طريقة عمل الفاصوليا البيضاء بالطريقة المغربية / اللوبيا البيضاء

نقدم لكم الجزء السابع و الأخير من سلسلة قصة من أنا؟ للكاتبة و المدونة ياسمين إكرام، نتمنى أن تعجبكم السلسلة. سلسلة قصص مغربية بالدارجة، نترككم مع التتمة القصة.

❤البارت:191❤

طلعاتو ونزلاتو تنهدات وحاولات تبعد عينيها من عليه معجبة من تصرفو لمكتسيه البرود والتعب الظاهر واقف غير بزز..رمات عينيها لخديجة  

وسعات ابتسامتها رامية عينيها لعائشة لتسلات منها وليها توجهات...تبعاتها وقفات عليها وهي كتبادلها السلام وملامح خديجة لملامحها ماتبدلوش والبسمة منورة وجهها ..

 تنفسات عبير وهدأ قلبها من ملامح خديجة وتحنات سلمات عليها بعناق شديد الإشتياق ...

خلات خديجة سلمات على ياسين وحذيفة لضحكة مبانتش على وجهو ...

مدات يديها لياسين وبادلها بالمثل مع ابتسامة ... 

رجفة شدات قلبها ويديها ولات باردة في دقائق قلية مداتها ليه شاف في يديها لمدة وطلعها لوجهها لعلامات الإستفهام ظهرات عليه من طرفها وطرف الكل ...

ثواني وجمعات يديها والمركة على وجهها ترسمات .. ولجيهتو مبقاتش تلفتات ..حسات بقلبها تكرز عليها وبالألم قطعها ..شافت في خديجة لكانت وكتشوف فيه بتعجب وحذرات عينيها كتدير بعض الشعيرات لورا وذنيها 

بحرج ..قلبات عينيها عليهم خلات خديجة غارقة في الحديث الإشتياق ...تكلمات مع مول الشي وخلصاتو هز  ليها نحو الحولي وتبعاتو من اللور كتسد في لبزطام ..هزات فيه عينيها ولقات عينيه ساهيين في الأرض ..سرطات الغصة وبعدات عينيها كتودع في خدبجة لمبقاتش بغات طلق عائشة رددت بصوتها الحنين وب بسمة مزينة ثغرها:عبير خلي حوليكم يتونس مع دياولنا ..

بادلتها البسمة :بلا مانصدعكم عامين مشفناكم ونصدعكوم 

تنهدات خديجة :غير جيو نتجمعو كلشي راه توحشنا جمعتنا 

تنهدات عبير وسرطات الغصة مافيها ماتشوفو مجموع مع مرتو وبنتو يالاه  غادي تهضر حتى سبقاتها عائشة لعبير بتعجب شافت فيها وهي كتردد:ان شاء الله واخا ....

تعجباتو قلبات عينيها لياسين لواقف كيتخير في الحوالا .. سرطات الغصة وتنهدات كتشوف فيهم كيتحدثو ناسين الهم أما هو بحالا غايب مكاينش معاهم واقف وعلى الحيط حط ضهرو ولقدامو كيشوف ويحني راسو في الأرض يسها فيها ...

مدة قليلة وركبو حوج حوالا غلاظ وسمان الهوندا رافقو حولي عبير وتوجهو قدامهم في الطوموبيل مرافقينهم بطوموبيلت ياسين لحداه حذيفة...

ركبو لورو مرة بعد مرة كتخونها عينيها لجيهتو وكتعجب لصمتو لقاتل عارفاه حدودي ولكن ماشي لهاد الدرجة .....

تكات على النافذة ساهيا في حالتو لجاتها غريبة ...

وقفو امام دار ديال خديجة لعاماين مبقاو دارو جيهتها .. ضرب قلبها وهي كتحط رجليها في الأرض ..هزات عينيها في العمارة وخطات خطواتها تجاها ...

طلعو لسطح فين كاين بيت دايرين في لحوالا ديال العمارة كامل... وقفات كتشوف في الحوالا لفي لبيت مخليا عائشة وخديجة لكيدويو حتى سمعاتهم مطلعين لحوالا 

دخلو واحد وتبعاتو حتى تحنى شاد من ركابيه كيرد النفس والعرق متلئلى في جبينو ...

رد النفس ووقف جات عينو عليها وقلبها كيحك على معدتو لكتعطيه الحريق ..

نزلو ثاني هزو الثاني طلعوه ونزلو مخلين عبير على إطلالة السطح مبغاتش عينيها تحيد ..

مسحات وجهها وتنهدات كتحس بالغمة من نظراتو المبهمة كأنها مكعرفهاش ....

التافتات ونزلات أدراجها لدار خديجة وفي ساعتها دقات وفاتن حلات الباب بابتسامة تلقاتها ومبغاتش طلق بابتسامة طبطبات عليها وبعدات كتردد:مبروك الخطبة عاد كتاب نتشاوفو ونقولها ليك مباشر

سدات لباب وشدات منها :كون ماتلاقيتوش بماما كاعما تجيو عندنا.....

تبسمات ليها تمو داخلين البيت مارين على الصالون فين كان جالس كيرد النفس وحاط على رجليه نفس لبنت كتغرغر وهو كيبتسم ليها 

توقفات للحظات بلا ماتحس ولاتفطن براسها متبعاهم ... حتى هز فيها عينيه لمدة قليلة ورجع حذرهم كيزعز فيها برجليه مخلي فاتن تبسمات مرددة:يالاه نمشيو تشوفي سارة كيولات ضحكي عليها شويا 

زاحت عينيها بزز و أسئلة كثيرة راودتها ....

❤البارت:192❤

بنتو ...علاش ماتكونش بنتو اش كان يدير هاد العامين... عاش حياتو كيفما قالت ليه ...هزات كتافها ودخلات البيت فغرات فمها في سارة لكتشرب في اتاي وكضرب في الحلوة ممسوقاش ..طلعتها ونزلتها حتى هزت الأخيرة فيها عينيها وحطت لكاس وناضت عندها بابتسامة ..تعانقو لمدة وبعدات عليها كتبسم وعينيها تغمضو 

رددت عبير:غلاضيتي اصحبتي اش هادشي كنشوف

ردت خديجة:ههههه كنقولها ليها ابنتي وهي والو مابغاتش تحشم

حطات سارة يديها  على كرشها لخارجة شويا:غير مع الحمل ..

قاطعتها فاتن بابتسامة :غير نوصيك بعدي عليها راه تقدر تاكلك حتى نتي 

حطات عبير يديها على كرش سارة  مبتسمة:بيبي هذا فين هي بنتك 

ردت فاتن :هي لدزنا عليها 

باستغراب شافت فيها :علاش ماشي بنت حذيفة

جلسو وخلاو علامة الإستفهام كتكسو وجهها...

حتى تسوعات وجلسات موجهة نظراتها لفاتن بحاطة رجل على رجل مرددة:لا اصحبتي بنت سارة حذيفة  ماوالدش ...

وذنيها تصمكو عليها وقلبها انشارح عليها بقاو كلمات فاتن يترددو في وذنيها لاغير غايبة عن العلم لداير بيها لاحديث خديجة وعائشة ولا كلام لبنات ...

دخلات حفصة وسلمات على عبير وعائشة بابتسامة صفرا وجلسات رامية عينيها لتلفازة وبيديها كتحفن في لفواكه الجافةوتخشي بلا ماتشوف اش كتخشي ..تبعاتها عبير وعينيها عليها زكات كطلعها وتنزلها كتشوف سنتان مبدلات فيها والو ...قلبات عينيها ملي شافتها دارت جيهتها وتنهدات في صمت مخليا لبنات يهضرو وهي كتحرك في راسها غير باه ولا لا ساهيا في حالتو لشغلاتها ...

تكات على الوسادة ..حتى كتشوفو واقف بطولتو المعهودة هاز البنيتة ..تبعاتو بعينيها حتى مدها لحفصة لحدا لباب وبعد على الباب بلا مايتلفت وراه...طلقات حفصة  لبنيتة كتمشى وخرجات كتمضغ ..تباعتها عبير حتى اختافات ونزلات عينيها لبنيتة لكتمشى وطيح حتى لقات الوسيلة واستعملات ركابيها حتى وصلات ل

سارة هزاتها عندها وهي بعينيها البنين كترمش وتشوف في عبير معارفاهاش...تبسمات ليها عبير وردات ليها صغيورة البسمة مطات بديها بغات تشدها وهي تحرك صغيرة راسها بلا ..رددت 

سارة :عبير سيري عند طاتي زوينة

هزات عينيها عبير بصدمة في سارة .. فغرة فمها والبسمة زادت وساعت مرددة:كاع هادي معزة لي عندك

قهقهات :اش تصحابي شحال عندي من عبير الهرابة .

..

لينات ملامحها وبحنية شدات عبير  صغيورة باستها من خدودها لمطبزين وماصات ليها كريشتها  شيئ لخلاها تطلق زواكتها وتقفز  عائشة لشادة الحديت تبسمات ومداتها لبها باستها 

مرددة :بنت سارة هادي

 ردت خديجة :هي هادي عبير صغيورة 

قهقهات عائشة ببسمة :الله يكبره في عزكم ..حذيفة متزادش عندو 

تنهدات خديجة مرددة:لمرا واقع لبها مشكل من بعدما مات لبه تيلاد 

سرطات عبير الغصة وناضت وقفات موجهة لحمام مخلباهم مزال منغامسين ...

تفكرات كل ماجرا ليها في طريق الحمام الى ان دخلات ليه وتفكرات اش جرا ليها في كل بلاصة في هاد الدار كتفكرها فيه غير هو وعينيه العجيبة ...

جلسات على لاشاص كتمسح في وجهها وتنهد في صمت لمدة وناضت وقفات حدا لمرايا حتى سمعات لباب تحل وشافتو داخل...

❤البارت:193❤

ملي شافها تنهد ورجع خرج خلاها مخرجة عينيها في الباب ..حطات يديها على صدرها ..وتحنات كتغسل في وجهها وخدات النفس عاد خرجات وقفات عليهم مرددة :خاصنا نمشيو ..

ناضت عائشة وخديجة بيهم ماساخياش وتوجهو مودعينهم ليوم العيد اللقاء ...

سرطات الغصة ونزلات مع الدروج عقلها تالف و نظراتو لباردة  مبغاش تغيب على عينيها ..

دخلات الدار تسرحات كتنفس بعمق مخليا عائشة تردد :بان لي سيد دار عقلو بقا غير ديريه نتي 

تنهدات عبير و سرطات الغصة  في صمت

مخليا عائشة تهضر وتكلم على  صباحهم  كيف داز نصبات عائشة لغدا تركة عبير مكمدا كتنهد في صمت ..........

💦💦💦💦

الليل أسدل ستارو والنوم كان حليفو مغمض عيونو وعلى جنبو ناعس مخليها هي جالسة بجانبو كتنهد وتبسم على عينيه اليوم لماشافوش جيهتها ..

غمضات عيونها ونوم حلا ليها ..........

في نص الليل صوت السكون التام في المكان بالكامل كحرك في راسو والعرق متلئلى على جبينو ...حل عينيه وجلس كيشوف في القمر لمتلئلئ في سماء مسح وجهو وسها في الحلم لولا يراودو هاد الفترة الأخيرة..حلم برزطو وشغلو ..كيشوف راسو كياكل في المنام...

واقف في الحمام شاد من معدتو وكيتقيا ...تحبس ليه النفس ومعدتو باغي يجبدها ويتهنا من هاد  الألم ...

هز راسو في لمرايا وتعب يكتسي وجهو .. مسح عليه  وعلى شعرو دوز حتى كيشوف التساقط المهول ديال شعرو....

تنهد .خرج هاز الصلاية كيقوم الليل والإستغفار كيحلي فمو لريحة الكريهة  لفيه مبقاتش بغات تبعد عليه...

رجع لمكانو وتحنى قبل جبين حفصة وغمض عيونو كيتصنت الألم عضامو ورجفة لكتسرا فيه ....معولا غدا يمشي يشوف طبيب ظان منو أن المعدة تعسر الهضم ....

💢💢💢💢💢

التوكاال هو نوع من أنواع السحر يكون بأغراض مختلفة قد يكون مشروبا او مأكولا ...سم يدخل الذات ويقتلها ببطئ بشكل صامت ...

إنسان كيتعماو ليه العيون وباش يتشبت بالدين كيمشي لطريق سوداء لمافيهاش الربح مهما حسيتي براسك نتاصرت الا وان السحر ينقلب على الساحر ومغادي تربح الا الظلال يخزي في حياتك بكاملها ..كأنك كتقتل نفس ..نفس العزيزة عند الله سبحانه.....

💢💢💢💢💢

حل عينيه على صوت زقزقة العصافير لكتصبح عليه قاد جلستو ووتوجه الحمام مكره من رائحة فمو لولات كريهة........

خرج كيمسح وجهو والخيوط لتقيا لصقات في دماغو .. لبس حوايجو ..تحنا باس جبين حفصة حتى تحركات في نعاسها ..بعد عليها مردد:غير رجعي نعسي مزال الحال 

تقادات في الجلسة كتشوف فيه لابس ومقاد:فين غادي 

تنهد :نمشي نشوف شي طبيب كتحرقني المعدة 

حركات راسها مرددة:الله يشافيك ..مخلياه عاود طبع قبلة على راسها ونزل لفمه كذالك عاد خرج مخليها متكيا كتلعب في شعرها...

خرج الكوزينة حل الثلاجة وغمض عينيه ورجع سدها حاس براسو معندو شهية لماكلة مكهوم وشبعان .....

خدا رونديفو وجلس كيتسنا نوبتو وهو عاض على شفاهو من الألم ..

دخل بعدما نادات عليه لبنت لفي الإستقبال....

قال وشكا بلضارو وتوجه بعده لغرفة الفحص ...سالا وقاد حوايجو  ورجع جلس كيتسنا يقوليه اش عندو ويكتب ليه الدواا ...حتى  وكيف لكان متوقع غير لمعدة ضاراه كتب ليه كالمون وخلاه مشا في حال سبيلو واخد من التعب والعيا مايكفي ..

غادي تايه وصدرو مخنوق كيتنفس بزز..جلس امام كرسي مقابل مع البحر ..

كيشوف في الناس لكتمارس الرياضة على صبيح...

❤البارت:194❤

رجع أدراجو الدار ودخل كيسمع في ضجيج صغيورة وبكاءها المستمر ..توجه ناحيت الصوت وجلس حدا راسها كيحرك في يديه على حنيكاتها وشعرها مخليها متبعا معاه ناسية الكوشة لكدير ليها سارة ..غير سالاتها ليها وناضت عندو ..استقرات على ركبتو ويديها استوطنات لحيتو لتزادت كثافة ...

هز عينيه في سارة لرددت:خويا كتبان عيان اش بيك 

تنهد راد عليه:غير لمعدة ضراني شويا يالاه دوزت 

حركات راسها بألم:مايكون عندك باس خاصها ريجيم  

غمض عينيه مردد:نتي لباس عليك 

تبسمات:الحمد الله 

ناضت مخلياه مجمع مع عبير صغيرة يضحك معاها ويلعب بيها حتى تحطات اصينية امامو 

هز عينيه في حفصة لجلسات حداه بشعرها لطوال على كيف كان و بابتسامة مدات يديها لعبير شداتها عندها مرددة:خاصك تفطر مفطرتيش 

تبسم ليها بود مردد:لهلا يخطيك عليا ...

وتحنا كيحتسي في طاس القهوة وياكل بتي بان  ..

تبعاتو بعينيها حتى تكا على الوسادة حاط يديه على بطنو . .

رددت :اش قالك الطبيب 

هز راسو على الوسادة:كيف كنت متوقع المعدة نشرب دوا حتى نشوف جيبي لي معاك كاس لما 

حركات ليه راسها باه  حطات عبير في حجرو

 وناضت موجهة لكوزينة فين كانو لبنات وخديجة كيقادو في لوازم العيد للغد ليه 

رددت خديجة ملي شافتها:كنت كنصحابو صام ما موالفاش ليه 

عوجات فمها هازة القرعة :لا عيان شوياا 

تنهدات محركا راسها باه : وليدي معرفت اش واقع ليه ونتي  صمتي 

حركات حفصة راسها بلاا :عيانة مقداش 

خلاتهم وخرجات خلات خديجة تكمل في شغلها وسارة تعيب فيها مخليا

فاتن تبسم :الله يحفظ منك وصافي اختي ياك وقراتك فوتيها عليك

حطات سارة يديها على حاقها:مكتبغيش دوز ليا في راسها لعجينة هاديك خيتي 

فاتن:الا كان غير على الخمار لحيدات ماشي سبب كافي

هزات سارة كتفها :اشمن خمار سيدة كانت كدير الخمار وراجلي جالس وكدور بشعرها عريان فين اللوجيك 

خديجة:الله يهدينا خشي هاديك شوايا غير من هنا غدا ان شاء الله نحتاجوها 

حركات راسها ودارت لقالت ليها 

هزات خديجة راسها في سارة لنطقت:حذيفة معجبنيش  سولتو قالك غير لمعذة 

حركات خديجة راسها:معمرها ضراتو حتى انا جاني مبدل متعوب 

فاتن :غادي يكون غير مع الخدمة ولعيا

تنهدات خديجة مرددة:على الله الله يحفضو و ينجيه

تسمع رنين التيليفون ..شافا سارة في فاتن  مرددة:نوضي جاوبي عريس الغفلة

هزات كتافها:حتى نسالي على خاطري 

هزات يديها:الله يستر وصافي مسكين كيبقى فيا طاح في عبد القادر شخصيا معرفت اش عجبو فيك 

نفخات وكملات شغلها حتى سالات وناضت هزات التيلي داخلا لبيت بيبات عليه وفي ساعتها رجع تاصل مردد:حبيبة شحال عيطت فين كنتي

تبسمات بخجل مرددة:توفيق كنقوليك متقولش لي هاد الكلام 

قهقهة برجولة :ماشي حبيبتي 

خنزرات:مزال تقولها نقطع عليك خلينا خوت

وسع ابتسامتو حتى رنة ضحكتو عندها وبعدات التيلي عليها:غادي نقطع عليك اش بغيتي علاش معيط

ردد بجدية:نبارك ليك العيد ونقوليك من بعد العيد نضربو لكحل في البيض مكاين علاش نبقاو نطولو

صغرات عينيها:معامن تشاورتي اسيدي

تنهد:الحب هذا

قطعات عليه وخلاتو تسرحات فوق الناموسية وقلبها كيفرقر عليها تجمع ليها الخوف ولات باغا غير تهرب وتفر ..   

❤البارت:195❤

💦💦💦💦

مجموعين على طابلة مزينة بالبطبوط والمسمن بعض المقرمشات لبيض والحريرة مترأسة الطابلة مستنين أذان المغرب لمبقاليه والو ويأذن ...

ساهية حتى حسات بيد عائشة على يديها مرددة:كيأذن  ابنتي فتحي صيامك 

هزات التمرة  افتاتحات صيامها ...

كالت علاش قدات وتصوخرات اللور مخليا عائشة تاكل بشويا...سالات وتجمعات الطابلة وجلسو كيتعاودو في مختلف المواضيع 

💦💦💦💦

جاي حداهم حاني راسو كياكل حتى شبع وتصاخر 

مخلي نظرات خديجة عليه كتفكر هذ الماكلة ديال دابا هي رابعة ولا الخامسة تعجبات و تنهدات مكملة فطورها ...دخل لبيت تكا وغمض عينيه  ناعس والتعب مكتسي حروفو الجميلة ...

دازت الليلة وجا يوم العيد ..عيدالأضحى ..فرحة الصغار قبل لكبار ..يتساروا ويردو حولينا كبر من حوليكم ...فرحة لكتجمع العائلات وتوحد القلوب الناس وبالإيمان يتوجهو لصلاة العيد معطرين واابسين أجمل ماكاين للقاء الرحمان 

واقف كيشوف في المرأة في حالتو لذبلات شرب دوا والألم عير مكيزيد كيصبر راسو بلي يالاه بداه ...مزال الخيوط كيتقياهم مزال التعب كيكسوه ومزال نفس الحلم كيراودو حس بيدين تحطو على كتفو تلفت كيتبسم ليها وعز يديها باسها خلاها تحط يديه كتقاد ليه جلابة الخفيفة 

تبسمات باعجاب وباستو في خدو ..بادلها الإبتسامة وهز لبارفان  رش منو في عنقو..وزاد خارج يأذي الصلاة مخليها كتشوف في المرايا وكتلعب بشعرها بيديها...

تنهدات ورمات عينيها لقفطان للابسة وخرجات موجهة لكوزينة ...

لقات خديجة واقفة بشغل وسارة حداها مجارة مع عبير كتقاد ليها في شعرها القصير ..

عوجات فمها كتصحاب راسها تفكات منها ملي تزوجات ساعا هي عاد لصقات ولات حاطة لبنت هنا وتخدم وفي العشية تجي ترجع ليها وعاد في الأعياد كتلثق أكثر ..تبسمات مرددة :خالتي نعاونك

شافت فيها خديجة كيف مشيكة ومقادة حشمات تشقيها وردت بلا 

خلاتها تجلس بجانب سارة لتبسمات وهي كطلع وتنزل فيها مرددة:على لبغا يشقا كيشقا بقفطان.....

عوجات فمها كتلعب في شعرها:اش بغيتيني نكون بهدلة بحالك يالاه في العشرينات وكتباني قريب ديري لحفاد

خرجات عينيها سارة يالاه بغات تجاوبها سمعو دقان في الباب ..

رددت خديجة نوضي اسارة حلي غادي يكونو غير عبير

ناضت سارة هازة عبير موجهة تحل 

مخليا حفصة عوجات فمها مرردة بخفوت:هاهي بدات ثاني تدخل مع العظام ....

❤البارت :196❤

بابتسامة على ملامحها استقبلاتهم من بعد سلام دخلو وعبير ماسكة بين يديها عبير الصغيورة لببراءتها طيرات ليها  لعقل.....

