💞حب يتخطى حدود المنطق💞
❤البارت:131❤
💦💦💦
أصعب إحساس عند المرأة المتزوجة أنك تسمعي سميت مرا أخرى من فم زوجك سواءا كان مستيقظا او نائما
إحساس كيقشعر ليه البدن و كيهرس القلب كتعرف بأنك مكتسوا والو عند الشخص لقررت تكمل معاه طريقك وحياتك شخص لتكتب إسمك متلاصق مع إسمو شخص شهدو عائلاتكم على زواجكم شخص كتمنا يتكلل زواجكم بطفل يحمل إسمو ونفس دمو ....
إحساس كيخليك تالف في متاهة متعرف تقدم و لاتوخر
💦💦💦
بقات ساكتة وعينيها كيحكيو كلشي كارزة على يديها وكتغدد في شفايفهاا... عينيها تحطات عليها هي لي واقفة حداه حالة فمها ولإبتسامة بدات تشق طريقها...
وقفات خديجة بفرحة حطات يديها على شعرو كتسناه يحل عينيه بفارغ الصبر........
طلعات تفاحة ادم ونزلات فغر فمو للمرة الثالتة ناطق بإسمها بصوت شديد الخفوت ...
خلا عيون عائشة دورهم تشوف في حفصة لباينة من وجهها لولا شديد لإحمرار أنها بقا فيها الحال..
شافت في بنتها لإبتسامة مخطاتش وجهها ورجعات عينيها ليه لبدا كيفتح عينيه بصعوبة
غير فتح عينيه دورهم على من حولو استقرو على خديجة واطمأنها بعينيه بعدما رددت"لباس اولدي كيف بقيتي"
تلفت الجهة لأخرى شافها كتضحك تبسم بزز منو وعينيه عليها لصقات بادلاتو النظرات حتى حشمات ونزلات عينيها خلاتو وسع ابتسامتو وردد بكلام خافت :"بغيت لما" دورات عينيها خديجة وبسرعة هزات كاس لما لحداه مداتو ليه....
شرب ورجع تكا بشويا على كرشو عاض على شفاهو كيشوف في الأرض تنهد بعنف و رجع ناظرو لعبير لكانت ساهيا كتشوف بعيد عليهم ....
طلعها ونزلها تنهد وساط حتى هزت فيه عينيها مبادلاه الشوفة
غافلين على عينين حفصة لسرطت الغصة وقلبات وجهها خارجة من الغرفة والدمعة
في عينيها كتغدد وتحلف في خاطرها
هزات عينيها فيها ملي خرجات... تبعاتها حتى خرجات و رجعات شافت فيه لقاتو مزال كيشوف فيها فغر فمو ناطق:جاو البوليس
حركات راسها باه قالبا وجهها من الحشمة
تنهد وعاود نطق :شدوه
هزات فيها خديجة عينيها كتسنا جوابها
حركات راسه بلا:ياك شفتيه هرب ملي ضربك مستمرين في البحت دارو لي استنطاق مخلاونيش حتى نتبعك (تنهدات)سمحلي ديما مصداعك
صغر عينيه متجاهل كلامها كتبسم بشويا :علاش خبيتي زواجك اعبير
هزات فيه عينيها بعدما كانت تلفتات شافت في فاتن وسارة لكيوشوشو حداها
معرفات ماترد عليه التازمات الصمت
تنهد ودور عينيه جهت خديجة :مجاتش معاكم حفصة
دورات عينيها كتقلب عليها حتى شافتها جايا داخلا :ها هيا جات
هزات عينيها فيهم لإحمرار فيهم وقربات وقفات حداه تحنا باستو على خدو وناضت شدات لو من يديه ..هزات عينيها في عبير لكانت عينيها عليهم وبتاسمات ..إبتسامة فهمات مغزاها ..غداتها وعصبتها على الحركات لدارت هاد نهار مفهماتهاش ..شافت في يديهم لمتماسكين صرطات الغصة ووتنفسات بعمق محولة عينيها لعائشة لمتبعاها بعينيها ......
💞حب يتخطى حدود المنطق💞
❤البارت:132❤
ابتاسمت ليه :كيف بقيتي
رد ليها لإبتسامة :الحمد الله
ابتاسمات:الله يشافيك
مسخاوش... خرجو غير بزز بعدما دار نفس الطبيب لجابهوم وشافهم مجموعين... خرجهم وسد لباب الغرفة خلاوه يسها قدامو كيفكر في هادشي لوقع وكيفاش وقع ....
خرجات شادة من مهاا لتعب كسا وجهها
دارت وراها كتشوف في خديجة شادة على سارة من جهة وجهة اخرى فاتن و حفصة من وراهم ساهيا أمامها حتى وقفو حدا عبير لواقفا كتسناهم...
خديجة :يالاه نقلبو على شي وطيل هو لقبل علينا في هاد الليل
حركو فاتن وسارة راسهم مأيدينها
حفصة :بصح اخالتي عينا
ردت عبير بعدما كانت ساهيا أمامها متبعا كلامهم:نمشيو عند المرة لكنت جالسا معاها هاد السيمانة متردهاش في وجهي مرة طيبة اخالتي بحالك
حركات راسها عائشة :بصح الله يعمرها دار
خديجة:غادي نبرزطوها ليل هدا نخلعوها
عبير :منظنش مسكينة تفرح غادي تكون تشطنات علياا
تحركو بعدما لقاوها من الجنة و الناس شدو طاكسي ........
واقفين على الباب متقدما عبير وخديجة كيدقو ووراهم خديجة ولبنات و حفصة
دقت 2 دقات ودارت كتبسم لخديجة
حتى تحل لباب كانت مليكة عاكفة راسها بزيف شافت عبير فغرات فمها وابتاسمات ..عنقاتهاا كتطبطب عليها لمدة عاد بعدت سلمات على خديجة مرددة:على سلامتكم أختي علا سلامتكم ..
بعدات كتشوف بتعجب في خديجة ولبنات ..تقدمات سلمات عليهم ودخلاتهم الصالون ....
جلسو كتعاودو على لوقع لعبير..عاودات كل ماجرا ليها ملي جرها من حدا سبيطار ...الإغتصاب لكان غادي يغتاصبها... سكتات شحال ودمعة شدات طريقها ..الدمعة لخلات عائشة وتقرب ليها كتقاد ليها شعرها وتطمئنها بعينيها.......
حطات خديجة يدها على رجلين عبير كطبطب عليها في صمت
عوجات حفصة فمها فيها كتطلعها وتنزلها بشوفات حقودة
كملات لجرا ليها حتى لموس لتغرس في حذيفة خديجة زيرات على رجل عبير حتى لأخيرة تلفتات كتشوف فيها لقاتها عينيها تغرغرو ..
شدات ليها في يديها كطمأنها ببضع كلمات لتخفيف عليها
ناضت مليكة وجدات شي حاجة خفيفة تجمعو تعشاو ...وحطات ليهم المانط وراتهم الطواليط.. خلاتهم يبدلو حوايجهم ويقادو فين يحطو راسهم
.....
تكات عبير تشوف في نجوم مستفة في السما تبعاتها بعينيها حتى غفات .......بعدما تنهداات الف تنهيدة وتنهيدة
في نصف الليل حلات عينيها بعدما حرقاتها البولة
ناضت موجهة الطواليط قدات حاجتها ورجعات تخشات في بلاصتها ...استقرات عينيها على عبير لغافية في نوم عميق ناعسة على جنبها وحاطة يديها على حنكها في هدوء..
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
❤البارت:133❤
وقفات ليها على راسها بحال الشبح طلعاتها ونزلاتها كان لغطا طايح عليها خلا جسمها الضعيف يبان ....تنهدات بعنف وتلفتات في البنات شافتهم كشخرو و خديجة وعائشة كذالك ..بقات مدة كتشوف فيها حتى حسات بيها بغا تحرك وهي تمشي لبلاصتها جلسات كتشوف في النافذة لمدة ونزلات عينيها فيهاا هزةت التيليفون لحدا راسها ركبات نمرت ختها كوثر بقات شحال وهي كتصوني ولا مجيب تنهدات وقطعات و رجعات تكات كتشوف فيها حتى كيبغيو عينيها يتغمضو و ترجعو تحلهم فيها حتى نعسات ...........
🌄صبح جديد حل وعلى ريحة القهوة حلات عينيها كتكسل.......
ناضت كتدور عينيها من غيرها ماكينش لي بقا ناعس دورات وجهها طلات من الشرجم باغا تعرف مصدر الضجيج منين جاي .......
حكات على شعرها جمعاتو قادت حوايجها وتوجهات الطواليط .... غسلات وجهها وهزات تشوف في المرأة ...سهات لفترة ولإبتسامة بدات تشق شفايفها.. صدرها كينغزه وكرشها كتنغز فيهاا ...كتفكر التعنيقة لعنقاتو وتخشات فيه بحال السنفورة لهاربا من شرشبيل ....رجعات من سهوتها على دقان في الباب ..
جمعات تبسيمتها وحلات الباب حتى دخلات تجري سارة في يديها التيلي فغرات فمها باغا تهضر وهي تحبسها بحركة يديها على فمها
سكتات كتشوف فيها بإستغراب و تبعاتها بعينيها حتى شافتها جلسات على لاشاص ..تحنات على تيلي مجاوبة بصوت عذب وبخفوت مختلف على صوت سارة لأصلي
تنهدات عرفاتها غادي تكون كتهضر مع شي حد
خرجات سادة موراها لباب مخلياها عايشا في عالمها الخاص
خرجات كتسمع في صوت الضحك ماليا لمكان تبسمات ملي سمعات قهقهات عائشة دخلات عندهم كتشوفهم مجموعين على صالة مونجي
تحنات باست الأمهات على راسهم وجلسات كضحك مع فاتن بعدا عينيها على حفصة لجالسة كتمضغ ودور في عينيها....
جلسات فغر فمهها:ضحكوني معاكم
عائشة:مليكة شي عضرة عندها تبارك الله عليها وخلاص
مليكة:مشفتي والو كيف كنت بكري وتشوفي كانو مسميني غير مليكة مولات البادر
تهزو كاملين بالضحك مخلينها كتشوف فيهم بتبسيمة مزينة وجهها المنور .............
عبير بالضحك على الكلمة.. بقات تخبط في يديها وتعاود تبغي تحبس وتعاود تشوفي فيها وتشوف نضراتها وعيونها لمصغراهم كضورهم فيهم وتعاود تضحك..حبسو كلهم وهي والو حلفات لابغات تحبس ليها حتى دمعو عيونها ...........ولات تخبط على الطابلة بلا شعور ..شدات من كرشها كتنهج باغا تحبسها:يارب معمرني ضحكت بحال هكا
ابتاسمات خديجة:الله يخليك ديما ضاحكة
شافت فيها بود ودورات عينيها لحفصة لغير عاقداهم وشادا تيلي قلبات عينيها لمليكة:الله ياخلتي وعلى كلامك عندك فاجيتيها عليا واخا مافيا مانضحك
مليكة:وعلاش مضحكيش ميميتك حداك بخير ونتي بيخير تاحاجة متقلقك
تنهدات :بصح كلشي يهون غير الواليدة تكون بخير(تحنات على يديها باستها) كلشي يتعوض لاخدمة ولا قراية .....
بتاسمو ليها مكملين ماكلتهم حتى لحقات عليهم سارة والإبتسامة فالتة ليها ..غمزات عبير وجلسات كتاكل وحناكها مزنكين ...
💞حب يتخطى حدود المنطق 💞
❤البارت:134❤
سالاو الفطور وناضت مليكة عيطت على ختها حليمة تجي تجمع معاهم ..لبات طلبهااا
وجلسو مجمعين في الكوزيتة خديجة كتعجن في المسمن ومليكة كتقاد قوام الرفيسة اما عائشة جالسة حداهم مونسا معاهم وكتنقي العدس و الحلبة ......
جالسة وسارة حداها كتوريها في التصاور و الضحكة فالتة ليها عيونها كيبريو وحناكها حمرين ...
وقفات عبير بصبعها على واحد الصورة تبسمات وتلفتات فيها :ضسرتي افليفلة ضسرتي وليتي في تعناق
فرنسات وقلبات ليها صورة أخرى :كنحماق عليه أختي راه الحب هذاك
ردت كتشوف في صورة جالسة فيها سارة على رجلين شاب في أواخر العشرينات : شوف ليك الخانزة ضسرتي بزاااف والله وتشوف خالتي هاد تصاور ديال قلة لحية حتى تعلقك....حشومة تخيبي تيقت واليديك هكا
عبسات سارة وخطفات ليها التيلي: بلا ماتأنبي لي الضمير ا غبير كثر ماهو مأنب ياسين ديما كيقولي نفس الهضرة ولكن زواج مسؤولية وأنا مزال باغا الحرية واخا مصاحبين ولكن لبغيتها كنديرهاا ماشي بحال الزواج راه الخنقة
تنهدات عبير :شحال قدك اسارة توكلي على الله وبداي يسر الله والا كتبغي هاد ولد ناس و حتى هو كيبغيك خطي هاد الخطوة راه الحلال لكيدوم
سهات كتفكر لمدة.. خلاتها على هاطرها تجمع أفكارها و تلفتات كتشوف في حفصة لكتفرج في التلفازة وتيلي مخطاش يديها ....
