وسرطات الغصة لتكونات في حلقها ... كلام يحمل الكثير من المعاني ..معاني العشق والتيم ..معاني الحب الأبدي ....معان كتحرك القلب وتخليه تايه في المجهول ...تنهدات وسهات في الأرض كتفكر إيمتا يكون بغاها وإلا كان بغاها علاش تزوج ..زادت كرزات على لورقة مغددة فور تذكرها زواجو مرددة:رجال كلهم بحال بحال وحدا لدار و لولاد وحدا لزنقة ...نظرة الحقدة تكللات في عيونها وهزاتهم في حفصة لجالسة معا عائلتها مجموعين كياكلو ويتكلمو. ....
ملامح عادية كانت على وجهها ماشي وحدة مألمة على فقدان فلذة كبدها تنهدات وقلبات وجهها كتشوفي عائشة لعينيها على عبير في كل خطوة ..
تجمعو طبالي وتفرق المجمع توادعو مع عائلة العريس في إنتظار ليلة العمر ...ناضت عائشة ولعبير شافت ..فهماتها وناضت بعدا من لبنات لكانت مجمعة معاهم ...
توادعات معاهم بعدما بدلات رجعات عبايتها وفي أمها شدات .....بزز باش خديجة خلاتهم يمشيو اما هي عليهم مابغات تطلق..نزلو في الدروج وهي غادا وتلفت لاتشوفو ولكن وجهو عليها غبر...
ركبو في الطاكسي وعينيها ماتحذرات حتى فاتو الحي حلات صاكها و الورقة رمات عينيها شافتها ..تنهدات و رجعات سدات هازة عينيها في النافذة كتشوف في الطريق والظلام الحالك.....
دخلات الدار تابعة خديجة لكتحل في الباب لبيت ..دخلو وعلى المانطة ترمات .....
خلات عائشة هزات سطلة ولطواليط توجهات ..بقات تلعب في شعرها لمدة قليلة ورمات يديها لصاك خدات الورقة ورجعات لمكانهلدا ..حالاها كتعاود في كلماتها ...عرفاتهم ليها من خلال حرف العين لمزين في أسفة الورقة ...قراتها وعاودات و كل ماقرات حرف كل ماقلبها كيضرب متناسية لكلام لقالت على الرجال...
حسات بطيف خديجة ورجعات الورقة لصاكها ..تبعات بعينيها لشبه مغلقة من العيا على عائشة لهزات الصلاية والأرض فرشات و للقاء الله سبحانه توجهات ...
بقات متبعاها حتى صلاة وهزات كفوفها لخالق متدرعة بقلب خاشع سليم دعوة ليها ودعوات كثيرة لفلذة كبدها لعانات وكلات الدق حتى ماقدات ..تلفتا لقاتها متبعاها فغرات فمها مرددة :علاش مبقيتيش كتصلي اعبير
تنهدات وجلسات:الله يسمحلي يارب(نزلات عينيها و الأرض صوبتهم حشمانة من راسها على الصلاة لكانت مقاوياها نساتها )عاودات هزات عينيها في عائشة :نحاول نبدا ان شاء الله
حركات راسها عائشة مرددة:صلاة زينة كتريح القلب و تهدأ الروح بيها القلوب كيصفاو والنية كتزيان
ردت مغمضة عينيها:ونعم بالله الله يهدينا
دازت لبديلتهم وفي الصباح ناضت كرشها كتوجعها وشقيقة شاداها منرفزة ووجهها ماكتفسرش ...
لكآبة صبحات حاسة والغمة طاحت على قلبها ..دخلات الطواليط مخليا عائشة لنوم مستحليا.....
خرجات ووجها مخصرة دارت الفوطة الصحية ولبسات حوايج معولة غلى الخدمة لكتسناها..قادات شعرها ولبسات صبادري هزات صاكها ولطوبيس توجهات بلا فطور....
غادا وكدفل وتقيص في الحبوبة لخرجات ليها في وجهها وكتفكر اش دير معاها والعرس ليوم ...
لاحت الدفلة وعينيها تحطات على السروال الشخص لأمامها لجات فيه نيشان بلا لف و لا دوران ...مصدومة كطلع في وجهاا ولعينين رجل كبير شافت ..حكات شعرها بحرج مرددة حروف الإعتذار وزادت كملات طريقها مخلياه مخنزر مردد "صبحنا على الله"
💞حب يتخطى حدود المنطق💞
❤البارت:182❤
متلفتاتش وعينيها ماشافو وراها حتى ركبات في الطوبيس وتنفسات صعداء جامعة صاكها قدامها مخدما مبدأ "غفل طارت عينيك " ...
نزلات كتقاد في حوايجها وتنفخ هي باغا غير معامن وهاد الطوبيس زاد عليها...لبسات طابلي ولعمل توجهات ..تخدم شويا وتما شويا على لكونطوار تاكل في شفايفها مخرجة فيهم الآلم لنتابها في بطنها ....كرزات على يديه ولطواليط موجهة حابسة التقية لشداتها ....
خرجات كتمسح في الدموع لغشاو عليها الرؤية ...
هزات الصينية وكملات صباحها ..حالتها مابرد عليها لوجع ورتاحت حتى كانت كتحيد في طابليتها.....
خرجات كترد النفس وفلوس الأسبوع كتخشي في صاكها .......
ترددات تكري شي قفطان ولكن الكانة مقادة لاتقيس لاتشري ولاتحط ....
هزات كتافها ولدار توجهات دخلات مع وقت لغدا .....
