طريقة عمل الفاصوليا البيضاء بالطريقة المغربية / اللوبيا البيضاء

قصة من أنا؟  |  الجزء الثاني

نقدم لكم الجزء الثاني من سلسلة قصة من أنا؟ للكاتبة و المدونة ياسمين إكرام، نتمنى أن تعجبكم السلسلة. سلسلة قصص مغربية بالدارجة. 

🍁لِمَاذَا أَنَا🍁

🍀البارت:31🍀

في دار لفوق جالسة فاطمة كتفطر هي وأميمة ...

فاطمة (فمها عامر):صدماتني بنت الهم

أميمة(صرطات الدغمة):كون تشوفي أنا خرجات فيه عينيها بغات تاكلو

فاطمة:راه كنقولك لفعة كضرب من تحت كدير راسها درويشة وداخلا سوق راسها تقول متنوضش دجاجة على بيضها ..نحلف عليها حتى مبغاتش تزوج حيت كتعرف شي زويزو مطمعها وكحلب فيها وهي محلولة ليه ميمكنش شي بنت تعربط على باها لمكانتش تهز فيه العين على زواج ومزال معرفت تاشكون لعريس

أميمة(كتحرك راسها بلا)مكنظنش عبير مديرهاش مكتشوفيهم حتى شوفة بقا غير تصاحب 

فاطمة(مخرجة عينيها):كنتي معاها بسلامة 

أميمة:ولاد درب يوريوك العربون كتزلوو عليها وهي منخلاهم 

فاطمة:لفعة هاديك كضرب لبعيد اش بغات ببنادم لقريب يجبد ليها صداع مع مصطفى 

أميمة:أنا كتجيني معقدا منهم ومن. كلشي ديما عاقداهم 

فاطمة:كون معقدة كون لاباس نوضي جمعي طابلة وقدي دار نزل نطل ونقلقل سوق كداير 

لبسات صندالتها ونزلات بالبيجامة شورط وتشورط صدرها كيطل ..

🌻🌻🌻🌻🌻🌻🌻🌻

...عائشة طفات على طاجين وكتقاد في ماعن سمعات دقان قادات فولارها وحلات لباب لقات فاطمة واقفة حاطا يديها على خصرها 

تبسمات ليها واستقبلاتها ..سدات لباب من وراها .....داخلا فاطمة 

كتهندس في الدار وتشمشم ريحة المعطر مخلطة بريحة الطياب دخلات لصالون وهي كتشوف في لقنات شافت في عبير لمغطي وجهها بشعرها

قلبات عينيها وجلسات دايرا رجل على رجل :جيت نشوف كيف بقات عبير خلعاتني حالتها 

جلسات حداها عائشة:تعصبات مسكينة 

فاطمة:سمحيلي اختي ولكن مصطفى راه باها كيفاش تخرج فيه عينيها كانت باغة ضربو أستغفر الله 

عائشة:صبر أختي معندنا مانديرو

فاطمة:وزايدون باها وعارف مصلاحتها كثر منها هي مزال صايط ليها لبرد في عقلها باها جايل وعارف كاين ذياب في الدنيا اللهم دير دارها وولادها حسن ليها 

عائشة:التازمات الصمت 

فاطمة:(هزات مخدة دارتها فوق رجليها)بنتي لي ماعارفاش الدنياا عايشة شفتي من ورا هاد الحيوط لمخبيا بيهم كاين ذياب يتفلى عليها شي واحد وتجيب كرش من الزنقة فين غادي نوليو لاهم زواج راه سترة انا بعدا بنتي يجيو فيها لخطاب ماتبقاش نهار راه تران غادي وكيجري غادي يدوم الصغر ويدوم زين شويا غمضي عينيك تولي عندها 30 

شكون يتزوج بيها هاديك ساعا وحتا من لولاد مكيبقا لواحد لغانة يديرهم هادشي الا قبل عليها شي واحد ميتا ليه لمرا

عائشة:زواج غير مكتاب افاطمة 

ردت : ايه مقلناش لا ولكن الا جا شي ولد ناس علاش ترفض راه لمرا ملي كتوصل لسن زواج. كتولي كاع لفام محلولين عليها باش يتسدو لفام خاصها تزوج وتروح لدارها وبنتك الا بقات هكا نقولها ليك ما نتي في خير غادي تولي ضرب بلحجر ..تزوج راه لمرا سهمها راجل  يدير ليها قيمتها بين ناس 

عائشة :الله يحفظها لياا الله يبعد عليها كل شر 

فاطمة:ايه راه قلت ليك غير لكاين زواج راه سنة لحياة 

🍁لِمَاذَا أَنَا؟🍁

🍀البارت32🍀

🍃🍃🍃🌼

شحال صعيبة يكون مركز الكون هو راجل او زوج الا ماصدقش اش غادي يوقع غادي تلاح فتاة في عمر الشباب في حفرة ..حفرة سودااء واللقب المطلقة يرافقها أينما حلت و ارتحلت من القريب و البعيد

شكون غادي يقول هو لمنو ديفو هو لتكرفس عليها حتى طلقات وحنا في مجتمع ذكوري يدير لدار الرجل كيبقا راجل هي لمرااا.. المرااا لخاصها تكون مكرمة ولات تحت رجلين بقناع مطلقة 

لقب المطلقة كيخلي كاع لاصابع كيشيرو ليها.. لقب كيخلي اغلب النساء سامحين في حقهم وعايشين حياة مزرية سواء العنف الجسدي و اللفضي بمختلف أنواعه باش متبصمش بكلمة مطلقة كتفضل العيش مع مريض نفسي في ظروف قاهرة ولا تواجه لمجتمع وتقول اه مطلقة وتولي مشبوهة

🍃🍃🍃🌼

عائشة:ايه اختي فاطمة عندك الحق ولكن زواج ماشي بزز

بالخاطر هي ملي تبغي تزوج را غادي تزوج ..تكمل قرايتها وهاديك ساعا يحن االه

فاطمة :لعريس واجد وعيا و هو كيتسنا الالة وهما عائلة ميسورة ممحتاجينش عبير تكون خدامة راك كتعرفيهم ا عائشة 

عاائشة :باستفهااام 

فاطمة:ولد ختي سيدي حاتم زين والرجولة

عائشة تصدمات واخا مكتعرفوش مزيان شافتو بعض المرات لجا عندهم هو لأم ديالو ملي كبر باين من وجهو جلاخة

مبقات لقات ماتقول فمها تلجم عليها و خايفاا من راجلها الا

قالت غير كلمة هي توصلها ليه ويصدق جاي يريب عليهم الدار لتازمات السكات وخلات فاطمة تهضر و تشكر في عريس الغفلة على خاطر خاطرها حتى كملات وناضت طلعات لدارها و خلات ام مكلومة على فلذة كبدها بنتها نوارتها بكات حتى عيات وطفات على الطاجين وجلسات في الكوزينة كتخمم وما باليد حيلة معندها مدير وهي هاجس الخوف ملجم لسانها و كلامها ميخليش من غير اه تخرج من فمها واخا كيقولك الضغط يولد لانفجار ايهه ولكن لمعمرها هزات راس و لا نطقات بلا غادي تجي دقة وحدة وتكلم ومعامن مع لخالق فيها الرعب معندها ماتقول ولادير من غير الدموع لمبغاتش تحبس ودعوات للخالق عز وجل ...

🌻🌻🌻🌻🌻🌻🌻

وقت الغدا عند فاطمة جالسة مجمعة على طبسيل ديال حوت كواري و شلاظة مع العصير هي ومصطفى لجا يتغدا و اميمة ...اما عمر و طه خارجين التغطية كيطلعو ملي يجيهم جوع وجيبهم يكون خاوي أغلب جلستهم في الدار سفلي 

محمد:(كياكل )راني هضرت مع حاتم عيط عليا اليوم في صباح قالك مكرهش يتزوجو ليوم قبل غدااا 

فاطمة :(بابتسامة)مزيان داكشي لخاص يكون خير البر عاجله

🍁لِمَاذَا أَنَا؟🍁

🍀البارت:33🍀

محمد :تانا داكشي لبان لي لباغي لمعقول كيعجل قتليه يجيو غدا يهضرو و الإثنين نديرو العقد  وديرو داكشي ديالكم راك عارفة هاد المناسابات نعرف  أنا غير الا خصات شي حاجة قوليها ليا 

فاطمة بابتسامة:ايه علاش لا ..كول راك مكليتي والو ..راني نزلت نشوف كيف بقات عبير صباح

محمد:امم مزيان 

فاطمة:ساعا لقيتها ناعسة قلت غير لعائشة بلي حاتم لبغاها وصافي طلعت 

كمل ماكلتو وتوجه لخدمتو 

🌻🌻🌻🌻🌻🌻🌻🌻🌻

جالسة عبير مكونيكطية مع رباعاتها في كروب مسمينو

"تفرويح تايم "

بقات مجمعة معاهم ويضحكو مدوزين الوقت بيناتهم واخا تعب والقلق لاعب عليها  الا ملي نعسات ولات شويا من دوخة

 زادو أكدو الموعد ديال لأحد حتا كتسمع الباب ديال الدار تحل وتقرقيب ديال الصباط..قادات جلستها ورمات تيلي من يديهاا 

 هزات راسها حتى لقات مصطفى واقف قدامها دخل جلس بعيد عليها ......

جات عائشة كتجري من الكوزينة جلسات حادرة راسها حدى بنتها 

مصطفى:صافي تهدنتي بردتي نقولك جوج كلمات قد قبلتي قد مقبلتيش غادي تزوجي غادي تزوجي ياا اليوم ياا غدا لاهم تزوجي واحد كنعرفوه لباس عليهم وباغيك من فوق شكون بحالك 

هزات عينيها في عائشة لقاتها كتشوف فيها شوفات ميؤوس منها قلبات عينيها جيهت مصطفى وهضرات بصوت فيه بحة مع تنغنيع ديال البكا

عبير:والا قلت لاا ماقبلاش غادي تزوجني بزز

محمد :ايه ومالك كبرتي عليها انا ماجايش نتشاور معاك راجل كامل مكمول يعيشك (ساس يديه)الله يجعل البركة كبرتك كلتي في تغرادي الحمد الله( باس يديه) كفيت و وفيت دابا بغيت نهنا منك ونتهنا وملي حاتم باغيك من زيدك غير الله يكمل بالخير

حلات فمها بصدمة ودورات وجهاااا شافت في عائشة لوجهها صفر ................................

#توقعاتكم_حبيباتي 

هي في لأصل حاقدة على زواج ومايجي منو وزادها ملي قال حاتم و الصدمة لظهرات عليها شي حاجة كاينة 🤔🤔

🍁لماذا أنا؟🍁

🍀البارت:34:🍀

🍂🍂🍂🍂🍂

شحال صعيب تجيك الدقة و الكية من لأقرب من القريب...من لدمك من دمو وروحك من روحوو كتحملو نفس لإسم وكتعيشو في نفس المكان 

كنقولو الشخص لعزيزاا عليه الا ضريتيه كيمضغك وميسرطكش ...كيفاش  لأب لخاص ولادو مكينش عز منهم يمضغك ويسرطك ويشرب عليك  لما باش يهضمك 

شحال صعيب تكون مقصوص الجنحين متقدرش الطير ولا طير لعزيز عليك كل ماتعرف دير باش تخفف على راسك هو لبكاااا لمعندو باش ينفعك

🍂🍂🍂🍂🍂🍂

عبير بصدمة مزال مكتاسيا معالم وجهها و كتمنى تكون ماسمعتش مزيان :شنووو اش قلتي 

مصطفى: ايه زواج غادي تزوجيه وبحاتم راه غدا غادي يجيو الاثنين ان شاء الله تكون في دارك 

ناض خرج وخلا معالم الصدمة عند عبير شافت في لام دياالها :واش حاتم حاتم هاداك لحاشا واش يكون بشار ليلقاها ميخليها (كتغوت باعلى صوت) مايمكنش واش هاداك لوجهو وشعرو اعععع دري صغير يتخلع مشمكر 

عائشة: باش عرفتي هادشي انا شفتو غير شي مرات كيجي مع مو نقي كيبان و خا هاديك سيكاطريس حدا الحاجب ولكن...

قاطعاتها :انا كنعرفووو كنت كنشوفو حدا الليسي لدازت من حداه يعايرها بمعيور خايب و يتبسل على لبغا وكيدير حتا الكالة ههه اخر ايامي نتزوج اعباد الله وبيمن بلغادي يحد لي عمري ونزيد نمرض كتر ما انا مريضة لاا لاااا لا. نفضل نلوح راسي من سطح ولا هادشي لاا

عائشة: تهدني ابنتي الله يرضي عليك

عبير :كيفاش نتهدن كيفااش اميمتي و انا كنشوف في حياتي دمرااات معندنا اميمتي حتى حل من غير نهربو نباتو مانصبحو....

🍁لماذا أنا؟🍁

🍀البارت:35🍀

داز الليل بظلامه و أشرقت الشمس فاقت عبير بعدما نعسات 3سوايع مقلقة ومعصبة مشات منها الحيوية والنشاط لواخا كيكون لاب واخد حيز من تفكير في داكشي لكدير ليهم كتبقا شويا شويا اما دابا بزاااف... بما ان الخطبة المنحوسة حتى الليل ناضت وجدات الفطور فطرات و خلات لماماها... لبسات كسوتها الصيفية الطويلة بالبوردو مع صنيديلة وتوجهات الدار ديال عبد العالي مشات في طاكسي

وصلات قد قد مع سارة سلمات عليها و دخلو الدار كبيرة و متيسعة مفرشة مزيان ..سلمات على لأم ولقات يحي واصل

داز نهار زوين واخا كاع نهار وهي ساهيا وكتخمم وكتبقا تشوف فيهم

و كتقول مع راسها هاد جماعا موحلاش مزال تجمع معاهم حتى كيفيقوها هوما ويخاصمو عليها... عرفوها بيها شي حاجة ماشي عادية حاولو معاها سيغتو عبد العالي مبغات تقول والو اكتفات بالصمت

تغداو وهي لقمة تخشيها و ماعارفاهاش فين كتمشي غير كتاكل ياش تدير صواب و صافي من بعد راجعو شويا و دارو كاسكروط عاد توجهات الدار من بعد مادارت ليهم عناااق كبير شككاتهم في راسهم من كثرت الحنان لولا فيها 

..دخلات الدار لقات الفوضى.. صوت فاطمة عالي باغي يتقب الحيوط نفخات ودخلات الصالون لقات اميمة دايرا الرجل على رجل و شادا التيلي 

شافت فيها و قلبات وجها 

نطقات اميمة باستهزاء:مبروك عليك امرت ولد خالتي 

خنزرات فيها عبير ومكلماتهاش .بدلات حوايجها حداها بحالا ماكيناش خلات لخرا غي. تحنزز فيها و جمعاتهم

هزاتهم معاها دخلات الكوزينة بانت ليها فاطمة كتطيب و ريحة ديال الدجاج عاطية مشات باست راس عائشة لكانت كتقلي في اللوز ومشات حطات حوايجها في البلاكار لفي البيت مقابل مع لكوزينا وتاجهات الحمام غير مكثرتة لا بنضرات فاطمة و لا كلامها المستفز لأبعد الحدود مبردة لأقصى درجة تقول سيدة مكتسمعش الكلام 

خرجات بعدما لبسات بيجامة بيتية توجهات الصالون جلسات مقابلا مع تلفازة  غير كتشوف وصافي اما عقلها غايب بالمرا حتى جات عندهافاطمة كتقوليها تبدل 

مهضرت معاها متكلمات بقات كتشوف في تلفازة  خلاتها هضرات حتى عيات و مشات كتنكر وتخبط في رجليها 

بعض لحظات جات عائشة لكانت مرسول من فاطمة حيت مسمعتش ليها ردات عليها بجملة وحدة :الا بغاني هكا مزيان مابغانيش 100 الف مزيان

....

🍁لِمَاذَا أَنَا؟🍁

🍀البارت:36🍀

عائشة حدرات راسها وملامحها مكسورة رجعات أدراجها الكوزينة 

بقات عبير جالسة ساعة و نصف ماتحركات مانطقات 

ماعيات اميمة ماتحشي ليها الهضرة وتلوح الهضور من بعد التازمات الصمت 

دخل لاب بصوتو المعهود ومقولات الترحيب مخلاتش من فمو.. دخل عريس الغفلة بالبذلة دات لون أزرق بحال وجهو لمن كثرت التدخين وماجاوره ولا في لون مختلف عن لونه لأصلي 

شعرو طويل مسرحو ب الماا وصبادري سوداء داخل.. بالابتسامة على وجهو لمزخرف من الحاجب و تحت العين بضرابي غارقين وخا براو خلاو علامات ديالهم مرافقو لأب و لأم حاملين معاهم الورد و السكر و الحلوياات 

استقبلاتهم فاطمة بزغاريد والترحيب ....دخلو الصالون جلسو وكيشوفو في لالة العروسة لمتكلماتش و ماضارتش عندهم لولا باها لصاح بصوت يسمعو الطائر يهرب كون ماناضتش من بلاصتها

توجهات و هي منزلا راسها لعندهم سلمات بلا ماتهز راس مادازتش من حدا حاتم وماوصلاتوش جات تجلس جراتها لام حاتم حداه جلسات و بيديها دورات ...

وفمها ماخلاش من ماشاء الله و تبارك الله......

حطو داكشي لوقفات عليه فاطمة على قدم و ساق ودازت الخطبة بأقاويل ناس الكبار بدون لإكثرات لمعنية بلأمر و اش بغات واش راضية ولا روحها دمرات

طيلة فترة مجزرتها و هي ساكتة و منزلة راسها حتى من لأكل مكالت و لا لقمة فسروها عائلة العريس بأنها حشمانة 

تفاهمو وكملو تخطيطهم لدرسوه وزادو وتقوه اليوم

بعد منتصف الليل توجه كل لدارو بقات عبير جالسة ولأم في الكوزينة واقفة على مخلفات الليلة السوداء

مسحات ماتبقى من دمعات وناضت توجهات البيت مقابل

الكوزينة هزات صاك وبدات تجمع في حوايجها وحوايج لأم ديالها حتى شافتها عائشة وجات تجري عندها 

عائشة: بنتي اش كديري لا مديريهاش 

عبير: (مستمرة كتجمع) ماما مبقيتش قادة على هاد الظلم مبقيتش قادة على هاد الحكرة لعايشين فيها 

بغيت غير نهار... نهار واحد يكون معايا مزيان و يعاملني بحال أميمة والو صافي حتى لهنا و عييت ..نوضي اميمتي لبسيي ونتسناوهم حتى ينعسو و نمشيو 

عائشة:(كتقفقف) هااا لا  لاا ابنتي راه فينما مشينا يلقانا راك كتعرفي باك ابنتي راسو قاسح را ميهنى لو بال و لا يرتاح حتى يجبدنا واخا نكونو في غار 

عبير:واش بغيتي نموت كيفاااش بغيتيني نعيش مع بحال هاذوك لأشكاال اماما وجهو يعطيك لخبار 

كنعرفو مزيااان كان مكيحيدش من قبالت ليسي ديما ملقي البنات ويخلعهم ويتبسل عليهم ومضاربات وحتى من الكالة كيبيعها لاولاد الليسي ومشدود في الحبس كيف غندير حتى نعيش معاه كيف ندير

عائشة كتبكي :الله ابنتي الله و فين غادي نصدو و حنا معندنا لا عائلو لا والو فين نعطيو الراس وباك ماغاديش يوقرنا 

عبير:البكا دابا مغاديش ينفعنا الحنينة خاصنا نحاولو نسلكو و مولاها ربي عندي شي بركة خازناهاا

🍁لِمَاذَا أَنَا؟🍁

🍀البارت37:🍀

عائشة:مامرتاحش ليا خاطري ابنتي ماهانياااش ماهانيااش

توكلو على الله لبسو حوايجهم وجمعو الوراق و داكشي لغادي يحتاجو من مستلزمات وغيرها... تسناو حتى وصلات 3:00 صباح ونزلو بحذر في الدروج في رحلة الهروب من الواقع المر .. في الظلام والسواد خرجو من الدار ..تنفست عبير شهيق وزفير وكملو طريقهم بين الاحياء وماكيتسمع غير صوت الكلاب ومشاش

بغاو طاكسي ساعة مابان ليهم حتى واحد استمرو في المشي

لمدة 15دقيقة ترقبا يدوز شي طاكسي ساعا والوو

فجأة وبدون سابق انذار سمعو صوت شي طوموبيل جايا بسرعة عبير ابتاسمات وتنفسات صعداء 

استعدت باش توقفهاا

ملي بان ليها الضو بدات كتشير عليها 

حتى قرب يوصل وخافتو ميوقفش جات قدامو واخا عائشة كتغوت ماسمعتش ليها كتقول ياربحة ياذبحة 

فرانات الطوموبيل قدام رجليها 

بقاات مغمضة عينيها وكتنفس بسرعة 

حتى كتحس شي واحد وقف حداها حلات عينيها بشوية طلعتهم في الجسد لواقف قبالتها كتشوف وجه خالي من اي تعبير طاغي عليه البرود شاب أبيض البشرة، بني الشعر نازل شويا على عينيه لي عندهم لون خاص 

بقا واقف كيشوف فيها حتى جات لأم عائشة وقفات عليهم حول نظرو ليها كيشوف الدمعة واقفة في عينيها

عائشة:سمحلينا اولدي

الشاب:ماكاين مشكيل (شاف في عبير)الحمد الله ماوقع والو غير مرة خرا ردي البال ماشي ديما كتصدق 

عبير:سمحلي ماقصدتش غير بغيتك توقف

الشاب:(كيشوف في عائشة)كاين شي مشكيل

عائشة:(تنهدات)صراحة خرجنا في هاد الليل وملقينا فين نمشيو كنا غير كنقلبو على طاكسي مابانش لينا 

الشاب:باغين تمشيو لشي بلاصة نوصلكم ماكين مشكل

عائشة:(شافت في عبير)معرفنا فين نمشيو ومعندنا حد 

عبير :(قاطعتها)تقدر توصلنا لشي أوطيل 

(عائشة :(نغزاتها

اوطيل غالي ابنتي 

عبير:ماشي مشكل غير هاد الليلة و يحن الله

الشاب :سي دوماج مكنسكنش هنا وكون ديتكم تبقاو مع الوالدة هاد الليلة 

عائشة:الحمد الله على كل حال اولدي وصلنا لشي اوطيل الا كنتي تعرف الله يرضي عليك 

الشاب :(بابتسامة)مرحباا 

ركبو معاه ومعارفين عليه والو حتى لإسم ديالو معرفوهش ركبو اللور وانطالقو الوجهة المخططة طول طريق كان الصمت 

عبير كتفكر اشمن طريق تشد واشمن وجهة تعطي راس وهي دابا مسؤولة على امها ....الفلوس لعندها مغاديش يكفيوها وكتفكر اش غاد دير في قرايتها باها بلا شك غادي يخدم عساس على لافاك .......................