رجعات شافت في سارة بعدما حطات ليها يديها على رجليها:فكرت عندك الحق نتوكل على الله ونديرو غير خطوبة بحال لي قالي نيت
تبسمات ليها:الله يسر
تلفتات ملي سمعات شي حد جاي قاصد الصالون لقاتها فاتن كتنهج وحاطة يديها على كرشها
ضحكات سارة خلات فاتن تخنزر فيها :ضحكي تهجريه اللفعة هادشي فاش فالحة
جلسات متكية على الحيط كتنهج والعرق من جبهتها كتصبب كطبطب على كرشها
سارة:اختي وانتي لكضحكي اش ندير
تنهدات :كلون أنا
صغرات عينيها:اش واقع ليك افاتن
لاحت ليها يارة كلينيكس:مسحي مسحي وجهك بحالا صبات عليه شتا
شداتو كتمسح :لقبط ياختي قاتلني
حبسات الضحكة ..رمات ليها فاتن العين غير شافتها عاضة على شفاها خرجات عينيها :ياك أختي حتى نتي مصدقتيش نوض نمشي بحالي من هن هنا يخخخ هادو هوما لخواتات
ناضت كتعوج خلات سارة تضحك اما عبير خلاص بدات تديماري
تلفتات مخرجة فيهم عينيها هادوك لكرادات راه عيقتو وليتو حتى لمرض ضحكو عليه
سارة حابسة ضحكة:كسوتك هههه يارب كسوتك عامرة
تجيفات عبير ولات تكحب عينيها خرجو
ضحكهم خلا حفصة تخرج من عالمها محداثها مع ختها للتافقو على رأي واحد وفكرة وحداا ....
هزات فيهم راسها بغل و قلبات عينيها من عليهم
حبسات الضحكة.. مسحات عينيها:فاتن وتي غير وقفي نقوليك الدوا لفكك
سارة :أنا بعدا بغيت غير نعرف ياك لإسهال لكيوقع هاكا كيفاش حتى لقبط وقع ليها هادشي
💞حب يتخطى حدود المنطق💞
❤البارت :135❤
هزات كتافها وخلاتهم مشات قاصدة الكوزينة :أنا لسري علاش جيت كون بقيت غير مقابلا خدمتي يخخ
هزات عينيها خديجة فيها مصغراهم.. شافت في عائشة ومليكة لكتطيب في المسمن:تحلفات عليها بعينيها حتى شافتها عائشة وهي تردها تبسيمة
خديجة :ولاد ليوم صعاب هاد جوجات مخرجين ليا عقلي كبرو ومزال بلا عقل
تلفتات مليكة كتشوف فيها :تبارك الله على مزيناتها و بعقلها تعالي جلسي ابنتي
تبسمات ليها بزز:خالتي محتاجة شي بيجامة
خرجات خديجة فيها عينيها لعلا و عسا تحشم
ساعا شافتها فاتن وهي تقلب عينيها عليها
ردت مليكة:حركات راسها عندي غير طويل ابنتي تلبسيها راه غادي تجيك واسعة
تنهدات :واخا الله يحفظك اخالتي
حضي معااك ابنتي هاد لمسيمنة بينما جيت
حركات ليها راسها وتسناتها حتى دازت بغات تمشي لعند لبوطةوهي تحبسها خديجة لوقفات مخرجة فيها عينيها :مبقيتيش تحشمي ابنتي نصحاب غير سارة ساعا حتى نتي بخبيزتك بغا تشوهينا مع ناس دايرين فينا غير الخير
ردت عليها : وابغيت غير نبدل حوايجي توسخو
خديجة:ياكما بلتي فيهم
بغات ترد ملبذة عينيها حتى قاطعها صوت عائشة:غير حاولي عليها اختي لبنات راه زينات
حركات راسها باه ومشات تقابل لمسمنة
دخلات مليكة هازة بيجامة طويلة بالصفر لون لكيجمع الناموس ...
شداتها من عندها بابتسامو وخرجات مجنبة خايفة لتفرش
دخلات لطواليط بدلات بيها جاتها واسعة وطويلة ولات تبان بحال نملة مخشية في غار تنهدات بنرفزة وهزات كسوتها كتصبن فيها ...
تنهدات وحلات الطواليط غادا خارجا باغا تعلقها في اي شرجم سمعات الضجيج ..صغرات عينيها وتلفتات جيهة الباب الدار لجاي منو الصوت لقات مليكة داخلا ومعاها ولد طويل شعرو أسود ولحيتو مقادة مرتدي سروال كحل وقميجة بيضاءاللون.....
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
❤البارت:136❤
طلعاتو ونزلاتو وعوجات فمهاا .. وقفت بلاصتها ملي شافتو شاف فيها اش دايرا صغر فيها عينيه وهي تمشي تجري رجعات الطواليط وسدات عليها ...حبس تبسيمة لبغات ظهر على شفاهو وزاد دخلو بترحيب من مليكة
دخل الصالون فين كانو البنات ..ناضت عبير سلمات على حليمة لفرحات برجوعها ..مدات يديها لولدهاا..
من بعد السلام جلسو
هزات عبير عينيها في حليمة:خالتي كنشكرك على وقفتك معانا الله يجازيك لا نتي لا توفيق
حرك راسو بعدما كان متبع كلامها:مرحبا بحال ختي
ناضت حليمة :نوض نمشي نشوف لعيالات فين وصلو
خرجات خلات عبير البسمة على وجهها :اش درتو في موضوع مصطفى
تنهد كيحك في لحيتو :معيا صاحبي يعكس مي مابقا ليه والو ويخرج
تنهدات وسهات لمدة وعاودت رجعات شافت فيه :توفيق خويا تقدر تعاوني في قضية الطلاق
حرك راسو:بكل فرح سمعت كان خاطفك
حركات راسهاوعاودت ليه لي وقع
تنهد متبع كلامها: مزال مالقاوه البوليس
حركات راسها: هو خواف بزاف بان لي غادي يهرب وبزااف..كنت كنقول عادي ورقة مادت ماجبت ولكن سيد جعر ولا يأذي بالموص اللهم نتفك هديك الساعة مايقربش لي
سها شحال كخمم هز فيها راسو:نقدرو نفعو طلاق غيابي
تقادات في الجلسة :تصدق زعما
رجع شاف فيها:نحاول بكون خير إن شاء الله ..جبد كارط فيزيت مدها ليها هادي تبقا عندك نبقاو على اتصال
تبسمات شاداها ورجعات طلعات عينيها في حفصة لدايرا رجل على رجل وكترمقها بشوفات ضايقو عبير ساطت وخنزرات فيها رجعو يتكلمو مخلين سارة غارقة في عالم الحب و رومانسية
تحطات القصرية وتجمعو عليها كلهم حتى زوج مليكة من غير فاتن لجالسة ببيجامة المشعشعة اللون متبعة معا التلفازة غايبة على عالم جمعتهم ...دورات عينيها بصدفة عليهم لقاتو كيشوف فيها ...
حذرات عينيها كتقاد الفرماج مع كاشير وسط المسمنة وهزاتها عظات منها مغددة ..رجعات شافت فيه لقاتو كيشوف فيها وهو كيمضغ صغرات عينيها ...شككها في راسها ولات تقول "ياكما وجهي فيه شي حاجة "نزلات عينيها كتشوف في البيجامة وتنهدات ولات تقول" بسباب هاد البيجامة تفووو"
عضات عضة بجهالة وخنزرات فيه تبسم وقلب عينيه كياكل
مليكة :فلتي عليك ابنتي هاد القصرية جات على مزيناتها
حليمة:بزااف الله يعطيكم الصحة اللذة
والبنة ..ابنتي عائشة حتى الا ماكلتش راه على صحتها نتي مالك مع رفيسة
بغات تسرط باش تهضر ووحلات ليها الماكلا في حلقها بدات تكحب حتى مدات ليها سارة الما كتبسم وبصوت خافت :"ضاع ليك لبريستيج امام التيتيز من بعد هاد لبيجامة كملتي حتى بهاد التبهديلة"
خنزرات فبها وشربات ..حطات لكاس ومسحات فمها وععينيها لدمعت وبعدات عينيها عليه ..كملات ماكلتها..
تهزات القصرية وتحط الديسير
من بعد الغدا ستاراحو حتى قرب موعد الزيارة وناضو مودعين مليكة وحليمة
خرجو كلهم موجهين لسبيطار ناوين يكون هاد نهار لأخير في هاد لمدينة
دخلو لسبيطار لوصلو ليه مع وقت الزيارة
تبسمات خديجة ملي شافتو جالسوتوجهات عندو هي اللولة
هز عينيه فيها تبسم ليها وراقبها جات تلاحت عليه حتى ضراتو...بعدات عليه والتبسيمة على وجهاا..ضحك معاها وضور وجهو على غفلة كيشوفهوم جايين ..عينيه مشات غير ليها هي لمزال بنفس الجلابة لايحة عليها فولار أسود مخبي التقطيعة صافي شعرها مطلوق وتبسيمتها مرفوعة ...سها فيها لمدة حتى حركات خديجة يديها على عينيه عاد رجع لوهيو شافت فيه جامعة الغوباشة:حذيفة عيب
هز عينيه بعدما كان حذرهم :حرك راسو ..
مخليها شافت بيه بحذر
دخلو تسالمو معااه ...تخشات فيه حفصة مبغاتش تطلقو حتى بعدها عليه كتبسم كطمأنها مردد"أنا لباس أنا بخير "
خارج وهوما معاه فرحانين حيت مطولش بعدما وصاه الطبيب غير ياكل أكل صحي وفيه المقويات باش يعوض الدم لضاع ليه ويداوي الجرحة بيبوماد خاصة بيها وقفو كيتسناو في طاكسي شادا ذراعو حفصة :جاو عندي لبوليس صباح
خديجة:اش دارو لقاوه
شاف في عبير:قالو مكاينش حسو ومشاو لجميع المناطق المحتملة ومكاينش
حذرات راسها بحرج حتى هزاتو ملي سمعات سميتها
شافت فيه طول فيها الشوفة :خاصك تطلقي
حركات راسها وبعدات شعر من حدا عينيها :داكشي لناويا ندير هضرت مع واحد المحامي شافت في عائشةولد خاتي مليكة
حركات راسها :توفيق الله يعمرها الدار غادي يوقف معاك ولد الناس والكرم
صغر عينيه كيشوف في شعر لكينزل على عينيها مكرهش يحيديو يديه كياكلوه عليه غير حابسهم بسيف :شحال عندو
تعجبات:شكون المحامي؟
💞حب يتخطى حدود المنطق💞
❤البارت:137❤
حرك راسو باه
خلاها تعجب من سؤالو ..تبسمات ودورات عيونها فيهم لقات خديجة مخنزرة فيه ولبنات يتبسمو أما حفصة لقاتها كتشوف فيها عيونها حومر
رجعات نظرها ليه لقاتو كتسنا فيها تجاوب
عبير:شي 28 سنة
ركز فيها الشوفة لمدة وقلب عينيه في طريق :مايليقش ليك خاصك واحد عندو تجربة
حس بخديجة شدات ليه من ذراعو دار شاف فيها .. فهم منحى شوفاتها تنهد وقلب عينيه.....شار طاكسي لداز من حداه................................................................
حطهم الطاكسي أمام دار حاتم فين كاين الطوموبيل ..................
سبقات حفصة ركبات القدام...تنهدات خديجة ملي شافت تصرفها وطلعات اللور مع عائشة ولبنات عبير طلعات في الكوفر ..............................
انطالقو متجهين المدينة لعاشت فيها أسعد أيام حياتها حطات يديها على خدها كتفكر في خوتها لتقطعات علاقتها بيهم في مرة...... من نهار العرس المشؤوم مابقاتش شافت نظرة منهم تنهدات وهزات عينيها قدامها تلاقات مع عينيه كيحدقو بيها تبسمات ليه رحع ليها لإبتسامة وحذر عينيه مكمل طريق وعينيه مرة بعد مرة كتمشي جيهتها
متناسي العالم .... متناسي عقد النكاح المكتوب من طرف العادل مع لجالسة بجانبو...................
كنعرفو أن كثرة الضغط كيولد لإنفجار كذالك في الحب كثرة النكران تولد الهيجان المنطق يغيب كما يغيب العقل ويتقدم القلب محاصرا الجميع....
..
طيلة الطريق و ضحك خديجة وعائشة مالي الطوموبيل ... أما سارة مامسالياش كتمساجا ....
ساكتة ملتازمة الصمت طول الطريق من غير عينيها لمرا مرا كتهرب جيهتو مرة يتلاقاو عينيهم و مرا لا..........
توقفات الطوموبيل أمام مسكن عبير ....بغات تحل الكوفر مبغاش تعكس ليها حل الباب ونزل حلو عليها مد ليها يديه باش تنزل ...
شافت فيها لمدة ووضعت يديها وسط يدو تمسكت فيها ... وخطات خطوة تنزل حتى كتحس برجليها بغات تزلك فغرات فمها ملي حسات بيديه مرت على خصرها..هزات فيه راسها وبقات مركزة في عينيه الشوفة .... مفهماتش اللون لمحاط بيهم صغرات عينيها بغا تفرز اللون ...اما هو فمكانش قل منها.... عيونو كيدورو من عيونها لشفايفهاا حتى فجأة قاطعهم صوت عائشة كتودع فيهم بعدات عليه..وخذرات راسها دايزة لباب تودع خديجة ولبنات وهي كتحك في شعرهاا بإحراج ودعتهم على ميعاذ يجيو يتعشاو معاهم شي ليلة من الليالي ......
دازت من حداه لاصقة في أمها لودعاتو كتمنى ليه الصحة...
دخلو الدار خلاوه تنهد كيحك في حاجبو وحذر عينيه على الباب لدخلو منو دايز يكمل طريقو وهو كيستغفر على قلبو لكي خونو .......
💞حب يتخطى حدود المنطق💞
❤البارت:138❤
حلات الباب البيت بالساروت دخلات خلات عائشة مصدومة وراها ..تبسمات وجراتها دخلاتها ..
سدات الباب وحيدات سبرديلتها ودخلات تسرحات على الفراش
خلات عائشة مزال واقفة قدامها كدور في عينيها في البيت وملامح الصدمة محيداتش من وجهها.....................