لقات مقلة البيض ومطيشة كطيب ..لاحت صاكها وتحنات سلمات على عائشة لرددت:مالك وجهك صفر
جلسات كتسوط:وتشوفي اش دار لي لوجع ليوم شيبني ...
تنهدات:مبقاتش جاتك بالوجع تا قلت كبدتي تهنات
تبسمات وردت :الحمد الله دابا مزيان
رتاحت وجلسو مجموعين تغدات وناضت كتلبس في عابايتها وجهها صفر ولحبوبة تبان على بعد أمثار ......
تنهدات ملي حطهم لطاكسي ولخزانة لحدا لباب ركزات عينيها ...
صوت الديدجي مالي المكان و لعب دراري الصغار فرحين بالصوت لأهازيج مغير الأجواء...
مرو من قدام لخزانة وطلعو في الدروج موجهبن الدار ..حلات خديجة والإبتسامة لمكتخطاش وجهها بيها استقبلاتهم ...تجمعو في الكوزينة والطيابات كوجدو في الطياب وهديجة كتعطي غير الأوامر وتساعدهم وعلى عينيها دخل وتخرج الحاجة...
حاذرة عينيها وعلى تيليفون مركزة جاها ميساج من نمرة لمحامي توفيق ..ردت عليه السلام وتعجبات كونو مدة مبقاوش هضرو ..
حطات التيلي وهزات راسها في خديحة للهضرة مع عائشة مكتقاداش بحال لخواتات ...
قلبات عينيها بملل وناضت موجهة لبيت لبنات والصقيل بين البيوت مالي المكان ...
دخلات كتبسن وعلى السرير ترمات تنهدات ورمات صدالة في الأرض كتشوف فيهم كيفاش متبعينها ويديهم كانت بين تواب مخشية ...
رددت :امالكم على هاد الشوفت
ردت فاتن:وانتي اش هاد دخلة داخلة بحال بيتك
قهقهات حتى تغمضو عينيها:راه بيتي مافيخباركش سولي سارة
ردت سارة حانية عينيها لتوب:الله يستر بقاليك غير خاد البيت تورتيه
جلسات وهزات طرف توب :غزال هادا شحال شريتيه
ردت فاتن:كادو هادا من عند خالتو
عوجات وجهها ملي عرفات شكون ويالاه غادي تنطق حتى سمعات صوت لمياج جبداتو قراتو وهزات راسها في فاتن وعاودات حناتهم مسيفطة ليه مساج ..ورداتو كأن شيئ لم يكن ...
فاتن:شكون هذا
تبسمات :قريب تعرفي (شافت في سارة )فين النكافة والكوافور وداكشي شفت لماكلة كطيب لخزانة طلعت ولعروسة مواجداش اش قضيتكم
فاتن:تانا معمرني شفت هادشي
رددت سارة مربعة رجليها :نتي حتى تكوني كتشوفي بعدا احمودة
تبسمات عبير وطلعات عينيها في سارة لرادة:مابقا ليها والو وتجي عندها شي عرس اخر وحددنا بعدما تسالي يكون طرح سخن...
بقاو جالسيت كيتعاودو ويحكيو ختى دخلات النكافة ومعاها الكوافورة ....
لبسات وتقادات والقفطان عليها زاد حلا وبابتسامة خجل وخوف زادت جمال على جمال ..خرجوها برفقة ياسين بصلا وسلام من البيت حتى الأسفل الدار دخلو لخزانة و عيون الكل محطوطة عليهم كيف متناسقين مع بعض ومن عينيهم باينة الفرحة واخدا حيز كبير منهم .....
💞حب يتخطى حدود المنطق💞
❤البارت:184❤
طرح سخن والهضرة كثرة اما الشطيح حدث ولا حرج ...كل مرا يحيد فوج ويتقدم فوج دازو لبرارد دأتاي مرفوقين بمختلف الحلويات ....
جالسة كتبنن بحلوة الشوكلاط وشعرها قدامها مسبسب مرتدية كسوة سامبل في الأزرق فضفاضة ونصف كم مخليا يديها البيضين لامعين مع بياض عنقها لكيبان من دونطيل الكسوة...
دارت رجل على رجل وخشات الحلوة كلها من شدة إعجابها بيها في فمها وهزات عينيها أمامها كتمضغ ..حتى توقفات كارزة على فمها وعينيها سقطات عليه جالس في الطابلة لفي المقابل ..
متبعها بعينيه والإبتسامة على محياه ..
وحلات ليها ولكاس أتاي نزلات عينيها كتشرب في هو لعائشة تلفتات لكانت عينيها عليها:حدري عينيك ابنتي مالك تاكبرتي عاد غادي نوحل معاك
سرطات الغصة وتنهدات محاولة تبعد عينيها ...
بدلات سارة لباسي والطرح غير مازاد فيه كيبانو غير شعورات كتشايرو والضحك والبهجة كلا وفين مشغول لبنات باغين يبينو زينهم ولعيالات باغين يدبرو لولادهم أما دراري صغار شغلهم شاغل اللعب ..وكاين لجاي على قبل لماكلة حيت ماكلة لعراس بن منها مكاين تتعدد الأسباب ولكن المكان نفسوووو...
تحطت لماكلة والكل تجمع كتلددو في الأكل ..الكل دار يدو في الطبسل لمترأس كل طابلة من الطبالي الست رجال مجتامعين ومكفين في طابلة وحدا أما النساء 5طبالي ...