🍁لِمَاذَا أَنَا🍁

🍀البارت:38🍀

مافاقت الا على مها كتحرك فيها نزلو هزو صيكانهم وتوادعو مع الشاب بدون زيادة ولا نقصان 

توجهو الاوطيل حتى سمعو صوت جاي من وراهم كينادي ب الواليدة 

دارو عندو تقدم نفس الشاب عند عائشة ومد ليها 2 زرقات 

عائشة:الله يرضي عليك اولدي الله ينور طريقك ويحقق مرادك

مدات يديها بغات تاخد الفلوس شدات ليها يديها عبير وهضرات :وصلتينا الله يكثر خيرك حنا مكنسعاوش جمع رزقك عندك وسير الله يعرضك السلامة 

الشاب :(بابتسامة خافتة شاف فيها ) مهضرتش معاك هضرت مع(شاف في عائشة) ..سمعت كدوزو من شي ظروف و درت مساعدة بقلب سليم مكتعنيش نتوما كتسعاو وانا عطيت بلا مايطلبني حد

مد الفلوس لعائشة خداتهم و قلب الدورة بلا مايزيد حتى حرف

عبير خنزرات فيه وشافت في مها وقلبات الطريق لاوطيل

طلعو الغرفة بعدما قامو بلإجراءات .. دخلات دوشات تخفف عضامها ومزال معصببة من ستون لوقع ليها معاه ..نفخات وكملات التدويشة...

متكية فوق ناموسية و كتفكر اش دير غدا شافت مها جات عندها بعدما خرجات من الحمام 

عائشة:مزال منعستي ابنتي رتاحي ليك شويا وغدا ويحن الله درناها فيد الله وخرجنا عالله تخرج على خير

توجهات الجهة لاخرى ديال الناموسية تمدات وبقات شحال عاد نعسات... بقات عبير كتفكر فلي جاي واش غدير طار عليها نعاس حتى اذان الفجر ناضت توضات وصلات دعات وشكات الله سبحانه يفرج كربتها ورجعات لبلاصتها غمضات 3 سوايع وفاقت راسها كيحرقها لقات لام ديالها كتصلي توجهات الحمام ...خرجات كتمسح في وجها لقات لام ديالها سلمات

عبير :الله يتقبل 

عائشة :اللهم أمين،شويا ابنتي؟

عبير :امم 

توجهات تبدل حوايجها لبسات جلابتها السوداء جمعات شعرها بلاما تمشطو حتى كيسمعو الخبيط في البااب والضجيج وصوت ...

الخبيط في الباب و الضجيج...

🍁لِمَاذَا أَنَا؟🍁

🍀البارت:39🍀

حتى تسمع صوت لأب ديالها كيغوت ..تفزعات ولات كترعد تلفتات شافت في عائشة لكانت في حالة كثر منها ..لسانها مبقاتش قدرت تحركو رجليها فشلو عليها 

الخبيط مستمر حتى حست بالباب تحل ...داز فيلم هروبها امام عينيهااا محسات الا بمحمد نزل عليها بتصرفيقة لرجعاتها لأمر الواقع

محمد:(وجهو حمر وعينيه خارجين)ياك الكلبة كبرتي دابا ودرتي الكتاف وليتي تسلتي بحال الشفااارا وشنو جارا معاك حتى مك، هاذا هو خيري الحمارة الله ينعل النهار لولدتك فيه تفوو بغا تشوهيني مع الناس اش نقوليهم و باش نجاوبهم (عاودها بالتصرفيقة خرا حتى دخل الراجل لفتح ليه الباب فكو)

تفرق عليها خلاهاا كترجف وصبعانو مصورين في وجهاا 

ساس يدو و قال:نوضو جمعو هادشي وتحركو الدار الهضرة ماشي هنا 

خرج وقف برا وخلا وراه مخلفات الحرب ... الهزيمة والدمار علامات لإستياء ظهرات على وجههم ناضت لأم كترجف... لبسات جلابتها ودارت فولارها توجهات لعند عبير لمزال مكوانسيا في بلاصتها 

قاستها ...هزات عينيها فيها ...بقات كتشوف فيها وهي تلاح على عائشة عنقتها وبداو يشهقو .. عنااق حار عناق يحكي معاناات ،الم،انتهاك،خيبة امل...قاطعهم صوت محمد لصاح بأعلى صوتو. طلقات من لام ديالها مسحو دموعهم ومشاو في حال سبيلهم معاه...

دخلو الدار بعدما سمعها كلام قاسي يجرح الفؤاد و الروح التازمات صمت منطقات بحتى حرف ..

غير تسد الباب جرها من شعرها وطلعها مجرورة مع الدروج غيرمكثرت بلألم لغادي تحس بيه 

حل الطابق لاول ديالهم ودخلها الصالون ولاحها فوق الزربية وبدا يضرب فيها بكامل قوتو عائشة كتبغي تجرو و تفك قطعة من قلبها كيدفعها حتى كطيح وكتعاود تنوض تمشي عندو وتجرو كتلقا نفس المصير حتى تهدات ومابقات قادة بقات مسرحة كتشوف فكبدتها تاكل في العصا وهي ماقدا دير والو من غير دموعها لكطيحو كشتا 

دخلات فاطمة وطه ..عمر واميمة كيجريو شافو داكشي توجه طه وعمر بجرا عند باهم كيجرو فيه من عليهااا حتى فكوها لقاوهااا سخفانة وجلابتها تقطعات عليها من كثرة العصا بقا كيشوف فيها وينهج ..قلب الدورة لقا فاطمة و اميمة وقفين على راس عائشة لمسرحا هي لأخرى في لارض .ضربها برجليه وزاد خارج مخلي من وراااه 2 رواح كيتألمو ويعانيو

ناضت فاطمة على سعدها ووعدها الكوزينة جابت كاس الما خوات على عائشة حتى. حلات عينيها كتقول كلمة وحدة بنتي بنتي ولا شيء غيرها

ناضت فاطمة حيدات طه وعمر لكانو مزال واقفين على ختهم كيتحصرو على هادشي لواقع ليها ..خوات عليها لما ومسحاات ليها وجها فاقت كدير أنين دليل على الامها ..هزها طه حطها فوق السداري قادها بشوية دوز على شعرها وباسها على راسها

ودار شاف عائشة جالسة فوق زربية مزال كتقول بنتي باس ليها راسها ونوضها حتى وقفاات و وصلها عند بنتها وجر خوه لمزال مصدوم و خرجو ...

طه:حسام وكظ معانا اصاحبي فين مشيتي

عمر:عرفتي تصدمت اش هادشي واقع في الداار وحنا مافي خبارنا والو كيفاش زواج ما زواج فقنا على نبوري يغوت ويهلل واش باك باغي يزوج عبير بزز وهربات هادي هي الحكاية؟

طه:(وقف )امم هادشي لكاين نوض قربالة صباح بغيت نعرف كيفاش هادشي واقع وحنا ماسايقينش لخبار

عمر:(كمل طريقو الزنقة ) اودي وهانتا في خبارك غادي تقدر تمنع باك هضرة خاوياا

طه:بففف عصااب صافي بقات فيا الصكعة ديما جايا فيها الدقة عمرها شافت نهار زين 

عمر:كون تشوف انا يا صاحبي كنتألم وكنتألم كتر ملي كنشوف راسي ماعندي حتى جهد اليد قصيرة و العين بصيرة 

طه:وايه تهضر يخسر عليك درتي كتافك برااا عليا هاديك الساعة مغادي تنفع لا راسك لا عبير

عمر:هادشي لمخليني ساكت

طه:حتا انا نفس الشي الله يدير ليها تاويل ديال الخير ماتستاهلش طيبة بزاااف وقلبها كالحليب 

عمر:(بابتسامة)بزااااف اخويا ماكينش منها زوج توفيتااا هاديك 

طه:هههه منسيتيهاش مزال نفس السمية

عمر :هههه عقل الصغر ولكن جبتها لاصقة علا كاين ماحلا منها انا بعدا مشفتش

طه:حتا انا ،عرفتي بعدا شكون العريس

عمر:(بغضب )لقاو غير وجه الزلط ديال ميكي ماوس ولد خالتك حاتم

طه:هداك واقف لي هنا(اشار الحنجرة ديالو)معرفت كيفاش الواليد قدر يعطي لبنتو لبحال هاداك لتبغي غير تعطيه الصدقة ومتقدرش

عمر:(تنهد)كلشي من الواليدة هي لمزينا ليه الطرح الله يهديها تقول هي معندهاش بنت

طه:اودي معندنا مانديرو من غير الدعاء ،زيد يالاه نمشيو لتيران نلعبو الكرة غادي نتخنق لاضليت في هاد الدار

عمر :يالااه هيا هاديك لابسين نيت 

.....🍁🍁🍁🍁🍁🍁

مزال متكية ماقادراش تحرك ولا تكلم من غير أنين ..حداها عائشة كدوز ليها على شعرها لكحرير

فاطمة :ايوا ياختي بنتك باقا صغيرة معندها عقل 

باش تنبهيها وتخاصمي عليها نتي مولات العقل تافقتي معاها غير تحزمت فكوسة بالخيارة وقطعو الواد هادي هي ديالك نتي اش بغيتو زعما تخاصموني مع ختي وحنا عطينا الكلمة ماشي صواب واداب هادشي

عائشة ساكتة حادرة راسها كتشوف في بنتها وملتازمة الصمت....

مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

🍁لِمَاذَا أَنَا؟🍁

🍀البارت:40🍀

طلعات بحالها هي وبنتها بعدما زادت نغصاتها عليهم بكلامها .. مخليااا لأم مكلومة على بنتها و البنت معندهاش العظم الصحيح لتفكر بيه مزال .. غمضاات عينيها كتصنط لألمهاا لأكثر بكثير من لألم الخارجي او الجسدي

🌻🌻🌻🌻🌻🌻🌻🌻🌻

حلات الباب كتنفخ وتسوووط دخلات مخليا موراها لباب محلول ..موجهة لصاكهاا كتقلب في البزطام ...تلفتات عند بنتها لنعاس مسيطر عليها

:طوي لفراش وعمري اتاي حتى نجي 

كتاوب :فين غاداا 

هزات صاكها بعدما حلات لبزطام شافت اش فيه  ورجعات أدراجه لباب ..خنزرات فيها:قدي شغلك نمشي نشوف زهيرة قبل ما تبدا لخدمة 

ردت : بلا جلابة 

صغرات عينيها:مال زهيرة بسلامة في القمر راه غير في الدورة 

نفخات : حتى أنا بغيت نقاد شعري تصاوب لي عاد تقاد لعبير

حركات راسها بلا:بلاش مرا خرااا قادي غير راسك بلا نانزيدو علينا لمصروف باش لي شاط من الفلوس نبرع بيه بنتي بلي 

بغات 

تبسمات غادا كتنكنك البيت:بغيت غير راجل ويكون زوين باراكا علياا

تلفتات ملي تردخ لباب دليل على خروج مهاا ..تردخاات على السداري كتحك في شعرهاا ودور كاسيطة الصباح في راسها

كيفاش باها فاق مفزوع على صوت دقان وكيفاش طل ولقا

جارهم عزيز كيزف ليه خبر مشاهدتو خروج بنتو ومها مع 3 صباح كتستعقل و كتجبد  ابتسامتها على باها ملي نزل بلاصندالة غير بسروال الدار وصدرو عريان  ووجهو صفر ..حتى لاحت ليه فاطمة تشورط والصندالة من الشرجم 

ومشاا كجري مع راجل لمكانش من العاكزين وتبعهم من اللور حترى ركبو بطوموبيل ووصلهم لأوطيل.........................................

تنهدات بملل :بففف هي بعداااا عاشت لأكشن همي أنا(كدور عينيها على لبيت لكان يزدح بالفراش )لتابعاني هاد الروينة 

🌻🌻🌻🌻🌻🌻🌻

دخلات الدرب كتدور في عينيها على صطافيط لواقفة جنب الحانوت 

الجيران معمرين الزنقة عاد لخاشين وجههم من الشراجم 

رجعات نظراتها المحل ملي تعالت أصوات سخط وضجيج تزاد على كيف كان من طرف الجيران

كان مول الحانوت بوجهو لكيكسيه الجمود ماخدا منو الزمن والو باقي بنفس الملامح ونفس لون الشعر مكبل بسلاسل لإتهام منزل راسو مع علامة لإستياء ...بسرعة البرق دازت السطافيط من أمامها ..تبعاتها حتى ختافات ورجعات ناظريها لناس لجمعو بيناتهم على موضوع الساعة .....وقفات حداهم باغا تعرف اش وقع ..حتى حلات فمهاا بهول الصدمة ...كملات على وجهتها مصدومة من لأمر خلات الناس على حالها و البوليس مطوقة المكان......

دخلات محل الكوافورة  من بعد سلام و بطبيعة الحال لهضور على موضوع لأخير ..خدات رونديفوو ورجعات أدراجها لدار

دقات على عائشة ودخلات كتنهج ...جلسات كتسوط حداا عبير لمسهوطة مقادرة تهز لارجل ولايد 

جلسات عائشو بصعوبة حدا بنتها للايحة راسها على الحيط بعيون مغلقة 

فاطمة :كون تعرفي اش واقع ياختي قلبك يضرك انا قلبي بغا يسكت كاع

هزات عينيها عائشة فيها باستفهام

فاطمة:عرفتي مول لحانوت للور اش كيقولو ليه نسيت سميتو ادريس لعفن ولا معرفت 

حركات راسها عائشة ب اه 

ردت كتسوط: دار فضيحة متنسااش خلا ناس مكرهوش يرجمووه ولكن راه ديب ولد الحراام 

بنظرات استغراب رمقتهاا

فاطمة:جيبي ليا واحد كاست لما ونقولك اش دار شحفت ولايني خبار كتجيب الشحفة 

ناضت على وعدها وسعدها وبزز كاع عضامعا كحرقوها بحال لاعبا الجيمناستيك

حطات أمامها صينية ..غراف بقرعتو وجلسات كتسنا فيها تشرب تعرف اش هادشي واش هاد الخبار لخلات فاطمة مولات القلب القاصح تقول قلبها ضرهااا

حطات لغرااف ومسحات فمها:ايوا ياختي

🍁لِمَاذَا أَنَا؟🍁

🍀البارت:41🍀

حطات لكاس ومسحات فمهاا:ايوا ياختي قالك حصلوه مدخل وليد عندو شي 5سنين مطمعو بدانون وقضا فيه الغراااض 

شهقات عبير و الدمعة نزلات تسرسب ناهيك على الرجفة لشداتها من صبعها صغير ..الصدمة كلفاتهااا تفقد الوعي 

تلفتات عائشة بدعقة من الموضوع وزادت عليها حتى بنتها 

رشات فاطمة وهي كتعوج في فمها عليها لما وناضت عائشة جابت ريحة دارتها ليهااا عاد استعادت الوعي 

استقرو عيوونها على  أمها لكتشوف فيها بهلع بعدها دوراتهم جيهت فاطمة لكانت بجانبهاا ...استقرو عيونها عليها لبعض تواني وناضت بزز بمساعدة عاائشة ملي شافتها تعترات بغات تجي على فمها .. توجهات الحمام سدات على عائشة لباب في وجهاااا ..حلات الروبينيي كطرش عليها لمااا والدموع السايحين 

🍂🍂🍂🍂🍂🍂🍂

حسات بهداك لوليد الصغير داز من نفس المعانات لمرت بيهااا ..

حست بلي تاهو مغاديش ينسى لداز عليه ..

حسات بداكشي مغاديش يدوز مرور لكرام ..

حسات بلي الناس قدماا قالو فترة ودوزو يجي موضوع اخر يشغل بالهم وينساوه  ولكن الدري  جرحو وألمو النفسي واخا يدوز  دهر صعيب يتنسى بنسبة ليه  ..

حسات بألم عائلتوو كيف غادي تواجه وتقبل خصوصاا  لأم ..لداز عليه

🍂🍂🍂🍂🍂🍂🍂

 طاحت جالسة في الحمام كتبكي على زمن كيف قاسي مرحمهاش ومرحمش شحال من بريء

شحال من واحد غادي يكون دوزز عذابها ونفس معاناتها ميمكنش يكون هاذ الولد هو الوحيد من بعدها  هي علم الله شحاال من بنيتة وليد داز عليه ..واخا تشد في الحبس مايمكنش يبرد قلبها عليه ..مسحات دموعهااا بعدما سمعات الدقان............

تنهداات ربي لعالم بيهاا وبحالها جاتها من جميع الجوانب مالقات مادير من غير توكل أمرها الله خرجات كتنهد موجهة عندهم لجالسة فاطمة تهضر على مول الحانوت وكيفاش شي حد لحصلو ملي سمع اهاتو و بكاء الطفل 

وعلم البوليس

طلعاتها فاطمة ونزلاتها هي لتردخات حدا عائشة مهدودة استنفذت  قواهااا

سكتات كتدور عينيها على الصالة من بعد شافت في عائشة :ايو هادا هو الوقت لخاصنا نبداو فيه يالاه نجيو قد قد الطيابات مابقا ليهم والو يجيو...جاب الله عندهم نهار خاوي (شافت في الساعة اليدوية ديالها ) دابا خاص نقادو الجليسة ديال لالة لعروسة 

توجهات لعند عبير نوضاتها حتى شداتها عائشة من يديها

وقالت:مزال يالاه صباح اختي خليه ترتاح شويا راه معندهاش العظم لصحيح راك شفتي كولشي على عينيك 

نفخات فاطمة وقالت:مابقاش الحال اختي شويا تبان ليك وها العيالات ديال الدرب يبداو يدخلو 

دخل تفرك عظامها وتلبس قفطان الخضر غادي نهبطو ليها بينما جات حكيمة الكوافورة تقادها شوياا 

عائشة:نفطرو بعداا و ندخل انا ندوش ليها هي مقادرا ش حتى توقف 

عوجات فاطمة فمها ومشات كتعوج بالبيجامة مطرطقة عليها وشعر يتحرك يمين يسار معاها..شافت عائشة ببنتها ودوزات على خدودها وباستها :كيف بقات الوريدة ديالي شويا

عبير:(تهدر بصوت عيان)امم عيانة اميمتي 

عائشة:انا غادي نجيب ليك باش تقوتي شوي صافي (مسحات ليها على وجها)

توجهات الكوزينة وهي براسها عظامها ضارينها .مرا كبير و تخبط وتعاود راه مشي ساهلا 

وجدات فطور خفيف ورجعات ادراجها الصالون لقات عبير كيفما خلاتها محركاتش ساكن 

قربات ليها طبيلة وجلسات بغات توكلها

عبير :غادي ناكل راسي اماما غير كولي

كتعكز بغات تنوض معاها عائشة و منعاتها وكملات طريقها بخطوت صغيرة حريصة على أنها تعكر من كرشها لكلات الدق نيت 

غسلات ورجعات جلسات كالت شويا وهي ساهيا 

محسو توقفات عليهم فاطمة حطات الدغمة لكانت غاديا لفمها ضربات فيها تخنزيرة ديال العدو وتوجهات الصاكها خدات حويجها وفوطات وصابون وداكشي لغادي تحتاج حتى تلقات ليها فاطمة مدات ليها القفطان خضر باين ديال ليلة الحناء 

نتراتو من عندها ودازت الحمام من بعدما ردات الحوايج دخلت غير ديبارادو و وملابس داخلية وشورط قصير دوشااات بشويا عليها لقاصتها تأن 

مسحاات و لبسات ديبارادو والشورط ودارت فوطا لشعرها خرجات توجهات فين حطات القفطان لبساتو وقادات المضمة لكانت في لون القفطان بينات خصرها نحيف دورات وجها حتى لقات فاطمة كطلع وتنزل فيها وحداها زهيرة كوافورة ديال الحي هازة مستلزماتها 

عارفة داخلا والخارجا في الحي لما لا وهما مكيحيدوش من عندها لجايا تعاود ولخارجا تعاود اسرار وخبايا الحي كلها عندها ..توجهات بابتسامة عند عبير سلمات عليها وطبطبات على راسها وبدات خدمتها بالصمت حيت الباطرونة فاطمة واقفة على راسها ...كملات ليها تزيين ودارت ليها خيط ريح جات كتفتن سبحان الخالق نزلات دمعة من بعد مقدات ليها الشعر وكلشي شافت فيها ودورات ليها راسها بلا زعما ماتبكيش ومسحات ليه الدمعة. و عاودات طبطبات على راسها وتوجهات لعند فاطمة لمترقبة كل حركة 

خلصاتها وصلاتها الباب ودخلات حاضية مع الطيابات ولخاصاها شي حاجة توجدها ليها قايمة بالواجب وفرحانة تقول ام العروسة 

عائشة واقفة على بنتها ودمعة على العين ..كتشوف في بنتها لعلى حافة الخطر غادي ضيع حياتها و مستقبلها وزينها مع واحد مايسوا مايصلاح وكلات امرها الله

خلاتها راسها ونزلات التحت تشوف اش كيدير...