عبير ماطات ليها يديها :دخلي اماما
ردت بعد مدة من الصمت:كيفاش مبقيتيش ساكنة مع خديجة
حكات راسها :صراحة لا من شحال هادي
حيدات صباطه وجلسات فوق مانطة كدور عينيها على لبيت:علاش كذبتي عليا
تنهدات :غير مابغيتش نشطنك.رتاحي ليك الحمد الله كتاب النهار لتجمعنا فيه مع بعضنا كانت هاذي هي أمنيتي بقا دابا غير طلاق طلقي منو ونتهناو
عائشة:لا بلاش من طلاق ابنتي
خرجات فيها عينيها :ياكما باغا ترجعي عندو يحيد ليك الكلوة لخرا
تنهدا جامعة يديها:ايوا اش غادي ندير ابنتي نبقا معاك غير طلاق لا منقدرش على كلمة مطلقة تبصم عليا
تعجبات من تفكير أمها سهات بعيد كتشوف
💦💦💦💦
العقلية ديال زمان مزال مستولية على العقول كيفاش غادي تفهم دابا لأم ديالها بأن كلمة مطلقة ماشي عار بل إمرأة هربات من المستنقع لعاشت فيه الظلم ولأنانية... المستنقع لعطات في ومخداتش لتستحق...
💦💦💦💦
رجعات شافت في عائشة لتسرحات:ماما طلاق هو الحل وحيد لخليه بعيد علينا حيت من غيرو غادي يدعيك وتولي نتي لظالمة وعاد شحال قدك تهربي انا هربت حتى عيت وفي اللخر تصيدت وكون ماشي هذاك ولد الناس كون فرسني (طبطبات عليها):فكري اماما مزيان في الموضوع شوفي هاد الزواج اش خديتي من من غير الضرب صباح وعشية والقهرة وهاهو في اخر يامك عطبك خرجتي منو خاسرة كلوة...
ناضت توجهات الطواليط خلات مها ساهيا كتفكر .........
خرجات من الطواليط كتجمع في شعرها كعكة وكتفكر في الخدمة كي غادي دير معلمتهم
بغيبتها ..ماخدات إذن بالخروج ساطت ودخلات
البيت لقات أمها غفات من شدة العياء.....تكات حداها كتفلعب في شعرها وساهيا كتفكر في غدا باش غادي تبدا وإينا باب دق ...تنهدات ومشا عقلها ليه بدات تبسيمة تشق طريقها وهي كتذكر عينيه و كيفاش كيشوف فيها ذاتها عينيها على صورتو لشغلات بالها ...........
💦💦💦💦
عندما تشعر أن إحساس الوحدة بدأ بتلاشي ويدخل محله إحساس دخيل عليك ... تبتسم بدون أن تشعر ...تهاجمك أعضاءك ...عندها ستكون بدأت بقراءة حروف العشق التي لا مثيل لها
💦💦💦💦
متكي على سرير على جنبو ونغمض عيونو كرخي عظامو .......حس بشي حد جلس بجانبو ....بقا على النفس الحركة
متحركش ...شافتو مدار حتى شي حركة وهي تسوط بعنف ودورات وجهها كتشوف في راسها تشوف واش ناقصاها شي لمسة على حلتها المغرية ... شوميز دونوي بالأبيض ناسب لونها الحنطي مع البينوار بالدونتيل في نفس اللون هزات الريحة لفي جانبها رشاتها على ورا وذنيها وفي معصمها ودارت عندو .....
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
❤البارت:139❤
حطات يديها على خدو حتى حل عينيه فيها شافها كتبسم طلعها وهبطها وناض واخا كيحس براسو مهدود...باغي غير يرتاح ولكن نظرة لكتشوف فيه بيها كانت كفيلة أنها باغاه مد يديه ليديديها جرها ناحيتو ................................
لاح ليزار كيحس بالحريق في ضهرو ...ناض تقابل مع الشرجم كيشوف في أوراق الشجر كتخللها البرد مخليها تحرك أوراقها بكل رقة .....سها فيها كيشوف شحال... تنهد ودار كيشوف فيها هي لنعاس كان حليفها لنعاس رجع كيشوف في الخارج ...
حاس براسو ممرتاحش ...ملي ظهرت خربقات أوراقو مان تعايش لمدة سنتين على الوضع ولكن ما أن بانت تخربق..تلف...نسا المنطق......تبع هواه
مسح على وجهو وتوجه الطواليط.....
.
خرج بعد مدة كيمسح شعرو بفوطة ...تسمع لأذان كيعلن على صلاة الفجر ....تنهد وفرش الصلاية وبدا إقامة الصلاة....سلم وهز يديه لرحمان مناجيه براحة البال لمبقاتش خيمة عليه ...تأنيب الضمير لولا ملازمو أين ماحل و إرتحل وهو لاحيلة له.....
جلس على طرف السرير كيستغفر الله ....مسح على وجهو وتخشا وسط لفراش ....كتنهد والنوم خاطي عيونو .
🌄حلات عينيها على صداع في الكوزينة تنهدات وضارت شافت في أمها لجالسة كتحك في عينيها لظاهر حتى هي يالاه ناضت تبسمات ليها وجلسات كتكسل
عائشة:ديما هاد الصداع أبنتي
حركات راسها باه :ملي سكنت ولكن مكتوصلنيش
تنهدات وناضت متوجهة لطواليط مخليا عبير حكات على وجها وهزات التيلي تشوف الساعة ..لقاتها 8 صباح تنهدات ..دخلات لفايس لقات مساج من عند محمد بتاريخ نهار ضربات عائشة ....
ردت عليه بسلام وسدات الكونيكسيو...توجهات الطواليط بعدما جات عائشة.........
خرجات من باب الدار كتقاد في الصاك على خصرها بسروال أبيض وتشورط وسبرديلة
شعرها مظفور وقدامها دايراه تنفسات هواء الصباح وميمتها لكانت مشطونة من جيهتها عليها تهدأت ...توجهات القهوة وهي خايفة يكون صافي عمرات بلاصتها ....
تنهدات ملي دخلات وعلى مول شي حكات وشكات لجرا ليها.. عطاها إنذار بإبتسامة دخلات كتبدا خدمتهاا دوزات نهارها كامل في القهوة كتعويض وحيت القرايا في العشية معندهاش....
توجهات لعند مول الشاورما في طريق خدات جوج وكملات طريقها وهي مهدودة والسخفة ديال الجوع شداتها
حلات لباب حتى تسمع هضرة من بيتهم لمحلول جايا
استغرباات ودخلات محيدة الخامية حتى كتشوف مولات الدار مربعة رجليها وعائشة بجانبها جالسين على براد أتاي مع طرح البطبوط مدهون ففرات فمها بتفاجئ ..هي ل لعامين وهي كتسكن معاها بيناتهم غير السلام ولفلوس لكرا لكيجمعهم معمرها دخلات عنها وكذالك مولات الدار عمرها خطات خطوة في بيتها ...تبسمات
حطات صاكها وصاشي ديال الماكلة سلمات عليهم وخرجات كتغسل...
مسحات يديها بفوطة وجلسات كتاكل ..طاحت عما في البطوط لمدهون بزين الزيتون والعسل
مسحات يديهاا ملي حسات بكرشها لكانت النهار كلو وهي كتغوت تنفخات هزات راسها فيهم لطيلة الوقت وهوما كيتبادلو الحديث بحال كيعرفو بعضهم من زمان..الحديث لكانت غافلة عليه وممتبعاش معاهم اش يقول كان حديثها فقط مع الطبسيل لبقات فيه وحدا من بين طرح يشبع العين
💞حب يتخطى حدود المنطق💞
❤البارت:140❤
هزات فيها عائشة راسها وفغرات فمها :ضليتي بجوع تاني كتجمعي جوعك حتى ليل حولني كنقول مال لبنت ضعافت
تبسمات :الله يخلف
مولات الدار:بصحة ابنيتي مول الدار صعييب كون منفرطش فيها لدرتها نعطيها ولكت راجل عندي خايب خايب قطران وملي يشد تقاعد وهو في الركنة مايخرج مايدخل
عائشة:(تنهدات)يخياب حتى يعيا ميوصلش هذاك لعدي غير عدي اختي عدي لا لقيتي ماتعدي
تنهداات :داكشي لكاين اختي هادي هي الدنيا
عبير:مكاينش ليوم
حركات راسها بلا:مشا لبلاد عندهم شي مشكل على لأرض
حركات راسها
ناضت هزات طبسيلها ومشات
حطات راسهاعلى رجلين مهاا وهي لأخرى كتفرك ليها على شعرها بحنان.. تبسماات مستمتعة بلمسات خديجة ...سمعات رنين ديال التيلي تماطات ليه هزاتو و رجعات كيف كانت
كانت سارة تبسمات وجاوبات:اهلا سارة ياكما بايتا تحلمي بياا
ساطت:مالقيت بيمن نحلم غير اتاصلت بيك نعلمك السيمانة جايا عندي الخطوبة وعنداك متجيش
تبسمات:إيوا مبروووك على حساب الخدمة موحالش يطلقني مول شي رجعني لخدمة غير بزز
سارة:وا حتى حنا عطانا إنذار غير حاولي راك عارفا معزتك عندي منرتاحش في خطبتي ونتي مكيناش
ردت ببسمة: واخا نحاول.احمم كيف بقا حذيفة
سارة:لباس عليه ولا حسن غير وكان ماما دايرا عليه الحراسة تطيب في صوبا وتبززها عليه بحال شي وليد صغير
ضحكات :مسكينة خالتي
سارة:وهو لمسكين يقطع في لقلب غير من لبارح ليوم شيباتو
ردت عليها: سلمي على خالتي
سارة:خالتك قاتليك جيو تعشاو
ردت:ان شاء الله غدا نحاول باشما كان نتصل
توادعات معاها وناضت عاودات لعائشة على خطوبت سارة
مدات يديها لشاورما ..دارتها في مقلة سخناتها وحطاتها كتعشاو هي وعائشة والبسمة مخطاتش وجههم
تعشاو تعانقو كيعوضو السنتان و نصف لشوق نهكهم فيها ........
💞حب ياخطى حدود المنطق💞
❤البارت:141❤
🌄حطات يديها على السرير كتقلب عليه بيديها لقات بلاصتو باردة ....
حلات عينيها كانت بلاصتو خاوية وقفات شادة ليزار على جسمها العاري ....مبان ليها حد ...
لاحت راسها فوق السرير كتحك في شعرها وعقلها سارح في علاقتهم لدازت بحال جميع الليالي لعاشتهم معاه ...علاقة كتميز بالبرود بكل ماتحمل الكلمة من معنى...
ماطات يديها لهاتف لحداها وتاصلات بكوثر مجاوباتهاش... عاودات لإتصال عاد ردت عليها بعد مدة :الو
حفصة :مالك مكتجاوبيش
كوثر :برهوش كنعطيه يلعب في تيليفون حيد الصوت مسمعتوش
تنهدات :فكرتك معجباتنيش اختي مافيا ما يجبد الصداع سيد يعيق بيا ميبقاش يدور جيهتي لاهما هكا ولايسوسني
كوثر:نتي حفضي صواريك ومعندو باش يعيق ولايشم ريحة شي حاجة إلا بغيتي أختي يبقى الكسدة معاك والقلب في جيهة اخرا خليك على راحتك غير متشكايش عليا الا جابها عليك ثانية ولاطلقك ودار العرس بعدك
ساطت مغددة: متبقايش تقولي هكاك أكوثر قتليك مقادا على صداع مقادا على صداع
كوثر:لعجبك اختي غير تبقايش تفرعي لي راسي بشكاوي ..حيدتي لبيلول
تبسمات كتماصي في شعرها:فين عمري درتهوم باش نحيدهم
ضحكات كوثر:معلما الا ولدتي يقدر يتبدل وينسا عود السبسي
خنزرات :قالي ماباغيش لولاد دابا
كوثر:ايوا مسيكين باقي عندو أمال يسوسك ويتزوجها
ردت كتغزز سنانها:كوثر كتمرضيني بهاد الكلام ديال والو
كوثر:ديال والو (ضحكات)اودي اختي كلام صح مبغاه حد سيري الله يفيقك بعيبك ونتمنى تفيقي من نعاسك قبل يبعد عليك و تقولي كوثر قالت
قطعات عليها خلاتها تحيد تيليفون تشوف مالو :قطعات ولاهيلا قطعات في وجهي
لاحت ليزار وناضت عاريا كيف ولدتها أمها لحمام ..........
خرجات ملوية شعرها بفوطة ومرتدية بيجامة بيتية
نشفات شعرها القصير ...قادات ماكياج خفيف وخرجات كتشم ريحة المسمن شمشمت مزيان وهي تنطق:الشارفة قاتلك معندهاش الركابي
بابتسامة صفراء صبحات على خديجة لمقابلة المقلة
جلسات على طابلة:علاش صدعتي راسك اخالتي كنت حتى نفيق و نديرو
تبسمات ليها:مكاين موشكيل بحال بحال ..غير صبحت ليوم شويا وقلت نيت ندير شي طريح يبقى منو نيت لعبير وعايشة
صغرات عينيها:علاش غادي يجيو عندنا ليوم
قلبات لمسمنة وتلفتات شافت فيها:اه قاتها ليها سارة نتوانسو معاهم ونيت نضيفو عائشة اما عبير راه ديالنا
تبسمات بزز ونزلات عينها كتعوج في فمها لهضرا كلها عند خديجة وهي تشكر في عبير كتهدر عليها كثر ماكتهدر على بناتها
هزات مسمنة وكبات ليها اتاي لي كان عامر وبدات كتاكل وطلع وتهبط في خديجة لمزال مكملة طياب
سالات وساست يديها:الله يعطيك الصحة اخالتي عودي ديما ديريه لينا يدك بنينة
تبسمات ليها ورجعات كملات شغلها
وقفات حداها :اش نديرو لغدا اخالتي
حركات راسها :غير لبغيتي ابنتي من أحسن حاجة خفيفة لعشا غادي نديرو كسكسو ...
حركات راسها وتوجهات الثلاجة كتنفخ جبدات الخضرة لغادي تحتاج ...