تهزو طباسل وتحطو طباسل اخرين كاين لشهيتو ماشاء الله محلولة كال وعاود كال..وكاين لشهيتو على قد الحال كال في الاول و على ثاني مقدر...
عاود الطرح سخن وهاد المرة لعروس لناضت كتشطح شارت لعبير لملي دخلت وهي جالسة لكرسي ولا يطلب منها الشرع ..تبسمات ليها وتلفتات لعائشة حركات ليها راسها عاد ناظت كالطفلة .في اتجاها مرات على طابلة لهوا جالس فيها وعينيها عليه مشاو كيف جالس والطقم كيف جا عليه تنهدات وحيدات عينيها مخلياه متبع طيفها وريحتها لمرت كنسمة برد عليه...
شدات في يديها بداك كتحرك وشعرها رداتو وراها خلاتو يلامس مؤخرتها ويتحرك معاها يمين وشمال نزلات لوذنيها مرددة:فين فاتن مابانتش لي
تبسمات سارة ولودن عبير قربات:دايرا بحال شي مش كيهرب نهار لعيد ماتبان تايسالي لعرس ههه
تبسمات عبير وكملات تحراكها حتى ناض ياسين شد في سارة كيشطحو مخلين عبير كتصفق بيديها وتحرك كتافها وتدندن وتشوف فيهم بحب ......
شافت فاص ليها لقات عيون كوثر مركزين عليها وتخنزيرةحارة ليها ..سرطات لغصة وقلبات عينيها وحسات بالكانة لتحسنات فسدات قلبات الدورة وتوجهات لطابلة مارا عليه هو لعينيه محيداتش عليها طول وقفتها ...جلسات وهزات عينيها فيه وقلباتهم ملي حسات بقلبها كيضرب ..شافت في عائشة لقات تخنزيرة على وجهها سرطات الغصة وبغات تكلم حتى سمعات صوني تيلي هزاتو ورقم توفيق كان ......
هزات تيلي مرددة لعائشة:نمشي نهضر توفيق لتاصل ...
مخلاتهاش تجاوبها وشدات في أطراف كسوتها ولخارج توجهات ...
ردات بإبتسامة:اش هادشي اسي لمحامي
رد عليها بإبتسامة مماثلة: لبان ليك الالة شكرا على نمراا
وسعات ابتسامتها ولشعرها ورا وذنيها دوزات .. :غير هو طريق ماساهلاش صعييب والا وصلتي ليها شابو ليك
رد بقهقهة:عارف من شوفة اللولا عرفتها
تبسمات وتلفتات حتى كتشوفو وراها محات ابتسامتها وبعينيها بحلقات في الأجواء مرددة :مع السلامة
ودعها بشكر وقطعات معاه هازة عينيها في لأرجاء مرددة:شنو معنات رسالة بحال لمراهقين
حيد يديه من جيبو وصغر فيها شوفة :معامن كنتي كتهضري الالة
تنهدات مهربة عينيها من عينيه: سولتك جاوبني اش كعني هذاك التصرف
مدة من سكون كيتسمع غير صوت الأغاني وضجيج لمرفوق بالعرس ..تنهد والشوفة فيها زكا لمدة طويلة ..شافت فيه مرددة ب:مالك
حتى عاود تنهد :ايمتا يخرج طلاقك
تعجبات من سؤالو مرددة:علاش هاد السؤال
حك على شعرو ناطق:على قبل زواج ....
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
❤البارت:185❤
صغرات عينيها وفغرات فمها حاطة راسها في الأرض مخلية عينيه عليها ....سكون من طرفهم لمدة.. عاد هزات راسها كتبحلق فيه مرددة:اينا زواج
سكت لمدة وردد بعدما تنهد وشاف وراه ورجع شاف فيها:بغيتك لزواج
خرجات فيه عينيها وسرطات لغصة لتكونات في حلقها صدمتها ما بعدها صدمة معرفات ماتقول وهو عينيه عليه لصقات ...تنهدات وحكات شعرها بحرج :راني مزال مزوجة وكنظن الطلاق مزال مطول( تنهدات مغمضة عيونها كتهدأ صوت قلبها لكيضرب ويزيد في دقاتو ...حلاتهم فيه مكلة لكلام لوقف في حلقها) ونتا مزوج
بغا يقرب ناحيتها وقفاتو بيديها لمزينة بنقش عربي خالص :حدك تما اولد ناس تمادينا بزااف وهادا ماشي هو الشخص لشفت نهار الأول(سرطات الغصة) عندك مراتك منقدرش نجي عليها ضرة ومعمرني نفكر فيها غير كون مع مرتك راه كتمر من فترة حساسة (تنهدات مكملة حديثها بعدما هزات عينيها فيه ولقات عينيه عليها والدمعة واقفة في عينيه)الا كنت عزيزة عندك كنظن مغادي تبغي تحطني بين نارين نتمنى ليك الخير وكنتمنا يكون هدا اخر لقاء لي معاك ...
سرطات الغصة ودازت من أمامو مخلياه تابت مكانو والدمعة محبوسة في عيني اما غصة لي في قلبو بحال شي حجرة ثقلات عليه ..تلفت ليها وتبعها حتى تبعوها رجليه منادي بإسمها..مسحات الدمعة من عينيها وتلفتات كتشوف في وجهو لحمار وتفاحة ادم لكطلع وتنزل رددت:لهضرة سالات قبل ماتبداا
والتافتات داخلا الخزانة ماعاودااتش تلفتات من وراها تاركاها حالتو حالة طبطب على قلبو وجلس على عتبة لباب جامد لايحرك ساكن
💢💢💢💢💢
أيا قلبا..عشقت بجوارجك ..كان فوزك اللكمة القوية....ضربتك الضربة المميتة..أنزفت جرحك الذي لم يلتأم ولا يوم ..أمطرت عليك الضيق ..فكيف لقلب أن يعشقك ويهواك إلى حد النخاع أن يفترق عنك ويتركك تهب في مهب رياح ...
