طريقة تحضير سيكار بالكاكاو - حلويات مغربية
*******
أهلا وسهلا بكم حباباتي في مدونة عبير النسائية. اليوم حبيت أقدم لكم
احدى ألذ المقبلات المغربية أو الحلويلت المغربية الأصيلة، و هي أصابع سيكار بالكاكاو معسلين من ألذ الحلويات المغربية لي تقدري تزيني بيها طاولتك في المناسبات و الحفلات و علاش لا حتى الأفراح، سيكار الكاكاو يمكنليك تحضريه بمكونات بسيطة بزاف و كتجي لديدة بزاف. حتى
لا أطيل عليكم، نخليكم مع المقادير و طريقة تحضير السيكار بالكاكاو
المقادير
- 250غ منالكاكاو المحمر فالفران و مقشر و مطحون
- 125غ من سكر سنيدة
- 2 معالق كبار من ماء الزهر
- ملعقة كبيرة من زبدة الحلويات
- نصف كلغ من ورقة بسطيلة كبير الحجم
- زيت نباتية للقلي
- نصف كأس من العسل
- 50غ من الكاكاو محمر و مهرمش
طريقة التحضير
الحشوة: نوضعو الكاكاو المطحون و سنيدة و الزبدة و القرفة و ماء الزهر في إناء مقعر متوسط الحجم كلهم مع بعضهم، ثم نخلطو المكونات مع بعضها حتى كتجمع مكونات حشوة سيكار الكاكاو كاملة مزيان.
أصابع سيكار الكاكاو: نقطعو ورقة البسطيلة على 8 مثلثات و ندهنوهوم بالزبدة دايبة، و نصنعو بعجين الحشوة أصابع صغيرة، من بعد نحطو كل أصبح من الحشوة في قاع مثلث ورقة البسطيلة و نبداو نلويو الورقة على الحشوة حتى نوصلو لراس المثلث و نسدو سيكار الكاكاو بأصفر بيضة.
نقليو أصابع سيكار الكاكاو فزيت على درجة حرارة متوسطة. من بعد نرقدوهوم فالعسل سخون بين ساعة و ساعة و نصف باش يتعسلو مزيان. من بعد مانجبدو أصابع سيكار الكاكاو نرشوهوم بالكاكاو المهرمش و يمكنليك ديري زواقا بالكاكاو مهرمش بالطريقة لي تحبي. و بصحة و الراحة.
كاين بزاف الأنواع ديال السيكار بالكاكاو، مثل سيكار بحشوة الشوكولا و الكاكاو و سيكار بكريم باتيسري و الكاكاو و غيرها من الطرق المختلفة اللي معروفة بيها الحلويات المغربية المتنوعة، المواضيع المقبلة انشاء الله غانحطو ليكم أنواع أخرى من سيكار بالكاكاو. ماتنساوش تابعونا على الفيسبوك، تويتر أو أنستاغرام
 |
| طريقة تحير سيكار بالكاكاو، سيكار بالكاكاو، سيكار معسلين، حلويات مغربية، حلويات عربية، سيكار بالشوكولا و الكاكاو، عمل سيكار بالكاكاو، مقبلات مغربية |
إرسال تعليق