توجهو عند خديجة يسلمو عليها مروراا بفاتن لكتحك في عينيها  وكملو السلام بحفصة لي غير كتقلب في عينيها 

جراتهم خديجة لصالون..تابعينها لبنات محملين في يديهم كل مايروق العين ويرتاح ليه القلب..

فرقات كيسان اتاي وعلى الهضرة وكلام الفرحة بالعيد مدوزين كاسهم ..

دقان في الباب خرجهم من جمعتهم ولمتهم ناضت فاتن مخلياهم مكملين كلامهم فين وقفو حتى سمعو شهقتها ..

الكل رما عينيه لباب اما خديجة وقفات قلبها كيضرب ..شهقات حاطة يديها على فمها وفي ساعتها رمات رجليها في اتجاهو خلات نظرات كل من في الصالون على نار ..تبعاتها حفصة كذالك...

شافت خديجةابنها في حالة معمرها شافتو ...متكي بجسمو على ياسين وحاط يديه على معدتو وجهو أصفر 

خوات ليه طريق مارين على حفصة لمتبعاهم بعينيها ودخلوه الصالون على كل من سارة وعائشة و عبير ...

غير شافتو عبير صغيورة بدات تجبد من عند سارة باغا تمشي عندو ...ومها مزيراها عندها فغرا فمها فيه ..

عبيرضرب قلبها بعنف من حالتو محسات براسها الا واقفا بجنب عائشة لكتشوف فيه وطلع وتنزل في جسمو لهزل وهي عينيها مضببين مشغولة غير بالعيد 

رمات عبير يديها لجبينو تحسس حرارتو وهو مايل براسو على الحيط .. فاتح عيونو قليلا وفغر فمو... جلسات قفازي شادة يدو ليسرى تشوف ليه دقات القلب حتى  نتر يديها من بين يديه ودفعها حتا جات جالسة فغرا فمهها 

خلا الكل مصدوم متبعينو بعينيهم كيف غادي وشاد في الحيط ..وحفصة تابعاه من اللور ..تنهدات عبير وقفات كتقاد في حوايجها مخليا خديجة تردد تالفة:سمحيلينا ابنتي ولكن ولدي بيه  شي حاجة (جلسات على سداري ملي حسات براسها غادي الطيح حركات راسها بلا)ماشي ولدي هذا ماشي ولدي ...

سهات سارة أمامها حتى حسات بقبشة عبير صغيورة طلقاتها فوق زربية ودارت يديها على حنكها ساهيا مخليا عبير تنهد لتصرفو معاها ولوجهو لمرض والإرهاق باين عليه اما خديجة كتولول وتردد ولدي بيه شيحاجة ..

تالفين  عليه هو لكيتقيا في الطواليط شاد على معدتو ..تنهد كيغسل في فمو ودوز عينيه على القشرة لتكونات ليه في جلدو و خسر وجههو ...

خرج من الطواليط وتكا  على سرير مهدود ...

مخلي حفصة  واقفة مطولا فيه الشوفة....

العيد والفرح تحول القرح على صباحو مخلين الحوالا في السطح وجالسين يسولو في ياسين لكان معاه في هاديك اللحضة ولشهد على أمرو من بدايتو وهو غادي معاه في الطريق شاد على معدتو حتى ملي بداو يصليو وكيسمع صوت الألم من جيهتو سالاو الصلا وتلفت ليه لقا وجهو متغير ومختلف تكاه عليه ركبو في الطوموبيل باغي يديه ليرجونص ولكن حذيفة عندو رأي اخر رفض رفض قطعي كونو متبع طريطمون مع طبيب

تنهدات خديجة حاطة يديها على صدرها لضرها على كبدتها ودمعة وقفات في طرف عينيها ناضت ومن وسطهم متوجها عندو تطمأن عليه...تاركا عبير تردد:بوسيبل يكون تسمم غدائي واش مشا عند الطبيب...........

❤البارت:197❤

خرجات سارة على سهوتها على عضة من طرف الصغيورة في فخدها  بعداتها عليها كضحك بسنيناتها و بالإنجاز لدارت مخليا سارة تنهد وتشوف في فاتن لكتكلم :مشا  عند طبيب ومدار والو قالت سارة (تلفتات شافت في سارة)

الأخيرة حركات راسها مرددة :اه قالك ضراه غير لمعدة (تنهدات)هادي ماحالة ديال معدة لداراه المعدة اش قربو ليك نتي يدفعك

حركات عبير راسها باه ساهية كتحس براسها تالفة معارفة والو ..

دقات وحلات الباب كتبحث على فلذة كبدها..لبحظورو كتبهج الدار ويعمرها بذكرو وإطلاتو... ضرب قلبها وتفكرات أيامو في عيد الأضحى كيف كيكون واقف والذبيحة كاملة تمر عليه وحوايجو يطلاو كلهم بالدم والا ماشواش مايهناش مخلي ليهم هما غير دوارة يفكوها وتسياق لمقدوش عليه يكفض ويطلق التيو يعاونهم....

طاح عليها الضيم وتوجهات جلسات جنبو مخلياه حيد يديه على راسو هز فيها عينيه لمدة عاد نزلهم في صمت 

شدات ليه يديه وفي ذراعو مشات عينيها..صغراتهم وبيديها حطات على القشرة لمتكونة تما حتى هرب يديه من عليها مخليها تردد:ولدي باش كتحس غفلت عليك وقلت غير معدة ..ساعا هادي ماحالت معدا اش بيك واش كيضرك

تنهد و سكون لتعطى من طرفو مخليها تغمض عينيها وتحلهم دورهم في الأنحاء ورجعات ليه العين هو لكان غمض عينيه ونعس ماسك معدتو ..

تنهدات وبحوقلة خرجات مخليا حفصة تنهد وتخرج من طواليط كدور عينيها في الأرجاء....

رجعات أدراجها وعلى كتف ياسين طبطبات مرددة :شوف اولدي لعاونك وذبح الحوالا معندهم مايبقاو و ليلة ليلتهم 

تنهد ماسح على وجهو وجمع الوقفة مأيدها في كلامها تاركهم جالسين كلا وفين ساهي طايح عليهم السكون و الهدوء المصحوب بالخوف على عمدة الدار ...

بقاو على نفس الحال لايحركو ساكن حتى دخلات حفصة وعيون الكل توجهات ليها ..من غير سارة لغير شافتها قلبات عينيها وعلى فمها عاضة ...

رددت خديجة:مشفتكش ملي دخلت كنتي فيوالحمام

حركات راسها باه كتشوف في عبير

رددت خديجة :كيف بقا 

جلسات  مرددة:كيف خليتيه اخالتي 

مدة ونزل ياسين كلو دم رما عينيه لسارة وطلع  تنهدات سارة وناضت طلعات ملبيا رغبتو مخليا عبير دارجة ..

تبعاتها عبير كتطوي في كمام كسوتها وتهز فيها على رجليها وتجمع في شعرها وتبعاتها فاتن ..

لاقاو السطح مجموعين فيه ناس لعنارة شي ثلات عائلات و الباقي  غادي يكونو معيدين عند عائلاتهم توجهو فين كاين ياسين مزال معافر معا حولي كيسلخ فيه ..دورو عينيهم على الحوالا الأخرين ودمعة طاحت من عينين فاتن 

دمعة يتيمة كان الأب ..السند لكتحط عليه راس في أوقات الصعبة هو لشاهد  ملي طاحت اول طيحة ..هو لشاهد على اول سنة ليها هو شاهد على اول يومه في المدرسة والبكيا لكانت في عيونها ولمحاها..

تنهدات سارة وتوجهات عندها كتمسح ليها عينيها مخليا عبير مأثرا بوضع ونساو علاش طلعو حتى فيقهم ياسين مردد:ان شاء الله مايكون عندو والو غير دعيو معاه 

حركو راسهم مرددة فاتن كتنغنغ:هاد طبيب لمشا عندو مقداش ليه خاصو يبدلو

حرك ياسين راسو مأيدها:داكشي لقلت خاصو اختصاصي غير دابا جات مع العيد 

كلشي ساد ..

رمات عينهيا عبير الأرض وبقات مركزة كتسمع حديثهم لضاير وقلبها كيحرقها عليها ..هزات عينيها في سارة لرددت بعد صمت:كيبان لي خاصو رقية ماشي طبيب الا كان طبيب يقضي كون على الأقل خفف عليه ولا مرض غير جسديا ..كيبان لي نفسو تاهيا 

هزات فاتن كتفها حاملة بين يديها سطل في الدوارة:اي مرض كيمرض نفس والجسد سولي دكتورا لحداك (مشيرة لعبير)

لهزات عينيها فيها مرددة:حتا انا جاني انورمال تسمم اش بيقربو لي انا لمبقاش حاملني ....

مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

❤البارت:198❤

حركات راسها سارة مرددة:هادشي لقلت أنا خاصو راقي بزاف على المعدة ..

كلا وحدات كلفات بدوارة ..وحلات معاها عبير وعينيها على سارة لماعايفاش داخلا فيها طول وعرض ..خسرات وجههاا وناضت بعدما طلعات ليها تبويعة نزلات مدردبة مع الدروج نازلة لدا..دقاات دقان لبوليس وغير تحل لباب دازت في حفصة شادة على فمها حتى تخشات في الطواليط كتقيا خاطرها مرض عليها مسحات فمهها ووجها وتلفتات ناويا تخرج حتى كتلقاها في وجههة رددات:كون معرفتك عابرا نقول سيدة حاملة 

تنهدات عبير مافيها لتجار معاها ودازت منخلاها رجعات طلعات بلا ماتشوف وراها راسها عامر وقلبها زاد عمر عليه والحالة لواقعة لحذيفة مبغاتش تسرط ..

لقات سارة بداتها تبسمات بزز مرددة:ها دوارتك الالة ماموالفاش ليك واقيلا 

حركات راسها:كانت كتكلف بيها ماما (هزات عينيها في الشميشة ورجعات نزلاتهم بعدما حرقاتهم)

حركات راسها سارة مرددة:ماما اش كدير

تنهدات:مشفتهومش حلات عليا غير حفصة تقييت حاشاك وطلعت 

رددت ماسحة على جبينها بذراعها:كولا سماتك بكلامها 

حركات راسها باه ملفتة كتشوف ياسين لوجد لفاخر وعلى الكبدا بدا يشوي مخلي وحدا مزال صاينا توجهات ناحيتو :واش ديالنا 

 تلفت شاف فين كتنعت وبعدها حرك راسو باه ..

تنهدات :غير دير كلشي لبقا صدقووطايب

تنهد وحرك راسو باه مكمل عملو ..

تاركين العيد يدوز مسموم بالتلفة ومرض حذيفة المفاجئ ولكيبان ليهم أكبر من المعدة ....

نزلو بعدما طباسل عمرو شوا ودوارات تنقاو و ريوس تحكو...دخلات فاتن طبسيل لكوزينة نقصات منو ليتصدق وجبدات الخبز والموناضا معندهم شهية الماكلة ولكن هذا يوم العيد ضروري يدوز باشما قسم الله

جالسة على لاشاص كتحرك برجليها وقلبها زادو دقاتو مكتبينش ولكن كتحس بالوضع بدا واخد منحى اخر ..مبغاتوش يتألم ويولي طريح الفراش ..مابغاتوش هكذا بغاتو يرجع كيف كان ولكن يبغيها هي فقط ويعاملها أحسن من هاد المعاملة وقتو ولا أغلب في الفراش وحتى لممارسة انعادمات......

خرجات التيلي من جيبها وشافت ختها سادة سيفطات ليها مسج"اش داكشي عطيتيني اكوثر ؟"ورجعاتو لمكانو نايضة متنهدة خارجة كتمسح في وجهها وهزات عينيها فيه هو لجالس على سرير ..

سهات في الارض لمدة وهزات راسها فيه مرددة:كيف بقيتي

تنهد مردد بصوت شديد التعب:متحس براسي مهلوك بوم عيد ومقدرت ندير والو نحاول غير نجلس معاهم شويا

جات حداها تكا عليها وخرج موجهين الصالون ...

كان طبسيل مزال فيه قطبان المل محني على قطيب كيلهوج فيه في سكون 

جلس مخسر وجهو لجا على عبير في الدخلة قلب عينيه عليها ..طبطبات ليه خديجة على رجليه مرددة:كيف بقيتي اولدي

تكا رايو على الحيط:مهلوك..

مدات ليه قطيب محيد منو الشحمة :كول هذا اولدي 

خداه منعندها وبدا يخشي في فمو  كتافو طايحين ..كملو وحطو جنب مخلي عينيهم دور عليه ....

ساط وهو كيشوفها كتبحلق فيه جن جنونو ولطابلة بغا يقلب مردد:علاش كتشوفي فيا نتي

وحلات ليها الدغمة في فمها  وبعدات عينيها من عينيه لخارجين ...

❤البارت:199❤

طبطبات ليه خديجة على فخدو ..شاف فيها ورجع يشوف بعيونو لخارجين فيها كانت مكمدا وجالسة على الشوك محاملاش راسها ..

تصوخر على الطابلة مخلينها عامرة ولكن الراس والقلب عمر منها بأضعاف ...

بدات تهز سارة في لبلاطو ودي الكوزينة مخلياهم جالسين ساهين ...

شافت سارة  فيه لقشور لباينين  والوسواس دخل لمخها كملات الطابلة وجبدات تيلي دخلات لكوكل كتبحث  على اعراض السحر ..سهات في الإبحار في هذاك العالم...لكبير ولعريض علم الأسود لمايدخليه الا لقاطع يديه من الرحمة ..من الإسلام من التسامح من الأخلاق الحميدة ..لكيدخل ليه كيكون شيطان متلبس صورة إنسان ..

واخد من الخبت مايكفي  لضر ويأذي انسان

سرطات الغصة و تاهتة في الأعراض المتمثلة أمامها ركزات عليهم وحفظاتهم في ذهنها شافت العنوان لكبير وعلى فمها شهقات

 من الصدمة مبقاتش قدرت تنوض ولا تبقا جالسة تلفات وفي راسها شدات ..حتى حسات بشي حد جاي ..هزات عينيها في فاتن لمخرجا عينيها في لبوطاجي لكيركل مرددة:اش هادشي مخلياا دنيا مزعلكة وشادا تيليفون

غمضات عينيها وحلتهم هضرتها ضرتها في راسها:اجي شوفي اش هادشي

صغرات عينيها فاتن وباستغراب هزات تيلي وخشات فيه عينيها...

التافتات عند سارة لكتشوف فيها وحركات راسها بلاا :مستحيل هادشي شكون غادي يبغي يأذيه وهو مزيان مع كلشي ...

تنهدات وناضت كتهز في يديها  كتجع في الماعن: خاصنا نديوه عند راقي اما طبيب معندو كيدير ليه الا كان التوكال اللعين .. 

حركات راسها باه:لعجب ماما معرفاتوش

ردت كتغسل في الكاس:تانا تعجبت غادي تكون مدايراهش في بالها (سهات مخليا لمامطلوق وعاودات هزات راسها في فاتن لكتخوي في الماكلة لفي الطباسل)مجاتكش عجب لجاه جاه على عبير

رددت:اه بصح

يالاه غادي تكلم قاطعهم دخول خديجة :مزال مساليتو

ردت سارة:هاحنا قربنا فين عبير 

ساطت عائشة:دار في لبنت حتى سقلات وتكونات حدا عائشة بحال دري لخاصمتي عليه

تلفتات سارة كتمسح في يديها:ولدك مريض اماما 

خاصو راقي في أقرب وقت والا يمشي فيها 

فاتن أيداتها كتحرك راسها ودمعة في طرف عينيها  

خلا خديجة دور عينيها بيناتهم باستفهام حتى عاودت نطقات بعدما تنهدات :سيد على لقريت جاني موكل واخا خاصنا نسولوه ولانديوه راقي يقولينا اش كاين

بقات صامدة مكانها خديجة متكلمات مردات خلاتهم بتعجب يشوفو في بعضياتهم ويرجعو ليها شوفة لقاوها جرات لكرسي جلسات عليه حاطة يديها على فمها حطات سارة يديها على كتف خديجة:ماما خاصنا نكونو قويين باش نساندوه ونوقفو بجنبو ..

هزات راسها فيهم :شكون يكون دارو ليه

تنهدات وتربط ليها لسان خايفا تطيح ذنب لشي حد ....

ناضت من مكانها خديجة وقلبها ضارها على فلذة روحها تعمات وتوجهات الصالون عندو عنقاتو وعليه بداو دموعها يسيلو ..دموع الفشل ..الإحباط والألم البليغ إبنها البار ورجل الدار هز عليها الحمل وجلسها أميرة في الدار 

خلات عائشة وعبير دموعهم يسيلو ...

تنهدات حفصة وعلى رنين التيلي حنات عينيها ليه شافت المتصل وناضت موجهة لبيت وكتلفت وراها .......

 ❤❤توقعاتكم وأراءكم حبيباتي 

هادشي كاين في مجتمعنا علاش قصة واقعية وليست بالحقيقية 100%

فيها أحداث واقعية حقيقية 

ولكن هنا الواقع  يعني ماشي أشخاص معينة بل يوجد الكثيرون  في مجتمعنا وهادشي ماشي وليد اللحظة 

💦عندما ينقلب السحر على الساحر💦

❤البارت:200❤

طلات وراها ومن بعدها سدات الباب فتحات الخط و لحمام توجهات قفلاتو بإحكام وعلى لاشاص استقرات رادة على صوت كوثر لكتسكت في دراري لمنوضين الفتنة ...

حفصة:الو كوثر 

ردت كوثر بنرفزة:كيفاش هذاك المساج لمسيفطا 

تنهدات مرددة:كون تشوفي كولا مبقاش عاجبني حالو سيد تبدل 180درجة ....

قاطعتها كوثر :ياك بعد من هاديك تفكيتي ولا مايل ليك

حركات راسها بحال كتشوفها :ولكن صحتو تهلكات مبغيتوش يشد لفراش راني كنبغيه

ردت كوثر:مكتكثريش ليه الكمية 

حفصة:لا مكنظنش غير شويا كندير غير هو كنعطيه ليه في كل وجبة 

شهقات كوثر:نتي راك باغا تقتليه اش كديري 

بقات قارمة مكانها كتسرط في ريقها لجف:علاش

كوثر:مرة في النهار الحمقة السيد راك فاريتيه 

منك لراسك معاه 

قطعات عليها خلات علامات الصدمة اكتاسات وجهاا تلفة ركباتها وخشات يديها في صدرها 

جبدات الكموسة كتنهد وبرجفة كتقيس فيها حركات راسها مرددة:مبقا والو وتكمل ونتفك مابقا والو .....

💦💦💦💦

مسحات عبير عينيها وبيديها كمشات على عائشة لهي الأخيرة دمعتها وسط عينيها سارحة ...

كتحس عبير بحلقها واحلا فيه حجرا  سميكة ...و النظرة فيه مقدراتش تحبسها ..

بعد على خديجة باستغراب قاد جلستو كتنهد  على حالتو لأصبحت  في الحضيض مردد:مالك الواليدة علاش لبكاا ...

تنهدات ماسحة دموعها والرجفة كتسرا في ذاتها مرددة:مرضتي ياولدي ومافيخباريش مرضتي وانا ناعسة على جنب راحة ...

دخلات سارة وفاتن وعلامات الإستياء على وجههم جلسو صامدين مكانهم وعيون سارة كتفليه من راسو لرجليه تنهدات وهي كتسمع في خديجة كتسولو على الأعراض لكيحس فيهم ..جبدات وذنيها وليه وصلاتهم كتسنا بفارغ الصبر تأكد وتقطع الشك باليقين قبل مايتاخدو خطوة القادمة

بدا يحكي ويفش قلبو على لجاري ليه من يوم يومو حكا الصغيرة وكمل بالكبيرة وهو كيسها مرا مرا حتى تفيقو خديجة ..

خلا الكل عينيه خارجين فيه من هول الصدمة 

دمعة نزلات من خد سارة مرددة :الله ياخد الحق الله ياخد حقك من يدين الظالمين 

رمقها باستغراب وشك حتى رددت  سارة وفي عينيها دمعة خارجة:بغاو يرزيونا فيك اخويا بغاو يقتلونا (ضرباات على صدرها)ناري ونصيب لدار ليك هاد الحالة نهشو بسناني وناكلو (هزات يديها لسما كدعي وصوت تنغنيغ كفا ووفا مرددة:يارب بين الظالم وكشف وجهو يارب مرضو ورزيه فصحتو يارب

على كلام سارة هزات عينيها عبير فيه كتشوف النظرة الإستفهامية لعلى وجهو ورجعات تشوف في سارة لنفاعلات ومبقاتش قدرات تسكت غافلة على الصغيورة لبدات تبكي وتجر في حواجها ..

تكلمات فاتن بعدما شافت ختها مغاديش تبقى تسكت حتى تبرد من الأمر مرددة:شي واخد اخويا دار ليك توكال خاصك راقي

شهقات عبير وتبعاتها عائشة مخلينو هو الضحكة بالصدمة ترسمات على وجهو  :كيفاش توكال  كتضحكي لا شكون غادي يديرو لي حذرات عينيها وفي حفصة وجهاتهم لداخلا مع لباب .......

💦عندما ينقلب السحر على الساحر💦

❤البارت:201❤

استقرات عينيها عليها حتى جلسات وقلبات وجها من عليها كتحاول الطرد الأفكار السوداء لسيطرو على دماغها مخلياها هي تشوف بإستغراب في حذيفة لمزال ضحكة الصدمة على وجهوو كتسنا في الجواب المبهم...

تسمع صوت سارة وهي كتردد:كلشي في التيليفون تسنا ..(جبدات التيلي ودارت الغوشيش جبدات الصفحة وليه مدات )

تحنا على تيليفون كيقرا وعينو كيتحلو مع كل حرف دخل لدماغو ...