جلسات كتقطع فيها وطلعات عينيها في خديجة:خالتي
تلفتات عندها :نعام أبنتي
حطات البطاطا من يديها:زعما عزيزة عليك عبير لحتى لهاد الدرجة واخا كان بسبابها غادي ترزاي في ولدك
قرنات حجبانها :الله يحفظو يارب
ردت عليها :الله يحفظو
تنهدات خديجة:مكتاب الله ابنتي وراك عارفة وقاريا الدين اش قال دين التسامح وهي مسكينة حتى هي ضحية وكلات الدق علاش نلومها وهي مادارت والو
تنهدات ورجعات تكمل تنقية الخضرة
ناضت غسلاتها وقطعتها طريفات ودارتها التصلق
وخرجات من الكوزينة مخليا لماعن لخديجة كتفرك فيهم
دخلات لبيت كتسوط معاجبهاش لوضع باغا دارها بوحدها تلبس لي بغات و تخرج لوقت لي بغات كتحس براسها محاصرة جاب الله عندهم الحمام في البيت كون وحلت حتى في تدواش....
حلات لباب لبلاكار تقلب على اش تلبس في هاد العشا يحمر الوجه نزلات عينيها لحوايجو لمستفين حدا ديالها.. شافت شي حاجة كتبري مخبعة تحت حوايجو ..صغرات عينيها ومدات يديهااا ..جبداتها أمام عينيها حالة فمها بصدمة ....
💞حب يتخطى حدود المنطق💞
❤البارت:142❤
كانت سلسلة كتلمع ذهبية اللون ركزات مصغرة عيونها كتفرز الأحرف لمنحوتة بيهم.....زادت تصدماات من لي شافت أحرف إسمها بالعربي مزخرف "عبير"
كمشاتها في يديها كرزات على سنانها....لمدة مرمشاتش كتشوف فاص ليها حتى فاقت على صوت دقان الباب ................
حلات يديها لقاتها حمرا تنهدات خباتها مع حوايجها وسدات لبلاكار كتسوط ...توجهات
عينيها مغرغرين لباب ............................
حلات لبات لقات في وجهها عائشة لبتسامة بدات تسحب من وجهها لمنور ملي شافت عينيها ....
خديجة: بنتي (كدور عينيها على وجهها )ياك لا باس اش واقع
تبسمات:والو اخالتي غير توحشت أمي
تنهداات :فينما توحشيها سيري شوفيها راكم مبعادش بزااف
حركات راسها كتمسح في عينيها
خديجة:جيت غير نقوليك راه طفيت على الخضرة اجي شوفي اش باغا ديري ليها
حركات ليها راسها خلاتها دارت مشات وخنزرات سادة الباب موجهة الحمام....سدات عليها لباب كارزة على يديها لحمورية غير مزادت فيهم
جلسات على لاشاص حاطة يديها على راسها كتطيح في دموعها بحال الشتا ....سهات كتفكر في كلام ختها .....نفضات داكشي من بالها وناضت كتقاد تنفسها ...موجهة تكمل شغلهااا
دازت على لبيت لقات خديجة جالسة متبعة التلفازة قلبات وجهها وكملات طريقها لكوزينة :دعوا طابت الخضرة زعما متعرفش تصايبها راسها ضروري تنوضني أنا ...
خسرات وجهها وتوجهات تحل الشرجم ...ريحة المسمن مروعة الكوزينة
حلات على الخضرة قطعات عليها ربيع مايونيز والطون حركاتو...هزات طبسيل حطات فيه هزات ملعقة وخرجات موجهة لبيتها ....
سداات عليها وحطات الطبسيل على الطابلة ودارت رجل على رجل هزاتو كتخشي في فكها وتسهى حتى حطاتو وناضت موجهة لشرجم حلاتو كتنهد وساهيا بعيد......
حيدات الشمس وعوضها القمر يضيئ العتمة
خرجات كتقاد في صاكها في إتجاه الدار ...دخلات كتشم ريحت الروز
تبسماات ملي شافت عائشة جالية حدا لبوطة كتحرك في الروز مع لحليب
رمات سلام ونزلات سلمات عليها و عنقتها كتشم في ريحتها لشوقها مبغاش يبرد من جيهتها ........
...تجمعو كي دردشو ويسولو على الحال كيف داز ليهم النهار
تحط الروز في جبابن وتكال بملاعق والضحكة مرسومة على شفاهم طيلة الوقت
ناضت عبير موجهة الطواليط تغسل خلات عائشة تجبد جلابتها تلبسهاا
رجعات كتمسح في وجهها هزات كسوة طويلا بلأسود وفيها فتحة طالعة حتى ركبة كتبرز سيقانها البويض
مزينة بحزام في دوغي............ مع سبرديلة
هزات صاكها كتأكد من وجود الساروت والتيليفون
شدات في عائشة وخرجو شدو طاكسي بعدما تمشاو مساحة الطريقة قصيرة ........
💞حب يتخطى حدود المنطق💞
❤البارت:143❤
توقف الطاكسي أمام العمارة نزلات هي وعائشة
كتقاد في كسوتها لتعنكشات ليها........
طالعين في الدروج حتى تلفتات عند عائشة لكتستكشف المكان:مجبنا معانا والو اماما
تلفتات شافت فيها:اش باغا تجيبي ابنتي
حركات كتفها :معرفتش حشومة ندخلو بيدينا خاوين
عائشة:مبانش لي شي حانوت هنا كون خدينا شي حاجة
تنهدات وكملو طريق الطابق لكتواجد فيه العمارة كتوري لعائشة الدار لدوزت فيها مدة لأجمل ما في حياتها
واقفة في الكوزينة محزمة كتكسكس في كسكسو
ريحة الكرعة وباقي الخضر عطية ريحة ...
ردات كسكسو في الكسكاس ..دارتو على البرمة كتدندن غير راسها ..تسمع صوت الصونيت بتاسمات وتلفتات لباب موجهة تفتح دازت من حداها سارة بحال الصاعقة
نفخات :يارب السلامة على بنت طيارة ابنتي طيارة
فتحات سارة الباب والبسمة مرسومة على وجها :مرحبا بلي جا وجاب (دورات عينيها )مجبتي والو اصحيبة دخل دخلي دزتي على قبل خالتي عائشة تبسمات عائشة سدات لباب بعدما سلمات عليهم ودازت شادة في عبير بموجهة عند خديجةببسمة:خالتي قربتي تفكي من جرانة
ضحكات خديجة:غادي نتهنا منها صراحة
خنزرات سارة:ياك امي
ضرباتها راسها خلاتها جارة عبير من يديها غادا موجهة بيها الصالون........وهي دخلات معاها عائشة لكوزينة
جلسو على الطابلة تاركين كسكسو يفور وعطي ريحتو الطيبة....
خديجة:مرحبا والف مرحبا بعائشة نهار كبير هذا مناش وأنا بغا هاد اللحظة
تبسمات :ربي يخليك اهتي الحمد الله ملي تجمعنا غلى خير (دورات راسها على الكوزينة)تبارك الله عليك دارك زينة
ردت عليها: الله يحفظك
عائشة :فين مرت ولدك مابانتش ليا
تنهدات خديجة:في البيت عيانة شويا
ردت عائشة:ياك لاباس كانت بخير ملي شفناها
خديجة:ضرها راسها
حركات راسها:الله يشافيها
ردت خديجة كتنهد:امين اختي اش درتي في طلاق مع راجلك
تنهدات :معرفتش اش ندير انا مابغيتش نتسمى مطلقة و لكن الطلاق حسن معندي مندير بيه كنت غادي نخسر عمري معاه...
ردت خديجة:هذا هو كلام الصح اختي الطلاق هو الحل
حركات راسها :ان شاء الله نقولها لعبير حتى نشوف اش دير
ناضت توجهات البرمة لصوت لغليان ديالها كتسمع على أمثار
هزات الكساس تدير التفويرة لأخيرة وهي كتبادل هي وعائشة الكلام
جالسة في الصالون قدامها قفطان مرصع بالعقيق الرقيق لونو بلانكاسي هزات عينيها في سارة وفاتن لأمامها :غزال كيحممق
فاتن:معجبنيس هادشي كامل علاش تلبس غير كسوة عادي وتجلس مالها أول مرا كتشوفو
قلبات سارة عينيها عيها:اختي حتى لعرسك وخرجي عندهم ني غير بدو بياس كاع غير فرقيني عليك تاباعني حتى في خطبتي
ناضت غدا كتبركم:نمشي لبيت منبقاش مقابلا معاك قالك تابعاها هي لعروسة لوحيدة في الكون
تبعاتها عبير كتبسم حتى غبرات ونزلات عينيها لقفطان:باقين نتوما نتوما مش ولفار مبغيتوش تبدلو حتى شوياا.....
هزات كتافها :مكنتشابهوش في حتى حاجة من غير السيفة انا متفتحة وكول باغا نضحك ولعام طويل سيدة العكس ديالي حدودية لأبعد درجة ..اش بندير انا نشرق وهي تغرب .........
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
❤البارت:144❤
تنهدات :الله يهديكم على بعضكم
تبسمات :واخا هكاك راه عزيزة فاتن
تبسمات:عارفة لكاين(حذرات عينيها لقفطان)صراحة حمقني مكرهتش نقيصو
حركات راسها مرحبة بالفكرة:اه واخاا
هزاتو بين يديها بغات تلبسو فوق الكسوة حتى حسات بيدين سارة حبسو يديهاشافت فيها بتعجب
سارة:حيدي لكسوة باش يجيك هو هداك
ردت:خفت يجي حذيفة
حركات راسها بلا :حذيفة في بيتو
صرطات الغصة عرفاتو مع مرتو وبدات كتحل بصدايف لجيهة صدرها..حيدات الالكسوة وبقات بديباردو لأبيض مبين صدرها لمتوسط الحجم ..وشورط ديالو القصير الطول ......
قادات القفطان ناويا تلبسو حتى حسات بخيال و قفزات مغطية صدرها بقفطان كتشوف فيه مخرجة عينيها السود هو لطلعها ونزله فقبل تعيق براسها في صمت وبعد مدة ليست بالهينة قلب عينيه مار من عليهم كيتنهد ويحك في شعروو ...
ترسخات صورتها في عقلو بلاما يشعر تبسم باغي يطردها ومقادر.....
دخل على مو الكوزينة تبسم لعائشة وتوجه عندها باس ليها راسها وتوجه لثلاجة :لباس اخالتي الحمد الله ونتي شويا كيف بقيتي
حركات راسها ليه :لباس لباس اوليدي وكيف بقا لمرا قالت لي خديجة عيانة
جبد قرعة لما وكب ليه وجلس حداه ا :الحم الله لاباس حريق راس بسيط
ردت عليه :والحمد الله (التازمو الصمت لمدة)بحالكم معمرني شفت الله يجازيكم بالخير على معملتو مع بنتي بقيتو معاها حتى لخر
تنهد كيحك حاجبو:هذا واجب
ناض وقف مخلي مو وعائشة مستمرين في الكلام حتى لعلاين يوصل لباب وهي توقفو خديجة:قول لحفصة تجي تهشا واجي حتى نتا اولدي مابقا والو و كنحط العشا....
حرك راسو باه وخرج داز من حدا صالون رما عينيه ليه كيقلب عليها بانت ليه كتمشى بالقفطان بحال لفراشة وقف متبعها بعينيه وكتسمع قهقاهتها دليل فرحها سها في معالم ها وجهها ....شعرها لكتمايل معاها في كل خطوة خطات...جسدها النحيل وكيفا كتمايل بكل إنسيابية مع قفطان للونو واتاها
حك حاجبو وعينيه كنززات عليها مابقات بغات تنزل تنهد وحط عينيه في لأرض ساهي كيسمع رنين ضحكها ...عاود طلعهم ملي توقف ضحكها لقاها بدات طلع فيه باغا تحيد حيد عينيه عليها مكمل طريقو لبيتو وهوا على سهوتو...
فتح لباب كيحك في حاجبو...
دخل رما عينيه لفرتش لقاها ماكيناش سمع صوت الرشاشة في لحمام تنهد وو جلس في طرف سرير ساهي في لأرض والمنظر الأخير تبلور في دماغو
خرج من سهوتو على صوت حلان لباب طلع عينو فيها طلعها ونزلها وتنهد مبادلها البسمة...
لابسة كسوة طويلة بالأبيض مخليا شعرها القصير مطلوق ..قلبات عينيها موجهة المرايا
جلسات كتقاد في وجهها حذر عينيه عليها وناض متوجه لحمام ....
دور عينو في لأرجاء وخسر وجهو ملي لقا بقايا شعرها مليوحة في الدوش والما خارج على برا الدوش أمام حوايجها مليوحين على الباب زجاجي ديال الدوش......
💞حب يتخطى حدود المنطق💞
❤البارت:145❤
خسر وجهو وتنهد طلع سروال على رجليه وبدا كيقاد ويجمع فيه.......
سالا غسل يديه وخرج لقاها مكيناش تنهد...مسح على وجهو خارج راد من وراه الباب ...داز الصالون لسمع فيه الكلام لقاهم مجموعين كتسناو فيه
قصرية مقادة على حقها وطريقها بقوامهاا...منوعة بخضرتها ومزينة بالحمص .....
كيسان اللبن فرقين على كل واحد مزينين الجلسة
جر كرس وجلس مقابل معاها ....هي لغير شافتو حذرات عينيها بخجل متجنبة يتلاقاو عينيهم باشرو في لأكل........
هزت عينيها فيه لقاتو حاطهم على القصرية كياكل فس صمت تبعاتو بعينيها لمدة وقلبات عينيها كتاكل......
تهزت القصرية وداز الغسال ....
جمعو يديهم عندهم مكملينها هضرة وكلام شافت في ساعتها ونغزات عائشة لأخيرة لحركات ليها راسها
ناضت عبير وبانت الفتحة ديال الكسوة ...تحنات سلمات على خديجة ولبنات حركات راسها لحفصة وليه هو لعينو لصقت على سيقانها ....
تمات غادا موجهة لباب سابقا عائشة ...ساعا سمعات صوتو من وراها "نوصلكم"
تلفتات شافت فيه وقلبات عينيها لأمها وخديجة لكتحدتو عند لباب ..رجعات عينيها ليه تبسمات ليه وحكات شعرها بحرج:مكاين لاش طاكسيات عطا الله
تبسم :مزال نتي هي نتي متبدلتي حتى شويا
طولات فيه الشوفة:ياك كتعايرني
حرك راسو بلا و البسمة مزينة وجهو:عنيدة بزاااف ا عبير مبغاش تحيدي هاد العناد....