🍁لِمَاذَ أَنَا🍁

🍀البارت:42🍀

عطااات ريحة الدجاج ..العيالات جلسو بضجيجهم ..جلسة العروسة واجدة ومقادة بتاويلها

 جالسةبحلتها كأميرة لكن الدمعة واقفة...جنب عينيها

حتى بدا الطرح والعيالات بداو بشاطهم ..فاطمة دور و ترحب اما عائشة واقفة في القنت حتى  لحظة شافت قطرات بنتها سايلين 

توجهات نحوها  بقلب يمليه الألم 

 مسحات ليها عينها وقالت ليها شي كليمات تخفف عليها برغم من قولهاا   إلا وإن لحاجة لمتهضمش  وكتجلس في الحلق  صعيب دوز

غناو ولعبو وشطحو ...كالو مالذ وطاب ها دجاج ها سفة... الحلوياات  عواصر والموناضة 

تفرق المجمع بعدما حنات العروسة صبيع صغير بزز

جاو دخلو العدول ومصطفى إضافة الى العريس الغفلة و للأب ديالو بعدما كانو كتواجدو في الصالة لفوق عند فاطمة 

 اميمة بقفطانها ومصايبة شعرها بيديها  محلقة على الحالة شطحات نيت وغنات فرحانة بالفكاك كأنها كانت مثقلة بالتوام  ..ام العريس لفرحتها كون لقات تخرج الزنقة و تغوت وتقول زوجة وليدي وحيدت لوم لي علياا

 فاطمة حيدات شوكة من حلقها وبردات وجههاا

بداو مساطير ديال الزواج والدمعة في عينيها مكركبة حداها مها وجالس حداها عريس الغفلة بنفس البذلة ديال الخطبة جالس ويضحك غير بوحدو ......................توقع العقد وسالا المجمع ولات مرات حاتم وتكتبات على سميتو..... لغير شوفة متقدرش تشوف فيه تعالو زغاريد لام فرحانة بولدها ومرت لاب حيدات عقدة باركة ليها على قلبها 

سينات ودمعة مسبقة الرحيل نزلات على الكتاب وفزكاتو قبل تخطي بستيلو ...............معرفات كيفاش داز هاد العقد ومافاقت براسها و وعات حتى سمعات زغاريد فاطمة عاقت براسها لاحت رجليها في العافية وشكون يفكها منو دابا غادي تنتقل من عذاب أسود الى عذاب فائق السواد بكثير..... كيفاش تأقلم ...تعيش وتعطي راسها لواحد صورتو كتشمأزها  وكتمقتها  أشد  من النار 

تلقات المباراكات من العدول وناضو خرجو ......بارك ليهم أب حاتم و مو .....جاء دورو هو قرب ليها بغا يبوس ليها راسها بعدات وناضت مشات الحمام خلات الكل عينو عليها .........صرط حاتم القمعة وجلس داير رجل على رجل وكملو جمعتهم ..............

دخلات الحمام زولات الماكياج وغسلات وجهها مزيان محدها كتسمع في ضحكهم وهي كتزيد تمرض وجها تزير كترعد بقات تشوف فاص ليها كتفكر في الإنتحار ...فكرة دخلت لدماغها طرداتها بقوة إيمانها بقات ما يقارب نصف ساعة كتفكر و تعاود خرجات بفكرة وحدة تضحي #التضحية خرجات كتمسح في يديها بالفوطة لقات قدامها لأم ديالها لكتسناها بأحر من الجمر تلاحت كتعنق فيهو و تبوس ومها كتقول صبري صبري ...بعدات عليها  ...بقاات تشووف فيهاا شحال عاد قالت 

عبير :ماما سمحيلي مانقدرش مانقدرش نعيش معاه ماشي بيدي 

عائشة :بنتي اش كتقولي

عبير:غادي نهرب اميمتي مايمكنش لي نتزوج لا انا مكنحملش شنو هو زواج بقا غير نعيش مع واحد بحال هاداك لا لا 

لا امبوسيبل (كدور في وجهاا)

عائشة:(بالصدمة)كيف لقاك المرة اللولة يلقاك دابا

عبير:دابا واخا يكون لكومسير لصاحبو مايجبدنيش ولكن ميمتي مابغيتش ليك تكرفيس داكشي علاش مغاديش نديك معايا حتى نقاد كلشي منقدرش نغامر بيك هانتي خلي تيلي ديالك شاعل غادي نبدل نمرتي وملي نلقى الوقت المناسب غادي نتاصل بيك غير متجاوبش حداهم ومتديريش فيهم الشك غادي نخرجك من هادشي باش ميقولوش عاونتيني

 حتى نمشي لدار هاداك كيدار نشوف اش ندير اما حتى هنا راه دار عليا العسا غير نوصيك اميمتي حضي راسك من فاطمة وبنتها لفعااات كتر من مصطفى يحرضوه عليك (شدات في يديها)غير صبري و زيدي في صبر حتى يحن الله 

🍁لِمَاذَا أَنَا🍁

🍀البارت:43🍀

🍂🍂🍂🍂🍂

ملي كيفيض الكاس ويعمر مكيقدرش يبقا يتحمل ولا قطرة ..الا قصحتي راسك وبغيتي تزيد هاديك القطرة  كيختل توازنو المعتاد وكيدخل في متاهة الفيضان ..كذالك الإنسان سواءاا كانت امرأة أو رجل... فتاة أو صبي 

إلا ضغطنا وحكرنا عليه بهاد المفهوم كينفاجر و يسقط  بفعل قوة الرياح لكتصب في إتجاهوو................

🍂🍂🍂🍂🍂🍂

عائشة:(بالدموع )منقدرش نعيش بلا بيك ابنتي لا منقدرش بقاي  حدا ميمتك فين غادي تمشي منعرفك مغطية ولا عريانة ...جيعانة و لا شبعانة الله يرضي عليك بقاي 

عبير:منقدرش اماما ماشي في جهدي نعيش معااه ..انا معااك ديما ..مبغيتش نكرفصك معايا

سمحي لي اميمتي ودعي معايا.. باست ليها راسها ويديها عاودات عنقتها كتشم ريحتها

........دخلو الصالون جلسو  مجمعين من غير عبير و عائشة لممشاركينش لغا ...حتى وصلات 00:00 وناض العريس زربان يدي عروستو........لبسات تيشورط وسروال دجين صبادري خلات شعرها مطلوق وهزات صاكها لفيه حوايج جداد جابوهوم ليها  في الدفوع ...عنقات مها وتوادعت معاها  بالهم و الغم ... ماعطات الخرين حتى نظرة وتوجهات الخارج الدار وأمها تابعاها دموعها على خدها  ...

توجهات السيارة لكتسنى فيها طلعات اللور حدا حاتم لكان اللور ولأب سايق حداه مرتو 

طول طريق وهي ساكتة واخا كيبغيو يهدرو معاها كتلقاو غير الصمت تجاها

تعصب حاتم وبدا يخبط في الشرجم حتى دار فيه باه وخرج فيه عينيه عاد سكت

وصلو لفيلا ... لأضواء شاعلين مضوين ..خضورة الربيع عاطيا رونق ومنظر زوين 

دخلو الفيلا وتوجه كلا واحد لمكانو 

دخلت كتشوف  أول حاجة شافت  هي واش كاين فوتوي تنفسات صعداء ملي شافتو في الجنب .....

توجهات الطواليط حتى حسات بشي يد دورتها لقاتو حاتم شافت فيه ببرود ومخبية الخوف و الإشمئزاز لكيجيها فور ماكتشوفو

حاتم:(مخرج فيها عينيه وصوتو واصل فين)مالك على هاد الفعايل ديال ****منخافوش شكتحسبي راسك ابنت *** مرض كداير تفووو 

عبير مهضراتوش مكلماتوش بقات تشوف فيه وهو بقا يشوف فيها زاد بغا يحط يديه على وجها

 دوراتو ....شدها بالعنف حتى دورها جيهتو ..بدات كتنتر ليه من يدو

حاتم:هاد الحركات ديال ****متديريهومش معيا فهمتي بغيتي تجيني كود ونكونو بخير موت مزيان بغيتي ****سوايع نوليو في حاجة خرا (قرب وجهو من وجها حتى ولات تشم في رائحة فمو المقرفة)فهمتي ولا لا اقاريااا ادكتورااا 

طلقها بجهد وعاود شدها من شعرها وقرب بغا يبوسها تعافرات معاه كتنتر منو مخلاتوش.. يمشي يمين تمشي شمال يمشي شمال تمشي يمين سخسخاتو وهويجر شعرها حتى غوتت حست بجلدة ديال شعرها بحال لخشيتي فيها سكين طلقها ودفعها مع لارض خرج كيعاير و يشتم بكلام الساقط 

بكات وعاودات بكات على زهرها الكحل وعاد مازادت صمَّت تفلت بجلدها قبل افترسها وياكلها لحم ويلوحها عظم

 عارفا هاد النوع لراسو معدي عليه بقا غير على بنات الناس... الخير مدايروش في حتى راسو و والديه عاد يديرو فيها هي....

دخلات الحمام توضات وتوجهات الصلاة...

كملات صلاتها وبقات جالسة كتفكر اش دير شافت الساعة المعلقة فيها 2:30....تنهدات حتى تيليفونها مشا ليها دابا  معرفاتو فين صد.. توحشات قرايتها ،توحشاات صحابها..توحشات الجو الكئيب لكانت عايشة مع راسهاا ..عرفات راسها جات لعذاب أكثر بكثير من لي كانت فيه

جلسات فوق الفوتوي كتفكر كيغادير تهرب من هاد الدار لدخلات ليها بحال السجينة 

🍂🍂🍂🍂🍂🍂

أَنَا السَّجِينَة المَحْكُومَة بِلِإعْدَامْ

أَنَا السَّجِينَةالمَحْكُومُ عَلَيْهَا ظُلْمًا

أَنَا السَّجِينَة التِي لَمْ تَقْتَرِفْ أَيَّ جُرْمْ 

أَنَا السَّجِينَة التِي تَتَعَاقَبْ عَلى جَرِيمَةُ لاَ مَحل لَهَا مِنَ لإِعْرَاب 

أَنَا السَّجِينَة التِي جَرِيمَتها الوَحِيدَة بنِْتْ لأَبْ ظَالِمْ 

                                        ياسمين إكرام

🍂🍂🍂🍂🍂🍂

دخل معا الباب كيتمايل قلب عليها فوق الناموسية مابانتش ليه ...رما عينيه الفوطوي كيشوف شعرها نازل على الوساد والغطا طايح في لأرض كتبان غير البيجامة البيتية بالوردي الفاتح .. تيشورط و سروالو .. مهزوزة شويا..ضهرها  الناصع البياض عاري .... بقا كيطلع وينزل فيها ... داتو رجليه عندها... وقف حداها كيرمقها بنظرات شهوة   .. هي لعيا وتعب ديال هاد الأيام لمرو بحال شي كابوس تحكم فيها مقدراش تهز الراس 

...حسات بيدين باردين كيدوزو على ضهرها فاقت تالفة معارفا راسها لا فين لا معامن ...

🍁لِمَاذَ أَنَا؟🍁

🍀البارت:44🍀

لقاتو في وجهاا جالس على الفوتاي بجانبها .. عينيه حمرين و ريحت الشراب كتعطعط منو..

 دفعاتو من عليها حتى طاح مع الشراب مطحطحو ممخليش ليه جهد.. وناضت واقفة فوق الفوتي مخرجا عينيها فيه

عبير:عمرك عمرك تحط عليا يديك الخانزين كتسمع تفوووووو 

حاتم:(سكران حتى فوت)اوووو دكتورة ديالي طلع ليها الدم هههههه قاتلك ماتقيسنيش ولاش مزوجك في نظرك نحطك ديكورهههعع لا واقيلا نبقا نبوس ليك راسك كل صباح هعععععهه زوينة هادي 

..تخطاتو  كترجف من الهلع ...خلاتو مليوح في الارض ..يهضر ويغني ويعاير فيها

 سدات عليها في الحمام بدات كترطا وتخبط محملاتوش يقيسها دوشات ومسحات بالفوطة لمعلقين باينة جديدة عرفاتهم موجدين كلشي على حقو طريقو

 عاودات لبسات  لبيجامة نفسها وخرجات لقاتو كيشخر في نفس البلاصة .... ركلاتو برجليها خرجات فيه  غدايدها حتى حل عينيه مقلوب ..تماطا لرجليها لكانت حدا وجهو حضنها..

تزيرات وخدودها حمارو..تلفات خافت تحرك و يفيق ..بقات لدقائق وهي واقفة حتى حسات بيه ترخى وبدا كيشخر ...جرات من بين يديه رجليها بشويا تنهدات براحة موجهة الناموسية  ....نعسات حاضية جنابها لايغفلها تاني....فينما يغلبها النعاس توكظ راسهاا.... حتى تهدات وهي تنعس بمرااا

🌄..فاقت على شميشة لمضوية البيت.. دورات عينيها عليه كان في قمة الجمال ..تكسلات مزيان تلفتات كتقلب عليه... لقاتو مخبوط على الفوتوي و حال فمو.....

توجهات الحمام قدات روتينها ..خرجات كتقلب تعرف  كيفاش دير الا بغات تهرب ..مايمكنش تطول هكا وهي عايشة في الرعب من نوع خاص 

لقات في وجهها لأم بوجه ضاحك ومسرور ...رحبات بيها بيناتهم ونزلاتها معاهاباش تفطر... فطرات وناضت كتسارا حاضيا شي قنت تعرف خباياه...

مر شهر بليلو ونهارو ...لأمور على حالها متغير والو من غير حاتم لزاد من 

الرعب عبير ...كول مرة خارج ليها من  قنت وكل نهار يعطيها العصى بسبب  مابغاتش تعطيه حقو..مكتهدروش ومكتعطيهش وقت.............كانت أسباب كفيلة تنوض فيه الصعرة وترجعو كالوحش أمام عيونها .....

زادت ضعافت وجهها زراق و عينيها في تناوب وسباق علا شكون لغادي تصبح  زرقا ..

صحتها راجعات باللور مبقات لاتاكل و لا تشرب من غير وجبة وحدة و بزز كتخشي شي حاجة .

 لأم داخلا سوق راسها واخا كتشوف وجهها متقدرش تسولها عارفا ولدها اش كيسوى

 راجلها كيجي من الليل الليل  ..خدام على راسو مكجمعش معاهم.... وحتى لحسات بيه كاين كتبقى في  بيتها .. 

قلبات و بحثات ومالقات منين تهرب وحتى ملي كتبغي تفلت كتلقاه اما هو و لا مو بحال دايرين عليها العساا

🌺رِحْلَة الهُرُوبْ مِنَ الوَاقِع 🌺

                المُرُّ

🍀البارت:45🍀

اليوم الجمعة فاقت صباح بكري... بعد ليلة ديال العصا بحال ديما.. دوشااات ..لبسات حوايج الخروج بزز .. هزات صاك صغير فيه وراقيها وفلوس خازناهم.. شي من دارهم شي عاطياهم ليها ام حاتم.....

هزات صبادري في يديها ...كتمشى على صبعانها وحاضيا من شي جهة يخرج ليها يا مو ياهو حيت ماباتش في الدار.........

...خرجات بعد معانات... لبساات سبرديلتها قادت جلابتها السوداء و تمشات في طريق كتزرب ..

توجهات  المحطة ولاد زيان بعدما وقفات طاكسي ملي خرجات من الفيلاات 

..حطها الطاكسي.. نزلات كتجري صابراا لألم عضامها لتعودو عليه .. دخلات كتقلب على اي كار المهم تفلت من هاد المدينة ......لقات كار غادي الرباط قطعات وطلعات بالخف .

تكات على النافدة وبداو دموعها كتساقطو.. كتفكر في حياتها من اللول واخا مكانتش راضية عليها ولكن كانت عايشة بخير مكنهضرش على الطفولة هاديك مرحلة راسها وعانااات منها....بزاف ومخلفاتها هي لعذبوها من تما لهنا اما دابا شي حاجة خرااا عذاب من نوع اخر بدون مأوى قرايتها خاصها ضروري تكملها كيفاش غادي تكملها وهي مخداتش الوراق لفي كازاا والا غامرات وجات خداتهم كيف غادي دير تقرا ومنين غادي تجيب المعيش اليومي ديالها ومها لواعدتها امر اخر شديد الحساسية من لسبقوه

بكااات حتى نشفو دموعها ...محسات تالقات راسها وصلو نزلات وتنفسات هواء جديد ...

رتاحت عاد بدات تدور في عينيها ناس غادا جايا شي ممسوق شي ماكاين غير راسي اراسي 

تمشااات وهي فقط هازة صاك صغير لفيه الوراق والفلوس حتى تيلي متكسابوش ..

توكلات على الله وشدات طريق معارفاش راسها فين هيا و لا فين غادا لمهم مبقاتش واقفا في بلاصة وحدة ..

لقات جردة قدامها خاويا كانت الشمس قاصحة جلست حيدت سبرديلة ورتاحت ...كتفكر فين غادي تكمل وفين تمشي 

لاوطيل شحال قدها ..معرفتش شحال ديال الوقت جلسات لكن حسات براسها طولااات بزاااف ...لبسات سبرديلتها وتوجهات لوجهة مجهولة دخلات في حي راقي بعض الشي غادا وكتشوف في العمارات وتحسب شحال من طبقة .. كتنسي الهم وتعانق حبال الحرية ...كملات طريقها وهي كتفكر تقلب على الكرا تبداا بيه 

خرجات في الشارع كتشوف في طوموبيلات وعقلها ماشي معاها ماعارفا فين التصد و تعطي الراس ...قاطعة الشانطي وهي ساهية.. حتا كتسمع صوت الفران ديال طوموبيل وقفات مغمضة عينيها وقلبها غايسكت بالخلعة ....

نزل من طومويل توجه جيهتها بشوياا نضرا لرجليه لعندو فيها عاهة.. واذا به كيتفاجئ ..

حلات  عينيها... كطلع فيهم بشويا بشويا شافتو تصدمات ..قرنات حجبانهاا  بتعجب

عبير :(بتخنزيرة )ديما خارج ليا في عودي 

الشاب:(حيد النضارات كيشوف فيها كيفاش وجهها حالتو عينيها منفوخين زرقين و حناكها مقبوشين وجها كلو كدمات وعنقها اتار قجة حمرا بزااف ) هادي نتي

شكون دار فيك هاد الحالة ؟

عبير:تفكرات وجهها لكيعطيها الحريق وبغات تدوز ليها دمعة حبساتها بزز:مامالي والو اخوياا سير الله يعرضك السلامة

الشاب:(قلب وجهو وتم راجع  أدراجو بشويا كيكمع برجليه):هادي هي تانية في المرات كنقولها ليك حضي راسك راه طريق خايبة

 مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

🌺رِحْلَة الهُرُب مِنَ الوَاقِعْ🌺

                  المُرّْ

🍀البارت46:🍀

تبعاتو بعينيها .. كيفاش كيتمشى حتى ركب...

 بغات تكمل طريقها وهي تفكر تس ولو باينا  فيه راجل مزيان ملي دار معاهم داكشي...  ولد الناس لاهما تسولو ولا تبقا تالفة

ركب بغا يديماري حتى كيشوفها مزال قدامو....

شاف فيها بإستفهام حتى كتبان ليه انزاحت على الطريق وكتشوف فيه بنظرات كيملأها التعب و الحزن  ..قلب عينيه عليها بغا يكمل طريقو ..حتى حس بيها موجهها جيهتو....

وقفات  بجانب النافدة ل كان منزل ..شاف فيها مصغر عينيه 

حشمات معرفت متقول ...شدات في عقاد ديال الجلابة كتلعب فيهم... هزات راسها شافت فيه وحيدات الشعر على عينيها تنهدات

عبير:امم بصراحة بغيت نسولك ممكن؟

الشاب:(حرك راسو ب اه)

عبير:(حدرات عينيها )بصراحة امم دابا أنا اشفتي

الشاب :(كيشوف فيها كيفاش متوترة وماقدراش تخرج الكلام )وي كنسمعك

عبير:دابا نتا كتسكن هنا ياك؟

حرك راسو باه بلا ماينطق بحرف متبع تصرفاتهاا وحركاتها  الراجفة 

عبير:كتعرف مزيان هنا (حكات شعرها)

الشاب:وي حاجة طبيعية

عبير:بغيتك توسط لي نكري شي بيت... مزعمتش نقلب على شي سمسار خفت الا مكنتش غانبرزطك 

الشاب:(صغر عينيه)فين الواليدة ديالك؟

عبير:(تنهدات بعمق)في كازا

الشاب:اممم مفهمتش اش واقع ليكم مي جوبونص هادشي واقع من هاديك الليلة

عبير: (تنهدات)قبل منها غير  هاديك كانت النقطة  لفيضات الكاس 

الشاب:(تنهد كيشوف لبعيد) طلعي نشوف ليك داكشي لبغيتي 

 ترددات  تطلع...لمرة لفاتت  شجعاتها عائشة  لكانت مسخنا ليها كتافها.. دابا وحيدة  معرفت اش غادي يجرا ليها من بعد هاد الركبة... هزات كتافها و توكلات على الله ..جلسات اللور كتردد اش غادي يجرا لي كثر من هادشي لعشت 

شاف فيها من المرايا دور راسو بلا حول وتوجه الوجهة ديالو ..مسافة الطريق كانو قبالة محل مكتوبة في واجهتو "منعش عقاري"

 

🍀البارت47:🍀

🌺رِحْلَةْ الهُرُوبْ مِنَ الوَاقِع 🌺

                  المُرّ

💢💢💢💢💢

في هاد الدنيا كيفما كاين الخبيث بقلبو سود  كالقطران ...كاين اللبيب  بقلبو كالحليب.. كنسمة باردة كتخمد النار لشاعلة في القلوب المنهكة...المتعبة..اليائسة و المتشبعة بالسواد لأبعد درجة.....