طلب ليس بهين وقلب ليس بسهل عليه أن يتقبل هذا لفراق فقد يشتاق..أكثر من قبل الأنه علم أن لقلبك قد دخل...
بكي أكثر الأنه في الأعماق قد سكن
وبالجرح يتقطع لأنه علم بتشاطرك معه نفس الألم.....
ياسمين إكرام
💢💢💢💢💢
مسحات دمعتها وبالإبتسامة دخلات جلسات مكانها بلا ماتشوف في عائشة ..متبعة أجواء الفرح ..تلفتات ملي سمغات صوت عائشة قربات نحوها وعطاتها وذنيها تسمع اش قالت ..رددت عائشة:اش قالك توفيق
قربات بفمها لوذن لعائشة :غير على الطلاق داكشي بحال ديما كيطول
حركات راسها عائشة مرددة:الله يفك سراحك على خير مزال مابانش
تنهدات رادة:والو تقول الأرض تشقت و بلعاتو حسو تقطع.....
تنهدات عائشة ورجعت الأجواء لعرس ...
خلاتها هي مرة بعدة مرة كتساقط دمعة من عينيها وتمسحها ....
💞حب يتخطة حدود المنطق💞
❤البارت:186❤
داز العرس وتفرتك المجمع من دقيقة لرمات ليه لكلام أثرو مبقاش بان مدخلش ولا مر على عينيها وحتى وداع سارة مبانش رغم بحثهم عليه باش يسلم عليها ويتوادع الا وأنو غاب على الكل وخلا سارة تمشي بغصتها كان بمثابة الأب الحامي والعروس كتبغي الأب يكون بجانبها ....
ردات عبير الكسوة لكانت لابسة مكانها ...رمات عليها عبايتها ولباب توجهات بعدما لقات نظرة أخيرة على لبيت لجمعها مع لبنات...
خرجات والغصة تكونات في حلقها دورات عينيها على الدار لكلشي مشا وبقات غير لقلة لقليلة ...مخلفات العرس والضيم لكيخلي اما تمارثو خلاص ....
دخلات لكوزينة لقات الطناجر والطباسل كتغسلو من طرف شي بنات ومعاهم فاتن تبسمات ليها في صمت
وهزات كاس لما شرباتو ولصالون توجهات نادات عائشة من وسط لمجمع لقليل لخديجة فيه كتمسح في عينيها لعلى سارة مانشفو.....
ملي شافت حالها توجهات عندها تحنات كتواسي فيها وعلى راسها كتبوس
خلات كوثر كتنغز في حفصة مرددة بهمس:شوف لعيالات لكعرفو مابغيتيش داكشي لقلت ليك على الأقل جريه غير بمو وخواتاتو
قلبات حفصة عينيها وتنهدات : معنديش معاهم واش انا تزوجت براجل ولا بمو وخواتاتو...
قلبات كوثر عينيها كيقوليك لمثال الحيلة حسن من العار
سكتو ملي حسات حفصة بقرصة من عند معا لفي جانبها متبعين لفيلم لداير
ودعو خديجة وخرجو لكوزينة سلمو على فاتن وخرجو لديارهم في هدوء تام ولا كلام من غير تصفار طياب العنب ..............تكمدات في مكانها وعلى كرشها كرزات زادها لوجع أضعاف وأضعاف تنهدات وهزات التيلي تلف فيه كارزة على سنانها ..دخلات لكونط محمد وإذا بها كتلقا الخساب بالكامل مكاينش تنهدات وسرطات لغصة واخا هكاك ولفاتو ولكن كيبقى العالم الإفتراضي مكتعرفش عليه من غير اسمو .....
ردات لتيلي لمكانو وسهات في المحهول مخليا الألم يقطع فيها وقلبها ياكل فيها...
💢💢💢💢
مأصعب ألم الحب ..
شعور بالمرض وأنت ليس بك علة ..
شعور بالألم ينهش جسدك وأنت جسدك سليم
القلب ينجرح ويتألم في خفوت وكل مالديك أن تتحسس لذالك الشعور المشخص الأبصار
💢💢💢💢
ناضت مقلوبة على صوت لالاغم طفات تيلي ورجعات غمضات عينيها محاملاش تنوض شعور بالغمة والإكتئاب جتاحها مبقات بغات تعتب الباب كل لبغات تغما وتبقا في حالة سكون لا كلامينطق ولا أفواه تحل .....
بقات على وضعها ساعة بعد ساعة الا ان فاقت عائشة ولقاتها في لمانطة مخشية ....
استغربات ومشات هزاتها عليها لقاتها مغمضة عينيها غير شافتها حلاتهم
تنهدات عائشة ولشعرها كطبطب :مالك ابنتي صبحتي عيانة
حركات ليها راسها باه وتلفتات الحيط .....
مع الزوال ناضت ووقفات على رجليها محاربة احساس الكآبة لركبها....معندها لا حنين لارحيم لوقف ويهزهم ماعليها غير تحزم وتخلي الألم ينهش داخلها بلا ماتأذا عائشة ولا يزيد يضيع مستقبلها ....
لبسات وقادات كيف ديما تسالمات مع عائشة ولخدمتها توجهات ....