ثواني أصبحو دقائق من السكون التام .. صوت القلوب ل بالخوف تهزو على لساكن قلبهم ..بالخوف رجفو على سندهم  في هاد الدنيا ول بالخوف عينينم كيدورو وجسمهم برد على كشفهم  مقادرين ...

حط تيليفون جنبو وتكا على الحيط وراسو في الثريا سها غايب على الوجود كيفكر في علامات لعليه وباينين وكيشوف راسو كيفاش كان معمي ...بزاف الأسئلة دخلات لدماغو واستقرات روناتو ورجعاتو غمض عينيه وحلهم بتعب ...

ناض ياسين حالتو ماشي قل منهم لما لا وكلام سارة على خوها ومعامالتو الطيبة ليه خلاتو  بين عينيه طيب و ولا من عائلتو وقلبو ضرو عليه ردد:نمشي نشوف فقيه جامع نهضر معاه الا مكانش هو يوريني شي راقي ...

خرج خلاهم ساهين في مكانهم وصامدين تاحد ماتكلم الا العيون لكلامها بوحدو ..

عيون حفصة كتراقص  وعلى عبير ...سارة وخديجة كدوز ... الجلسة حسات بيها طوالت وعلى الشوك جالسة كتدور الأفكار في راسها وخايفة لتكشف وطيح في الحفرة لحفرات بيديها وعلى كلام ختها مشات ...

تنهدات متجنبة نظرات سارة لفينما يتلاقاو عينيهم قلبها كيضرب من الشوفات لكدير فيها .....

ناضت مخلياهم جالسين على نار والكلام محبوس في حلقهم ..

سدات عليها باب البيت كترجف وتمشي وتجي في البيت مدة وسمعات صوت ياسين  تلفتات والمصدر الصوت مشات فغرات الغرفة قليلا كتصنت لكلامو ولقلبها حسات بيه تهدأ ملي سمعات  حتى الغدا ويمشيو عند الراقي ..سمعات ضجيج لسرا وهما كرددو:حشومة عيب هادشي مكتعطلش 

سدات لباب ولتيليفون حلات مدوزة نمرت ختها الأصبحو أعداد الإتصالاتهم لا تعد ولاتحصى بسبب أفعالهم الشيطانية ..

ردت عليها قائلة:اش واقع تاني 

ساطت مرددة  :مشيت فيها اختي هادي اللخرا ليا

ردت كوثر:اش واقع اختي مني فيك هاد الخوف كامل ماتلاحيش بحال القلية  

مسحات على وجهها :غادي نتفرش غادي نفرش 

رفعات صوتها :تي قولي اش كاين بلا ماطيحي ليا الما في الركابي 

حفصة :عرفوه موكل وقالك فقيه مافقيه يجي

شهقات كوثر : غادي يتبطل ويرجع كيف كان الا تقيا كلشي 

عرفتي اش ديري بقاي تعطيه متقطعيش داكشي نتي

خرجات عينيها:شوفي انا فين ونتي فين

ردت كوثر:كلامي راك سمعتيه متقطعيش 

حيدات التيلي من وذنيها قاطعة وعينيها خارجين في الباب لتحل عليها....

💦عندما ينقلب السحر على الساحر💦

❤البارت:202❤

شافتو داخل عضات شافها كتشوف تعابير وجهو واش كتوحي بشي حاجة ولكن البرود والألم ظاهر على وجهو كيبينو العكس....

  تسرح على السرير كتنهد ويغمض عينيه ويحلهم حتى حس بيها حطات بيديها على يديه دور وجهو جيهتها كتنهد 

رددات:خاصاك شي حاجة ندير ليك شي قهوة 

حرك راسو باه

ناضت موجهة لكوزينة و طالقة وذنيها في الأرجاء حتى دخلات وتوجهات البريق ...

حطات جوج طاسات وطفات على البريق...خوات الحليب ونيسكافي ...

تلفتات كتشوف وتسمع الا كاين شي صوت قريب ..تنهدات ملي مالقات ولا سمعات حد وجبدات الكموسة  خوات في الكاس كمية ورجعاتها لمكانها وهي كتعبر شحال باقي ليها فيها..

 يالاه غادي دير الكيسان في بلاطو سمعات صوت الرجلين تنهدات كتهدأ تنفسها والطاسات  هزات وعقلها غايب دارتهم في البلاطو 

ودارت حتى كتلقا فاتن واقفة على الباب

طلعاتها ونزلاتها كتشوف في البلاطو  وبعدات عينيها عليها في صمت داخلا تشرب ..خرجات كتبلع الغصة ولبيت موجهة  كتلفت وراهاا ..

ساطت حالة الباب بيد ودخلات البلاطو حطاتو فوق طبيلة وهزات واحد فيهم  عاطياه ليه مرددة:غادي نشربوها ليوم اونصومبل ..

تبسم وجلس شادها من عندها رشف منها..عاد تلفتات تهز كاسها ورجعات جلسات حداه رشفات منو ودورات عينيه ليه لمكونسونطري مع الكاس ...

كملات طاستها وحطاتها في جانبها وغمضات عينيها متكية على السرير ...فجأة حلات عيونها على وسعهم ... جلسات بلا عقل خلاتو تلفت ليها باستغراب ...

تلفات وحسات بالأرض ضارت بيها حطات يديها على فمها كتحاول تذكر طاس ديالها... 

رجفات والخوف تسلل لعقلها ولعب بقلبها لعب ...و على تلاعب طاس لقهوة  جمدو ليها الأفكار ..

ناضت الطواليط مخلياه متبعها باستغراب ....

هي لسدات عليها كتدور في الأفكار حتى ضربات راسها مرددة بخفوت:مكلخة فين كان عقلي اش درت اش درت غادي يوقع لي بحالو لا مايمكنش اش درت اش درت (غززات سنانها)ومسكات شعرها جراتو مغددة .. .تركنات جالسة في الأرض وتشوشو الأفكار في دماغها...

💢💢💢💢

 الخبيث يقدر يكون يظاهر باللطافة المفرطة وهو شيطان ناوي ليك الشر و على الغدر مكمد وحاط الراس ...

 الشر وقساوته مخلفاته عميقة وأكثر عمقا وشدته بأعماق ...

الخبيث شحال قدو يحفر ويحفر للأخيه المسلم و في الأخير كيطيح فيها هو  بلا هواه ولا تفطن ليه الفكرة في الذماغ

💦عندما ينقلب السحر على الساحر💦

❤البارت:203❤

حلات الطواليط وخرجات كتحرك براسها بلا  مرددة:اش درت ويلي خرجت على راسي 

كضحك وتبكي في نفس الوقت والدمعة في طرف عينيها ...

جلسات حداه وبحال مكاينش خلاتو باستغراب يشوفيها ...ومن كلامها لكتردد وبكأنها كتكلم غي راسها ..

تقاد في جلستو وحاول ينوض عندها عاض على شفاهو

حط يديه على كتفها وجلس حداها بألم ...

هزات فيه عينيها ووقفات بعيدا من عليه كتردد:بسبابكم بسبابكم وقعلي هكا لا انا مدرت والو لا نتوما خايبين بغيت نرد بغيت نرد مبغاش يخرج لي هاداك ..

تنهد مستغرب من حالتها لجاتو غير عادية بالمرا ...كتخرج ودخل في الهضرة وتبكي وتضحك في نفس الوقت ..

وقف وهو ماقادر وعلى الصداع ماصابر ....

حل الباب وتوجه لصالون متكي على الحيط وقف عليهم خرجهم من سكونهم لملاحق المكان مردد:حفصة واقعة ليها شي حاجة  شوفوها راني مبقيتش قادر ...

ناضو كاملين من غير عبير وعائشة وعلامة الخوف متجمعة في وجههم دازو من عليه خلاوه كتعافر باغي يجلس ..

حتى وقفات عبير موجهة عندو وتوازنها كختل خايفة من ردة فعلو ولكن قلبها حكها عليه حتى مقدراتش تشوفو محن ومقادرش يوقف ..

حطات يديها عليه بلا ماتشوف فيه وزيداتو في سكون حتى لسداري وجلس فيه حاط  راسو على الحيط ...بعدات عليه وعينيها لاصقة على ووجهو لتبدل ومن صفاءو دبل 

تسمعات غوتا حتى هز راسو  من على الحيط غوتة خلات عببر تنوض ووراها عائشة خرجو خلاوه كتنهد ويدور في راسو بالحوقلة 

توحهو لبيت وقفو كيشوفو حفصة طالعة فوق السرير وكترعد وفمها كيردد غير :لا لا لا 

مخلياهم وقفو صامدين مكانهم وعلامة الدهشة مكتاسحة حيز كبير من وجههم ...

وقفات صامدة من تركال فوق السرير وصوبات عينيه 

نزلات من فوق السرير وليها توجهات علامات الشر على وجها

جرات عبير من شعرها حتى غوتات ومن يديها بدات كدفع فيها مرددة:طلقي طلقي..

شدها ياسين كيبعد فيها وخديجة وفاتن حتى هما والو كنزات عليها وعلى لسانها:كلشي بسبابك كلشي بسابك (جمعات التفلة ملي فكها ياسين وعلى عبير رمات )

خللتها كتمسح فيها والتعجب والصدمة على وجها جلسها ياسين على السرير كتنهج وكتدور وجها يمين وشمال وتحك في شعرها :لا مايمكنش لا مايمكنش ...حتى غمضات والضحكة مع البكية على وجهها 

تكورات وضعية جنين وعلى فمها غير مايمكنش مخليا الكل مصدوم من هادشي لشافو 

معارفينها واش بعقلها ولا ساط ليها ريح في راسها خرجو مخلينها هكاك ..

خديجة:اش هادشي واقع لبنت يالاه كانت صحة سلام 

ياسين:يا صدمة هادي ولا طار ليها الفرخ في مرة سيدة ولات جهد مني ...

سارة:جهل ان شاء الله كثر ماهي حاهلة (انزاحت جيهة عبير كطبطب عليها)سمحيلينا كرفصناكم معانا اليوم 

حركات راسه بلا كتقاد شعرها :الله يشافي غير حذيفة 

دخلو الصالون ..هزات عينيها فيه  كان كيشوف فيها متكي راسو .....

هو لغير شافها خرج عينيه فيها

مردد :واش نتي مزال مابغيتي تمشي بحالك ...

مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

💦عندما ينقلب السحر على الساحر💦

❤البارت:204❤

حلاات عينيها وبقات مستقرة كتشوف في سقف لمدة قليلة وشدات على كرشها مخرجة عينيها وتحرك براسها بلاا ...

جلسات وحطات رجليها على الزربية كترجف والحالة لكانت فيه رجعات وبعينيها كتقلب على شي حد .. 

ملي لقات الفراغ والظلام رجعات تكمشات في طرف السرير وعلى ركابيها كرزات كتخشي راسها بين رجليها وتعاود تهزهم وملي كتلقى نفس الظلام كترجع تخبي وجها كتردد بصوت كيرجف وشديد الإنخفاض:"لا مايدير لي والو انا مدرت والو لا  غير محبة غير محبة (تبسمات )كيبغيني كيبغيني بوحدي" 

مسحات وجهها وهي تشهق قافزة من مكانها على صوت التيلي لبجانبها ..خرجات عينيها وبالعرض البطيئ تلفتات جهة الصوت ...

رمات يديها برعشة هزاتو ضغطات على لبطون كاملين بحال شي طفل اول مرا كيستكشف ..

بعد عدة محاولات عاد جاها الفرج وضغطات  على زر الجواب وبعدها  بدون قصد مشا صبعها  على هوت باغلوغ ... 

تسمع صوت كوثر مجهد حتى رمات تيلي بالخوف وكرشات بفمها  على الكم لبيجامة حتى سمعات تردد اسم من طرف المتصلة لي كانت كوثر ..

هزاتو رجعاتو لبين يديها ..مرددة :كوثر نتي 

ردت كوثر بتنهد:اش درتي في داكشي مزال كتعطيه 

حركات راسها بلا:لا انا مشربتش مشربتش داكشي انا بغيت نرد انا كنبغي حذيفة لا انا ماعطيتوش داكشي لشربت...

باستغراب وبصوت شديد الخوف :حفصة مالك 

ماتلقات حتى صوت من غير تردد نفس كلمة " لا لا لا"

صاحت بأعلى صوتها بغية ترجع الخط ولكن ولات كتسمع السكون المصحوب بخبطة الباب لفزعاتها..

خبطة كانت من خلالها حفصة داخلا كدور وجهها في الحمام وفي قنت  في حدا لاشاص تكمشات وجلسات كترعد ...وتشوف في الأرجاء .....

💦💦💦💦💦

جالسة مكمشة في الكرسي وحداها  فاتن كتنقي في اللوز اما سارة واقفة كتقلب في اللحم لكيطيب ويتشحر ...

تنهدات تنهيدة خلات فاتن تهز عينيها فيها وتردد:ويلي اعبير متقوليليش بقا فيك الحال على كلام حذيفة 

تلفتات سارة كتشوف يديها لي على حنكها وعلامات الحزن ظاهرة عليها:ماشي ديالك هادشي اختي راك عارفاه مريض 

عاودات تنهدات ساهية في الارض  :عارفة عارفة بقا فيا  ..عينيا كيشوفوه هكاك ولكن مقدراش نتقبلو ..ضرني قلبي عليه

تبسمات سارة كتغطي في الكوكوط :فين كنتي خازنة هادشي العفريتة  وايمتا وقع 

خرجات من سهوتها كتشوف فيها باستفهام 

نطقات فاتن وهي كتمضغ: ايمتا دخل لقليب

تنهدات والتازمات الصمت خلات سارة تردد:حتى فاتن لغشيمة ولات تعرف لقلب كنت نصخابك غير ذكر في صورة انثى

هزات كتافها ولاحت لوزة في فمها:منجاوبكش نخليك تقلاي في سمك امولات لكرش 

خلات سارة تجي تهز طبسيل كتخنزر:راك كلتيه كلو اش بقا باش نزوق يخخ

كملو حديثهم لمكتاسيه الحزن على حالة خوهم وحالة حفصة لجاتهم في شكل ...

تجبد الطبسيل وتحط اللحم وتزين بالبرقوق لمعسل بالقرفة والسنيدة  واللوز المقلي ...

هزات سارة الطبسيل لوجدات ...تاركة فاتن كتقاد في الكيسان والموناضا ....

💦عندما ينقلب السحر على الساحر💦

❤البارت:205❤

تجمعو على الطبسيل بلا نفس ولا ذوق غير صواب لعائشة وعبير ...

هزات خديجة عينيها غي حذيفة ناطقة:حفصة معرفت فاقت ولا لا 

تنهد مردد:غادي تكون مزال ناعسة 

رددت سارة كتقاد في طبيسيل صغير لبطاطا مسلوقة و لحيمة تفرتتها لعبير الصغيرة لجالسة على رجليها :كون فاقت كون جاتو زيدون اش بغيتوها تعاود داكشي لدارت غير خليوها 

هز عينيه دابلين فيها باستفهام:اش دارت 

شافت في عبير ورجعات شافت فيه:نتفات عبير 

تنهد وحرك راسو باه خلا الكل يشوف لبرود لجتاحو كأن عبير ليست بكائن 

داز الوقت وباشرو بالأكل....

خديجة ترمي دغمة في فمها و تنساها وفي وجه ولدها عينيها كتاسارا ..

هو لكان ياكل وعينيه على الطبسيل ما حيدات ..

عيون عبير حاطاهم على الطبسيل  خايفة تسمع شي كلمة تضرها في الخاطر كثر ماضارها وتكسر كرامتها لفي الحضيض تحطات و عليه مابغات  تنزاح 

تساخرو اللور تاركين الطبسيل بلحمو وشحمو  

جمعو طابلة وعبير كتنغز في عائشة لمبقاتش بغات تزعزع و لاتحرك وعلى خديجة حزنات من حالتها ..لكلامها قلال ولبسمتها اختافات ...

وقفات اخيرا عائشة وتبعاتها عبير حتى فجأة وبعد سكون كيعم المكان من غير صوت طباسل ومعالق كتغسلو  من طرف لبنات تسمع الدقان مجهد في الباب ...

التافتات عبير على وقفتها وزكات شوفة كتلتقط الأصوات ..الأمر مكانش مختلف من طرف باقي الأفراد من غير حذيفة لمتكي ولعينيه سادين الظاهر انو نايم في بحر عميق ...

دخلات  كوثر لوسط الصالون بضجيج مصحوب ملي فتحات عليها سارة لباب مرددة:فين ختي فين ختي اش درتو ليها 

خلاتهم يوقفو كيشوفو فيها باستفهام لمدة من الزمن عاد تكلمات خديجة :جلسي راه ختك ناعسة في البيت 

هزات يديها وبعينيها خارجين :كيفاش ناعسو ويالاه تكلمات معايا 

تلفتات خديجة شافت في حذيفة ورجعات شافت باغا تكلم حتى تسمع صوت بكا مصحوب كلام ممفرزش التافتات متبعة بعينيها حفصة لترمات  في حضن ختها بحال لقات حبل للنجاة  كتردد:ختي انا شربتو معرفتش داكشي كيبغيني ولا كيبغيني سوليه فين لا انا لكنبغيه ..دورت وجهها شعرها مشعكك وبيجامتها مخربقة على الوجوه لفي الصالون حتى رمقات عبير ومن حضن ختها بعدات ناويا تمشي لعندها وختها لشدات مزيرة عليها مرددة في وذنيها:حفصة اش كديري مالكي كتهضري هكا اش وقع ليك 

رجعات نظراتها ليهم:اش درتو ليها لبنت يالاه كانت صحة سلام مالها هكا ....

تنهد ياسين كيمسح في وجهو جلس  كيردد الحوقلة 

جلسو عبير وعائشة تكمشو مابقاو فاهمين والو.. تبعاتهم خديجة جالسة حاطة يديها على راسها لبدا يحرقها ..

تكلمات سارة شادة  على نصها:اش غادي ندير ليها في نظرك  سيدة عايشة كالأميرة كيبغيتيها تكون عندها عكوزة كالسكرو حنا لوسات كالحلوات وراجل  صلا ودين اش بينديرو ليها هيا راسها 

خرجات عينيها فيها مرددة:غير راسها واقع ليها هادشي(قاطعتها حفصة مرددة والشهقة شاداها :انا مدرتش انا لا لا ممبغيتش يةقع لي بحال لد....)قاطعتها كوثر بصيحة في وجههم :اش هادشي درتو لختي عطيناها ليكم وردة مفتحة اش هادشي لميعجيش

حل عينيه على الضجيج ..خصر ملامح وجهو وحاول بزز يتقاد في الجلسة وعلى الحيط يحط راسو ....

💦عندما ينقلب السحر على الساحر💦

❤البارت:206❤

زكا الشوفة في كوثر ولعينيه كيمسح تنهد مقاد على صداع ولا مشاكل حط عينيه في الأرض وكيسمع كثرة لغا والجو مشحون بينها وبين سارة عاد بكا حفصة ....

شدات لختها في يديها وموجهة بيها لبيت كتردد:ختي متزيدش دقيقة هنا حتى نشوفو شكون سبابها حتا وصلت لهنا 

رددات سارة :هاهي اختي ديها معاك بصحتكم في بعضياتكم 

تلفتات ليها مخنزرة وكملات طريقها لبيت حتى سداتو عطات صداه في الدار كاملة

رددات سارة جالسة حدا خديجة كتهدنها وعينيها على حذيفة لمغمض عينيه :لخلا وجلا بفف 

حل عينيه حذيفة بصوت ياذوب

 يتسمع:متخليوهاش تمشي متخليوهاش

عضات عبير على خدها من لداخل حتى حسات بالألم و هزات فيه عينيها بلا ماتشعر مغددة كتشوفو كيتألم وعليها مابغا يتخلى سهات في الأرض زعما عاماين نساها فيها وقدر بحب حفصة يغنيه على وجودها 

تنهدات ملي سمعات صوت كوثر كتنكر وبكاء المستمر ديال حفصة وهي كتردد لا لا لا اش درت .. بسبابكم لا (كتبسم)كيبغيني كيبغيني...

بغا ينوض حذيفة وماقدر ..تبعها بعينيه حتى ختافات  على ناظريه كتنهد 

خبطو لباب في الخرجة خلاهم ساكتين من غير سارة لبغات تاكل جنابها وبردات غدايدها في عبير صغيورة لكتنقز في جنابها حتى طلقات زواكتها 

حتى تردد صوت حذيفة لجاف مردد اسمها "سارة"

تركنات مكانها مخليا الجو سيطر عليه البرود 

ناضت عبير وعائشة ودعوهم متجنبين حذيفة  لولا طول الوقت حاط راسو على الحيط كتصنت الألمو...

خرجو بعد الوداع وبعدما خداو حوليهم لتكرض من طرف ياسين ... في الظلام الحالك مخلين سارة هي وراجلها و عبير في بيتها هي وفاتن حطات راسها تلى السداري لفي الصالون وعينها على حذيفة لعلى ذراع خديجة مستوطن وحاط راسو لخدا منو لمرض مايكفي باش حتى هو يختفي يوم بعد يوم ...

تنهدات ولعينيها غمضات تاركة تيلي يصوني ويعاود يطفا بإسم توفيق ...

سدات الثلاجة صغيرة لشراتها كازيو... بعدما حطات لميكات لجابت وهي قائلة:نفعنا ياسين مسكين كون ماجاما قطعو وديرو في الميكات 

حركات راسها وهي متكية :مساكن مشكلين وزدناها تكبينا عليهم الله يفرجها عليهم ويشافيه  يارب

سهات وهي حاطة راسها على المخدة كتنهد مخليا عائشة عينيها عليه لصقات حتى تلفتات ليها عبير ولقاتها مزال مستمرا في نظر ليها رددت :مالك 

عائشة:توكال لموكل جاني دارتو ليه غير مرتو و الله وعلم  ثاني.....