في هاد الدنياا كيفما كاينين والدين يحيدوها من نياب الذيب ويجيبوها لولادهم ..يضحيو بالغالي وكذا النفيس من أجلهم ..كاين لولدوهم ولاحوهم من وراهم كأنهم غلطة  وسختهم ...  كأنهم مجرد كلينيكس يرميوه ملي توسخ و يتعفن ......

في بعض لأحيان ملي كتدخل في معادلة ان لولدوك وجابوك الدنيا وعذبوك فكيفاش هاد العالم غادي يمد ليك كفوف الخير ..كفوف الرحمة ....الااا ان فاش كتلقا هاد اليد  ممدودة ليك برحب كتبداا تردد بلي ناس طوب وحجر وصحيح مقولة "تلقاي لخير في البراني ومتلقاهش في لي ليك "

هادي هيا مسطرة الحياة عايشين ..كاين الصالح كيفما كاين الطالح ..كابن لباغي ليك الخير... وكاين لكتسنى فرصة صغيرة فين يمرمد  ليك وجهك في التراب....

💢💢💢💢💢

تلفت لعبير زعما دخلي.. توجهات حشمانة حناكها حومر وكترجف  .. مكترداش ....نفسها حارة 

لكن حكمت عليها الظروف......وليس لها بديل 

رمات اولى خطوة  داخل الدار ...من الدخلة كتبان منسمة و منورة  بريحة الصفاء و الهناا  ..هزات راسها كتشوف امرأة في الخمسينات كيبوس ليها راسها وجهها بشوش شعرها لأسود بالصباغة مليوح عليه الفولار بالوردي ...لابسا بيجامة بيتية بالوردي طويلة...

حذيفة:الوالدة جبت معايا الضيفة تبقى معانا هاد الليلة

بتاسمات المرأة ببشاشة  برغم من كونها تصدمات 

في وجهاا مابيناتش وفي إتجاه عبير توجهات  

كتفرك في يديها ل بالعرق فزكو ....وجهها ولا مطيشة حاسة براسها تحطات في موقف متبغيهش لعدو 

حطات يديها على شعرها:ما شاء الله غزالة ..حنات عبير راسها واستمرات في فرك يديها

توجه حذيفة دخل لواحد الغرفة و غلق من وراه لباب ....خلاها متبعاه بعينيها المليئة الهلع ....بعدات عينيها على الباب المغلق على إثر يدين خديجة لتحطات على كتفهاا 

حولات ليه عينيها ليها  لقاتها كتبسم  بادلتعا بابتسامة متعوبة  مع إحراج  متزايد 

رحبات بيها خديجة و  الصالون  بيها توجهات 

 خلاتها جالسة مجموعة ومشات تحضر لكوتي لوصل في لأساس وقتو..

 

🌺رحلة الهروب من الواقع🌺

                  المر

🍀البارت:48🍀

بقات كتشوف في الفراش و الديكور لحسن من دارهم بدرجات ..... اما الهدوء و السكينة لمكتاسيا الجو حاجة اخرى زايدة من جمالية المظهر 

داز حذيفة مبدل حوايجو دخل الكوزينة لقاها كتوجد في اتاي

حذيفة: فين البنات الواليدة ؟

خديجة:مشاو عند غيتة صاحبتهم راك  عارفهم 

حذيفة:(شاف في الساعة )تعطلو ميبقاوش حتى لهاد الوقت.. يجيو عندي ليهم شي كلام ضروري

خديجة:غير رخف عليهم شويا احذيفة راهم تربيت يديك وعارفهم

حذيفة:واخا يكونو هماا حاضين راسهم دنيا صعيبةو دياب موجودين الله يحفظ ،ردي لبال معاك لبال البنت ، باينا واقع ليها شي مشكل خايب

خديجة( بالهمس)فين كتعرفها اولدي عنداك دخلنا في المشاكل منقدروش عليهم

حذيفة:(باس لمو راسها)ماتخافيش الواليدة نديرو لخير ملي شفتها في هاد الحالة وبغاتني نعاونها جا لبالي  فاتن وسارة 

(كمش عينيه و حكهم)مقدرتش نتخيلها ديريها بحال لبنات الله يجازيك وعطيها لحوايج من عندهم

خديجة(بتاسمات)متخافش راه حتى انا عزات عليا مسيكينة علم الله بيها غير خفت وصافي

ابتاسم وتوجه عندها الصالون لقاها مزال جالسة ساهياا وكتنهد كأنها هازا جبل 

حذيفة :رتاحي ليك 

كمل خطاه نحو الباب خلاها هزات راسها فيه وعاودات نزلاتو مكملا تنهيدتها

خرج عند صحابو الكافي .. برزطوه بلإلحاح عليه ومالقا راسو إلا داير ليهم الخاطر 

كانو جالسين 2 شباب مجمعين فيما بينهم في كافي الظاهر أنها نقيا ..كافي عائلي بامتياز 

 كيهضرو وكيشربو في قهوتهم حتى وقف عليهم حذيفة هزو راسهم

 ناضو سلمو عليه وجلس حداهم

خالد:صافا حذيفة اش هاد الغبرة 

عثمان :غبرة ياخويا كون ماتاصلنا بيك وعاودنا  ماتجيش

حذيفة(بابتسامة خفيفة ) راكم عارفين 

مشاغل الحياة

خالد:اودي صبر مسؤولية صعيبة الله يحسن العوان

عثمان:تاحاجة ماساهلا في هاد الدنيا لبغيتي توصل لشي حاجة خاصك تشيب و الا وصلتي 

حذيفة(تنهد )هادشي لكاين

عثمان:مباغي تشرب حتى حاجة

حذيفة:كافي نواغ 

شير السيرفور جا خدا الطلب 

عثمان:الوالدة مزيانة 

حذيفة الحمد الله 

شرب قهوتو من بعد ماجاب ليه سيرفور الكافي وكملو حديثهم ومن بعد كلا مشا لداروو.......

اما عبير بقات جالسة كتفكر اش غادي دير حتى دخلات خديجة هازة معاها براد ديال اتاي حطاتو ورجعات حطات لمرافقات ديالو من حلويات، بتي بان وغيرها..

 جلسات حداها كتشوف فيها حمقاتها جاتها صغيرة وزوينة .. حطات يديها جهة عينيها حتى هرباتها عبير ملي حست بلألم 

خديجة:(بأسف)الله على بنتي شكون دار فيك هاد الحالة الله يعطي لكرض ليدين لدارو ليك هاد الحالة

حدرات عبير وجها والتازمات الصمت حشمانة

خديجة:بلا ماتحشمي حسبي الدار داركم غادي يجيو بناتي ويعطويك الحوايج بدلي عليك اجي نشربو براد ديال اتاي 

عبير بصوت عذب رقيق:الله يجازيكم بالخير ا خالتي 

وراتها جهة الحمام توجهات ليه كان حمام موديرن .. نقي كيلمع يحتوي على فوطات مستفين بعناية ...وقفات قبالت المرايا و بسرعة نزلات عينيها مقدراتش تشوف الخريطة لفوجهاا 

غسلات يديها ووجها مقدراتش تقيسو فزكات عنقها و توجهات لعند خديجة لقاتها كابة ليها اتاي 

جلسات حداها حادرة راسها والحشمة مسيطرة عليها ..هزات خديجة كاس ديال أتاي مداتو ليها هو و الحلوى

خديجة :كولي ابنتي مرحبا بيك 

خدات من عندها  بابتسامة حتى سمعو ضجيج حدا الباب وسوارت كحلو 

 كان الباب مقابل مع الصالة ..دخلو 2بنات كتشابهو متفرزش بيناتهم قد قد من ناحية الطول ولا الفورمة عندهم  شي18سنة طوالات وفورمتهم مقادة دايرات فولار

لابسين لباس محتشم هزو راسهم وهما كضحكو حتى كتفاجؤو بعبير جالسة هازة كاسها كتشوف فيهم بإستغراب 

 شافو في بعضياتهم ودخلو الصالون .... باسو راس ماماهم ..سلمو على عبير وجلسو

سارة :(حيدات الفولار)اففف عيت

فاتن:(حتى هي حيدات الفولار)حتا انااا تقولي معرفت فين مشينا و حنا غير هناا

خديجة:مكتجلسوش و تحطو مسعودة لارض ا بنياتي طيران عندكم في الدم الله يحضر السلامة 

سارة:اماما راه عينا نهار كامل في الدار واخا نكونو حديد نعياو

خديجة:اممم ياك غير جالسين وشادين هاداك المشقوف علاش تعياو انا لا قلت عيت تجي معايا مرا كبيرة ومكنجلسش 

.فاتن:(كتشوف في وجه عبير )ماما شكون هاد الغزيولة

خديجة: هههه حتى انا مزال معرفت سميتها اش سماك الله ابنتي؟

عبير:(ابتاسمات)سميتي عبير

سارة:سميتك غزالة بحالك 

عبير :ربي خليك 

خديجة :من زينك و زين سميتك الله يحفظك و يبعد عليك ولاد الحرام

 

🍀البارت:49🍀

🌺رِحْلَةْ الهُرُوبْ مِنَ الوَاقِع المُرُّ🌺

عبير:امين

خديجة:عبير ضيفة عندنا اليوم تصادف بيها حذيفة شربو اتاي ونوضو عطيوها شي بيجامة من عندكم 

سارة:(بابتسامة)مرحبااا نتوانسوو ونسهرو ليوم 

فاتن:(هزات زيتونة)هي زاهيا شحال ماسهرنا

خديجة:(خرجات عينيها)و القرايا الفعات؟

سارة:راه ماقارينش في الصباح حتى العشية

فاتن:عبير كتقراي ؟

 نزلات عينيها وتنهدات جبدات ليها الجرح 

لمكتنساش روحها ...حياتها

ملي تعطلات ماجاوباتش عرفو كاين ان في الموضوع.... قلبو لموضوع في منحى جديد...

ناضو من بعدما دارو كاسكروط ...جمعو الطابلة وجرو معاهم عبير البيتهم..كان بيت بسريرين باللون لأبيض عليه معلقات دينية وعصافير وردية  عاطية البيت طابع البرائة...مع الطفولة  

سارة:مرحبا بيك في عالمنا 

فاتن:عالم التوؤم المرح

اكتافات ببتسامة...محكروش عليها وتوجهو الماريو عندهم

فتحاتو سارة وهزات بيجامة تشورط وسروال بلموطارد  مداتها لعبير 

 بدات كتبدل حداهم وهي مرفوعة ..حيدات الجلابة بقات بتشورط وشورط قصار ...

جبدو عينيهم البنات كيشوفو في لحمها لزرق واتار ديال الحزام واضحة لبلاصة لمزرقاش حمرة تصدمو .. ودورو عينيهم في بعضياتهم 

اما هي لبسات تشورط والسروال بلا متعطيهم اهمية غارقة في افكارها 

جلسات  بعدما سالات على ناموسية ساهية .

بدلو حوايجهم وجاو جلسو حداها

سارة(كتشوف فشعر عبير)شعرك غزاال اش متبعا ليه 

عبير:والو غير شامبوان و بديل زيت صافي

فاتن:نصحابك متبعا ليه شي حاجة 

عبير نو 

سارة:كنحس بيك مامرتاحاش 

عبير تنهدات وبقات ساكتة

فاتن:واخا يلاه شفناك دخلتي لينا لخاطر كتباني بريئة و صوتك رقيوق و كيوت انا بعدا حمقتيني بحال شي بيبي 

عبير ضحكات حتى تغمضو عينيها و بانو سنانها البويض 

:بحالا كتبسلي عليا

طلقوها البنات بالضحك 

فاتن:الحق قلتو 

سارة:داكشي لكاين غزولة ...

سمعو الهضرة وهوما يبداو يتهامسو 

سارة:حذيفة جاا قفارت 

فاتن:صافي سكتي مالنا اش درنا 

كتشوف نظرات الحب والحنية...تفاهم لبيناتهم تمنات تكون عندها  ختها من مها وباههااا ..دورات راسها بنرفزة باغا تحيد الفكرة من راسها كون كانت كون حتى هي عاشت معذبة بحالها وتعاود قدام عينيها مصيرهااا المجهول...

 بقاو خايفين وكياكلو فظفارهم من شدة الخوف   حتى سمعو خديجة كتنادي  عليهم...

 ناضو كيطيرو خرجو و خلاو عبير جالسة

....ترمات على سرير كتحك في شعرها و تشوف في النافذة لمدخلا ضو خفيف مع برد قليل مكتفي بتمايل الستائر ..........

خرجات مع البنات بعدما ناداو عليها العشا 

دخلات البيت لجالسين فيه خديجة كان حتى حذيفة جالس شاد تيلي

 لبنات رجعو الكوزينة يجيبو العشاا

جلسات حدا خديجة حشمانة هز عينو شافها وحدر راسو

حذيفة:(كيشوف في تيلي)صافا؟

شافت فيه  لقاتو حاني راسو حتى عاود هزو وشاف فيها ...اومات ليه براسها مع بتسامة امتنان حذر راسو 

خديجة :الله يرضي عليك اولدي رخف على البنات متحكرش عليهم

حذيفة:(حط تيليفون و شاف فيها ) انا ماقلت حتى عيب غير يجيو الدار قبل المغرب 

خديجة:صافي ا ولدي الله يرضي عليك 

دخلو البنات وحدا هازة الخبز و لاخرى طبسيل ديال الدجاج بالفريت ..تجمعو على الطابلة كياكلو وخديجة فرحانة بعبير ترحب بيها وتقرب ليها 

الماكلة ساعا لمن لمهمومة وزايدا عليها الحشمة 

عبير :الله يخلف 

سارة:تي كولي ماكليتي والو

عبير:مقدرتش صافي

فاتن:حولك دايرا بحال نونوسة

حذيفة:احممم

جمعو راسهم وتخشاو في بعضياتهم ...

تجمعات الطابلة وتحط ديسير كالو ماقسم الله ..

ناض حذيفة :يالاه تصبحو على خير 

الكل :تصبح على خير

حذيفة:احم وجدي راسك غدا ان شاء الله مع 

العشية هاديك 16:00نمشيو عند سيد 

حركات راسها عبير وخرج 

شافو بنات في بعضياتهم سارة:اشمن سيد 

عبير:لشوف لي الكرا 

فاتن:رتاحت ليك وبغيتي تخلينا 

خديجة :عزيتي علينا ابنتي بقاي معانا شي يامات

سارة:اه بصح نتعرفو عليك وتعرفي علينا

عبير:نبقى نجي عندكم ان شاء الله 

خديجة:ان شاء الله

توجه كل واحد الموضعو ...داز ليل طويل 

🌺🌺🌺

الليلة..سوف يكتب قدر اخر ويروى حديث وحكاية مغايرة عن السابق

الليلة تشهد على حياة جديدة ..بداية مختلفةعن السابق

الليلة ...بمتابة حلم تحقق ..حرية حلقت و ثقة  اكتسبت 

                                                  ياسمين اكرام 

🌺🌺🌺

🌺رِحْلَة الهُرُوبْ مِنَ الوَاقِعْ المُرّْ🌺

🍀البارت50:🍀

فاقت كتحس براسها مقادراش تحرك.. عضامها كحرقوهاا وعينيها كثر 

حلات عينيها دوراتهم لقات فاتن معنقاها و مخشية فيها ممخليا ليها فين تحرك 

 

حاولات ..عاودات حاولات عاد جاها الفرج وتفكات منها ...لقات سرير سارة خاوي 

جمعات شعرها كعكة ..خشات رجليها في  صنيديلة و توجهات  كتفوه  الحمام ...قدات روتينها وخرجات كتسمع في الهضرة في الكوزينة 

مشات قاصداها بتوتر 

دخلات لقات سارة جالسة في صلا مونجي وخديجة واقفة على البراد 

عبير :صباح الخير 

خديجة:(بابتسامة)صباح النور كيصبحتي

سارة:صافا الزين

عبير :الحمد الله

جلسات حدا سارة

..حطات خديجة البراد وكملات المشتقات الفطور وجلسو كيفطرو في صمت 

سارة: (ساست يديها ) غنضربها بواحد الدوش

خديجة :(كتمضغ)يالاه تنوضي تجي مع الوقت و فيقي معاك ختك راه11 هادي 

حلات فمها بصدمة معارفاش شحال تكون  ساعة كتسائل كيفاش نعسات هاد الوقت  بالكامل براحة بحلا ماتابعها والو 

حشمات من راسها وحكات نيفها بحرج

.....داز الوقت خديجة واقفة قادة بقدودها كطيب في الغدا..

سارة خرجات من الدوش وجات جلسات حداهم اما فاتن فدخلات دوش من بعد فطورهاا وسماعها لديسك خديجة الصباحي 

ريحة كسكسو  فاحت  في الدار ومن باب العمارة عطات...

عبير جالسة حدا سارة لكهضرو في حدود..

حتى قالت خديجة : عندك ماماك 

عبير :(تنهدات )امم توحشتها

خديجة:علاش مكنتيش عايشا معاها ؟

حدرات عبير راسها كتكبح دمعتها ..

لاحضات خديجة تصرفها عرفاتها مؤلمة ودايزا عليها و مكوية من جيهت ميمتهااا

خديجة:(حطات يديها على شعرعا  كدوز عليه)مالك ابنتي كتباني ليا مهمومة وهازة هم كبر منك عاودي ليا ديريني بحال ميمتك 

شافت عبير فاص ليها و بقات ملتازمة الصمت 

سارة:اه اختي فرغي علينا قلبك لعلا و عاسا ترتاحي 

خديجة:(بحسرة)غير تكلمي ابنتي راك عزيتي علياا خوي قلبك 

بقات مركزة عبير في في نقطة وحدة  متجاهلة كلامهم يرحات بمخيلتها العذااب لداز عليها من طفولتها اإلى لأن 

كان عندها أمل ملي تكبر يتحلو العقد وتفك من زحمة لأفكار الخبيثة لمستوطناها ..يتحلوو لبيبان في وجههاا ..تشبت في قرايتهااا...تعلم تواجه الخبثاء لدوزو عليها مالا يحتمل ...تاخد حقها من الذياب لمتوحشة بصفة إنسان  ولكن ليست الحكاية بسهلة التنفيذ 

🍃🍃🍃🍃

ِفَرِرْتُ مِنْ طُفُولَتِي وَشَبَابِي وَ الوِجْهَة كَانَتْ نَحْوَ الفَرَاغ

 الذِي َفَضَّلْتُهُ عَلَى دُنْيَتِي الخَبِيثَةُ 

هَلْ يَاتُرَى الفَرَاغ َسَيُنْجَينِي و يُنْقِدُنِي مِنْ عُتْمَةٍ خَلَّفَتْ بِي أَضْرَارٍا بَلِيغَةٍ وَ أَحِاطَتْ بِي مِنْ كُلِّ جَوَانِبِي وَ كَذَا غَمَرَتْنِي ...بِالمَوتِ البَطِيئ..

تُرَى الدُّنْيَا سَتُنْصِفُنِي وَ تُدِقْنِي السَعَادَةَ بِمُسَاوَاةِ مَعَ العَذَابِ الذِي مَرَّ بِي ؟

...تُرَى هَلْ سَيَنْتَهِي الأَلَمْ الذِي يِتَلَئْلَئْ فِي قَلْبِي تُرَى هَلْ سَتَضْحَكُ لِي الدُّنْيَا يَوْمًا ؟

                                                  ياسمين اكرام 

🍃🍃🍃🍃

 مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

🌺رِحْلَة الهُرُوبْ مِنَ الوَاقِعْ🌺

                    المُرّْ

🍀البارت:51🍀

🍂🍂🍂🍂🍂

ملي لإنسان كيكون مشارجي بمعنى قوة الضغط خاص فرصة وحدة ذكر و تجبد ليه النقطة لضاراه كيرجع ليك كلشي كأنو داز اليوم وليس أيام أو شهور وحتى سنوات .. في لحظة كتحك ليك على الدبرة بهذا المفهوم كتلغى جميع المحاولات في النسيان وكيخونوك دموعك وتبدا تحكي ماجرا ليك ربنا تحس بالقليل من الراحة كونك شاركتي لضارك مع أناس لهم من تجربة مايكفي.......

🍂🍂🍂🍂🍂

بقات مركزة نظراتها  على نقطة وحدة.... بعد دقائق من سكون تام كتسمع غير صوت فوران كسكسو ..حتى خديجة و سارة فقدو  لأمل تهضر  نطقات :ملي كنت صغيرة وانا كنشوف راسي ناقصاني شي حاجة كبرت على العصا صباح وعشيا لا أنا لا لأم ديالي.. كبرت على القمع مديريش هادي ديري هادي كبرت على الحكرة والتمييز بيني وبين خوتي ..هادشي كامل دايرو ليا بابا لكان خاصو يكون معايا و لكن مع لاسف كان ضدي كان يشري لشي حاجة لختي وكتعجبني ونبقا نتنهد حيت عارفا معمرني غادي تكون عندي بحالها ..(قطرات ديال دموع مبغاوش يحبسو ملي تفكرات حادث لاغتصاب).. بقات ساكتةساهيا و رجعات لماضي لأليم  ..