تبسمات ساهيا في عينيه للونهم حلف مابغا يتفرز ليها:غير كيبان ليك
تنهد ستمتع بوقفتو معاها:نتي لمابنش ليك بزااف لحوايج
قرنات حجبانها باستغراب:شنو هما
حك شعرو وكيشوف في لأرض وعاود شاف فيها :غدا نديك عند شي محامي يوقف معاك على الطلاق وحتى على طلاق خالتي
حركات راسها بلا :عطيت لكلمة لتوفيق ميحتاجش
صغر فيها عينيه:علاش بضبط هو
ردت كتشوف فيه:عطيتو الكلمو وكنعرفوه علاش غادي نبدلوو
يالاه باغي يهضر جات خديجة وعائشة مخلين لبنات جالسين يتناكرو و حفصة شادة قنت حاطة يدبها على راسها وتيلي كيدور ما بين يديها
عاودت العناق مع خديجة وخرحات شادة في عائشة ومن وراهم نازل كيعبر فيها ومتبع الكسوة لكلما نزلت درجة كطلع و تبان الفتحة كلما دقات قلبو كيتزادو ....
حل الطوموبيل لمبلاصيا حدا الدار حلات لباب وطلعات هي ةعائشة في إنتظار يطلع هو لتنفس بعنق و كك نيفو طالع لمكانو... نطالقو في صمت من غيرصوت الرياح وتحرك لأشحار وبعض الطوموبيلات كاسرين روتين الصمت ....
حيد عينيه عليها متبع مع الطريق ..حتى وقف أمام الباب حلت الباب نزلت عائشة بعدما ودعاتو ودعات معاه ويالاه غادي تنزل سمعات صوتو كيناديها
تلفتات كتبعد شعر على عينيها
رد مركز في عينيها:لكسوة مجاتش معااك متبقايش تلبسيها
صغرات عينيها ونزلات كتشوف في المسوة لجاتها عبار بحال مخيطة عليها ورجعات كلعات فيه عينيها:مكيهمش أنا عاجباني
تبسم :ياك آلالة ..من لأحسن متبقايش تلبسيها
ردت معجبة:علاش شنو سبب
طول شوفة في الكسوة حتى حست بيديه تحطت على ركبتها نزلت عينيها وشهقااات خاطة يديها على فمهااا.....
💞حب يتخطى حدود المنطق💞
❤البارت:146❤
شهقات حاطة يديها على فمها ملي شافتو جر الكسوة من الفتحة .... هزات راسها فيه لقاتو كارز على فمو ناوي يقطعها بغات تنتر منو حتى تسمع صوت تمزاق
دفعات ليه يديه وخنزرات فيه :اش قربك لحوايجي
تنهد كحك في حجبانو قالب وجهو عليها :مكتسمعيش الكلام
عصبها وجننها ولات باغا تخشي ليه وجهو في طوموبيل والا بردات ...ساطت ونزلات كتشوف في التقطيعة لخسرات الكسوة مبقاتش صالحة للبس شافت عائشة دخلات ودارت لقاتو مزال واقف ....دخلات وخبطات عليه لباب على وجهو ...تبسم وتنهد داركيشوف في الباب ورجع طريقو و لإبتسامة مرا بعد مرا كتفلت ليه .....خرج كيقاد في سروالو كحس براسو مهواش صهد عليه الحال.... شاف تحتو وتنهد :"هادشي لي بقا استغفر الله "
طلع كيستغفر الله لعلا و عسا يبرد النار لشاعلة فيه...جمع تا عيا ولصبر مقدر..حل لباب كيسمع في الهضرة في الكوزينة ...داز بلا مايتلفت ولا يدير الحس
سد الباب من وراه وتوجه لحمام بلا مايشوف جيهتها هي لكانت واقفة حدا الشرجم كتسنا فيه مرتدية بينوار بالغوز بارد تحتو شوميز ..تلفتات جيهتو وتبعاتو حتى ردخ عليه الباب...تنهدات ولات البينوار من يديها لاحتو في لأرض ..خلات كاع جسدها الحنطي اللون يبان ويظهرو معالم اللأنوثة تبرز....جلسات على طرف السرير بإنتظارو ..
لمدة قصيرة و خرج وجهو زاد في الإحمرر وقطرات الما كتساقط على عنقو .... هز راسو فيها وتنهد علق الفوطة وتوجه جيهت سرير جلس عاطيها الظهر كيسوط ويستغفر الله
تكا على جنبو كيشوف في ظهرها العاري فقط وجود خيوط .....تنهد مغمض عينيه حتى حس بيها تكات بجانبو..
حل عينيه وقرب ليها حاط يديه على كرشها حتى دارت عندو و الإبتسامة شقت طريقها ......دارت عندو حاطة يديها على خدو لمسات حنينة على جبينوو......تقلب على ضهرو كيشوف فيها ولإحمرار وجهو عاد مازاد ظهر ...............
💢💢💢💢💢💢💢
سدات لباب ووجها مزير تكات على لباب كترد في النفس ..نزلات لعينيها لكسوتها ورجعات كرزات عليها كتسوط عينيها بغاو ينفاجرو... لكسوة فرحانة بيها وملابسهاش حتى مرة شوف اش دار ليها عن طيب الخاطر........
تنهدات ومشات دخلات لبيت لقات أمها متكية كتسنط لعضامها لاحت سبرديلتها وجلسات كتقلب في الكسوة وعينيها بغا دمع
قاطعتها من خلوتها مع كسوتها عائشة قائلة: اش وقع لكسوة اعبير يالاه كانت مزيانة
تنهدات وتلفتات كتشوف فيها:الطوموبيل
حركات راسها عائشة وطولات فيها الشوفة: بنتي من أحسن نقصو رجلينا من عند خديجة
صغرات عينيها:علاااش.......
💢💢💢💢💢💢💢💢
وسط الممارسة منيم عينيه ومفغر فمو..... حل عينيه مدمعين من حر النشوة وجهو عرقان... تبسم كيشوف فيهااا ويديه تحطت على وجهها فغر فمو ناطق :شحال تمنيت هاد اللحضة
حلات فمها بابتسامة :بصح عمرك قلتيها لي
تنهد منزل عينيه لشفايفها ..حط يديه كيدوز عليهم وكيهضر بالفحيح:عبير ......
💞حب يتخطى حدود المنطق💞
❤البارت:147❤
فغررات فمها بصدمة وعينيها خرجو كذالك ..بقات مركزة نظرها ليه لحط وجهو على عنقهااا ...
سهات في سقف كتدور الأفكار حساات من للول الممارسة تبدلات معاها كل الجفاء لكان اختفى في رمشة عين عرفت السبب تنهدات ودفعاتو من عليها حتى شاف الدمعة في عيونها
تنهد وتقلب على ظهرو كيشوف في السقف... غمض عينيه ..كيسمع بكاءها.....
ساط كيغزز في شفايفو مراضيش على راسو فين وصل ندم على نهار لفكر يظلم فيه إنسانة مشاف منها إلا الخير وقف جرها من كتافها كيطبط عليها ويتنهد حط شفاهو على راسها طالب منها لمسامحة تلفتات ليه بعيون مدمعة بعدما بعداتو عليها:ياك قلتي لي نسيتي وليتي ذكر سميتها وسط لفراش
تنهد مغمض عينيه قلب وجهو عليها كيزفر بعنف ورجع شاف فيها مردد:سمحيلي
وناض كيلبس في شورط موجه الدوش .....
بقات جالسة حاطة يديها على ليزار لساتر جسمها العاري ردات شعرها ورا وذنيها ومسحات دموعها بعنف..رجعات شافت في الحمام وقلبات عينيها لشرجم لكيبين القمر كيلمع ...حطات يديها على صدرها لضرها من الكلمة لجرحت كيانها كامرأة
إمرأة كرمها الله سبحانه..امرأة كل طلبها زوجها يبغيها ويبادلها الحب... إمرأة تريد الكل تحت أمرها ولكن للدنيا رأي أخر....
هزات التيلي من جنبها ...كان الوقت متأخر دخلات المحادثة ديالها مع كوثر سيفطات ليها مساج والدمعة في طرف عينيها بقات شادة تيلي لمدة ساهيا في الفراغ حتى حست بالباب تحل..
رجعات التيلي لمكانو وتكات عاطياه بظهر مكمدة بليزار ..
مسح على شعرو ووقف كيشوف فيها علق الفوطة وتخشا جنبهاا وقرب جيهتها كيسوط تحنا باسها على راسه مردد نفس الكلام سمحيلي ..
.مكانش الرد من جيهتها شي لخلاه ينوض من مكانو ويتوجه لعندها ..جلس جنبها شاد فييديها كيلعب بالخاتم لمزين صبعهاا
تنهد وهز راسو فيها بعدما كان حانيه على يديها:مبغيتيش تسمحي لي
هزات عينيها فيه وشرار خارج منهم خبات لمعة الشر ونطقات بصوت ياذوب يتسمع بعدما جلسات مغطية بليزار صدرها:اي مرا ماتبغيش تزوج وتفرح وعلى فراش راجلها ينطق اسم مرا وحدا خرا (تنهدات كتشوف بعيد)معرفتش اش ناقصني مخليك تشوف في لمرأة من غير وعاد مزالني عروسة مدوزت عام مدوزت عامينقبلت بيك عل اساس ولد لمرة لمشفنا منها غير الخير ديانية قلت ولدها غادي يكون بالمثل (رجعات نظرها ليه ) فعلا داكشي لشفت ولد ناس متقي الله وكيخافو سهل عليا للأمور وقبلت وبغيتك
هز عينيه بعدما كان ساهي أمانو
حركات راسها باه:بغيتك واخ مدة قصيرة واخا مدازش بيناتنا شي كلام ..هزات يديه ومزالني كنبغيك
طول فيها الشوفة:بنت الناس مبغيتش نظلمك معايا عزيزة وغالية وزوجتي .... شحال كيشوف في لأرض ورجع طلع فيها عينيه :بغا تكملي معايا رغم كلشي احفصة
تنهدات و حركات راسها باه
تنهد وقرب باس على جبهتها وناض هز جاكيط خارج مخليها راسها تسرحات كتحك في فروة راسها ودماغها سرح ....
💞حب يتخطى حدود المنطق💞
❤البارت:148❤
شادا الطريق معارفش فين يزيد ولا فين يعطي راس تالف لأقصى درجة ...مخلي شعرو يضرب فيه البرد . وذاتو متنملة عليه حيت يالاه مدوش ...وقف جنب الطريق ملي حس براسو غادي مايبقاش محكم في الطوموبيل ضرب على الفولون....وحط عليه الراس كيحس بالعجاجة ودخلات لحياتو عافية و شعلات نيرانو...
غمض عينيه غاطس في بحر لا هو غريق لا هو تفك منو ......
💢💢
حديث الكل يأخدني إليك ومعنى الجمل يتعطش الإبحار في كلماتك ...كنت وستبقين ملهمة فؤادي
ملهمة عقلي ...إخترتك أنت وقدري ليس له معنى بدونك ....
أنت مدرسة الفؤاد و روح الفؤاد فكيف سيكون فؤادي من دونك ؟
ياسمين إكرام
💢💢
وقف الطوموبيل جنب دارهم بلا هواه خداه عقلو لمكتهرجش منو لتما ناسي إمرأة كتعاني ..وناسي نظرات أمو للها معنى وحيد .....هذا الحب كيخليك مترتاح الا ونتا بجانب الشخص المحبب لديك لمجربش الحب مغاديش يقدر يصدق أن الحب يقدر يخلي شخص عاقل مجنون يخلي شخص مكتأب سعيد ينشر البسمة على شفاه انهما الدهر بمرورته ...الحب ومابعه حبهذا هو
تناص الليل وهو عينيه متزحزحتش على الباب حتى داتو عينيه بغفلة منو .............
🌄محنية كتغسل وجهها ومضاربا مع شعرها لنسات مجمعتوش كملات حتى غفر ليها الله الذنوب....
تنهدات كتجمع فيه وتوجهات لبيت..مسحات وجهها وابشات حوايجها سروال وشوميز سوداء لبسات سبرديلتها ولقات نظرة على عائشة لغاطسة في نوم عميق..وخرجات متوجهة لكلية لنساتهاا...
حلات لباب الزنقة وسداتو تمات غدا حتى قشعات طوموبيلة حذيف صغرات عينيها كتقرب جيهتها
وقفات كتشوف فيهمتكي راسو عوج ومغمض عينيه دليل على نومو ..سهات لمدة كتشوف تفاصيل وجهو ..لمعمرها حققات فيها فاقت على صوت مول نعناع كينادي بصوت عالي لمحبي النعناع...
دقات مرة بعد مرة عاد تحرك وحل عينيه باغي يعرف راسو فين..
بعد مدة تقاد في جلستو وفتح النافدة كيشوف فيها .....
💞حب يتخطى حدود المنطق💞
❤البارت:149❤
وقفات كتشوف فيه متكي راسو عوج ومغمض عينيه دليل على نومو ..سهات لمدة كتشوف تفاصيل وجهو ..لمعمرها حققات فيها فاقت على صوت كول نعناع كينادي بصوت عالي لمحبي النعناع...
دقات مرة بعد مرة عاد تحرك وحل عينيه باغي يعرف راسو فين..
بعد مدة تقاد في جلستو وفتح النافدة كيشوف فيها .....
حك عينيه وهز راسو فيها ..هي لعلامات التعجب كاسيا وجهها:اش جابك هنا
طلعها ونزلها:فين غادا
ردت :اش جابك احذيفة
تنهد :على لمحامي مكملناش الموضوع لبارح
فغرات فمها ناطقة:شكرا عل كل مادرتي معايا ولكن عاطيا لكلمة لسيد مغاديش يبخل بمجهوداتو
حرك راسو كيشوف القدام ورجع شافيها :طلعي نوصلك فين غادا
ردت كتشوف في الساعة:لا مزالي لوقت
شافيها:مغاديش ناكلك غير طلعي
ردت:منسيتش ليك اش درتي لبارح
تبسم :مجاتش معاك الكسوة طلعي ...