💦عندما ينقلب السحر على الساحر💦

❤البارت:207❤

فغرات عبير فمها وجلسات بصدمة:علاش غادي تبغي تأذيه

رددت خديجة بعد مدة من السكون تاركا عينيها عليها كتسناها:لعيالات  خايبين ابنتي ماعارفاش اش كيدور في راسهم و لا لعالم بيه قلبهم ..كاين لقاطع يديه من الرحمة ومعميين ليه لبصار وتبغي دير راجل في صبعها تلعب بيه .. 

عبير :راه كتعرف بينها وبين الله اماما وعائلتها ناس ديانين .. نهار زواجها على القرآن  باها وخوها قراو وصوت عندهم ماشاء الله عليه ...

رددت كتدور لجهة الأخرى:معرفت انا غير شكيت وصافي الله يسمح ليا 

تسمع صوت شخير عائشة دليل على غرقها في نوم ..تنهدات  وفي سقف استقرات عيونها السود وعلى شعرها كتحك كتفكر وتعاود ...

موضوع أرق عينيها و نوم حلف لبغا يحالف جفونها ...

تقلبات يمين وشمال وعلى الراحة ماستقرات ..تنهدات بخفوت ورمات لمانطة من عليها وجلسات ساهيا لبعيد ..نغزها صدرها من حالتو وتزير خاطرها من حفصة تكون مولاتو حركات راسها بلا وهي كتقول:"مايمكنش مايمكنش توصل بيها تالهاد الدرجة"

مسحات وجهها  ولاحت ظهرها على الفراش في إنتظار تلقى النوم .......

تفوهات لايحة علية المانطة كدور عيونها على عائشة لبلاصتها خاوية ومطوية ومقادة تلفتات الباب كان محلول ..هزات التيلي من الصاك لمرمي حداها ولقاتو طافي ساطت وناضت دايراه في الشارج  وبقات جالسة كتسنا في عائشة لفي طواليط غادي تكون ..

دخلات عليها هازة سطلتها صبحات عليها وناضت موجهة لطواليط مخلياها تصلي صلاتها... ودعوات لحذيفة مقصرات ..

دخلات لبيت ولفوطة هزات..مسحات وجهها ولتيليفون هزات شعلاتو وعلى رقمهم ضغطات ... ماتلقات حتى رد وهي تنهد كتحرك راسها لعائشة لب الإستفهام كتبادلها النظرات :مجاوبوش اماما

حركات راسها وحنات باغا تهز لمجمر باغا تخرجو لحدا لباب يشعل ..خرجات لحيمات في ميكة لتحت ..قطعات اللهبرة ولاحت عليه العطرية مع شوية زيت ..خلطاتهم وفي القطبان دارتهم و وعلى شواية ستفاتهم ... حطاتها في البلاطو في انتظار لفاخر يزهر ..

كملااات لهبرة لمزال في التقطاع تاركا عائشة تكلف بشواا و على الفاخر تخليه يتجمر 

سهات  قدامها وهي كتقطع حتى هربت صبعها للذغها لموص فيه رجعات عينيها الأمامهاوهي كتلقى الدم فاض ناضت الطواليط .....

خرجات وهي كتنهد ..كملات باقي الهبرة وبالزيت رقداتها مع باقي العطور ..دارتهم في إناء بغطائو مرفوق وفي ثلاجة مسكون ...

حطو البراد ديال اتاي والخبز مرفوق بالقطبان لريحتو فاحت في المكان ...تيليفون من يديها ماحيد وفاتن و سارة تيليفونهم مارد ..تنرفزات والقطبان الشهية مكالوها في خاطرهم ...

💦💦💦💦💦💦

كيف صبح الصباح وضوا بشميشتو توجه ياسين لسايق مع خديجة ..فاتن وحذيفة  لتعب زاد كسا معالم وجهو الجميلة وصحتو تهنكات...لفقيه  لوجههم بدورو  لراقي ...

بعد الكلام وأسئلة لكجاوب عليها  وهو قواه منهكة ..

جاوب وعاود جاوب حتى تأكد الراقي وقطع الشكو باليقين و بالرقية الشرعية الصحيحة قرر يبدا علاجو  باتباع طريقة النبي صلى الله عليه و سلم  في الرقية من سحر 

اوراق السدر  في إناء مع الماء كافي للغسل يقرأ عليه سور و أيات بينات من الذكر الحكيم ثم يغتسل به 

تنهدو وهوما خارجين متأملين الشفاء  في طريقو وكل يقينهم بالله سبحانه ..راجعين أدراجهم و الراحة مكتاسية وجهو المنهك سها كيفكر في شكون لغادي يأذيه وهو مكيأذي حد بالعكس عزيز عليه يساعد و يعاون شكون لبغا يدمر ليه حياتو و يوقف طريقو (تلفت شاف في هديجة لتعب مسا ملامح وجهها )شمون باغي يحرق ام على كبدتها ... 

حل الليل بظلامو..حطات تيليفون قاطعة مع سارة و الفرحة حلت على فؤادها وتركت الإبتسامة صغيرة اتستوطن شفايفها ..

بشرات بالخبر عائشة لرددت :الحمد الله الحمد الله متقياش 

ردت:معرفتش قاتلي عطاهم شي حاجة يغسل بيه 

رددت عائشة:ان شاء الله يرجع كيف كان

تنهدات :ان شاء الله غادي نعس ماقادا على عشا 

تكورات مكانها مخليا عائشة تنوض تصلي لعشا ...........

الليل علاين يحيد ستارو المظلم وتجاوزو الشميشة بضوها المشرق ..

تقلبات كتحك في وجها وعلى الدقان في الباب حلات عيونها ناضت مكتشوفش قدامها موجهة لباب وحلات بلا ما تفطن  براسها ....شافتو قدامها فغرات فمها بصدمة  مرددة:حذيفة ......

💦عندما ينقلب السحر على الساحر💦

❤البارت:208❤

تبسم ليها وليديها شد كتنهد طبع في كفها قبلة وبصوت باهت ردد :سمحيلي وبراسو تحنا  عاود كيقبل في يديها تبعاتو بعينيها فغرة عينيها فيه بصدمة ..قلبات عينيها في نواحي وجرات عندها يديها بالحشمة  قائلة:بريتي 

حرك راسو باه وعينيه كيلمعو بحب:بغيتك غير تسمحيلي 

تبسمات وتلاحت على حضنو استوطناات بادلها العناق ..ولنيفو خشا في شعرها كتنفس بعمقق 

ويردد :توحشتك توحشتك توحشتك 

زادت تخشات فيه مغمضة عينيها ونسمة البسمة افتاتحات شفايفها  ......

💦💦💦💦💦💦

مخشية وسط المانطة والدمعة نازلة على خدها الهش مسحاتها وتكركبو دموع اخرين بعدها حتى عيات وهزات تيلي لحداها ..دخلات لواتس ولبروفيلو استوطنات...كبرات الطوف ودوزات عليها بيديها كتحاول تلمس ملامح وجه الشاب ...

تنهدات ودخلات المحادثة كتقرا أواخر لمساج لبيناتهم ولمدة أسبوع باش نقاطعو ..

ركزات بنظراتها على حروفو لفي دماغها رسخو وبقلم حاد تكتبو وعلى قلبها تحطو ... "لبيناتنا هنا سالا وهاذاك لحرام شوفي منين جبتيه انا نيفو طالع عليك ولبحالك غير ديال ليلة انا تواضعت معاك وبقيت معاك هاد سنين "

دمعة رجعات بحال الشلال كتساقط على خدها ...

دخلااتها صدمة وهستيرية مرعبة لاحت تيلي مقدراتش تقرا ميساجاتها لسيفطات ولماشافهم حيث بلوك كان حليفها ...

كرزات على كرشها ومن الشهقة تذوقات ..سهات في أيامها معاه و لمن الأول كانت غالاط في غالاط ..سهات كتفكر في الفلوس لشفرات لمها وليه عطات ...سهات في الماكلة لكتخرج طايبة من دارهم وليه تعطي ...

سهات في لكادو لكانت كتشري ليه في كل مناسبة او ذكرى ...وهو فين في هادشي لاشيئ في لاشيئ ..مكتفكرها الا وبغا فلوسها ...(تنهدات راميا الغطا وفي الظلام الحالك ناضت الشرجم حلاتو مخلية برد يضرب في خصلات شعرها وتبوريشة تركبها ..نزلات عينيها لكرشها وعليها كرزات )سهات لبعيد كترجع الذكريات لملي ولا يطالب بالكثير فاق الفلوس والماكلة بدرجات و لمن حبها ليه قبلت وحيدات بنت الدار  وتلبسات  بنت الزنقة ...تلبسات الدل وذاقت مروريتو حتى فات الفوت ولكرش لحرام دخلات..

غمضات عينيها وحلاتهم على الأيام  وشهور لولاو مكيختالفوش على المزوجين الا بعقد النكاح والشهرة عرس ...عطاتو كلشي جسدها روحها وحياتها لأصبحت كتفكر فيه صباح مساء..أصبحت شديدة الحرس ..وعلى تيليفونها مخدمة العسة ..

سدات الشرجم ملي ضرها لبرد ...ورجوعها لبلاصتها كان السبيل ..

رجعات توسدات الوسادة لشهدت على ابتسامتها وعلى حديثهم في تليليفون و الآن أصبحت كتشهد على البؤس لترمات فيه وذقات من كاسو لمرولذغها بسمو ...

مبقاتش تاكل ولا تهز ولا كاس غير جالسة ومن الإكتئاب خدات ...

مبقاتش مدياها لا في مها  لمن نهار تحرقات ومشا ليها  الوجه وهي مع النكير تافقات وعليه مابقات هدات ...

ساطت كتسمع الأذان الفجر ..تكمدات في المانطة كتلعن النهار لحبها طاح فيه كانت هانية وعايشة وحلمها راجل يهزها من هاد الدار وترتاح الان أصبحت عالة..موسخة وبالذنوب تلوثات .....

💦عندما ينقلب السحر على الساحر💦

❤البارت:209❤

كتفكر وتسها ولا حل كتلقى غرقات حتى مبقاتش فرزت بين الصح والصواب ومن الخوف عانات ومزال كتعاني في صمت معارفا شنو يدير باها ليها ولمن المعزة كانت مقطرة ..نظرة مها لمن العاصاب زادت أضعاف والغوت والمعيار في فمها ولا  بحال سلام عندها.. اما خوتها كتحشم والخوف منهم أكثر عاطينها التيقار و مابيناتهم الا السلام و سؤال على الأحوال ...

عيات بتخمام ومحسات حتى داتها عينيها والدمعة سايلة منهم .....

.......

واقفة فاطمة في الكوزينة كتنكر ومن كلام ماناويا تسكت  وجهها محروق ومن دار مابقات خرجات من نهار كتاب لمكتاب والعملية لماقدرو ..وهي كتدور مابين الكوزينة والبيوت ...

هزات الصينية واللبيت موجهو ولصوتها رافعة كتردد إسم " أميمة" ..حطات الصينية ورددات اسمها مرات حتى عيات وهزات الكاس كتعمر ليها اتاي كتردد :يخ على عيشة كيف دايرا وعلى ولاد كيف دايرن وراجل تفوو ..

هزات عينيها في الباب  وقادات الجلسة كتسمعو مردد:مال راجل 

تبسمات :والو الحلوفة تاع اميمة مناضتش عصباتني 

تنهد وجلس حاط فوق طابلة جوج  خبزات :كبي ليا شي دكة افاطمة

لبات طلبو ولبراد هزات ...حطاتو حداه وحدرات راسها  .حتى سمعاتو عاود قال:نفطرو بالخبز واتاي  فين شوا  واللحم و لا غير شي  زبيدة فرماجة عسيلة زويتة بلدية بعدا 

رددت بابتسامة صفرا:جلست وبغيت اميمة لتقضي زعما ساعا شمش غادا تمشي وهي على نعاس مابغات تنوض  شوا نخليوه حتى لغدا حسن 

عاودات نادات باسم اميمة و لا مجيب تنهدات وناضت قاصدة الثلاجة كتجبد في متبوعات لفطور و في بلاطو ستفاتهم. ..

حطاتهم على الطابلة خلاتو خاشي وجهو كيغمس ويخشي الدغمة كبر من يديه ...

عوجات فمه مرددة بخفوت"الله يستر"

حلات بيت اميمة و على ريحة النعاس خسرات ملامحها رددت كلمات بصوتها المرتفع خلاتها نقزات من مكانها قافزة و بيديها على قلبها شادة قائلة:الله اميمتي واش درت ليك مالك على هاد الغوتة...

دخلات كتخنزر حلات الشرجم مرددة:تبارك الله على لبنات لعطاني الله تبارك الله على لمعاوناني واقفة بجنبي ...

حطات يديها على راسها كتصنت لموعظة الصباحية...

لاحت المانطة وخرجات موجهة الطواليط مخلياها من كلامها مبغات تهد ولا تعيا ....

حلات الروبيني وعلى وجهها طرشات لما حتى حسات براسها فاقت وخاطرها عليها تكلع تحنات كتقيا لمرار وعلى كرشها شادة سالات وعلى الحيط تكات كترد النفس عاودات غسلات وخرجات موجهة لبيت ...صبحات على مصطفى لمن يوم يومو ...وهو  غير الدار ..فرغ المحل لذاق من الخسارة حتى شبع وماتفك من الديون حتى حط المحل و من ملكو سقط مابقا ليه  غير الدار لكرا منها طبق لكانت فيه عائشة باش عايش اضافة الا طه وعمر لمناسينهمش وهوما معاهم في الحزة والرخا ....

💦عندما ينقلب السحر على الساحر💦

❤البارت:210❤

كال وشبع وبعد كيحك في الكرش لخرجات ليه مع كثرة الماكلة و الجلوس ...

 تلفت متبعها بعينيه وباستغراب كيشوفها غارقة في طبسيل ومكرهاتش تاكل بجوج يدين ماشي غير بيد .. تخشي دغمة زبدة والعسل وتعاودها بدغمة من زيت والفرماج وتعاود دغمة من شكلاط ....كلات وشبعات ولطباسل خوات عاد بعدات كتكرع وتنهد بتعب...

هزات عينيها في مصطفى لعينيه عليها بصدمة ...حشمات ونزلات عينيها  كتشوف في الزربية مخلياه كينكنك :الله يستر الإسراف بعينيه هذا غادي تكملي لينا لماكلة في سيمانة هادشي الا مكانش قبل 

ناضت على صوت فاطمة كتغوت باسمها  ناسية كلام باها ..هزات الصينية غادا بيها ماشافتش العتبة حتى تعكلات وطلقاتها بصيحة خلات فاطمة تخرج من لكوزينة طل حاطة يديها على فمها من صدمة البراد لجديد وشراه ليها طه غالي لمناسبات ومن فرحتها معمرا بيه حتى كتشوفو كتقلب في الارض وخوفها عليه

 لا يضغط ..سامحة في بنتها لطاحت  وعلى الدنيا غابت..هزات  لبراد  كتقلب فيه حتى سمعات صوت مصطفى كيردد باسم اميمة ومن صوتو الظاهر انو مخلوع ...

هزها وعلى سداري حطها خلا فاطمة تصغر عينيها على البقعة الدم الصغيرة  لتحت اميمة كانت ...مطات يديها مساتو بيديها ودخلات الصالون تقلب واش  شي جرحة تجرحات وبي عينيها ماحبسات الملاحظة  وتفتاش حتى قفزها 

صوت مصطفى:جيبي شي ريحة ولا شي حاجة باش تفيق معرفت مالها ..

تنهدات غادا وتلفت فيها...دخلات هازة بصلة وعلى  نيفها حطات خلاتها تحل عينيها والجلسة قادات كارزة على فمها من الألم المصحوب  ....

بعدو من عليها في صمت مخلينها ناضت من قدامهم وعلى كرشها شدات من لوجع الأحاط بيها خلاتهم متبعيتها وعلى بيجامتها لفيها بقع الدم استقرات عينيهم  ..فرزات الدم منين جاي ...وناضت كتنكر كتكمل في شغلها  مرددة:"هادشب لي بقا دابا واحد موتا حمار غادي ديرها سبعيام ولكن انا وجه اش داني لشي زواح ولاد يخخ"

💦💦💦💦

حلات عيونها سود و الإبتسامة  على وجها دورات وجهاا في بيت  ونزلاتهم لمخدة لمعنقة لاحتها بشرود وهي ساهية ..جلسات كتحك في عينيها وتشوف  في عائشة لعاطياها بظهر كطيب في اتاي ..تنهدات ومسحات وجهها وهي كترجع لواقع من الحلمة الحلوة لسيطرات على عقلها وفرحات احاسيسها ...تعنيقة في الحلم كانت جرعة زائدة ووجهو لمنور زاد انفرج بيه صدرها هزات تيلي وبالإتصال ربطات الخط مع سارة جاوبتها كتمضغ مرددة الو عبير

ردت عبير بصوت نعسان : وي سارة كيبقى حذيفة  كلام خلا عائشة  تلفت ليها متبعا مع حديثها وعلى خبارهم بغات تصبح 

ردت سارة بعدما سرطات لكان معمر فمها :دار داكشي لقاليه الراقي مغاديش يبان داكشي داغي كيبغي الوقت ومزال عندو حصص اخرين كنظن ليوم غادي يقييه 

حركات راسها عبير كتنهد :ان شاء الله يرجع كيف كان وحفصة شفتوها 

ردت :والو ماعيطنا ماسولنا حتى لبدا يتحسن حذيفة ونمشيو واخا راه حذيفة باغي يمشي يشوفها كيف بقات لمهم غادي نقطع دابا رااني في الخدمة جي عندنا 

حركات راسها عبير بلا بحال كتشوفها مرددة:مرا خرا ان شاء الله......

مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

💦عندما ينقلب السحر على الساحر💦

❤البارت:211❤

قطعات لابيل وناضت موجهة لطواليط مخلية عائشة كتقاد لفطور وتسها مرا مرا في حال خديجة وولدها  وتستغفر الله فينما طيح حفصة في واجهة الشر ...تجمعو على مائدة الفطور كياكلو في صمت من غير صوت لملعقة ولموص....

💦💦💦💦

حل عينيه كيتنهد ويذكر الراحة لحس بيها ملي اغتاسل بالما المرقي ..غمض عينيه وحلهم وناض موجه لطواليط غسل وتوضا متجنب ريحت فمو لمزال كتنرفزو توجه القبلة جلس على الصلاية وقام صلا جالس ....

صلا وطلب الله سبحانه يحلل عقدتوويتفك مرضو و يبانو عديانو طوا الصلاية وخرج كيسمع صوت الشقية الصغيرة تبسم بابتسامة باهتة ولمصدر صوتها رنان توجه ...

دخل كتبسم وهو كيشوفها كتنغنغ وتجر في بيجامة خديجة مرددة:ميم ميم ..

شدها من يديها ومشاها لطابلة جلسو تحنا هزها عاض على شفاهو حطها على رجليها ... وتحنا كيبوس فيها وهي كتبسم من الدلع لكتلقا ...

حطات راسها على صدرو و بيديها الصغيرة كتلعب ليه في صدايف التريمو لابس هز عينيه في خديجة لبسمة جافة على تقاسيم وجهاا 

تنهد :ايوا الالة خديجة اش  كطيبي لينا لفطور...

هزات ااخبز حطاتو امامو ورجعات هازة صينية

 مرددة:الا قبلتي علينا فطور صحي 

تبسم:لهلا يخطيك حس بعضة لسعاتو في صدرو ونزل عينيه لعبير لقاها كتشوف فيه شوفات لمش كترمش وتلبد في عينيها تبسم ونزل كهرها من كرشها وهي من ضحك ماهدات ....

حتى عيات ولا وجهها حمر خداتها من عند خديجة وقاد جلستو كيتسنا لكاس اتاي مشحر تكبو ليه خديجة لمرافقاه في الجلسة ...

بدا ياكل  ويمد لفتات الخبز لصغيرة لكتسناه في صمت 

هز عينيه في خديجة لمرددة : كيف صبحتي واش شوويا حسن ماكنتي

غمض عينيه وحلهم كيحرك راسو باه:شويا الحمد الله نتبع معاه

نزلات عينيها على الطابلة:معرفت اوليدي فين كان مخبي لينا هادشي يالاه كنا صحا سلام انا نشكي الله لسباب الله ياخد فيه الحق ..

ساط وبنرفزة ناض متوجه لبيت ..صونا على ياسين لكان داير معاه باش يمشيو عند الراقي  ..خبرو راه في طريقو عندهم لبس وقاد حالتو  وجلس كيستغفر في السرير حتى تاصل بيه وعلمو بلي وصل وكتسناهم عند لباب ...

خرج كيدور في عينيه ورما لخديجة لكلام وخرج بلا مايتسناها تنطق تنهدات وشغلات راسها بامور الدار وعبير باش تجنب تفكر في الأمر لأرقها وخلاها بلا راحة ...

دخلو عند الراقي  بعدما سولو على حالو عطاه عشوب  كان موجدهم ليه شربهم وجلس غلى ركابيه فوق طابلة بعيدة على الأرض ب 40سنتمتر  محطوط أمامو في الأرض إناء للتقيؤ ..حط يديه  اليسرى فوق الطابلة  واليمنى كيحفز تقيئ بوضعها في فمه....تقيا الخيوط لكان يتقيا في الأول وزاد بداكشي أصفر .. خسر ياسين وجهو والراقي مردد "الحمد الله الحمد الله بشيفا و الصحة بشيفا والهنا"

 كمل وناض فاشل جلس على كرسي راد راسو لور كيرد في نفس  وكتنهد براحة ....

بعد مدة من الراحة ناض وخرج أحسن بكثير ملي كان  داخل 

لبسمة استشعرات مكانها وفي الطريق كيبهج عينيه لكانو تغطاو وعماو على الأرض ..حك على صدروو وطلعو لدار بمساعدة ياسين حلت خديجة ومن البسمة لعلى وجهو فرحات ..ومن لباب كتسول حابسة عليهم طريق وكيف رماو ليها الخبار زفت زغروتة حلوة  تسمعات في أرجاء العمارة ....دخلو لدار واسد لباب 

و بضحكة عبير بسينينات زاد وسع بسمتو وبلا مايشعر هزها لاحها في سما وهي كدغدغ من ضحك ...