نسات راسها فين هي ومعامن بحال دارت بوز لحياتها.. وقفاتها على هديك النقطة حتى حسات بيدين خديجة كتمسح ليها دموعها شهقات و بعدات وجهها ..حتى رجعت الوعي عاد تهدأت كتمسح في بقايا دموعها  وكملات كلامها ..كبرت وصلت لسن المراهقة تبدل تعاملو معايا تغير طفيف بقا محتافظ بالبرود والجفاء ديالو وغير مازاد ولكن العصى مبقاش كيحط عليا يدو لا انا لا ماما (تنهدات و الدمعة نزلات من عيونها )حطمني ملي كيتعامل معايا بحال ماكيناش في الوجود بحال شي شبح مكيشوفوش (شافت في خديجة)ديما كنتلاقى بيه وكتجاهلني كشوفني و يحدر راسو ويكمل طريقو سوا في الدار و لا زنقة (مسحات دموعها )كنت تاأنا بغيت اب نحط عليه راس و نفتاخر بيه ونقول بابا شرا ليا لعب معايا دار ليا وتكون بصح ماشي كيف كنت نختارع لبنات ملي كنت في لإبتدائي..ومنضطرش نكدب عليهم ملي كنمشي لمدرسة كلي جروح وانتفاخ في الوجه ونقول غير طحت من دروج

خديجة:(مسحات عينيها و هضرات بصوت مؤلم)الله ابنتي وشحاال هازة ديال الهموم اش غادي نقولك ابنتي باك خايب و مكسوااش ولكن كيبقا باك معندك ماديري باك خايب ولا زين 

سارة:(كتمسح دموعها)بكيتيني اختي هادشي كامل داز عليك

عبير: (تنهدات) لمخليني مربوطة هي 《فلا تقل لهما اف ولا تنهرهما》من هادشي كامل بقات فيا غير ماما حياتها كلها وهي معذبة ودابا ملي هربت غادي يبرد فيها داكشي لدرت 

خديجة:هربتي؟؟

هزات فيها عينيها ونزلاتهم :اه ملقيت حتى حل 

خديجة:قلتي الواليد ديالك مبقاش ضربك شكون دار ليك هاد الحالة؟

كرزات على يديها بضيق و نرفزة ..سهات كتفكر في شهر لعذاب رفقة المسمى زوجها ..مافاقت الا على يد شديدة البرودة  على يديها استرجعات وعيها كتنهد ماتمة غيظها من الموضوع لذكرات وهي في محاولة نسيانو 

ردت:هو 

التازمات الصمت اأن حسات بيبين خديجة تحولو من يديها لوجهها:

الله ابنتي تمحنتي بزااف جلسي معاناا معندك فين تمشي  تكرفصي 

سارة:اه بقاي معانا واخا غير بينما عرفتي اش ديري 

عبير:لا منقدرش الله يكثر خيركم هادشي لدرتو معايا راه كثير 

خديجة :بقاي غير بينما هزيتي رجليك شوياا 

عبير:لا اخالتي منقدرش نتقل عليكم كثر من هكااا 

خديجة:غادي نهزوك فوق ريوسنا علاش غادي ثقلي علينا منك من لبنات جلسي الله يرضي عليك 

حكات عبير وذنيها بخجل مكرهاتش تبقا في هاذ الدفئ لحساتو معاهم غير من لبارح ليوم... دفئ أسري محض ...كتحس براسها محمية أفضل ماتبقى بوحدها في مدينة غريبة وعارفا الشارع خطار ولكن حشمانة مبغاتش ثقل عليهم ومبغاتش تحط في شي موقف خايب.........

سهات كتفكر مخرجها من سهوتها غير صوت

 خديجة:فين مشيتي ابنتي بقاي مونسا معانا حتى تعرفي فين تحطي رجليك عزيتي عليا و ربي شاهد واخا يالاه شفتك ولكن حسبتك من بناتي 

ابتاسمات عبير بود:الله يحفظك حتا انا عزيتي عليا شفت فيك ماما طيبة بحالك

خديجة:الله يحفظها ليك وتلاقاو ان شاء الله عما قريب

تنهدات كتشوف بعيد :يارب

خديجة:ايوا اش قلتي تبقاي معانا متخسريش ليا خاطري

عبير:ولكن ولدك؟

خديجة :حذيفة ههه كوني هانيا من جيهتو ولدي اطيب منو ماشفت 

عبير:الله يخليه ليك غير عفاك هادشي لقلتو ليك يبقى بيناتنا 

خديجة: صافي ابنتي سرك في بير

سارة:حتا انا ،غادي نمشي نقاد لكتوبة ونلبس قرب الوقت

رتاحت  نسبياا ملي شاركت معاهم وخوات عليهم قلبها واخاا ماشي كلشي ولكن لاهما هكا ولا بلاش 

💢💢💢💢💢💢

تخوي قلبك الا كان مشارجي  كتكون لوسيلة لتخفيف... كتشارك همومك مع شخص اخر  يقدر يحس بيك ويوقف في جنبك....

🌺رِحْلَةْ الهُرُوبْ مِنَ الوَاقِعْ🌺

                    المُرّْ

🍀البارت:52🍀

طاب كسكسو وريحتو فاحت في الدار

 ..حل حذيفة لباب ودخل كينادي لأم ديالو ...

 حطات المغرف وخرجات عندو بابتسامة مزينة ثغرها باس على راسها وزاد لكوزينة باغي يحط لميكات لجايب معاه ....شافها جالسة حاذرة راسها كتلعب بيديها في ثوب لفوق الطابلة و شعرها نازل مغطي وجهاا .. بعد عينيه عليها مردد السلام وحط داكشي فوق البوطاجي وخرج موجه البيت... 

دخلات خديجة بابتسامة كتهز في الميكات تقاد فيهم ..

خرجات فاتن من دوش بوجها لمزنك وفوطة ملوية على شعرها.. توجهات الكوزينة جلسات مقابلة مع عبيركتنفخ:ففف سخفت بحال كنت في الحمام

ردت عليها خديجة :سرك يابنتي نتي لكتسكني فيه 

فاتن:كنرتاح فيه ولكن كهلكني 

شافت فيها عبير بابتسامة:بالصحة 

ردت :الله يعطيك الصحة حذيفة جا ؟

خديجة:ايه جاا نوضي وجدي اللبن ديه فوق الطابلة وعيطي على ختك 

عبير:نعاونك اخالتي في شي حاجة 

خديجة(بابتسامة ):لا ساليت بقا غير نسكي

...جالسين مجموعين على طابلة كتسمع صوت الملاعق  والكيسان ديال لبن كيتهزو ويتحطو مع صوت التلفازة ..جمعات عبير يديها مرددة الله يخلف 

هزات خديجة عينيها فيها :مكلتيش ابنتي كولي ليك شي لقمات باش توقفي

عبير:الحمد الله هادا جهدي الله يخلف 

هز عينيه بالخف فيها ورجع حذرهم كيتغدا في صمت

فرقات خديجةاللحم عطات كلا حقو ....تجمعات طابلة 

ناضو لبنات توجهو لقرايتهم ..بقات عبير جالسة هي وخديجة كيتحدتو حتى طبطبات ليها على رجليها :نمشي ابنتي نهضر مع حذيفة جلسي ورتاحي مديري في راسك والو 

حذرات راسها موكلا امرها الله تالفة معارفاش اش دير...كتفرك بيديهاا بتوثر بليغ 

🌺رِحْلَةْ الهُرُوبْ مِنَ الوَاقِعْ🌺

                  المُرّْ

🍀البارت:53🍀

في البيت المجاور ....بيت كبير مصبوغ ب بلان كاسي كتواجد سرير بغطاء رمادي امامو  كنابي وطبيلة الزجاجية  صغيرة محطوط فوقها المصحف الكريم في جهة لأخرى كتواجد نافدة مغطاة بستائر كذلك رمادية اللون وفي الدخلة كتواجد حمام عصري ..

دقات بعدها فتحات لباب مرات من لممر لمن جهة لحمام ..شافتو مستلقي على السرير داير يديه ورا عنقو ومغمض عينيه.... جلست بجانبو  كتشوف فيه بحب ..حل عينيه السود وبدات لإبتسامة كتشق ثغرو :الولدة ياك لباس 

خديجة:منجيش نشوف ولدي الحبيب 

ابتاسم مردد: مرحبا انا معاك ديماا

خديجة:الله يرضي عليك جيت بغيت نهضر معاك في واحد الموضوع

جلس بعدما كان مستلقي :ايه الله يسمعنا خير

خديجة:البنيتة لجبتي لبارح 

حك حاجبو :مالها؟

خديجة(بابتسامة وحاذرة راسها )عزات عليا صراحة و بقات فياا ربي لعالم بيها بغيتها تبقى معانا شويا بينما رصات راسها بقا صغيرة و زينة خفت عليها شفت فيها سارة و فاتن منبغيش ليها تكرفص في لكرا (تنهدات)وراحنا مدوزينو و عارفينو صعيب..............................................

🌺رِحْلَةْ الهُرُوبْ مِنَ الوَاقِعْ🌺

                    المُرّ

🍀البارت:54🍀

هزات عينيها فيه شافتو ساهي :اش بان ليك اولدي

رجع شاف فيها: مقالتش ليك اش واقع ليها ؟

خديجة: (تنهدات )دازت عليها اولدي غير الله يصاوب ليها ويعوض ليها خير

حذيفة:امين.. مرحبا بيهااا الواليدة 

خديجة:(طبطبات عليه)هاد هو ولدي لكنعرف الله يرضي عليك ويرزقك ربي بنت ناس لتبر بيك 

حذيفة(بابتسامة)رجعتي لموضوعك تاني 

خديجة:ايوا اش ناقصك اولدي هادا هو جهد فين دير ولادك ونشوفهم يجريو حدايا 

رجع تكا :ولادي هوما سارة و فاتن نقريهم ونوصلهم 

خديجة:الله يهديك اش بنقول ليك 

تنهدات قاصدة الباب مخلياه وراها.....فاتح عينيه في سقف لمدة ورجع غمض عينه

🌺🌺🌺🌺🌺🌺🌺🌺🌺🌺🌺🌺

دخلات لبيت لقاتها كتشوف تلفازة... ساهية ..

جلسات حداها بابتسامة :راني هضرت مع حذيفة ورحب بيك 

ابتاسمات بخجل:والله الا حشمانة منكم الله يجازيكم بالخير 

خديجة:مكاين علاش تحشمي

دازت العشيا مجمعين بيناتهم  بعدما خرج حذيفة لخدمتو ..

حتى دخلو لبنات دارو كاسكروط وناضو جمعوه يغسلو لماعن تكات خديجة :دخلي ابنتي دوشي الا بغيتي دار داركم رتاحي ليك

حركات عبير راسها و ناضت متاجهة لكوزينة :سارة ختي بغيت ندوش ممكن تعطيني شي حاجة نبدل بيها

ردت:اه اجي معاياا 

تاجهو لغرفتهم عطاتها بيجامة بتشورط وسروال ودو بياس مستلزمات الحمام شعلات ليها الشوفو..وخلاتها في حال سبيلها...

...رجعات لكوزينة وقفات حدا فاتن لكتغسل لماعن

فاتن:دخلات

سارة:اممم

فاتن:كتجيني غامضة بزااف 

سارة:مسكينة دايزا عليها بزااف  باباها مدوز عليها الويل كون كان عندي بحالو كون طجيت شحال هذا 

فاتن:وايلي هو لداير ليها هاذيك الخريطة في وجهها 

فاتن:امم بقات فيا بزاااف باها مخرجها منها  

فاتن:(تنهدات)الله يفرج تقطع في القلب مزال صغيرااا 

سارة  :متستاهلش فنة ياختي 

فاتن :تاحد في ها الدنيا ماكامل

سمعو لباب دار تحل سكتو ..

دخل حذيفة لكوزينة هاز ميكة ديال سقاطة حطها فوق الطابلة مردد السلام 

حذيفة: كيف غادين مع القرايا؟

ردت سارة:الحمد الله مزيان قربو لزيكزام 

حذيفة:الله يسر  جبدو راسكم هاد الفترة باش من بعد ترتاحو (حك شعرو)الوليدة خارجة ؟

فاتن:في لبيت متكية نوجد ليك شي  حاجة اخويا؟

رد: كاس اتاي الله يحفظك

خرج موجه لبيت يبدل حوايج لخدمة....تصادف في طريقو بيها خارجة من حمام جامعا شعرها بفوطة ولابسة لبيجاما ديال سارة بيضا وفيها وريدات  بلأحمر... وجها حمر والعينين مجبدين واخا اتار الضرب ... واخا اتار الكدمات لكيملئ وجهها الا ان إشراقتها مضلامتش ..حذرات راسها وكتفرك في يديها بالحشمة ..

طول فيها الشوفة  بعمق ....حذر راسو ليديها ومر من عليها مردد السلام ......

بقات واقفة تاسمعات لباب ديال بيتو تسد وهي تمشي لكوزينة عند لبنات ..........

🌺رِحْلَةْ الهُرُوبْ مِنَ الوَاقِعْ المُرّْ🌺

🍀البارت:55🍀

شافتها سارة وبدات تصفر:هاد الجمال كامل معانا في الدار

ردات عليها عبير كتبتاسم:عويناتك كون تشوفي نتوما صراحة كون ماشي هاد الخالة لعندك في دقنك مانفرقش بيناتكم

سارة:كلشي كيقولها لينا هه

فاتن:رتاحيتي

ردت عبير:بزااف منساش خيركم..بغيت نخرح نقلب على شي خدمة وخفت نتلف 

سارة:حتى نخرجو معاك غدا مقارينش منها ندورو ومنها نوريك لبلايص 

فاتن:فاش باغا تخدمي

تنهدات عبير:بغيت غير نديباني اي خدمة كيفما كانت ..

فاتن هزات الصينية موجها لبيت :ان شاء الله انا ندي اتاي لحذيفة ونجي ونيت نفيق ماما

دازت الليلة  بعدما تعاونو لبنات يطيبو لعشا بضحك بيناتهم ...

عبير عجبتها روح الذعابة ديالهم 

رتاحت وسطهم جو مختلف  كليا على لعاشت فيه..

تعشاو في جو صامت بحال ديما ..ناض كلا واحد لمكانو يحط راسو .....

 بعدما دارت لبوماظ لوجها تكات  مفرشة في لأرض فراش رطب وخفيف نظرا لفصل الصيف 

كتخمم في حياتها كيغاتكون من هنا لقدام مانعسات حتى أذن لفجر................

🌄شرقات الشمس على عبير في الكوزينة من بعدما غمضات ساعات قليلة مبغاتش تكون مثقلة عليهم  حشمات من راسها بزاف تتحس حطات راسها و كرامتها  في لارض مي اش غادي دير تبقى راسها خايفة من خيالها في مدينة مكيناش فيها لأم لتواسيها ...بغات تبقى حتى تأقلم شويا وتعرف خبايا هاد المدينة ومنين تخرج و دخل.........

واقفة بشعرها السود كالظلام مجموع كعكة بعض لخصلات متناترين عليها مركزة نظرها في العجين لمسمن لكتدلك فيه فجأة سمعات شي حس متوجه لكوزينة توقفات كتنتاظر تكون غير خديجة و لا وحدا من لبنات حتى شمات عطرو نفس لعطر لشمات نهار تلاقات فيه في ليلة المشؤومة . عطر خفيف ولكن كيجذب..جمدات في بلاصتها متحركاتش ..حتى سمعت صباح الخير 

دارت نصف دورة رادة بصباح الخير ..شافتو متوجه الثلاجة 

وهي ترجع لعجينتها حاسة بارتباك كتلف في عجينة منتاظرة ايمتى يخرج ...

هز قرعة لعصير وتوجه خدا كاس من شبكة لحداها كب ليه ورد لقرعة موضعها وتم راجع ادراجو حتى تنفسات بعمق وهي تسمعو :مكاين لاش تعذبي راسك

كمل طريقو خلاها على نفس وقفاا ..تنهدات وكملات عملها مرتاحت  بعدما سمعات لباب ديال دار تسد ............

وصلات 9:00حسات بخطوات  خفاف داخلين لكوزينة  تلفتات لقات خديجة داخلا وكتشوف بتفاجئ الطابلة لمتزينة برغايف وبراد أتاي مع زيتون وزيت العود فرماج وكونفيتير

جلسات حداها:مالك ابنت عدبتي راسك 

ردات :مكاين حتى عذاب اخالتي ضرباتني لفيقة بكري وقلت ندير لينا شي حاجة نفطرو بيها غير سمحيلي تطفلت على كوزينتك

خديجة:الله اودي الله يرضي عليك ابنتي يالاه نفطرو هادوك لبنات عندي ميفيقو حتا يتنصف نهار الا ماكانوش قارين 

فطرو في جو هادئ بيناتهم رتاحت عبير نوعا ما لخديجة  قاطعت الصمت لبيناتهم خديجة:عيطتي ابنتي على ماماك

 حطات طرف رغيف لكانت هازة كتنهد  :لااا ملي مابقيتش  شفتها ولا هضرت معاها ظروف  غلبتني 

خديجة:علاش مكنتيش عايشة معاها 

التازمات سكات ... خافت لتفرش قصة الزواج  

طبطبات على ذراعها :الله يعوضلك ابنتي كلشي عند ربي قريب نكملو لفطور ونعطيك تهضري معاها

شافت فيها ببريق :الله يجازيك بالخير اخاالتي

🌺رِحْلَةْ الهُرُوبْ مِنَ الوَاقِعْ🌺

                    المُرّْ

🍀البارت:56🍀

في السجن المحلي ......

متكي مغمض عينيه فوق سرير المكون من طبقتان كتسمع صوت السجناء لبرفقتو..مع تردد أصوات المعالق و الطباسل الظاهر وقت لأكل ....كفكر ويعاود في الجرائم لكان كيدير إغتصابو لأطفال أبرياء...ضعفاء ...مرحمهومش رغم شدة بكاءهم ورفضهم لأمر..كبتو ومرضو مكيخليهش ليه حس الرحمة تنهد كيسوط من هذ المكان للحياة كيحس بيها حبسات ... حس بظل واقف عليه... تظاهر بالنوم ومحلش عينيه حتى حس بضربة مختارقة رجليه فتحهم بلهلا يطريه ليه من حدة لألم لقا قدامو شخص لملي دخل وهو حاط عليهوعو كيبادلو بالتجاهل ...شخص سيفتو تخلع بكثرة طراساج....ناهيك على جسمو لكامل مطلي بالوشامات مختلفة ومتنوعة عاد تشراط الزيزوار لمكتسي ذراعو وعنقوو ...

هز راسو بهلع جلس كيرجف 

تلفت دور عينو على السجناء لمشغولين كياكلو ورجع شاف فيه   تحنى على وذنيه تمتم ببعض كلمات مخليه  زاد في رجفتو ودار راجع أدراجو الطبلة لأكل..جلس وطلع عينيه فيه هو لكان مزال متبع ليه العين غمزو ونزل عينيه لطبسيل.....

ناض بعدا خدا النفس ورجعهاا توجه الطابلة ....جلس مقابل معاه هو لعينيه كتساراا عليه طلوعاا ونزولا...

من كثرة نظراتو  الغريبة  لكيرمقو بيهم الماكلة مبغاتش تدوز ليه... بقات الدغمة واحلا في حلقو حتى سرطها بزز منو ملي ناض  السجين  لزارع فيه الرعب في إتجاه الحمام ..حل الباب وطلع عينيه فيه عاود ليه الغمزة وسد الباب ....

نايقارب دقيقتين وهو كيترعد من بعدها ناض كيغزل في إتجاه الحمام ......

واقف بضخامتو متكي على الحيط ومربع يديه في إنتظارو ...هز عينيه فيه كيفليه من صبعو الصغير الى غاية شعر رأسو ..قاد وقفتو قرب في إتجاهو كيتمنظر فيه..... حتى وصل عندو كيشوف فيه نظرة خالية من اي تعبير:حيد السروال 

كلمة تردد صداها في الحمام  خلاه يزيد في الإرتجاف

عاود نطق بعدما ساس يديه:دير لقلت ليك قبل ما نخدم معاك العنف 

تفكر يوم دخل فيه قبل شهر و بعض لأيام ...الدم لشاف الشخص غارق فيه كونو  رفض يلبي أمرو

شداتو القشعريرة 

برجفة نزل يديه لصمطة  وعيونو ببريق الدموع قطرات.....تفكر مدى خبتو ولعبو في لأطفال الأبرياء 

نزل السروال ولعينيه مغمض تارك السجين فغر فمو بابتسامة.......