💞حب يتخطى حدود المنطق💞
❤البارت:187❤
بعد مرور سنتان
مرت سنتان بجميع فصولها ...... سنتان من العمر ..........مرت ومر معها الكثير من الأحداث ...الإستقرا كان ولازال نفسو عند عبير وإكتساب اللقمة العيش نفسه .... كل عام كيمر وكتزيد الأمام لا من حيث دراستها لهي في سنة الختامية ليها قريب تحقق الحلم لكان يراودها من الكفولة حلم مزال ليه خطوة صغيرة توصلها ليه ....
بسمتها وفرحتها هي عائشة الأم لبجانبها على مر الزمان ..كانت ولازالت نعمة الأم ليها بحبها وخوفها عليها .....
طلاقها مدة قليلة باش حصلات عليه حمدات الله وشكراتو ملي تفكات وأصبحت حرة طليقة .....
قهر الظروف لمرت بيهم صب شابة كتحدى الكل وزاد في هاد السنتان لغير تنفسات الصعداء دخلات لاصال وكان هو بمتنفس لها ...تعلمات فنون لمتخلي تاحد يستغلها ولا يمد يد سوء ليها ...تعلمات بأن هاد الدياب لفي الدنيا ميليق ليهم غير القوة ثم القوة ..ولاشيئ غيرها ..حيت لاكنتي درويش يدوسو عليك بأكبر صباط ....
تناسات وحاولات تناسا لوقع قبل سنتان ..خديجة ولبنات التيليفون كان كفيل بيناتهم رغم ولادة سارة... رغم خطبة فاتن ورغم سبوع سارة الا وأن عتبتهم مكيوصلوش تقلقو وعاودو تقلقو ولكن هادو هما قلبهم طيب وحاولو يحطو أعذار خصوصا خديجة لعرفت السبب هو حذيفة وسكتات وحاولت التقبل الوضع ...
قادات لافيسط وجمعات شعرها ديل حصان ...
هزات صاك دارتو على خصرها وتلفتات لعائشة لكانت كتقاد بجلابة الوردية لشراتها ليها مؤخرا
قدات ليه الفولار ولإبتسامة على محياها ...
خرجو مشادين كيدورو في القيسارية ليوم الأحد كتزيد تعمر والناس فيها كلا يلغي بلغاه خصوصا قرب لعيد لكبير .....
دارو وتساراو وعائشة عاد لقات الفرص والحرية ل كانت محرومة منهم ..تسول وتشطر على الثمن وبرغم اانها متشريش الا وان كتسقي عينيها وتبرد جوفها....
شراو بعض لوازم العيد لناقصينهم ...ودخلو الأقرب كافي يرتاحو شويا ....
جلسو والإبتسامة على محياها ...نادات السيرفور يجيب طلبيتهم مرفوق بحلوى لاكريم لمرة بعد مرة كتعجب عائشة
هزت عينيها في عائشة لرددت :الحمد الله تفكيتي من هذاك الجلاخة
حركات راسها وعينيها على سيرفور لمحمل طلباتهم .خلاتو حتا مشا و رددت:الحمد الله
تنهدات خديجة كتهز في الملعقة ولفمها رمات : كان قلبي ضارني عليك ونعاس ممرتاحاش فيه
هزات عينيها فاص ليها إذا بيها كتشوفو جالس نزلات عينيها في الطابلة ماباغاش تشوفو وتحي شعور لخلاتو مخبي كيجرح فؤادها ...عينيها بلا هواها رجعوها تشوف في جيهتو ......
غمضات عينيها وساطت بعنف محولة نظرها لأمها
لكتهضر معاها على موضوع طلاقها
تنهدات لملل من الموضوع وعاودات مرة أخرى خانتها عينيها جيهتو
لحاط بنوتة على رجليه كيهزهز فيها وهي كطلق زواكتها الحلوة ...مرا بعض مراا كيطلع عينيه يبتاسم في وجه الفتاة لكتشاركو في الجلسة
فجأة تلاقاو عيونهم ركزز فيهااا الشوفة وهي كذالك كتشوف تقاسيم وجهوو لمبدلت فيه السنوات القليلة لاشيء تنهدات في محاولة تبعد عينيها ولكن خانتها الدمعة لنزلاات
هو لاخر كيرمقها بنظرات شوق عتاب حتى حس بعضة في عنقووو ...نزل عينيه وابتاسم بمرارة لشقية صغيورة لكتربي السنينات
حك عنقو وهز عينيه لجهة فين كانت حتى كيلقاها فارغة دور عينيه كيقلب عليها ..استقرو عينيه عليها شادة في أمها وكتمشى بسرعة كأنها هاربة من شيء تبعهاا حتى غبت على ناظريه وبقا ساهييي قدامو مافاق الا على يدين كيدوزو على عينيه ....
💞حب يتخطى حدود المنطق💞
❤البارت:188❤
تنهد ووقف خلا حفصة توقف معاه باستفهام حط لخلاص وخرج ماسك لبنوتة ..قلب بعينيه على طيفها ومالقا إلا الخراب نتنهد وهو كيحس بقلبو كيضرو دار مد لبنت لحفصة وطلع لطوموبيل ..مخليها هي تنهدات وطلعات الوراء مجلسا البنوتة على رجليها وعينيها عليه من لمرايا ..كتشوف أنو مدة مكانش بحال هكا مدة شهور باش كتشوف وجهو خالي من أي إحساس من غير لبرود لتشبت بيه ..