..

جلسو في البيت مجموعين وسارة رفقة فاتن فرحانين... مجمعين رجعت ليهم البسمة في نهارهم حمدو الله وشكروه وبراحة تغداو....

كال ودخل لبيتو يرتاح من الأرق والتعب الظاهر على محياه ...حيد حواج لخروج لاحهم في للأرض مبدل بحوايج الدار ..تنهد وتحنا فوق الزربية بدا يجمع فيهم حتى طاحت عينيه على شي حاجة في جنب السرير صغر عينيه وقرب بيديه ليها.....

💦عندما ينقلب السحر على الساحر💦

❤البارت:212❤

رما يديه هزها ووقف كيتنهد  كيقلب فيها من برا يالاه غادي يفتحها تسمع صوت دقاان مجهد في باب الدار  خرجو من خلوتو .... حطها حدا راسو وتوجه لباب لبيت بخطوات تابثة حلو كيسمع الصوت زاد جهاد..زاد موجه بخطواتو الأنهكها تعب وخاد منها مايكفي ليخليها خطوات غريقة ....

وقف وتكا بظهر و على الحيط مربع يديه وبعينيه كيشوف الدخيلة كوثر لقرجوطتها بغا تخرج كتصيح وتغوت بأعلى صوت ..

صغر عينيه وخبط بالحيط على يديه مهدود ..حتى بدا الهدوء يعم المكان ... وبشكل تدريجي الضجيج كيتساقط ملفتين وجههم ليه ..حتى تمت قاصداه .. وقفات عينيها خارجين فيه مرددة: محشوماش عليك لبنت شبعتي منها سستيها مبقيتي سولتي لا كيف دايرا وعارفها كيف خرجات من هنا ..الله ياخد فيكم الحق هادشي لغادي نقول (طلعاتو و نزلاتو)حول ربي فيك و من وجهك طير البركة 

دازت من عليه  مارة لبيتو خلاتو تنهد ورجع تابعها بعدما لقا نظرة باهثة عليهم لقاهم واقفين من سم الكلام لنطقاتو ...

حل الباب لكان مسدود وجات عينيه عليها واقفة صامدة امامو بجلابتها السوداء ويديها وراها وجهها صفر وعينيها خارجين ..

قلب عينيه من عليها وردد :  اش دخلك لهنا الالة لبيت راه حرمة ولا معارفاش 

سرطات ريقها مرددة:بيت ختي و جيت ندي ليها شغلها هاديك لمرا ماديتش كلشي ...

مشات بخطواتها البلاكار  وهي كتخشي لهازة في مم الجلابة ...حلاتو وعلى فاليز حطات يديها ...هزاتها فوق السرير وحلاتها ..هزات عينيها فيه لقاتو كيحك في عينيه كركباتها من كمها لفاليز

قفزات على صوتو مردد :معندكش لحق تقري في بلاصتها كيفاش تجي تهزي حوايجها مالها هي جماد

رجعات لبلاكار وبيديها هزات تستيفة مقادة 

حطاتهم في فاليز وطلعات عينيها فيه مخرجاهم: سيدة خرجتي عليها ومزال باغيها تجي فين غادي تجي لعداب سيدة طبيب مقدا ليها والو عقلها زهق فين بغيتيها تجي سيدة ولات عايشة غير بلكالمون اش غادي تجي تسيفطوها لقبر

سقط الدم من وجو ونزل عينيه لأحاطهم السواد والغمة في الأرض ساهي غير متقبل كلامها مدة وهز فيها عينيه كانت خطواتها تابثة بين البلاكار والحوايج متبعها في سكون حتى سدات لفاليز وفي الأرض درجات ...

تنهد حابس عليها طريق :كيفاش واش مريضة بزااف 

عوجات فمها وبغات تمر من جهة اخرا وقفها ناطق :اش بيها كانت عيانة ولكن قلت غير خافت عليا 

ردت بصوت مرتفع:اسيدي مرضتيها لا نتا لا داركم معرفتش اش درتو ليها وميفاش ولكن راه سيدة مرضات ومبقات بغات تشوف حد ..دازت من عليه خلاتو كتافو زادو طاحو حك على شعرو لخفاف ومن قوتو  ولونو الامع نقص ...رما رجليه جيهة السرير وجلس كيخمم متناسي الضجيج لنايض برا حدر راسو في الأرض وباستغراب كيشوف فوق الزربية ......

💦عندما ينقلب السحر على الساحر💦

❤البارت:213❤

بلمعانها خلاتو يمد يديه ويهزها بينهم ..تمسك بيها ورجع لمكانو كيقرا بصوت كالفحيح في الإسم لمنقوش عليها ومزخرف ردد الإسم مرا وبعد مراا وبعد "عبير"جاه الإسم خفيف الحروف مكون من كلمة تعني الرائحة الطيبة تنهد وسها أمامو كيذكر يوم قبل 3 سنوات ونصف يوم كان مار من القيسارية برفقة خديجة خلاها واقفة بين ثواب ومجمعا مع النسا وتلفت لجهة لمقابلة كيشوف كوبل عند الذهايبي ..تنهد وبرجليه مشا باتجاه المحل وقف كيشوف الإسم لفتاة مزخرف وبين يديها كتبسم لشاب لبجانبها وبعدها عطاتو ليه وتلفتات لفو ليها على عنقها وزادت وسعات ابتسامتها وبيديها كتدور في السنسلة 

تبسم بلامايحس وتبعهم بعينيه حتى مرو من جانبو شادين في بعضياتهم  ...مسح على  شعرو وتلفت كيشوف في خديجة لمزال منغامسة  في حديثها وخطا خطواتو لمحل ..طالب بنقش وزخرفة الإسم لدخل لقلبو وتقفل بإحكام ..تقفل بمفاتيح كثيرة ..كلما يقول لقيت المفتاح غادي نتحرر كلما زاد غرق وفي فثيل العشق طاح .... ورجع وقف بجانب خديجة كأن شيئ لم يكن...

🔙 تنهد مكمش السنسلة في يديه كيحس براسو مخربق الأفكار ..مخربق القلب ومخربق الشعور ..تالف ومهلوك ...رما بجسدو على الأرض كيدوز ابهامو على حروف الإسم وكيتمتم بيهم ..

هز راسو ملي تفكر الخنيشة لهز بين يديها وكان غادي يكتاشفها لولا تطفل كوثر ..قاد جلستو وفي جناب طابل دو نوي كيدور عينيه وكيسأل راسو فين مشات  ولكن كان الجواب هو الإختفاء ..

ساط وتوجه الشرجم فتحو  خلا الهوا البارد كينعش صدرو المجرح .. وعقلو مشا لحفصة لسمع خبر ضرو خاطرو عليها و على حالها

..تحت الوسادة استوطنات السنسلة ولحمام رما خطواتو يتوضا ويناجي الله سبحانه يشافيه ويداويه

في الصالون جالسة خديجة شادة على راسها وسارة من الكلام مابقات بغات تسكت سامحة في عبير تبكي..تعصبات وزادت طبخات ليهم راسهم كثر من طبيخ كوثر ...

سارة:كون طلقتوني عليها نوريها تفلعيص وحشيان لهضرة  بشحال كيتباع 

خديجة:سكتي قطعي الحس راسي ضرنينقصو عليا 

نقزات فاتن مرددة :خاصنا نمشيو نشوفوها واخا هكاك  نديرو شي حد ونمشيو مجموعين  مغاديش تشد وتجهل كوثر الا و باينا ختها مرضات 

خرجات فيها عينيها :بغيت ليها جهل هي وياها  تعوم بحرها اش بغينا بيهم

ردت خديجة كتمسح في وجهاا:الله ياربي واش تزوجتو و ولدتي وبنتك غادي تهضر ولعقل مزال مبغيتي ديريه حشمي وشدي بنتك و سكتينا 

تقطع الحس والصوت رافق جلستهم لمطولاتش وكلا مشا لوجهتو ...

حامدين الله وشاكرين على خوهم وباهم لبدا يتعالج ويخفاف عليه المرض في انتظار رجوعو كبف قبل وكثر بوقفتو وجمعتو معاهم ....

💦💦💦💦💦💦

 داز النهار عند عبير ومن البيت

 ماخرجات  ...قرقات وغرقات و سط المانطة وفي تيليفون كتراسل مع فاتن في لواتس لبشرتها بالبشرى وحمدات الله و شكراتو ..في سرها وزفات الخبر لعائشة لبدورها فرحت ..........

داز الأسبوع  في رمشت العين سواق تحلات والأحياء رجعات كيف كانت ... أسبوع العيد داز وروينت الحولي دازت في الأيام الأولى .. كاين لكمل الحولي ولشوا ما فلت وسالاه في سيمانتو وكاين لمزال عددهم محدود ومعدتهم على قدهم وعلى الحولي مكيقدرو ....

💦عندما ينقلب السحر على الساحر💦

❤البارت:214❤

رجعو الناس لعملهم ومنهم عبير لصبحات مصبحة على شغلها وبفرحة الخشية لتخشات شداتها على رجليها مخليا البرد يلعب بشعرها السود وبيديها على عينيها كتزولو ويرجع .. كتنهد براحة وقلبها لكان ضارها رجع أدراجو بعدما سمعات وطالعات على أخبار حذيفة ليوم بعد يوم لصحتو كيرجع ومن عند راقي كيخرج مرتاح ومفرغ التوكال للعب ليه على داتو ولحسن حضو ماطولش في ماكلتو خلاه يرجع صحتو ويهنا من التفريغ لكل مرة يقوم بيه بطلب من الراقي ...اسبوع كان كافي يكمل حصصو ويفرغ جميع الشوائب لعلى معدة و لامعاء كانو مأثرين وعلى شعرو ووجهو كانو بينين و بالمختصر على صحتو بالكامل كانت تنهكات وبتعب غرقات وكانت الى الحضيض غادية  و من الأمل كانت فاقدة الحمد الله و الله في خلقه شؤون ....

دخلات كتدور عينيها على القهوة وبالبسمة  سلمات على البنت لمكلفة بغسيل الماعن وجلسات فطرو بزوجات وناضت هزات الطبلي تحزمات بيها ووقفت على كونطوار في انتظار الزبائن وقلبها  كيطيرو فيه لفراشات زايحة اخبار حفصة لضرتها وكتمنى تكون مامرضاتش ..شافت اول كليان داخل هزات الصيني وتبعاتو حتى جلس برفقت زوجتو وبناتو ..هزات الصينيه ولعندو توجهات ...

💦💦💦💦💦💦

حل عينيه من النوم لولا واخد حيز كبير في حياتو وهذا من الطبيعي عندا اي مريض بدا يستكفي العلاج ومن الألم بدا يرتاح كيجي نوم  في المرتبة الأولى بحال كاع التعب و الارهاق كتعوض ...تكسل وتوجه الحمام ...

غسل يديه وحنا وجهو كيطرش عليه ما بارد يفيقو ...

طلع وجهو في المرآة كيشوف وجهو لبداو علامات المرض يختافيو .. تنهد ودوز على شعرو بيديه و نزلها كيشوف عدم تساقط شعرو ..راحة اكتاسات ملامحو وكمل روتينو بهناء وفي كل مرة كتمر صورتها الجميلة امام عينيه ولكن بلمح البصر كتختفي وتجي صورة لطيحها وبكلامو جرحها كيسقط عليه اناء مثلج على راسو عض على شفايفو وخرج كيستغفر الله ..فرش الصلاية يقيم الصلاة ....

سلم وجلس كيستغفر بثباث خاوي دماغو من الأمور الدنيوية ومتعلق بالأمور الدينية .......

خرج كيقاد في حوايجو ودخل لبيت عند خديجة لشادة عبير صغيورة قدامها وكتمشط ليها في شعرها تنهد وخداها من عندها خلاها تبسم مرددة:اخليني غير حتى نكمل ليها  لكويبا 

تبسم ومد ليها وجهو مردد:شكون لبوس لخالو شكون 

شدات من نيفها وبابتسامة بريئة حنات وجها حشمانة ..دغدغها بيديه حتى طلقات زواكتها وتخشات في صدرو ...

تبسم من أعماقو لما لا والبرائة والطيبة مثمثلة في هاد القلب الصغير لمنعم بالحياة ومملوثش بالخبث صافي بصفاوة المياه 

جلس حدا خديجة بعدما مد ليها عبير ولبراد هز كيكب مردد:علاش مفطرناش ليوم في الكوزينة 

تبسمات :نغيرو لمكان  شويا 

تبسم وتحنا كيفطر ويسها في الارض ... لمدة هز فيها عينيه بعدما سمع سؤالها على صحتو مردد:هانتي كتشوفي بعينيك تقولي كنكذب عليك باش مانخلعكش

ردت بعدما جمعات لعبير شعرها:الحمد الله الله يرضي عليك

هز طرف البطبوط غمسو بالعسل مدو لعبير تلغدد بيه سنيناتها  وتحلي بالعسل 

كمل ماكلتو و خديجة مساخياش بيه عندها شغل ولكن لوجهو  لنور رجوعو لفرح قلبها جلسات ومبقاتش بغات تنوض ..

كمل وبعد كيحمد  الله ..شاف فيها لكانت كتشوف فيه وتبسم مردد :امالك معايا ا خديجة 

تنهدات وبادلاتو بالبسمة :توحشت حذيفة وليدي

حرك راسو مردد: الحمد الله 

شاف في الأرض و رجع طلع عينو فيها :خاصنا نمشيو نشوفو هاذوك الناس ...

باستغراب شافت فيه :عائلة حفصة

حرك راسو باه مردد :لازم نشوفوها كيف بقات راها مرتي...

حطات يديها عل فخدو مؤيداه :لوقت لي بغيتي ...

لمدة من سكون وناض  مردد:من الأحسن دابا نشوفها كيف بقات 

حركات راسها باه مسايراه برغم من جاتها عيب تمشي مع هاد الوقت ....

تقاد و لبس حوايجو وتوجه لصالون ماسك عبير كتسناها ترتدي جلابتها ....

خرجو ولطومبيلتو لمدة وهو غايب عليها توجه ركب وركبات خديجة وراه شادة عبير بين يديها متبعا رؤيو في سكون من غير صوت المذيع لعلى قهوة الصباح منشط الراديو .....

وصلو لدار حفصة الدار لشهدت على خطباهم وزواجهم بالتمام ....

تنهد وشد عبير من عند خديجة موجهين لحانوت لحداهم خداو السكر والحليب مستحي يدخل بيديه فارغين ....

دق الباب  ووقف كيتسنا.....تحل الباب من طرف الأم لببشاشة لكانت فب اول العرس وطيلة الأيام اختافات و عوضتها الصرامة وبعينين حقودة تبرمات من عند الباب مخلياهم يدخلو متغاظين على وجهها لكيقطر بالبرود المفرط ...دخلو في مرح الدار حط لجاب في الأرض وهز عينيه فيها هي لجامعة رجليها وبيديها كتلعب في شعرها وتدور راسها بلا مع صوتها المنخفض لمكتسمعش ..صغر عينيه وليها توجه حارقو قلبو عليها ...

اينفوا شافتو قفزات مخرجة عينيها فيه لمدة حتى بغا يتراجع عاد وقفات على رجليها و وتلاحت تخشات فيه كتبكي مرددة :"توحشتك"

بادلها العناق تاركها على راحتها وطالق وذنيه مع كلامها لكتردد ....مدة دازت وهو على نفس الوضع مخليها تقول وتحكي بلي بغات ... حتى  خرج عينيه وجرها بعدها عليه خلا شهقة خديجة تخرج ولعينيها وسعات  ......

💦عندما ينقلب السحر على الساحر💦

❤البارت:215❤

حلات أمها فمها بصدمة مخليا نظرات الكل كتكللها الصدمة من لسمعو ..

صغر عينيه فيها ورد قائل :اش قلتي 

شدات صداف تريكو  ديالو كتلعب فيه وهزات عينيها مرددة:قلت ليك سمحلي على داكشي لدرت ..عارفا انا لمرضتك ولكن غير بغيتك تبغيني وتبعد من خطافة الرجال دعبير ..مدرتش شي حاجة خايبة غير بغيتك ...وداكشي لكنت نعطيك حتى انا كنت شربتو شوفني مكيأذيش  غير نتا معرفت مالك (صغرات عينيها )ذاتك خايبة 

طلق منها ساهي فيها حاط يديه على فمو هز راسو في أمها لتكلمات متبع ليها  العين وهي كتردد:مديوش عليها راه كتدخل وتخرج في الهضرة من نهار جابتها كوثر وهي هكا تبعنا ليها مع الطبيب وكتشرب دوا الله يعفو ..

تنهد وشاف في خديجة لكتشوف فيه حتى رد عينيه ليها لكانت كتردد:لا ماشي حمقا انا هادشي لكاين انا لعطيتك درتو في القهوة  

....

سكتات فور دار الساروت في الباب وتبسمات ملي شافت كوثر داخلة ومشات كتجري في اتجاهها  جارتها من يديها جيهتهم مرددة:ها هي ختي جات ها هي ختي جات ...

تبعاتها كوثر  بخطواتها مخلية لباب محلول وساروت واحل في الباب مصدومة كتشوف في وجه حذيفة وخديجة لصدمة امتالكتهم ...

وقفو أمامهم وعينين الكل توجهات لكوثر لقلبها ضرب في هاد اللقطة وهي كتشوف نظرة أمها لطول عمرها ومعمرها شافتها بهاد الشوفة..سرطات 

الريق...وشافت في حفصة لكتردد :كوثر قولي ليه نتي عارفة كلشي قولي ليه راه كيصحابوني حمقة ..ياك نتي لجبتي لي هاديك 

الكموسة باش نبقا نعطيه منها باش يبغيني ..

شدات خديجة في الحيط بيد ويد شادة فيها  عبير صغير لمبقات قادة تشدها ترامات لسداري وحطاتها على رجليها كتشوف فيهم ببرائة ..

 جلسات خديجة  ساهية كتشوف في الأرض ولكلامهم عليه تصمكات 

تنهدات كوثر وبعينيها شافت في ختها:مشربتيش دواك اليوم ..

هزات عينيها في حذيفة لشك دخل مع عروقو وهو كيتفكر لخنيشة لشاف حدا سرير واختافات ملي دخلات كوثر لبيت ..

حك على شعرو وبصدمة كيشوف في وجه كوثر للاتوحي الا بالبرود كتردد في كل مرة :نتي خاصهم يشدوك في 36 مبقاتش بلاصتك معانا وليتي باغا تغرقيني 

ترامات لذراع حفصة وهي كتعيد تردد:يالاه معايا شربي دواك دايا تخرجي شي عجب اخر زيدي وكلت الله على لوصلم لهاد الحالة وكلت عليهم الله 

كتنتر حفصة كتردد:نتي نتي لجبتي لي هاديك الكموسة فين هي فين هي (كتدور عينيها فوق السدادر:هاديك النهار جبتيها تجري بيها قلتي ليا  شويا وكان غادي يحصلك حوذايفة

فغر فموو واستقر على الذكرى لمغابتش على عينيه طيلة جلستو معاهم ..طيلة كلام حفصة وهو كيدور في راسو  ... تنهد بعنف ولشعرو بغا يقلع من جدر.. تأكد شكو ولكلام وحل في حلقو صدمة العمر ..مرتك معاشرها بالحسنى وهي كتحفر ليك طلع عينيه لكوثر لوجهها صفار في دقيقة ...وجلسات على السداري شادة صدرها مخلية حفصة تتخرج من المرح كتردد غير كلامها "نتي لجبتيه وبغيتي تنكري انا نوريك "

ساد الصمت في المكان ..صمت من نوع خاص صمت صادم..يحمل في طياته ألام من نوع خاص..طعم الخيانة والغدر الاذغ ...

💦عندما ينقلب السحر على الساحر💦

❤البارت:216❤

هز عينيه من على الأرض وحيد السبابة من فمو على شوفتها جايا جيهتو وهي وماسكة بين يديها كموسة ..صغر عينيه متبعها حتى وقفات حداه  ورماتها عليه كتردد:ها هيا لعطاتني لقيتها ...

رجعات حدا ختها وجلسات حداها 

مسكها بين يديه كانت نفسها لمسك بين يديه قبل ....بلا مايحلها مدها لخديجة لشداتها كرزات عليها ...وهز عينيه فيهم  مردد :خاب ظني فيكم خاب ..لايفلح الساحر حيث اتى ..مغادي نقوليكم حتى كلام اخر من غير  الله ياخد فيكم الحق

 ناض مار من جانبهم مخلي حفصة تابعاه مرددة :فين غادي بقا معايا شويا  

تلفت طلعها ونزلها ودار كيستغفر الله  كارز يديه ..

غمضات خديجة عينيها وناضت شادة الصغيرة بين يديها:تقت فيكم ووقلت هاد العروسة هي لتليق لولدي ديانية وكتعرف بينها وبين لخلقه مستحيل تبغي ليه الأذى واليديها مزيانين (تلفتات في أمها) مها أطيب خلق الله مالقيت مانقول صدمة خايبة بزااف كيف بغيتو تهلكو ولدي بغيت ليكم الهلاك لا نتي لاختك كل صلاة غادي نصليها وغادي ندعي ربي يبين فيكم العلامة ...

حشومة وعيب 

ناضت كوثر مخرجة عينيها:جيتيني مرا كبيرة كون درت فيك يدي 

تنهدات خديجة وفي امها لجالسة رمات الشوفة  وعاودات شافت كوثر:هادشي لدرتي كامل ومزال مادرتي يديك الله ينزل عليك اللعنة ...

حدرات عينيها و بعدات من عليهم مارة من حدا حفصة لواقفة وكتهضر غير راسها ..رددت الله يسترنا وخرجات لبرا لقاتو جالس في طوموبيل كيتسناها ...