داز الوقت..........سد السنسلة وتلفت ليه  بابتسامة ويديه على جبهتو كيمسح العرق :عجبتيني مغاديش تكون اخر مرة 

فتح باب الحمام وسدو من وراه خلاه كتنفس بعنف وشارد الذهن  في الضحاياه

صدقا لمقولة "كما تدين تدان"

🌺رِحْلَةْ الهُرُوبْ مِنَ الوَاقِعْ المُرّْ🌺

🍀البارت:57🍀

كملو فطورهم وناضت خديجة جابت تيلي حطاتو قدام عبير وطبطبات ليها على شعرها :هاكي طمنيها عليكنمشي نتوضا

و خرجات مخليا ليها راحتها فين تهضر

هزات تيلي و الضحكة مرسومة ليها على وجهاا ركبات رقم و هي كترعد بمشقة لانفس كتسمعو كيرن بحال شي سمفونية كتنعش الذات منتظرة الرد بفارغ الصبر تقطع الخط وعاودات لاتصال ورجليها كيقفقفو..وسعات ابتسامتها ملي سمعت الوو 

رتاحت وردت:الو ماما لباس عليك

عائشة:بنتي عبير هاذي لباس عليك فين مشيتي واش درتي راه دنيا مقلوبة عليك واش نتي مزيانة فين جالسة واش رتاحيتي 

عبير:نتي لمهمة اماما واش لباس عليك كيفاش كيعاملوك راني محروقة عليك توحشتك بزاااف اماما(قطرت دمعة نزلات ومسحاتها بكفها)

عائشة:حتا انا توحشتك بزااف وليت غير راسي (بصوت فيه غصة)كنتي معمرالي دار وكنحط عليك راسي ملي تلف بياا 

عبير:متبكيش اماما دموعك غالين عليااا الله يخليك لماقولي لي واش دارو ليك شي حاجة

🌺رِحْلَةْ الهُرُوبْ مِنَ الوَاقِعْ🌺

                    المُرّْ

🍀البارت:58🍀

قاطعتها: غير مسحي دموعك ومتقلقينيش عليك راني مزيانة الحمد الله... عقلتي على هداك الولد لتلاقينا بيه نهار بغينا نهربو بليل؟

عائشة:اه نفعنا مسكين في هداك الليل مالو؟

عبير:تلاقيت بيه في الرباط وطلبتو يعاوني

 ومسكين جابني لدارهم لقيت ناس طيبين 

عائشة: نتي في رباط؟

ردت:امم وردي لبال عنداك تقوليها لشي حد

عائشة:الاا اويلي ياك مزيانين ؟

عبير:الحمد الله ظريفين بزااف لقيت راحتي معاهم غير وكان حشمانة ..كنت طلبتو يشوف لي لكرا وملي عاودت لمو اش وقع لي بقيت فيها وقالت لي بقاي معانا حتى توقفي

عائشة:الله يجازيهم بالخير الولد ساكن معاهم؟

عبير:(كتلعب بيديها في الطابلة)اه 

عائشة:مزوج بعدا

عبير:مكنظنش كينا غير والدة ديالو و 2خواتاتو 

عائشة:حضي راسك ابنتي واخا كيبان متبت وماشي من ولاد هاد الجيل ولكن شيطان ولد الحرام 

فهمات عبير منحنى كلامها :واخا اماما غير رتاحي من جيهتي ..محتارم راسو وفينما كيشوفني كحذر راسو

عائشة:راه قتليك شيطان خايب وراك عارفا لداز عليك حضي راسك منحتاجش ندوي معاك

بعدات تيلي سرطات الغصة لفي حلقها كترفض مضغ الحدث لوقع ليها ...غمضات عينيها كتطردو من افكارها لمدة ورجعات قربات التيلي لقات 

عائشة :الو عبير فينك

ردت:انا معاك 

عائشة: اش درتي مع حاتم احمم في هاذاك الوقت لجلستي معاهم 

 ردت كتحك في عنقهاا:والو متشغليش بالك اماما 

تنهدات عائشة:كيفاش منشغلش بالي ونتي بعيدة على عيني..اش غادي ديري دابا 

عبير (تنهدات):نقلب على باش نديباني ويحن الله

عائشة: و قرايتك؟

عبير( مسحات وجها):خاص تاينساوني شويا ونزل لكازا ناخد وراقيا نتحول هنا ومنها نيت نشوف لمنورة حياتي

عائشة:ان شاء الله كندعي معاك ابنتي كوني هانيا من جيهتي و حضي راسك 

عبير:حتا نتي تهلاي في راسك وحضي راسك من اللفعة ديال فاطمة 

عائشة:واخا ابنتي 

عبير:يالاه بسلامة حتى نشري تيليفون  ونولي نعيط عليك صباح وعشيا

عائشة:واخا الله يرضي عليك 

قطعات لاتصال و تنهدات كتفكر اش دير في حياتها وفين باغا توصل كتحس بمصيرها وقف في سطوب...............

رجعات خديجة من بعدما صلات 

بدات كتنصب في لغدا خلات عجينة الخبز لعبير كيجمعو يدردشو في مواضع مختالفة متناسيا موضوعها ......... 

الطاجين عطات ريحتو و الخبز كيخمر 

.دخلات فاتن كتاوب سروالها جهة طالعة جهة نازلة شعرها مشعكك:صباح الخير 

خديجة:على السلامة ظهر مبقا ليه والو و يأذن و صباح الخير 

فاتن:راه ليوم لماقارينش كنرتاحو فيه 

خديجة: كيهزو عليكم الرملة الله ينعل لمايحشم فاقت ختك

فاتن:(كتحك شعرها)امم فاقت نمشي نغسل قبل تسابق معايا 

خديجة:(قلبات عينيها) الله يستر كتشوفي لبنات لعطاني الله 

تبسمات عبير:خليهم مزال صغار

خديجة:اودي انا قدهم تزوجت وولدت حذيفة 

عبير:كل وقت و وقتو اخالتي

سارة:صباح لخير

تلفتاة ليها خديجة :ها لقلنا مناوينش تحيدو هاد القاعدة دالويل اشمن صباح بقا ولأذان مبقال ليه والو

فاتن:بففف تاني نفس لموال نهار واحد اماما لعندنا كنرتاحو نمشي نغسل وجهي 

خديجة:هانتي تشوفي على عينيك لويلات بحال هادو يتزوجو يولدو و يربيو ويقومو بدار عولنا عليهم بكري. طزز على ولاد ليوم 

عبير حبسات الضحكة :صبر اخالتي صبر 

تسمع صوت لغوات ودفيع في  باب لحمام

 ردت خديجة:هادشي فاش فالحين ديما مضاربين وعلاش على طواليط 

....جالسين يبيضو في عينيهم يشربو اتاي وياكلو لمسمن ولالة خديجة مسكتتش من نكير مكاين غير الله يعطيك صحيحتك

وذنيهم طابو بنكير وهوما ماشي في هاد العالم ...

طاب الخبز وجد لغدا وجا حذيفة يتغذا 

طاجين سخون كيبربر مترأس الطابلة مرفوق بشلاضة مغربية ماطيشة الخيار البصلة والفلفلة مشويا بزيت زيتون وكذا ملح ابزار ومنسم بالقليل من الخل 

وخبز سخون كيفتح النفس

تجمعو على طابلة كيف ولفو ديما زايدة عليهم عبير للحشمة مزال مسيطرة عليها خصوصا ملي كيكون حذيفة مكتلقاش راحتها بالمرة  برغم  ماشافت منو حتى تصرف كيبين انها مثقلا عليهم .. الا وأنا شوفتو  ..تصروفاتو والوقار لعلى وجهوو مخلينهاا كتزيد تحشم ودخل في بعضياتها أمامو .....

حذيفة:الله يخلف ناض غادي كيعرج خلاهم مجموعين تبعتاتو مو حتى مشى و تنهداتحذرات راسها:الله على ولدي 

عبير:مالو في رجليه ؟

مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

🌺رِحْلَةْ الهُرُوبْ مِنَ الوَاقِعْ 🌺

                   المُرّْ

🍀البارت:59🍀

تنهدات :مكاتيب ابنتي معندنا مانديرو

عبير:تزاد هكا ؟

ردت كدور في راسها بلا :لا لا لا كان كيمشي كيف الطاووس. داركسيدة 

ايه و مرض يفسياا كيقولو ليه 

سارة:نفسيا نفسيا 

قلبات خديجة عينيها: و اش نقولك ابنتي تأزم ولدي لحبييب مع هو مسكين لكان هازنا واخا صغير هاز الحمل من ليكوش لدوك لعوجات حتى لكراا...

سارة:مامادزتي لينا تاني

فاتن :معرفتها والدانا ولا مربيانا 

خديجة:نوضو جمعو طابلة هادشي لحاضين ياربي السلامة  حضيو ليا فمي 

ناضو كيتنفخو كيجمعو ..دارت خديجة عند عبير :ايوا نكمل ليك دار كسيدة كان مزال صغير يالاه 13عام كان هو لهازنا وهو بانا تمحن وتمرت على طرف لخبز وماكاين لاحنين لا رحيم من غير ربي سبحانه ولكن قدر الله يدخل كومة شهرين ومن بعد (نزلت ليها الدمعة)رجيلة بحال تنات ليه شويا معرفتش داكشي بعدا ولا يكمع بيها الحمد الله على لطف الله وتمحن (سعات كتفكر) خرجت خدمة عند ناس وهو كان حاضي خواتاتو واخا هو كان خاص لحضيه حتى واحد نهار نضت باغا نمشي لخدمتي حتى لقيتو جالس كيلبس في سبرديلتو

ناوي يخرج حدو قاليا بقاي في دار الواليدة وخرج ماشفتوش حتى ليل جا لاطرس ديال ستيلو و غبرة نجارة طاليا ليه حوايجو عرفتو رجع خدم مهضر معايا ماكلمني من غير يبوس ليا راسي و يقولي رضي عليا راني محتاجك (مسحات دموعها)الله يرضي عليه رضا بحكم الله وغير راسو مديتو لا عند طبيب ماداويتو خدم وضرب تمارة وخاشي راسو حتى شرب الحرفة ولا يخدم ليل ونهار ها نجارة بنهار ويمشي السوق يضرب لكرفي مع 4صباح حتى سهل عليه الله  ودار محال ديالو (باست يديها)حمدت ربي و شكرتو

عبير:(بحزن)دازت عليه تواحد مالقاها كيف بغاها 

خديجة:ايه ضروري ولكن ابنتي كاين الفرج من بعد الضيق  حتى تعيا وتنفرج هادي هي دنيا 

عبير:الحمد الله فين الواليد ديالهم

🌺رِحْلَةْ الهُرُوبْ مِنَ الوَاقِعْ المُرّْ🌺

🍀البارت:60🍀

خديجةتنهدات بعمق: مات 18 غير تزادو لبنات توفى وخلاهم مزال في لكماط

عبير:الله يرحمو 

جات تلاحت فاتن وموراها سارة:افف عيت<

خديجة:الله يستر جوج قجاقل عياوك منقول والو انا لنهار كامل في لكوزينة ومرا كبيرا ياحصرة 

فاتن:مزال صغيرة ا خديديج دردكي علينا وتبقاي تبوردي

خديجة:ايه ابنت  زيديني قد لقب قد السطل 

فاتن :راك عارفاني كنضحك ..بفف نسينا مقلناش لحذيفة غادي نخرجو 

سارة:نسيتت نمشي نقولها ليه 

خديجة:جلسي لرض فين غادا تنقزي خلي خوك

 يرتاح شمس كتحرق فين غادي تمشيو وفين بسلامة تاني باغين تمشيو

عبير بحرج:قلت بغيت نعرف رباط كيف عاملا ونيت نقلب نشوف لا لقيت شي خدمة وبغيتهم يونسوني نخاف نتلف

خديجة:مقلتي عيب غير يبرد شوي لحالو والله يعرضكم التيسير 

تكات خديجة دير لقيلولة مخليا لبنات كتافقو اش يديرو وفين يمشيو 

حتى وصلات 16:00 سمعو باب لبيت دحذيفة تحل ناضت سارة  كتسلت لعندو حتى وقفات عليه معرفها منين بعثات حانية راسها وطلعو وترمش بدوك العوينات

كان يالاه رد لباب هاز كونطاكط ونظاظر لابس تشورط كري وسروال كحل هز فيها عينيه 

سارة:خويا سيلتوبلي نخرجو هاد العشياا عينا في الدار

كحرك في كونطاكطو سوارت :على اساس نتوما كتجلسو في الدار 

سارة تبسمات:كنمشيو غير صونطر و بعض لمرات عند لبنات

شاف فيها بجمود:فين غادين(شاف ساعة لفيدو)و مع هاد لوقت ؟

سارة:نخرجو عبير مسكينة مكتعرفش لمدينة وندورو و..باغا تقلب على خدمة 

هدا بتحراك الكونطاكط:امم مزيان وليتو مرشيدين دسياحة.......

سكت فور ماشافها جايا جيهتهم حاذرة راسها وشعرها نازل على عينيها ووجها :سمحلي اخويا انا سباب حتى دابا مكاين باس نخرج غير راسي ..

دور راسو يمين و شمال كيتبسم :مقصدت والو ومعنديش مشكل في لخروج داز من حداهم متوجه لباب حتى وصل ليه وبلا ميتلفت :خرجو متعطلوش مورا اذان لمغرب تكونو هنا راه لفلوس في صندوقة ديالكم ..خرح وسد لباب بهدوء متوجه لعمل ديالو 

فور ماتسد لباب نقزات سارة لصندوقة لمحطوطة. في دخلة الدار فوق  طويبلة دزاج بلون لأبيض مزينة بلأسود والرمادي مع بعض ديكورات..

حلاتها ولقات فيها لمصرف دشهر هي وختها :فاتن راه مشا اجي تشوفيي 

نقزات فاتن هي اخرى كيحسبو في لفلوس خلاو عبير مزال مكوانسيا في مكانها مزال مهضمت هضرتو كيفاش مرشدين سياحين وكيفاش ملي بغاتو يبرر ليها قال جوج كلمات وزاد....

مافاقت الا على صوت سارة :عبير حتى نتي عندك لحق معانا في لفلوس (مدات ليها)هاكي ها حقك

عبير(مازال مأثرا من كلامو وزادت دابا مافهمات والو)نعام؟

ساارة:يالاه تاصل حديفة مسمعتيهش

فاتن:كانت مغيبة معرفت فين مشيتي

عبير:كيفاش مفهمتش 

فاتن:(مزال مادة لفلوس )شدي رزقك بعداا

عبير:كيفاش ؟

فاتن شدات جبهتها:خاصنا معاك دكسيونير هاد صندوقة (نعتاتها ليها ) كحط لينا فيها حذيفة لفلوس ديال شهر 400درهم الا حتجينا شي حاجة اما راه كيجيب لينا كولشي ليوم لقينا 600درهم وهو يعيط قالينا لفلوس ديالنا بثلاثة

عبير:منقدرش ناخدهم عندي مانحتاج غير خودوهم

سارة:عزة نفسي ياختي 

عبير:نتوما راك خواتوتو انا علاش يعطيني الله يكثر خيرو جالسة عندكم نزيدكم بالفلوس تاهما 

سارة:مادام عطاك حتى نتي راه حسبك ختنا وبحالنا حنا نتي راه معارفاش حذيفة راه العسل هاداك واخا كنحشم منو وكنخاف شوي ولكن(باست صباعها) مربي ومأذب بغيت شي راجل يكون بحالو في المستقبل

ضرباتها فاتن راسها:الا ماسكتيش ونوصل لماما اش باغا 

سارة:في المستقبل قلت ماشي دابا ياه 

فاتن :شدي اختي رزقك ولبسي نخرجو

خداتها من عندها ومشاو لبنات بقات هي كتكمش وتعاود في 200درهم تنهدات وتوجهات لعند لبنات لبسات من عندهم كسوة طويلا بالكمام  بأسود مشدودة بصميطة ذهبية من الخصر مع سبادري ديالها.. خلات شعرها مطلوق كالحرير 

لبنات لبسو حتى هما كساوي بحال للبسات عبير مختلفين بلوان دارو فولار وهزو فلوسهم ومستلزماتهم وخرجو شادين لطريق فين غادا بيهم رجليهم 

سارة:وجهك بدا كصفا اعبير

عبير:اه وافقتني لبوماظ زوينة وكترطب حتى لوجه

فاتن :اصلا نتي بشرتك رطيطبة ماتحتاجيش 

عبير بابتسامة:الله يحفظك

سارة:منين اصلك

عبير:ماما من طنجة و احمم با .. من كازا نيت زيادة وخلوق

🌺رحلة الهروب من الواقع 🌺

                   المر

🍀البارت:61🍀

سارة:امم ايوا اش ماش نأولك الحبيبة تاعي داك عندكم شي عايل ستيتو قدنا في الفاميلاا

فاتن:لعار لماسكتي لسمعوك طنجاوة يبكيو كيف رضيتي ليهم هضرتهم

سارة:هي هادي هضرتهم

عبير:هههه مسخوطات 

سارة:جاوبيني عندك شي خوك كنحماق على ناس طنجة

عبير:عندي جوج خوتي مي ماشي من طنجة غير كوني هانيا كازاوا قحين

سارة:كيفاش درتو ليها ؟

عبير تنهدات:خوتي من با

فاتن:اهه ..كيعجبني شمال وهضرتهم ياختي

سارة:كون تشوفي انا كل عام نقولو نمشيو ليها كنمشيو لبلاصة اخرى

عبير:مازال مكتابش حتى انا معمري مشيت ليها ومعارفا والو على هضرتهوم ماما جات صغيرا لكازاا

فاتن:اواه حتى نمشيو ليها مجموعين ان شاء الله

سارة:تسافرة م*ودة غادي تكون

فاتن سمقلاتها لراس:لحمارة متبقايش تخسري لهضرة

كتحك بلاصة الدقة:راه غير ضحكنا 

كملو طريقهم كيدورو في أحياء الرباط توجهو قصبة لوداية ..كملو بصومعة حسان خداو تصاور وضحكو مع بعضياتهم جو مليئ بالمرح.... 

حاولت عبير تناسا الكتلة لجالسة على قلبها في هاد الخرجة عرفات الحياة مفيهاش غير الغم والهم فيها الضحك... فيها الصداقة...

فيها الرحمة..فيها الرأفة لأسف مكتواجدش عند كلشي ...

 دوزو عشيتهم زوينة نقدرو نقولو احسن نهار في حياة عبير ..مشاو...لحي سويسي وبالضبط ميغا مول ولمن بين أضخم المشروعات التجارية و التسويقية في الرباط كتكون المول من طوابق كتضم منافذ بيع ومجموعة من اشهر العلامات التجارية في جميع المنتجات............................

تساراو ودارو كيف بغاو ...خرجو متوجهين لجهة لمقاهي وصناكات كتقلب وتسول عبير الا لقات شي خدمة..

دخلو لعدد لابأس به لقاتهم معندهمش خصاص عياو بدوران وجلسو في مقهى عائلي كضم عائلات ،لي كوبل ،لجالس راسو مكونسونطري وغير......

سارة:عيت ياختي واخا هكاك نهار داز زوين 

فاتن:غزال 

عبير:(عينيها كلمعو)شكرا ليكم بزااف

سارة:مابيناتناش احبيبة وليتي منا 

عبير:كون جات معانا غير خالتي مسكينة بقات راسها

سارة(خرجات عينيها)و علاش اختي باش تنكدها علينا ماتخلينا ندورو كيف نبغيو الله على

 راحة(تسرحات على الكرسي)

فاتن:خاصك تجربي أش كدير لينا ملي نخرجو معاها

كنتشوهو وزيدك ماهازاش معاها لفلوس وتبدا تشطر وتساوم اما الحديث مع لعيالات حدث ولا حرج مكتقاداش كنوليو باغين غير امتى نوصلو لدار 

وقف عليهم السيرفور:سلام وعليكم اش حب لخاطر؟

عبير:جي دوغونج

فاتن :2حليب بشكلاط

بقاو مجمعين بيناتهم حتى رجع سيرفور مقدم ليهم طلباتهم

هزات عبير عينيها فيه :خويا بغيت نسولك

رد بابتسامة:مرحبا 

عبير:واش محتاجين شي حد يغسل لماعن وينظف 

السيرفور:صراحة غادي يكونو محتاجين حيت يالاه بنت خرجات غير هاد الصباح 

بابتسامة:فين مسؤول نهضر معاه الله يرحم ليك الوالدين

سيرفور: راه لداخل دخلي هضري معاه

ناضت  في الحين :انا نمشي نهضر نشوف  الا كتاب رزق هنا 

حركو لبنات راسهم ومشات بخطوات تابتة وشعرها كتحرك يمين يسار لدازت من حداه يتبعها بعينيه يامرا ياراجل.. بطولة شعرها الملفتة 

..كان راجل ذو اربعين من عمرو سمر ومن تقاسيم وجهو كيبان قاسي واقف كيشوف فلخدامة ويلقي لأوامر وقفات عليه كتبتاسم هز راسو فيها وبدا يطلع وينزل بلا حشمة ولا حيا ...تغاضات على نظراتو الملفتة  لدار وحافضات على ابتسامتها:سلام وعليكم 

رد عليه مركز بنضراتو عليها بصوت غليض:وعليكم و السلام

عبير:بغيت نسولك عفاك واش محتاجين شي حد لغسيل لماعن

رد عليها :ايه واقفين عليها الا كنتي نني مرحبا بيك عندنا 

ابتاسمات:الله يكثر خيرك

رد:غادي تكلفي با لماعن وتسيقي صباح ولا عشية على حساب لفوج لي نتي فيه

عبير:الوقت؟

كاين دالصباح و الفوج دلعشية، دبا يشرحولك لبنات

🌺رحلة الهروب من الواقع🌺

                    المر

🍀البارت:62🍀

ابتاسم:عندك 400 درهم في سيمانا ونتي وبوفوار ديالك ومع نتي تبارك الله(طلع فيها ونزل)غادي تغناي

سرطات لغصة في حلقها وحاولت تبرد وماتخرجش نيابها  فيه فكرات ودوراتها في راسها تعدي فيها وتقلب في نفس وقت على حاجة احسن من هادي 

هزات راسها فيه لقاتو كيتفحص فيها :واخا امتى نبدا؟

رد عليها:من اليوم الا بغيتي واخا فاتت 15:30 ب3سوايع م معليش تفضلي لداخل 

شافت فيه :واخا ممكن واحد 5 دقايق ونرجع

حرك ليها راسو ومشات بسرعة خارجة متوجهة فين جالسين لبنات

كانو كيشربو حليب ويهضرو حتى وقفات عليهم 

:زغرتو لقيت خدمة 

شافو في بعضياتهم ورجعو شافو فيها:فين 

عبير:ياك الولد قال خاصهم لتغسل لماعن ايوا هضرت مع مول شي وقالي غادي نبدا من دابا 

سارة:بلاتي واش غادي تبداي دابا نيت

عبير:امم غير سيروو لدار وقولوها لخالتي مغادي نخرج حتى11:30

فاتن:بزااف اختي خويا مغاديش يعجبو لحال 

سارة:وماعارفاش دار فين جات اصحبتي اش كتخوري خلي حتى تفاهمي مع الوالدة وحذيفةعاد ديري لبغيتي 

عبير:(حكات شعرها)بصح معاقلاش على دار  اش بندير دابا 

سارة:مامسلكاكش اختي هاد لخدمة لحاجة ديال ليل خايبة كون شفتي نهار 

عبير:علا  انا كرهت هو قالي خاويا غير الليل

🌺رحلة الهروب من الواقع🌺

                   المر

🍀البارت:63🍀

فاتن:صراحة قاصحة لليل واخا دار قريبة بلاش من هاد لخدمة دزفت حتى تلقاي شي وحدا توالمك راك مجالساش في زنقة

عبير:نخدم هنا ونقلب على ماحسن هادشي لبان لي نطلبو يخليني حتى لغدا ونشوف الا مابغاش غنعتي ليا الدار 

ونجي راسي 

سارة:ياربي السلامة شحال كتقلبي على الصداع راس 

عبير:نعتي ليا راه مع درنا و طاكسيات وطرام تلفت 

نعتات ليها فاتن وخدات نمرة ديالها لي يالاه شراتها غير ليوم 

رجعات عندو طلباتو تبدا تالغدا ...مابغاش ليها تنهدات ورجعات عند لبنات باش ميبقاوش يتسناوها علماتهم وتوجهت لكوزينة فين كيتغسلو لماعن لقات لبوطاجي كيشطح بطاسات ديال لقهوة وطباسل مشقلبين .جبابن وكيسان تنهدات كتشوف منين تبدا هاد روينة خدات طابلية كانت معلقة و توكلات على الله... كتغسل وتقاد بشوياا حتى حسات بالحس وراها تلفتات لقات مول الشي :نص ساعة باش بديتي ومزال واحلا في جوج طباسل خففي يديك نباتو هنااا 

ساطت بعصب من هاد بنادم الثقيل على القلب وحاولات تزرب خايفا طيح شي حاجة وتبدا تغرم فيها.......