ركزات فيه الشوفة ودارت ركبات بجانبو ..دارت لاسانتيغ وهزات راسها فيه كان متبعها حاط يديه على خدو ...بعدات الشعر على عينيها :مالك
حط يديه على الفولون :متعرفيش تلبسي طويل شويا
خنزرات فيه :ماسوقكش وصلني لكلية
حطات راسها على النافذة جبدات تيلي من صاكها لقاتو خاوي دارت شافت فيه لقاتو كيشوف فيها نعت ليها بعينيه لجهة ..مفهماتوش حتى رد عليها:فتحي تما تلقاي باش تشارجيه رمات يديها تفتح حتى شافت فيه ورجعات ركزات في داكشي للقات فغرة فمها.......
💞حب يتخطى حدود المنطق💞
❤البارت:150❤
كان البوندو والبارفان صغرات عينيها كتذكركرهم هزاتهم من بين يديها كتملس فيهم وشافت فيه مرددة:ديالي هاذو
شافيها بعدمان مركز مع الطريق :اه
ردت خاشياهم في صاكها :كانو طاحو لي نهار كنت مخلوعة على ماما شكرا حافظتي عليهم
تبسم ليها وقلب وجهو مكمل طريق حتى سمعها نطقات بعد صمت:علاش قطعتي لي كسوتي
التفتات رامية عينيها ليه بعدما تلقات غير الصمت لقاتو عينيه على طريق.. حققات فيه شحال حتى دار جيهتها كيبحلق فيها حتى تلفتات فجأة وشهقات حاطة يديها على فمهاا عاد توكض وفراناا كان غادي يخرج في طفلة الظاهر أنها في إتجاه المدرسة ....غمضات عيونها كتنهج الخلعة ركبتها في بضع ثواني ...حست بذاتها تنملات عليها ..حسات بيديه تحطت على كتافها ....
حلات عينيها و دارت جيهتو ..غمض عينيه وسدهم كيطمأنها ..تنفسات وردت:رد بالك الطريق مزال ماساخياش بعمري
تبسم :انا ساخي بيه الالة
كمل سوقانو كيتبسم وهي عينيها مرة مرة تهرب جيهتو ....حتى وقف بجانب الكلية... قادات الشوميز وصاكها وحلات الباب رمات رجليها برا وتلفتات كتبسم:شكرا ليك وعنداك تبقا مشرع فمك الموت كدور ..خبطات الباب وتلفتات مغددة مزال مبرداتش ليها التقطيعة لدار ليها ...تبعها بعينه بإبتسامة حتى غابت عل ناظريه وهو يقلب الطريق مردد:"حمقة هاد البنت "
حلات عينيها على صوت الدقان في البابجلسات كتحك في عينيها حتى حسات براسها توكظت وناضت موجهة الحمام غير مكترتة بالمرة لصوت الدقان ...سدات عليها وحلات الرشاشة مخلية الدوش يسخن واقفة كتشوف في المرآت ..دوزات عينيها على عنقها المدغدغ بلمساتو شفايفها المورمين ببوساتو .....تنهداات كتفكر الليلة ليست ككل الليالي ...عاد حسات براسها عروسة ومتملكهاا قلبا وقالبا بقات ساهيا كتفكر والإبتسامة مزينة ثغرها فجأة غابت لإبتسامة وجات محلها شرارة الإنتقام ...توجهات تحت الرشاشة ساهيا......
خرجات كتمسح في شعرها جلسات فوق السرير هزات تيلي كتشوف واش ختها قرات لمساج لقاتها باقي .... بقات كدور في تيلي يمين وشمال حتى حبسات سارحة في كلام كوثر وتشجيعها لسحر باش تكسبو و مايبقاش يتفرق عليها غمضات عينيها مبغاش الدخل في هاديك الطريق ..المتاهة ...تنهدات كتفكر في لمساج لسيفطتو في لحظة غظب ميساج قبولها بلأمر ...رجعات دخلات لمحادثها مع ختها ومسحات لمساج ولاحتو فوق السرير كتشوف في وجهة وحيدة ......
💦💦💦💦
السحر لكتوجه ليه خاصو يكون ماكر الصفات ..قاطع يديه من الرحمة لفي القلوب.... متشبت بقيم ذنيئة .......
سحر أبشع جرم .. يهتك صحة إنسان ..يخرب البيوت ....يقتل الإنسان وهو على قيد الحياة ....
ماذا بعد هناك حساب أشد.. هناك عقاب أقوى بكثير ......من الله سبحانه......
💦💦💦💦
حلات لباب وخرجات موجهة لكوزينة لكانت خديجة واقفة كتوجد في الغدا...
جلسات شادة على راسها ..جرات جيهتها الصينية لكانت موجودا ...كبات أتاي ومدات يديها لخبز هزات وماعجبها حال ..
هزات راسها في خديجة مرددة:خالتي دقيتي عليا ......
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
❤البارت:151❤
حركات راسها باه:تعطلتي ابنتي وبغيت نشوف واش عيانة
نزلات راسها في الطبسيل كدور في راسها و تمتم بصوت هامس:"قولي بغاني نوض نشقا ليك قالك نشوفك "
كملات فطورها وجمعات لماعن... حطاتهم فوق لبوطاجي وناضت خرجات موجهة لبيتها مخليا خديجة كتنهد في صمت .....
💦💦💦💦
ساهيا وسط الدرس كتسمع صوت الدكتور بحال الغريق غاطسة في كلامها لأخير مع عائشة
كلام زعزعها وحيد الضبابة على عينيها
💢فلاش باك
قاطعتها من خلوتها مع كسوتها عائشة قائلة:اش وقع لكسوة اعبير يالاه كانت مزيانة
تنهدات وتلفتات كتشوف فيها:الطوموبيل
حركات راسها عائشة وطولات فيها الشوفة: بنتي من أحسن نقصو رجلينا من عند خديجة
صغرات عينيها:علاااش.......
تنهدات عائشة مركزة فيها شوفة :كتشوفيه ولا كتعاماي...
حركات راسها باستفهام جاهلة منحى سؤالها
ردت :حذيفة كيشوف فيك شوفات معجبونيش
تبسمت معجبة:لا غير كي بان ليك
ردت:شفت كلشي وفهمت كلشي (تنهدات )كنصحابو دايرك بحال خواتاتو ساعاة شوفتو معجبونيش ومرتاحيتش ليهم و كون كان بعدا غير ممزوجش مزوج ومزال عرسان
سهات عبير كتفكر في موضوع زواج لطرحو عليها زعما يكون مزال ...ساست الفكرة من دماغها وكتحس بقلبها كتواجد فيه عصفور كيطير ويدير ليها الرعشة في كامل جسمها.....
رجعات على صوت الضجيج رمات عينيها ليهم لقاتهم خارجين ..جمعات الوقفة كتنهد ..هزات صاكها وقدات شعرها بيديها كتردد"تزوج دابا مكاينا حتى حاجة من هضرت ماما ..."ساطت وخرجات موجهة لدار ........
داز نهار وجا ليلو ..دخل الدار كيحك في عينيه الإحمرا لبارز فيهم ..كيحس براسو مهدود...وذاتو كلها كتألمو دخل الكوزينة لقاها كتصفر تاحد مافيها هز لكاس شرب وخرج كتصنت بوذنيه مامولفش هاد الهدوء في الدار تنهد ملي لقا تاحد ماكاين ودخل لبيت كتنهد ......لقاها جالسة فوق السرير حيد الجاكيط وتوجه عندها وقلبو مقبوط لقاها ناعسة ..تنهد ودار موجه لحمام
سد عليه ..حلات عيونها والدمعة مرققة عينيها عظات على شفاهها كاتمة لبكيةلتسمع وبقات مكانها حتى حسات بيه خرج ....
جلس بجنبها ودخلات ريحتو الأعماقها ..حط راسو على المخدة باغي يرتاح ....
ظارت جيهتو شافتو مغمض عينيه ومساحات دموعها ..جلسات كتخشي رجليها في الصندالهة حتى سمعات صوتو:فين مشات الواليدة ولبنات احفصة
تلفتات رادة:خرجو يشريو شي حاجة لسارة على قبل الخطبة
حرك راسو ورجع غمض عينيهناطق:كون خرجتي معاهم
تنهدات كتشوف كمية البرود لمكتاسيا وجهو بحال السي. مدار حتى غلط:مافياش بغيت نخرج مع راجلي
تنهد بلا مايحل عينيه ولايتكلم معاها مخليها ناضت الكوزينة كتنفخ وتسوط بعدما سدات باب لبيت ..
حطات لغدا في بلاطو برفقة قرعة لما وشلاظة ...الخبز..
هزات لبلاطو راجعة أدراجها لبيت دخلات لقاتو واقف في لبلاكار كيهبش ويقلب في ويلوح مخنزر تعجبات لأمرو ياك كان متكي اش وصلو لهنا.....
💞حب يتخطى حدود المنطق💞
❤البارت :152❤
قربات حداه كتشوفو مرون غير راسو ...تلفت شافيها ناطق :مشفتيش شي حاجة كانت تحت حوايجي
ردت ببرود:لا مكنقربش جيهت حوايجك
حطات الفطور فوق الطابلة الزجاجيو جلسات مقابلة معاه وتشوف فيه ببرود كيفاش عقلو بغا يخرج بتقلاب...
نادات عليه :اجي تغدا راه غادي يبرد لغدا من بعد و نقلب معا
مجاوبهاش بقا كيقلب حتى رجع السرير جلس في جنابو لمدة كيحك في عينيه وناض كيتمتم بإستغفار داز من حداها غسل يديه ورجع جلس حداها كياكل في صمت ...كمل وناض تكا في بلاصتو ....
جمعات الطابلة ومشات الكوزينة كتنهد مبقاتش عرفت اش دير معاه ولا يبان بيها بحال شي ثور جاهل ....ماباغاش تفرط في دارها وهي كتحس بلاصتها بجانبو حطات يديها على كرشها بسهو وكتمنى من أعماق قلبها تهز طرف منو لعلا وعاسا قلبو يلين من جيهتها بلا ماتاجه طريق السحر ....
دازت السيمانة...سيمانة كانت كفيلة تخلي توفيق يرفع دعوة بطلب من عبير ..سيمانة خلات كذالك طلاق عائشة حتى هو يترفع الكل بقا في يدي المحكمة ..حاتم الغياب ديالو زاد طال اما مصطفى فخرج من الحبس وحقدو على عائشة و عبير مزال ماطفاا بقات فيه الحرقة ديال لياليه القلال لدوز في الحبس والشوهة لتبعاتو أكثر ....
واقفة كتعزل في القفاطن وجداها عائشة كتعطيها في رأيها توقفات على قفطان بوردو اللون متناسق ومتزين بعقيق ذهبي هزاتو بعدما حركات ليها عائشة راسها مؤيداها ...خرجات كتقاد فيه من القدام تبسمات لعائشة للفرحة متلئلة في عينيها مرفوقة بنظرة إعجاب ببنتهاا كراتو وخرجات برفقة عائشة لمابغاتش تلبس واخا محاولة معاها بنتها الا وأن بغات غير شي فراشة ...
توجهو لدار هازة معاها لصاشي مرفوقة بلي سوندويش ...دخلو حطو داكشي وتوجهو جمعو حوايجهم يمشو الحمام
وقفات جامعة صاكها حتى شافت عائشة كدير في شي حاجة قرباات كتبان ليها كتخلط في الحنة
ربعات يديها متبعاها كتشوفها كتعصر عليها الحامض....
تحنات باست ليها راسها:عائشة هي عائشة
تبسمات:مبقيتش درتها من زمن ولكن من ليوم كاين غير الحنة
تبسمات وتسناتها كملات ولبسو عليهم موجهين لحمام..............
سرحات الجلدة وجلست عائشة خلاتها مكلفة بالسطولة تعمرهم ..كان الحمام ماعامرش بزااف
جلسات حداها كتدهن بالحنة لمخلطة بالحامض وعاودت دهنات لعائشة ضهرها ....دخلو السخوون ... .....كمدو عضيماتهم عاد رجعو الموضعهم حكات....لعائشة كسلاتها ..حكات راسها يالاه غادي تشلل حسات بيد على كتفها
تلفتات لقاتها إمرأة في سن الخمسين مجبدة وعلى بال طلبتها تحك ليها ظهرها مجاوبتها الا بالقبول ..حكات ليها ظهرها مزيان وهي مزعوجة من كثرة التساؤلات حول حياتها شخصية كملات وتنفسات الصعداء ملي تفكات منها ...لقات عائشة شعرها غسلاتو وبداتدير الصابون ...
جبدات شعرها لزادت طولتو وزادت صعوبيتو ولات توحل معاه .....كملاتو حتى غفر ليها الله الذنوب غسلاتب الصابون وخرجات برفقة عائشة لقاو نفس المرأة لابس حوايجها وجالسة...
لبسات حوايجها بزز عصبوها نظراتها لكيفليوها انش بأنش تبرزطات ومبقاتش عرفت ليمن من ليسر ....
لوات فوطة وزيف على شعرها هزات السطولة خرجات حدا لباب تسنا عائشة مبقاتش قدرات تبقى دقيقة وهي كتشوفيها مبغاتش تحشم وتنزل عينيهاا ..لحظات وتحل لباب استغربات من ضحك عائشة وهي كتهضر مع طرف آخر فغرات فمها بصدمة.....
💞حب يتخطى حدود المنطق💞
❤البارت:153❤
بقات فغرة فمها لمدة وهي كتشوفها تسالمات معاها من الخد الخد بحال كتعرفها مدة هادي ومن زمان ..
جات عائشة والبسمة مزال على فمها ..شافت فيها عبير بتعجب مرددة :تبارك الله عليك وخلاص دغيا تصاحبتي
وسعات عائشة بتسامتها:ظريفة هاد المرا دخلات لي لخاطري
حركات راسها :احياني عليك الواليدة..انا بعدا محملتها مقبلتها على عينين عندها بغات تاكلني ...