حلات الباب وجلسات حداه في صمت منطقاتش او بالأحرى مالقات ماتقول مزال ..الصدمة مسيطرة عليها وأكثر بكثير من حديفة صدمتها غير صدمة +الندم والذنب لتهز على كتفها ..كونها هي لعرضتعا عليه هي لبغاتها ليه ...تنهدات وكأنو هو حس بيها رما يديه ليه وتحن باسهم بلا ماينطق بكلمة ...حركات ليه راسها خلاتو ديمارا الطوموبيل وهي نزلات عينيها لعبير لنعسات بين يديها براحة

💦💦💦💦💦

 كانت مزال الصدمة مسيطرة عليها وكتشوف بناتها لكبرات وربات  ودمرات عليهم كيمرمدو ليها وجهها في التراب ..... وجهها لمحافضة عليه وكلمة السوء مكتسمعش من فمها ..النظرة الخبيثة مكيناش في قاموسها ...

تنهدات وهزات عينيها في الصداع لنايض قبالتها و كانت غايبة عليه  ...

لقات نظرة لحفصة لكتبكي والصندالة لهازة عليها كوثر ....

💦عندما ينقلب السحر على الساحر💦

❤البارت:217❤

خرجات امهم  عينيها فيهم وناضت جراتها من ذارعها مخرجة عينيها فيها مرددة:مزال زايدا فيه الفعة مزال مبغيتي

 تحشمي ..نزلات ليها راسها لتحت وعلى ظهر بركات تخبط كتبرد فيها النار لشعلات في صدره والشوفة لمقدرات تطلع في الناس ...

بعدات من عليها عيات وضروها يديها خرجات عينيها كوثر فيها:بغيت غير ندير خير في بنتك راجلها كان تابع هاديك الخانزة شوف فين ولينا 

تنهدات :بسحور الفعةسحور...خرجتي عليها في مرة (نزلات عينيها لحفصة لكانت كتكلم غير راسها وكمها في فمها وتنخصص ) ماهي بصحتها ماهي براجل جلسات على الأرض والدمعة طاحت من عينيها وهي كتشوف حالة بنتها

 

ناضت كوثر ولباب موجهة مرددة:ها دار خليتها ليكم زرعو فيها لبغيتو حرام عليا ولادي لابقيت جيت عندكم 

هزات فيها امها عينيها ونثرات الفولار من راسها وجبدات شعرها لشيب مكتاسب حيز كبير  رادة:"ساخطة عليك ابنتي قد الزغب لفي راسي ساخطة عليك بغيت فينما حطيتي رجليك تغرقي في الخسارة وبغيت يبين لعلامة فيك "

دازو دموعها من عينيها وهبطات راسها ساهية في الأرض حتى سمعات لباب تخبط 

وقفات على رجليها ولجنب بنتها جلسات كتشوف فيها وقلبها كيبكي الدم عليها مبقات لقات ماتقول وباش غادي تواجه باها لقلبو عامر الدين و مغطيه الإيمان....

تنهدات  وناضت من حداها قلبها معصور من عليها موجهة لكوزينة طيب لغدا لزوج لمبقا ليه والو ويدخل ناوي يتغدا ...

💦💦💦

وقف الطوموبيل جنب العمارة وتسنا حتا نزلات خديجة في يديها عبير مزالة مستمرة في نوم تاركاه متبعها بعينيه حتى طلعات وتكا براسو كيسوط ويتنهد بعنف  هذا الأمر صدمو وضرو في قلبو ..كيشوف الثقة لماخاصهاش تكون الثقة لنداثرات ومابقا الا غدرني نغدرك ..جبد الكموسة من جيبو بعدما خادها من عند خديجة ..حطها امامو في السيارة وتوجه بيها لراقي باش قتل الشك الضئيل باليقين المجزوم ...

وقف قدام المحل وخرج كيتمشى بشويا بحال عادتو ...دخل عندو لحسن الحظ لقاه خاوي ..من بعد سلام و سؤال على الأحوال جبد الكموسة من جيبو ومدها لراقي ...لشدها بين يديه وحلها يستكشف المخزون ....

💦عندما ينقلب السحر على الساحر💦

❤البارت:218❤

حطها بجانبو مردد بالإستغفار وهز عينو في حديفة لواقف بجانبو كينتاظر الخبر ..

حرك ليه راسو راقي نردد:أعوذ بالله من البشر لكيبغي لخوه لمسلم الأذى هادا سم كيدخل الكرش لبلا علة  كيرونها ويمرضها ويحرق قلبها ويولي سود الله يبعد علينا شر الخلق يارب 

نزل عينيه حذيفة في الأرض وبعد صمت تكلم بابتسامة استهزاء:مرتي اشريف لدارت لي هادشي  مرتي لكانت غادي تكون ام ولدي مرتي لكانت الخمار والسترة مرتي لملي شفت باها وخوها كيف متمسكين بالصلاة والقرأن قلت فتاة طيبة وأخلاقها غادي يكونو حميدة ساعا العكس (هز فيه عينيه لقاه متبعو)

رد الراقي :الحمد الله و الشكر الله صحتك استاعدتيها و بحول الله كلشي يتعوض خلي الأمر  لصاحب الشأن هو لقادر على كل عسير عليك ..كل أمر ضرك ..وماتخافش من تعويضو الوفير ..غير سير بالنية وربي مايخيبكش

حرك راسو باه مردد:ونعم بالله شكرا ليك 

خلا عند الراقي الكموسة مخليه يتكلف بيها وخرج كتنهد كأن شي حمل مثقل عليه وحس بيه عليه خفاف ..توجه لعند لمحامي ولطلب الطلاق ماباقي قادر يصبر باغي يلغي كل رابط كان يربطو بوحدا قلبها حقود والشر نابو صامد

تكلم و حكى على المحامي كل لجرى طيلة الحديث ومحامي مبادلو الصمت وينوطي في مذكرة جانبو العوارض الكبيرة تسالمو في نهاية بعدما عرف دعوة الطلاق غادي ترفع وبرغم من عطاه جزءيات ان زوجتو مريضة وعلى فقدان العقل غادا ..الا وأن أمل الطلاق ياخدو هناه ...

خرج كتنهد وتوجه لبحر الصافي يريح قلبو لبالصدمة كيحس بيه تكوا ...

جلس وريح دماغو لفترة خرج الطاقة السلبية من فمو ودخل الطاقة الإيجابية من نيفو  حط يده على السرول ..وجبد السنسلة لولات مرافقاه ..

لواها على يديه و تمعن في الإسم لغير كيتررد كيتهز و يترفع على الوجود ..

تنهد وهو كيردد في إسمها بين لمواج وناض من مكانو راجع أدراجو لسيارتو وعينيه كيشوفو غير قدامو ..

💦💦💦💦💦💦

حركات راسها باه كتقيد الطلبية لكليان ..حدرات راسها ورجعت لكونطوار ملات عليهم لخاص ووقفات في الإنتظار جاها الملل من هاد الخدمة و رجليها تنفخو من كثرة الوقوف وبرغم من إستراحة العيد الا وأنها مزال مقادرة تستأنف وتعيش وسط  نفس الروتين ...

تنهدات بملل وهي هازة الطلبية لطابل لدوموندات عليها ..حطات ليهم لطلبو  مرفوقة بالإبتسامة و دورات عينيها في  طابلة لكانت خاوية ولمن حسات بشي حد جلس فيها ..صغرات عينيها وبخطوة خطوة كتمشي في اتجاهها كلما قربات قلبها كيضرب بتسابق القطار ...كلما قربت يديها يرجفو ولبلاطو كيبغيو يطيحو ...

استنشقات ريحتو على بعد سنتمثرات ومن حالو لغادي يكون تبدل زاد قلبها رجف رجفات ووذنيها تصمكو بطنين ...تنهدات ووقفات بجانبو ..حتى هز عينيه  فيها بعدما كان مركز مع التيلي مشات عينيها لعلبة الصغيرة لجنبو وعاودات طلعات فيه عينيها .....

💦عندما ينقلب السحر على الساحر💦

❤البارت:219❤

قاد حذيفة  جلستو ومازال عينيه عليها ...تنهدات عبير زايحة نظرو عليها من شدة التوثر ...رجعات ليه الشوفة بعدما لقات نظرة على الأرجاء لكان كيختلها الهدوء وناس قليلة في وشوشات فيما بينهم ...

حكات شعرها وهي كتفحص تقاسيم وجهو الأحسن من اخر يوم شافتو ..

فيقها من سهوتها فيه كلمتو لردد واسمها لخرج من شفايفو كنقطة بلسم نظفات العوالق لتابثة في قلبها 

غمضات عينيها وحلاتهم كأنها كتستيقط من السحر لركبو فيها ...ركزات فيه شوفة بنظرة استفهام 

تبسم  في وجهها و ببشاشة ضرب بيديه على الطابلة مردد:جلسي نتكلمو شويا

علامات الإستفهام لفي وجهها زالو وحل محلو ضربات دقات القلب المتصاعدة 

..بدون شعور ولا إرادة حطات يديها على قلبها  خلاتو يتبعها بعينيه وبسمتو زادت وساعت ... 

رجعات تلفتات تراقب الأوضاع والمكان لا زال على ماهو عليه 

تنفسات بعنف زايحة نظراتها من عليه..حطات لبلاطو  وجرات الكرسي مقابل جلسات عليه وكتلعب بيديها وعينيها مبقاوش تهزو على الطابلة حتى سمعاتو نطق :شوفي فيا اعبير

ملتازمة الصمت بحال ماقال والو ..

عاود ردد:هز عينيك واش مقلقة عليا بزاف

هزات وجهها فيه وخدودها بداو ياخدو حقهم من الإحمرار مرددة بصوت فيه رجفة :لا علاش اش درتي ليا

قهقه برجولة خلاها وجهها يزيد يتزنك ..زم فمو ويديه في اتجاه يديها خطات ..تبعاتو بعينيها حتى يديها شد..بغات تهربهم وكرز عليهم حتى تهدأت..قليلا ورخف عليها وعوض الكريز بطبطيب بحنان ...

طلعات عينيها فيه لقات عينيه مركزة على يديها ..حنات وجهها في يديهم لجاو مع بعضياتهم كعصفورين تنهدات زايحة عينيها على يديهم مخليا فكرها  ينزاح على مايؤول إليه ورددت لقتل التوثر :كيف بقيتي

 

..هز فيها عينيه بعدما كان مستمتع برطوبة والحنان المتمثل بيديها:الحمد الله كملت العلاج وها حنا كندبو في الحياة 

حركات راسها باه مرددة بلا شعور والإبتسامة شقت محياها :فرحت ليك من قلبي و رتاحيت بزاف ملي عرفت لخبار

تبسم وهز يديها متوجه بيها لشفايفو خلاها فغرا فمها بصدمة وقبل يطبع عليها قبل جراتها كتشوف في الأرجاء ووقفات مرددة مخرجة عينيها فيه :اش كدير...

تنهد وطول فيها الشوفة :مزال متبدلتي

 كرزات على يديها :كنهضرو خلينا نهضرو تغانكيل

حرك راسو وهز يديه باستسلام راد:غير جلسي نهضرو شويا 

دورات عينيها في نواحس ورجعات جلسات كتردد:بلاصة الخدمة احذيفة الا شافني مول شي منبقاش هنا 

غمض عينيه بتفهم و رما عينيه لعلبة لبجانبو ..خلاها هي الأخيرة تشوف فيها باستفهام ...

زاحها بيديه جيهتها حتى طلعات فيه عينيها بتعجب بعد يدو و ردد:حليها 

هزات كتافها كطفلة صغيرة خلاتو بحب متبعها وهايم في تفاصيلها الصغيرة قبل الكبيرة ..

حلاتها وتحلو عينيها معاها...

💦عندما ينقلب السحر على الساحر💦

❤البارت:220❤

كان الشكلاط منوع ومبتكر كأنه لوحة تشكيلية الأبيض والأسود مع وجود اللون الوردي المتمركز في الوسط ..المتمثل في حلاوة المعسل التوت ..هزات شوكلاطا رماتها في فمها باستمتاع بلا ماتفطن براسها ..حتى حلات عينيها لغمضاتهم من حر النشوة الغدائية...وجات في عينيه عاد عاقت وفاقت ..

حدرات راسها بحرج ...مدة قليلة وماطا يهز وحدا من بينهم وخشاها في فمو ..

هزات راسها فيه مرددة:علاش جبتيه

بقا يشوفيها حتى سرط الشوكلا وتبنن مذاقها المر لاذغ :باش تسمحي لي على داكشي لدرت في الأواخر 

حركات راسها بلا:انا مامقلقاش منك كنتي مريض 

ردد:واخا هكاك سمحي لي نتي أخر شخص نعامل بهذيك الطريقة ..

تبسمات بحرج منزلة راسها لتحت فجأة وطلعاتو فيه كأنها غادا تسأل..وعاودت نزلاتو

رجعات طلعات فيه عينيها ملي قال :غير سولي

تنهدات :عرفتي شمون دار فيك هادشي وخفصة كيف بقات 

ساط بعنف وكرز على يديه لكانت فوق الطابلة وشافت حركتو وعرفات أن الموضوع مأثر عليه 

معوداتش دواات التازمات الصمت وناضت فور ماشافت مول شي داخل مع لباب وقفات عليه وجبدات باش تنوطي :بغيتي تشرب شي حاجة ..

استغرب في الأول ولكن فهم لبلان من بعد ردد ب:كاين شي عصير سميتو عبير 

ردت بعدما كانت كدور وجهها في الأنحاء:اه شنو 

تبسم وناض وقف هاز العلبة للصقات عليها عينيها 

مرددة:فين غادي بشوكلاط ياك ديالي

تنهد مطول فيها عينيه :كلشي ديالك معاش كتخرجي 

ردت ب: مع 18:00 علاش 

هز شعيرات متساقطة على عينيها بانزعاج زاحها لبعيد  على :هاد الشعر عندك خاصو يتقطع 

خنزرات فيه حتى جمع يده وتنهد:نخليك تكملي شغلك حتى لعشية ونجيب ليك شوكلاطك (شار العلبة)غير كوني هانيا في الحفظ والصون باغاك غير نتي 

رما ليها لكلام وزاد بخطواتو خلاها مافاهما والو ..

خشات المذكرة وهزات لبلاطو رجعاتو لمكانو وسايرات عملها ومرا بعد مرا تزهق ليها البسمة وتفكر حفصة ويرجع العبوس لوجهها من جديد .....

💦💦💦💦💦

دخلات كوثر  لدار كتسوط وصورة مها وهي كتنزل في شعرها و دعي عليها ترسخات في عقلها  وبين عينيها مابغاتش تغيب ...

رمات الفولار وجلسات كتنهد في صمت مدة من الزمن وتوجهات لبيت تبدل حوايجها ...

دخلات الكوزينة تطيب لغدا راجلها وكل مرا تسها وترجع تكمل..دار الساروت في الباب كملات شغلها معندها كانة ليه ..

توجه راجل على مشارف الأربعين محمل بصاشيات حطهم فوق لبوطاجي وبابتسامة ردد:مال كوثر معانا ليوم 

هزات كتافها مرددة:مراشقاش لي اعلي بلاش من لمراغة ديالك 

حط يديه على كتفها:اش واقع ليك 

رددت بعد مدة من سهو:تناقشت انا وماما 

هز جلبانة من قدامها رماها في فمو:خالتي دريويشة معرفت كيفاش

خنزرات فيه :هي انا لخايبة 

تنهدو دار خارج من لكوزينة مردد: مقلت والو متبقايش تزيدي لكلام من راسك فين معاش خارجين لولاد

مجاوباتوش ولا بلأحرى مسمعاتوش وهي ساهيا

💦💦💦💦💦💦

داز اليوم ....

رمات عبير  الطابلية كتنهد ..توجهات لحمام وتعب يكسو معالم وجهها الجميلة..

قادات حوايجها ووجها بلمسة العكر مورد شفايفها

وهي كتبسم على راسها لعاد لمراهقة بداتها ..

خرجات بحشمة كتقلب عليه بعينها  حتى استقرات عليه مقابل معاها ومتبعها بعينيها ..توجهات بحشمة لعندو ...حلات لباب ودخلات جلسات ..مرددة :عطيني لقلتي لي....

مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

💦عندما ينقلب السحر على الساحر💦

❤البارت:221❤

🌺🌺🌺🌺

عندما يكون عشق باب من أبواب السعادة

يكون عند حياتك معنى من معانيها الأخرى

السعادة مع الحبيب و بالحبيب و تختفي بغيابه وتظل في العتمة و الظلام....إنه حقا الحب ....

🌺🌺🌺🌺

تبسم حذيفة  وديمارا الطوموبيل بلا مايتكلم معاها ..خلاها  تركز الشوفة في ملامحو الجميلة ناسية  راسها لمدة حتى حسات بيه غادي يتلفت جيهتها عاد فاقت وقادات جلستها كتشوف في الطريق ...

تلفتات عبير مصغرة عينيها في أنحاء و أرجاء الطريق ودارت مخرجة فيه عينيها مرددة:حذيفة هادي ماشي طريق الدار 

شار ليه لوراء الطوموبيل  بابتسامة:حلي ليك شويا بينما وصلنا

تلفتات كتشوف في علبة  الشوكولا ورجعات ليه الشوفة لمدة كتشوفو مامسوقش ..هزات كتافها وترامات العلبة حتى حط شعرها على كتفو ..تلفت شاف فيه وشاف طريق أمامو خاويا شيئ ما وهز ذراعو لترافق معاه شعرها ..استنشق ريحتها مغمض عينيه ..

حل عينيه ملي رجعات لمكانها وقلب لشوفة لطريق ....

حلات العلبة واللعاب سايل ليها ...ترامات لكويرة لشوكلا و بخفة خشاتها في فمها ..كتبنن فيها والحب منسم عيونها..

لمدة من الزمن وحسات بالطوموبيل توقفات ..سرطات بقايا شوكولا وهي كتحس براسها كحرقها بكثرة تناولها لشوكولاحطاتو قدامها بنثرة حتى تبعها بعينيه وهو كيحيد في السانتير ...

عاد فاقت من سهوتا وهي ماسكة راسها كتشوف في الأرجاء ...مكان يمتلك من الهدوء ما يكفيه ...البحر بمياهه العذبو وصوت أمواجه لقدما كتزعج قدما كتريح القلب وتهدأ الروح ..

رمات عينيها لكروسة الببوش  لعلى الطريق ...رجعات رمات عينيها على مرأة محزمة كتقدم جبابن من الحريرة ..مطمطات فمها ببنة وهي كتشوف المغرف كتغرف الحريرة وتحط في الجبابن 

تلفتات عندو لقاتو جاس متبعها غير شافت فيه ردد :يالاه وفتح لباب خارج ..حيدت لا سانتيغ ..وخرجات كتقاد شعرها وحوايجها

وقفات بجانبو هو لكان مصوب نظراتو لبحر غير رائحة عطرها  وهو يكمل طريقو ...رافقاتو وهوما مارين على كل من لي شافت عينيها قبل نزول من طوموبيل ..

كلما قربو من البحر وخطاو خطوة في  اتجاههو كلما فاحت رائحتو وصداه زاد ارتافع..

استنشقات الهواء البحري وغمضات عينيها تاركة  شعرها يتلاعب ....

رما يديه حيد شعر على عينيها حتى حلات  سوداوتها  شافت فيه ..ووقفات خلاتو هو الأخر يوقف ..

هزات عينيها فيه مرددة مربعة يديها: فين حفصة ....

تعجب من سؤالها وشد من نيفها البارد قرصو و بعد كيتبسم :قريب يتسد الملف 

حلات عينيها وصدمة بدات تدخل معاها رددت : كيفاش زعما 

تنهد وعينيه رماهم لبحر:مبغيتش نخصر اول خرجة لينا موضوع من الماضي 

تبسمت بحرج كدور عينيها في الناس لمن حولهم قلال 

هز ليها راسها بيديه وتنهد بعنف حتى وصلتها نفسو الحارقة :قريب نطلق وتبدا قصتنا 

هزات يديها لشعيرة  على عينيها ورماتها ورا وذنيها كدور في  هضرتو...حتى سمعاتو كمل ...

💦عندما ينقلب السحر الساحر💦

❤البارت:222❤

يالاه نتمشاو

حركات راسها عبير  باه على إثر كلامو  ..و تحنات حيدات سبرديلتها خشاات تقيشرات فيها و وقفات هازاها بين يديها ..طلعات عينيها فيه ..لقات عينيه لاصقة على رجليها ..حنات وجهها بحشمة وزادت مارة مخلياه مرافقها في سكون من غير ارتطام رجليهم مع الرمل...

قربو بين أمواج البحر  وأصبحت المسافة  أقل من متر ..رمات السبرديلة وجلسات مربعة رجليها ..

جلس بجانبها ..والهدوء لازال يعم المكان .....تلفتات جيهتو وهي متشوفو مسرح ومجبد فوق الرملة حاط راسو على ذراعو وعينيه مركزين في السما ..دورات عينيها في الأرجاء ..

ورجهات ليه الشوفة لقاتو كيشوف فيها وطبطب على جنبو مردد:تكاي تشوفي لمنظر كيداير ..

تلفتات عندو مربعة رجليها مايفصلش بيناتهم غير شويا :مفهمتش علاش بضبط جينا لهنا 

تنهد :قلبك قاصح اعبير وعنيدة

صغرات عينيها:كتعاير فيا 

تبسم :لا غير نقصي من لعناد 

 

هزات كتافها  كتشوف في الرمل :أنا هكا 

غطا الصمت على المكان حتى هزات عينيها فيه لقاتو كيشوف في رجليها 

عضات شفايفها بحرج وبغات تهربهم على

 عينيه ..حتى حسات بيديه استوطنات

 رجليها ..وسعات عينيها بحرجوهب كتستشعر خرارة يديه على رجليها الباردة ....

💦💦💦💦💦💦💦

واقفة في الطواليط أميمة كتقيا وشادا على ضهرها التعب اكتسى وجهها وعلامة السهر ولات ملازماها ...

ضعافت وهزلت في وقت قليل ..