ديما هي لكتقدم بالخطوة في اتجاهو ..في كل امر وختى لخرجة ليوم ولخرجات لقبلها كتكون هي لمدبراهم ..كيفما كان نهار الأول لا زال.....تنهدات وعاودات حامدة الله وشاكراه على عبير لمبقاتش كتجي ولكن سميتها مزال كتذكر وبالإبتسامة على فمهم نزلات عينيها على الصبية ذات سنة وبحقد عوجات فمها بسباب هاذ الصغير أبغض إسم عندها كيذكر...خدات سميتها وخلات كل من في دار يذكرها بين الحين و لآخر ...
وقف الطوموبيل وتلفت كيشوف في كمية اللطافة و البرائة لحداه مد ليها يديه ولأخيرة كانت على القرص ترامات ليه مخلية حفصة تسوط وتنزل من الطوموبيل كتقلب في عينيها ..تقدم أمامها كيخشي وجهو في عنقها مخلي صوت الطفولي وتنغنين يملئ الجو ..مخليها هي تابعاهم وكتعوج في وجهها ..حتى طاحت دمعة من عينيها دمعة مليئة بمعاني كثار ...رغبتها في الإنجاب ولمزال مكتاب رغم أن جميع المؤشرات مزيانة علاقتها لكتحس بيها كتهدم ...
حل لباب بيد ودخل كيسمع كثرة لغا حطها في الأرض وبدا كيمشي فيها بشويا حتى دخلو عليهم لصالون وتزادو قهقهات سارة وراجلها..طلقات البنوتة من حذيفة و طاحت كتحبو بلإبتسامة حتى وصلات عند سارة لفمها محلول بالضحك هزاتها عندها كطبطب عليه وتشم في ريحتها مرددة:الله على الفنون تاع ماماه مشات تسركلات وخلاتني
غرغرات بصوت طفولي خلات لكل عينيه عليها مرددة :ماماه غرغرغر
تبسمات وتحنا بغجات ليها خدودها لموردين وعطاتها لياسين للبسمة في شفايفو ....
هزات سارة عينيها في حذيفة:تكون برزطاتكم راه مشاغبة
قهقه وسرح يديه على المخدة مردد:بنتي هديك
خديجة ببسمة كتشوف في حذيفة :والله يخلينا ديما مجموعين يارب ...خاصنا غير شي وليد يعمر علينا الدار وتكمل ..كلام خلاه يتنهد ويهز عيني في عبير الصغيورة لفي لحيت باها شادة مابغات الطلق تبسم وحك حاجبو مردد :ان شاء الله ...
ردات خديجة :لعيد مابقا ليه والو ممين نشريو هاد العام
رد ياسين كيتعافر مع بنتو :هدا اعبير غادي نضربك
اسم كيخليه يتنهد ويسها في لبعيد عن العين وقريب للقلب...اسم كلما تردد وكلما كيزيد قلبو كيحرقو بحال اسمها محفور في قلبو وكيجري مع شراينو...
هز عينيه في خديجة لقاها كتشوف فيه تنهد مردد:نشريو من عند لكنشريو من عندهم لحال ديما
حركات راسها وتلفتات لفاتن لشادة تيلي في يديها :انا هاد لعام مقاداش على الغنمي شريو ليا غير شويا البكري
حرك ليها حذيفة راسو :نيت لغنمي كيطلع في الراس ...
ناضت حفصة من حداهم خلاتهم مجمعين فيما بينهم ولبيت سدات عليها .....
تردخات على السرير والغمة مالكة قلبها نلات وعيات بزااف من هاد العيشة تعب كتحس بيه كيا حيات و لملل كثر تنهدات وتوجهات لبلاكار حلاتو وخشات يظيها تحت حوايجها كتقلب حتى هزات في ديديها كموسة مقفولة سرطات الغصة ورجعات لبلاصتها وعقلها كيديور و يخمم
💞حب يتخطى حدود المنطق💞
❤البارت:189❤
💢فلاش باك
جالسة ...حداها ختها في بيت نعاس تنهدات حفصة مرددة جبتي لقلت ليك
حركات راسها كوثر وبيديها تماطات الصاكها لجانبها.. جبدات كموسة وبابتسامة على فمها ردت :هانتي ديري ليه غير شويا في الماكلة وتفكريني
شداتها من عندها وكمشاتها بيديها وهي كتحس بالرجفة طالعا معاها من صبعها الصغير ...سهات أمامها مخليا كوثر تهضر وتعاود وهي كتحس بالطنين في أذانها ...
مدة ورجعات ناظرها لختها ناطقة:باك مايكرا ليه والو
تبسمات :الا معندو مايوقع ليه غير متكتريش وصافي وجربيها يوم اه يوم لا
حركات راسها وناضت لبلاكار خباتها مزيان على العينين و خرجات مع ختها.......
🔙 رجعات بذاكرة وعلى الكموسة كرزات خباتها في صدرهاوطلعات عينيهاةفي لباب لتحل ودخل منو كيتمتم بالإستغفار كيف اعتادت عليه...
طلع عينو فيها ورجع نزلهم موجه لحمام ..خلاها تنهد وتعاود ..خرج كيقطر وللقبلة توجه ...
صلا صلاتو وهي متبعاه بعينيها بإعجاب ما بغا ينداثر ويغيب رغم البرود المستمر ..
جمع الصلاية وتوجه لطابلة هز كتاب ولسرير خطا خطواتو ..جلس حداها وتنهد في سكون تام لمدة وهو ساهي أمامو حتى قاد جلستو ومد يديه ليها كيطبطب عليها في سكون ...