ضحكات عائشة مخلياها مستغربة :علاش كضحكي
ردت مادا ليها لورقة خداتها باستغراب حلاتها لقات فيها نمرة التيليفون هزات راسها بدهشة فيها هي لكانت كضحك
عائشة:سيدة عجبتيها وبغاتك لولدها فكي جراا مع هذاك حاتم و تجي تخطب قاتلي ولدها مهندس لاباس عليه بدارو راسو وكلشي عيشي حياتك ابنتي هاذيك الهضرة لقلتي هذاك نهار مابغات دخلي لراس ...
زادت مخلياها مغدة..كرزات على الورقة في يديها هزات السطولة لكانت حطاتهم في لأرض وتبعاتها مزيرة .......
حطات السطولة حيدات الشال كتنش بيه على وجهها لولا شديد الإحمرار ...........
رن التيليفون بجانبها هزاتو ونفخات:هاهي غادي تفرق لي راسي ثاني
شافت فيها عائشة لمتكية كترتاح بجانبها:جاوبيها نشوفو اش بغات
جاوبات وبعداتو على وذنيها عارفاها غادي تطلق حلوقها..بعد مدة ردت:الو
سارة:تعطلتي
عبير:يالاه جينا من الحمام ابنادمة نرتاحو شويا وهانا معاك...
بعدات التيلي من عليها من بعدما سمعتها غادي ديماري قالت:انا شويا ونجي وبعدها قطعات
عائشة : الا شفتي ولدها ردي لبال معاه سلام وصافي
حركات ليها عبير راسها وناضت شربات لما ومدات لعائشة وهزات لبوشيط وتوجهو لدار عند خديجة .....
💞حب يتخطى حدود المنطق💞
❤البارت:154❤
توقف الطاكسي أمام دار خديجة.. وقفات كتقاد في الزيف على راسها .......نزلات عائشة رامية ليها يديها ...شدو في بعضياتهم وطلعو موجهين لدار.......
حدهم كيقربو و كيتسمع صوت الكلام و لغا لكثير دقات ورجعات شافت في عائشة لكتحذرها بعينيها على حذيفة
تنهدات وقلبات عينيها لباب حتى تحل ...هزات عينيها بابتسامة في خديجة وتحنات سلمات عليها
تسد لباب ودورات عينيها كتفرز في أصوات الرجال وتضارب أصوات النساء كملات طريقها تابعة خديجة لشدات شدت العما في عائشة و الفرحة متلئلئة في عيونها متوجهة بيهم لكوزينة لريحة الطياب فايحة وعاطيا رونق خاص ريحة العراس ....
كانت جالسة على الطابلة حاطة يديها على خدها ساهيا في الفرااغ حتى سمعات أصواتهم وسرطات الغصة محاملاش تسمع صوتهم ولا تشوف وجههم......
جلسات عائشة حداها شحفانة مع الدروج طالبة كاس لما من حفصة..
الأخيرة بقات جالسة مكانها بحال ماسمعتهاش
شافت فيها خديجة لقاتها متحركاتش يالاه غادي تهز لكاس وهي تحبسها عبير وهي مخنزرة في حفصة:غير كملي اخالتي انا نعطيها
هزات لكاس عمراتو ومداتو ليها ردات الروح وهزات عينيها في خديجة:جاو الناس...
واقفة حدا الطنجرة وتلفتات ناطقة:جاو قبيلا را جالس معاهم حذيفة
عائشة :كيبانو ليك مزيانين
حركات راسها كتشوف في حفصة لمعاجبها حال من صباح الله:جاوني مزيانين
ردت :الله يكمل عليهم بالخير يارب
تبسمات :امين يارب نوضي نمشيو نجلسو معاهم بينما وجدت سارة
سبقات عبير :انا نمشي عند سارة نشوفها فين وصلت
حركات ليها عائشة راسها ...
رمات عينيها لحفصة لعينيها كون كانو قرطاس كون قتلوها قلبات عينيها عليها معارفاهاش مالها معاها ودازت من حدا الصالون حاذرة راسها
دخلات عبير كتقلب على سارة بعينيها لقاتها جالسة مقادة بقفطانها وتاجها على راسهامتبتة ومحصنة على عكس باقي أيامها
تعجبات فيها وصغرات عينيها موجهة عندها بخطوات صغيرة ...تحنات سلمات على فاتن لجالسة بجنبها وقالت
ببسمة:تبارك الله على لالة العروسة
هزات وجهها فيها بعدما كانت حاذرا راسها :هانتي تشوفي في حالتي كدايراا معمرني عرفت لمعقول صعيب تالهاذ الدرجة كنحس براسي عمرني عرفتو
ولاشفتو
زادت وسعات ابتسماتها: صدمتيني فيك ماشي تا لهاد الدرجة
هزات كتافها :معقول صعيب جاني في شكل
طبطبات ليها على كتفها :كلشي غادي يدوز مزيان رجعي سارة لكنعرف زعما راه فرحك و براجل لباغا
حركات راسها باه
ردت فاتن كتشوف في عبير:سر ياختي طاح عليك بصحة تحمحيمة
تبسمات:الله يعطيك الصحة
💞حب يتخطى المنطق💞
❤البارت:155❤
من بعد مدة واقفة كتشوف في لمرايا وكتقاد في القفطان لايحة شعرها وراها..مخليا عنقها الأبيض كيلمع وشق
صدرها كيبان من القفطان لمحلول....
تلفتات شافت في سارة لجالسة كشي أميرة تابثة...رمات عينيها لفاتن لمعافرا مع كسوة كتقاد فيها ...
جلسات فوق السرير ناطقة:سارة عتقيني بشي صندالة
حركات راسها :سيري خوديها من لبلاكار لحدا لباب عزلي لي بغيتي...
حركات ليها راسها وتوجهات نحو لباب......
حلات لبلاكار وتحنات كتقلب تهز وحدا وتعاود تاخد وحدا اخراا حتى هزات وحدا بلأبيض عالية ومنظرها زوين ..
ناضت غادا هازاها كتشوف فيها حست براسها تخبطات مع شي حد ... هزات راسها كتحك في جبهتها لتقصحات فيهها لقاتو كيشوف فيها مبسم ..وجهو مبشور سمر شعرو أسود طويل ذو بنية جذابة طلعاتو و نزلاتو ودازت من حداه خلاتو تلفت متبعها بعينيه و البسمة مزال على فمو.. كمل طريقو لحمام وصورتها لصقات بعقلو.......
دخلات كتحك في الضربة حتى هزات راسها في فاتن لكتقلب وتشقلب في الحوايج وماعاجبها حال
وقفات عليها وكتشوف في سارة تشرح ليها
سارة:جنية ياختي مبغاتش تفهم لي قاتلك ماتلبسش لقفاطن قلنا ماكين باس عطيتها تختار لكسوة لبغات حتى ختارت وحدا شوفي بعينيك اش دارت قاتلك تاحاجة مازوينة اش بغات الله واعلم
لاحت عليها لكسوة:مكنلبسش هادشي بغيت غير سروال وشوميز
هزات سارة كتفها:ضبري مع مك ماسوقيش
تبسمات عبير وبانت ليها كسوة بلون الأبيض هزاتها كتقيس في توبها وكتشوف طولتها لحتى رجلين ومزينة من الصدر والخصر ..مداته لفاتن :هادي تجيك زوينة غير جربيها ودري فولار يكون مختلف ماشي بلأبيض باش تبان اللبسة
هزاتها بنثرة معاجبها حال...
يالاه قيستها حلات خديجة لباب مرددة :نوضة جلسو مع ماي بقاو مخبين هنا
هزات عينيها في فاتن لوجهها حمر: وليتي تباني على مزيناتك ديري زيفك ويالاه
سدات لباب خلاتهم كيديرو اخر اللمسات..........
كيف دخلات سارة تسمعت تزغريتة خديجة فرحانة ببنتها جلسات برزانة وتباثة الغير معتادة عليها نسات حتى سلام حتى نغزاتها خديجة عاد ناضت كتسلم وحشمانة غير راسها....
دخلات فاتن مخنزرة محاملا حد جلسات خديجة كتحلف عليها بعينيها
دخلات شادة بيد القفطان باش ميتجرجرش في الأرض ورادا البال لاطيح سمعات صقيل وهزات راسها حتى كتشوف كاع العيون عليها...
صغرات عينيها كتشوف في المرا لجالسة حدا عائشة وقفات مصدومة ملي عرفاتها هي نفس لمرا ديال لحمام ليالاه تفرقو عليها ......
تقدمات وملامح الصدمة كتكسو وجهها... مدات وجهها لمرأة لظاهر هي أم العريس عاد دازت المرأة ل في جانبها لناضت حالة يديها والبسمة مزينة وجهها مرددة :بنتي لباس عليك مفاجأة مكانتش على لبال سبحان الله كاين الحكمة من هاد اللقاء غير شفت عايشة و الضحكة مبقاتش بغات تجمع لي
جاها لملل من الكلام ومقدرات تدير حتى شي حركة تفرشها خصوصا كاع الأعين عليهم
يالاه قالت الحمد الله سكتات غادي نتفك منها
حتى نطقات:وعلاش لا ابنتي الا قبلتي نهضرو ليوم وفي القريب نديرو الخطبة
حلات فمها بصدمة ويالاه بغات تهضر حتى سمعات صوتو ....
💞حب يتخطى حدود المنطق💞
❤البارت:156❤
"اينا خطبة الالة"
بصوتو ثقيل المعتاد وبنبرة مغددة نطق هاد الكلمة خلا الكل مستغرب من هاد الدخيل للموضوع مكتعلقش بيه ومعندو فيه لا يد و لارجل لأعين سارت عليه نظرة عتاب كتنبع من عيون خديجة... نظرة غيرة من عيون حفصة لجمعت يديها وعضات على فمها بإنزعاج ..صوبت نظراتها لعبير بعدما كانت كتشوف فيه خنزرات فيها كطلعها وتنزلها بحقد ...
نطقت المرأة بابتسامة مستغربة:ان شاء الله نهضرو من بعد على موضوع
نطقات خديجة ببسمة صفرا كتشوف فيه:جلس اولدي جلس بعدا
غمض عينيه وكرز على يديه ورجع عينيه فيها هي لكانت كترمقو بنظرات معرفش معناهم...حيد عينيه عليها كيزفر بعمق
جلس وصوب عينيه ليها مقابلها كيفاش كتهضر مع عائشة وتبعد في شعر لظاهر زعجها وكيبغي يحجب عليها الرؤية ....
مشات ليه عينيه بالصدفة لجهة لولد لمقابل معاه ...
خرج عينيه وحولهم فين كيشوف لقاه عينيه كتحوم عليها
تفاحة ادم طلعات ونزلات وتكا على الحيط دار رجل على رجل وعينيه ولات تحوم مابيناتهم تمشي ليها وترجع ليه حتى حس بكاع الأنظار حطات عليه الظاهر أنو هضرو معاه وكان غافل على حديثهم
تنهد وقاد جلستو وشاف في الأب لكان مزال كيهضر قائل: اش قلتي اولدي
حك حاجبو ونطق :عاود اسيدي سمحلي مسمعتكش
خلا خديجة باغا تاكل راسها من الحشمة....
تبسم السيد البالغ من العمر 60 سنة رجل باين عليه الوقار :جينا طالبين راغبين في يد بنتكم لولدنا الا قبلتو علينا
حرك راسو وشاف في ختو لخدودها يعكرو منها:اش بان ليك
هزات راسها بزز فيه وحدراتو :لدرتيه اخويا هبطات عينيها فورا ملي حسات بشي حاجة نزلات منها حبسات برجليها ووجها زاد تزنك ...تفرشات وقفارت عليها....
بعد مدة من الكلام تحطات الماكلة وتجمعو كياكلو و يتبننو و يشكرو في طياب خديجة
حذرات عينيها لبين رجليها وهي مغمضة عينيها لخوف لاعب عليها عارفا راسها زبلاتها وشورطها حاساه فازك ورجليها كذالك ولكن مزال عندها أمل صغير بحال الخيط الرقيق يكون غير تخيل ...
حلات عينيها وإذا بيها كتزيد تخرجهم كتلقى لبول دايز من تحت الطابلة ومشا جيهت حذيفة وحبس ..طلعات عينيها فيه لقاتو ممسوقش عينيه كتسارا مابين الماكلة وعبير ....
معرفات مادير الأرض كتحس بيها تلفات بيها فرشة خايبة دورات وجهها عليهم كاملين كلهم كتبنوو ويتكلمو في مواضيع مختلفة بغات تنوض ومعرفات كدير...
تلفتات عندها خديجة :كولي ابنتي مكلتيش
تبسمات بإحراج من نظرات لتصوبو ليها وهزات دغمة غمستها ودارتها بين ضراسها و كدور في عينيها عليهم حتى وقفتهم على عبير لكانت كتشوفيها....
بدات كتحاول تدير حركات بوجهها وتنعت ليها الأرض
مدونة عبير تقدم لكم قصص مغربية بالدارجة، قصص خيال تأخذك لعوالم ممزوجة بالخيال و الواقع، في مدونة عبير ستجدين دائما قصص عربية أيضا و قصص قصيرة و قصة مغربية وقصص رومنسية، قصص بالدارجة المغربية، قصص بولوسية، قصص واقعية. تابعو دائما جديدنا من أنامل مدونات موهوبات.
💞حب يتخطى حدود المنطق💞
❤البارت:157❤
تبعاتها عبير بعينيها .. نسات ناس ونسات كلشي ونزلات راسها دارت أنها باغا تجبد شي حاجة حتى خرجات عينيها من البول لدار بحيرة وواصل لسباط حذيفة بغات تخرج ليها الضحكة وحبساتها مزيرة على سنيها ..
طلعة لبغات تطلع جابتها في راسها ...حسات بدوخة ..راسها تطنطن وزعزع الطابلة ...
وقفات شادة في راسها كثرة الألم طججها مبقات عرفت فين غادا غير باغا تحيد من تما وصافي خرجات كالهربانة شادة في راسها ..
دخلات الطواليط ودارت شعرها كعكة ونزلات كتخوي عليها بلما لاربما تبرد ليها الدقة لمسيلتش دمها ولكن كانت قاصحة ....