هزات وجهها في المراة كتشوف اصفرار وشحوب بشرتها مع سواد تحت عينيها تنهدات ..راميا الما على وجهها ....

وقفات كترد النفس وهزات الفوطة مسحات وخرجات كتستكشف صوت أمها لمن الكوزينة كتنكر ..تسلتات موجهة البيت لمعللق ليه الشراجم وانعدام الضوء  ...تخشات في فراشها وغطات وجهها شادة على كرشها ...

مدة قليلة وتفتح لباب من طرف فاطمة لصوتها قبل تبان تسمع ..

مسحات الدمعة و لاحت المانطة من عليها موجهة لريدو تهزو ...

طلعاتو و دارت كتشوف في البيت لمرون من ملابس كلا مليوحا في جيه وماكلا حتى هيا ...يرطات ريقها عرفات غادي تسمع الموال ..

هزات عينيها كلي تحل لباب كتشوف في فاطمة لكتطلع وتنزل فيها مرددة:صباح الخير الالة  كيفاش قضيتك وليتي تباتي مخشيا وتضلي مخشيا وتسلتي لكوزينا في الليل بحال الشفار 

حدرات راسها مهلياها تهضر وتسرسر كل مادا قلبها وتمشي بحال العادة ساعا جات اتجاها وململاتها من كتفها مرددة:ناس كيغلاضو و زيانو ونتي كضعافي وتخسري يحال النعمة مكتاكليهاش توكضي وشوفي فسا متخلينيش نهضر غير راسي 

طاحت الدمعة من عينيها وجلسات على السرير بقهر ..حتى صغرات فاطمة عينيها والخوف تسلل قلبها ..مايمكنش أميمة تبمي غير هكاك الا وان شي حاجة واقعة ..قربات وجلسات جنبهابغا تسل لسانها....

💦عندما ينقلب السحر على الساحر💦

❤البارت:223❤

"يتألم القلب وتتألم برفقته باقي الأعضاء لا تبقي في حالها  تتمتع بالهناء دون أن تأخد ولو قطعة من الحزن ...."

هزات فيها  أميمة عينيها والدمعة سايلة على خدها ..سرطات الغصة ورجعات كتشوف أمامها وقلبها زادو دقاتو ..تلفات و رجفات معرفات باقي اش دير واش تخبرها بكل لجرا وتغمض عينيها لعقاب لمغاديش يكون بساهل  ولاتلتزم الصمت...

وقت ضيق وكل يوم مر وكتصعاب عليها القضية وسر نغص عليها حياتها .

.

قفزات على يد فاطمة لتحطات على يديها ..

طلعات عينيها فيها وبحنان لحساتو في لحظة من نظراتها كمواساة ..بان الضوء القليل ساطع لونو وقررات تقاسم معاها همها واخا معرفت اش دير ليه لمهم تبرد لفتيلة لشاعلة في قلبها وتنطفئ نارها شويا ..

ازداد التوتر سرا في ذاتها سرطات ريقها وبدات تحكي كل ما مر من نهار طاحت في الأرض و علامات الدم لكانت في  سروال.. الألم لحسات بيه قطعها ولبرد بعدما ارتاحت ...

طيلة حديث أميمة وعلامات الصدمة كترسم على وجه فاطمة لدمعتها الاخيرة..ساحت وهي كتروي كل ماجرى ليها ..حسات بجرة من شعرها حتى شادة عليه لتخفيف الألم مرددة:عفاك اماما متزيدينيش حتى نتي راني عالم بيا غير الله 

جراتها حتى طاحت حدا رجليها وبالغدايد كتنتفها وتعود مرددة قرجوطتها بغات تخرج:عالم بيك غير الله الفعة جايبا ليا كرش من زنقااااا بغا تشوهيني وضحك فيا عيالات الحي  ياك الخانزة وليتي تحلي رجلين (فكات يديها من بعدما دفعاتها خلاتها مليوحة  وجهها في الأرض والدموع واخدين طريقهم ) جلسات على سرير كتحرك رجليها وكاسيطا عاد بدات بصوتها لكتسمع من راس الدرب .....

جاي  مصطفى داخل الدار بعدما صبح على القهوة لولا يلقا فيها راحتو.. تخنق ومبقاش قادر على جلسة الدار  ولا يشوف في وجه فاطمة لكلو حروق ...

بنرفزة حل الباب لتعكس ليه ..

خطا خطواتو داخل الدار وباستغراب دور راسو لدروج لصوت فاطمة مسموع ..سد لباب وطلع كيسوط هز..هينيها ملي وصل الطابق الأول وشاف امرأة لكارية عندهم مخرجة عينيها وحاطة يديها على حنكها .. غير شافتو تسرسبات دخلت و سدات لباب من وراها ..

تبعها حتى سدات وطلع كيعقد في حجبانو و كيغزز في سنانو على كلام فاطمة لكقرطاس كيخرج على أميمة ..حل لباب وجات عينيه عل فاطمة لكشاكشها خارجين ...

قرب جيهتها مردد بصوت مرتفع:هي بنتك جابت لينا كرش 

كنقول علاش لكاريا وجهها صفر .. 

💦عندما ينقلب السحر على الساحر💦

❤البارت:224❤

ضربات الطم ..خلاتو مار من أمامها لبيت أميمة تنهدات وتبعاتو كتنادي بإسمو ..ساعا هو ماتلفتش ولاشاف جيهتها حل الباب ونزل عينو كيشوفها على الأرض  بوضعية جنين ...

جرها من شعرها كتنخصص  عينيه خارجين مردد :جبتي لي حرامي لدار ..جبتي لي لعار ولا يسوا ولمايسوا كتصنت عليا غطستي راسي في التراب الكلبة ... عبير لمكتسواش وحافضات على راسها نتي زغتي الكلبة 

ملقات حتى مبرر او بالأحرى مخلاش ليها لوقت في دقيقة تقلب عليه الكل محسات براسها الا مجرورة ودفعها وصوت فاطمة كتجار معاه

حطات ضهرها على الحيط نادمة على الساعة لتولدات فيه

🍂🍂🍂🍂

غدرك يازمن يقتلني ويقطعني من الأطراف.. تخر قواي على مشهد مر على العين طيفه ومن ذكراه اخشى تذكرته ..تعبت من الذكرى التي تلاحقني وتذكرني بأخطائي ..المراد مسحها بممسحة والإعادة مسحها من الذاكرة و كذا القلب ...

🍂🍂🍂🍂

تفتح لياب ورمات عينيها كتشهق شافت بفاطمة بترجي واستغاثة الأخيرة خسرت عليها كلمة وحدا بصوت خافت :عجبك لحال دابا هاحلان رجلين عواقبو رمات ليها جلابة وتلفتات لداخل الدار وجبدات بزطامها محيدا بعض الورقات عطاتهم ايها ..مخليا أميمة تشوف فيها باستفهام على هاد الأم لطول عمرها قاسية ولكن مكانتش عارفة تا لهاد الدرجة ..

سدات أمام عيونها لباب بعدما رددت:"حيدي من هنا لاشافك يقتلك"

دردبات مع الدروج مارة من قدام عيون  الجارة لكارية

حلات لباب خرجات وكتحس بدنيا ظلام في عينيها 

خطأت ولكن مكانتش تصحاب الشارع هو العقاب ..كانت مغطية ومحمية تاكل لبغات و تلبس لبغات عايشة حياة منتظرة فارس الأحلام الا ان دحل شيطان متربص في حياتها بغاتو ومن حبها ليها وهبات حياتها ليه ..تشفر وتجيب ليه وشرف كذالك كان من بين لوهباتو ليه وفي الأخير لاحها لوحت الكلاب 

هذه هي الحياة كلما  بقيتي مغلفة و صعبة المنال كتكبري في عينين الشخص ..كلما كيبقا الإحترام ...كلما الإيجابيات كيتزادو فيك ...

🕸️🕸️🕸️🕸️🕸️

حيت وباختصار الا حافظتي على راسك وبغيتي راسك واحتارمتي راسك غادي يبغي يكتشفك شخص الأخر والا عطيتيه كلشي من قبل الزواج علاش غادي تخلي زواج من الأهداف هاد العلاقة حيت مايمكنش

🕸️🕸️🕸️🕸️🕸️

💦عندما ينقلب السحر على الساحر💦

❤البارت:225❤

💦💦💦💦

بحرج باقي لاعب عليها من تصرفو و رجليها لمبغاش يطلق خدودها مزال شديدين  الحمورة ..

وقف عند مول البابوش وطلب ليهم باش يسخنو صدرهم لشبع برد 

ملي تحط قدامها هزات لبلول تكمد عضامها خلاتو يتبسم و يجغم كذالك من كاسو ...

مهربةعينيها ومتفاديا تشوف فيه حتة كملات وتنحات جانبا مخلياه ياكل لببوش 

تلفت وراه بإستغراب مردد:علاش مكملتيش 

شافت في مول الكروسة الببوش ورجعات ليه نظرة:مكعجبنيش غير كولو ..

تلفت يكمل مخليها كتشوف فيه كيفاش ياكل كل وحدا على حدا وبنظام تام ..

تنهدات وهي فينما كيبغي يشوف فيها تبعد عينيها لجهو الأخرى

سالاو ورجعو أدراجهم لطوموبيل وهي تالفة وهو ماكثر منها...

ديمارا الوجهة نحو الحي لكاريا فيه وقف بعيد..

حلات لباب بغات تخرج  حتى جرها من يديها مخلي الإستغراب على محياها ..

طبطب على يديها بحب مردد:مهضرناش ليوم ولكن عما قريب غادي نهضرو 

حركات راسها باستفهام 

تنهد وتحنا باسها على خدها فجأة خلاها ملازمة الصمت ولحيتو دكات خدها الهش وريحتو غمضات عينيها عليها..

بعد عليها ماساخيش مردد:عندنا بزاف لمواضيع خاصنا نهضرو فيها  

استوعبات امر البوسة وطلقات من يديه لكانت مزال على يديها وحلات الباب هاربة من طيفو لملاحقها ....طيف الحب... تبعها حتى غابت على عينيه .رما عينيه لسما متبع القمر  بعد مدة ورجع أدراجو لدار ...

وقفات أمام الدار كتنهج حطات يديها على قلبها لكيضرب بالجهد ولما حسات براسها تهدأت فتحات الباب ودخلات ..

حيدات الخمية بخوف وعينيها استقرو على عائشة كتصلي ..توجهات لبلاكار صغير لفي جانب الحيط حيدات حوايج الخرزج وبقات بتشورط وكيلوط ...

يالاه رمات يديها لسروال حتى شهقت على صوت عائشة خلاها تلفت مرددة:خلعتيني اماما 

تنهدات كطلع فيها :نتي لكنتي ساهيا اش هاد تعطيلة فين كنتي 

تلفتات بحرج كتلبس في سروالها ردت:غير لخدمة كثيرة 

تلفتات ملي سمعات في وذنيها ...... 

💦عندما ينقلب السحر على الساحر💦

❤البارت:226❤

"رجعتي كتشوفي ولد خديجة"

..حكات على عنقها مرددة :لا علاش 

تنهدات عائشة:الله يجعلني نتيق ابنتي 

تلفتات  عبير كترتب في حوايجها  ومعالم وجهها مكتاسيهم الحرج والحشمة 

خرجات لطواليط بعدما سالات ...واخدها تفكيرها ليه ولكلامو لكيخلي قلبها يفرفر ... 

وصلات لكلامو على الطلاق واستوطنها شك كيفاش غادي يطلقها علاش وكيفاش اسئلة ملقاتش ليهم الجواب ...

قضات روتينها وغسلات متوجهة لبيت كتشوف في عائشة بنصف حشمانة منها و الأخرى عينيها عليها مبقاتش بغات تحيد ..

جلسات كدير في كاسكروط بلي قسم الله وعينيها مافرقاتش قدامها اما فمها كلمة منطقاتهاش 

سيطر الصمت ومن غير عينين لكيدورو على وجه بنتها لزادت تأكدات بوجودو معاها ويقدر يكون سبب تعطيلة بنتها  حطات الخبز لكان بين يديها وزادت ركزات في عبير الشوفة :عبير

هزات عينيها فيها كتمضغ 

رددت:كيف بقا ولد خديجة صح 

نزلات الدغمة بلا مضيغ حتى جرحتها في قرجوطتها ...تبعاتها كاس لما وعاودات طلعات عينيها لبصرامة كتشوف فيها رددت بإحراج:الحمد الله 

حركات راسها وبابتسامة ديال أنها عاقت بيها :الحمد الله بقاي على كلامك سيد مزوج بعدي عليه 

غمضات عينيها وحلاتهم:قرب يطلق 

خرجات عينيها فيها:ياكما بسبابك 

هزات عبير كتافها والتازمات الصمت 

خلات عائشة تبغي تاكل راسها ...

مبقاوش زادو تكلمو ..حتى كمل موعد الأكل وناضت جمعات عببر لميعنات غسلاتهم ورجعات لمكانها متكية على لمخدة وتخربق في تيلي ديالها...

💦💦💦💦💦

الليل دب وأصدر ستارو ..أميمة مكمدة تحت عمارة  من عمارات الدار البيضاء  كتحك على ذرعانها والدموع مالية عينيها كتلفت يمين وشمال تشوف في الشارع لكيصفر من غير بعض طوموبيلات معمرها باتت بعيدة على الدار ولا بعدات عليها ...داز نهارها بين دروبا تالفة ومعارفاش الصح من الغلط ..فكرات تمشي عند خالتها ام حاتم ولكن الا عرفو بحملها غادي يدرو ليها أكثر بكثير من عائلتها للاحتها ...تحل باب العمارة وتلفتات مخرجة عينيها فلي خرج كان راجل مسن شافيعا بإستغراب كيطلع و ينزل فيها وزاد مكمل طريقو ...

حبسات لباب مخلاتوش يتسد ودخلات لعمارة كتستكشف سادة من وراها لباب ...

كتقول في خاطرها لاهم داخل العمارة ولاخارجها ...

جلسات على درجة  متكية براسها على الحيط والضيم طايح عليها ..معندها لاحنين لا رحيم غير بوحدها ولات كي راس المقطع ..وبحال الطاير مقصوصين ليه الجنحين .....مشات في نوم عميق بعدما عيات بالبكا محاطة كرشها ...

💦عندما ينقلب السحر على الساحر💦

❤البارت:227❤

دازت الليلة ودازو من وراها ليالي أخرين ليالي بدا الحب بتعمق ويتغلغل في قلوب البعض ..ليالي دازت سوداء مقطرة بالجحيم عند بعض وليالي مرة بحاال سابقها عند بعض 

شهر بالتمام والكمال مر على أخر يوم شافتو وجهو فيه مكتافية فقط بليلتو الأخيرة معاها ...

ليلية ترجمت ما في القلوب وفضحت المستور رغم تظاهرها بعدم كلمات الحب ولكن القلب والعيون بوحدها لعارفا ..

خارجة عبير من القهوة كتافها طايحين عليها من لعيا وعاد لغيكل لمرضاها ومخليا عضامها كيحرقوها  عاد الوجع والترويعة ..

هزات عينيها أمامها ووقفات ملي شافت طوموبيلتو صغرات عينيها كتأكد حتى كتبان ليها النافذة نازلة وبان وجهو مع الإبتسامة مرافقاه بادلاتو البسمة وبدات كتقرب نحوه هو الأخير 

لفتح لباب ونزل أدراجو جيهتها كيطلع وينزل فيها وحواجبو كيتعقدو حتى تلاقاو مع بعضهم البسمة كانت مزال مزينة معالم وجها رغم التعب لكيكسو ملامحها ...

صغر عينيه كيحقق في وجهها لمدة قليلة خلاتها هي تجمع بسمتها حتى شافتو تحنا باسها من خدها كيتنهد فرفرات وبغات تطير من بلاصتها..حافظات على تباثها ملي بعد عليها كيحقق فيها  مردد:صافا كتباني ماشي هيا هاذيك 

تنهدات وغمضات عينيها بتعب:غير عيانة شويا ..

رددحذيفة:ياكما مريضا 

حركات براسها بلا:عيانة غبرتي 

قهقه خلاها عضات على شفايفها بخجل من كلمتها لنطقتها بلا إرادة

شافيها بحب :غير باش توحشيني شويا (تلفت لطوموبيل )زيدي طلعي نكملو هضرتنا 

دار حل ليها لباب كيضحك تارك لفراشات كتفرفر في قلبها وتهر على معدتها

تبعاتو حتى مر من أمام الطوموبيل كتردد في خاطرها:تهدني الحمقة تهدني ..

ركب ودار كيتبسم كيشوف فيها ردد قبل يديماري الطوموبيل:أنا بعدا توحشتك وبزااف 

حنات وجهها بحشمة خلاتو يزيد وسع ابتسامتو شاد الطريق لوجهتو لمحددها 

تلفتات تشوف فيه بعد مدة قليلة :فين غادين راني تعطلت 

رما يديه وشد يديها ..رجع شاف في الطريق وتحنا باسها من لقدام و اللور مغمض عينيه مخليها تسرط ريقها والحرارة سرات مع رجليها ..

هز راسو رجع يشوف في طريق :توحشتك وبغيت ندوز معاك وقيت عندي شلا مانقوليك 

تزيزنات من قبلة اليد ..حطات راسها على نافدة كتشوف في الشارع لبدا يخوا وكل واحد رجع استوطن دارو ...

 تفكرات عائشة وقلبها ضرب رجعات تلفتات تشوفيه مرددة:خاصني رجع ماما غادي تشغل عليا 

تنهد :تاصلي بيها 

سكتات خايفة تعيق تاني ولكن مالقات تاحل حتى هي توحشاتو و بغات تدوز وقيتة تبرد الشوق لتولد ليها هاد شهر ..

خدات تيلي من عندو حلاتو وظهرات صورة ديالها كتشوف في البحر مغمضة عيونها وشعرها كتطاير تبسمات وتلفتات تشوف فيه لقاتو كيسوق ..دورات رقم عائشة خافية رقم المتصل

 وعلماتها بالخدمة لتزادت على غفلة ..قطعات بالخف مخلياها كتهدر راسها راداه ليه .. سؤال بادر ذهنها طيلة الطريق وهو فين كان وعلاش غاب عليها ...

وحتى سارة وفاتن بدلات لاكارط ومشاو ليها نوامرهم مالقات كيفاش تواصل تعرف الأخبار ...طوالت طريق ومعارفا فين غاد غير شادا طريق و تابعاه ...

فجأة وقفت الطوموبيل زفر بسخط خلا قلبها يضرب ..

💦عندما ينقلب السحر على الساحر💦

❤البارت:228❤

💦💦💦💦💦

حل باب الدار ودخل كيردد بصوت عالي :"كوثر ..كوثر "

خرجات من الكوزينة بتعجب من نبرة صوتو لكانت ديما حنونة باستغراب تبعاتو حتى وقف أمامها وجهو حمر وعينيه خارجين فيه نطقات احح بالألم لدخل معاها من يديه لزير بيها على ذراعها كيردد:سحارة المجرمة هادشي كامل خرج منك وأنا ماجايب لدنيا خبار معمرني كنت نصحاب معاشر مع لفعة (تبسم باستهزاء)كيفاس غادي نصحاب ونتي عاميا ليا العينين ..قدام عينين لوليدات الصغار لسمعو لغوات وطلو يشوفو اش واقع جرها خرجها من الدار لاحها حتا طاحت وسد لباب ..مخليها مزال الصدمة لاعبة عليها والكلام واحل في قرجوطتها ..تحل الباب طلعات عينيها ووقفات كتبسم مرددة:كتضحك معايا ياك 

لا عليها جلابيتها مردد:نساي هاد الدار وحتى لولاد غادي لتربيهم ماشي بحالك اعيفة لعيالات خرجتي على ختك رجعتيها حمقة  بقا غير أنا لولد الناس 

سد لباب خلاها تضرب وتعاود في الباب حتى بداو يحلو سكان العمارة يطلو... لبسات جلابتها وخرجات تبدل الجووالخوف من كلامو بدا يسرا في ذاتها كيفاش عرف زعما وشكون قاليها ..شداتها نزلة وحدا لدارهم متناسيا لكلام لقالت على عدم مجيئها لعندهم ولكن من نهار اللول تلفات بيها ومالقات حتى سبيل من غير ليهم .......

جلس علي زوج كوثر في البيت شاد على راسو من بكا لولاد على أمهم ...

تنهد وناض الكوزينة لقا الصفارة كتصفر طفا على العشا  بعدما حركها وحلها كيشوف واشطاب نظرا للما لقليل..لقاه طاب حط في طبسيل وجبد الخبز من الفران مشا لبيت ونوض لوليدات بلطف لعشا حاول وحاول وحاول معاهم عاد ناضو غسلو يديهم وتوجهو لعشا دمعتهم على خدهم 

 جلس مرافقهم وسها أمامو راجع بعقلو لقبل ساعاتان ملي خرج من خدمتو وبغا يدخل بخيط بيض بين كوثر وأمها لمناقشين دخل كيشوف بإستغراب في حفصة لكضحك وتبكي وكمها على فمها كتدندن وتهضر ببعض كلمات ممفهومينش 

علامات الإستغراب ضربات وجهو وكيشوف كوثر عمرها حكات ليه لجاري جلسات الأم هازة براد أتاي حداه كتشوف في بنتها وكتنهد ..سولها ولقاها قلبها طايب كتعاود ليه وقلبها دارها عليها ..رافقهم لحاج بعض الصلاة وأخوها كذالك لمالاقين ليها جهد 

دخلات الأم لموضوع كوثر شيئ لخلا الحاج بعد على المجمع و علامات الإستياء على وجهو قالت كلام خلاه يفشل وكاع الأفكار دخلو لدماغو معقل على راسو الا خارج تاركهم متبعينو باستغراب وناض الأخ سد الباب من وراه 

🔙🔙رجع لواقع علي على غوات لولاد ..شافهم مناتفين فيما بينهم كلا شاد من لاخر واحد ي دد ماما غادي ترجع ولأخر كيردد بالعكس ..فكهم موجه كل واحد يغسل هز طبسيل كيتنهد ودخل كل واحد ينعس في مكانو طافي الضو من وراهم وجلس يخمم في امرو ......