🌻🌻🌻🌻🌻🌻

دخلو لبنات كتجاراو بصداعهم بحال ديما كانت خديجة في الكوزينة كتوجد العشاا 

خديجة بلا متلفت:على السلامة اش هاد الوقت 

سارة:(كتنهج)حذيفة جا؟

خديجة:ساعة باش دخل سيرو فكو جرتكم معاه

فاتن:غاك.....

تلفتات عندهم مقاطعاها وهي تهز حاجب :فين عبير؟

سارة جلسات فوق لكرسي :لقات خدمة في واحد لقهوة 

خديجة:فين هي دابا

فاتن:راه خدمات غادي تجي تال ل11:30

خديجة(صعرات)اويلي كيفاش ل11 و في قهوة عامرة زوافريا 

فاتن: لقهوة ومطعم  لي في دورة وراه ديال العائلة امي 

خديجة (كتمسح في يديها) تخدم بنهار ليل ماكينا خدما لبنت صغيرة معارفاش وعزات عليا منبغيش ليها تكرفص 

سارة:راه مرتاحة خليوها على خاطرها 

دخل حذيفة بسروال سيرفيط مطلعو على لي مولي وتشورط بالكحل شعرو فازك ووجهو كيقطر بالما وذراعو كذالك دليل على كونه كان

 كيتوضا بصوت حرش نطق :مالك الوالدة اش واقع ؟

دور عينيه على خواتاتو لجالسين في طابلة :فين لبنت؟

خديجة:عبير قالك لقات خدمة في شي قهوة وراه خدمت فيها 

حذيفة:لعشا مابقاليه والو و يأذن والخدمة؟

سارة:راه لقات خدمة في قهوة لورانا مغادي تخرج حتى 11:30

سكون لاطائر يحلق ولا صوت يتذبذب.. قرن حجبانو  باستفهام وبقا واقف في مكانو خواتاتو وخديجة كيشوفو ردت فعلو منتاظرين اش بعلق ويقول حتى تم خارج من الكوزينة بدون رد .... .

 🌺رِحْلَةْ الهُرُوبْ مِنَ الوَاقِعْ🌺

                    المُرّْ

🍀البارت:64🍀

وصلات ل 11:00 ليل  مسحات جبهتها لأثار العرق تلئلئ فيها حيدات الطابلية وجمعات شعرها كعكة.. صهدها ومالقاتش ليه لوقت فين تجمعو.... 

جلسات على  كرسي ترد الروح رجليها مبقاتش قدرات تمشى عليهم من كثرة الوقفة حيدات السبرديلا....لقاتهم حمرين سرحاتهم كتنش عليهم بيديها.....جهدها بالكامل استنفذاتو في بضع ساعات كتفكر كيغادي دير من هنا لقدام كتشوف في يديها لمبقاتش تحس بيهم كثرة جافيل خلاتهم حمرين خصوصا هي بيضاء البشرة ...ناضت بعدما جا عندها أحد لسيرفور يعلمها بلي سالاو باش تسيق.. تنهدات ولبسات سبرديلتها ..هزات سطل ..جفاف والكراطا ....بدات تسيق بعدما سيرفور هزو لكراسا قلبوهم 

جففات ونظفات خلات ريحت المعطر عاطيا دخلات لحمام حتى هو نظفاتو وغسلات هي حالتها ...هزات صاكها قلبات تيلي لقاتو طافي نفخات وتوجهات خارجة كتشوف في أنحاء كانو عمارات و الهدوء  مسيطر من  غير بعض أشخاص محسوبين على رؤوس لأصابع...

حدرات راسها كتفكر تستعقل فين ساكنين حتى عاودات هزاتو بالخف ملي شافت حذيفة ...كان واقف مقابل مع المقهى متكي على طوموبيل لابس تشورط وسروال سيرفيط مع صندالة الدار  شعرو  نازل على عينيه ..بقات واقفة في بلاصتها لمدة قصيرة وتمات جاية جيهتو تقابلات معاه:السلام

حرك راسو كتحية  (دور عينيه في النواحي)يالاه 

زاد خلاها تبعاتو حشمانة :مكانش عليك تعذب راسك دار غير قريبة 

بقا كيشوف فاص ليه : 11:30قاصحة عليك ملقيتيش شي خدمة أحسن

ردت بعدما تنهدات:قلت نعدي فيها ونقلب في نفس الوقت 

حرك راسو وكملو طريقهم في صمت جو مشحون..... جمود هو لراسم على وجهو كتحس بيه غامض بيرو غارق كيف كنقولو ...وصلو فتح بساروت لقاو خديجة في استقبال 

خديجة:الله ابنتي ومال هاداك التيليفون

عبير:ديشارجا ليا ومكنتش مسالياا

خديجة:دخلي ابنتي حيدي من لباب غادي تكوني عيتي (حدرات عينيها ليديها)اش قربك لهادشي مالقيتي غير هاد الخدمة شوفي يديك ولاو حالتهم ويالاه نهار لاول 

بقا واقف حتا دخلو وتنهد ...مشا دخل لبيت سد عليه .....

جلس فوق لفراش كخربق في تيلي فجأة ناض قصد لحمام..خرج هاز مرهم ومشا في اتجاه لبيت لسمع فيه الهضرة لقا خديجة شادة في يد عبير ولبنات مجموعات حداهم كيهضرو على موضوع الساعة...

مد لمرهم لخديجة بلا مايقول حتى كلمة ورجع ادراجو بشوية كيف ديما.......

خديجة:دهنيه يحيد ليك حريق وهاد لحمورية ولا كنتي غاتبقاي تم ماتبقايش تكثري جافيل راه كيهلك دات كلها من برا و لداخل كنت واحد نهار راكبة في طرام وتلاقيت بلمرا كتعاود على هادشي نيت دمواد تنظيف قالت لي بسبب جافيل وقع ليها مشكل في عرق دراسها

مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

🌹بِدَايَة جَدِيدَة🌹

🍀البارت:65🍀

دهنات لبوماد وتكات على لوسادة مغمضة عينيها كتحس براسها مهدودة بحالا واكلا لعصا ...ناضت خديجة برفقة لبنات يحطو لعشا وناداو عليها لقاوها خارج التغطية عزات عليهم وخلاوها ......

تعشاو بيناتهم في صمت مكتسمع غير صوت الملاعق..ناض كل دي مكان مكانه مشاو لبنات فيقوها بزز داوها لبيتهم ...غطاوها ونعسو بجوارها.............................       

🏵🏵بعد مرور 5أشهر🏵🏵

🍀🍀🍀🍀

مضت ايام و شهور على رحلة عبير ...رحلة الهروب من واقعها المميت 

رحلة التحدي لإثبات الذات ومواجهة الصعاب رحلة الخروج من كنف الأب ثم الزوج إلى أوسع طريق 

طريق النجاة من ماضي تشخص له الأبصار وتدمع له العيون .................................................

🍀🍀🍀🍀

دازت أشهر تغير فيها الجو تحول من الصيف الى شتاء من شمس مشرقة الى برد ..امطار رعد وبرق 

كانت لأشهر  لأروع لعاشتها من نهار عقلات على راسها ...عاشت داخل دفئ أسري لإتحاد والتضامن معندهمش الوحدانية ولاكتئاب في قاموسهم ..كونات صداقة بينها وبين لبنات توؤم.. صداقة مبنية على الود والمحبة لا مشروطة 

5أشهركانت كافية لتخلص من بعض بقايا الطفولة الذنيئة

التشاؤم..مخاصمة الذات ..العزلة ....كانو من بعض السلبيات لكتعيشهم قبل هاد لمدة ولمن بعد هاد لأشهر واخا قليلة تمكنات من تضعيف قوتهم

خديجة و لبنات كانو خير صحبة ورفقة طيبة لكرشدوها ملي كتحس بضعف و تفكر الماضي لأليم .. كتعجب لراسها انها لقات أسرة احتاضنتها وسطهم بصدر رحب كانت كظن غادي يعياو منها 

خصوصا حذيفة لأغلب أوقاتو ملتازم صمت هضرتو معاها محدودة سلام صباح لخير كيف دايرا ولكن ملي

كوصل وقت خروجها من الخدمة كتلقاه كتسناها امام الباب المقهى كيوصلها في سكون رغم محاولتها معه ومع عائشة

باش تجي راسها بلا متعذبو الا ان الجواب دائما مرفوق بالرفض...في لأيام لاولى كانت تقول شويا يجري عليا ولكن ملي عرفات شخصيتو لكتكتسيها الهدوء،مسالم،داخل سوق راسو ،الصلاة في وقتها ، حدودي لأبعد حدود ...

واخا هاد لوقت ماكينش لعطيك حتى شريبة لما وقت ديال راسي اراسي كانت فيك المنفعة مرحبا معندكش معندي كندير ليك ولكن بينو ليها وأكدو ليها مقولة الناس طوب وحجر كاين الصالح كيفما كاين الطالح 

عبير كيفما طرؤ بعض التغيرات طفيفة في شخصيتها

🍁🍁🍁🍁🍁

ما يمكنش  لإنسان يتغير مابين ليلة وضحاها ضروري واحد المدة لإعتيادية.... يعني الولف ..لحاجة ديرها ليوم وغداا وتبقا تعاودها عاد كتوصل فترة لإكتسابها   

🍁🍁🍁🍁🍁

طرؤ معاها تغيرات جسدية وجها زادت النضارة ديالو شعرها زاد لمعان وزنها تزاد لما لا وراحة كتخيم عليها... مكتهداش من الكلام مع عائشة صباح وعشية لمن خلال صوتها الرنان وكينبع بالفرح فرحات لبنتها وعجبها لحال.. عائشة لمزال عايشة نفس الحياة الوحدانية و تقدية بنفاخة كيلوحها عليها وفينما يشوف وجها يلوح ليها كلام على عبير لجابت ليه تمام وكاع الحومة عرفت بلي بنت مصطفى عبير هربات من بعد شهر على زواجها شي دار الحق عليها وما أكثرهم مدعين انها هربات مع شي حد كتعرفو.. شي جا من جيهتها كيقول راه معذبينها مكينش شي مش كيهرب من دار العرس ..كثرة لأقاويل عليه وندم علاش زوجها ولا فينما دار يسمع هضرة كضروو هداك ماء الوجه لكان عندو محاتو ليه خلاتو تالف وحاير فين مشات مخلا حتى شي بلاصة جامعة اوطيلات .. وملي تلف جلس كيتوعد ليها بيوم الحساب

مزال خدامة في قهوة لبدات فيها نظرا لكونها هي السبيل الوحيد باش تعمر جيبها قلبات وقلبات والو لاجديد يذكر .. رغم لمضايقات لكتلقاها من صاحبها رغم نضرات الشهوانية لكتملئ عينيه رغم تعب لكتلقاه ورغم مول شي لكتحرش فيها يوما وراء يوم الا لا بديل ليها صابرة ومكافحة.. طرف الخبز ماشي ساهل كتخبي شويا وتسيفط مها في خفاء باش تكون ..عارفا باها شحال شحيح معاها 

اما خديجة مكتخليهاش تحط ريال بالعكس حذيفة حاسبها بحال لبنات مزال كحط ليها معهم نصيبها من المصروف رغم انها مكتهزوش ومكتقربش ليهم وكتعجب ملي كيشوفهم مزال مكانهم كيزيد يحط ليها بلا مايقول والولعلى يجي يوم وتهزهم 

......واقفا امام المرآة لفي الحمام مرتدية مونطو أسود  طويل لتحت الركبة مع سروال أبيض بوط أسود..كتقاد في الكاشكول والطاكيةالسوداوين على راسها مخليا شعرها منسادل على ضهرها بكل راحة لقات نظرة أخيرة بإعجابها براسها وخرجات متوجهة البيت وهي كتقاد في الصاك على خصرها :خالتي هاأنا غادة بسلامة 

خديجة (متكية):سييري ابنتي الله يعفو عليك من هاد الخدمة وخلاص كتجي مصهوطا حالتك صحتك غادي تهلكيها مبغيتيش تسمعي الهضرة وتجلسي تايحن الله 

ردت:الله يصاوب اخالتي غير دعي معايا وقولي لحذيفة بلا ما يجي لي مكين لاش

خديجة:مادارها حتى في الصيف بقى يديرها في الشتا سيري سيري ولدي وانا عارفاه 

عبير:مبغيتش نتقل عليكم كثر ما أنا مثقلا

خديجة (ضحكات) سيري سيري الله يعطيك ماتاكلي شكون قالك تقلتي علينا مابقا ليدير الخير

عبير:(بابتسامة)الله يجازيكم بالخير

توجهات المقهى وهي حاملا المضلة لكون الشتا كتهطل ...............

🌹بِدَايَة جَدِيدَة🌹

🍀البارت:66🍀

سدات المظل بعدما وصلات  وتوجهات لداخل بابتسامة حيت مكاينش صاحب الشأن لنغص ع 

ليها ليلتهاا حيدات مونطو وطاكية ..كاشكول... بقات بتريكو مقطن بالبلو مارين دارت الطابلية وجمعات شعرها ديل حصان وبدات روتينها لعتادت عليه رغم التعب والعياء. المتواصل .....

دازت عشيتها  بحال العشيات  لسبقو  كتسالي مهدودة باغا غير الطيح جلسات رتاحت بينما جمعو الكراسا باش تسيق وكتفكر في قرايتها كيفاش غادي دير ليها وتجيب لوراق من كازا والا مشات لكازا لابد ما تشوف وجه نور عائشة كيفاش دير باش مصطفى مايسيقش ليها لخبار لمجيئها 

وقفات بعدما ناداو عليها تسيق ..... خلات القهوة كتشعل وتوجهات كلمسة اخيرة لحمام تنهدات بتعب وتحنات كتحك فيه فجأة حسات بصوت صباط في اتجاه الحمام دارت مابان ليها حتى حد هزات كتافها ورجعات انغامسات في شغلها حتى كتحس بالباب الحمام تسد عليها وكتحس بتواجد شخص اخر... بداو ضربات قلبها في تصاعد... الخوف و الرعب تزاد بعدما حسات بخطوات في اتجاها غمضات عينيها وبقات محنية .....وسعات  عيونها السود  ملي حسات بيد ضخمة تحطات ليها على كتفها الهش......... رعشة سرات في جسمها خلاتها تنتافض من اليد و تلصق في الحيط  ...

كان مول القهوة كيطلع وينزل فيه بابتسامة خبيثة على ثغرو فوه فمو :واخيرااا ههههههه

وسع فمو كيضحك خلاها تزيد تخلع وترتاجف  من صبعها صغير ..دورات راسها يمين يسار كتقلب على شي حاجة باش ضربو و هو ضحكتو غير مزايدا كتوساع......

الليلة رجعاتها سنين لماضي الذكريات لأليمة لخازناها في مكان و مكبلاها بسلاسل مقفلة بإحكام باش مذكرهاش رجعات بلمحة البصر ......ليلة خلاتهاا  تفكر فقدانها للطفولة المرهفة ماشي غير فقدانها لنطق...

طاحت جالسة في لأرض معنقة رجليها وكترجف.... وتحرك راسها بلااا ..زاد قرب لجيهتها......................

حط يديه على كتفهاا وهي توقف مرفوعة في فمها غير" بعد بعد شيطان حشومة عيب شيطان "

عينيها رجعو حمرين بالبكا لمابكاتوش خمس اشهر بكاتو في ليلة ...ب مجرد حط يديه عليها بدا دم كيدفق من انفها بغزارة حطات يديها لكترعد على انفها ملي حسات بشي سائل نازل ليها لقات دم زادت خرجات عينيها وكتحرك في راسها ...

رعباتو كيشوف حالتها بحال شي حمقة خصوصا شاف الدم .....خرج فار بعدما ضرب برجليه لابوبيل حتى طارت و نزلت....خاف تموت ليه في يديه ولا شي حاجة جاتو انورمال

تسرحات في لأرض بتعب ومزال كتنهج وتبكي بقات مدة وناضت بمشقة حلات روبيني غسلات وجهها ويديها وهوما كيرجفو ..هزات عينيها في المرايا وجهها صفر بالخلعة دم مزال كينقط بشويا مبغاش يحبس ليها ..خرجات بسرعة ..لقات الصمت هزات حوايجها وصاكها وخرجات كتجري متجهة لزنقة........ كيف هزات راسها لقاتوو واقف في إنتظارها كيفما تعودات عليه طيلة الشهور الماضية  بطولتو المعهودة لابس لاكوير محلولة تحت منها قبية بالخزي وسروال السورفيط داير القب على راسو من الشتا لكتنقط وخاشي يديه في الكويرا .......تصدم من حالتها كيف خارجة كترعد وتبكي ...ملي شافتو بحال شافت الرحمة تاجهات في اتجاهو بيدين محلولة .....تلقا ليها ملي شافها بغا تعنقو  ......خاشيا وجهها في صدروو ...شدها من كتافها بغا يحيدها يسولها مالها ولكن هي عندها نظر اخر لصقات عليه كيحيدها وترجع تعنقو معاقلاش على راسها .. كتبكي بصوت وترعد ..بعد فشلو في أنه يحيدها بمرة دور عليها يديه كيتنهد بعنف وعقد حجبانو...

بدات شتا كتجهد ولشافهم من بعيد يقول لعشاق كي عبرو على حبهم ...بقا كيشوف فاص ليه ومبادلها العناق حتى رخفات منو و بعدات حاذرة راسها كتمسح في دموعها :سمح لي لي مقصدتش غير...

قاطعها مخنزر:اش وقع ليك ؟

ردت والو غير تعصبت و ...

قاطعها رافع صوتو :غير تعصبتي وخرجتي كتجري من تما؟

 خلاها واقفا موجه القهوة حتى قاطعاتو جراه من يديه 

نزل عينيه شاف يديها لشاداه بيها كترجف شافت فيه الدموع في عينيها:عافاك مواقع والو غير تعصبت 

نتر يديه منها موجه لداخل القهوة... 

طلع عينيه ونزلهم لقا صقيل كأن لا أحد يوجد دور عينيه ملقا تاحجة تحت وطلع لفوق خلاها كترجف طالعا بشويا عليها ..

 لقا باب مسدود خلو وهو يلقا مول شي عاطي بظهرو لباب كيشوف في النافذة ..

دار عندو كيشوف فيه باستفهام حتى دخلات عبير كتنهج وسع البؤبؤ ديال عينيه 

🌹بِدَايَة جَدِيدَة🌹

🍀البارت67:🍀

توجه ليه نيشان عطاه لكمة مردد اش درتي ليها ؟..

حلات عبير عينيها صدمها مكانتش عارفة يديه سابقاه تاجهات عندو تجرو ولكن لصق عليه عاودو لكمة اخرا....ولاخر  مكانش من العاكزين هز يديه ضربو لوجه :مدرت ليها والو ابنادم شفت زين نصحاب هنا نبات ساعا طلعات حمقة مقطعة لوراق 

جهل عليه خبطو 2 خبطات حتى طاح لأرض وهز يديه لفوق بغا يزيدو حتى حس بيديها شدوه تلفت ليها.. 