هزات الفوطة كتمسح وجهها ناسيا راسها دايرا لماك اب حتى حيدتها ولقاتها مجلخة ...
حطاتها مكانها ودارت بغات تخرج حتى شافت نفس الولد لتزادحت معاه واقف في لباب كيشوف فيها ..
شافت فيه بإستفهام عاد دازت بغات تمر من حداه باش يتفاوت هو عاد زاد لصق
استغربات كتشوف فيه :ياك لباس خليني نزيد
رد:مزال كتحرقك الدقة
حركات راسها باه:شويا سمحلي ندوز
تبسم :علاش زربانة
خنزرات فيه :حيد خليني ندوز مالك وقفتي لي بحال الشجرة
تفاوت وهو كتبسم :هانا الالة بغينا غير نشوفوك كيف بقيتي
تنهدات:الحمد الله بارك الله وفيك اسيدي
زادت مخلياه كتنهد ويحك في شعرو
ضرب قلبها 2دقات ملي شافتو واقف قدامها تلفتات في الشاب لكان مزال لداخل ورجعات نظرها ليه هو لكيشوف فيها نظرات ممفهومينش
دازت من عليه مطبقا كلام عائشة حتى سمعاتو ناطق:ياك صافا
شافت فيه وخافت تسها فيه بلا ماتشعر كيف ولا يوقع ليها و نزلات عينيها:الحمد الله غير اللول لتقصحت
تنهد:ردي لبال لراسك
هزات فيه عينيها :علاش درتي هكاك قبيلا
حك حاجبو :معرفتش اش بان ليك نتي
حسات بقلبها زادو دقاتو بعدات وجهها عليه وحسات بيه كيشوف فيها ....
لمدة قليلة ورجعات ليه عينيها لقاتو مزال كيبحلق فيها بنظراتو الهايمين
تنهدات :علاش كتشوف فيا بحال هكا
تبسم:بحالاش
تبسمت بلا شعور:في شكل شوفت ماشي عاديين
وسع ابتسامتو وحك على شعرو :كي جاوك
تنهدات ونزلات عينيها كتحك في صبعها وكتحس بكرشها كتعصر :معرفتش
يالاه غادي يهضر خرج الشاب دورو عينيهم فيه لقاوه مصغر عينيه فيهم ...
تبسم لعبير مردد:ميكون عندك باس
ومر مكمل طريقو ويتلفت مرا مرا ليهم حتى غاب على ناظرهم
رجع كيشوف فيها بعدما غاب:اش كنتو كتهضرو في الحمام
حسات بشعرها تطلق مع كانت غير مديبانيا ....تسلل بشويا بشويا وانسادل على ظهرها بكل إنسيابية خلا عيونو تركز عليه
رمات يديها تبعد الشعيرات لطاحو على عينيها
وهزات راسها ملي حسات بيه زاد قرب منها ...
ما بقا يفصل بناتهم الا القليل حسات بقلبها غادي يسكت من قربو طلعات معاها ريحتو نفس ريحتو المعتادة لمبدلهاش واخا مرو سنتان ....
ركزات في عينيه لزاد جدبها لونهم وكتحس براسها كتغرق وسطهم حسات ببرودية يديه على جبينها كيبعد الشعر على عينيها ويدار ورا وذنيها ..ركزات في نظراتو لكانو واضحين وباينين واخا هي عميا فرزتهم حست بقلبها رفرف حست بيده دارت لدهرها وتحتحط ذراعو على خدها غمضات عينيها كتحس براسها مبلوكيا مقادراش تحرك ..جمع شعرها بقبضتو ودورها ليها الأمام وطلق منها بهدووء
خرجها من عالمها بصوت كالفحيح خفيف وثقيل قوي وهشيش :هاكا حسن
طلعات فيه عينيها وبرجوفية قلبها ورعشتها لمزال كتحس بيها كتسرا في ذاتها:علاش كدير هكاا
ركز نظراتو عليها حتى بعدت عينيها عليه كتشوف قدامها حتى طاحو عينيها على ....
💞حب يتخطى حدود المنطق💞
❤البارت:158❤
خديجة واقفة ومركزة بنظراتها ليهم
تحرجات عبير سرطات الغصة ورجعات ليه النظر كان مزال غارق فيها ...نيفها حدا نيفو ....رجعات خطوات الوراء وفي شعرها شدات يديها لتوترها المفرط .....
نزلات عينيها من عليه عاضة على شفاها ودازت من حداه في إتجاه خديجة ..
خلاتو تلفت متبعها حتى شاف خديجة لمتبعة عبير حتى مرت من حداها ورجعات ليه عينيها جايا في إتجاهو...
هو لكان داير يديه في جيبو كتسنا فيها ..عارف معنى شوفاتها... والمغزى منهم...
تنهدات وبصوت خافت:تبريت فيك هذاك النهار احذيفة لا وجهك ولاقيمتك و لا تربيتييسمحو ليك دير هادشي ياك كتعرف بينك وبين لخلقك نتا مزوج وهي مزوجة (بغا يهضر وهي تقاطعو عارفاه اش باغي يقول)مزال مرتو .......
وجهو حمار وحدر راسو ماقدرش ينطق حتى حرف عارف كلام مو صحيح ولكن قلبو مايعلم بيه غير الله اش يدير ماعيا يقاوم ويحبس راسو ولكن لعنة الحب رافقاتو من يوم شافها بعد غياب السنين
💢💢💢💢
لعنة الحب لا تندثر....رغم سنين...رغم العقبات....رغم المعيقات...و رغم الظروف الغير ملائمة... تبقى حبيسة الى أن تظهر منفجرة.......
تختفي وراء القضبان المغلقة وتنتظر الإفراج عنها في اللحظة الرائج أنها زالت ...
إنها لعنة لاتعترف بالمنطق ولا تنذثر بالصمت ......
💢💢💢💢
كلمة مقدرش يرددها بقا حادر راسو الا أن رجعت أدراجها مرددة "الله يهديك على نفسك"
......
خلاتو من وراه عاض على شفاهو مغدد... دخل الحمام سد لباب وحل الروبيني ...رش على وجهو قطراتمن الماا حتى حس براسو بدات البرودة كتكتسي ذاتو رما يديه لفوطة وهو مصغر عينيه..سرحها وتنهد ورجع كمشها وردها بلاصتها ....
خرج كيمسح على شعرو موجه لبيت لضحك مالي المكان وصوت رجال فايت النساء ...
دخل وعيونو نيشان مشات لوجه الأسمراني وعليه لصقات مابقات بغات تحيد جلس في مكانو ورما يديه لتفاحة الأمامو كيقشر فيها ......
حك حاجبو رما عينيه الأرض بالصدفة.. لقا أثار ضاية الماء حدا رجليه تبعها بعينيه حتى لرجلين سارة طلع عينيه فيها وهو كيشوف في رجليها كيغزلو ........
طلع وجهو لوجهها لكان اللون ساقط من وجهها و الإصفرار لاعب عليها وكتشوف فيه والبكية باغا تخرج ليها حابساها بالعضان على شفايفها ....
تبسيمة شقت شفايفو بلا قصد خلات الدمعة تنزل من عينيها ملي انسابت البولة ولات جالسة على الشوك مقادرا لاتحرك يمين ولا يسار خايفة لايشوفها شي حد من غير عبير وخديجة لمالقات كدير ليها وهي الأعين كاع مشارة ليها و اللون القفطان مامساعدش...
💞حب يتخطى حدود المنطق💞
❤البارت:159❤
تهز الديسير وتجمعت الطابلة ....تقادو الخواتم وعلى طبيلة مزينة بالورد والتمر و جبابن الحليب تحطو ..
وقفات سارة كارزة على رجليها بعدا على لمكان لجالسة فيه مخليا عبير رمات عليه فولار باش يتخبى المستور ...
توجهات البيت في لحظات الغفلة عليها لحضات كانو نظراتهم مصوبا لطبيلة العروس ...
تبعاتها عبير بعدما لقات نظرة على الأجواء دخلات لقاتها كتبكي وشهقة قاج جوفها تنهدات وطبطبات على كتفها بمواسات:دازت اسارة غير بردي تاحد ماشافك
بعدات عليها خنونتها كتسيل:شافني حذيفة فين غادي ندير وجهي دابا
تبسمات كتمسح ليها في عينيها: مافيها باس أنا راه شافني غيكلي عقلتي
تبسمات ناسية موضوعها:مافيها باس غير نتي اختي غبرتي شهر مبقايتي تباني بحال شي فارة
ردت عليها :لمهم داز حمدي الله مشافكش عريس الغفلة ودارهم ....خصوصا باه بزااف كاع
شهقات:نوضي بقا ليك غير سرير تعمريه
ناضت كتنثر :بقا فيا لحال غير على فاتن لختي زعما ياش تعاوني جلست كضحك عليا وناس معارفينها مالها شوهة صافي هاديك خيتي ...
باستغراب :ايمتا ماشفتهاش أنا
سارة:ملي ضريتي راسك وخرجتي
حركات راسها وبلمحة بصر مشات اللقطة لكانو مع بعضهم دق قلبها وسخفة شظتها من اللحظة فاقت على عيون سارة لكتقلب مابين لساوي على شي حاجة تلبسها :بف معجباتني ختى خاجة أختي اش ندير تاحاجة متحمر لوجه
سهات شحال وهي تهز عينيها فيه: نعطيك لقفطان ديالي ونلبس شي حاجة من عندك
و بالفعل داكشي لكان عطاتها لقفطان وبقات بديباردو وشورط واقفة تعزل فلي عجبهاا ...بقات لمدة.... مدة لكانت كفيلة بسارة تمسح وتعطر وترتدي لقفطان لجاها غزال وقفات كتعزل في لفولار لجيو معاه ورامية عينيها لعبير لستقراات على كسوة طويلة بدونطيل من لكتاف بلون الأزرق ...
لبساتها وتلفتات في سارة لكتقاد في فولار بالباج ناطقة:كيف جاتني
قادات الفولار ورمات أطرافو هل ظهرها مطلعاها بنظرة نت لفوق لتحت :جاتك غزالة غير كتافك معريين انا كنت لبس تحتها
حركات راسها عبير:زوينة وخفيفة
توجهات لباب:يالاه اسارة شويا وتلقاي خالتي جايا تجرنا
تبسمات وتبعاتها كتنفس شهيق وزفير متمنية ليلة تدوز بخير ومتزيدش تحاشم مع حذيفة....
💞حب يتخطى حدود المنطق💞
❤البارت:160❤
جلسات سارة حدا لعريس لمسمى ياسين والبسمة زادت نورات وجهها
شافيها ياسين وتبسم مقرب راسو لوذنيها:فين غبرتي وخليتيني
تبسمات كتشوف فيه:بدلت عليا
طلعها ونزلها:قفطان لبنت هذا
حركات راسها كتقاد في لفولار: عجبني ومردتهاش لي صحيبة في وجهي
تبسم ودار مكمل كلامو مع الأسمر لكان مجمع معاه ...
تلفتات سارة غمزات عبير ل كانت بدورها جالسة حدا المرأة لتلاقات معاها في الحمام ... لبلاصة لجراتها ليها عائشة بزز عليها
حطات يديها المرأة على فخد عبير حتى تلفتات كتشوف فيها
نطقات المرأة للإعجاب معمر عينيها :للبستيها تجي معاك
تبسمات مرددة:ريي يخليك اخالتي (سكتات لمدة بغا تغير لموضوع )واش كتجي لياسين
بإبتسامة :ولد ختي وبحال ولدي
حركات راسها باه
حتى سمعاتها نطقات:ولدي هو هذاك سْمير غادي تكون عايشة هضرات ليك عليه
حركات راسها باه بملل بعدما لقات عليه نظرة لقاتو منغامس بالحديث مع العريس
تبسمات :تمنيتو ليك ابنتي كيف قلت لعايشة ولدي مهندس دارو راسو وبطوموبيلتو يعيشك كلأميرة
تبسمات حفصة لكانت جالسة بجانبهم ونطقات كتشوف بعبير :مبروك أحبيبة من دابا متاساليني غير لكادو لمخير
شافت فيها عبير بإستغراب وهزات عينيها لحذيفة لوجهو تزنك وعينيه ليهم نظرة خاصة...
فهمات مغزاها ودقات قلبها شرعو في دقات ..غمضات ليه عينيها ومعارفاش علاش دارت هكاك بلا متشعر حسات بيه شويا وينفاجر ..دارت هكاك باش تحبس هذا هو لا شعور عند الإنسان كيكيدك دير لفعل بلا ماتفكر بالمنطق ولا الوقت ولا زمن
شافت في لمرأة بإبتسانة ولكن أحخالتي مقالتش ليك ماما راني مزوجة
ردت عليها المرأة :اه قالتها لي ولكن راه قاتلي واقفين على الطلاق ماشي مشكل راني تانا تزوجت وطلقت عاد تلاقيت بأب ولدي و الحمد الله هادي هي الدنيا
تنهدات رامية عينيها ليه وعاودات نزلاتهم ملي شافتو كيشوف في جهة أخرى :خالتي نفك حريرتي بعدا هي لشاغلاني ونكمل قرايتي أما زواج ماباغهش
جمعات ابتسامتها:وعلاش ياكما ماكتولديش
نزلات عينيها ساهية في الأرض وعاودات طلعاتهم فيه لقاتو كيشوف فيها كأنو كينتاظرها تكلم
مالقاتش من غير لحل تكذب باش تفك منها حيت حسات بيها حرجاتها حركات ليها راسهة باه
خلات الأخيرة فغرة فمها وإبتسامة حفصة ظهرت أمام كل نسات راسها ..أما حذيفة فركز فيها الشوفة لمدة قليلة ورجع حذرهم كيشوف في الأرض ....
قصص و روايات من صميم الواقع المغربي، لنا فيه بعض العبر. و يسرنا أيضا أن نقدم لكم باقة من روايات قصيره، قصص حب قصيرة، قصص حب واقعية، روايات بوليسية، روايه غرام.
إرسال تعليق