💦💦💦💦💦💦💦

تلفتات كتشوف اش جرا حتى كتشوفو حل لباب وخرج موجه الامام 

حلات الباب كتشوف الظلام من غير ضو ديال الطوموبيل لمحيد القليل نت العتمة ...

شارع خاوي لا من بنادم لا من الحديد رجف قلبها وطلعات يديها تشوف الساعة لكانت العاشرة زادو دقاتها وتوجهات عندو وقفات على راسو  قلبها كيحرقها مرددة:اش وقع مالها 

هز راسو فيها ورجع نزلو كيقلب في لبياس :رجعي لبرد عليك غير شحفات

تنهدات :ايمتا يتصلح المشكيل 

هز راسو كيدورو على طريق لخاويا وديور لبعاد كيبانو غير لعالين ...تنهد :معرفتش خاصني لماكنظن غادي نباتو هنا 

خرجات فيه عينيها:كيفاش غادي نباتو في هاد لخلا (حطات يديها على راسو وبدات غادا جايا)

علاش اصلا جبتيني من هاد طريق فين كنتي غادي بيا 

قرب جيهتها وشدها من ذراعها موقفها كيشوف في عينيها لكيدورو بالخوف:تهدني كلشي غادي يتحل علمي خالتي وصافي توثر والقلق معندو باش يفيدنا 

حركات راسها باه بحزن  ورجعات الطوموبيل تابعاه بعدما مالقا حل خصوصا العتمة..

تنهدات ماسكا التيليفون كتاصل بعائشة لطبخات ليها راسها وندماتها علاش تاصلات رجعات ليه تيلي لهو بدورو تاصل بخديجة علمها ...

حسات بيديه كتحيد أطراف شعر كتديرو ورا وذنيها ..حلات عينيها بعدما كانت مغمضاهم وتلفتات كتشوف فيه 

نزل يديه لخدها وطبطب عليه بحب مردد:عيتي بزاف 

حركات راسها باه وعينيها مقاداش تبقا حالاهم 

ردد كتنهد:غادي تكوني جعتي

التازمات صمت حتى سمعات تخرشيش وتلفتات كتشوفو معافر كيحل في ايكبيل بقات متبعاه حتى مدها ليها ...

خداتها من عند ..بزوج يدين شداتها كتاكل فيها ...

تاركاه متبعها بحب 

ماهزات راسها حتى كملات مرددة:سمحلي مخليتش ليك فيا جوع

تبسم :شبعت بشوفتك 

ردت بحشمة:فين كنا غادين واش كنتي غادي تقولي 

تبسم وجر يديها لكون لقا ماعمرو يطلق منهم  مردد:بغيت نقوليك شي كلام .......

مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

💦عندما ينقلب السحر على الساحر💦

❤البارت:229❤

🍁🍁🍁🍁

حبي لكِ تجاوز عديد من الصعاب ليبحر أخيرا في الهناء وبقلبك أريد تشبت وأنسى العالم بين يديك 

حبي لكِ لم يكن سهل لدرجة أنساه بل كان كالسيف يخدش أعماق قلبي ..تسلل الي كالبلسم  في شهور ولم أجرأ على حدفه بل زاد تعمقه بين دروب الجسد ....

أنت الحب وستبقين الحب ياسيدة هوايا و يا ملهمة الروح 

 #عبير

🍁🍁🍁🍁

شافت فيه  عبير بتسائل مع تصاعد دقات قلبها حاولات بخجل تسل يديها من بين يديه ملي شافت نظراتو لي بالعشق عامرين ....

لكن كان لحذيفة  رأي أخر زاد قرب جيهتها وهي متبعاه بخجل اش كيصنع حتى غمضات عينيها على إثر القبلة لستوطنات جبينها ...

زاد قلبها في دقاتو وسرطات الغصة لدازت ثقيلة على قرجوطتها ...

حلات عينيها ملي ابتعد  عليها وهو ماساخيش بعبقها ..جات في عينيه  لكانت كتحوم عليها . نظراتو والبسمة لعلى وجهو  كتظهر كل المستخفي ..

تنهد مردد :ليوم خديت طلاقي 

خرجات هينيها بصدمة لدقيقة من الزمن ورجعات ليها الصدمة بالبسمة خلات الأخير تبسم براحة على ردت فعلها..من بعدما فاقت من الصدمة رجعات ليه نظراتها لقاتو مبسم ليها ..حنات راسها بحرج ..

حتى هزات راسها على صوتو لمزين ببسمة:مقلتيش لي مبروك 

تبسمات مرددة:علاش طلاق كيباركو عليه الناس

قهقه على كلامها مردد:حيت مبقاش حتى مانع لي يخليك متقبليش على هاد العبد المسكين 

طلقاتها بضحكة على حركاتو ونبرة صوتووو مخليا صوتها رنان يملي المكان .. 

ضحكة خلات دموعها ينزلو وخدودها يتزنكو ولون الدم ملئ وجهها ..

سكتات كتمسح في عينيها مدورة وجهها لنافذة كتلف الشوفة ...

حسات بيديه رجعات هزات يديها تلفتات ليه لقاتو مصغر عينيه فيها مردد:ايوا اش قلتي 

طلعات معاها السخونية والفراشات كيطيرو في قلبها خلاوها تبغي الطير :فاش

تنهد:زواج اعبير راك عارفا

سرطات ريقها:اش  عارفا 

قلب وجهو الجهة الأخرة ورجع شافيها :كنطلبك لزواج وهادي لمرة الثالتة 

حنات راسها مرددة:زربتي مزال يالاه طلقتي 

تبسم بفقصة  :علاش ياكما  كتسناي نحيض ثلاث مرات..

💦عندما ينقلب السحر على الساحر 💦

❤البارت:230❤

خرجات عينيها فيه بحشمة مظناتهاش فيه مرددة:اش هادشي قلتي

بفقصة:كيفاش زربت راه تعطلنا خاصنا نكونو درنا الدراري

هزات كتفها بخجل:لازربة على صلاح خاصني لوقت نفكر زواج هذا

تنهد :شحال خاصك الالة ديال الوقت

تنهدات ساهية قدامها:معرفتش نكمل قرايتي بعدا ونعوض لميمتي 

صمت و العتمة رافقو بعضهم حتى تردد صوتو:ابنت ناس قرايتك مغاديش نمنعك منها

وحتى خالتي بحالها بحال لوالدة يعني كل لقلتي معاك فيه 

سكتات مشافتش جيهتو قلبها كيضرب وشعرها وقف عليها مبقات عرفات ماتسبق و لا توخر ...

تكا راسو على لكرسي ساهي أمامو في الكمرة لقبالتو تاركها تنسج أفكار وصورة مصطفى أمامها كتدور ..سرطات العقدة لمكونة في حلقها وتكات على النافذة كتبلور في راسها ..

بقات ساهية حتى حسات براسها حرقها حركات راسها بلا كتسوس الفكرة لضاراها وتلفتات تشوف فيه لقاتو مغمض عيونو وتردد أنفاسو بانتظام دليل على نومو ..

طولات فيه الشوفة وتلفتات بعدها حالة لباب خارجة كتستنشق لهوا و البرد لمحرك اما أصوات الأشجار هو لمالي لمكان  محيد السكون لكان ملازم الجو ...

دخلات لهوا وخرجاتو وتكات على قدام

 الطوموبيل كتشوف أمامها في العتمة لمسيطرة من غير الإضائة لخفيفة ديال طوموبيل

تنهدات وعاودات تنهدات وحسات بالماضي الأليم ماماتش وبداو ذكرياتو المرة كترجع لبالها كل حدث من طفولتها إلى شبابها ..العنف لمرات بيه عائشة ..القمع لمرات بيه ..زوجة الأب و السم لي في كلامها يبغي يقطع العرووق ....

غمضات عينيها ونزلات دمعة على خدها 

🍂🍂🍂🍂

دمعة الأوجاع والماضي الذي لم يمت بل دفن حيا ويستطيع الرجوع وقت ما يشاء 

الماضي الذي استغرق نسيانه الكثير ولكن في لمح البصر يرجع كالسابق وأكثر .....

🍂🍂🍂🍂

💦عندما ينقلب السحر على الساحر 💦

❤البارت:231❤

واقفة كوثر أمام باب دارهم كدق دقات متثالية ودور راسها في الأرجاء الدار لترعرعات وكبرات فيها ..

تحل الباب من طرف أمها لغير شافتها خرجات فيها عينيها مرددة:اش جابك هنا 

دفعات كوثر لباب بغا الدخل حتى حبساتها مها دافعاه عليها :فين جايا ابنتي لهضرة تنطقات 

خرجات فيها عينيها:حتا ندخلو ونهضرو جايا لدار با حيدي 

خرجات فيها عينيها: غادي تمشي ولا نعيط عليه ياكلك ليوم هاد باك 

يالاه غادي  تكلم كوثر قاطعهم صوت الأب لجاي نحو الباب ..ضرب قلبها لدقات و بعدا رجليها على الباب سامحا الأمها سادة وراها الباب ..حدرات راسها كتسمع حديث لداير بينهم ومغزاه شي حد مكعرفوهش جاي يدق ..

تنهدات ورجعات خايب أملها  ..توجهات جردة جلسات مكبلة الأيدي ..في قنت مغطي بالأشجار كدور في عينيها في الناس لمعندهم متوى و الأصبحت في لمح البصر منهم ..خسرات وجهها وبحقد غززات على سنانها ..طاحت دمعة على كبدتها لكتحس بيها تشوات بفراق ولادها ..تشمتات و ونقص عقلها لاحها لهلاك وهلكات معاها حتى ختها ..نصيحة كانت تنصح ختها بالحسنى كانت غادا تنفع راسها و تنفع ختها الأمرها استعصى ..

تنهدات ساهيا في نقطة وحدا ......مخليا البرد كيمدها بالبرودة لكتجعلها تكمش في بعضها ...

💦💦💦💦💦💦💦💦

جالسة أميمة في مطبخ كتاكل في صمت وساهيا في نظرها لبعيد ..شعرها مقطعاه ..مرتدية شوميز قصير بالوردي البارد مشبك ولمخفي ظاهر ..تنهدات على صوت لباب لسمعات وحبسات المضغ ...كتسرط في الماكلة ..

وقفات ملي شافتو داخل في اتجاها هاز معاه صاشي ديال الخبز .. تحنا باسها في خدها كيطلع وينزل فيها  بشهوة مردد: مقادة لي بحال العادة لهلا يخطيك عليا 

تبسمات ابتسامة صفرا وخدات الصاشي مسلتة من جانبو خلاتو جلس على الكرسي كيدور عينو على الماكلة لكانت كتاكل مردد:علاش متسنيتينش

تلفتات كتنهد:جاني حوع ومقدرتش نصبر نحط ليك دابا 

حرك راسو وناض :حطي لي نمشي نغسل وأنا معاك 

تنهدات ..بقات متبعاه حتى غاب على عينيها وهي علامة الإستياء مالية وجهها كتردد بخفوت:واخا شارف الحمد الله مغطية الحمد الله ....... 

مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.

💦عندما ينقلب السحر على الساحر 💦

❤البارت:232❤

🌺🌺🌺

من يتغلغل العشق في قلبه ينسى صباحه و مساءه يصبح الوقت عنده بالقصير برفقة محبوبه و الوقت بالطويل بغياب محبوه هذا مايسمى بالعشق الصافي ..العشق لا حدود له ..تصبح السعادة بوجود المحبوب والقرح المذموم بغيابه ....

عشق ليس بالكلمات ولكن بأفعال ....

#عشق 

🌺🌺🌺🌺

حلات  عبير عينيها على  لمسات كتحوم دون إصدار الصوت على وجهها .. بتعب كتحس بعنقها تعنز عليها وكيحرقها ..كان قبالتها ببسمة مزينة شفايفو ..رجعات غمضات عينيها مستحليا لمساتو على بشرتها 

..مدة قصيرة ورجعات فتحات عينيها مخرجاهم فيه كتشوفو زاد قرب وتحنى كيشوف في شفايفها ..

حطات يديها على صدرو كمحاولة تبعدو مرددة بخفوت :حذيفة اش كدير 

تنهد وساط النفس في وجهها حتى غموضات عينيها برعشة ..

بعد عليها كيمسح على شعرو بابتسامة:استسمح مزال لوقت 

قادات جلستها كتحك شعرها بحرج كتشوف في الشمش لمستوطنة السماء بلونها الذهبي البراق ...

تلفتات كتشوف فيه بنص عين لقاتو كيشوف فيها ويحك في عينيه حركات راسها بإستفهام مرددة:مالك 

قهقه ببسمة:فرحان بيك 

تبسمات بحرج شادة على عنقها لزاعجها الشيئ لخلاها يمد يديه لعنقها كيقيص فيه:مالك صباح ضارك 

حركات راسها باه كتشوف في الأسف ..قاد جلستو وبدا يماصي فيه بشويا ويشوف فيها كمتوثرة وحشمانة تبسم بخفوت من وجهها لمهزاتوش فيه غير لاويا راسها ..

حيد يديه كيتنهد وهز ليها وجهها من ذقنها كيردد:ياك لباس 

هزات كتافها مرددة:والو غير خاصني نمشي لخدمة عندي في العشيا اما حتا لافاك غادي يكون مشا لحال ...

تنهد وخرج كيدور في عينيه 

على الطوموبيلات لدايزين من جانبهم ...حكات عينيها لتعب كيكسوهم وتكات براسها كتكر الليلة المأساوية لعاشتها بذكريات الماضي الأليم ..ذكريات لمحفورين وعميقين بعنق أكبر بكثير ملي كانت تخيل ..الليل بالكامل واليكون مرتبط بذكريات كتدةر في عقلها ماتمكنات تنعس الا في الصباح ..تنهدات وهي كتشوفو كيهز في طوموبيل وكيخوي في الماء بعدما وقف شخص دايز ومد ليه مبتغاه ....

ركب حداها وقاد لاسانتيغ ..وشاف فيها لقاها كذالك كتركب فيها ...

هزات راسها كتقاد في شعرها وتلفتات كتشوف فيه مرددة:تصايبات 

حرك راسو باه وديمارا مردد:نمشيو نفطرو مكتابش نمشيو فين بغيت 

رددت:لا لا غير وصلني قريب لدار 

تنهد رامي ليها العين:فطري معايا ونوصلك فين بغيتي 

حدرات راسها كتردد:شحال الساعة طفا لي التيلي 

هز يديه كيشوف في الساعة اليدوية:مزال يالاه 9 هادي

التازمات الصمت خلاتو خدم الراديو مستأنسين الجو الصباحي ...  وعلى أغنية عشق ...

خلات  دقات قلوبهم  يدقو و لعيون بعضهم رامين العين ..دخلات مع الأعماق وتمثلات مشاعرهم الصادقة بالظهور على وجهم وملامحهم ....

💦عندما ينقلب السحر على الساحر💦

❤البارت:233❤

عشق ...يادقة حلوة و بالقلب تدق

ياهوى وبعدك اني أختنق

أن أعشقك و أتنفسك مثل الهوى

ترى ..ترى الغرام بداخلي عبر

حد الأرض صعد ورا القمر.........

🌺🌺🌺🌺

وقفات الطوموبيل جنب مقهى عائلي نزل خلاها تحل الباب وتنزل كدور عينيها في المقهى .. 

دار عندها وشد يديها بين يديه خلاها تحني عينيها ليديه لوسط يديها مستوطنة بتملك تبعاتو كتحيد الشعر على عينيها ..حتى تقدم جر ليها الكرسي ببسمة ..بادلتو البسمة وجلسات بحرج  كتخبيه بلعب في أطراف شعرهاا ...

رما يديه ليديها رجع شدهاكيلعب في أصابعها وبلين ردد:مزال التعب على وجهك سمحيلي كرفصتك 

حاولات تجبد يديها و لكن كان كارز عليها ...تنهدات والتازمات الصمت حتى وقف عليهم السيرفور  طلب فطور صباحي ....

خلاها تدور في عينيها في الأرجاء القهوة لكانو العائلات قلال مجموعين ببسمة تاركاه متكي بظهرو على الكرسي ويديه كتلعب وسط يديها والفرحة مزينة وجهو تنهد وردد:ايوا فكرتي شويا في لموضوع 

تلفتات كتشوف فيه في صمت لمدة وهي مركزة في ملامحو  سرطات الغصة وحولات عينيها ليديهم لمتماسكين ..

رجعات عينيها عليه لكان ياكل في شفايفو متهوف من ردها لغادي يكون المميت ....

🌺🌺🌺🌺

الدهشة على محاي لا أعرف الصحيح و الصواب ولا أعرف الخطأ كل ما أعرف أنني بين نارين ...أريده نعم ..ولكن هاجس خوفي لم يسمح لي بالتخلي على العقدة المتمسكة بي الى حد النخاع ...

#عبير 

🌺🌺🌺🌺🌺

💦💦💦💦💦💦

حلات أميمة عينيها كدورهم في السقف لمدة قليلة وتلفتات كتشوف في مكانو لكان خاوي ...

تنهدات راميا الغطا وظهر  جسدها الممشوق عاري ..وقفات موجهة خارج البيت الحمام كتحك على شعرها القصير ..

دخلات تحت الدوش ..طلقاتو وحنات عينيها لجسدها كتشوف فطبايع الليلة الماضية ليلة لاتختلف على الليالي لسبقوها ...

جلسات على الارض تاركة الماء يتساقط على جسدها والدمعة مرت على خدها نزولا لفمها تحكي معاناتها في صمت .......

💦عندما ينقلب السخر على الساحر💦

❤البارت:234❤

تنهدات وناضت كتغسل وتنقي راسها بعدها طفات على الما وخرجات كتكمد في الفوطة لمعلقة بجانبها ...

رجعات أدراجها بعدما قادات الدوش

وقفات ساهيا كتدور عينيها على الحوايج جديدة لبين أدراج البلاكار ..هزات بيجامة كتلبس في ها وهي ساهيا في الليلة لكانت مكمدة وحاطة راسها على الحيط  مغمدة عينيها وناعسة في الأحلام ..حتى  فاقت على يدين شي حد قفزات ملي شافتو نفس الرجل لخلا الباب مفتوح ودخلات ورا مامشا ..شافت في الأرجاء والضو لبدا يطلع ديال الصباح حاولات توقف بعدما بعد عليها وشافت فيه كيف متبعها كيطلع فيها وينزل حدرات عينيها غادا خارجة تالفة معارفاش لافين تمشي ولافين تصد ..حتى وقفها بقولو تبقا معاه حتى هو وحيد ..فكرات بعمق ولقات أحسن الحل ليها مقارنة مع الشارع ...طلعات معاه بخجل كتفرك في يديها ..دخلات ووجهاا لصالون ..خلاها تمات باش تكمل نعاسها ودخل لبيت ديالو وسد من وراه لبيت ..داز النهار وهي عاد فاقت كتوجع بالجوع ..دخلات الكوزينة بعدما تأكدات مكينش وقلبات الثلاجة كتهز كل ماتشهاتها  كونها كانت عامرة ببلأكل طايب و خضر ...

كالت وشبعات ورتاحت ودوشات ..داز يومها ودازو نهاراتها من بعد كتشابه حتى ولات كتحسو كيتحرش بيها مرة بكلمة مرة بلمسة حتى طاحو مع بعض ..عجباتو ومن ليلة ذاقها ولات كل يوم ..الى يومنا هذا خافية الحمل لفي كرشها كيكبر يوم بعد يوم وكرشها لتزاد حجمها على كيف كان ..رضات واستجمعات نفسها ناسيا العلاقة الشرعية لبيناتهم وضاربة جنب الحائط عائلتها  للاحتها  ومعقلاتش عليها ...

🔙🔙رجعات على ذاكرتها لقات راسها مزال واحلا كتلبس تنهدات وكملات لبسها ...موجهة بعدها الكوزينة تطيب شي حاجة ....

💦💦💦💦💦💦

كدور عبير عينيها في الأرجاء وكتسرط في ريقها باستمرار ...كرز على يديها حتى هزات فيه عينيها شاف فيها باستفهام نظرا للمدة لطوالت على صمتها وعلى توجيهو ليها لسؤال ...

غمضات عينيها وبصوت خافت مرددة وهي كارزة على يديه:موافقة 

تبسم في وجهها وتنفس بعمق كأنه   كان غريق مردد:عاوديها 

حدرات عينيها ورجعات شافت فيه خدودها بدا الإحمرار يستوطن عليهم:موافقة ولكن نطولو شويا 

حط عينيه على الفطور لملي يتحط ما خداو منو نضرا لتوثرهم ..بعد يديه من يديها وهز كاس لعصير مدو ليها :فطري اعبير وخليني فرحان نساي لكن

هزات كتافها :علاش راه غير مامستاعداش 

قهقه ببسمة:علاش واش غادي دخلي لحرب راك كتعرفيني وكتعرفي لواليدة لبنات دار  فين كاين الإستعداد 

سهات قبالتها كتنفس بعمق وكنفكر في الموضوع لزعجها و أرق راحتها اكثر من موضوع باها ..

سرطات ريقها وغمضات عينيها هزات العصير كتبرد الحرقة لاستقرات في قلبها وهزات بعدها ملي رشفات من الكاس عينيها فيه لقاتو كيترقبها حاط يديه على فمو 

توردو خدودها ورجعات هربات عينيها منو مرددة بخفوت متلازم:منقدرش على داكشي 

باستغراب شاف فيها:اينا شي 

كرزات على يديها وعاودات ردت وهي بدون شعور كتخشي ظفارها لطوال وسط جلدها حتى دازو بدم :داكشي ........

 نتمنى تكون عجباتكم القصة، ماتنساوش دعمونا بالإنضمام لصفحاتنا و الجيم باش نحطو قصص كثر.