خلاها تهز فيه عينيها وبالإبتسامة صفرا بادلات نظراتو....
رد بصوتو المعهود خشن وببحة : كتباني لي ماشي هي هاذيك اش مقلقك احفصة
طولات فيه الشوفة وردت: مزال موضوع لولاد مأثر عليا بزااف
تنهد وطول الصمت لمدة :الله لي بغاه معندنا مانديرو
حركات راسها باه رادة:مكرهتش يتزاد عندنا شي بيبي بحال بنت سارة
تبسم ببشاشة ونطق:داكشي ديال الله
بعد يديه من يديها ولكتاب هز كيقرا ويتمعن في كلامو مخليها هي تلفتات عطاتو بظهر كتفكر وتخمم لمدة قليلة ورجعات تلفتات كتسرط الغصة مرددة:نصيب ليك شي قهوة
تبسم وحرك راسو باه :هي لمحتاج
تبسمات وبرجليها لامسات الأرض غمضات عينيها وحلاتهم وجمعات الوقفة موجهة الكوزينا وقفها هو مردد اسمها الشيء لخلاها تكمش اصابعها وقلبها بالخلعة زادو دقاتو...
💞حب يتخطى حدود المنطق💞
❤البارت:189❤
💢💢💢💢💢
السحر السم يدخل الذات وينهش القلوب ويبرد الجسد بعدما كانت كتمليه الروح ..روح طيبة او خبيثة كلا وملقاه مع مولاه ولكن علاش الإنسان كيبغي يمرض شخص ويطعنو في صحتو الأعز منها ماكاين..
علاش كينزل لمستوى ويحط يديه في يد الشيطان ويخلي القلوب مشويا...
علاش يبغي يهد الكتاف ويخلي شخص يتحول من الصحة لمرض ومعارفش دواه
أذاك إنسان توجه لخلقك ...بغيتي انسان ومابغاكش توجه لخلقك ملي تصلي وتستغفر الله تصوم وتصلي على النبي محمد عليه أفضل صلوات كتنال مرادك والفرحة كترسم على شفايفك ..عكس طريق الشيطان
.طريق لخبيثة لماينال منها الإنسان إلا الخسران والحزن الدائم ....
طريق لحرام ولطريقها مسدود معندها فين توصل من غير الظلال
الله سبحانه قال في كتابه العزيز "لايفلح الساحر حيث اتى"
هاذ الأية الكريمة وضحات كلشي لخاصو يعرفو اي شخص توجه او بغا يتوجه لطريق لخبيثة ان طريقو مغلقة ومهما دار مغاديش يلقا مرادو من غير المرض والقهر والألم لكتشخص ليه الأبصار علاش الإنسان مايعيش ويرضى بلي عاطيه ويدير الخير ويحسن العبادة الله سبحانه.. .. يرتاح ويهنى بالو وهو كستسنى الفوز بالجنة..
💢💢💢💢💢
سرطات الغصة وبالتفاتة منها تبسمات مرددة بصوت مكتسمعش:نعام
تبسم الشيئ لخلاها ترتاح ولوذنيها طلقات:هرسيها لي شويا ماشي قاصحة ..
حركات راسها وحلات لباب سلتات خلاتو منغامس في الكتاب.....
بخطاوي شيطانية موجهة لكوزينة وبخفة وبلا حس جبدات الغلاي وعلى البوطة شعلات .. رمات الحليب ورجعات الطل وتصنت على الأصوات الضحك لبعيد تنهدات و رجعات لمكانها ضافت نسكافي وفرغات في الطاس ..رجعات ناظرها لباب وخشات يديها في صدرها جبدات الكموسة فتحاتها اول مرة...كمية لقليلة لنصحاتها بيها ختها هي لدارت ورجعاتها لمكانها كتنفس الصعداء ....
حركات الطاس وتسنات دقيقة حتى داب داكشي عاد هزاتو و البيت موجهة ....
حلات لباب والبسمة صفرا محاطة شفايفها ..
مداتو ليه ومابعدات عليه حتى شافتو رشف منها..
رجعات لمكانها عاطياه بظهر وكترقب ردة الفعل ....
حتى سمعاتو حط الطاس ...
💦💦💦💦💦💦
واقفة في الكونطوار ببودي وسروال أبيض محزمة بطابلي مخشي فيها كارني لكتنوطي فيه وستيلو ...تنهدات والقلق على وجها الجميل ماحيد من اللحظة لشافتو برفقة الطفبة والمدعوة حفصة وقلبها كيضرها ويزيدو دقاتو في الدقان
انقاطعات أخبارو وعليه مابقات كتسأل كتجاوز جميع المواضيع ولأخبار ملي كتهضر مع عائلتو ولكن هو كأنهم ماكاينش ....حتى كتصدم ليوم برفقتو طفلة جميلة ..غززات سنانها والدمعة في طرف عينيها استوطنات..عاش حياتو وكون عائلتو وهادشي لكانت قالت ليه ولكن الأمر ماجاهاش بالساهل ضرها بلألم قادها لطريق ليست بمفتوحة بل مغلقة ومقفلة بإحكام ...
مسحات وجهها وهزات ولطابلة جلسو كوبل توجهات والرجفة مرافقها ملي شافتو
خدات طلبهم وعلى الحب لظاهر بيناتهم قلبها تقلص وخبط بدقاتو...