رمقاتو بنظرة كترجاه غمض عيني كيحاول يحكم أعصابو .. سمح فيه وناض كيتمتم في خاطرو بلإستغفار...حذرات راسها خرجات بعدما تأكدات ماغاديش يرجع ليه .........

نزلات حتى لبرا المقهى وتنفسات شهيق وزفير مسحات دموع من عينيها تلفتات لقاتو جاي هاز ليها صاكها وحوايجها مدهم ليها :مزال مباغاش تقولي اش دار ليك ؟

شداتهم كتكبح البكية :مبغيتش نبرزطك ونجبد ليك الصداع لدايروني معايا مداروش معايا حتى لولدني 

مد ليها كلينيكس :مسحي دموعك (سكت كحرك لسانو وسط فمو كيشوف بعيد) اش دار ليك حاول يتعدا عليك...

خرجو ليها الدموع بمجرد مسمعاتووو حركات راسها ب اه

جمع يديه بلكمة بلا مايشعر ......

طلعات فيه عينيها وهي كتمسحهم :الحمد الله دازت سالمة ربي حفظني مكانش عليك ضربو يخلصو الله 

رمقها بتخنزيرة: نعنقو لا  زيدي يالاه.....

 تمشى امامها مغدد وجهو حمار وعروقو خرجو(تلفت ليها) : هاد لخدمة دزبل نسايها عليك 

حذرات راسها أصلا فين بقا ليها ترجع بعد هادشي لوقع التازمو صمت من غير بعض مرات كتسمعو كيسوط ويستغفر في خاطرو ...

طلعو لدار حل لباب  ودخل لبيت ردخو حتى طلات خديجة كتصايب في زيفها :مالو على هاد الخبطة قفزني (تلفتات فيها)عبير مالك رعفتي اش وقع ؟

عبير سدات لباب :خالتي غادي ندوش ونهدرو 

توجهات هزات بيجامة من البيجامات لشرات في هاد المدة ...بيجامة ديال لبرد قطنية بالشيبي هزات فوطة ودخلات الحماام كتحيد كل بياسة وكتسهى في لبعيد  لقريب لماضي لأليم ...طلقات الرشاشة و كتفكر كيفاش شدها دخلها واغتاصبها محنش فيها وهي كتبكي وتغوت غمضات عينها مخليا دمعة تنزل على خدها اللين من بعدها جاو دموع أخرى تكات على الزاج ديال الحمام ونزلات تكورات على شكل جنين  ...

لمدة حتى حسات براسها مبقاتش عندها القدرة باش تبكي ...بدات كتحك لحمها بشبكة والصابون    

لبلاصة لدوزات عليها كتخلي آتار ظفارها عليهم خوات لماا وخرجات كترجف لبسات ودارت زيف حياتي عقدات بيه راسها وقادات الدوش 

توجهات البيت لقات لبنات مخشين في بعضياتهم مع خديجة متبعين التلفازة

سارة:على سلامة تعطلتي ليوم 

عبير جلسات وحطات راسها عل الوسادة:امم ماشي بزاف 

خديجة:قولي لي اش واقع جيتي حالتك وحتى حذيفة ماشي على برجو

تنهدات بألم :مول شي حاول يتعدا عليا 

فاتن قفزات:اشنووووو 

خديجة:اويلي اش دار ليك لكافر 

سارة:واش دار ليك شي حاجة

ردت:مدار لي والو غير تخلعت ورعفت صافي

خديجة :ها عواقب خدمات الليل عيت فيك ابنتي جلسي لارض وخلي حتى يجي رزقك لبين يديك 

فاتن:كيفاش وقع 

عبير:من نهار دخلت وهو كيدير فيا شي شوفات في شكل كيعريني بعينيه وقلت نصبر.......

قاطعتها خديجة:تصبري على القرع  معندك  ماتوكليهم

سارة:ايوا صبر خمس شهور كاملا حتى ليوم بنتي ليه في البلان

طلعات عينيها فيها :معرفتش اففف غادي نمشي نعس 

خديجة:راك مواكلاش ابنتي جلسي حتى تعشاي

عبير:غير بالصحة مقادراش

توجهات البيت تكات كتخمم في لجرا ليها وكيفاش غادي دير تبدا بداية اخرى #بداية_جديدة 

🍃🍃🍃🍃🍃

ِعِنْدمَا يَجْرِي لألَمْ عِوَضَ الدَّمْ فِي الجِسْم 

ْعِنْدَمَا تَكْرَهُ العَيْشَ وَ يُحَتَّمُ عَلَيْك العَيْش 

مِنْ أَجْلِ أُنَاسْ أَعْطُوكَ وَ لَمْ يَأْخُذُو

ْأُنَاسْ أَنْجَبُوكْ لِلْحَيَاة وَ ْأُنَاسْ أَنْجَبَتْهُمُ الحَيَاةُ لَك 

عِنْدَهَا تُعَانِقْ ذِرَاعَ البِدَايَة 

بِدَايَة لَيْسَتْ كَكُل 

بِدَايَة تُطْعِمُك الحَلَاوَة وَ تُّنْسِيكْ فِي المَرَارَة 

بداية_جديدة

ياسمين اكرام

🍃🍃🍃🍃🍃

 

🌹بِدَايَة جَدِيدَة🌹

🍀البارت:68:🍀

خلات خديجة شاردة الذهن :لبنت مشاكل كيطيحو عليها حتى مسكينة بدات ترتاح تاتسلط عليها هاد الجيفة 

فاتن:كتبقى فيا معندها زهر 

سارة:كون تشوفي أنا

خديجة تنهدات نوض نسخن لعشا حتى حذيفة مابانش لي باغي يتعشا

سارة:غادي يكون خرج في هاداك بنادم بشي راس

فاتن:دمو حامي يديرها 

خديجة :جا حالتو مكصبرش لظلم ولدي 

دازت الليلة متوترة كلا و همووو. ...دخل كيسوط يمشي ويجي أعدى حاجة عندو الظلم خصوصا يتقوى راجل على مراا .....دخل توضا وتوجه لقبلا لعلى وعسى يبرد شوياا.... سالا تسرح في بلاصتو كيسبح ويستغفر حتى تهدأ و غفات عينو......

جا صباح توجه لسيارتو في صباح الباكر......وقف حدا بناية بطبقتين.. صغيرة المساحة مكتوب عليها بالخط العريض  *الرازيvsالفهري* لنجارة

تقدم ببطئ كيف عادتو داز من قدام لاتولي لفيه تطبيقات وفيه كل مايخص أداوات النجارة ..

عندو 5 العمال قادينو وملي كتكتر الخدمة كينزل يخدمو يد بيديهم  ...توجه الطابق لأعلى حل المكتب ودخل لقا أمامو أتولي خاص بابتكار التصميم...جلس وتكا راسو على الكرسي كتنهد

حتى سمع الدقان تقاد في الجلسة ..دخل شاب في الثلاثينات تقدم بابتسامة :صباح الخير 

رد عليه الابتسامة :صباح الخير خالد

خالد :فين وصلتي مع الكليون المسعودي 

رد عليه داير يديه على فمو:معندنا فين نوصلو معاه غير لبغا يتعامل معاه

خالد:صبر  حتا أنا عصبني هذاك السيد 

حذيفة :درت معاه جهدي كامل باغي خشب ديال برا قلنا ماكين باس واخا راه كاليتي لباغي موجودة هنا رجع قالك خاص السرير يتزخرف من لداخل  ومن برا مفهمتش قضية يتزخرف من لداخل علاش جاني هادشي الوجيك

خالد :ايوا راه لوكليون اِ غوا ضروري 

حذيفة :ضصارة كتسما 

خالد:خدم ليه وهني راسك نتا ماعليك عطيه شي زخرفة تعجبو ودراري يتكلفو بالباقي 

حذيفة:(حك عينيه)يكون خير دراري خدامين لتحت

خالد:وي خدامين على لافيغ د العلامي 

حذيفة :محتاجين شي مساعدة

خالد :لا مكاينش خصاص غير بدع لينا اسيدي

ناض خالد لكان شريك ديالو في الحرفة و المشروع الصغير كذالك 

..كان حذيفة كاري حانوت لنجارة وكيخدم

... تمشا ليه مزيان برضاة الله و الوالدين و القبول وخدمتو لمتقونة ..جمع راسو حتى دار حصيصة وتعرف على خالد.... كانو تلاقاو في معرض ديال الحرف اليدوية لتنظم في كازا ومن الحسن الحظ كانو كينتميو لمدينة وحدة وبقاو على تواصل الى ان شاءت الظروف واقتارح خالد على حذيفة انهم يتشاركو رفض في لأول حذيفة كونو معزيزش عليه تخالط و الشْركة كيكونو فيها مشاكل وكخسرو فيها العلاقات 

لكن في اخر المطاف قبل ولقاها فرصة فين يكبر المشروع ويزيد بيه لقدام في عوض يتعامل مع المستهلك فقط ولا يتعامل مع المستهلك والشركات لكتكون انتغمدياغ ما بيناتهم

شراو دار وقادوها على ذوقهم خداو دعم من عند الجمعية....وجدات ليهم لماتريال وبداو بحلة جديدة ........

شهر لأول ضروري من تخسر كثر ما تربح وهادشي شائع في جميع المنظومة المقاولاتية . . ولكن شهر بعد شهر لبيدجي كتحسن وكتنعش الدخل ديالهم 

دازت سنوات 3 سنوات و مازال المقاولة كتحصد نجاحها سنة بعد سنة .................................

خرج خلاه رجع الوضعيتو متكي على الكرسي 

مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

🌹بِدَايَة جَدِيدَة🌹

🍀البارت:69🍀

فاقت  لقات لبنات في قرايتهم عضامها كحرقوها بحال ديما لبسات صندالتها وتوجهات الحمام 

قضات روتينها ..

وقفات حدا مرايا كتشوف وجهها عينيها منفوخين وحمرين بسباب لليلة لبارح.. تنهدات وغسلات وجهها بعدما بروصات سنانها... توجهات الكوزينة فين كتكون

خديجة ..

لقاتها كتعجن في الخبز باست ليها راسها وجلسات حداها:صباح الخير

هزات خديجة راسها فيها باش ترد عليها حتى صدمها وجهها لكيبان شاحف وحالتو :مالك ابنتي معجبتنيش

تنهدات:انا لباس 

خديجة:هضرتي مع عايشة

خديجة:هضرت معاها لبارح بنهار كانت بغات نيت تهضر معاك وكنتي مشيتي الحمام قاتلي نسلم عليك 

خديجة:يسلم عليها لخير دخلات لي لخاطري بزااف معنديش لخواتات حسيتها ختي في هاد لمدة لكنهضر معاها

ردت عليها وهي نايضة تكب ليها أتاي وتاخد خبز وزيت العود والزيتون :حتا هي كتقولها سبحان الله مكرهاتش تلاقا بيك 

خديجة:ان شاء الله نتلاقاو 

تنهدات :كنتمنى..اش بغيتي نديرو لغدا ليوم 

خديجة:نديرو لوبيا راني مرقداها نيت لبارح غير لبرد هذا 

ناضت كترد الغذا ويجمعو بيناتهم ..حتى طاب لغدا وطاب الخبز ..

جا كيف لعادة حذيفة وجاو لبنات من صونطر حطو لغدا وتجمعو يتحدتو كيف داز نهارهم 

خديجة:سارة نوضي جيبي قرعة لما

وقفات عبير وهيكتمضغ :هانا نوض نجيبها غير خليها 

جراتهاخديجة جلساتها :جلسي نتي راك طيبتي ليها ماتاكل ما فيها باس لجابت لما

ناضت كتسوط جابت لما حطاتو وجلسات كتكمل ماكلتها...

الكل عينيه في تلفازة جات لقطة لبطل كتودد البطلة ناوي يبوسها عبير نزلات عينيها حشمانة من حذيفة وخديجة اما لبنات تهون ..

خدودها توردو وبقات محتافظة بالدغمة في فمها اما خديجة ولات تكحب وتقلب على تيليكومونض بعينيها لبنات كيهضرو غير بعينيهم حذيفة كحك في حاجبو وحاذر راسو كتمتم بلإستغفار مخلين اللقطة الدوز وهي عاد ماطوالت وتجبدات وقالت ليهم يالاه بديت ..ماسالات اللقطة حتا شحفاتهم ...

كملو غداهم في صمت لما لا والحرج ظاهر على وجههم..

 ناضت عبير بعدما شربات كاس الما متوجهة تغسل يديها ..طلع فيها عينيه وبغا ينزلهم بانت ليه شي طاش في البيجامة صغر عينيه كحقق حتى دور عينيه جيهت سارة لكانت جالسة قريبة ليه وشوش ليها في وذنيها ... كلمات خلاها تخرج عينيها بحرج وتوجهت هاديك ساعة عند عبير لكانت في الحمام مفتوح كتغسل ..

هزات عينيها بانت ليها سارة واقفة في الباب :ساليت (خدات الفوطة)دخلي

سارة (كتحك في وذنيها)فيك لاغيل اعبير

ردت عليها بدهشة:أنا لا

سارة:دوري نشوف 

شافت فيها باستفهام

شدات ليها  سارة من يديها ودوراتها ... لقات لاطاش كبيرة :خرجات ليك لاغيكل

خرجات عينيها :اويلي مزال وقتها ندخل نشوف (سدات عليها في الطواليط )بعد مدة قصيرة 

خرجات توجهات تغسل يديها:امم معرفتش

 كيفاش مزال ليها سيمانة 

تكات سارة على لافابو :كيفاش واش محستيش بيها مسبقات ليك وجع ماوالو

ردت :هي مولفا كتسبق لي لوجع شي مرات ولكن شهور لاخرين مبقاش كيجيني لوجع راك لاحظتي 

سارة :ايوا يا لحبيبة راك تفرشتي فرشة الكلاب ماتبغيهاش لعدووك

عبير:(شهقات وحلات فمها بصدمة)كيفاش ماتقوليش ليا شافني حذيفة ملي نضت ؟

حركات راسها باه و نزيدك هو لقالي نقولها ليك 

خلات عبير تخبي وجها بيديها كتولول :كيغاندير تانجلس ونهضر وهو كاين

سارة :ناري وفاتن تعرف واهلي عليها اسبوع ونتي طالعا في طوندونس بدون منازع 

سهات ووجها نزف منو الدم كتخمم :مقادراش ندوز من تم جيبي لي اولويز و حوايج باش نبدل يخخ على بلان كنت عارفا راسي معندي زهر ولكن ماشي تال هاد الدرجة 

🌹بِدَايَة جَدِيدَة🌹

🍀البارت:70🍀

خرجات سارة حابسة الضحكة على كيف ولات ملي عرفاتو شافها..جابت ليها لحوايج وخرجات

طلقات عليها ما بلا ماتقيس شعرها ...

لبسات بيجامة مقطنة بحال لكانت لابسة بلمارو وخرجات خدودها حمرين كتسلت بحال شي شفارة باغا دخل لبيت.. دازت من حداهم مالقاتوش في لبيت كملات طريقها واخدا الحذر حتى دخلات وسدات عليها ..

تكات على لباب كترد أنفاسها المتضررة وتمات غادا جايا كتخاطب كرشها :"علاش تشوهيني علاش محشوماش هاديك ساعا نزلي صباح يخخ بانت ليك غير وقت لغذا وقدامو هو بالضبط كغندير نشوف فيه انا بلا هادشي كنحشم منو بقا غادابا" ....

دوزات  وقت  في البيت بحجة فيها لوجع ..ملي حسات فات وقت لغدا وبحال سمعات لباب تسد تنفسات الصعداء وخرجات 

دخلات عليهم لبيت ...فين متكية خديجة ولبنات في جنبها حالين عينيهم في تلفازة غير شافوهاوهوما يتفركعو بالضحك خلاو خديجة تنوض قافزة كتنكر... 

رجعات نعسات وبداو كوشوشو بيناتهم وحابسين الضحكة

خنزرات فيهم عبير:محشوماش جالسين ضحكو كلون بنت ليكم 

ردت سارة:كنضحكو على الموقف المحرج ماشي عليك

حكات شعرها:عارفة معندي زهر معرفتش اش بندير دابا

فاتن:اش بدري راك درتي هههههه

أفأفات عبير وتكات راسها على المخدة :غير لبغا يهضر معاكم

سارة:صافي دابا لي عطا الله عطاه نساي مالك قاتلة روح داكشي عادي راه عارف مالو جاي من القمر

خلاتهم كيهضرو وناضت الكوزينة هزات طاسة دارت فيها شلاضة والفرماج والطون طرف الخبز و قرعة الما ودخلاتها البيت تخليها ليل باش متخرج ورجعات جلسات حداهم قالبة عينيها مزعوجة من لأمر 

فاتن:شفنا اليوم واحد البوتيك حل جديد ودايرين الصولد نمشيو البنات نشوفو داكشي كداير عندهم ومنهم عبير تدبر على راسها

هزات راسها فيها بعدما كانت كتشوف في التلفازة وقادة الجلسة :بصح كتهضري

فاتن: سولي سارة عندهم غير لفن داكشي دلبرد يالاه مفتوح علاش فكرت بيك

ردت:غدا ان شاء الله ونمشيو نشوفو غير قريب

سارة:نو مابعيدش بزاف شي 10 مينيت

رجعات تكات ولأمل بدا يتولد من جديد من بعدما كانت تفكر كي غادي دير تبدا من جديد

دازت العشية بيناتهم كيهضرو وموضوع الساعة هو البوتيك خبرو خديجة بعدما فاقت ودعات معاها بالتيسر ناضو لبنات يوجدو الكاسكروط

شافت عبير في الساعة قرب حذيفة يدخل ناضت توجهات لعند خديجة لكتفرج في تلفازة:خالتي غادي ندخل نتكا راني عيانة بدا كيجيني لوجع

ردت:مغاديش تاكلي حتى حاجةغير ديري كاسكروط بعدا

عبير:لا راه خديت شي حاجة غير بصحة

دخلات لباب سدات عليها بعدما شافت مابقا ليه والو ويرجع تكات شادة تيليفون كتخربق فيه

.....حل لباب كيف لعادة هاز ميكات دخلهم لكوزينة عطاهم لبنات ودخل سلم على خديجة وتوجه لبيتو يبدل حوايجو وهو كيقلب عليها بعينيه ومابانتش ليه ...بدل بحوايج مريحين وخرج جلس حدا خديجة لقا لبنات حطو الكاسكروط وكيتسناو فيه

..تكب اتاي وتفرق وهو عينيه على لباب كينتظرها دخل ....طيلة لخمس لأشهر كيتجمعو في طبلة وحدا كيفاش ليوم ماجاتش حك نيفو وشاف في خديجة:فين لبنت ؟

خديجة:(كتقطع في لبتي بان)عيانة راه في لبيت

حرك راسو متفهم الوضع وحنا عينو كال شي دغمات وناض كيمسح في فمو :الله يخلف

خديجة:(هزات فيه راسها)مكليتي والو اولدي جلس كمل ماكلتك 

رد عليها :الحمد الله نرجع (كيشوف في ساعتو )وناخد شي حاجة

توجه لبس جاكيط وسبرديلتو وخرج داير يديه في جيابو على لبرد والقب على شتا لكتنشنش..

توجه لصيدلية لقريبة لدار وكحمد الله في خاطرو لمزال متسدات خدا لناوي ياخدو وعاد أدراجو بعدما مشا لبيسري شرى شكلاط ودانون ...

دخل حيد الجاكيط وحط سبرديلة دخل البيت لقاهم مزال مجموعين على براد ديال اتاي حط الصاشي فوق طابلة ومشا غسل يديه ورجع جلس حداهم كأن شيء لم يكن كياكل ويشوف فتلفازة ....خديجة مهضراتش كتشوف غير في الصاشي السوداء اش فيها ...بدات سارة كتنغز في فاتن ولأخيرة كتاكل وتدور تخنزر فيها

كملو لماكلة في جو غالب عليه السكوت..ناض بغا يخرج وهو يدور راسو شاف في خديجة بصوت خشن:الواليدة راه دوا عطيه لبنت

 ..توجه لبيتو وقف لتواني قدام لبيت لفيه عبير تنهد وكمل طريقو 

هزات سارة وفاتن لماعن الكوزينة باش يغسلوهم خلاو خديحة هزات لميكة حيدات منها الدوا وبكية الشوكلاط ودانون خدات ملعقو بلاطو دارتهم فيه وتوجهات لعند عبير .....

🌻🌻🌻🌻🌻🌻🌻🌻🌻🌻🌻

سارة:(كتغسل في الكيسان) شفتي مشا جاب دوا لعبير 

فاتن:(كتطرف داكشي لبقا )امم عادي اش فيها ملي قاتليه ماما عيانة عرف غادي يكون فيها الوجع وناض يجيبو ليها

سارة:وناض على لماكلة

فاتن:(حطات طرف الخبز لكانت هازة و شافت فيه وهضرات:من نيتك بحال مكتعرفيش حذيفة لقلب لكبير.. حنين بزااف نتي ملي جاتك لادياري هاداك لعام مخرجش في نص ليل وشتا خيط من سما كيقلب على صيدلية لدايرا بيرمانونص باش جابو ليك

سارة:اه هو حنين مقلناش لا ولكن كنحس بيه في شكل فهمتي.

إلى ملقانا مع الجزء الثالث من سلسلة قصة من أنا؟ نتمنى أن تدعمو مجهوداتنا و الإنضمام لصفحتنا على مواقع التواصل الإجتماعي.