كملات نهارها بزز منرفزة ماباغا تهضر مع حتى حد وكل وجه منور قلبها كيضرها ..صحيح هي لقالت ليه لكلام وهي لبغات تبعد ولكن ملي وقعات جاتها قاصحة وتضربات في الوتر الحساس...
ركبات الطوبيس راجعة أدراجها وكتحس براسها تالفة..تايهة وعلى الأرض حاطة رغم قرايتها لغدا مزيان رغم الصعوبات لتجاوزات وأصبحت طليقة الا ان السعادة حقها ماواخداش كتحي براسها طايحة في بير متوفر فيه كل مايملئ العين ويشبع البطن ولكن النور لماشيفاش..
💢💢💢💢
هادي هي الدنيا..كلا وكيفاش كيشوف الأمور و يواجه لواقع لكيخدلك كثر مايفرحك ...
كاين لقانع وبالحمد الله شابع وبسعادة عايش رغم الفقر وقلة الشي
وكاين لكيملك المال والجاه طريق الراحة مالاقي وفي الطريق الحرام سارح
فالحمد الله دائما أبداا تغني نفوسنا وتشبع أرواحنا وتجعلون راضين ..قانعين بلي مقسم لينا الله سبحانه
💢💢💢💢
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
❤البارت:190❤
دخلات الدرب كتافها طايحين ولكلام عائشة ماقادراش ... تسمع مقادراش تعطي لمبررات لعائشة ولا تكلم في الأصل ....الحالة لكانت فيها قبل سنتان رجعات ليها من جديد .....
دهلات وجلسات متكية على الحيط حابسة بيديها عائشة لغادي تبدا تسول كيفاش و علاش خرجنا بغدما كنا كنهضرو بحال الناس ...
تكات مكانها مخليا عائشة معجبة فيها ولعشاها رضات متجاوزة الأم كتقول معصبة غير مع لاغيكل لغادي تكوت قربات ليها
دازت الليلة ودازو ليالي اخرين تابعينها ..ليالي ما قبل العيد ناس تالفة وشغلها الشاغل تقدا وتعمر الثلاجة بمختلف الخضر والفواكه والأسماك.. الكفتة ولاداند ....باش يغيرو ويحدو روتين اللحم لطاح عليه ويهلكو ...
حيدات المانطة على وجهها و على صوت تقرقيب خسرات وجهها ....
وعلى شعرها حكات ..صحيح دازت ايام الا وان الجرح مختالفش لايزال نفسو وعميق وملي شافتو عرفات عمرها تقدر تنساه وتحسبو كأنو لم يكن ...
جلسات حاطا راسها على الحيط ولدقات قلبها كتصنت بحال قطرات لماء من لبحيرة غريقة ...
جمعات الوقفة خارجة لطواليط قدات روتينها وخرجات وجهها كيقطر..دخلات لبيت مسحات وجهها وبصوت رهيف نادات عائشة لغارقة في نوم ...
جالسين مجموعين على طابلة الفطور وعاىشة عينيها عليها ماحيدات حطات دغمة الخبز ونطقت:مالك
هزات وجهها فيها ودغمة في يديها وببرود ردت:والو مالي
تنهدات رادة:معجبتينيش من نهار خرجنا مابقيتي عاجباني ...
وقفات ولحوايجها وتوجهات كتلبس عاطيا لعائشة بظهر مخليا ملامحها يتجمعو ورمات لخبز من يديها كتستغفر الله..
لبسات شوميزا بالأبيض ولافيسط من لفوق وسروال بلبورد و مع صبادري بيضاء عزات صاكها الأسود دايراه على خصرها رادة شعرها أمامها
تلفتات عند عائشة لقاتها كتلبس في جلابتها:أنا غادي نتسناك حدا لباب يالاه نمشيو ..
خلاتها كتزهد وخرجات امام الباب كتنفس وتدخل لداتها هوا صافي ونقي السكون كان امرافقها والقطوط مزال كيدورو ويبحثو على لبيبان لمحلولة يدخلو ليها...
تلفاات فور ما تحل لباب وقادات الوقفة موجهة لعند عائشة مسكات لبها يديها ولرحبة موجهين يقلبو على الحولي لعيد لما بقا ليه والو ويحل ....
ركبو في الطاكسي ويديها كتمر على النافذة لندا طايح عليها ....
وقفهم الطاكسي خلصاتو نزلات كترد في الصرف في الصاك داخلة لرحبة ...لفيها بنادم قليل توجهات لمحل كتشوف وتميز الأثمنة وحتى واحد
لعجبها يكون غالي ولرخيص ميعمرش ليها لعين ..من محل لمحل حتى وقفات عند واحد شافت الخروف وعليه مبقات بغات تزحزح خصوصا ملي خدات رأي عائشة لبدورها عجبها
تفاهمو على الثمن وتوجهات تقلب على هوندا باش تهزو ....مدة ولقات هوندا دبت هي وعائشة نحو لمحل تاركين مول لهوندا كيتسنى وراهم ...
هزات عينيها بصدفة وليه عينيها حبسات واقف بجانبو خديجة وياسين وسارة سرطات الغصة ولوجهو مقدرات تكمل الشوفة ...الظاهر عليه لعيا تلفت بصدفة ورما ليها شوفة عابثة ...
خلاتها بتعجب تشوف فيه وعينيها عليه لصقات.
قصص و روايات من صميم الواقع المغربي، لنا فيه بعض العبر. و يسرنا أيضا أن نقدم لكم باقة من روايات قصيره، قصص حب قصيرة، قصص حب واقعية، روايات بوليسية، روايه غرام.
إرسال تعليق